LATEST NEWS
.webp)
తెలంగాణలో అధికార, ప్రతిపక్షాల మధ్య సాగే విమర్శలు, ప్రతి విమర్శల పర్వం కొనసాగుతూనే ఉంది. విమర్శల జోరు పెరిగుతోంది. తీవ్రత ఎక్కువ అవుతోంది. అనకూడని మాటే అంటూ.. అనుచిత వ్యాఖ్యలు కూడా దొర్లుతున్నాయి. ఈ క్రమంలోనే బీఆర్ఎస్ కార్యనిర్వాహక అధ్యక్షుడు మాజీ మంత్రి కల్వకుంట్ల తారకరామారావు ముఖ్యమంత్రి రేవంత్ రెడ్డిపై ఓ రేంజ్ లో విమర్శల వర్షం కురిపించారు. సీఎం అవినీతి బండారం మొత్తం బయటపడిందన్న కేటీఆర్ కాంగ్రెస్ సర్కార్ తీరు పట్ల ప్రజలు తీవ్ర అసంతృప్తితో ఉన్నారన్నారు. రాష్ట్రంలో కాంగ్రెస్ ప్రభుత్వం ఏర్పడినప్పటి నుంచి ప్రజా రంజక పాలనను పూర్తిగా గాలికొదిలేసి కేవలం ప్రతిపక్షాలపై నిందలు వేయడమే పనిగా పెట్టుకుందని విమర్శించారు.
ముఖ్యంగా సీఎం రేవంత్ రెడ్డి స్వయంగా చేయించుకున్న సొంత సర్వేలోనే కాంగ్రెస్ పార్టీ వైఫల్యాలు స్పష్టంగా తేలాయని కేటీఆర్ సంచలన అంచనాను ప్రకటించారు. రాబోయే రోజుల్లో రాష్ట్ర వ్యాప్తంగా ఏకంగా 78 అసెంబ్లీ స్థానాల్లో గులాబీ జెండా ఎగరడం ఖాయమని ఆ నివేదికల ఆధారంగా ధీమా వ్యక్తం చేశారు. కేవలం సీఎం సొంత సర్వే మాత్రమే కాకుండా, రాష్ట్ర ఇంటెలిజెన్స్ వర్గాలు, స్వతంత్ర మీడియా సంస్థలు క్షేత్ర స్థాయిలో సేకరించిన ప్రజాభిప్రాయ సేకరణలలో కూడా ఇదే సత్యం వెల్లడైందని ఆయన నొక్కి చెప్పారు. ఈ గణాంకాలు కాంగ్రెస్ పార్టీ పట్ల ప్రజల్లో పెరుగుతున్న వ్యతిరేకతకు అద్దం పడుతున్నాయని అన్నారు.
అనకూడని మాటే అయినా అనక తప్పడం లేదని చెబుతూ సీఎం రేవంత్ రెడ్డి అనే దరిద్రుడు తెలంగాణకు అన్యాయం చేస్తున్నారంటూ దుయ్యబట్టిన కేటీఆర్.. అధికారులు ఇంజనీర్లు చెబుతున్న మాటలను కూడా పట్టించుకోకుండా ఏకపక్షంగా వ్యవహరిస్తున్న సీఎం రేవంత్ రెడ్డిని బుర్ర తక్కువోడు అనాలా,దరిద్రుడు అనాలా,సన్నాసి అనాలా అని ప్రశ్నించారు. రాష్ట్రంలో ఏర్పడిన కరవు పరిస్థితులు కేసీఆర్ మీద కోపంతో రేవంత్ రెడ్డి తీసుకువచ్చారని కేటీఆర్ విమర్శించారు.
KTR Sensational Comments, CM Revanth Reddy Survey, BRS 78 Seats, Telangana Politics, Hydra Demolitions
.webp)
ఆంధ్రప్రదేశ్ ముఖ్యమంత్రి నారా చంద్రబాబునాయుడు వైసీపీ అధినేత, మాజీ ముఖ్యమంత్రి జగన్ పై సంచలన వ్యాఖ్యలు చేశారు. మంగళగిరి తెలుగుదేశం కేంద్ర కార్యాలయంలో మీడియాతో మాట్లాడిన చంద్రబాబునాయుడు వైసీపీకి ఒక రాజకీయ పార్టీకి ఉండాల్సిన కనీస లక్షణాలు లేవని విమర్శించారు. గొడ్డలి, ఫేక్ ప్రచారాలే వైసీపీ అస్త్రాలన్న చంద్రబాబు.. వైసీపీ చరిత్ర మొత్తం రక్త చరిత్రేనన్నారు. తెలంగాణ షాబాద్ లో ఆరుగురిని అత్యంత కిరాతకంగా చంపిన రాజ్ కుమార్ కు, సొంత బాబాయిపై గొడ్డలి వేటు, సొంత తల్లీ, చెల్లిని గెంటేసిన జగన్ కూ మనస్తత్వ పరంగా పోలీకలు ఉన్నాయని సంచలన వ్యాఖ్యలు చేశారు.
తెలంగాణలో ఒక వ్యక్తి తనపై పోక్సో కేసు పెట్టిందన్న కక్షతో బాధితురాలితో పాటు ఆమె కుటుంబాన్ని, అలాగే తనకు సహకరించలేదనే కోపంతో సొంత కుటుంబాన్ని కలిపి మొత్తం ఆరుగురిని అత్యంత క్రూరంగా హతమార్చిన వ్యక్తికీ, సరిగ్గా అలాగే.. సొంత బాబాయిని గొడ్డలితో నరికి చంపడం, కన్నతల్లి మరియు చెల్లిని దూరం పెట్టే విషయంలో జగన్ ప్రవర్తించిన తీరుకూ చాలా దగ్గరి పోలికలు ఉన్నాయని చంద్రబాబు అన్నారు. నేర ప్రవృత్తిని, దుర్మార్గాలను ప్రజల్లోకి తీసుకెళ్లి వారిని చైతన్యపరచాల్సిన బాధ్యత మీడియాపై ఉందన్నారు.
కడప స్టీల్ ప్లాంట్ ఏర్పాటు పేరుతో కేవలం ఒకే ఒక్క వ్యక్తి అవినీతి దాహానికి లక్షల కోట్ల రూపాయల విలువైన ఆంధ్రప్రదేశ్ సహజ సంపద పూర్తిగా ఆవిరైపోయిందని ఆరోపించారు. స్టీల్ ప్లాంట్ నెపంతో యథేచ్ఛగా అక్రమ మైనింగ్కు పాల్పడ్డారని దుయ్యబట్టారు. బ్రహ్మణీ స్టీల్స్కు గతంలో కేటాయించిన భూములను ప్రస్తుత కూటమి ప్రభుత్వం ఇప్పటికే పూర్తిగా వెనక్కి తీసుకుందని, ఓబులాపురం మైనింగ్ అంశంపై విచారణ ఇంకా ముగియలేదని చెప్పిన చంద్రబాబు. జగన్ స్వార్థపూరిత నిర్ణయాల వల్ల ఎంతోమంది ఐఏఎస్ అధికారులు జైలుపాలయ్యారనీ, ఎంతోమంది వ్యాపారవేత్తలు సర్వనాశనమయ్యారని వివరించారు.
వైసీపీ నైజాన్ని చంద్రబాబు హిట్, రన్ అండ్ ఎస్కేప్ (కొట్టడం, పారిపోవడం, దాక్కోవడం) గా అభివర్ణించారు. ఆంధ్రప్రదేశ్లో ఏదో ఒక విధ్వంసం సృష్టించడం, ఆ వెంటనే పక్క రాష్ట్రమైన కర్ణాటకలోని బెంగళూరు ప్యాలెస్కు వెళ్లి తలదాచుకోవడం అలవాటుగా మారిందని ఎద్దేవా చేశారు. ప్రస్తుతం కూటమి ప్రభుత్వానికి మంచి పేరు వస్తుందనే భయంతోనే పెట్టుబడులు పెట్టేందుకు వచ్చే పారిశ్రామికవేత్తలను బెదిరించి, పరిశ్రమలను రాష్ట్రం నుంచి తరిమేయాలని చూస్తున్నారని మండిపడ్డారు. భోగాపురం అంతర్జాతీయ విమానాశ్రయం, పోలవరం ప్రాజెక్టు, వెలిగొండ ప్రాజెక్టులు వేగంగా పూర్తికావస్తుండటంతో ఈ గొడ్డలి పార్టీలో తీవ్రమైన టెన్షన్ మరియు భయం మొదలైందని చంద్రబాబు పేర్కొన్నారు.
సామాజిక మాధ్యమాల్లో జరుగుతున్న వ్యక్తిత్వ హననంపై చంద్రబాబు తీవ్ర ఆందోళన వ్యక్తం చేశారు. సోషల్ మీడియాను వాడుకుని మహిళలను బ్లాక్ మెయిల్ చేయడం, తప్పుడు పోస్టులతో సమాజంలో అలజడి సృష్టించడం అత్యంత ప్రమాదకరంగా మారిందన్నారు. ఇలాంటి ఫేక్ ప్రచారాలను, అసత్య పోస్టులను పూర్తిగా కట్టడి చేసేందుకు త్వరలోనే ఒక ప్రత్యేక టాస్క్ఫోర్స్ ఏర్పాటుపై కసరత్తు చేస్తున్నట్లు వెల్లడించారు.
Chandrababu makes sensational comments, Chandrababu Naidu, YS Jagan Mohan Reddy, YSRCP Axe Party, Andhra Pradesh Politics, Social Media Task Force AP, Kadapa Steel Plant Corruption
తెలుగువన్ ఎక్స్ క్లూజివ్.!
కర్ణాటక మాజీ మంత్రి, మైనింగ్ కింగ్ గాలి జనార్ధన్ రెడ్డికి ఆంధ్రప్రదేశ్ ప్రభుత్వం భారీ షాక్ ఇచ్చింది. కడప జిల్లాలో బ్రాహ్మణి స్టీల్స్ పరిశ్రమ ఏర్పాటు కోసం గతంలో కేటాయించిన వేల ఎకరాల భూములను వెనక్కి తీసుకోవాలని చంద్రబాబు సర్కార్ నిర్ణయించింది. దాదాపు 19 ఏళ్లు గడుస్తున్నా అక్కడ ఎలాంటి పరిశ్రమ ఏర్పాటు కాకపోవడంతో ప్రభుత్వం ఈ నిర్ణయం తీసుకుంది.
ఉమ్మడి ఆంధ్రప్రదేశ్ లో 2007లో వైఎస్ రాజశేఖర్ రెడ్డి ముఖ్యమంత్రిగా ఉన్న సమయంలో కడప జిల్లాలో బ్రాహ్మణి స్టీల్స్ ఏర్పాటుకు భారీగా భూములు కేటాయించారు. ఎకరం భూమి 18 వేల రూపాయల చొప్పున దాదాపు 10 వేల ఎకరాలకు పైగా భూములను అప్పట్లో గాలి జనార్ధన్ రెడ్డి కుమార్తె పేరిట ఉన్నబ్రాహ్మిణి స్టీల్స్ సంస్థకు కేటాయించింది. దీనికోసం కేవలం 19 కోట్ల రూపాయలను గాలి జనార్ధన్ రెడ్డి ప్రభుత్వ ఖజానాకు చెల్లించారు. ఆ తర్వాత 2008లో విమానాశ్రయం ఏర్పాటు నెపంతో మరో 3,115 ఎకరాల భూములను 25 కోట్ల రూపాయలకే రాసిచ్చారు.
పరిశ్రమల పేరుతో యువతకు ఉపాధి కల్పిస్తామని చెప్పి, వేల ఎకరాల విలువైన ప్రభుత్వ భూములను ఇలా కారుచౌకగా కేటాయించడంపై అప్పట్లోనే పెద్ద ఎత్తున విమర్శలు వచ్చాయి. అయితే, భూములు పొందిన తర్వాత గాలి జనార్ధన్ రెడ్డి అక్కడ ఉక్కు కర్మాగారాన్ని నిర్మించడంలో పూర్తిగా విఫలమయ్యారు. పరిశ్రమ పెట్టకపోగా, ఈ ప్రభుత్వ భూములను జాతీయ బ్యాంకుల్లో తాకట్టు పెట్టి దాదాపు 350 కోట్ల రూపాయల మేర రుణాలు పొంది బ్యాంకులను సైతం మోసం చేశారనే ఆరోపణలు వ్యక్తమయ్యాయి.
