English | Telugu
కరోనా హాస్పిటల్ లో 101 వ బర్త్ డే జరుపుకున్న పెద్దాయన..
Updated : Jul 15, 2020
ముంబైకి చెందిన 100 సంవత్సరాల వయసున్న రిటైర్డ్ ప్రభుత్వ పాఠశాల హెడ్ మాస్టర్ అర్జున్ గోవింద్ నారింగ్రేకర్ కొద్దీ రోజుల క్రితం కరోనా బారిన పడ్డారు. జ్వరం, దగ్గు లక్షణాలు కనిపించడంతో పరీక్షలు చేయగా జులై 1న కరోనా పాజిటివ్ నిర్ధారణ అయింది. దీంతో ఆయన ముంబైలోని బాలాసాహెబ్ థాక్రే ట్రామా కేర్ హాస్పిటల్ లో చేరారు. 12 రోజుల చికిత్స తర్వాత అయన పూర్తిగా కోలుకున్నారు. అంతే కాకుండా బుధవారం ఆయన పుట్టిన రోజు అని అయన కుటుంబ సభ్యులు తెలపడంతో అక్కడి వైద్యులు, సిబ్బంది ఎంతో ఉత్సాహంతో ఒక చాకొలేట్ కేక్ తెప్పించి నారింగ్రేకర్తో కట్ చేయించి ఆయనకు తినిపించారు. ఇలా అయన తన 101వ జన్మదినాన్ని తనను కాపాడిన హాస్పిటల్ లోనే జరుపుకుని తరువాత నిన్ననే డిశ్చార్జ్ అయ్యారు. ప్రస్తుతం హాస్పిటల్ లో జరిగిన అయన బర్త్ డే వీడియో సోషల్ మీడియాలో వైరల్ అవుతోంది.