LATEST NEWS
ఈ ప్ర‌పంచానికి ఏదో అయ్యింది. తన చేతుల‌కు ఇన్నేసి ర‌క్త‌పు మ‌ర‌క‌ల‌ను అంటించుకుంటోన్న ట్రంప్ ని ఏకంగా నోబుల్ శాంతి బ‌హుమ‌తికి అది కూడా పాకిస్థాన్న లాంటి ఉగ్ర పిశాచ దేశం ప్ర‌తిపాదించ‌డం అంటే. ఈ క‌లియుగం దాదాపు అంతానికొచ్చేసిన‌ట్టేనా. అంటే అవున‌నే తెలుస్తోంది.మొన్నంటే మొన్న యూఎస్ జ‌న‌ర‌ల్ పాక్ జ‌న‌ర‌ల్ మునీర్ గురించి మాట్లాడుతూ.. ఆయన ఉగ్ర‌వాద నిరోధంలో కీలక పాత్ర పోషించార‌న‌డం ఎలాంటిదో.. ఇప్పుడు ట్రంప్ ప్ర‌పంచ యుద్ధ వాతావరణం కంట్రోల్ చేస్తున్నార‌ని పాక్ కామెంట్ చేయడం కూడా స‌రిగ్గా అలాంటిదేన‌ని అంటారు కొందరు అంత‌ర్జాతీయ దౌత్య వ్యాపారాల నిపుణులు.మునీర్ ఎంత‌టి ఉగ్ర వ్య‌తిరేఖో, ట్రంప్ కూడా అంతటి యుద్ధ వ్య‌తిరేకి, శాంతి పిపాసిగా చూడాల్సి వస్తుందని అంటారు వీరంతా.
కార‌ణ‌మేంటంటే మొన్నంటే మొన్న జీ7 నుంచి వెళ్తూ వెళ్తూ ఫ్రాన్స్ అధ్యక్షుడు మెక్రాన్ ప్ర‌శ్న‌కు సమాధానం చెబుతూ.. కాల్పుల విర‌మ‌ణ కాదు అంత‌క‌న్నా మించి జ‌ర‌గ‌బోతుంద‌ని అన్న ట్రంప్ కి నోబుల్ శాంతి బ‌హుమ‌తా? ఇరాన్ రాజ‌ధాని టెహ్రాన్ వాసులంతా తమ తమ ఇళ్ల‌ను వ‌దిలి వెళ్లాల్సిందేన‌ని సూచించిన వ్యక్తికి నోబుల్ శాంతి బ‌హుమ‌తా? ఇప్పటికే ప‌శ్చిమాశియాకి తన యుద్ధ నౌక‌ల‌ను త‌ర‌లించ‌డంతో పాటు భారీ ఎత్తున బంక‌ర్ బ‌స్ట‌ర్ బాంబుల‌ను త‌ర‌లించ‌మ‌ని ఆదేశించిన వ్యక్తికి నోబుల్ శాంతి బ‌హుమ‌తా? ర‌ష్యాతో ఉక్రెయిన్ యుద్దంలో ఉండ‌గానే అరుదైన ఖ‌నిజ నిల్వ‌లు తమకు ద‌క్కేలా ఒప్పందాలు చేసుకున్న బేహారి ట్రంప్ కి శాంతి బ‌హుమ‌తా?
తాము 85 కోట్ల రివార్డు ప్రకటించిన హ‌ఫీజ్ స‌యీద్.. అక్కడ తన కొడుకు త‌ల్హాతో స‌హా ఉగ్ర విధ్వంస‌కాండ చేస్తుంటే.. అత‌డికి అత‌డి కొడుక్కీ పాక్ సైన్యం పెద్ద ఎత్తున భ‌ద్ర‌తా ఏర్పాట్లు చేస్తుంటే.. ఉగ్ర‌వాదుల మ‌ర‌ణాల సమయంలో సైనికాధికారులు వెళ్లి మ‌రీ వారి మృత‌దేహాల‌కు జాతీయ జెండా క‌ప్పి వస్తుంటే.. సుల్తాన‌న్ బ‌షీరుద్దీన్ అనే ఒక అణు ఉగ్ర‌వాది కొడుకు ఏకంగా ఆ దేశ డీజీఐఎస్పీఆర్ గా సైన్యంలో అత్యంత పెద్ద హోదాలో ఉంటే.. ఇంకా ఇంకా ఎన్నెన్నో ఉగ్ర అరాచ‌కాల‌కు కేంద్ర‌మై చేతినిండా ర‌క్త‌పు మ‌ర‌క‌లు అంటుకున్న పాక్ ఏమిటీ? అంత‌క‌న్నా ర‌క్త‌పు మ‌ర‌క‌లు అంటించుకుంటోన్న ట్రంప్ కి నోబుల్ శాంతి బ‌హుమ‌తి కి సిఫార్సు చేయ‌డ‌మేంటి? అది కూడా మునీర్ కి ట్రంప్ విందు ఇచ్చిన మూడు రోజుల తర్వాత పాక్ నుంచి ఈ ప్రకటన రావ‌డ‌మేంటి?
అయితే ఇక్క‌డ మునీర్ కే ఇంత ప్ర‌యారిటీ ఏంట‌ని చూస్తే.. డ‌బ‌ల్యూఎల్ఎఫ్ వంటి తన కుటుంబ సంస్థలో పాకిస్తాన్నే ఏకంగా తాక‌ట్టు పెట్టేందుకు ఆయన ద‌గ్గ‌రుండి ఒప్పంద ప‌త్రాల‌పై సంత‌కాలు చేయించ‌డం వల్లే.. ఇదంతా జ‌రుగుతున్న‌ట్టు ఒక అంచనా. లేకుంటే ఆప‌రేష‌న్ సిందూర్ లో వార్ ప్లాన్స్ లేవు ఓన్లీ ప్రేయ‌ర్సే అని చేతులెత్తేసిన మునీర్ కి.. యూఎస్ ఆర్మీ 250వ పెరెడ్ కి అందుకే పిలిచిన‌ట్టుగా ఒక సమాచారం. అంతే కాదు మునీర్ కి పాక్ చ‌రిత్ర‌లోనే రెండో సారి ఫీల్డ్ మార్ష‌ల్ హోదా ర‌ప్పించ‌డంలోనూ ట్రంప్ పాత్ర ఉన్న‌ట్టు తెలుస్తోంది. అలాంటి మునీర్ ఏం చేస్తాడు.. భార‌త్ పైకి ఉగ్ర‌వాదుల‌ను ప్రేరేపించేలా కామెంట్లు చేస్తాడు. ఆ తర్వాత వారు.. పహెల్గాం వంటి దాడుల‌కు తెగ‌బ‌డ‌తారు.
ఇక ఐఎంఎఫ్, వ‌ర‌ల్డ్ బ్యాంక్ నుంచి భారీ ఎత్తున ప్యాకేజీలు పాక్ కి రావ‌డంలోనూ ట్రంప్ పాత్ర బలంగా ఉంది. ఈనిధుల్లోని కొంత మొత్తాల‌ను మ‌సూద్ అజ‌ర్ వంటి ఉగ్ర‌నాయ‌కుల‌కు న‌ష్ట‌ప‌రిహారం కింద ఇస్తుంది పాక్. మొన్నంటే మొన్న పహెల్గాం సూత్ర‌ధారి క‌సూరీని ఐక్య‌రాజ్య స‌మితి ఉగ్ర‌వాద జాబితాలో చేర్చితే.. అదో గ‌ర్వ‌కార‌ణంగా అత‌డు ప‌బ్లిగ్గా రోడ్ల మీద తిరుగుతూ కామెంట్లు చేస్తుంటే పాక్ పిన్ డ్రాప్ సైలెన్స్. అలాంటి పాకిస్థాన్ చేసే ప్రతి ఉగ్ర చ‌ర్య‌నూ ఖండించాల్సింది పోయి విందులూ వినోదాలు గౌర‌వాలు ప‌ద‌వులతో పాటు నిధులు ఇప్పిస్తోంది ట్రంప్ స‌ర్కార్.
ఈ మొత్తం వ్య‌వ‌హారంతో పాటు చైనాకి ప్రస్తుతం ఎంతో ద‌గ్గ‌ర‌గా ఉన్న పాక్ ద్వారా ట్రంప్ ప‌రిపాల‌న మరింతగా ఏదో ఆశిస్తున్న‌ట్టుగా భావిస్తున్నారు. దీంతో ఈ సంబంధ బాంధ‌వ్యాలు మరింతగా బ‌ల‌ప‌డేలా ఈ రెండు దేశాలు వ్య‌వ‌హ‌రిస్తున్న‌ట్టు క‌నిపిస్తోందని అంచనా వేస్తున్నారు. తొలి ట్రంప్ పాలన ఇదే పాకిస్థాన్ కి హెచ్చ‌రిక‌లు జారీ చేసింది. మీ దేశంలోని ఉగ్ర‌వాదాన్ని మీరు క‌ట్ట‌డి చేయ‌కుంటే నిధులివ్వ‌మ‌ని ఖ‌రాకండిగా చెప్పారు కూడా. అదే సెకండ్ ట‌ర్మ్ వ‌చ్చేలోగా.. పాక్ చైనాకు మరింత దగ్గర కావడంతో.. ఇదిగో దాన్ని బుజ్జగించి.. చైనాను దారికి తెచ్చుకోవ‌డంలో భాగంగా ట్రంప్ ఇటు మునీర్ ద్వారా తమ సంస్థ‌ల్లో పాక్ ని ఇన్వాల్వ్ చేయడం.. అటు అత‌డి ద్వారా ఇటు భార‌త్, చైనాల‌కు ఏక కాలంలో చెక్ పెట్టేలా అడుగులు వేయడం వంటివి జ‌రుగుతున్న‌ట్టు భావిస్తున్నారు నిపుణులు.అయితే ఇక్క‌డ కొస‌మెరుపు ఏంటంటే ఖ‌మైనీ అంత‌మే ధ్యేయంగా సాగుతున్న ఇజ్రాయెల్ కి ఇంత సపోర్ట్ చేస్తూ.. ఇదంతా శాంతి కోసం చేస్తున్న య‌త్న‌మ‌ని.. త‌న‌లాంటి శాంతి కాముకుల‌కు నోబుల్ శాంతి బ‌హుమ‌తి రాద‌ని ఆయనకు ఆయన రివ‌ర్స్ స్టేట్ మెంట్ ఇచ్చుకోవ‌డం ఏదైతే ఉందో.. అది ట్రంప్ కి తెలిసినంత మ‌రెవ‌రికీ తెలీద‌ని చెప్పాలంటారు దౌత్య‌నిపుణులు.
.webp)
ట్యాపింగ్ వ్య‌వ‌హారం కేసీఆర్ అండ్ కోని మరింతగా వెంటాడేలా తెలుస్తోంది. రీసెంట్ గా ప్ర‌ణీత్ రావును విచారించింది సిట్. ఆరు వంద‌ల మంది ప్రొఫైల్స్ ఎలా త‌యారు చేశారు. వారి ఫోన్లు విని ఏం చేశారు? ఆ సమాచారం ఎక్క‌డికి చేర‌వేసేవారు?లాంటి ప్ర‌శ్న‌ల‌తో పలు వివ‌రాల‌ను సేక‌రించారు. అయితే వీటితో సోమ‌వారం ప్రభాకర్ రావును మరింతగా విచారించ‌నున్నారు. ప్రభాకర్ రావు నుంచి ఎలాంటి ప్ర‌శ్న‌ల‌కు సమాధానం రాబ‌ట్టాల్సి ఉందో వాటికి అవ‌స‌ర‌మైన ప్ర‌శ్న‌లు వేసి ప్ర‌ణీత్ నుంచి స‌మాధానాలు రాబ‌ట్టారు అధికారులు. మావోయిస్టుల‌తో సంబంధం లేక పోయిన వారిని కూడా ఈ కోవ‌లోకి ఎలా తెచ్చారు? అందుకు మీరు పాటించిన ప్ర‌మాణికాలేంట‌ని కూడా ప్ర‌శ్నించారు. మొత్తానికి ఐద‌వ సారి సిట్ అధికారుల ముందు హాజ‌రైన ప్ర‌ణీత్ రావును ఐదు గంట‌ల మేర ప్ర‌శ్నించారు.