గతంలో ఈ భూములను ప్రభుత్వం స్వాధీనం చేసుకోవాలని ప్రయత్నించినప్పుడు, రుణాలు ఇచ్చిన యాక్సిస్ బ్యాంక్ వంటి జాతీయ బ్యాంకులు కోర్టులను ఆశ్రయించాయి. భూములు తమ అధీనంలో ఉన్నాయని వాదించాయి. అయితే, పూర్తి హక్కులు లేని భూములపై బ్యాంకులు ఏ విధంగా రుణాలు ఇస్తాయని కోర్టులు సైతం తీవ్రంగా వ్యాఖ్యానించిన నేపథ్యంలో, ప్రస్తుత జిల్లా కలెక్టర్ నేతృత్వంలో ఈ 10,000 ఎకరాల భూములను తిరిగి ప్రభుత్వ ఆధీనంలోకి తీసుకునే ప్రక్రియ ఊపందుకుంది.
ఈ ఉదంతంపై విశ్లేషకుడు మధుసూదన్ రెడ్డి తెలుగువన్ కు ఇచ్చిన ప్రత్యేక ఇంటర్వ్యూలో నాటి వైఎస్సార్ క్యాబినెట్ లో మంత్రులుగా ఉండి, నేడు కూటమి ప్రభుత్వంలోనూ మంత్రులుగా కొనసాగుతున్న కొందరు నేతల సమష్టి బాధ్యతను ప్రశ్నించారు. పరిశ్రమలు పెట్టకుండా కాలయాపన చేయడం వల్ల రాష్ట్ర ఖజానాకు నష్టం వాటిల్లడమే కాకుండా, స్థానిక నిరుద్యోగ యువత ఉపాధి అవకాశాలు కోల్పోయి తీవ్రంగా నష్టపోయారని పేర్కొన్నారు.
భవిష్యత్తులోనైనా ఏ ప్రభుత్వమైనా పరిశ్రమలకు భూములను శాశ్వతంగా రిజిస్ట్రేషన్ చేయకుండా, కేవలం లీజు ప్రాతిపదికన మాత్రమే ఇవ్వాలనన్నారు. అప్పుడే పారిశ్రామికవేత్తలు భూములను బ్యాంకుల్లో తాకట్టు పెట్టకుండా, నిజాయితీతో పరిశ్రమలు స్థాపించే అవకాశం ఉంటుందని చెప్తున్నారు. ఏది ఏమైనప్పటికీ గాలి జనార్ధన్ రెడ్డి ఆర్థిక సామ్రాజ్యానికి, బ్రాహ్మణి స్టీల్స్ భూముల ఉదంతం ఒక పెద్ద ఎదురుదెబ్బేనని మధుసూదన్ రెడ్డి
అన్నారు.
పూర్తి ఇంటర్వ్యూ తెలుగువన్ న్యూస్ చానల్ లో వీక్షించండి.
.webp)
తెలంగాణ ముఖ్యమంత్రి రేవంత్ రెడ్డి 2028 ఎన్నికలలో విజయం సాధించి మళ్లీ కాంగ్రెస్ పార్టీయే రాష్ట్రంలో అధికారం చేపడుతుందని ధీమా వ్యక్తం చేశారు. అలాఇలా కాదు.. ఏకంగా భద్రాద్రి రాములోరి మీద ఒట్టేసి మరీ ఈ విషయం చెప్పారు. ఉమ్మడి ఖమ్మం జిల్లా జగన్నాథపురంలో నిర్వహించిన రైతు భరోసా చివరి విడత నిధుల పంపిణీ కార్యక్రమంలో పాల్గొన్నరేవంత్ రెడ్డి రాబోయే ఎన్నికల్లో కాంగ్రెస్ పార్టీ భారీ మెజారిటీతో మరోసారి అధికారంలోకి రావడం ఖాయమని చెబుతూ.. భద్రాచలం రాముడి మీద ఆన... వచ్చే ఎన్నికల్లో 117 స్థానాల్లో గెలిచి తీరుతాంమని ప్రకటించారు.
రాష్ట్రంలో ప్రస్తుతం 119 శాసనసభ స్థానాలు ఉన్న సంగతి తెలిసిందే. అయితే రాబోయే పార్లమెంటు సమావేశాల్లో అసెంబ్లీ నియోజకవర్గాల పునర్విభజన లేదా స్థానాల పెంపు బిల్లు ఆమోదం పొందితే, తెలంగాణలో సీట్లు దాదాపు 50 శాతం మేర పెరగనున్నాయన్న రేవంత్.. ఈ పెంపుదల ప్రకారంగా ప్రస్తుతం ఉన్న 119 అసెంబ్లీ స్థానాలు భవిష్యత్తులో 182 స్థానాలకు చేరనున్నాయన్నారు.
అలాగే.. ముందస్తు ఎన్నికల ప్రచారాలపైనా సీఎం స్పష్టత ఇచ్చారు. కొందరు ప్రచారం చేస్తున్నట్లుగా రాష్ట్రంలో ముందస్తు ఎన్నికలు జరిగే ప్రశక్తే లేదని స్పష్టం చేశారు. ఎవరో ఏదో అనుకున్నారని తాము ముందస్తుకు వెళ్లే ప్రసక్తే లేదన్నారు. తమకు ఏ రాజకీయ పార్టీతోనూ పంచాయితీ లేదని, ప్రజలే తమ బలమని, ప్రజలతోనే కలిసి నడుస్తూ విజయం అందుకుంటామని పేర్కొన్నారు. గత పాలకులు రాష్ట్రాన్ని అప్పులమయం చేయడం వల్లే కొంత ఇబ్బంది ఎదురౌతోందన్న రేవంత్.. ఆర్థిక ఇబ్బందులు ఉన్నా కూడా తాము 80 వేలకు పైగా ఉద్యోగాలు ఇచ్చామని, అన్ని వర్గాల సంక్షేమానికి కట్టుబడి ఉన్నామని సీఎం రేవంత్ రెడ్డి ఉద్ఘాటించారు.
Revanth Reddy vow on Lord Ram, Telangana assembly seats increase 182, Revanth Reddy 117 seats Congress, Telangana early elections clarity
ఆంధ్రప్రదేశ్ రాజకీయాలలో లాయరు, జై భీమ్ భారత్ పార్టీ వ్యవస్థాపకుడు జడ శ్రావణ్ కుమార్ నిత్యం వివాదాస్పద వ్యాఖ్యలతో వార్తలలో నిలుస్తుంటారు. తాజాగా ఆయన మరోసారి ఆయన వ్యాఖ్యలు రాష్ట్రంలో తీవ్ర సంచలనం రేపుతున్నాయి. ఈ సారి ఆయన వైసీపీ టార్గెట్ లో విరుచుకుపడ్డారు. వైసీపీ నేతల ఆర్థిక మూలాలు, పార్టీ ఫండింగ్ వ్యవహారాలపై ఆయన సంచలన వ్యాఖ్యలు చేశారు. జగన్ రెడ్డి గతంలో ఏపీ ముఖ్యమంత్రిగా ఉన్న సమయంలో..వైసీపీ నేతలు..అధికారాన్ని అడ్డుపెట్టుకుని కోట్లు వెనకేశారన్న జడ శ్రవణ్ కుమార్.. వాళ్లు ఎంగిలి మెతుకులను కూడా వదిలిపెట్టకుండా దోచుకున్నారని విమర్శించారు.
నిన్న మొన్నటి వరకూ వైసీపీకి, వివాదాస్పద యూట్యూబర్ ప్రశ్న రావణ్ కు అనుకూలంగా గళమెత్తిన జడ శ్రవణ్ కుమార్ అంత లోనే.. ఇలా యూటర్న్ తీసుకుని వైసీపీపై విరుచుకు పడటం విశేషం. తనకు వైసీపీ ఫండింగ్ చేస్తోందని వస్తున్న ఆరోపణలపై వివరణ ఇచ్చే క్రమంలో ఆయన వైసీపీ దోపిడీని ఎండగట్టారు. వైసీపీ తనకు ఫండింగ్ చేయడమేంటని ప్రశ్నించిన ఆయన ఆ పార్టీ నేతలు ఎంగిలి మెతుకులను కూడా వదలకుండా దోచేసుకుంటారని దుయ్యబట్టారు. జగన్ పాలనా కాలమంతా దోపిడీ రాజ్యమేలిందని విమర్శలు గుప్పించారు.
జగన్ హయాంలో తీసుకున్న పలు నిర్ణయాలను విమర్శలతో తూర్పారబట్టారు. జగన్ ఐదేళ్ల పాలనలో వందల కొద్దీ కాంట్రాక్టులు, మైనింగ్ లీజులు కేవలం పార్టీకి అనుకూలంగా ఉండే క్రోనీ క్యాపిటలిస్టులకు మాత్రమే దక్కాయన్న జడ శ్రవణ్ కుమార్.. ఆ క్రమంలో దాదాపు 5 వేలకోట్ల రూపాయలకు పైగా నిధులు క్విడ్ ప్రో కో పద్ధతిలో పార్టీ ఫండింగ్ రూపంలోకి మారాయన్నారు. మద్యం పాలసీ, ఇసుక అక్రమ రవాణా ద్వారా వచ్చిన ఆదాయంలో దాదాపు 35 శాతం నేరుగా తాడేపల్లి ప్యాలెస్కే చేరిందని సంచలన ఆరోపణలు చేశారు. సాధారణ ప్రజల నుంచి ముక్కుపిండి వసూలు చేసిన పన్నుల సొమ్మును ఎన్నికల్లో ఓటర్లను ప్రలోభపెట్టేందుకు ఉపయోగించారన్నారు.
ఎంతో నైతికతతో రాజకీయాలు చేస్తున్నామని చెప్పుకున్న వైసీపీ నేతలు, ఇప్పుడు అడ్డగోలుగా దొరికిపోతున్నారన్న ఆయన.. అమరావతి భూముల వ్యవహారంలోనూ, విశాఖపట్నంలో ల్యాండ్ గ్రాబింగ్ ద్వారా సుమారు రూ. పది వేల కోట్ల విలువైన భూములను వైసీపీ అస్మదీయులు హస్తగతం చేసుకున్నారనీ, దళిత, వెనుకబడిన వర్గాల సంక్షేమాన్ని పూర్తిగా విస్మరించి, కేవలం కొద్దిమంది బడా బాబుల జేబులు నింపడమే లక్ష్యంగా జగన్ పాలన సాగిందని దుయ్యబట్టారు. రాబోయే రోజుల్లో ఈ ఆర్థిక అక్రమాలపై పూర్తిస్థాయి కేంద్ర దర్యాప్తు సంస్థల విచారణ జరగాలని.. అప్పుడే అసలు దొంగలు బయటపడతారనీ జడ శ్రావణ్ అన్నారు.
YSRCP Funding Allegations, AP Politics Shocking Comments, YSRCP Corruption Scandals, Andhra Pradesh Latest News
ALSO ON TELUGUONE N E W S
కోలీవుడ్ రాక్స్టార్ అనిరుధ్ రవిచందర్, సన్రైజర్స్ హైదరాబాద్ (SRH) సీఈఓ కావ్య మారన్ పెళ్లి పీటలు ఎక్కబోతున్నారనే వార్త ప్రస్తుతం సోషల్ మీడియాలో విపరీతంగా ట్రెండ్ అవుతోంది. వీరిద్దరూ త్వరలోనే వివాహ బంధంతో ఒకటి కాబోతున్నారని కోలీవుడ్ మీడియా సర్కిల్స్ గట్టిగా చెప్తున్నాయి.
