English | Telugu
తొలి మెగా 'హీరోయిన్' వస్తోంది!
Updated : Aug 31, 2015
మెగా ఇంట్లోంచి హీరోలు చాలామంది వచ్చారు... వస్తూనే ఉన్నారు. చిరంజీవి నుంచి మొదలైన ఆ ప్రస్థానం, పవన్ కల్యాణ్, రామ్చరణ్, బన్నీ, వరుణ్తేజ్, సాయిధరమ్ తేజ్, అల్లు శిరీష్ - ఇలా అప్రహిహాతంగా కొనసాగుతూనే ఉంది. అయితే ఆ ఇంటి నుంచి ఇప్పటి వరకూ హీరోయిన్ మాత్రం రాలేదు. ఆలోటు తీర్చబోంది నీహారిక.
నాగబాబు తనయ... నిహారిక ప్రస్తుతం ఈటీవీ నిర్వహిస్తున్న ఓ రియాలిటీ షోకి యాంకర్గా వ్యవహరిస్తోంది. నిహారికని హీరోయిన్గా చేయాలన్నది నాగబాబు కోరిక. దానికి తగ్గట్టు.. వెండి తెరపై అడుగుపెట్టాలని నిహారిక కూడా గట్టిగా కృషి చేస్తోందట. నిన్నా మొన్నటి వరకూ `సినిమాల్లో నటిస్తావా నిహారికా` అని అడిగితే ` ఆ ఉద్దేశం లేద`ని చెప్పిన ఈ అమ్మాయి ఇప్పుడు సడన్ గా రూటు మార్చింది. `మా ఇంట్లో సినిమా వాతావరణమే ఉంటుంది. చిన్నప్పటి నుంచీ ఆ వాతావరణంలోనే పెరిగా. నాకూ.. ఆ గాలి సోకింది` అంటూ సమాధానం ఇస్తోంది.
నిహారిక కోసం కొంతమంది దర్శకులు ఇప్పుడే ప్రయత్నాలు మొదలెట్టేశారు. నాగబాబు కూడా నిహారిక ప్రాజెక్ట్స్పై దృష్టి పెట్టారట. ఓ క్రేజీ సినిమాతో నిహారికను లాంఛ్ చేయాలని నాగబాబు డిసైడ్ అయ్యారని తెలుస్తోంది. ఇంకేముంది?? తొలి మెగా హీరోయిన్గా నిహారిక త్వరలోనే వెండితెరపై చూడడానికి సమయం ఆసన్నమైందన్నమాట.