ప్ర‌ణీత్ ఇచ్చిన స‌మాధానాల‌ను అనుస‌రించి ప్రభాకర్ రావును సోమ‌వంరం ప్ర‌శ్నించ‌నున్నారు. రివ్యూ క‌మిటీ ఆమోదం, త‌న‌పై ఉన్న ఇతర ఉన్న‌తాధికారుల సూచ‌న‌ల మేరకే తాను ప‌ని చేశాన‌ని అన్నారు ప్ర‌భాక‌ర‌రావు, దీంతో నాటి రివ్యూ క‌మిటీ అధికారుల వివరాలు కూడా బ‌య‌ట‌కు లాగి త‌ద్వారా వారిని కూడా విచారించ‌నుంది సిట్. ఇప్పటికే 15 మంది బాధితుల‌ను విచారించిన సిట్.. ఆపై వారి నుంచి తీసుకున్న వివ‌రాల‌తోనూ ప్రభాకర్ రావును విచారించ‌నుంది. గత పాల‌కుల ఆదేశాల మేరకే ప్రభాకర్ రావు ఇదంతా చేసిన‌ట్టు చెబుతున్నా.. కేసీఆర్ కి ఇంకా నోటీసులు ఎందుకివ్వ‌లేదో చెప్పాల‌ని అడిగారు కేంద్ర మంత్రి బండి సంజ‌య్, కాంగ్రెస్ బీఆర్ఎస్ కుమ్మ‌క్క‌య్యింద‌ని ఇక్క‌డే మీకు అర్ధం కావ‌డం లేదా? అని ప్ర‌శ్నించారాయ‌న. మొద‌ట ప్రభాకర్ రావుకు ఇచ్చే ఆ రాచ‌మ‌ర్యాద‌ల‌ను త‌గ్గించాల‌ని కూడా డిమాండ్ చేశారాయ‌న.
కడప ఎంపీ అవినాష్ రెడ్డి మనుషులు తనను వెంబడించారని వివేకా హత్య కేసులోని ఎం -2 నిందితుడు సునీల్ యాదవ్ పులివెందుల పోలీసులకు ఫిర్యాదు చేశారు. ఆ ఫిర్యాదు మేరకు సునీల్ యాదవ్ పెళ్లి రోజు కావడంతో క్రిష్ణుడి గుడికి వెళ్లి అక్కడి నుంచి తన వాహనంలో ఇంటికి వస్తున్న సమయంలో కడప ఎంపీ అవినాష్ రెడ్డి అనుచరులైన లోకేశ్వర్ రెడ్డి, పవన్ కుమార్ (వైసీపీ సోషల్ మీడియా కన్వీనర్ )లతోపాటు మరో ఇరువురు వాహనంలో వెంబడించారని ఫిర్యాదు లో పేర్కొన్నారు. తన వాహనం ముందు వెళ్తుంటే దాన్ని అనుసరిస్తూ మరో వాహనం వస్తూ ఉండడం గమనించానని తెలిపారు .ఈ వాహనంలో లోకేశ్వర్ రెడ్డి పవన్ కుమార్ ల ను గుర్తించినట్లు పోలీసులకు తెలిపారు.
తనకు ప్రాణం ఉందని పులివెందుల అర్బన్ స్టేషన్లో ఫిర్యాదు చేశారు. ఇదిలా ఉంటే హత్య సినిమాకు సంబంధించి కొన్ని వీడియో క్లిప్పింగులు సోషల్ మీడియాలో పోస్ట్ చేశారని గతంలో పోలీసులకు ఫిర్యాదు చేయడం జరిగింది .ఆ సమయంలో పవన్ కుమార్ ను పోలీసులు అదుపులోకి తీసుకొని కేసు నమోదు చేసి విచారించారు. గతంలో కూడా తనకు ప్రాణహాని ఉందని పోలీసులకు సునీల్ యాదవ్ ఫిర్యాదు చేయడం జరిగింది. తాజాగా జరిగిన సంఘటన నేపథ్యంలో మరో సారి తనకు ప్రాణహాని ఉందని సునీల్ యాదవ్ ఫిర్యాదు చేశారు .ఈ ఫిర్యాదు పై పోలీసులు విచారణలో చేయనున్నట్లు సమాచారం.
నెల్లూరు రూరల్ పరిధి పరిధిలోని కనుపర్తిపాడు గ్రామం 295 సర్వే నెంబర్ 1.80 ఎకరాల స్థలానికి సంబంధించి తమకు 1869 నుంచి హక్కులు ఉన్నాయని అహోబిలం మఠం కార్యదర్శి కేసి వరదరాజన్ పేర్కొన్నారు. నెల్లూరు నగరంలో ఏర్పాటు చేసిన మీడియా సమావేశంలో ఆయన మాట్లాడుతూ దీనికి సంబంధించి తాము ప్రతి ఏడాది కిస్తీలు కూడా చెల్లించామన్నారు.
2007 సంవత్సరంలో ఈ పొలం అన్యాక్రాంతమైందని తర్వాత ఆదాల కుటుంబ సభ్యుల చేతికి వెళ్లిందన్నారు. ఈ భూమి అహోబిలం పీఠం సంబంధించి నరసింహ స్వామికి చెందినది. దీనిపై మాజీ పార్లమెంటు సభ్యులు ఆదాల ప్రభాకర్ రెడ్డి చుట్టూ అనేకసార్లు తిరిగినా న్యాయం చేయలేదన్నారు. రెవెన్యూ అధికారులు పూర్తిస్థాయిలో విచారించి పీఠానికి అన్ని హక్కులు ఉన్నాయని తేల్చారన్నారు. నరసింహ స్వామి భూమి ఆయనకే దక్కాలన్నారు.
ఇదిగో..అదిగో అంటూ వాయిదా పడుతూ వస్తున్న స్థానిక సంస్థల ఎన్నికలు.. ఇక ఇప్పట్లో లేనట్లేనా ? అంటే, అంతే అంటున్నారు, విశ్లేషకులు. ఏదో జరగరానిది జరిగితే ఏమో కానీ, లేదంటే, స్థానిక ఎన్నికలను నిరవధికంగా వాయిదా వేయాలనే నిర్ణయానికి వచ్చినట్లు విశ్వసనీయ వర్గాల సమాచారం. నిజానికి స్థానిక సంస్థల గడవు ముగిసి ఇంచుమించుగా సంవత్సరం పైనే అయింది. రాష్ట్రంలో2019లో చివరిసారిగా, విడతల వారీగా, మూడు నాలుగు నెలలు పాటు స్థానిక సంస్థల ఎన్నికలు జరిగాయి. ఆ ఎన్నికల్లో గెలిచిన సర్పంచ్‌ల పదవీకాలం గత సంవత్సరం (2024) ఫిబ్రవరి 1వ తేదీతో ముగిసింది. అలాగే,ఎంపీటీసీ, ఎంపీపీల పదవీకాలం జూలై 3న, జడ్పీటీసీలు, జిల్లా పరిషత్ చైర్మన్ల పదవీకాలం అదే సంవత్సరం జూలై 4న ముగిసింది.
మున్సిపల్‌ చైర్మన్లు, కౌన్సిలర్ల పదవీకాలం గత ఆగష్టులో ముగిసింది ఇక అప్పటి నుంచి పంచాయతీ మొదలు, జిల్లా పరిషత్, మున్సిపాలిటీల వరకు స్థానిక సంస్థలో, ప్రజా పాలన స్థానంలో ప్రత్యేక అధికారుల పాలన సాగుతోంది. ఈనేపధ్యంలో,గత ఫిబ్రవరి నుంచి, ప్రభుత్వం, త్వరలోనే స్థానిక ఎన్నికలు నిర్వహిస్తామని చెపుతూ వస్తోంది.అయితే, తాజా పరిణామాలు, మంత్రులు, పార్టీ పెద్దలు చేస్తున్న పరస్పర విరుద్ద ప్రకటనలను గమనిస్తే,స్థానిక ఎన్నికలు ఎప్పుడు జరపాలనే విషయంలో ప్రభుత్వానికి, పార్టీకి కూడా క్లారిటీ లేనట్లుందని అంటున్నారు. అంతేకాదు, కోర్టు స్పష్టమైన ఆదేశాలు ఇచ్చి మెడ మీద కత్తి పెడితే తప్పించి, ఇప్పట్లో స్థానిక ఎన్నికలు జరిపే ఉద్దేశం ప్రభుత్వానికి మాత్రం లేదని, రాజకీయ విశ్లేషకులు అంటున్నారు.
కాంగ్రెస్ పార్టీ అధికారంలో ఉన్న పొరుగు రాష్ట్రం కర్ణాటకలోను అర్బన్ లోకల్ బాడీ ఎన్నికలు సంవత్సరాలుగా వాయిదా పడుతూ వస్తున్నాయి, చివరకు,మే 2025 చివరకి కల్లా ఎన్నికలు నిర్వహిస్తామని కర్ణాటక ప్రభుత్వం కోర్టుకు ఇచ్చిన గడవు ముగిసినా,ఇంతవరకు ఎన్నికల ఉలుకూ పలుకూ లేదని,అంటున్నారు.తెలంగాణ రాష్ట్రంలోనూ,అదే పరిస్థితి కొనసాగినా ఆశ్చర్య పోనవసరం లేదని అంటున్నారు. నిజానికి ఒకవారం పది రోజుల క్రితం వరకు కూడా, కాంగ్రెస్ వర్గాలో ముఖ్యంగా కాంగ్రెస్ నాయకుల్లో స్థానిక ఉత్సాహం కొట్టొచ్చినట్లు కనిపించింది.ముఖ్యంగా, ఈ నెలాఖరులోగా పరిషత్ ఎన్నికల నోటిఫికేషన్‌ వస్తుందని, మంత్రి పొంగులేటి శ్రీనివాస రెడ్డి చేసిన ప్రకటన స్థానిక నేతల్లో జోష్’ పెంచింది.
