ఇలియానా.. కొన్ని సంవత్సరాల క్రితం తెలుగు కుర్రకారు కలల యువరాణి గా తెలుగు సినిమాల్లో ఒక వెలుగు వెలిగిన అందాల భామ. అలాగే ఇలియానా లాగా స్లిమ్ గా ఉండాలని ట్రై చేసిన అమ్మాయిలు కూడా ఎంతో మంది ఉన్నారంటే అతిశయోక్తి కాదు. తెలుగు చిత్ర పరిశ్రమలో ఉన్న దాదాపు అందరి టాప్ హీరోల సరసన నటించిన ఇలియానా కి సౌత్ మొత్తంలోనే కోటి రూపాయిలు రెమ్యునరేషన్ తీసుకున్న రికార్డు ఉంది. తన కంటు సొంతంగా అభిమానులని కూడా సంపాదించుకున్న ఇలియానా గురించి వస్తున్న ఒక న్యూస్ ప్రస్తుతం హాట్ టాపిక్ అయ్యింది.

ఇలియానా తన సినీ కెరీర్ పీక్ లో ఉన్నప్పుడే ప్రేమించి పెళ్లి చేసుకుంది. కానీ తన భర్తని మాత్రం ఒక పిల్లవాడు పుట్టాకే అందరికి పరిచయం చేసింది. ఇప్పుడు ఇలియానా ఇండియా నుంచి శాశ్వతంగా వెళ్లిపోతుందనే ప్రచారం జరుగుతుంది. ఆమె పెళ్లి చేసుకున్న మైకల్ డొలాన్ అమెరికా పౌరుడు కావడంతో ఇలియానా అక్కడే సెటిల్ అవ్వబోతుందనే మాటలు వినిపిస్తున్నాయి. తెలుగులో మహేష్ బాబు పవన్ కళ్యాణ్ ఎన్టీఆర్,ప్రభాస్, అల్లు అర్జున్ ,రవితేజ, రామ్ పోతినేని వంటి టాప్ హీరోలందరి సరసన నటించింది.

తెలుగు సినిమా పరిశ్రమలో తన కెరీర్ పీక్ లో ఉన్నప్పుడే ఇలియానా బాలీవుడ్ లోకి అడుగుపెట్టి రణబీర్, సైఫ్ అలీ ఖాన్ , వరుణ్ ధావన్, షాహిద్ కపూర్, గోవింద, అక్షయ్ కుమార్, అజయ్ దేవగన్ లాంటి బడా నటులతో కలిసి నటించింది. ఆ తర్వాత అక్కడ అవకాశాలు లేక మళ్ళీ తెలుగు లో కొన్ని సినిమాలు చేసింది.కానీ సరైన బ్రేక్ వచ్చిన సినిమా ఏది లేక పోవడంతో నిర్మాతలు ఇలియాని పట్టించుకోవడం మానేశారు. తెలుగు తమిళ కన్నడ హిందీ భాషల్లో కలిపి మొత్తం 30 సినిమాలకి పైగా నటించిన ఇలియానా ఉత్తమ నటి కేటగిరిలో ఎన్నో అవార్డుల్ని సైతం గెలుచుకుంది. ఇలియానా ఇండియా వదిలి వెళ్లిపోతుందనే వార్తలతో ఆమె అభిమానులు మాత్రం ఇలియానా ఇక్కడే ఉండి మరిన్ని సినిమాల్లో నటించాలని కోరుకుంటున్నారు.