మాన్ ఆఫ్ మాసెస్ ఎన్టీఆర్(Ntr)గత ఏడాది 'దేవర'(Devara)తో బిగ్గెస్ట్ బ్లాక్ బస్టర్ ని అందుకున్న విషయం తెలిసిందే.సుమారు 500 కోట్ల దాకా గ్రాస్ ని రాబట్టిన 'దేవర',సిల్వర్ స్క్రీన్ వద్ద ఎన్టీఆర్ కి ఉన్న చరిష్మా ఏ పాటిదో మరోసారి చాటి చెప్పింది.ఇప్పుడు ఈ మూవీ జపాన్ దేశంలో జపాన్ లాంగ్వేజ్ లోనే ఈ నెల 28 న అత్యధిక థియేటర్లో విడుదల కాబోతుంది.

ఈ సందర్భంగా ప్రమోషన్స్ కోసం ఎన్టీఆర్ జపాన్(Japan)బయలుదేరి వెళ్ళాడు.ప్రమోషన్స్ లో భాగంగా జరిగే మీడియా సమావేశంలో దేవర కి సంబంధించిన పలు విషయాలని అక్కడి ప్రేక్షకులతో పంచుకోవడంతో పాటు,అభిమానులని ఉద్దేశించి కూడా ప్రసంగించనున్నాడు.ఈ మేరకు ఎన్టీఆర్ ఏం మాట్లాతాడనే ఆసక్తి అందరిలో మొదలైంది.'ఆర్ఆర్ఆర్' తో జపాన్ లో ఎన్టీఆర్ కి ప్రత్యేకంగా ఫ్యాన్ బేస్ ఏర్పాటయిన విషయం తెలిసిందే.ఈ నేపథ్యంలో అక్కడి అభిమానుల కోసం ఎన్టీఆర్ జపాన్ భాషలో ఏమైనా మాట్లాతాడా అనే విషయాన్నీ కూడా అభిమానులు చర్చించుకుంటున్నారు.ఇక దేవర ప్రమోషన్స్ కోసం జపాన్ వెళ్తానని ఎన్టీఆర్ గతంలోనే చెప్పిన విషయం తెలిసిందే.దీంతో ఇచ్చిన మాటని ఎన్టీఆర్ నిలబెట్టుకున్నాడని అభిమానులు సోషల్ మీడియా వేదికగా కామెంట్స్ చేస్తున్నారు.

కొన్ని రోజుల క్రితం జపాన్ లో దేవర ప్రత్యేక ప్రివ్యూ స్క్రీనింగ్ జరిగింది.మూవీ రిలీజ్ చేయడానికి ముందు,ప్రేక్షకుల స్పందనను అంచనా వేయడానికి 'షో' వెయ్యడం జరుగుతుంది.ఈ స్క్రీనింగ్‌కి వివిధ వర్గాల ప్రజలను ఆహ్వానించి,ప్రశ్నాపత్రాలు లేదా ఇతర మార్గాల ద్వారా వారి అభిప్రాయాలని తెలుసుకుంటారు.దీంతో చిత్రబృందం తమ సినిమాని మెరుగుపరచడానికి, మార్పులు చేయడానికి అవసరమైన అభిప్రాయాలను సేకరిస్తుంది.దేవర ప్రైవేట్ ప్రివ్యూ స్క్రీనింగ్‌లో బ్లాక్ బస్టర్ టాక్ వచ్చింది.మూవీ చూసిన జపాన్ సినీ ప్రేమికులు జపాన్ భాషలో సోషల్ మీడియా(Social Media)వేదికగా ట్వీట్ లు చేస్తున్నారు.వాటి తాలూకు వీడియోస్ సోషల్ మీడియాలో గత కొన్ని రోజుల నుంచి వైరల్ గా మారాయి.