అయితే కోర్టులో ఉన్న అంశాన్ని తనకు సంబంధం లేని శాఖపై ప్రకటన ఎలా చేస్తారంటూ టీపీసీసీ అధ్యక్షుడు మహేష్‌కుమార్‌ గౌడ్‌ మంత్రి పొంగులేటిని మందలించినట్లు వార్తలు వచ్చినందున క్రింది స్థాయి నేతల ఉత్సాహం ఒక్కసారిగా చల్లబడి పోయింది.ఎన్నికల నిర్వహణ సందిగ్దంలో పడింది. అంతే కాకుండా, పీసీసీ చీఫ్, తాజాగా, న్యాయస్థానం తీర్పు తర్వాతనే స్థానిక సంస్థల ఎన్నికలు ఉంటాయని, స్పష్టం చేశారు. అంటే, ఇప్పట్లో స్థానికం లేదని చెప్పకనే చెప్పారు. మరోవైపు కాంగ్రెస్ ప్రభుత్వం బీసీ రిజర్వేషన్లను 42 శాతం ప్రకటిస్తూ చట్టబద్దత కోసం కేంద్రానికి పంపింది.దీంతో బీసీ రిజర్వేషన్లు తేలాకే స్థానిక సంస్థల ఎన్నికలు నిర్వహించాలంటూ కొద్ది రోజులుగా నిరసన కార్యక్రమాలు ఊపందుకున్నాయి. ఈ అన్నిటినీ మించి, సర్వేలు, ఇంటెల్జెన్సీ నివేదికలు, ప్రభుతాన్ని,అధికార పార్టీని భయపెడుతున్నాయని అంటున్నారు.ఈ నేపధ్యంలో, స్థానిక సంస్థలఎన్నికలు,ఇప్పట్లో లేనట్లే, అంటున్నారు.
ALSO ON TELUGUONE N E W S
ఈమధ్యకాలంలో కంటెంట్‌ ఉన్న సినిమాలు ఏ రేంజ్‌లో ప్రేక్షకుల్ని ఆకట్టుకుంటున్నాయో చెప్పాల్సిన అవసరం లేదు. ఈ సినిమా కూడా అలాంటి కోవలోకే వెళ్తుంది అని చెప్పచ్చు. ఫ్యామిలీ మ్యాన్‌ అనిపించుకుంటున్న కథానాయకుడు ఫ్యామిలీనీ హేట్‌ చేస్తూ కనిపించిన ఈ టీజర్‌తో కథ తాలూకు కొత్తదనం చెప్పకనే చెప్పారు దర్శక రచయిత ఉదయ్‌శర్మ. మణిశర్మ సంగీతం అందించిన ఈ సరికొత్త కుటుంబ కథా చిత్రంలో రాజేంద్రప్రసాద్‌, రామ్‌కిరణ్‌, మేఘా ఆకాష్‌, బ్రహ్మానందం, సత్య, గిరి, భద్రం ముఖ్య తారాగణంగా.. ప్రేక్షకులని అలరించబోతున్నారు.
ఈ చిత్ర టీజర్‌ విషయానికి వస్తే ఒక పక్క నుండి అర్జున్‌ రెడ్డి లాంటి వైబ్స్‌ కనిపిస్తూనే మరోపక్క కుటుంబ సమేతంగా చూసే చిత్రం అని అర్థమవుతుంది. టీజర్‌ లోని ప్రతి డైలాగ్‌, విజువల్‌ ఎంతో అద్భుతంగా ఉన్నాయి. అలాగే సత్య, బ్రహ్మానందం హాస్యం చిత్రంలో బాగా పండుతుందని అనిపిస్తుంది. మేఘా ఆకాష్‌ మంచి క్యారెక్టర్ ప్లే చేసినట్లు అర్థమవుతుంది. రామ్‌ కిరణ్‌ ఈ చిత్రం ద్వారా ఇండస్ట్రీలో ఒక మార్క్‌ సృష్టిస్తారు అనిపించేలా తన ప్రజెన్స్‌, పెర్‌ఫార్మెన్స్‌ కనిపిస్తుంది. కుటుంబం విషయాలలో హీరో ఉద్దేశం అందరిలా సహజంగా ప్రేమగా కాకుండా కాస్త కొత్తగా ఉంటుందని ఈ చిత్ర టీజర్‌ చూస్తే అనిపిస్తుంది. టీజర్‌లోని సంగీతం చాలా బాగుంది. త్వరలోనే విడుదల అవనున్న ఈ చిత్రం ప్రేక్షకులకు చక్కటి తెలుగింటి భోజనం అందించనుంది.
రామ్‌కిరణ్‌, మేఘా ఆకాష్‌, రాజేంద్రప్రసాద్‌, బ్రహ్మానందం, సత్య, శుభలేఖ సుధాకర్‌, రాజశ్రీ నాయర్‌, రచ్చ రవి, గిరిధర్‌, తాగుబోతు రమేష్‌, భద్రం తదితరులు నటించిన ఈ సినిమాకి రచన, దర్శకత్వం: ఉదయ్‌శర్మ, నిర్మాత: హెచ్‌.మహదేవగౌడ్‌, సంగీతం: మణిశర్మ, డిఓపి: మధు దాసరి, ఎడిటర్‌: శశాంక్‌ మలి, కొరియోగ్రాఫర్‌: చిన్ని ప్రకాష్‌, భాను, విజయ్ పొలాకి, సాహిత్యం: అనంత శ్రీరామ్‌, ఆర్ట్‌ డైరెక్టర్‌: పి.ఎస్‌.వర్మ, ఫైట్స్‌: అంజి, కార్తీక్‌, ఎగ్జిక్యూటివ్‌ ప్రొడ్యూసర్‌ : రోహిత్‌ కుమార్ పద్మనాభ.
వైష్ణవ్ తేజ్(Vaishnav Tej)హీరోగా, బుచ్చిబాబు(Buchibabu)దర్శకత్వంలో అగ్ర నిర్మాణ సంస్థ మైత్రి మూవీ మేకర్స్(Mytri Movie Makers)నిర్మించిన చిత్రం 'ఉప్పెన' ఈ మూవీ ద్వారా తెలుగు చిత్ర రంగ ప్రవేశం చేసిన కన్నడ భామ 'కృతిశెట్టి'. మొదటి సినిమాలోనే ఎలాంటి బెరుకు లేకుండా సీనియర్ హీరోలకి ధీటుగా నటించి అశేష ప్రేక్షకాభిమానాన్ని పొందింది. ముఖ్యంగా తండ్రి క్యారెక్టర్ విజయ్ సేతుపతి తో వచ్చిన సీన్స్ లో ఆమె పెర్ఫార్మెన్సు ని ఎవరు మర్చిపోలేరు. ఆ తర్వాత శ్యామ్ సింగరాయ్, బంగార్రాజు సినిమాలతో హ్యాట్రిక్ హీరోయిన్ గా పేరు తెచ్చుకుంది. కానీ ఆ తర్వాత వరుసగా చేసిన మాచర్ల నియోజక వర్గం, ఆ అమ్మాయి గురించి మీకు చెప్పాలి, ది వారియర్, కస్టడీ, మనమే వంటి చిత్రాల పరాజయంతో, తెలుగులో అవకాశాలు తగ్గిపోయాయి.
కృతి శెట్టి ప్రస్తుతం తమిళ సినీ పరిశమ్రలో తన జోరు కొనసాగిస్తోంది. లవ్ టుడే ఫేమ్ 'ప్రదీప్ రంగనాధన్'(Pradeep Ranganathan)తో చేస్తున్న 'లవ్ ఇన్సూరెన్స్' కంపెనీ సెప్టెంబర్ 25 న విడుదల కానుంది. షూటింగ్ దశలో ఉన్న ఈ చిత్రానికి 'నయనతార' భర్త 'విగ్నేష్ శివన్'(Vignesh Shivan)దర్శకుడు. దీంతో లవ్ ఇన్సూరెన్స్ పై అందరిలోను భారీ అంచనాలు ఉన్నాయి. అగ్ర హీరో కార్తీ(Kathi)తో చేసిన 'వా వాతియార్' విడుదలకి సిద్ధం కాబోతుంది. త్వరలోనే రిలీజ్ డేట్ పై అధికార ప్రకటన వచ్చే అవకాశం ఉంది. జయం రవి(Jayam Ravi)తో 'జీని' అనే మూవీ చేస్తుంది. ఈ మూవీ కూడా ప్రస్తుతం షూటింగ్ దశలో ఉంది.
మలయాళ చిత్ర రంగంలోకి అడుగుపెట్టి అగ్ర హీరో పృథ్వీ రాజ్ సుకుమారన్(Prithviraj Sukumaran)తో 'ఖలీఫా' అనే చిత్రంలో చెయ్యబోతుందనే వార్తలు వస్తున్నాయి. పృథ్వీ రాజ్ సుకుమారన్ లాంటి స్టార్ హీరోతో చెయ్యడం ఖాయమైతే కనుక, మలయాళంలో కృతికి మరిన్ని ఆఫర్స్ వచ్చే అవకాశం ఉంది. దీంతో మలయాళ, తమిళ చిత్ర రంగాల్లో కృతి ఫుల్ బిజీయస్ట్ హీరోయిన్ గా మారే అవకాశం ఉంది. దీంతో ఆమె తెలుగుకి దాదాపుగా గుడ్ బై చెప్పినట్టే అనే వ్యాఖ్యలు సోషల్ మీడియా వేదికగా వినపడుతున్నాయి.
Mohanlal has made Georgekutty, a household name in Kerala, with his impactful portrayal in Drishyam. While the final twist in the tale, made it a shocking thriller, the emotional portrayal has made it an instant classic. The movie's Telugu version and Hindi version with same name have also become huge blockbusters.
Drishyam 2 got a direct OTT release and created a sensation all over. Still, Ajay Devgn's Hindi version, where he plays Vijay Salgaonkar, has become the biggest blockbuster for the actor till that time in his career. Now, he is starting the third part even before Malayalam version announces the shoot starting date.
From 2nd October 2025, Drishyam 3 Hindi version is going to start shooting. While Mohanlal stated that Jeethu Joseph and he have been working on the script and will start shoot as sonn as possible, probably, by the end of this year, it seems like Ajay is ready to take it on floors before the original.
Already, he is building on his horror franchise inspired by Shaitaan success. His wife Kajol played leading role in MAA and his other franchise film Raid 2, did achieve moderate success. So, he is looking to take forward the franchises even faster, says bollywood media.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
ఈమధ్యకాలంలో ఏ సినిమాకీ లేనన్ని ట్విస్టులు హరిహర వీరమల్లు సినిమాకి కనిపిస్తున్నాయి. దాదాపు ఐదు సంవత్సరాల క్రితం ఈ సినిమాను ఎనౌన్స్‌ చేశారు. ఎన్నో గ్యాప్‌ల మధ్య షూటింగ్ పూర్తి చేసుకొని విడుదలకు సిద్ధమైంది. కానీ, ఇప్పటికే చాలాసార్లు రిలీజ్ డేట్‌ను పోస్ట్ పోన్‌ చేస్తూ రావడంతో ప్రేక్షకుల్లో, అభిమానుల్లో ఈ సినిమాపై ఆసక్తి సన్నగిల్లుతోందా అనిపిస్తోంది. అనేక సార్లు ఈ సినిమా రిలీజ్‌ను వాయిదా వేసి చివరికి జూన్‌ 12 అన్నారు. కానీ, ఆ డేట్‌కి కూడా రిలీజ్ చెయ్యలేకపోయారు. ఇప్పుడు మరో కొత్త డేట్‌తో వచ్చారు. అది జూలై 24.
హరిహర వీరమల్లు జూలై 24న రిలీజ్ కాబోతోందని తెలియజేస్తూ పోస్టర్‌ను రిలీజ్ చేశారు. పవన్ కళ్యాణ్ వంటి స్టార్ హీరో సినిమాకి ఈ పరిస్థితి రావడానికి కారణం ఓటీటీ సంస్థలే. సినిమా రిలీజ్ డేట్‌లను ఓటీటీ సంస్థలు నిర్ణయిస్తున్నాయన్న ప్రచారం ఎప్పటి నుంచో జరుగుతోంది. దానికి హరిహర వీరమల్లు కూడా మినహాయింపు కాదు అని తాజా పరిణామాల వల్ల తెలుస్తోంది. అయితే ఓటీటీలపై నిర్మాతలు ఆధార పడడంలో తప్పులేదు. ఎందుకంటే రిలీజ్ అయిన తర్వాత థియేటర్ల ద్వారా వచ్చే ఆదాయం గురించి ముందుగానే చెప్పలేరు. అదే ఓటీటీకి రైట్స్‌ ఇచ్చేస్తే పెద్ద ఎమౌంట్‌ నిర్మాతల కంటికి కనిపిస్తుంది. దాంతో వారు చెప్పినట్టుగానే నిర్మాతలు నడుచుకోవాల్సి వస్తోంది.