ఇప్పటివరకు అందుతున్న సమాచారం ప్రకారం... వీరి వివాహ వేడుకలు ఈ ఏడాది నవంబర్ 11, 12, 13 తేదీలలో మూడు రోజుల పాటు ఘనంగా జరగనున్నాయి. ఇందులో ముఖ్యంగా నవంబర్ 12న వీరి పెళ్లి ముహూర్తం ఖరారైనట్లు తెలుస్తోంది. ఇక ఈ క్రేజీ వెడ్డింగ్ కోసం ఒక విభిన్నమైన లొకేషన్ను ఎంచుకున్నారట. ఇండియాలో కాకుండా, ప్రకృతి అందాలకు నిలయమైన సౌత్ ఆఫ్రికాలో ఈ డెస్టినేషన్ వెడ్డింగ్ను ప్లాన్ చేసినట్లు సమాచారం.
గతంలో వీరిద్దరిపై ఎన్నో రూమర్స్ వచ్చినప్పటికీ... ఇటీవల అనిరుధ్ బాబాయ్, సీనియర్ నటుడు వై.జి. మహేంద్రన్ ఓ ఇంటర్వ్యూలో వీరి పెళ్లిని కన్ఫర్మ్ చేస్తూ మాట్లాడటంతో ఈ వార్తలకు మరింత బలం చేకూరింది. సన్ పిక్చర్స్ నిర్మించిన ‘జైలర్’, ‘బీస్ట్’ వంటి చిత్రాలకు అనిరుధ్ సంగీతం అందించిన సమయంలోనే వీరి మధ్య పరిచయం ఏర్పడిందని, అది కాస్తా ఇప్పుడు పెళ్లి పీటల వరకు వచ్చిందని టాక్.
అయితే, ఈ మూడు రోజుల వివాహ వేడుకలు మరియు సౌత్ ఆఫ్రికా డెస్టినేషన్ వెడ్డింగ్ వార్తలపై అటు మారన్ ఫ్యామిలీ కానీ, ఇటు అనిరుధ్ కానీ ఇంకా అధికారికంగా స్పందించలేదు. ప్రస్తుతం సస్పెన్స్గా ఉన్న ఈ మెగా వెడ్డింగ్పై అధికారిక ప్రకటన ఎప్పుడు వస్తుందా అని ఇరు వర్గాల అభిమానులు ఎంతగానో ఎదురుచూస్తున్నారు.
.WEBP)
టాలీవుడ్లో విభిన్నమైన మరియు కంటెంట్ ఓరియెంటెడ్ సినిమాలకు కేరాఫ్ అడ్రస్గా నిలిచే ఇద్దరు అగ్ర నిర్మాతలు చేతులు కలిపితే ఆ క్రేజ్ ఎలా ఉంటుందో ప్రత్యేకంగా చెప్పక్కర్లేదు. టాలెంటెడ్ క్రియేటివ్ డైరెక్టర్ సుకుమార్ తన సొంత బ్యానర్ సుకుమార్ రైటింగ్స్, యంగ్ ప్రొడ్యూసర్ బన్నీ వాస్ తన "బన్నీ వాస్ వర్క్స్" బ్యానర్పై సంయుక్తంగా ఒక సరికొత్త క్రేజీ ప్రాజెక్ట్ను అనౌన్స్ చేశారు. ఈ విలక్షణమైన చిత్రంలో టాలెంటెడ్ యాక్టర్ ప్రియదర్శి ప్రధాన పాత్రలో నటిస్తున్నారు. యువ దర్శకుడు వంశీరెడ్డి దొండపాటి దర్శకత్వంలో తెరకెక్కుతున్న ఈ చిత్రానికి "ఇడుపు కాయితం" అనే విభిన్నమైన, వెరైటీ టైటిల్ను ఖరారు చేశారు మేకర్స్.
పూర్తిగా తెలంగాణ ఫ్యామిలీ బ్యాక్డ్రాప్ స్టోరీతో అవుట్ అండ్ అవుట్ ఎంటర్టైనింగ్ డ్రామాగా రూపొందుతున్న ఈ చిత్రం, ఇటీవలే సినీ ప్రముఖుల సమక్షంలో వైభవంగా పూజా కార్యక్రమాలను జరుపుకుంది. ఈ సినిమా అనౌన్స్ అయిన అతి తక్కువ సమయంలోనే "ఇడుపు కాయితం" అనే విలక్షణమైన టైటిల్ సోషల్ మీడియాలో విపరీతంగా ట్రెండ్ అవుతోంది. అసలు ఈ టైటిల్ వెనుక ఉన్న నేపథ్యం ఏంటి, కథ ఏమై ఉంటుంది అనే ఆసక్తి తెలుగు సినీ లవర్స్లో రోజురోజుకూ పెరిగిపోతోంది. టైటిల్తోనే సెన్సేషన్ క్రియేట్ చేస్తూ ప్రేక్షకుల్లో భారీ హైప్ తీసుకొచ్చిన ఈ సినిమా ఫస్ట్ లుక్ పోస్టర్కు కూడా సోషల్ మీడియాలో విపరీతమైన రెస్పాన్స్ దక్కింది.
ఈ సినిమాలో తెలంగాణ ప్రసిద్ధ జానపద గీతాల ద్వారా డిజిటల్ ప్లాట్ఫామ్స్ పై, ముఖ్యంగా యూట్యూబ్, ఇన్స్టాగ్రామ్ రీల్స్లో విపరీతమైన క్రేజ్ మరియు పాపులారిటీ తెచ్చుకున్న ప్రముఖ నటి నాగదుర్గ హీరోయిన్గా వెండితెరకు పరిచయం కాబోతోంది. ప్రియదర్శి, నాగదుర్గల విభిన్నమైన కాంబినేషన్తో పాటు ఈ చిత్రంలో ఒక అద్భుతమైన హోమ్లీ స్టార్ కాస్టింగ్ ఉండటం విశేషం. బుల్లితెరపై మరియు సోషల్ మీడియాలో అలరించే శివజ్యోతి (తీన్మార్ సావిత్రి), సుజాత (జోర్దార్), చంద్రవ్వ, మౌనిక రెడ్డి, రచ్చరవి, బిత్తిరి సత్తి, అభయ్ బేతిగంటి, మైమ్ మధు వంటి ఎంతోమంది గుర్తింపు తెచ్చుకున్న నటీనటులు ఈ చిత్రంలో కీలక పాత్రల్లో నటించి ప్రేక్షకులను కడుపుబ్బా నవ్వించబోతున్నారు.
ప్రస్తుతం ప్రీ-ప్రొడక్షన్ పనులను వేగంగా ముగించుకున్న ఈ సినిమా త్వరలోనే రెగ్యులర్ షూటింగ్ను ప్రారంభించుకోనుంది. ఎలాంటి బ్రేకులు లేకుండా, సింగిల్ షెడ్యూల్లో శరవేగంగా షూటింగ్ పూర్తి చేసేందుకు చిత్రబృందం పక్కా ప్లాన్ రెడీ చేసుకుంది. ఈ ఏడాది డిసెంబర్ ఫస్ట్ వీక్లోనే ఈ సినిమాను గ్రాండ్గా థియేటర్లలోకి తీసుకురావాలని మేకర్స్ లక్ష్యంగా పెట్టుకున్నారు. సుకుమార్ మార్క్ స్క్రీన్ ప్లే వాల్యూస్, బన్నీ వాస్ ప్రొడక్షన్ ప్లానింగ్, ప్రియదర్శి మార్క్ కామెడీ అండ్ ఎమోషన్స్ కలగలిసిన "ఇడుపు కాయితం" బాక్సాఫీస్ వద్ద ఎలాంటి వండర్స్ క్రియేట్ చేస్తుందో చూడాలి.
Idupu Kayitham, Priyadarshi New Movie, Sukumar Writings, Bunny Vas, Nagadurga Heroine, Idupu Kayitham Release Date
.WEBP)
డైనమిక్ డైరెక్టర్ పూరి జగన్నాథ్ సినిమా వస్తోందంటే ఒకప్పుడు టాలీవుడ్లో అదో రకమైన వైబ్రేషన్ ఉండేది. స్టార్ హీరోలతో సినిమాలు చేసినా, అసలు గుర్తింపు లేని కొత్తవాళ్లతో ప్రయోగాలు చేసినా కేవలం తన బ్రాండ్ నేమ్ చూపిస్తూ థియేటర్ల వద్ద భారీ ఓపెనింగ్స్ రాబట్టడం పూరి జగన్నాథ్కే చెల్లింది. కానీ కాలం ఎప్పుడూ ఒకేలా ఉండదు. 'లైగర్' మరియు 'డబుల్ ఇస్మార్ట్' వంటి భారీ పరాజయాలు బాక్సాఫీస్ వద్ద ఆయన మార్కెట్ను భారీగా దెబ్బతీశాయి. పూరి సినిమా అంటే ఉండే నమ్మకాన్ని ప్రేక్షకులు, ఇండస్ట్రీ వర్గాలు కాస్త తగ్గించుకున్న మాట వాస్తవం. దీనికి తోడు గత చిత్రాల ఆర్థిక లావాదేవీల వల్ల ఏర్పడ్డ వివాదాలు ఇప్పటికీ ఆయనకు పెద్ద తలనొప్పిగా మారాయి. వాటిలో కొన్ని సమస్యలు ఇప్పటికీ పరిష్కారం కాకుండా కోర్టులు, పంపిణీదారుల చుట్టూ తిరుగుతూనే ఉన్నాయి. ఈ ఆర్థిక వివాదాల చిక్కులు ఎప్పుడు పూర్తిగా తొలగిపోతాయో కాలమే సమాధానం చెప్పాలి.
ఇలాంటి క్లిష్ట పరిస్థితుల్లో పూరి జగన్నాథ్ అత్యంత ప్రతిష్టాత్మకంగా తెరకెక్కించిన సరికొత్త ప్యాన్ ఇండియా మూవీ 'స్లమ్ డాగ్'. ఈ సినిమాకు సంబంధించిన షూటింగ్ పనులు ఎప్పుడో పూర్తి కావడం విశేషం. కొన్ని నెలల క్రితం విడుదల చేసిన 'స్లమ్ డాగ్' అఫీషియల్ టీజర్కు ప్రేక్షకుల నుంచి చాలా పాజిటివ్ రెస్పాన్స్ వచ్చింది. ముంబై మాఫియా సెటప్తో ఈ కథ నడుస్తున్నట్లు అనిపించినప్పటికీ, పూరి ఈసారి ఏదో ఒక కొత్త తరహా కథను చెప్పబోతున్నారనే క్లారిటీ అందరికీ వచ్చేసింది. కోలీవుడ్ బ్లాక్బస్టర్ బిచ్చగాడు, టాలీవుడ్ ఇండస్ట్రీ హిట్ 'పోకిరి' చిత్రాలను కలిపి ఒకే సినిమాలో చూపిస్తే ఏ రకమైన హై వస్తుందో, సరిగ్గా అలాంటి డిఫరెంట్ ట్రీట్మెంట్తో ఈ సినిమా ఉంటుందని ఇన్ సైడ్ టాక్ గట్టిగా వినిపిస్తోంది. అంతా బాగుంది కానీ, అసలు సమస్య అంతా ఈ సినిమా రిలీజ్ డేట్ దగ్గరే వచ్చి పడింది. ఇంతవరకు 'స్లమ్ డాగ్' విడుదల ఎప్పుడనే అధికారిక స్పష్టత రాలేదు.
