English | Telugu
నాయుడుగారి కుటుంబం నుంచి మూడో హీరో!
Updated : Dec 2, 2017
కాస్త సినిమా పరిజ్ఙానం ఉన్న ఎవరికైనా సరే... నిర్మాత సురేశ్ బాబు తనయుడు అభిరామ్ గురించి తెలవకుండా ఉండదు. సురేశ్ ప్రొడక్షన్ కి సంబంధించిన కార్యక్రమాల్లో అభిరామ్ చురుగ్గా పాల్గొంటూ ఉంటాడు. అంతేకాదు.. ‘కాంట్రవర్సీ పర్సన్’ అనే పేరు కూడా అభిరామ్ కి ఉంది. గతంలో జరిగిన కొన్ని పరిణామాలు అతనికి ఆ పేరు తెచ్చిపెట్టి ఉండొచ్చు. కానీ... నిజానికి అభిరామ్ వ్యక్తిత్వం ఎలాంటిదో ఎవరికీ తెలీదు. ఇప్పుడు ఆ కుర్రాడి టాపిక్ దేనికి? అంటారా? విషయం ఏంటంటే.. త్వరలోనే అభిరామ్ హీరోగా తెరంగేట్రం చేయబోతున్నాడు. సురేశ్ ప్రొడక్షన్స్ పతాకంపై తన తండ్రి సురేశ్ బాబే ఈ చిత్రాన్ని నిర్మించనుండటం విశేషం.
దర్శకుడు భానుశంకర్ ఈ చిత్రానికి దర్శకుడు. అతను చెప్పిన కథ.. సురేశ్ కీ, అభిరామ్ కి కూడా నచ్చడంతో ఈ ప్రాజెక్ట్ పట్టాలెక్కనుందట. ముంబాయ్ భామ మాళవిక శర్మను కథానాయికగా ఫిక్స్ చేయడం కూడా జరిగిపోయింది. అభిరామ్ హీరోగా లాంచ్ అవుతున్న సందర్భాన్ని పురస్కరించుకొని... త్వరలోనే రామానాయుడు స్టూడియోలో ఓ భారీ వేడుకను నిర్వహించనున్నాడట నిర్మాత సురేశ్ బాబు. ఈ వేడుకకు ఇండస్ట్రీలోని టాప్ హీరోలందరూ హాజరవ్వనున్నారని టాక్. ఇప్పటికే రామానాయుడు ఫ్యామిలీ నుంచి వెంకటేశ్, రానా హీరోలు పరిచయమై మంచి పొజిషన్లో ఉన్నారు. ఇప్పుడు ముచ్చటగా మూడో హీరో రాబోతున్నాడన్నమాట. బెస్ట్ ఆఫ్ లక్ అభిరామ్.