ఇక విజయ్ దేవరకొండ సినిమా కింగ్‌డమ్‌ పరిస్థితి కూడా అదే. ఈ సినిమా రిలీజ్ కూడా అనేక సార్లు వాయిదా పడింది. తాజా రిలీజ్ డేట్ కోసం ఓటీటీ సంస్థతో చర్చలు జరుపుతున్నారు. ఈ సినిమా కొత్త రిలీజ్ డేట్ వచ్చే వారం ప్రకటిస్తారని తెలుస్తోంది. హరిహర వీరమల్లు, కింగ్‌డమ్‌.. ఈ రెండు సినిమాలు జూలై 25న ఒకేరోజు రిలీజ్ అవుతాయని గతంలో వార్తలు వచ్చాయి. అయితే రిలీజ్ డేట్స్‌ అఫీషియల్‌గా ఎనౌన్స్‌ చేస్తే గానీ క్లారిటీ రాదు అని అంతా అనుకున్నారు. హరిహర వీరమల్లు డేట్ వచ్చేసింది. ఇప్పుడు కింగ్‌డమ్‌ గురించే అందరూ ఆలోచిస్తున్నారు. పవన్ కళ్యాణ్ సినిమాకి, తమ సినిమాకి మధ్య ఒక వారం గ్యాప్‌ ఉంటే బాగుంటుందని కింగ్‌డమ్‌ నిర్మాతలు భావిస్తున్నారు. కానీ, అలా జరిగే అవకాశం లేదని తెలుస్తోంది. అయితే ఒకే వారంలో రెండు రోజుల గ్యాప్‌ రిలీజ్ చేసే చాన్స్‌ ఉందని సమాచారం. ఇప్పటికే హరిహర వీరమల్లు ప్రమోషన్‌ కొంత చేశారు. ఇప్పుడు రిలీజ్ డేట్ ఫిక్స్‌ అయింది కాబట్టి ఇప్పటి నుంచి ప్రమోషన్‌ మరింత స్పీడప్‌ చేస్తారు. అయితే ఇప్పటికే అనేకసార్లు ఈ సినిమా రిలీజ్ వాయిదా పడింది. దాంతో ప్రేక్షకుల్లో సినిమా రిలీజ్ అవుతుందన్న నమ్మకం లేనట్టుగా కనిపిస్తోంది. కొత్త పోస్టర్‌ వచ్చినప్పటికీ దీనిపై సోషల్ మీడియాలో రకరకాల చర్చలు జరుగుతున్నాయి.
పవర్ స్టార్ 'పవన్ కళ్యాణ్(Pawan Kalyan')హిట్ మూవీ 'వకీల్ సాబ్' లో కీలక పాత్ర పోషించి ప్రేక్షకుల్లో తనకంటు ఒక గుర్తింపు పొందిన నటి 'అనన్య నాగళ్ళ'(Ananya Nagalla). రీసెంట్ గా ప్రకటించిన 'తెలంగాణ గద్దర్'అవార్డులకి(Telangana gaddar awards)సంబంధించి 'పొట్టేల్' చిత్రానికి గాను స్పెషల్ జ్యురి అవార్డు అందుకుంది. త్వరలోనే బాలీవుడ్ లోకి కూడా అడుగుపెట్టబోతున్న అనన్య రీసెంట్ గా ఒక ఇంటర్వ్యూలో తన పర్సనల్ లైఫ్ కి సంబంధించిన విషయాలని ప్రేక్షకులతో పంచుకుంది.
అనన్య తన లవ్ బ్రేక్ అప్ గురించి మాట్లాడుతు కెరీర్ పరంగా ఎన్నో ఒడిదుడుకులు, సవాళ్ళని ఎదుర్కున్నాను. ఇండస్ట్రీలోకి అడుగుపెట్టిన రెండు సంవత్సరాలకి ప్రేమించిన వ్యక్తితో బ్రేక్ అప్ అయ్యింది. ఆ సమయంలో చాలా బాధపడ్డాను. రెండేళ్ల పాటు ఆ బాధని అనుభవించాను. రాత్రి పూట ఏడ్చేసి ఉదయాన్నే జిమ్ కి వెళ్లేదాన్ని. షూటింగ్ టైంలో క్యారవాన్ లో ఏడ్చేసి ఏం తెలియనట్టుగా బయటకి వచ్చే దాన్ని. ఇంట్లో వాళ్ళకి ఈ విషయం లేదు. కొంత మంది స్నేహితులకి మాత్రమే తెలుసనీ చెప్పుకొచ్చింది.
2019 లో ప్రియదర్శి(Priyadarshi)హీరోగా వచ్చిన మల్లేశం తో సినీ రంగ ప్రవేశం చేసిన అనన్య సినిమాల లిస్ట్ లో వకీల్ సాబ్,పొట్టేల్' తో పాటు శాకుంతలం, తంత్ర, డార్లింగ్, వంటి చిత్రాలు ఉన్నాయి. తెలంగాణాలోని ఖమ్మం(Khammam)దగ్గర ఉన్న సత్తుపల్లి అనన్య సొంత ప్రాంతం.
విభిన్నమైన చిత్రాలని నిర్మించడంలో మలయాళ చిత్ర పరిశ్రమ ముందు వరుసలో ఉంటుంది. ఏ చిత్ర పరిశ్రమ అయినా, మలయాళ సినిమాలని తమ భాషల్లోకి రీమేక్ చేస్తుంటాయి. కానీ మలయాళ చిత్ర పరిశ్రమ పరబాషా చిత్రాలని రీమేక్ చెయ్యడం జరగదు. దీన్ని బట్టి మలయాళ చిత్ర పరిశ్రమ యొక్క గొప్పతనాన్ని అర్ధం చేసుకోవచ్చు. కానీ గత కొన్ని నెలల నుంచి మలయాళ చిత్ర పరిశ్రమలో పేరు పొందిన బడా నటులు, టెక్నీషియన్స్ షూటింగ్ లొకేషన్ లోనే 'డ్రగ్స్' వాడుతున్నారనే వార్తలు వస్తున్నాయి. అందుకోసం ప్రత్యేకంగా ఒక రూమ్ ని కూడా ఏర్పాటు చేసుకుంటున్నారు. దీన్ని బట్టి డ్రగ్స్ వాడకం ఏ స్థాయిలో ఉందో అర్ధం చేసుకోవచ్చు. దీంతో మలయాళ చిత్ర నిర్మాత మండలి ఒక కీలక నిర్ణయం తీసుకుంది.
ఇక నుంచి నటీనటులతో పాటు, టెక్నీషియన్స్ ఒక సినిమాకి ఓకే చెప్పి, షూటింగ్ కి వెళ్లే ముందు సెట్స్ లో డ్రగ్స్ ఉపయోగించమనే కొత్త అఫిడవిట్ పై సంతకం చెయ్యాలి. వ్యక్తిగత సిబ్బంది, డ్రైవర్ కూడా డ్రగ్స్ ని ముట్టుకోము అని సంతకం చెయ్యాలి. సూపర్ స్టార్స్ నుంచి చిన్నస్థాయి టెక్నీషియన్స్ వరకు ఈ రూల్ వర్తిస్తుంది. ఆ విధంగా సంతకం చేస్తేనే సెట్స్ లోకి అడుగుపెడతారు. లొకేషన్ తో పాటు నిర్మాణాంతర పనులు జరిగే ప్రదేశాల్లోనే ఈ నిబంధన వర్తిస్తుంది. నిర్మాత మండలి తీసుకున్న ఈ నిర్ణయానికి ఇండస్ట్రీకి చెందిన అన్ని విభాగాల వారు మద్దతు తెలిపారు.
దీంతో భారతీయ చిత్ర పరిశ్రమ మొత్తం డ్రగ్స్ నిరోధించే విషయంలో, మలయాళ చిత్ర పరిశ్రమని ఫాలో అవ్వాలని పలువురు కోరుతున్నారు. కొన్ని రోజుల క్రితం డ్రగ్స్ కేసులో అగ్ర నటుడు 'షైన్ టామ్ చాకో'(Shine Tom Chacko)తో పాటు మరికొంత మంది నటులు అరెస్ట్ అయ్యారు. దీంతో మలయాళ రాష్ట్ర ప్రభుత్వం కూడా పరిశ్రమలో డ్రగ్స్ వాడకాన్ని నిర్మూలించాలనే పట్టుదలతో ఉంది. షైన్ తెలుగులో పలు చిత్రాల్లో కీలక పాత్రల్లో కనపడిన విషయం తెలిసిందే.
టాలీవుడ్‌లో ఇప్పుడు హీరోలుగా చలామణి అవుతున్న వారిలో కొందరు సినిమా బ్యాక్‌గ్రౌండ్‌ వున్న వారు, మరికొందరు ఎలాంటి సినిమా నేపథ్యం లేకుండా వచ్చినవారు. సినిమా బ్యాక్‌గ్రౌండ్‌ ఉన్నంత మాత్రాన సక్సెస్‌ అవుతారన్న గ్యారెంటీ లేదు. టాలెంట్‌ వుంటే వారి బ్యాక్‌గ్రౌండ్‌ కొంతవరకు సపోర్ట్‌గా ఉంటుంది. ఆ సపోర్ట్‌తోనే తర్వాతి కాలంలో హీరోలుగా మంచి పేరు తెచ్చుకున్నవారు ఉన్నారు. ఇదిలా ఉంటే.. ఇటీవలికాలంలో హీరోలు సొంతంగా సినిమాలు నిర్మిస్తున్నారు. వారిలో కొందరు సక్సెస్‌ అవుతున్నారు, మరికొందరు చేతులు కాల్చుకుంటున్నారు. హీరోలే నిర్మాతలుగా మారడానికి కారణాలు అనేకం ఉంటాయి. తమ అభిరుచికి తగ్గ సినిమా తియ్యాలన్న ప్యాషన్‌ కావచ్చు, బయటి నిర్మాతల నుంచి పిలుపు రాకపోవడం వల్ల కావచ్చు. ఏది ఏమైనా ఒక హీరో నిర్మాతగా మారుతున్నాడు అంటే అవకాశాలు తగ్గడం వల్లే ఆ నిర్ణయం తీసుకున్నాడని అందరూ అనుకుంటారు. ఇప్పుడు రామ్‌ పోతినేనికి అదే పరిస్థితి వచ్చింది. తనే సొంతంగా సినిమాలు నిర్మించాలన్న నిర్ణయానికి వచ్చారు.