ప్రస్తుతం ఉన్న ట్రెండ్ ప్రకారం ఒక సినిమాపై సోషల్ మీడియాలో క్రేజ్ మరియు బజ్ తగ్గకుండా ఉండాలంటే, మేకర్స్ నిరంతరం రెగ్యులర్ అప్డేట్స్ ఇవ్వాలి. అంతేకాకుండా అనుకున్న సమయానికి, ఎలాంటి జాప్యం లేకుండా థియేటర్లలోకి తీసుకురావడం చాలా ముఖ్యం. కానీ ఈ రోజుల్లో ఓటిటి డీల్స్ ఆలస్యం కావడం, థియేట్రికల్ బిజినెస్ క్లోజ్ కాకపోవడం, డిస్ట్రిబ్యూటర్లతో రేట్ల విషయంలో జరిగే మంతనాలు, బేరాలు వంటి వందలాది సమస్యలతో నిర్మాతలు సతమతమవుతున్నారు. వందల కోట్ల భారీ బడ్జెట్ పెట్టిన పెద్ద సినిమాలకు కూడా ఈ కష్టాలు తప్పడం లేదు. మరి మన పూరి జగన్నాథ్ 'స్లమ్ డాగ్' చిత్రానికి ఎలాంటి ఆర్థిక చిక్కులు ఎదురవుతున్నాయో అని ఇండస్ట్రీలో చర్చ నడుస్తోంది. టీజర్ ఇచ్చిన జోష్ను కంటిన్యూ చేయకుండా ఈ సినిమా మళ్లీ సైలెంట్ అయిపోవడం అభిమానులను ఆందోళనకు గురిచేస్తోంది.
ఈ సినిమాలో క్యాస్టింగ్ పరంగా పూరి ఎక్కడా కాంప్రమైజ్ కాలేదు. టాలెంటెడ్ యాక్టర్ విజయ్ సేతుపతి మరియు క్రేజీ బ్యూటీ సంయుక్త మీనన్ ఈ చిత్రంలో ప్రధాన పాత్రలు పోషించారు. కన్నడ స్టార్ దునియా విజయ్ ఈ సినిమాలో పవర్ఫుల్ విలన్గా నటిస్తుండగా, బాలీవుడ్ సీనియర్ నటి టబు ఒక కీలక పాత్రలో కనిపించనుంది. 'అర్జున్ రెడ్డి', 'యానిమల్' చిత్రాల ఫేమ్ హర్షవర్ధన్ రామేశ్వర్ ఈ సినిమాకు అద్భుతమైన సంగీతం మరియు బ్యాక్గ్రౌండ్ స్కోర్ సమకూరుస్తున్నారు. గత సినిమాల పరాజయాలను దృష్టిలో ఉంచుకుని, ఈసారి కథా చర్చల్లో ప్రముఖ రచయిత విజయేంద్రప్రసాద్ ఇచ్చిన విలువైన సలహాలను కూడా పూరి తీసుకున్నారట. ఈ భారీ యాక్షన్ డ్రామా 2026లోనే విడుదలవుతుందని చెప్తున్నప్పటికీ, ఆ కచ్చితమైన డేట్ ఎప్పుడనేది మాత్రం ఇప్పటికీ పెద్ద సస్పెన్స్గానే మిగిలిపోయింది.
Puri Jagannadh, Slum Dog, Vijay Sethupathi, Samyuktha Menon
అఖిల్ అక్కినేని బాక్సాఫీస్ వద్ద సరికొత్త సంచలనం సృష్టిస్తున్నాడు. గత చిత్రం ‘ఏజెంట్’ రూపంలో ఎదురైన పరాజయాన్ని మర్చిపోయేలా, అభిమానులు కాలర్ ఎగరేసుకునే రేంజ్లో ఊర మాస్ కంబ్యాక్ ఇచ్చాడు. భారీ అంచనాల మధ్య థియేటర్లలోకి వచ్చిన అఖిల్ లేటెస్ట్ యాక్షన్ డ్రామా ‘లెనిన్’ బాక్సాఫీస్ వద్ద మొదటి రోజే సరికొత్త రికార్డులను బద్దలు కొడుతూ ట్రేడ్ వర్గాలను సైతం ఆశ్చర్యపరిచింది. సరైన సక్సెస్ కోసం ఎదురుచూస్తున్న అఖిల్ కెరీర్లో, ఈ చిత్రం సరికొత్త ఊపిరి పోసింది. అక్కినేని ఫ్యాన్స్ ఎప్పుడెప్పుడా అని ఎదురుచూస్తున్న సాలిడ్ హిట్ ‘లెనిన్’ రూపంలో దక్కిందని ట్రేడ్ రిపోర్ట్స్ స్పష్టం చేస్తున్నాయి.
ఈ సినిమా బాక్సాఫీస్ వద్ద సాధించిన రికార్డులు చూస్తే అఖిల్ కంబ్యాక్ ఎంత పవర్ఫుల్గా ఉందో అర్థమవుతుంది. అఖిల్ గత చిత్రం ‘ఏజెంట్’ తన పూర్తి రన్ టైమ్లో సాధించిన మొత్తం వరల్డ్వైడ్ కలెక్షన్స్ కేవలం ₹6.90 కోట్ల షేర్ మాత్రమే. కానీ, ఇప్పుడు ‘లెనిన్’ చిత్రం కేవలం తన మొదటి రోజే ప్రపంచవ్యాప్తంగా ఏకంగా ₹7.26 కోట్ల భారీ షేర్ వసూలు చేసి సరికొత్త సంచలనం సృష్టించింది. ఒక సినిమా పూర్తి రన్ టైమ్ షేర్ కలెక్షన్లను, సరికొత్త సినిమా కేవలం 24 గంటల్లోనే దాటేయడం టాలీవుడ్లో అఖిల్ మాస్ పవర్కు నిదర్శనంగా నిలిచింది. మొత్తానికి ‘ఏజెంట్’ ఇచ్చిన షాక్ నుండి అఖిల్ అక్కినేని 2.0 వెర్షన్తో ‘లెనిన్’ ద్వారా ఊర మాస్ కంబ్యాక్ ఇచ్చి బాక్సాఫీస్ విజేతగా నిలిచారు.
Akhil Akkineni, Lenin collections, Lenin vs Agent, TeluguOne
టాలీవుడ్లో ఒకప్పుడు సెన్సేషనల్ క్రేజ్ సంపాదించుకున్న కుర్ర హీరోయిన్ శ్రీలీల చుట్టూ ఇప్పుడు అకస్మాత్తుగా సోషల్ మీడియాలో నెగెటివిటీ పెరిగిపోతోంది. ఇటీవల అఖిల్ అక్కినేని హీరోగా తెరకెక్కిన 'లెనిన్' చిత్రం థియేటర్లలో విడుదలై మంచి టాక్ సొంతం చేసుకుంది. ఈ సినిమా సక్సెస్ సాధించినప్పటి నుండి నెట్టింట శ్రీలీల గురించే తీవ్రమైన చర్చ నడుస్తోంది. ఎందుకంటే, నిజానికి ఈ ప్రాజెక్ట్ మొదలైనప్పుడు అందులో హీరోయిన్గా నటించింది శ్రీలీలనే. ఫస్ట్ లుక్ టీజర్లో కూడా అఖిల్ పక్కన ఆమె మెరిసింది. కానీ ఆ తర్వాత జరిగిన కొన్ని అనుకోని పరిణామాల వల్ల శ్రీలీల ఈ ప్రాజెక్టు నుంచి తప్పుకోవాల్సి వచ్చింది. ఆమె స్థానంలోకి బాలీవుడ్ బ్యూటీ భాగ్యశ్రీ బోర్సే వచ్చి చేరింది. ఇప్పుడు 'లెనిన్' సినిమాలో భాగ్యశ్రీ నటనను చూసి, ఆమె బెస్ట్ ఛాయిస్ అంటూ అందరూ ప్రశంసిస్తున్నారు. ఇదే సమయంలో ఒకవేళ ఆ పాత్రలో శ్రీలీల ఉండి ఉంటే ఈ రేంజ్ ఎఫెక్ట్ వచ్చేది కాదంటూ నెటిజన్లు నెగెటివ్ కామెంట్స్ చేయడం మొదలుపెట్టారు.
కానీ ప్రాక్టికల్ గా ఆలోచిస్తే ఒక సినిమా జయాపజయాలు కేవలం హీరోయిన్ మీద మాత్రమే ఆధారపడవు. ఒకవేళ శ్రీలీల ఈ సినిమా నుంచి తప్పుకోకుండా 'భారతి' పాత్రలో నటించి ఉన్నా కూడా సినిమా రిజల్ట్ లో ఎలాంటి మార్పు ఉండేది కాదు. ఎందుకంటే ఇది పూర్తిగా హీరో డ్రివెన్ సబ్జెక్ట్. తనకు ద్రోహం చేసిన అయినవాళ్ల మీద పగతో ఒక యువకుడు సాగించిన మారణకాండ చుట్టూ ఈ కథ తిరుగుతుంది. స్టోరీలో మెయిన్ పాయింట్ హీరోయిన్ భారతినే అయినప్పటికీ, హీరో ఎలివేషన్లదే కీలక పాత్ర. కొన్ని మంచి సీన్లు, ఎమోషనల్ గా నటించే అవకాశం దక్కిన మాట నిజమే, వాటిని భాగ్యశ్రీ బోర్సే తన ప్రయత్న లోపం లేకుండా చక్కగా నిలబెట్టింది. ఒకవేళ శ్రీలీల ఆ క్యారెక్టర్ చేసి ఉంటే, దర్శకుడు ఆమె ఇమేజ్కు తగ్గట్టుగా ప్రెజెంట్ చేయడానికి ఖచ్చితంగా కసరత్తు చేసేవారు. ఇప్పటివరకు శ్రీలీలకు నటిగా తన ప్రతిభను నిరూపించుకోవడానికి దక్కిన అవకాశాలు చాలా తక్కువ అనే చెప్పాలి.
శ్రీలీల కెరీర్ గ్రాఫ్ గమనిస్తే, 'పెళ్లి సందడి' సినిమా నుండి మహేష్ బాబు 'గుంటూరు కారం' దాకా ఆమె చేసిన దాదాపు అన్ని సినిమాల్లోనూ హీరోతో ప్రేమలో పడటం, అద్భుతంగా డాన్సులు చేయడం మినహా నటనకు పెద్దగా స్కోప్ దొరకలేదు. 'పరాశక్తి' సినిమాలో ఆమెకు నటనకు స్కోప్ దొరికినప్పటికీ, కేవలం కంటెంట్ బాగోలేకపోవడం వల్లే ఆ సినిమా బాక్సాఫీస్ వద్ద ఫెయిలయ్యింది. అయితే 'భగవంత్ కేసరి' సినిమాలో నందమూరి బాలకృష్ణ లాంటి స్టార్ హీరో ఎదురుగా కూతురి లాంటి పాత్రలో శ్రీలీల ఎంత అద్భుతంగా మెప్పించిందో మనమంతా చూశాం. కాబట్టి ఆమెలో నటన ప్రతిభ లేదనుకోవడం ముమ్మాటికీ పొరపాటే అవుతుంది. 'లెనిన్' సినిమాలో ఆమె చేసినా చేయకపోయినా, ప్రస్తుతం శ్రీలీల కెరీర్కు కావాల్సింది సరైన కాంబినేషన్లు, బలమైన కంటెంట్ ఉన్న కథలు మాత్రమే.
మరోవైపు శ్రీలీల బాలీవుడ్ డెబ్యూ కూడా అంతకంతకూ ఆలస్యమవుతుండటం ఆమె కెరీర్పై ప్రభావం చూపుతోంది. బాలీవుడ్ యంగ్ హీరో కార్తీక్ ఆర్యన్ సరసన ఆమె నటిస్తున్న హిందీ సినిమా అసలు ఏ స్టేజిలో ఉందో, ఎప్పుడు రిలీజవుతుందో ఇప్పటికీ క్లారిటీ లేకుండా అంతుచిక్కడం లేదు. ఇలాంటి పరిస్థితుల్లో సినిమా ఇండస్ట్రీ సమీకరణాల ప్రకారం హీరో, దర్శకుడి తర్వాతే మిగిలిన టెక్నీషియన్లు, ఆర్టిస్టుల కౌంట్ లోకి వస్తారు. కాబట్టి ఒక సినిమా హిట్ లేదా ఫ్లాప్ క్రెడిట్ను హీరోయిన్కు ఆపాదించడం సరైన పద్ధతి కాదు. అందుకే 'లెనిన్' సినిమా సక్సెస్ను అడ్డం పెట్టుకుని శ్రీలీలని సోషల్ మీడియాలో ఇలా టార్గెట్ చేయడం ఎంతమాత్రం కరెక్ట్ కాదని ఆమె అభిమానులు బలంగా వాదిస్తున్నారు.
