చంద్రబాబు నాయుడు వస్తున్నా మీకోసం పాదయాత్ర విజయవాడ నగరంలో ప్రవేశించనున్న నేపథ్యంలో లగడపాటి ఆదివారం వ్యూహాత్మకంగా ‘సమైక్యర్యాలీ’కి శ్రీకారం చుట్టాడు. అటు చంద్రబాబు యాత్ర నగరంలోకి రావడం, ఇక్కడ లగడపాటి ర్యాలీ ఒకేసారి ఎదురుపడే పరిస్థితి వచ్చింది. దీంతో తాను చంద్రబాబును కలిసి వినతిపత్రం ఇస్తానంటూ లొల్లిపెట్టాడు. దీంతో బుడమేరు వంతెన వద్ద పోలీసులు అడ్డుకున్నారు. చంద్రబాబు నాయుడు అనుమతి ఇస్తే వెళ్తానని పోలీసులను కోరాడు. పోలీసులు అనుమతి ఇవ్వకపోవడంతో ఊరుకున్నాడు. ఇంతకుముందు యాత్ర జిల్లాలోకి వచ్చిన సమయంలో అనుమంచి వద్ద లగడపాటి ఇలాగే హడావిడి చేశాడు. తాజాగా మళ్లీ ఇదే సీన్ క్రియేట్ చేశాడు. చంద్రబాబు సమైక్య రాష్ట్రానికి వ్యతిరేకం అన్న భావన కలిగించడమే లగడపాటి లక్ష్యంగా కనిపిస్తుంది.