English | Telugu
హెట్ స్టోరీ-2 సినిమా బ్యాన్కు డిమాండ్
Updated : Jul 22, 2014
హెట్ స్టోరీ-2 హిందీ చిత్రాన్ని బ్యాన్ చేయాలంటూ కర్ణాటక అసెంబ్లీలో జెడిఎస్ సభ్యులు డిమాండ్ చేశారు. ఈ చిత్రంలో వున్న దృశ్యాలు నేరాలను పురికొల్పే విధంగా వున్నాయని వారు వాదించారు. హేట్ స్టోరీ-2 సినిమాలో సీన్లు అవివేకులపై ప్రభావం చూపించి స్త్రీల మీద దాడి చేసే ఆలోచనలు కలిగించే విధంగా వున్నాయని, అందుచేత సినిమా ప్రదర్శన నిలిపివేయాలని వైఎస్ వి దత్తా కోరారు.
సినిమా చూసి ఆ విషయం గురించిన రిపోర్టు అందించాల్సిందిగా ఆ రాష్ట్ర హోం మత్రి కేజే జార్జ్ పోలీసులును ఆదేశించారు.
విశాల్ పాండ్య దర్శకత్వంలో వచ్చిన ఈ సినిమా ఈనెల 18న విడుదల అయ్యింది. ఈ సినిమాలో సుషాంత్ సింగ్, సుర్వీన్ చావ్లా, జయ్ భానుశాలి ముఖ్య పాత్రలు నటించారు. ఇంటర్ నెట్లో విశేష ఆదరణ పొందిన సన్నీలియోన్ 'పింక్ లిప్స్' పాట ఈ చిత్రంలోనిదే.