Sreeleela, Akhil, Lenin Movie, Bhagyashri Borse
.WEBP)
హాలీవుడ్ సినిమా చరిత్రలోనే కాదు, ప్రపంచవ్యాప్తంగా హారర్ జానర్కు సరికొత్త అర్థాన్ని ఇచ్చిన కల్ట్ సిరీస్ 'ఈవిల్ డెడ్'. 1981వ సంవత్సరంలో ఈ సిరీస్ నుండి మొదటి భాగం విడుదలైనప్పుడు థియేటర్లలో ప్రేక్షకులు భయంతో వణికిపోయారు. ఆ సమయంలో కొందరు గుండెపోటుతో చనిపోయిన ఉదంతాలు కూడా ఉన్నాయంటే ఈ సినిమా సృష్టించిన ఇంపాక్ట్ ఎలాంటిదో అర్థం చేసుకోవచ్చు. కేవలం 4 లక్షల డాలర్ల అతి తక్కువ బడ్జెట్తో తెరకెక్కిన ఆ మొదటి చిత్రం, ఏకంగా 30 మిలియన్ల డాలర్లను వసూలు చేసి బాక్సాఫీస్ చరిత్రలో ఒక అద్భుతంగా నిలిచిపోయింది. ఆ తర్వాతే ప్రపంచవ్యాప్తంగా దెయ్యాల నేపథ్యంలో వందలాది సినిమాలు రూపుదిద్దుకున్నాయి.
అంతటి ఘనమైన హిస్టరీ ఉన్న ఈ ఫ్రాంచైజీ నుండి ఇప్పటివరకు ఐదు చిత్రాలు వచ్చాయి. ఈవిల్ డెడ్ 2, ఆర్మీ ఆఫ్ డార్క్నెస్ తర్వాత దాదాపు ఇరవై సంవత్సరాల సుదీర్ఘ విరామం తీసుకున్నారు. అనంతరం 2013లో టైటిల్ మార్చకుండా 'ఈవిల్ డెడ్' పేరుతోనే రీబూట్ వెర్షన్ తీసుకొచ్చారు. ఆ తర్వాత 2023లో వచ్చిన 'ఈవిల్ డెడ్ రైజ్' థియేటర్లలో జనాలను ఎంతగానో వణికించింది. ఇప్పుడు తాజాగా ఈ సిరీస్ నుండి 'ఈవిల్ డెడ్ బర్న్' అనే సరికొత్త చిత్రం థియేటర్లలో అడుగుపెట్టింది. ఆశ్చర్యకరంగా, తెలుగు రాష్ట్రాలైన ఆంధ్రప్రదేశ్, తెలంగాణలోని పలు థియేటర్లలో కూడా ఈ హారర్ త్రిల్లర్ సినిమాకు అద్భుతమైన ఆక్యుపెన్సీలు నమోదు కావడం విశేషం. తెలుగు ప్రేక్షకులు ఈ కొత్త దెయ్యం ఆటను చూడటానికి భారీగా ఆసక్తి చూపిస్తున్నారు.
ఈ సినిమా కంటెంట్ విషయానికి వస్తే, బేసిక్ కథ పాతదే అనిపిస్తుంది. భర్తను కోల్పోయిన ఆలీస్ అనే మహిళ తన ఫ్యామిలీతో కలిసి మనఃశాంతి కోసం ఒక దట్టమైన అటవీ ప్రాంతంలో ఉన్న ఇంటికి వెళ్తుంది. అయితే, అక్కడ ఉన్న 'బుక్ ఆఫ్ డెడ్' అనే శపించబడిన పుస్తకం ద్వారా ప్రమాదకరమైన ఆత్మలు మేల్కొంటాయి. దీంతో ఆలీస్తో పాటు వచ్చిన వాళ్లంతా దెయ్యాలుగా మారి రక్తదాహంతో క్రూరంగా ప్రవర్తిస్తారు. నిన్నటివరకు ప్రాణంగా చూసుకున్న వాళ్లే ఇప్పుడు ప్రాణాలు తీయడానికి వేటాడుతుంటే, ఆ భీకరమైన విష వలయం నుండి అలీషా ఎలా తప్పించుకుని ప్రాణాలతో బయటపడింది అనేదే ఈ సినిమా అసలు స్టోరీ.
కథ పాతదే అయినా, 'ఈవిల్ డెడ్ బర్న్' స్క్రీన్ప్లే మరియు కథనం ప్రేక్షకులను సీట్ ఎడ్జ్లో కూర్చోబెడతాయి. తెరనిండా విపరీతమైన వయొలెన్స్, ఒళ్ళు గగుర్పొడిచే రక్తపాతం ఉన్నప్పటికీ, హారర్ జానర్ను అమితంగా ఇష్టపడే మూవీ లవర్స్ను ఈ చిత్రం బాగా మెప్పిస్తుంది. సినిమా మధ్యలో కొంత ల్యాగ్ ఉన్న మాట నిజమే అయినప్పటికీ, కొన్ని ముఖ్యమైన హారర్ ఎపిసోడ్స్ మాత్రం ప్రేక్షకుడికి పైసా వసూల్ అనుభూతిని ఇస్తాయి. థ్రిల్, హారర్ ఎలిమెంట్స్కు ఎక్కడా లోటు లేకుండా దర్శకుడు సెబాస్టియన్ వానిసెక్ తీసుకున్న జాగ్రత్తలు స్క్రీన్పై స్పష్టంగా కనిపిస్తాయి. అయితే సినిమాలో పూర్తిగా సరికొత్త కథనాన్ని ఆశిస్తే మాత్రం ఈ చిత్రం జస్ట్ ఓకే అనిపిస్తుంది. కానీ ఈవిల్ డెడ్ సిరీస్కు ఉన్న వీర ఫ్యాన్స్ అయితే మాత్రం థియేటర్లలో ఈ భయానక విజువల్స్ చూసి ఖచ్చితంగా ఎంజాయ్ చేస్తారు.
Evil Dead Burn, Evil Dead Burn Telugu, Hollywood Horror Movies
The Lenin success meet held on Saturday afternoon was filled with gratitude, celebrations, and heartfelt emotions as the team reflected on the film's positive reception. While the event celebrated the movie's success, it was the emotional speeches from the cast and crew that became the biggest talking points.
Producer Naga Vamsi praised Nagarjuna Akkineni for giving the team complete creative freedom throughout the making of Lenin. He said Nagarjuna never imposed his opinions on the filmmakers and instead trusted everyone to work in their comfort zones, allowing them to bring out their best. According to Vamsi, that faith played a major role in the film's success.
Lead actress Bhagyashri Borse turned emotional while thanking the Hyderabad audience for showering her with immense love. She said the city had become very close to her heart and added that if she ever had to do her final film, she would want it to be in Hyderabad, earning loud applause from those present.
Akhil Akkineni thanked audiences for setting aside the disappointment of his previous films and embracing Lenin. He said viewers gave the film a fair chance despite his past setbacks and promised to continue working hard to entertain them with better films in the future.
The celebrations had already witnessed an emotional father-son moment on Friday evening when Nagarjuna and Akhil embraced each other after the film's encouraging response. The hug quickly went viral across social media. During Saturday's success meet, that clip was played on the big screen, leaving Nagarjuna teary-eyed once again as the audience applauded the touching moment.
Ending the event on an emotional note, Nagarjuna revealed that he had never asked God for anything in his life because he believed he had already been blessed with everything he needed. He said he would always visit Lord Venkateswara only to express his gratitude. However, before the release of Lenin, he broke that lifelong practice and prayed for just one thing—that the film would become a success for his son Akhil.
He called Jr. NTR has his eldest son and thanked him for giving voice over to grab audiences into the story immediately. He praised every team member for their consolidated work and supporting the vision of director Murali Krishna Abburu. His heartfelt confession received a thunderous response and became the defining moment of the success meet.
Disclaimer: This article is based on discussions and information shared across publicly available sources and social media. Interpretations remain those of the users involved. Readers are encouraged to exercise discretion before drawing conclusions.
టాలీవుడ్ సీనియర్ హీరో, విక్టరీ వెంకటేష్ ప్రస్తుతం తన కెరీర్లోనే ఎన్నడూ లేనంత అత్యుత్తమ ఫేజ్ను ఎంజాయ్ చేస్తున్నారు. వరుస విజయాలతో దూసుకుపోతున్న ఈ ఫ్యామిలీ హీరో మార్కెట్ వాల్యూ ఇండస్ట్రీలో ఇప్పుడు స్కై హైకి చేరింది. ముఖ్యంగా సక్సెస్ఫుల్ డైరెక్టర్ అనిల్ రావిపూడి, వెంకటేష్ కాంబినేషన్కు టాలీవుడ్లో తిరుగులేకుండా పోయింది. వీరిద్దరి కాంబోలో వచ్చిన ‘సంక్రాంతికి వస్తున్నాం’ చిత్రం వెంకటేష్ కెరీర్లోనే బిగ్గెస్ట్ బ్లాక్బస్టర్ హిట్గా నిలిచి సరికొత్త రికార్డులను సృష్టించింది. ఆ తర్వాత ‘మన శంకర వరప్రసాద్ గారు’ చిత్రంలో వెంకీ చేసిన గెస్ట్ అప్పీయరెన్స్ కూడా ప్రేక్షకులను విపరీతంగా ఆకట్టుకుని మరో సక్సెస్ను ఆయన ఖాతాలో వేసింది. ప్రస్తుతం టాలెంటెడ్ డైరెక్టర్ త్రివిక్రమ్ శ్రీనివాస్ దర్శకత్వంలో తెరకెక్కుతున్న ‘ఆదర్శ కుటుంబం’ సినిమా షూటింగ్ను పూర్తి చేసే పనిలో బిజీగా ఉన్నారు వెంకటేష్. ఈ బ్యాక్ టు బ్యాక్ సక్సెస్ల జోరుతో ఈ సినిమాకు వెంకీ భారీగా రెమ్యునరేషన్ పెంచినట్లు ఇండస్ట్రీ వర్గాల్లో గట్టి టాక్ నడుస్తోంది.
అయితే అసలు సిసలైన సెన్సేషన్ మాత్రం అనిల్ రావిపూడితో చేయబోయే తదుపరి మల్టీస్టారర్ ప్రాజెక్టుతోనే మొదలైంది. ఈ క్రేజీ ప్రాజెక్ట్ కోసం నిర్మాత సాహు గారపాటి విక్టరీ వెంకటేష్కు ఇప్పటివరకు ఆయన కెరీర్లోనే ఇవ్వనంత అత్యధిక పారితోషికాన్ని ఆఫర్ చేసినట్లు ఫిల్మ్ నగర్ లేటెస్ట్ సమాచారం. వెంకటేష్కు ఏకంగా ₹25 కోట్ల భారీ రెమ్యునరేషన్ డీల్ కుదిరినట్లు తెలుస్తోంది. కేవలం ఈ ₹25 కోట్ల ఫిక్స్డ్ అమౌంట్ మాత్రమే కాకుండా, ఈ సినిమా బిజినెస్ ద్వారా వచ్చే లాభాల్లో కూడా ఆయనకు భారీ వాటా ఇవ్వబోతున్నారట. ఈ రేంజ్ భారీ పారితోషికంతో సీనియర్ స్టార్ హీరోలైన మెగాస్టార్ చిరంజీవి, నందమూరి బాలకృష్ణ తర్వాత అత్యధిక రెమ్యునరేషన్ అందుకుంటున్న టాలీవుడ్ టాప్ సీనియర్ స్టార్ల క్లబ్లోకి వెంకటేష్ చేరిపోయారు.
