English | Telugu
కృష్ణాష్టమికి గోపాల గోపాల మొదటి దర్శనం
Updated : Jul 25, 2014
టాలీవుడ్ మోస్ట్ అవేటెడ్ మూవీ "గోపాల గోపాల" చిత్రం గురించి పరిశ్రమల్లో, అభిమానుల్లో నెలకొన్న ఆసక్తి గురించి విడిగా చెప్పనవసరం లేదు. పవన్ కళ్యాణ్ మోడరన్ కృష్ణుడిగా ఎలా వుంటాడా అని అభిమానులు ఎంతో ఆసక్తిగా ఎదురుచూస్తున్నారు. ఈ ఎదురుచూపులు ఆగస్టు 17 న ముగియనున్నాయి. గోపాల గోపాల టైటిల్కి అనుగుణంగా ఈ చిత్రం ఫస్ట్లుక్ ను కృష్ణాష్టమి రోజున విడుదల చేయబోతున్నారని టాలీవుడ్ వర్గాలు చెప్పుకుంటున్నారు.
అలాగే అక్టోబర్ 23న దీపావళి పండుగ రోజున ఈ చిత్రాన్ని విడుదల చేసేందుకు సిద్దపడుతున్నట్లు తెలిస్తోంది. బాలీవుట్ చిత్రం ఓ మై గాడ్ రీమేక్ గా వస్తున్న ఈ చిత్రంలో వెంకటేష్, పవన్ కలిసి నటిస్తున్న సంగతి తెలిసిందే. ఈ సినిమాలో వెంకటేశ్ సరసన శ్రీయా నటిస్తోంది. మిథున్ చక్రవర్తి, పోసాని, ప్రియమణి ఇతర ముఖ్య పాత్రల్లో కనిపించనున్నారు.