2021లో ఓటీటీలో విడుదలైన మా ఊరి పొలిమేర కి సీక్వెల్ గా గత నెల ప్రారంభంలో థియేటర్స్ లో కి అడుగుపెట్టి మంచి విజయం సాధించిన మూవీ మా ఊరి పొలిమేర 2 . ఉరఫ్ పొలిమేర 2 .పెద్ద సినిమాలని సైతం తట్టుకొని మంచి కల్లెక్షన్లని రాబట్టిన ఈ మూవీ కి సంబంధించిన తాజా న్యూస్ ఒకటి సినీ అభిమానుల్లో జోష్ ని తీసుకొచ్చింది. మరిన్ని ఎన్నో సినిమాలకి ఇన్స్పిరేషన్ గా కూడా నిలిచింది. ఇప్పుడు ఈ మూవీ ఇంకో సరికొత్త రూపాన్ని సంతరించుకొని ప్రేక్షకుల ముందుకు రాబోతుంది.

సత్యం రాజేష్ ,బాలాదిత్య ,సాహితి దాసరి లు ప్రధాన పాత్రల్లో వచ్చిన పొలిమేర 2 ఇప్పుడు ఆహా వేదికగా డిసెంబర్ 8 నుంచి స్ట్రీమింగ్ కానుంది. ఈ మేరకు చిత్ర బృందం అధికారికంగా ఒక పోస్టర్ ని కూడా విడుదల చేసింది. పొలిమేర 1 లో కొమరయ్య తమ్ముడైన జంగయ్యకి తన అన్న కొమ్మరయ్య నిజంగానే చేతబడులు చేస్తాడని తెలియడంతో పాటుగా చేతబడి చేసి చంపాడని అనుకుంటున్న కవిత తన అన్న కలిసి వేరే రాష్ట్రానికి పారిపోయారని కూడా జంగయ్యకి తెలిసినట్టుగా చూపించారు. ఇప్పుడు పార్ట్ 2 లో జంగమయ్య తన అన్న కొమరయ్యని పట్టుకున్నాడా? అసలు కొమరయ్య కవితలు దేని కోసం ఆ నాటకం ఆడారు అనే ప్రశ్నలకి క్లారిఫై ఇచ్చారు .

శ్రీ కృష్ణ క్రియేషన్స్ పతాకంపై అనిల్ విశ్వనాథ్‌ దర్శకత్వంలో వచ్చిన ఈ పొలిమేర 2 కి గ్యాని సంగీతాన్ని అందించగా ఖుషేందర్‌ రమేష్‌ రెడ్డి కెమెరా బాధ్యతలని నిర్వర్తించాడు. సినిమా ఆసాంతం ఎక్కడ బోర్ కొట్టకుండా మంచి సస్పెన్సు ని కలిగిస్తుంది. ఎట్టి పరిస్థితుల్లోను మా ఊరి పొలిమేర 2 ని మిస్ అవ్వకుండా చూడండి.