ఈ భారీ మల్టీస్టారర్ చిత్రంలో విక్టరీ వెంకటేష్తో పాటు నందమూరి కళ్యాణ్ రామ్ కూడా ఒక ప్రధాన పాత్రలో నటిస్తున్నారు. అంతేకాదు, క్రేజీ హీరోయిన్లు కీర్తి సురేష్, కృతి శెట్టి కీలక పాత్రల్లో కనిపించబోతుండటం ఈ సినిమాపై అంచనాలను మరింత పెంచేస్తోంది. ఇంకో ఆసక్తికరమైన విషయమేమిటంటే, వరుస సక్సెస్లతో బాక్సాఫీస్ వద్ద తన సత్తా చాటుతున్న డైరెక్టర్ అనిల్ రావిపూడి కూడా ఈ సినిమాతో సరికొత్త రికార్డు క్రియేట్ చేశారు. దర్శకుడిగా అనిల్ రావిపూడి కూడా మొదటిసారిగా ₹25 కోట్ల రెమ్యునరేషన్ క్లబ్లోకి అడుగుపెట్టడం ఇండస్ట్రీలో హాట్ టాపిక్గా మారింది.
Victory Venkatesh, Remuneration, Anil Ravipudi, TeluguOne
Andhra Pradesh Deputy Chief Minister Pawan Kalyan underwent a successful shoulder surgery at a hospital in Mumbai on Saturday morning to treat a severe rotator cuff injury in his right shoulder. The procedure lasted nearly three-and-a-half hours, and doctors confirmed that he is currently under medical observation.
According to an official statement, medical specialists had recently advised the Deputy Chief Minister to undergo surgery at the earliest after diagnosing serious rotator cuff injuries in both shoulders, along with multiple muscle tears. However, Pawan Kalyan chose to complete his pre-scheduled official responsibilities before undergoing the operation.
Doctors decided against operating on both shoulders simultaneously, citing the intense post-operative pain and recovery challenges such a procedure would involve. As a result, surgery was first performed on the right shoulder, while the left shoulder is expected to undergo a similar procedure after a recovery period of around two months.
The injuries reportedly date back to 2016, when Pawan Kalyan sustained damage to his shoulder. Although doctors had recommended adequate rest at the time, he continued participating in public meetings and political activities. During the Jana Sena Party's Porata Yatra in 2018, and later during election campaigns and the Varahi Yatra, frequent handshakes and enthusiastic interactions with supporters are said to have aggravated the injuries. Despite recurring pain, he continued with his public engagements over the years.
Medical examinations conducted earlier this year during treatment for a nasal procedure revealed the extent of the shoulder damage. Doctors were reportedly surprised that he had continued to manage such severe injuries for nearly a decade without surgical intervention. Following further evaluations in Mumbai a few weeks ago, the surgical team finalized the treatment plan, leading to Saturday's operation. Pawan Kalyan is currently recovering under the supervision of his medical team, while doctors will assess his progress before scheduling surgery for his left shoulder.
Disclaimer: This article is based on discussions and information shared across publicly available sources and social media. Interpretations remain those of the users involved. Readers are encouraged to exercise discretion before drawing conclusions.
సినీ పరిశ్రమలో గ్లామర్, టాలెంట్ ఎంత ఉన్నప్పటికీ బాక్సాఫీస్ వద్ద ఒక సాలిడ్ సక్సెస్ పడితేనే ఆ క్రేజ్ మరియు గుర్తింపు శాశ్వతంగా నిలబడతాయి. ఈ చేదు నిజాన్ని బాలీవుడ్ నుంచి టాలీవుడ్లోకి అడుగుపెట్టిన అందాల భామ భాగ్యశ్రీ బోర్సే చాలా త్వరగానే అనుభవపూర్వకంగా తెలుసుకుంది. మాస్ మహారాజా రవితేజ సరసన నటించిన 'మిస్టర్ బచ్చన్' లాంటి భారీ అంచనాల సినిమాతో టాలీవుడ్ ఎంట్రీ ఇచ్చిన ఈ ముద్దుగుమ్మకు, ఆరంభంలోనే తీవ్ర నిరాశ ఎదురైంది. మొదటి సినిమా బాక్సాఫీస్ వద్ద పరాజయం పాలుకావడం, ఆ తర్వాత చేసిన చిత్రాలు కూడా ఆశించిన స్థాయిలో ఆడకపోవడంతో ఆమెపై ఇండస్ట్రీలో చాలా వేగంగా 'ఐరన్ లెగ్' అనే ఒక అపవాదు, ముద్ర వేసే ప్రయత్నాలు జరిగాయి. ఒక నటిగా వరుస ఫ్లాపులు వస్తున్నా ఆమెకు అవకాశాలు తగ్గకపోయినప్పటికీ, తనపై ఉన్న ఆ ఫ్లాప్ ముద్రను చెరిపేసే ఒకే ఒక్క కమర్షియల్ హిట్ కోసం ఆమె మనసులో ఎంతో ఆరాటపడింది. ఎట్టకేలకు అక్కినేని యువ హీరో అఖిల్ అక్కినేని సరసన హీరోయిన్గా నటించిన 'లెనిన్' చిత్రం బాక్సాఫీస్ వద్ద భారీ కమర్షియల్ బ్లాక్బస్టర్గా నిలవడంతో ఈ భామ కళ్లల్లో ఆనంద బాష్పాలు కురిశాయి.
అఖిల్ అక్కినేని కెరీర్లోనే బిగ్గెస్ట్ ఓపెనర్స్తో పాత రికార్డులన్నింటినీ బద్దలు కొడుతూ 'లెనిన్' సినిమా బాక్సాఫీస్ వద్ద రికార్డు స్థాయి వసూళ్లతో దూసుకుపోతోంది. ఈ భారీ విజయాన్ని సెలబ్రేట్ చేసుకునేందుకు చిత్ర యూనిట్ హైదరాబాద్లోని ప్రతిష్టాత్మక అన్నపూర్ణ స్టూడియోస్లో ఒక గ్రాండ్ సక్సెస్ మీట్ను ఏర్పాటు చేసింది. ఈ వేడుకకు టాలీవుడ్ కింగ్ అక్కినేని నాగార్జున ముఖ్య అతిథిగా విచ్చేశారు. సక్సెస్ మీట్ వేదికపై మైక్ పట్టుకుని మాట్లాడేందుకు ముందుకు వచ్చిన భాగ్యశ్రీ బోర్సే, ఒక్కసారిగా తీవ్ర భావోద్వేగానికి లోనై స్టేజీపైనే కన్నీళ్లు పెట్టుకున్నారు. తాను ఇండస్ట్రీలోకి అడుగుపెట్టిన మొదటి రోజు నుండి ఎదుర్కొన్న విమర్శలు, నెగెటివిటీ, ఈ సినిమా కోసం పడిన కష్టం, వీటన్నింటినీ మించి కింగ్ నాగార్జున స్వయంగా వేదికపై తన నటనను ప్రశంసించడాన్ని గుర్తుచేసుకుంటూ ఆమె భావోద్వేగాన్ని ఆపుకోలేక కంటతడి పెట్టారు. ఆమె కన్నీళ్లు పెట్టుకోవడం చూసి వేదికపై ఉన్న చిత్ర యూనిట్ సభ్యులతో పాటు అక్కడున్న అభిమానులు కూడా ఒక్కసారిగా ఎమోషనల్ అయ్యారు.
ఈ వేడుకలో భాగ్యశ్రీ కొద్దికొద్దిగా తెలుగులో మాట్లాడుతూ తన క్యూట్ స్పీచ్తో అక్కడున్న వారందరినీ ఆకట్టుకుంది. ఈ సందర్భంగా ఆమె మాట్లాడుతూ, "నా అభిమానులు నన్ను నిరంతరం ప్రోత్సహిస్తూనే ఉన్నారు. ముఖ్యంగా సోషల్ మీడియాలో నాపై వారు చూపిస్తున్న అమితమైన ప్రేమ, నాపై చేస్తున్న స్పెషల్ రీల్స్, ఇస్తున్న సపోర్ట్ వల్లే నేను ఈ రోజు ఈ స్థాయిలో ధైర్యంగా నిలబడగలిగాను. ఈ చిత్ర బృందం నాకు ఒక సొంత కుటుంబంలా అండగా నిలిచింది" అని ఎంతో కృతజ్ఞతతో చెప్పుకొచ్చారు. టాలీవుడ్తో తనకున్న అనుబంధాన్ని వివరిస్తూ, "హైదరాబాద్ నా కర్మభూమి. ఇక్కడి ప్రేక్షకులు నాపై చూపిస్తున్న ఆదరణ, ప్రేమ ఎప్పటికీ మరువలేనిది. నా సినీ ప్రయాణంలో ఆఖరి సినిమా కూడా ఈ టాలీవుడ్లోనే ఉండాలని మనస్ఫూర్తిగా కోరుకుంటున్నాను" అంటూ తెలుగు సినిమా పరిశ్రమపై తనకున్న అమితమైన ప్రేమను చాటుకున్నారు.
'లెనిన్' చిత్రం భాగ్యశ్రీ బోర్సే కెరీర్కు టాలీవుడ్లో ఒక లక్కీ టర్నింగ్ పాయింట్గా మారిందని చెప్పాలి. ఈ సినిమాలో ఒక చక్కటి పల్లెటూరి అమ్మాయి 'భారతి' పాత్రలో ఆమె ఒదిగిపోయిన తీరుకు ప్రేక్షకుల నుండే కాకుండా సినీ విమర్శకుల నుంచి కూడా ప్రశంసలు దక్కుతున్నాయి. ముఖ్యంగా హీరో అఖిల్తో ఆమె పండించిన లవ్ ట్రాక్, ఎమోషనల్ సన్నివేశాలు మరియు వారిద్దరి మధ్య ఉన్న స్క్రీన్ కెమిస్ట్రీ థియేటర్లలో ప్రేక్షకులను విపరీతంగా ఆకట్టుకున్నాయి. ఒకవైపు హీరో అఖిల్ అక్కినేని తన కెరీర్లో తొలి భారీ కమర్షియల్ విజయం దక్కడంతో తండ్రి నాగార్జున కాళ్లపై పడి ఎమోషనల్ అవ్వగా, మరోవైపు హీరోయిన్ భాగ్యశ్రీ కూడా తనపై ఉన్న ఫ్లాప్ ముద్ర తొలిగిపోవడంతో కన్నీటి పర్యంతమవడం ఈ సక్సెస్ మీట్లో ప్రత్యేక ఆకర్షణగా నిలిచింది. మొత్తానికి 'లెనిన్' సాధించిన ఈ భారీ బ్లాక్బస్టర్ సక్సెస్ భాగ్యశ్రీ బోర్సే కెరీర్ గ్రాఫ్ను టాలీవుడ్లో సరికొత్త శిఖరాలకు తీసుకెళ్లడం ఖాయంగా కనిపిస్తోంది.
Bhagyashri Borse, Lenin Success Meet, Akhil Akkineni, Nagarjuna, Bhagyashri Borse Crying, Lenin Movie Blockbuster
.webp)
ప్రతి వ్యక్తికి తన జీవితంలో బోలెడు బలం, ప్రశాంతత, ఆత్మవిశ్వాసం, జీవితం మీద భరోసా కలిగేది కుటుంబం వల్లనే.. బయట ఎన్ని సమస్యలు ఉన్నా, ఎంత ఇబ్బందులు ఎదుర్కున్నా ఇంటికి రాగానే సంతోషం బోలెడు ప్రశాంతత, జీవితంలో ఊరట కలుగుతోంది అంటే.. ఆ కుటుంబం ఎంతో ఆరోగ్యంగా ఉందని అర్థం. కానీ కొన్ని కుటుంబాలలో ఆరోగ్యకరమైన వాతావరణం ఉండదు. ఇలా ఆరోగ్యకరమైన వాతావరణం లేకపోతే కుటుంబ సభ్యులు చాలా వరకు మానసికంగా డిస్టర్బ్ అవుతుంటారు. అయితే కుటుంబ వాతావరణం అనారోగ్యంగా ఉండటానికి చాలా కారణాలు ఉంటాయి. వాటిలో తరాల అంతరం వల్ల కుటుంబంలో వాతావరణం సరిగా లేకుండా ఉండే అవకాశం ఉంది, అలాగే కుటుంబ అలవాట్ల వల్ల కూడా వాతావరణం దెబ్బతింటుంది. కానీ కుటుంబ జీవితంలో నిర్లక్ష్యం చేయకూడని విషయాలు కొన్ని ఉన్నాయి. వాటిని తెలుసుకుంటే.. కుటుంబం తిరిగి ఆరోగ్యంగా ఉండేలా చేసుకోవచ్చు. ఇంతకీ ఆ విషయాలు ఏంటో తెలుసుకుంటే..