‘దేవదాసు’ చిత్రంతో హీరోగా పరిచయమై ఆ తర్వాత లవర్‌బోయ్‌ చాలా సినిమాల్లో కనిపించిన రామ్‌ పోతినేని.. ఇస్మార్ట్‌ శంకర్‌తో ఒక్కసారిగా మాస్‌ హీరోగా మారిపోయారు. అదే ఊపులో రెడ్‌, ది వారియర్, స్కంద వంటి సినిమాలు చేశారు. కానీ, ఆ సినిమాలు ఆశించిన విజయాలను అందించకపోవడంతో తనను మాస్‌ హీరోగా నిలబెట్టిన ఇస్మార్ట్‌ శంకర్‌కి సీక్వెల్‌గా వచ్చిన డబుల్‌ ఇస్మార్ట్‌పై బోలెడన్ని ఆశలు పెట్టుకున్నారు. కానీ, ఆ సినిమా డిజాస్టర్‌ కావడంతో రామ్‌కి పెద్ద షాక్‌ తగిలింది. ప్రస్తుతం రామ్‌.. ఆంధ్రా కింగ్‌ తాలూకా సినిమా చేస్తున్నాడు. అతని చేతిలో ఉన్న సినిమా ఇదొక్కటే. షూటింగ్ దశలో ఉన్న ఈ సినిమా ఈ ఏడాదే రిలీజ్ కాబోతోంది. ఈ సినిమా తర్వాత రామ్‌ కమిట్‌ అయిన సినిమా ఒక్కటి కూడా లేదు. ఆ కారణంగానే సొంతంగా సినిమాలు నిర్మించాలన్న నిర్ణయానికి వచ్చాడని తెలుస్తోంది.
రామ్‌ హీరోగా ఎంట్రీ ఇచ్చి 20 సంవత్సరాలు పూర్తి కావస్తోంది. ఈ 20 సంవత్సరాల్లో 22 సినిమాల్లో నటించాడు రామ్‌. అయితే వాటిలో తన పెదనాన్న స్రవంతి రవికిషోర్‌ నిర్మించిన సినిమాలే ఎక్కువగా ఉంటాయి. ఇప్పుడు రామ్‌కి కమిట్‌మెంట్స్‌ ఏమీ లేవు. మాస్‌ హీరోగా టర్న్‌ అయిన తర్వాత అతన్ని పరాజయాలే వెంటాడుతున్నాయి. ఇలాంటి సమయంలో స్రవంతి రవికిషోర్‌ రంగంలోకి దిగుతారని అందరూ భావించారు. కానీ, అలాంటిదేమీ జరగడంలేదు. అందుకే తను నిర్మాతగా మారాలని రామ్‌ నిర్ణయించుకున్నట్టుగా తెలుస్తోంది. దీనికి సంబంధించిన ఎనౌన్స్‌మెంట్‌ ఈ సంవత్సరంలోనే ఉంటుందని సమాచారం. తన బేనర్‌లో వచ్చే తొలి సినిమా ద్వారా ఓ యువ దర్శకుడ్ని పరిచయం చెయ్యాలని రామ్‌ అనుకుంటున్నాడట. త్వరలోనే ఈ సినిమాకి సంబంధించిన ప్రీ ప్రొడక్షన్‌ వర్క్‌ స్టార్ట్‌ చెయ్యబోతున్నారు. మరి తన బేనర్‌లో నిర్మించే తొలి సినిమాతో రామ్‌ ఎలాంటి ప్రయోగం చెయ్యబోతున్నాడు, నిర్మాతగా ఎంత వరకు సక్సెస్‌ అవుతాడు అనేది చూడాలి.
అక్కినేని నాగార్జున(Akkineni Nagarjuna)ధనుష్(Dhanush)కాంబోలో తెరకెక్కిన మోస్ట్ ప్రెస్టేజియస్ట్ మూవీ 'కుబేర'(Kuberaa). పాన్ ఇండియా స్థాయిలో తెలుగుతో పాటు తమిళ, కన్నడ ,మలయాళ, హిందీ భాషల్లో నిన్న రిలీజ్ అయ్యింది. నేషనల్ క్రష్ రష్మిక(Rashmika Mandanna)మొట్టమొదటిసారి తన కెరీర్ లో ఒక విభిన్నమైన రోల్ ని పోషించగా దర్శకుడు శేఖర్ కమ్ముల(Sekhar Kammula)కూడా ఫస్ట్ టైం తన జోనర్ కి భిన్నంగా తెరకెక్కించాడు. జిమ్ సర్బ్, భాగ్యరాజ్, హరీష్ పెరడి, సునయన, దలిప్ తాహిల్, నాజర్, షాయాజీ షిండే తదితరులు కీలక పాత్రల్లో కనిపించారు.
ఇక కుబేర మొదటి రోజు 13 కోట్ల రూపాయిలు వసూలు చేసినట్టుగా ట్రేడ్ వర్గాల నుంచి రిపోర్ట్ వస్తుంది. ధనుష్ ప్రీవియస్ మూవీ రాయన్ మొదటి రోజు 16 కోట్లరూపాయలు వసూలు చేసింది. కుబేర కి ప్రస్తుతం పాజిటివ్ టాక్ ఉన్న దృష్ట్యా ఈ కలెక్షన్స్ మరింత పెరిగే అవకాశం ఉంది. దీపక్ అనే మాజీ సిబిఐ పోలీస్ అధికారి క్యారక్టర్ లో నాగార్జున పోషించగా, దేవా అనే బిచ్చగాడు గా ధనుష్ కనపడ్డాడు. ఈ ఇద్దరు బడా హీరోలు తమ హీరోయిజానికి భిన్నంగా, తమ తమ క్యారెక్టర్స్ లో నటించి కుబేర మూవీకి ప్రత్యేక ఆకర్షణగా నిలిచారు.
దేవిశ్రీ ప్రసాద్(Devisriprasad)సంగీత సారథ్యంలో వచ్చిన సాంగ్స్ ,బ్యాక్ గ్రౌండ్ మ్యూజిక్ ప్రేక్షకులని ఎంతగానో ఆకట్టుకుంటుంది.
యూనివర్సల్ స్టార్ 'కమల్ హాసన్'(Kamal Haasan)నట వారసురాలిగా సినీ రంగ ప్రవేశం చేసిన నటి శృతి హాసన్(Shruti Haasan). దశాబ్దంన్నర కాలం నుంచి తెలుగు, తమిళ, హిందీ భాషల్లో సినిమాలు చేస్తూ తనదైన శైలిలో దూసుకుపోతుంది. హీరోలకి హిట్ ని ఇచ్చే మోస్ట్ లక్కీయేస్ట్ హీరోయిన్ అనే పేరు కూడా శృతి హాసన్ కి ఉంది. తెలుగు చిత్ర పరిశమ్రలో దాదాపుగా అగ్ర హీరోలందరితోను జత కట్టిన శృతి, మిగతా హీరోయిన్ల కంటే భిన్నంగా, తన పర్సనల్ విషయాల గురించి బహిరంగంగా మాట్లాడుతుంది.
రీసెంట్ గా శృతి హాసన్ ఒక ఇంటర్వ్యూలో మాట్లాడుతు 'టీనేజ్ లో ఉన్నప్పుడు నా ముక్కు నాకు నచ్చకపోవడంతో 'సర్జరీ' చేయించుకున్నాను. ముఖం మరింత అందంగా కనిపించేందుకు 'పిల్లర్స్' వాడాను. కొంత మంది వీటిని బయటకి చెప్పుకోవడానికి ఇష్టపడరు. వాళ్ళ నిర్ణయాన్ని గౌరవిస్తాను. కానీ నాలా దైర్యంగా చెప్పే వాళ్ళని తప్పు పడుతున్నారు. భవిష్యత్తులో వయసు ఎక్కువయ్యాక 'ఫేస్ లిఫ్ట్' కూడా చేయించుకుంటానేమో. అవన్నీ పూర్తిగా నా వ్యక్తి గత నిర్ణయాలు. నా శరీరం నా ఇష్టం. ఇతరులకీ ఇబ్బంది లేనప్పుడు ఈ విషయాల్ని దాచుకోవాల్సిన అవసరం లేదని చెప్పుకొచ్చింది.
శృతి హాసన్ ప్రస్తుతం రజనీకాంత్'(Rajinikanth),'నాగార్జున'(Nagarjuna),లోకేష్ కనగరాజ్(Lokesh Kanagaraj)కాంబోలో తెరకెక్కుతున్న 'కూలీ(Coolie)'లో హీరోయిన్ గా చేస్తుంది. ఇళయ దళపతి 'విజయ్'(Vijay) లాస్ట్ మూవీగా పిలవబడుతున్న 'జన నాయగాన్'(Jananayagan) లో ఒక ముఖ్య పాత్రతో పాటు, విజయ్ సేతుపతి(Vijay Sethupathi) అప్ కమింగ్ మూవీ 'ట్రైన్' లో హీరోయిన్ గా చేస్తుంది. ఈ మూడు కూడా పాన్ ఇండియా స్థాయిలో తెరకెక్కుతున్న ప్రెస్టేజియస్ట్ చిత్రాలే.
Cast: Aamir Khan, Genelia Deshmukh, Aroush Datta, Gopi Krishnan Varma, Vedant Sharmaa, Naman Misra, Rishi Shahani, Rishabh Jain, Ashish Pendse Samvit Desai, Simran Mangeshkar, Aayush Bhansali, Dolly Ahluwalia, Gurpal Singh, Brijendra Kala
Crew:
Based on Champions by Javier Fesser
Written by Divy Nidhi Sharma
Cinematography by G. Srinivas Reddy
Edited by Charu Shree Roy
Music by Shankar-Ehsaan-Loy, Ram Sampath
Directed by RS Prasanna
Produced by Aamir Khan, Aparna Purohit, Ravi Bhagchandka, B. Shrinivas Rao
Aamir Khan has delivered huge disasters back to back and his penchant to remake International Films did not yield him big box office returns. The actor has decided to remake Spanish movie, Champions, as it makes heroes of autistic and specially abled people. He planned movie Sitaare Zameen Par, as a second film in franchise of Taare Zameen Par. The movie released today and let's discuss about it in detail.
Plot:
Gulshan (Aamir Khan), a temperamental basketball assistant coach hits the head of Delhi State Team and gets suspended. He drinks and hits police car, which lands him in Court and as punishment Judge decides to give him Community Service, as coach of a specially abled Down syndrome affected players team. Can he iron out differences with his wife Suneeta (Genelia) and become a better coach of this team taking them to nationals? Watch the movie to know more.
Analysis:
Aamir Khan looked a little odd in the movie as his make-up seemed a little off. His performance also did not match the playful energy the film needed. He is good in comic scenes but seemed to try too hard in few and try to be too caricaturish with his eyebrows in others. Overall, his performance needed to be the highlight of the film but it doesn't really stand out.
Genelia Deshmukh is good as his wife and makers did a good job in bringing all the real actors who have Down Syndrome. Still, the movie feels a little too draggy, preachy with over emphasis on trying to create an emotional connect without strong scenes.
The impact is missing as we are looking at a team of people with ability yet the fun that makers tried to generate with them at the centre did not really work out. The movie tries a little bit too hard to sell Basketball as big popular game in India but it doesn't really come off.
Aamir Khan did not really come into his own till the climax portions and even then, the film seems to drag the emotion a little bit too much. Taare Zameen Par had a very strong emotional core but Sitaare misses the same while it tries hard to find it.
Bottomline:
Feels more cliched than a humane sports drama.
Rating: 2.25/5
Disclaimer: Views expressed in this review are personal opinions of the reviewer and organisation doesn't take any liability. Viewers discretion is advised before commenting or reacting to this review.
