English | Telugu
వర్మ, నాగచైతన్య బెజవాడ రౌడీలు ప్రారంభం
Updated : May 12, 2011
వర్మ, నాగచైతన్య "బెజవాడ రౌడీలు" ప్రారంభం అయ్యిందని విశ్వసనీయ వర్గాల ద్వారా అందిన సమాచారం. వివరాల్లోకి వెళితే యునైటెడ్ మూవీస్ పతాకంపై, యువ హీరో అక్కినేని నాగచైతన్య హీరోగా, వివేక్ కృష్ణను దర్శకుడిగా పరిచయం చేస్తూ, శ్రేయ ప్రొడక్షన్స్ పతాకంపై, ప్రముఖ దర్శక, నిర్మాత రామ్ గోపాల వర్మ, కిరణ్ కుమార్ కోనేరు సంయుక్తంగా నిర్మిస్తున్న చిత్రం "బెజవాడ రౌడీలు". నాగచైతన్య "బెజవాడ రౌడీలు" మూవీని వందిత కోనేరు సమర్పిస్తున్నారు. విజయవాడలో గతంలో జరిగిన, ప్రస్తుతం జరుగుతున్న రౌడీ రాజకీయాల మధ్య జరిగే ఆధిపత్యపోరే ఈ చిత్రం కథాంశం అని తెలుస్తున్నది.
నాగచైతన్య "బెజవాడ రౌడీలు" సినిమా ఇటీవల విజయవాడలో ఘనంగా ప్రారంభమైంది. ఈ షెడ్యూల్ మే నెల 27 వరకూ విజయవాడ, ఆ పరిసర ప్రాంతాల్లో జరుగుతుంది. అనంతరమ జూన్ లో, ఆగస్టులో నాగచైతన్య "బెజవాడ రౌడీలు" మూవీ షూటింగ్ పూర్తిచేసి అక్టోబర్ లో దసరా పరవదినం సందర్భంగా రిలీజ్ చేయటానికి ఈ చిత్రం యునిట్ సన్నాహాలు చేస్తోంది. తండ్రి యువసామ్రాట్ అక్కినేని నాగార్జునతో "శివ" వంటి ట్రెండ్ సెట్టర్ సినిమా తీసిన రామ్ గోపాల వర్మ అతని కొడుకు నాగచైతన్యతో నిర్మిస్తున్న "బెజవాడ రౌడీలు" కూడా ఆ రేంజ్ లో హిట్ చేయగలదో...లేడో....వేచి చూడాలి.