ఎమోషన్స్ దుర్వినియోగం..
కుటుంబంలో సులభంగా గుర్తించగలిగే ప్రమాదకరమైన విషయాలు ఏవీ ఉండవు. కానీ చాలా సున్నితంగా ఉంటూనే మనుషుల్ని బాధపెడతారు. ఎమోషన్స్ తో ఇబ్బంది పెడతారు. కుటుంబ సభ్యులు తమదే తప్పు అన్న భావనను కుటుంబంలో వ్యక్తికి కలిగిస్తారు. కొన్నిసార్లు, వారు బాధితులుగా నటిస్తూ ఎదుటివారిని ఎక్కువగా నియంత్రించడానికి ప్రయత్నం చేస్తారు. ఇలాంటి వాతావరణం ఉన్న ఇంట్లో ఆరోగ్యకరమైన వాతావరణం, సంతోషం ఉండవు.
నిర్ణయాల దగ్గర బంధనం..
కుటుంబంలో జీవిత నిర్ణయాల గురించి మిమ్మల్ని అడగకుండా, తమకు తాము నిర్ణయాలు తీసుకుని ఆఖరిగా మీకు చెబుతూ ఉంటే.. ఒకవేళ అదే నిజమైతే, ఇది నిర్లక్ష్యం చేయకూడని విషయమని లైఫ్ స్టైల్ నిపుణులు చెబుతున్నారు. . ఈ నియంత్రణ చిన్నతనం నుండి కౌమారదశ వరకు ఆరోగ్యకరంగానే ఉంటుంది. , కానీ పెద్దయ్యాక కుటుంబ సభ్యుల నుండి ఇదే వైఖరి కొనసాగడం మంచిది కాదు.
హద్దులు లేకపోవడం..
ప్రతిఒక్కరూ ఒకరి వ్యక్తిగత స్వేచ్ఛను మరొకరు గౌరవించుకున్నప్పుడే కుటుంబ సంబంధాలు ఆరోగ్యకరంగా ఉంటాయి. అలా చేయడంలో విఫలమైతే, కాలక్రమేణా విషపూరితమైన సంబంధాలకు దారితీయవచ్చు. అంతేకాకుండా, ఈ విషయాలు వ్యక్తి యొక్క భావోద్వేగ ఎదుగుదలకు చాలా కీలకమైనవి.
గొడవల పరిష్కారం..
పరిష్కారం కాని కుటుంబ వివాదాలు చాలా కుటుంబాలలో కనిపిస్తూ ఉంటాయి. ఇలాంటివి పదేపదే మరో వాదనకు లేదా ఘర్షణకు దారితీసి, పరిస్థితిని మరింత తీవ్రం చేస్తాయి. దీనివల్ల, ఆ విషయం పరిష్కారమైన తర్వాత కూడా ఎమోషనల్ దూరం పెరగవచ్చు.
పట్టించుకోకపోవడం..
కుటుంబంలో మీ భావాలను లేదా అభిప్రాయాలను ఎప్పుడూ పట్టించుకోవడం జరిగితే అది కుటుంబ సభ్యుల నుండి దూరాన్ని పెంచుతుంది. ఎందుకంటే ఎప్పుడైతై ఎమోషనల్ సపోర్ట్ లేదా అభిప్రాయాలకు విలువ ఇవ్వకపోవడం జరుగుతుందో అప్పుడు ఆ ఇంట్లో వ్యక్తి పరాయివాడుగా ఫీలవుతారు.
*రూపశ్రీ.
వివాహం కేవలం ఇద్దరు వ్యక్తుల మధ్య ముడిపడేదే కాదు.. రెండు కుటుంబాల మధ్య ముడిపడే బంధం. భారతదేశంలో చాలా వరకు వివాహం తర్వాత అమ్మాయి అత్తవారింటికి వెళుతుంది. భర్త, అత్తమామలతో కలిసి జీవిస్తుంది. అత్తారింట్లో అత్తమామలు మంచివాళ్లు, కోడలిని అర్థం చేసుకుని బాగా చూసుకునేవాళ్లు అయితే ఆ ఇంట్లో ఆడపిల్ల సంతోషంగా ఉంటుంది. కానీ కోడలిగా వచ్చిన ఆడపిల్లను బాధపెట్టే అత్తమామలు ఉంటే.. ఆ ఆడపిల్లల జీవితం నరకప్రాయంగా ఉంటుంది. అయితే.. బాధపెట్టే అత్తమామలు ఉన్నారని, వివాహ బంధాన్ని తెంచుకుని వెళ్లలేరు చాలామంది అమ్మాయిలు, బాధపెట్టే అత్తమామలతో ఎలా ఉండాలో, వాళ్లతో కలిసి ఎలా జీవించాలో లైఫ్ స్టైల్ నిపుణులు చెబుతున్నారు.. వీటి గురించి తెలుసుకుంటే..
మార్చాలని అనుకోకూడదు..
కొన్నిసార్లు అత్తమామలు కోడళ్ల మీద ఒత్తిడిని, ఇబ్బందులను కలిగిస్తారు. బాధపెట్టే అత్తమామల గురించి చాలా మంది జోక్ గా చెప్తూ ఉంటారు. కానీ బాధపెట్టే అత్తమామలు ఉండటం జోక్ కాదు.. అది ఆడపిల్లలను చాలా బాధపెడుతుంది, చాలా ఒత్తిడిలోకి నెడుతుంది. అలాంటి అత్తమామలు మానసిక ప్రశాంతతను, వివాహ బంధాన్ని కూడా ప్రభావితం చేస్తారు. చాలా మంది కోడళ్లు తమ అత్తమామలు మారితే బాగుండు అని అనుకుంటారు. కానీ అత్తమామలు మారాలని, వాళ్లను మార్చాలని అనుకోవడం వ్యర్థం. అత్తమామలు ఏ విషయాల పట్ల బాధపెడతారో తెలిసినప్పుడు వాటి గురించి పట్టించుకోకుండా ఉండటమే మంచిది.
పరిమితులు..
బాధపెట్టే అత్తమామలు ఉన్నప్పుడు, ప్రతి కోడలు తన భర్త సహాయంతో కొన్ని సొంత పరిమితులను నిర్దేశించుకుని, వాటికి కట్టుబడి ఉండడం మంచిది. పరిమితులు ఏర్పాటు చేసుకున్నప్పుడు పెద్దవాళ్లు, అత్తమామలు మాట్లాడే ఏ మాటలు లేదా ప్రవర్తన పరిమితులను దాటి జీవితంలోకి తీసుకుని బాధపడే పరిస్థితి రాదు.
సమస్య, పరిష్కారం..
ఏదైనా సమస్యను పరిష్కరించే ముందు, దాని మూల కారణాన్ని అర్థం చేసుకోవడం ముఖ్యం. అత్తమామల చెడు ప్రవర్తన అకస్మాత్తుగా జరగదు. వారు ప్రతీదీ తమకు నచ్చినట్టుగా జరగాలని కోరుకోవడం, తమ భావాలను అదుపు చేసుకోలేకపోవడం, లేదా గతంలోని మానసిక గాయాలను మోయడం వంటి కారణాల వల్ల ఇది తరచుగా జరుగుతుంది. కొన్నిసార్లు, అత్తమామలు కోడలు పెరిగిన విధానాన్ని, కోడలి పుట్టింటి వారి పద్దతులను, నియమాలను అగౌరవపరుస్తారు, మరికొన్ని సార్లు స్వార్థపరురాలు అనే ట్యాగ్ వేసి వ్యక్తిగత స్వేచ్ఛను ఉల్లంఘిస్తారు, లేదా కుటుంబంలో కలహాలు సృష్టించి కోడలిని తమకు అనుకూలంగా మలచుకోవడానికి ప్రయత్నిస్తారు. ఈ పద్ధతులను గుర్తించడమే కోడళ్లు అత్తారింట్లో బాధపెట్టే అత్తమామలతో కలిసి ఎలా జీవించాలనే విషయాన్ని అర్థమయ్యేలా చేస్తాయి.
*రూపశ్రీ.
వేసవి సెలవలు పూర్తయ్యాక పిల్లలు స్కూల్ కు వెళ్లడం అనేది సహజం. పాఠశాలకు వెళ్లడం పిల్లల జీవితంలో పెద్ద మార్పుగా మారుతుంది. మరీ ముఖ్యంగా కొత్తగా స్కూల్ లో జాయిన్ అయిన పిల్లల విషయంలో ఇది మరింత ప్రభావవంతంగా ఉంటుంది. కొత్త వాతావరణం, కొత్త ఉపాధ్యాయులు, కొత్త తరగతులు మరియు కొత్త స్నేహితులు ఉత్సాహంతో పాటు ఆందోళనను కూడా కలిగిస్తాయి. చాలా మంది పిల్లలు మొదట్లో పాఠశాలలో తమకు ఎదురయ్యే విషయాలను, తమ మనసులోని విషయాలను మనసు విప్పి చెప్పలేరు. అయితే తల్లిదండ్రుల బాధ్యత కేవలం పిల్లలను బడికి పంపడమే కాదు.. పిల్లల గురించి ఎన్నో విషయాలు తల్లిదండ్రులు ఆలోచించాలి. మరీ ముఖ్యంగా.. కొత్తగా స్కూల్ కు వెళ్తున్న పిల్లలను కొన్ని ప్రశ్నలు తప్పకుండా అడగాలి. ఆ ప్రశ్నలు ఏంటో తెలుసుకుంటే..
ప్రతిరోజూ పిల్లలను అడాగాల్సిన ప్రశ్నలు..
నచ్చిన విషయం..
ఈ రోజు పాఠశాలలో అన్నింటి కన్నా నీకు నచ్చిన విషయం ఏదని పిల్లలను అడగాలి. ఈ ప్రశ్న పిల్లలో సానుకూల విషయాలను వెలికితీయడానికి సహాయపడుతుంది. కొందరు పిల్లలు బడికి వెళ్లొచ్చిన తర్వాత మళ్లీ బడికి వెళ్లమని మారం చేస్తుంటారు. కానీ బడిలో వారికి నచ్చిన విషయాన్ని గుర్తు చేయడం వల్ల పిల్లలకు పాఠశాల పట్ల ఉత్సాహం పెరుగుతుంది. అలాగే తల్లిదండ్రులు పిల్లలతో ఇలా మాట్లాడటం వల్ల పిల్లలు స్వేచ్ఛగా మాట్లాడటం నేర్చుకుంటారు, ఏ విషయాన్ని అయినా బెరుకు లేకుండా చెప్పగలుగుతారు. ఇది పిల్లలలో ఆత్మవిశ్వాసం పెంచుతుంది. పిల్లలకు ఏ విషయాల మీద ఆసక్తి ఉందో కూడా తల్లిదండ్రులకు అర్థం అవుతుంది.
ఎవరితో ఆడుకున్నావు లేదా మాట్లాడావు అని అడగాలి..
పిల్లలు పాఠశాలలో ఎవరితో ఆడుకున్నారు, మాట్లాడారు అనే విషయాలు కొత్త స్నేహితుల గురించిన సమాచారాన్ని తెలుసుకోవడానికి సహాయపడుతుంది. పిల్లలకు సామాజిక అవగాహన అర్థం అవుతుంది. పిల్లలు బడిలో ఒంటరిగా ఉంటారా లేదా ఇతరులతో కలుస్తున్నారా, ఎవరితో అయినా కలవడంలో ఇబ్బంది ఫీలవుతున్నారా? అనే విషయాలు అర్థం చేసుకోవడానికి తల్లిదండ్రులకు సహాయపడుతుంది.
ఏదైనా భయం లేదా బాధ పెట్టే విషయం ఉందా అని అడగాలి..
