పెళ్ళిమండపం నుండి స్వప్న జంప్.. బాధలో కనకం!
స్టార్ మా టీవీలో ప్రసారమవుతున్న సీరియల్ 'బ్రహ్మముడి'. ఈ సీరియల్ బుధవారం నాటి ఎపిసోడ్ -32లో.. స్వప్న పెళ్ళికి రెడీ అవుతూ.. అందరినీ వదిలి వెళ్లిపోతున్నాననే బాధతో కావ్య, అప్పులను పట్టుకొని ఏడుస్తుంది. నువ్వేం భయపడకు అక్కా.. నీకు నచ్చిన అతన్ని పెళ్ళి చేసుకుంటున్నావ్ అని కావ్య అంటుంది. అప్పు ఎలాగైనా బతికేస్తుంది.. నీ గురించే భయంగా ఉంది కావ్య.. చిన్నప్పటి నుండి నువ్వు మా కోసం కష్టపడుతున్నావని స్వప్న మనసులో అనుకుంటుంది. తను చీర మార్చుకుంటానని చెప్పి కావ్య, అప్పులను రూం నుండి బయటికి పంపించేసి.. స్వప్న వెనుక డోర్ నుండి పారిపోతుంది. అలా వెళ్ళేటప్పుడు వాళ్ళ పెద్దమ్మ నగలు, చీరలు అన్నింటిని తన లగేజ్ లో సర్దుకొని లెటర్ రాసిపెట్టి అక్కడి నుండి వెళ్ళిపోతుంది.