ఈ రోజు యోగా డే అంటూ చాలా ఆడంబరంగా ఉత్సవాలలా జరుపుకుంటున్నాం. ముఖ్యంగా ప్రధాని మోడీ గారు అతిథిగా విచ్చేస్తున్న సందర్భంగా ఈసారి యోగా డే దేశ వ్యాప్తంగా ఆసక్తికరంగా మారింది. అందులోనూ అన్ని రాష్ట్రాల చూపులు విశాఖపట్నం ఆర్.కె బీచ్ వైపై ఉంటాయని ప్రత్యేకంగా చెప్పక్కర్లేదు. ఈ రోజు యోగా అనేది విదేశీయులను కూడా ఆకర్షించే అంశం అయిపోయింది. ఇది మనిషి ఆరోగ్యానికి జీవనాడి అయ్యింది. అయితే ఈ యోగాను భారతీయులకు అందించినది పతంజలి మహర్షి. అందుకే యోగా డే సందర్బంగా ఆ మహనీయుడిని గుర్తుచేసుకోవడం భారతీయుల కర్తవ్యం. అలాగే.. యోగా కోసం పతంజలి మహర్షి చేసిన కృషి, ఆయన చరిత్ర తెలుసుకుంటే..
పతంజలి మహర్షి చరిత్ర వృత్తాంతం భారత సంస్కృతిలో ఒక గంభీరమైన, ఆధ్యాత్మికంగా ప్రేరణాత్మకమైన గాథ. ఇది పురాణ, ఇతిహాస, ఆధ్యాత్మిక గ్రంథాల ద్వారా వచ్చిందని చెప్పవచ్చు. ఆయన ఒక భగవద్భక్తుడు, తత్త్వవేత్త, గొప్ప పండితుడు. ఆయన్ను మూడు ముఖ్యశాస్త్రాలలో విపులమైన కృషి చేసినవాడిగా గుర్తిస్తారు . ఆ మూడు ఏమిటంటే.. యోగశాస్త్రం, వ్యాకరణం (సంస్కృత వ్యాకరణం), ఆయుర్వేదం.
ఆయన చరిత్ర వృత్తాంతం..
ఆదిశేషునిగా అవతారం..
పతంజలి మహర్షి, విష్ణుమూర్తికి సేవ చేసే ఆదిశేషుని అవతారంగా పరిగణించబడతారు. ఒక సందర్భంలో, విష్ణుడు తన హృదయంలో శివుని ఆనందతాండవాన్ని దర్శించుకుంటుండగా, ఆదిశేషునికీ ఆ తాండవాన్ని చూడాలనే కోరిక కలిగిందట. అందుకు అనుగుణంగా విష్ణుమూర్తి ఆదిశేషునికి భూలోకంలో అవతరించాల్సిందిగా సూచించాడు.
గోనికా తపస్సు & పతంజలి అవతారం..
విష్ణుమూర్తి ఆదిశేవును భూలోకంలో అవతరించమని ఆదేశించి సమయంలో గోనికా అనే పతివ్రత స్త్రీ, సూర్య భగవానుని ప్రార్థిస్తూ లోకానికి ఉపయోగపడే బిడ్డ కావాలని తపస్సు చేస్తూ, చేతులలో నిండుగా నీటిని తీసుకుని అంజలి ఘటిస్తూ అంటే నమస్కారం చేస్తూ అర్చించుకుంటున్న సమయంలో పాము రూపంలో ఆదిశేషుడు ఆమె చేతుల్లోకి పడిపోయాడట. అందువల్ల ఆ బాలుని పేరు పతంజలి (పతనము + అంజలి) అని ఉద్భవించింది.
నటరాజుని తాండవ దర్శనం..
పతంజలి మహర్షి తన తల్లిదండ్రుల వద్ద పెరిగి, తర్వాత చిదంబరం వచ్చినాడు. అక్కడ శివుడు నటరాజు రూపంలో తాండవం చేస్తున్నాడని తెలిసి. అతనికి శివుని తాండవాన్ని చూసే అవకాశం లభించింది. నంది, భృంగిలు అతని శరీరాకృతిపై హేళన చేసినా, అతను నోరుతో “నటరాజ నవకం” అనే స్తోత్రాన్ని గానం చేసి శివుని ఆనందింపజేశాడు. ఈ నటరాజ నవకం అనేది పూర్తీగా డమరుక శబ్దంతో ఉంటుంది. నటరాజ నవకం విని సంతోషించిన శివుడు నిన్నునాట్యంలో భాగం చేస్తాను బాధపడకు అని చెప్పి శివుడు అతనిని తన పాదాల చుట్టూ చుట్టి తాండవంలో భాగస్వామిని చేశాడు. ఇది పతంజలి మహర్షి భగవత్‌ ప్రేమకు సంకేతం.
త్రికరణ శుద్ధి లక్ష్యంగా విద్యాబోధన..
శివుని ఆశీర్వాదంతో పతంజలి, భూలోకానికి త్రికరణ శుద్ధి అంటే మనస్సు, వాక్కు, కర్మ అనేవి సాధించేందుకు మూడు శాస్త్రాలను అందించాడు.
యోగశాస్త్రం – మనస్సు శుద్ధి కోసం
వ్యాకరణం – వాక్కు శుద్ధి కోసం
ఆయుర్వేదం – శరీర శుద్ధి కోసం
శిష్యులకు బోధన..
పతంజలి 1000 మందికి బోధన ఇవ్వాలనుకున్నాడు. అందరి అర్హతలు భిన్నంగా ఉండటంతో, ఓ తెర వెనుక ఆదిశేషురూపంలో బోధించాడు. తెర ఎత్తవద్దని చెప్పినా ఒక శిష్యుడు అతని నియమాన్ని ఉల్లంఘించి తెర తీసేశాడు. దీంతో 999 మంది విద్యార్థులు కాలిపోయారు. మిగిలిన శిష్యుడికి పతంజలి మొత్తం విద్యను బోధించాడు, కాని అతను శాపగ్రస్తుడై బ్రహ్మ రాక్షసుడయ్యాడు.
శిష్యుడిని శాప విముక్తుడిని చేసిన ఘట్టం..
ఆ బ్రహ్మ రాక్షసుడు జ్ఞానాన్ని బోధించగల అర్హుడిని వెతుకుతూ, సరైన జవాబు చెప్పని వారిని మింగేవాడు. చివరికి పతంజలి మహర్షి స్వయంగా శిష్యుడి రూపంలో (చంద్రశర్మగా) వచ్చి, సరైన సమాధానం ఇచ్చి, జ్ఞానం తీసుకొని శిష్యుడిని శాపం నుండి విముక్తుణ్ని చేశాడు. ఆ రాక్షసుడు తరువాత గౌడపాదాచార్యుడుగా అవతరించాడు.
ఆయన రచనలు..
యోగ సూత్రాలు (196 సూత్రాలు) – యోగ దార్శనికశాస్త్రానికి ప్రామాణిక గ్రంథం.
మహాభాష్యం – పాణినీ వ్యాకరణంపై వ్యాఖ్యాన గ్రంథం.
ఆయుర్వేదానికి సంబంధించిన రచనలకూ ఆయనకు ఆపాదించబడింది, కానీ ఆధారాల పరంగా స్పష్టత లేదు.
జీవసమాధి స్థలం..
పతంజలి మహర్షి జీవసమాధి స్థలం తమిళనాడు, తిరుపత్తూరు (త్రిచీ దగ్గర)లోని బ్రహ్మపురీశ్వర ఆలయంలో ఉంది.
ప్రార్థన శ్లోకం..
యోగేన చిత్తస్య పదేన వాచాం
మలం శరీరస్య చ వైద్యకేన।
యోఽపాకరోత్తం ప్రవరం మునీనాం
పతంజలిం ప్రాంజలిరానతోఽస్మి॥
మనస్సు, వాక్కు, శరీరం శుద్ధి కోసం పతంజలిని ప్రణమిస్తాను అని ఈ ప్రార్థన అర్థం.
*రూపశ్రీ
.webp)
ఎవరినైనా ఎక్కువగా ప్రేమించడం అనేది సహజమైన భావోద్వేగ ప్రక్రియ. కానీ ఈ ప్రేమ "అతిగా", "అనుదినం అతి ఆసక్తితో", లేదా "అత్యంత అనుభూతులతో" కొనసాగితే, కొన్ని సానుకూలతలతో పాటు ప్రతికూల పరిణామాలు కూడా ఎదురయ్యే అవకాశం ఉంటుంది. ఈ విషయాన్ని భావోద్వేగ, మానసిక, సంబంధ నైపుణ్యాలు, జీవిత నిర్వాహణ దృష్టికోణాల్లో విపులంగా విశ్లేషిస్తే ఇలా ఎవరినైననా ఎక్కువగా ప్రేమించడం ఎంత వరకు మంచిది అనే విషయం అర్థమవుతుంది. ఇందులో సానుకూల, ప్రతికూల ప్రభావాలు రెండూ ఉంటాయి కాబట్టి ఈ రెండింటి గురించి తెలుసుకోవాలి.
సానుకూల ప్రభావాలు.
బంధం బలపడుతుంది..
ఇతరుల మీద చూపే ప్రేమతో ఎదుటి వ్యక్తికి భద్రత, ఆదరణ, విలువ అనే భావనలు కలుగుతాయి. ఎక్కువ ప్రేమ చూపించడం వల్ల ఇద్దరి మధ్య అవగాహన, విశ్వాసం పెరిగే అవకాశం ఉంటుంది. ఇద్దరూ ఒకరిపట్ల మరొకరు ప్రేమగా ఉండే వాతావరణం పెరుగుతుంది.
సహనశీలత పెరుగుతుంది..
ఎవరినైనా బాగా ప్రేమిస్తే వారి లోపాలను సహించగలగడం, వారిని మార్చుకునే అవకాశం ఇవ్వడం సులభమవుతుంది. దీని వల్ల బంధాలు నిలబడతాయి. ఇలాగే మనుషులలో మార్పు సాధ్యమవుతుంది. నన్ను ఇంతగా ప్రేమిస్తున్నారు కదా వారి కోసం మారితే తప్పేంటి అనే ఆలోచన పుడుతుంది. అలాగే వారికోసం త్యాగాలు చేయడంలో తృప్తి కలుగుతుంది. ఆ వ్యక్తి కోసం చేసే త్యాగాలు బాధించవు. ప్రేమించే వ్యక్తి ఆనందంగా ఉండటం చూసి సంతోషపడటంలో తన సంతోషం చూసుకుంటారు.
ప్రతికూల పరిణామాలు.
ఎక్కువగా ప్రేమించడం వల్ల సానుకూల పరిణామాలే కాకుండా ప్రతికూల పరిణామాలు కూడా ఉంటాయి.
స్వీయ గౌరవం తగ్గిపోవడం..
పూర్తిగా ఎదుటివారిని ప్రేమిస్తూ, ఎదుటి వారి కోసం జీవిస్తూ, వారిని సంతుష్టిపరిచే ప్రయత్నంలో తమ వ్యక్తిత్వం మరిచిపోవడం జరుగుతుంది. ఇలా తమను తాము పట్టించుకోకుండా ఎదుటివారికే ప్రాముఖ్యత ఇవ్వడం వల్ల ఎదుటివారి దృష్టిలో తక్కువయ్యే అవకాశం ఉంటుంది. అంతేకాదు.. తాము ఎదుటివారి కంటే ఎప్పుడూ తక్కువే అనే ఫీలింగ్ ప్రేమించే వ్యక్తులలో కూడా ఏర్పడుతుంది.
అధిక ఆసక్తి..
ప్రేమ అనే భావన క్రమంగా అధిక ఆకర్షణగా మారి, తట్టుకోలేని అసహనంగా, నియంత్రణ కోల్పోయే స్థితికి చేరవచ్చు. ఇది ఎదుటివారికి అసౌకర్యంగా, బంధంలో ఒత్తిడిగా భావించడానికి దారి తీస్తుంది.
