English | Telugu
రాజు గారి చేతిలో 'భలే మంచి రోజు'
Updated : Dec 7, 2015
ఈ సంవత్సరం నిర్మాత దిల్ రాజు పట్టిందల్లా బంగారం అయ్యింది. 2015 టాలీవుడ్ మోస్ట్ సక్సెస్ ఫుల్ నిర్మాత, డిస్ట్రిబ్యూటర్ ఎవరంటే ? దిల్ రాజే అని చెప్పాలి. ఈ సంవత్సరం ‘పటాస్’ తో మొదలైన ఆయన విజయయాత్ర ‘బాహుబలి’, రుద్రమదేవి, రీసెంట్ గా కుమారి కుమారి 21 ఎఫ్ వరకు కొనసాగుతూనే వుంది. ఇప్పుడు దిల్ రాజు చేయి ఓ చిన్న సినిమాపై పడడంతో ఆ సినిమా టాక్ ఆఫ్ ది ఇండస్ట్రీ గా నిలిచింది. ఆ సినిమా మరేదో కాదు.. సుధీర్ బాబు నటించిన ‘భలే మంచి రోజు’. ఈ మధ్యే ప్రివ్యూ చూసిన రాజు మరో ఆలోచన లేకుండా నైజాం ఏరియా రైట్స్ కోసం నిర్మాతల చేతిలో అడ్వాన్స్ పెట్టేశాడట. ఇక రాజు హ్యాండ్ పడటంతో సుధీర్ బాబు కూడా చాలా హ్యాపీగా వున్నాడట. ఈ నెల 25న ప్రేక్షకుల ముందుకు రాబోతున్న ఈ సినిమా సుధీర్ బాబు కోరుకుంటున్న భలే మంచి హిట్ ఇస్తుందేమో వేచి చూడాలి.