దసరా, హాయ్ నాన్న, సరిపోదా శనివారం వంటి వరుస హిట్స్ తో దూసుకుపోతున్న నాచురల్ స్టార్ నాని(Nani)తన అప్ కమింగ్ మూవీ 'హిట్ 3'(Hit 3)ప్రమోషన్స్ లో బిజీగా ఉన్నాడు. మే 1 న పాన్ ఇండియా వ్యాప్తంగా విడుదల కాబోతున్న ఈ మూవీపై నాని అభిమానులతో పాటు ప్రేక్షకుల్లో కూడా భారీ అంచనాలు ఉన్నాయి. ప్రచార చిత్రాలు కూడా అందుకు తగ్గట్టుగానే ఉండటంతో రికార్డులే తరువాయి అని కూడా అభిమానులు నమ్ముతున్నారు.

రీసెంట్ గా నాని కొన్ని ఆంగ్ల మీడియా ఛానల్స్ తో 'హిట్ 3 ' కి సంబంధించిన పలు విషయాలని పంచుకున్నాడు. ఈ సందర్భంగా ఒక అభిమాని నానితో తన దగ్గర ఒక మంచి కథ ఉందని చెప్పగానే నాని అతన్ని స్టేజ్ పైకి పిలిచి అతని దగ్గర ఉన్న కథని తీసుకున్నాడు. అనంతరం అభిమానితో మాట్లాడుతు తప్పకుండా కథ చదివి రిప్లై ఇస్తాను. మిమ్మల్ని చూస్తుంటే సినిమాపై మీకున్న అభిమానం కనిపిస్తుంది. ఏదో ఒక రోజు తప్పకుండా గొప్ప దర్శకుడు అవుతావని అతన్ని ఆప్యాయంగా కౌగిలించుకున్నాడు. ప్రస్తుతం ఈ వీడియో సోషల్ మీడియాలో వైరల్ గా మారింది.

హిట్ 3 లో 'అర్జున్ సర్కార్' అనే పవర్ ఫుల్ పోలీస్ ఆఫీసర్ గా నాని కనిపిస్తుండగా 'కెజీఎఫ్' ఫేమ్ శ్రీనిధి శెట్టి(Srinidhi Shetty)హీరోయిన్ గా చేస్తుంది. శైలేష్ కొలను దర్శకత్వంలో ప్రశాంతి తిప్పరనేని, నాని సంయుక్తంగా నిర్మిస్తున్నారు. సూర్య శ్రీనివాస్, ఆదర్శ్ బాలకృష్ణన్, బ్రహ్మాజీ, రవి మరియ తదితరులు కీలక పాత్రలు పోషిస్తుండగా అడవి శేష్ క్యామియో అప్పీరియన్సు ఇస్తున్నాడు. మిక్కీ జె మేయర్ సంగీత దర్శకుడు.