ఆత్మనిబ్బరత కోల్పోవడం..
తమ నిర్ణయాలు, సంతోషాలు, భావోద్వేగాలు అన్నింటినీ ఒకే వ్యక్తిపై ఆధారపడి చూసే విధంగా మారిపోతారు. వారు లేకుండా జీవించలేని స్థితి ఏర్పడుతుంది. ఇది మానసికంగా ప్రమాదకరం.
వైఫల్యం..
ఎక్కువగా చూపించే ప్రేమకు తగినట్టు అవతలి వ్యక్తులు సమానంగా స్పందించకపోతే, తీవ్రమైన హృదయవేదన, నిరాశ, కోపం, డిప్రెషన్ వంటి భావాలు రావచ్చు. కొందరికి ఈ జీవితం వద్దు అని ఆత్మహత్య ఆలోచనలు ఏర్పడే స్థితికి దారితీయవచ్చు.
సంబంధంలో అసమతుల్యత..
ఒకరు ఎక్కువగా ప్రేమిస్తే, మరొకరు తక్కువగా స్పందిస్తే, ఈ అసమతుల్యత బంధం అసంతృప్తికరంగా మార్చుతుంది.
సమతుల్యంగా ప్రేమించడం ఎలా?
స్వీయ గౌరవాన్ని నిలుపుకోవాలి..
ప్రేమించడమే కాదు, తానేంటో గుర్తుంచుకోవాలి. వ్యక్తిగత విలువను మరువకూడు.
ప్రేమించిన వారి కోసం జీవితవిధానాలను పక్కన పెట్టవద్దు. కెరీర్, కుటుంబం, ఇతర హక్కులు, అభిరుచుల్ని కొనసాగించాలి.
ఎక్కువ మందితో ప్రేమ చెలామణీ కాకుండా, అవగాహనతో ప్రేమించాలి. వారి స్వేచ్ఛకు అడ్డుపడకుండా ప్రేమ చూపించాలి.
స్పష్టమైన కమ్యూనికేషన్ అవసరం. మీరు ఎంత ప్రేమిస్తున్నారో చెప్పారు, అలాగే ఎదుటివారి భావనలకూ గౌరవం ఇవ్వాలి.
సంతృప్తితో ప్రేమించాలి. సమాధానాల కోసం కాదు. ఎదుటివారు ప్రేమను తిరిగి ఇవ్వకపోయినా ప్రేమలో అంతరంగిక తృప్తి ఉండాలి.
*రూపశ్రీ.
.webp)
యోగా గురించి ఆయుర్వేదం చాలా ప్రాముఖ్యంగా చెబుతుంది. ఇది శరీరం, మనసు, ఆత్మ మధ్య సమతుల్యతను ఏర్పరచే సాధనంగా పరిగణించబడుతుంది. ఆయుర్వేదం, యోగా రెండూ భారతీయ సంప్రదాయ వైద్యం, ఆధ్యాత్మికతకు మూల స్తంభాలుగా ఉన్నాయి. ఇవి పరస్పరం అనుసంధానంగా ఉండి, ఆరోగ్యాన్ని సంపూర్ణంగా , శారీరకంగా, మానసికంగా, బౌద్ధికంగా మెరుగుపరచే విధానాలను అందిస్తాయి.
ఆయుర్వేదంలో యోగ స్థానం ఇదే..
త్రిదోష సిద్ధాంతానికి అనుగుణంగా...
ఆయుర్వేదం ప్రకారం మన ఆరోగ్యం మూడు దోషాలపై ఆధారపడి ఉంటుంది. వాత, పిత్త, కఫ అనే దోషాలు ప్రతి మనిషిలో ఉంటాయి. ఇవి సమతుల్యంగా ఉంటే ఆరోగ్యం బాగుంటుంది. ఈ త్రిగుణాలను సమతుల్యంలో ఉంచడానికి యోగా సహాయపడుతుంది.
ఉదాహరణకు..
ప్రాణాయామం వాత దోషాన్ని నియంత్రించగలదు, ఆసనాలు కఫ దోషాన్ని క్రమంలోకి తేస్తాయి. ధ్యానం పిత్త దోషాన్ని శాంతపరచగలదు.
ఆహార, ఆచార నియమాలకు తోడుగా..
ఆయుర్వేదం మనిషి జీవన విధానాన్ని సమతుల్యంలో ఉంచే విధంగా ఆహార నియమాలు , జీవన శైలి , మానసిక ఆరోగ్యం ఉండాలని చెబుతుంది. వీటిని ఆహార, విహార, మనోవ్యాపార నియమాలు అని అంటుంది. యోగా వీటిని స్థిరంగా పాటించడంలో శరీరానికీ మనస్సుకీ స్థిరత్వాన్ని ఇస్తుంది.
యోగ ప్రాముఖ్యత ఇదే..
శరీరశుద్ధి ..
యోగిక శుద్ధిక్రియలు ముఖ్యంగా కపాలభాతి, జలనేతి, శంఖ ప్రక్షాలన మొదలైనవి శరీరంలో తామసిక, రజసిక సంకలితాలను తొలగించి, సత్వగుణాన్ని పెంచుతాయి. ఇది ఆయుర్వేదంలో చెప్పే "పంచకర్మ" విధానాలకు సహాయకం.
ఆత్మ నియంత్రణ ..
యోగాభ్యాసం వల్ల శీలం, నియమం, ధైర్యం, సామర్థ్యం వంటి లక్షణాలు పెరుగుతాయి. ఇవి ఆయుర్వేదంలో స్వస్థవ్యక్తి లక్షణాలుగా పేర్కొనబడ్డాయి.
మనోవ్యాధుల నివారణ..
ఆయుర్వేదంలో మనోవ్యాధులు (మానసిక రుగ్మతలు) కోసం సత్త్వవజయ చికిత్స అనే ప్రత్యేక విభాగం ఉంది. ఇందులో ధ్యానం, ప్రాణాయామం, మనస్సు పై నియంత్రణ సాధనాలుగా యోగను ఉపయోగిస్తారు.
ఒజస్సు వృద్ధి..
యోగా ఆయుర్వేదంలో ముఖ్యంగా చెప్పే "ఒజస్సు" (శరీర రక్షణశక్తి)ని పెంచుతుంది. దీర్ఘకాలికంగా యోగ సాధన వల్ల దీర్ఘాయువు, యోచనా స్పష్టత, జీవశక్తి పెరుగుతాయి.
అంతర్వేద కాలం నుంచి ఆధునిక యోగం వరకు..
ఆయుర్వేద గ్రంథాల్లో ముఖ్యంగా అష్టాంగ హృదయం, చరక సంహిత, సుశ్రుత సంహిత మొదలైన గ్రంథాలలో యోగ గురించి ప్రత్యక్షంగా ప్రత్యేక అధ్యాయాలు లేవు కానీ, జీవన నియమాలలో, దినచర్య, ఋతుచర్యల్లో యోగాసనాలు, ప్రాణాయామం, ధ్యానం వంటి సాధనలు సూచించబడ్డాయి. ఆయుర్వేదంలోని "స్వస్థవృత్తం" అనే విభాగం యోగానికి ప్రాధాన్యతను సూచిస్తుంది.
ఆయుర్వేదంలో యోగ ప్రాముఖ్యత..
శరీర ఆరోగ్యం దోష సమతుల్యం, శుద్ధిక్రియలు
మానసిక శాంతి ధ్యానం, మనోవ్యాధుల నివారణ
జీవశక్తి ఒజస్సు వృద్ధి, జీవన శైలి దినచర్య, ఋతుచర్యలో భాగంగా ఆత్మీయ వికాసం ధ్యానం ద్వారా ఆత్మ గమనం మొదలైనవి సాధించడానికి సహాయపడుతుందని యోగ గురించి ఆయుర్వేదం చెబుతుంది.
*రూపశ్రీ.
యోగ శరీరాన్ని దృఢంగా మారుస్తుంది. యోగాలో చాలా రకాల ఆసనాలు ఉంటాయి. వాటిలో కొన్ని చాలా శక్తివంతమైనవి కూడా ఉన్నాయి. యోగాలో శక్తివంతమైన (Powerful) ఆసనాలు శరీరానికి శక్తిని, స్థిరతను, సౌష్టవాన్ని, ధైర్యాన్ని ఇచ్చే ఆసనాలు. ఇవి శారీరకంగా గట్టిగా ఉండటంతో పాటు మానసిక శాంతిని కూడా అందిస్తాయి. ఇవి శక్తి, సహనం, స్తైర్యం, ఫోకస్, ప్రాణశక్తి పెంచే విధంగా పనిచేస్తాయి. అలాంటి శక్తివంతమైన యోగాసనాలు ఏవో తెలుసుకుంటే..
శక్తివంతమైన యోగాసనాలు..
వీరభద్రాసనాలు..
వీరభద్రాసనాలలో మూడు రకాలు ఉన్నాయి. ఇవి వేస్తుంటే శరీరానికి ధైర్యం, స్థైర్యం కలుగుతుంది. కాళ్ళు, చేతులు, వెన్నెముక బలపడతాయి. మనస్సు కేంద్రీకృతం అవుతుంది.
నౌకాసన (Boat Pose)..
నౌకాసనం వస్తుంటే శరీరంలో మధ్య భాగం (core) శక్తివంతంగా తయారవుతుంది. అబ్డోమినల్ మసిల్స్, స్పైన్ బలపడతాయి. మానసిక దృఢత పెరుగుతుంది.
బకాసన (Crow Pose)..
బలమైన చేతులు, మోకాలుకు సపోర్ట్ కావాలంటే బకాసన వేయడం చాలా మంచిది. ఈ ఆసనం వేయడం వల్ల ఫోకస్, సమతుల్యత అభివృద్ధి చేస్తుంది. ధైర్యాన్ని పెంచుతుంది.
ఉర్ధ్వ ధనురాసనం (Upward Bow or Wheel Pose)..
ఊర్థ్వ ధనురాసనం వేస్తే వెన్నెముక, గుండె, ఛాతీ తెరుచుకుంటాయి. ఇది శక్తిని పంచుతుంది, ఉత్సాహం పెంచుతుంది.
పరివ్రుత్త పర్వతాసన (Revolved Triangle Pose )
పరివృత్త పర్వతాసన వేయడం ద్వారా శరీరానికి లవణత (flexibility), బలం ఇస్తుంది. జీర్ణ వ్యవస్థ మెరుగవుతుంది. శరీరాన్ని డిటాక్స్ చేయడంలో సహాయం చేస్తుంది.
అధో ముఖ శ్వానాసన (Downward Facing Dog)..
అధోముఖ శ్వానాస వేయడం వల్ల శరీరంలోని అన్ని భాగాలపై ప్రభావం పడుతుంది. ఇది శక్తిని పునరుత్తేజితం చేస్తుంది. మానసిక ఒత్తిడిని తగ్గిస్తుంది.
చతురంగ దండాసన (Low Plank)..
చేతులు, భుజాలు, మధ్య భాగం బలంగా తయారవుతాయి. శక్తిని కేంద్రీకరించేందుకు ఉపయుక్తంగా ఉంటుంది.
ప్రాణాయామం తో కలిపితే..
శక్తివంతమైన ఆసనాలకు ప్రాణాయామం (విశేషంగా కపాలభాతి, బస్ట్రికా) తోడైతే శక్తి స్థాయి మరింత పెరుగుతుంది.
