English | Telugu

30 ఏళ్ళు వెనక్కి వెళ్తున్న రజనీకాంత్.. ఇదే జరిగితే ఒక సంచలనమే

సూపర్ స్టార్ తలైవా రజనీకాంత్(Rajinikanth),అక్కినేని నాగార్జున(Akkineni Nagarjuna)విభిన్న చిత్రాల దర్శకుడు 'లోకేష్ కనగరాజ్'(Lokesh Kanagaraj) కాంబోలో 'కూలీ'(Coolie)తెరకెక్కుతున్న విషయం తెలిసిందే. ఆగస్టు 14 న వరల్డ్ వైడ్ గా విడుదల కాబోతున్న ఈ మూవీపై అభిమానులతో పాటు ప్రేక్షకుల్లో భారీ అంచనాలు ఉన్నాయి. అనిరుద్ రవిచంద్రన్ మ్యూజిక్ అని అందిస్తున్నాడు. దీంతో మ్యూజిక్ పరంగా కూడా ఈ చిత్రం సంచలనం సృష్టించడం ఖాయమనే నమ్మకం ఏర్పడింది. గతంలో రజనీ, అనిరుద్ కాంబోలో వచ్చిన 'జైలర్' మూవీలోని 'హుకుం' సాంగ్ సృష్టించిన సంచలనం తెలిసిందే.

రీసెంట్ గా 'కూలీ నుంచి 'చికిటు' అనే మాస్ సాంగ్ రిలీజ్ అయ్యింది. రజనీ ఇమేజ్ కి తగ్గట్టుగా సాగిన సాంగ్ ట్యూన్ ,లిరిక్స్ అభిమానులతో పాటు ప్రేక్షకులని ఉర్రూతలూగిస్తున్నాయి. సాంగ్ కి సంబంధించి రిలీజ్ చేసిన అఫిషియల్ మ్యూజిక్ వీడియోలో రజనీ మరో సారి తన హుక్ స్టెప్స్ ని సూపర్ గా చేసాడు. ఈ విషయంపై అనిరుద్ మాట్లాడుతు 'చికుటు' పాటకి డాన్స్ చెయ్యడానికి రజనీ ఎంతగానో కష్టపడ్డారు. ఒక సవాలుగా తీసుకొని తన వింటేజ్ స్టైల్లో అద్భుతంగా డాన్స్ చేసారు. ఆ విజువల్స్ చూసి మేమంతా ఆశ్చర్యపోయాం. ముప్పై ఏళ్ళ క్రితం రజనీ ఎలా డాన్స్ చేసారో ఇప్పుడు అలాగే చేసారని అనిరుద్ చెప్పుకొచ్చాడు.

జైలర్ ని నిర్మించిన సన్ పిక్చర్స్ 'కూలీ' ని భారీ వ్యయంతో నిర్మిస్తుండగా 'శృతి హాసన్'(Shruthi Haasan)హీరోయిన్ గా చేస్తుంది. ఉపేంద్ర, సౌభిన్ షాహిర్, సత్యరాజ్, తదితరులు కీలక పాత్రలు పోషించారు. ప్రముఖ హీరోయిన్ పూజాహెగ్డే(Pooja Hegde)ప్రత్యేక గీతంలో అలరించబోతుంది. అగ్ర హీరో అమీర్ ఖాన్(Amir Khan)కూడా ఒక గెస్ట్ రోల్ లో కనిపించబోతున్నాడు.



ప్రియుడి ఫోటోలు డిలీట్ చేసిన హీరోయిన్.. పెళ్లి క్యాన్సిల్!

ఐకాన్ స్టార్ అల్లు అర్జున్, స్టార్ డైరెక్టర్ త్రివిక్రమ్ కాంబినేషన్ లో వచ్చిన 'అలవైకుంఠ పురం' సాధించిన విజయం తెలిసిందే. ఈ చిత్రంలో సెకండ్ హీరోయిన్ కేటగిరి లో మెరిసిన భామ 'నివేత పేతురేజ్'. ఈ ఏడాది ఆగష్టులో సోషల్ మీడియా వేదికగా నివేత మాట్లాడుతు నేను దుబాయ్ కి చెందిన ప్రముఖ వ్యాపార వేత్త రజిత్ ఇబ్రాన్ తో  రిలేషన్ లో ఉన్నట్టుగా వెల్లడి చేసింది. వెల్లడి చెయ్యడమే కాదు ఇంట్లో పెళ్లి పనులు కూడా ప్రారంభమయ్యాయని వచ్చే ఏడాది జనవరిలోనే మ్యారేజ్ ఉంటుందని చెప్పుకొచ్చింది. దీంతో అభిమానులతో పాటు పలువురు నెటిజన్స్ నివేత కి కంగ్రాట్స్ చెప్పారు. కానీ ఇప్పుడు ఆ పెళ్లి పెళ్లి పీటల వరకు వెళ్లేలా లేదనే అనుమానాన్ని కొంత మంది వ్యక్తం చేస్తున్నారు.