కొందరు పిల్లలు స్కూల్ లో తోటి విద్యార్థుల వల్ల, ఉపాధ్యాయుల వల్ల బాధపడటం, భయపడటం జరుగుతూ ఉంటుంది. దీని వల్ల పిలల్లు బడికి వెళ్లాలంటే భయపడటారు. ఈ కారణంగా చదువు మీద ఆసక్తి కూడా తగ్గిపోతుంది. పిల్లల భయాన్ని తగ్గించినప్పుడే పిల్లల భవిష్యత్తు బాగుంటుంది.
ఈ రోజు ఏం నేర్చుకున్నావని అడగాలి..
పిల్లలను ఈ రోజు ఏం నేర్చుకున్నావని ప్రతి రోజూ అడిగితే వారికి ఏ విషయం పట్ల ఆసక్తి ఎక్కువ ఉందో అర్థమవుతుంది. తద్వారా పిల్లలను ప్రోత్సహించడంలో తల్లిదండ్రులకు ఒక స్పష్టత ఏర్పడుతుంది. ఇలా అడిగినప్పుడు పిల్లలు అన్ని చెబుతూ ఉంటే.. పిల్లలలో జ్ఞాపకశక్తి, వారిలో బావ వ్యక్తీకరణ వంటివి మెరుగు పడతాయి.
*రూపశ్రీ.
మన శరీరంలో రక్త ప్రసరణ సక్రమంగా ఉండటం ఆరోగ్యానికి ఎంతో ముఖ్యమైనది. జీవనశైలి మార్పులు, సరైన ఆహారం తీసుకోకపోవడం, వ్యాయామం లేకపోవడం వంటి కారణాల వల్ల రక్తంలో క్లాట్స్ ఏర్పడే ప్రమాదం పెరుగుతుంది. అలాగే అధిక బరువు కూడా అనేక ఆరోగ్య సమస్యలకు దారితీస్తుంది.
ఈ వీడియోలో ప్రముఖ ఆయుర్వేద వైద్య నిపుణులు Dr. Chittibotla Madhusudana Sharma గారు వంటింట్లో సులభంగా లభించే కొన్ని సహజ పదార్థాలతో సంప్రదాయ ఆయుర్వేదంలో ఉపయోగించే చిట్కాలను వివరించారు. రక్త ప్రసరణను మెరుగుపరచడంలో, శరీర ఆరోగ్యాన్ని కాపాడుకోవడంలో, బరువు నియంత్రణకు తోడ్పడే ఆహారపు అలవాట్లు మరియు సహజ పద్ధతుల గురించి ఆయన విలువైన సూచనలు అందించారు.
అలాగే ఏయే ఆహార పదార్థాలను తీసుకోవాలి, ఎలాంటి జీవనశైలి పాటించాలి, ఆరోగ్యాన్ని సహజంగా ఎలా మెరుగుపరుచుకోవాలి వంటి విషయాలను కూడా ఈ వీడియోలో తెలుసుకోవచ్చు.
ఆయుర్వేదం చెప్పే ఈ సంప్రదాయ చిట్కాలను తెలుసుకుని, మీ రోజువారీ జీవితంలో ఆరోగ్యకరమైన అలవాట్లను అలవరచుకోండి.
గమనిక: ఈ వీడియోలో తెలిపిన సమాచారం అవగాహన కోసం మాత్రమే. ఇప్పటికే రక్తం గడ్డకట్టే సమస్యలు, గుండె సంబంధిత వ్యాధులు లేదా ఇతర ఆరోగ్య సమస్యలతో బాధపడుతున్నవారు తప్పనిసరిగా అర్హత కలిగిన వైద్యుడి సలహా మేరకు మాత్రమే చికిత్స తీసుకోవాలి. వైద్యుల సూచన లేకుండా ఎలాంటి మందులను ఆపడం లేదా ప్రారంభించడం చేయవద్దు.
నేటికాలంలో ఉపవాసం కేవలం దేవుడు, సంప్రదాయం, మతానికి సంబంధించిన విషయం మాత్రమే కాదు.. ఫిట్నెస్ ప్రపంచంలో కూడా ఉపవాసం బాగా ప్రాచుర్యం పొందింది. 16:8 డైట్ వంటి పద్ధతుల నుండి రోజుకు ఒకసారి తినడం వరకు, తక్కువ తినడానికి, త్వరగా బరువు తగ్గడానికి , ఆరోగ్యంగా ఉండటానికి ఉపవాసం ఒక సులభమైన మార్గంగా అందరికీ కనిపిస్తుంది. ఇలాంటి వాటిలో ఇంటర్మిటెంట్ ఫాస్టింగ్ కూడా ఉంది. దీన్నే మధ్యంతర ఉపవాసం అని కూడా పిలుస్తారు. అయితే ఇది ఆరోగ్యానికి మేలు చేయడం కంటే.. హాని చేయడమే ఎక్కువ ఉంటుందని అంటున్నారు. ఇది పరిశోధనలలో తేలిందని కూడా అంటున్నారు. దీని గురించి పూర్తీగా తెలుసుకుంటే..
పరిశోధనలు తేల్చిన నిజం..
ఇటీవల 20,000 మందికి పైగా ప్రజలపై జరిపిన ఒక విశ్లేషణలో, రోజుకు ఎనిమిది గంటలు లేదా అంతకంటే ఎక్కువ సమయం వరకు ఆహారం తీసుకోకుండా ఉండే వారికి గుండె జబ్బులతో మరణించే ప్రమాదం ఎక్కువగా ఉందని తేలింది. కొన్ని సందర్భాల్లో ఈ ప్రమాదం 91 శాతం వరకు ఎక్కువగా ఉంటుందట. దీని అర్థం ఉపవాసం అందరికీ హానికరం అని కాదు, కానీ తక్కువ తినడం, ఎక్కువ సమయం ఆహారం లేకుండా ఉండటం ఆరోగ్యానికి మంచిది కాదని అంటున్నారు.
వైద్యులు ఏం చెప్తున్నారంటే..
ఎక్కువసేపు ఆహారం తీసుకోకుండా ఉండటం అనేది శరీరంలో అనేక ఆకస్మిక మార్పులకు కారణమవుతుందని వైద్యులు చెబుతున్నారు. రక్తంలో చక్కెర స్థాయిలు వేగంగా హెచ్చుతగ్గులకు గురవుతాయి, ఒత్తిడి హార్మోన్లు పెరుగుతాయి, , కొవ్వు స్థాయిలు కూడా ప్రభావితమవుతాయి. ఈ మార్పులన్నీ గుండెపై ఒత్తిడిని కలిగిస్తాయట. మరోవైపు ఎక్కువ సేపు ఆహారం తీసుకోకుండా ఉండడం వల్ల చక్కెర, ఖనిజాలు , హార్మోన్లలో హెచ్చుతగ్గులకు కారణమవుతుందని, ఇది హృదయ స్పందనలు గాడి తప్పే పరిస్థితి తీసుకొస్తుందని అంటున్నారు.
నీటి కొరత..
ఆహారం ఎక్కువ సేపు తీసుకోకుండా ఉపవాసం ఉండటం వల్ల శరీరంలో నీటి శాతం తగ్గుతుంది. శరీరం డీహైడ్రేషన్ అవుతుంది. ప్రజలు ఎక్కువ సేపు ఆహారం తీసుకోనప్పుడు, తక్కువ నీరు తాగుతారు. దీనివల్ల సాధారణ గుండె కొట్టుకోవడానికి అవసరమైన పొటాషియం , మెగ్నీషియం వంటి అవసరమైన ఖనిజాలు శరీరంలో తగ్గిపోతాయి. ఈ ఖనిజ లోపాలు డీహైడ్రేషన్ కారణంగా హృదయ స్పందన సజావుగా సాగడం కోసం గుండె చాలా కష్టపడాల్సి వస్తుంది.
ఎవరు జాగ్రత్తగా ఉండాలి?
ఉపవాసం ఆరోగ్యానికి మంచిది కాకపోయినా.. ఇది అందరికీ ఒకే ఫలితాన్ని ఇవ్వదు. కొందరికి ఇది సమస్య కలిగిస్తుంది, మరికొందరికి మంచి ఫలితాలు కూడా ఇవ్వవచ్చు. ముఖ్యంగా మధుమేహం, అధిక రక్తపోటు లేదా గుండె సమస్యలు, ముందు నుంచే ఆరోగ్య సమస్యలు ఉన్నవారు ఉపవాసం విషయంలో ప్రత్యేక జాగ్రత్తలు తీసుకోవాలి. అంతేకాకుండా, కొన్ని రకాల మందులు తీసుకునే వారికి ఉపవాసం మంచిది కాదు,, ఆహారం తినకుండా మందులు వేసుకోలేం, ఆహారం తినకుండా మందులు వేసుకున్నా అది ఆరోగ్యానికి మంచిది కాదు. ఆరోగ్యంగా ఉన్నవారు కూడా ఎక్కువ సేపు ఆహారం తీసుకోకుండా ఉంటే.. తరచుగా అలసట, తలతిరగడం, ఛాతిలో ఇబ్బందిగా ఉండటం లేదా గుండె వేగంగా కొట్టుకోవడం వంటి లక్షణాలు కనిపిస్తాయి. ఈ లక్షణాలు శరీరం మీద ఒత్తిడి ఎక్కువగా ఉందని చెప్పే లక్షణాలు.
కాబట్టి ఉపవాసం పేరుతో ఎక్కువ సేపు ఆహారం తీసుకోకుండా ఉండటం, శరీరాన్ని ఇబ్బందికి గురిచేసుకోవడం వల్ల ఆరోగ్యం పాడవుతుంది. అందుకే.. బరువు తగ్గాలన్నా, ఫిట్ గా ఉండాలన్నా మంచి పద్దతులలో ఆహారం తీసుకుంటూనే గోల్ రీచ్ అవ్వాలి.
*రూపశ్రీ.
మెనోపాజ్ (Menopause) వచ్చిన తర్వాత మళ్లీ బ్లీడింగ్ రావడం సాధారణ విషయం కాదు. చాలా మంది మహిళలు దీనిని చిన్న సమస్యగా భావించి నిర్లక్ష్యం చేస్తుంటారు. కానీ ఇది కొన్ని సందర్భాల్లో గర్భసంచి క్యాన్సర్ (Endometrial Cancer / Uterine Cancer) కు తొలి హెచ్చరిక కావచ్చు.
ఈ వీడియోలో ప్రముఖ గైనకాలజిక్ ఆంకాలజిస్ట్ డాక్టర్ స్నేహా సాగర్ గారు గర్భసంచి క్యాన్సర్ గురించి ప్రతి మహిళ తెలుసుకోవాల్సిన ముఖ్యమైన విషయాలను చాలా సులభంగా వివరించారు.
ఈ వీడియోలో తెలుసుకునే ముఖ్యమైన విషయాలు:
✅ మెనోపాజ్ తర్వాత బ్లీడింగ్ రావడానికి కారణాలు ఏమిటి?
✅ ఎండోమెట్రియల్ క్యాన్సర్ అంటే ఏమిటి?
✅ గర్భసంచి క్యాన్సర్ ప్రారంభ లక్షణాలు ఏమిటి?
✅ ఎవరికి ఈ క్యాన్సర్ వచ్చే ప్రమాదం ఎక్కువ?
✅ ఎప్పుడు వెంటనే డాక్టర్ను సంప్రదించాలి?
✅ బయాప్సీ ఎందుకు అవసరం?
✅ క్యాన్సర్ను ప్రారంభ దశలో ఎలా గుర్తిస్తారు?
✅ శస్త్రచికిత్స (Surgery), కీమోథెరపీ (Chemotherapy), రేడియేషన్ థెరపీ (Radiation Therapy) వంటి చికిత్సల గురించి పూర్తి వివరాలు.
ప్రారంభ దశలో గర్భసంచి క్యాన్సర్ను గుర్తిస్తే చికిత్స విజయవంతంగా జరిగే అవకాశాలు చాలా ఎక్కువగా ఉంటాయి. అందుకే మెనోపాజ్ తర్వాత ఎలాంటి బ్లీడింగ్ వచ్చినా ఆలస్యం చేయకుండా గైనకాలజిస్ట్ను సంప్రదించడం ఎంతో ముఖ్యం.