సూచనలు:
ఆసనాలు సాధన చేయడానికి ముందుగా మైల్డ్ వార్మప్ చేయాలి.
శ్వాసపై దృష్టి పెట్టడం ముఖ్యం.
మొదట్లో శిక్షణ పొందిన గురువు సూచనతో చేయడం ఉత్తమం.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు...
కిడ్నీలో రాళ్ల సమస్య చాలా మంది ఎదుర్కొంటున్న ఆరోగ్య సమస్య. ఇవి సాధారణంగా యూరిన్‌లో ఉండే ఖనిజాలు, లవణాలు కలిసి కఠిన పదార్థాలుగా ఏర్పడటం వల్ల ఏర్పడతాయి. ఈ రాళ్ల రకాన్ని బట్టి (క్యాల్షియం ఆక్సలేట్, యూరిక్ ఆసిడ్, స్ట్రవైట్, సిస్టైన్ రాళ్లు) ఆహార నియమాలు మారవచ్చు. అయితే సాధారణంగా తీసుకోవాల్సిన, నివారించాల్సిన ఆహారాలు కొన్ని ఉన్నాయి. అవేంటో తెలుసుకుంటే..
తినాల్సినవి ..
నీరు (Water)
కిడ్నీ రాళ్ల సమస్య ఉన్నవారు రోజుకు 3-4 లీటర్లు నీరు తాగాలి. అధిక యూరిన్ ఉత్పత్తి ద్వారా రాళ్లు ఏర్పడే అవకాశం తగ్గుతుంది. అందుకే కిడ్నీ రాళ్ల సమస్య ఉన్నవారు నీరు బాగా తాగాలని వైద్యులు కూడా చెబుతారు.
పళ్లు (Fruits):
నిమ్మకాయ, బత్తాయి వంటి సిట్రస్ పండ్లు బాగా తీసుకోవాలి. ఇవి సిట్రేట్ అనే పదార్థాన్ని ఇచ్చి రాళ్ల ఏర్పాటును అడ్డుకుంటాయి. అలాగే నీరు ఎక్కువగా ఉండే పళ్లు కర్భూజ, పుచ్చకాయ వంటివి కూడా చాలా మంచిది.
కూరగాయలు..
తక్కువ ఆక్సలేట్ కలిగిన కూరగాయలైన దొండకాయ, దోసకాయ, బీరకాయ, కొబ్బరికాయ మొదలైనవి తీసుకోవడం మంచిది. ఆకుకూరలలో తోటకూర బాగా తినాలి కానీ ఎక్కువగా తినకూడదు.
ధాన్యాలు..
బ్రౌన్ రైస్, గోదుమ రొట్టెలు, రాగి, జొన్న వంటి ఫైబర్ సమృద్ధిగా ఉండే ధాన్యాలు మంచివి.
తక్కువగా తీసుకోవాల్సినవి..
తక్కువ ఫ్యాట్ ఉన్న పాలు, పెరుగు.. తీసుకోవాలి. ముఖ్యంగా క్యాల్షియం బాగా తీసుకుంటే క్యాల్షియం ఆక్సలేట్ కారణంగా రాళ్లు తగ్గే అవకాశం ఉంటుంది.
తినకూడని/నివారించాల్సినవి ..
ఆక్సలేట్ అధికంగా ఉండే ఆహారాలు అయిన మెంతి, బీట్రూట్ , పాలకూర, శనగలు, మామిడికాయలు తీసుకోకూడదు. అలాగే నాచురల్ ఆక్సలేట్ అధికంగా ఉండే పళ్ళు, కూరగాయలకు దూరంగా ఉండటం మంచిది
చెక్కెర, ఉప్పు:
అధిక మోతాదులో సాధారణ ఉప్పు తీసుకుంటే అది కిడ్నీలో రాళ్లను ప్రోత్సహిస్తుంది.
తీపి పదార్థాలు కూడా నివారించాలి. ముఖ్యంగా సోడాలు, క్యాండీలు, కేకులు మొదలైన తీపి ఆహారాలకు దూరంగా ఉండాలి.
మాంసాహారం ..
ఎక్కువ మోతాదులో మటన్, చికెన్, ఎగ్స్ తీసుకోవడం వలన యూరిక్ ఆసిడ్ స్థాయి పెరుగుతుంది. అలాగే మాంసాహారం వండటానికి ఉపయోగించే మసాలా దినుసులు తగ్గించాలి.
సాఫ్ట్ డ్రింక్స్..
కోలా, సోడా, ఎనర్జీ డ్రింక్స్ తీసుకోకూడదు. ఎందుకంటే వీటిలో ఫాస్ఫేట్లు అధికంగా ఉంటాయి. ఇవి కిడ్నీలో రాళ్లను ప్రోత్సహిస్తాయి.
విటమిన్ C అధిక మోతాదు..
రోజు 500 mg కంటే ఎక్కువగా విటమిన్-సి ని తీసుకోవడం వల్ల ఆక్సలేట్ స్థాయిని పెరుగుతుంది.
ఇతర చిట్కాలు..
మూత్రాన్ని నిర్ధారంగా రోజుకి 2 లీటర్లకు పైగా ఉత్పత్తి అయ్యేలా చూసుకోవాలి.
ఆహారం బట్టే రాళ్ల రకాన్ని గుర్తించి ఆహార నియమాలు మార్చుకోవడం అవసరం.
ఉదాహరణకు: క్యాల్షియం ఆక్సలేట్ రాళ్లు ఉంటే ఆక్సలేట్ తగ్గించాలి.
యూరిక్ ఆసిడ్ రాళ్లు ఉంటే ప్యూరిన్స్ తగ్గించాలి. మాంసం, కప్పు టీలో ఉండే పదార్థాలు యూరిక్ ఆసిడ్ రాళ్లకు కారణం అవుతాయి.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు...
.webp)
గ్రీన్ టీ తాగడం ఆరోగ్యానికి చాలా లాభదాయకం. ఇది యాంటీఆక్సిడెంట్లు, పోషకాలు, ఫ్లేవనాయిడ్లు, క్యాటెచిన్లతో సమృద్ధిగా ఉంటుంది. ఇది శరీరాన్ని డిటాక్స్ చేయడంలో, మెటబాలిజం పెంచడంలో, ఒత్తిడిని తగ్గించడంలో సహాయపడుతుంది. అసలు గ్రీన్ టీ తాగడం వల్ల కలిగే లాభాలు ఏంటి? అలాగే ఎలాంటి గ్రీన్ టీ తీసుకోవాలి అన్న విషయాలు వివరంగా తెలుసుకుంటే..
గ్రీన్ టీ తాగడం వల్ల కలిగే లాభాలు..
యాంటీఆక్సిడెంట్లు..
గ్రీన్ టీ లో ఉండే క్యాటెచిన్ అనే యాంటీఆక్సిడెంట్లు, ముఖ్యంగా EGCG (Epigallocatechin gallate) కేన్సర్ కారక కణాల ఎదుగుదలని అడ్డుకుంటుంది.
మెటబాలిజాన్ని పెంచుతుంది..
రోజూ గ్రీన్ టీ తాగడం వల్ల బాడీ మెటబాలిజం పెరిగి కొవ్వు కాలే ప్రక్రియ వేగవంతం అవుతుంది. ఇది బరువు తగ్గడానికి ఉపయోగపడుతుంది.
బరువు తగ్గడంలో సహాయం..
ముఖ్యంగా పొట్ట భాగం కొవ్వు కరిగించడంలో గ్రీన్ టీ ఉపయోగపడుతుంది. వ్యాయామంతో పాటు తీసుకుంటే మంచి ఫలితం ఉంటుంది.
హృదయ ఆరోగ్యం..
గ్రీన్ టీ లో ఉండే పొటాషియం, ఫ్లేవనాయిడ్లు రక్తపోటు (BP) ని నియంత్రిస్తాయి, చెడు కొలెస్ట్రాల్ (LDL) తగ్గించి గుండె జబ్బుల ప్రమాదాన్ని తగ్గిస్తాయి.
మెదడు ఆరోగ్యం..
గ్రీన్ టీ లో ఉండే చిన్న మొత్తంలో కేఫిన్ మరియు L-theanine మానసిక ఉత్తేజకంగా పనిచేస్తాయి. ఇది మెమరీ, ఫోకస్ పెరగడానికి సహాయపడుతుంది.
టైప్ 2 డయబెటిస్..
గ్రీన్ టీ శరీరంలో ఇన్సులిన్ పనితీరును మెరుగుపరుస్తుంది, thereby షుగర్ లెవల్స్ ను నియంత్రించడంలో సహాయపడుతుంది.
చర్మం & వెంట్రుకల ఆరోగ్యం..
గ్రీన్ టీ లో ఉండే యాంటీఆక్సిడెంట్లు వయస్సు ప్రభావాన్ని తగ్గిస్తాయి. ఇది చర్మాన్ని మెరుగు పరచడంతో పాటు పింపుల్స్ ను తగ్గిస్తుంది.
డీటాక్స్..
గ్రీన్ టీ ప్రాకృతికంగా శరీరాన్ని టాక్సిన్స్ నుండి శుభ్రం చేయడంలో సహాయపడుతుంది.
ఎలాంటి గ్రీన్ టీ ఎంచుకోవాలి?
ఆర్గానిక్ గ్రీన్ టీ..
కీటకనాశకాలూ, కెమికల్స్ లేని ఆర్గానిక్ వేరియంట్లు తీసుకోవడం ఉత్తమం. ఇప్పట్లో చాలా ఆర్గానిక్ గ్రీన్ లు మార్కెట్లో అందుబాటులో ఉంటున్నాయి.
లూజ్ లీఫ్ గ్రీన్ టీ, టీ బ్యాగ్స్..
లూజ్ లీఫ్ గ్రీన్ టీలో ఎక్కువగా యాక్టివ్ పదార్థాలు ఉంటాయి. టీ బ్యాగ్స్ కొన్నిటిలో నానోప్లాస్టిక్ పదార్ధాలు ఉంటాయి . అందుకే చూసి ఎంచుకోవాలి.
ఫ్లేవర్ కలిపిన గ్రీన్ టీ.. జాగ్రత్తగా..
జింజర్, లెమన్, తులసి, మింట్ వంటి సహజమైన ఫ్లేవర్స్ ఉన్న గ్రీన్ టీ సరే. అయితే అతి తక్కువ శాతం టీ ఉండే, ఎక్కువ artificial flavor ఉన్నవి తీసుకోకూడదు.
ఎప్పుడు తాగాలి?
ఉదయం ఖాళీ కడుపు మీద తాగకూడదు. ఎందుకంటే ఇది ఆమ్లత్వం (acidity) కలిగించవచ్చు. భోజనం తరువాత 30 నిమిషాల లోపల లేదా సాయంత్రం తక్కువ ఆకలిగా ఉన్నప్పుడు గ్రీన్ టీ తీసుకోవడం మంచిది.
జాగ్రత్త..
రోజుకు 2–3 కప్పులు గ్రీన్ టీ సరిపోతుంది. మించితే నిద్రలేమి, అధిక ఆమ్లత్వం వంటి దుష్ప్రభావాలు రావచ్చు.
గర్భిణీలు, ముదురు వయస్సు వారికి గ్రీన్ టీ తీసుకునే ముందు డాక్టర్ సలహా అవసరం.
షుగర్ లేదా తీపి పదార్థాలు కలిపి తాగకూడదు ఎందుకంటే ఇలా చేయడం వల్ల గ్రీన్ టీ వల్ల లభించాల్సిన అసలు ప్రయోజనం తగ్గిపోతుంది.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు...