LATEST NEWS
ఆంధ్రప్రదేశ్ ప్రభుత్వం అమరావతి రైతులకు బిగ్ రిలీఫ్ కలిగించింది. జగన్ హయాంలో వారిపై పెట్టిన కేసులను ఎత్తివేసింది.జగన్ హయాంలో అమరావతిని నిర్వీర్యం చేస్తూ మొదలు పెట్టిన మూడు రాజధానుల విధానానికి వ్తయతికేకంగా చారిత్రాత్మక ఆందోళన చేసిన రైతులపై అప్పటి జగన్ సర్కార్ బనాయించిన కేసులను ఉపసంహరించుకుంది. ఈ మేరకు హోం శాఖ ముఖ్యకార్యదర్శి శుక్రవారం (జూన్ 20) ఉత్తర్వులు జారీ చేశారు. రైతులపైనే కాకుండా వేతనాల పెంపు కోసం ఆందోళన చేపట్టి ధర్నా చేసిన అంగన్ వాడీ కార్యకర్తలపై అప్పటి జగన్ ప్రభుత్వం బనాయించిన కేసులను కూడా ఉపసంహరించుకుంటున్నట్లు హోంశా ఆ ఉత్తర్వులలో పేర్కొంది. ఈ నిర్ణయంతో అమరావతి రైతులకు, అంగన్‌వాడీ కార్యకర్తలకు భారీ ఊరట దక్కింది.
మూడు రాజధానుల ప్రతిపాదనను వ్యతిరేకిస్తూ విజయవాడలోని సీఆర్‌డీఏ కార్యాలయం ముందు అమరావతి రైతులు అప్పట్లో నిరసన తెలిపారు.దీంతో జగన్ ప్రభుత్వం వారిపై కేసులు పెట్టింది. 2020 ఆగస్టు 26న గవర్నర్‌పేటలోని సీఆర్‌డీఏ కార్యాలయం దగ్గర రైతులు పెద్ద ఎత్తున ఆందోళన చేశారు. ఆ సందర్భంగా ప్రభుత్వం వారిని అడ్డుకుని అరెస్టు చేసింది. కేసులు పెట్టింది. ఆ కేసులను ఇప్పుడు తెలుగుదేశం కూటమి ప్రభుత్వం ఉపసంహరించుకుంది.
హనుమ కొండ జిల్లా కోర్టు ఆవరణలో డిటొనేటర్లు లభ్యం కావడం కలకలం రేపింది. గుర్తు తెలియని వ్యక్తి నుంచి హనుమకొండ జిల్లా కోర్టు ఆవరణలో బాంబు ఉందన్న ఫోన్ కాల్ రావడంతో అప్రమత్తమైన పోలీసులు బాంబ్ స్క్వాడ్, డాగ్ స్క్వాడ్ తో కోర్టు ఆవరణ అంతా క్షుణ్ణంగా తనిఖీలు నిర్వహించారు.
ఈ తనిఖీలలో ఆరు డిటొనేటర్లు లభ్యమయ్యయి. వాటిని స్వాధీనం చేసుకున్నారు. గుర్తు తెలియని వ్యక్తి నుంచి బాంబు బెదరింపు కాల్ రావడం, తనిఖీలు చేపట్టిన పోలీసులకు డిటొనేటర్లు లభ్యం కావడంతో లాయర్లు తీవ్ర ఆందోళనకు గురయ్యారు. ఇటీవలి కాలంలో హనుమకొండ కోర్టుకు బాంబు బెదరింపు రావడం ఇది మూడో సారి కావడం ఆందోళన రేకెత్తిస్తోంది.
ఎంకి పెళ్లి సుబ్బి చావుకి వచ్చినట్లు.. అన్న, చెల్లిల మధ్య పోరు వారి బాబాయ్ వైవీ సుబ్బారెడ్డిని ఇక్కట్ల పాలు చేస్తోందన్న అభిప్రాయం వ్యక్తం అవుతోంది. మాజీ సీఎం జగన్, ఏపీసీసీ ప్రెసిడెంట్ షర్మిల మధ్య ఇరుక్కుపోతున్న వైవీ సుబ్బారెడ్డి ఎటూ మాట్లాడలేని పరిస్థితుల్లో ఉన్నారంట. మొన్న ఆస్తుల వివాదంలో.. నిన్న ఫోన్ ట్యాపింగ్ వ్యవహారంలో వైవీ ప్రస్తావన తీసుకొచ్చారు షర్మిల. తన ఫోన్‌ను జగన్ ట్యాపింగ్ చేయించారని ఆరోపిస్తూ.. వైవీని సాక్ష్యంగా చూపించారామె.. షర్మిల లేవనెత్తున్న అంశాలపై కౌంటర్‌ ఇచ్చేందుకు వైవీ సుబ్బారెడ్డి తెగ ఇబ్బంది ఇబ్బంది పడుతున్నారంట. అటు మిగిలిన వైసీపీ పెద్దలు కూడా షర్మిల లేవనెత్తిన అంశాలపై ఎలా స్పందించాలో అర్థంకాక తలలు పట్టుకుంటున్నారంట.
ఫోన్ ట్యాపింగ్ వ్యవహారం ఇప్పటి వరకూ తెలంగాణకే పరిమితం అయిందనుకున్న తరుణంలో.. కాదు అటు ఏపీలోను ట్యాపింగ్ ఎపిసోడ్ కలకలం రేపుతోంది. గడిచిన ఐదేళ్లలో ఏపీకి చెందిన రాజకీయనాయకుల ఫోన్ ట్యాప్ అయ్యాయని జరుగుతున్న ప్రచారం వేడి పుట్టిస్తున్న తరుణంలోనే షర్మిల తెరపైకి వచ్చి తీవ్ర ఆరోపణలు చేశారు. ఇప్పటికే తన అన్న, మాజీ సీఎం జగన్‌తో షర్మిల విభేదిస్తున్నారు. పీసీసీ అధ్యక్షురాలిగా ఏపీ రాజకీయాల్లోకి వచ్చినప్పటి నుంచి ఆమె జగన్‌ను ఒక రేంజ్ లో టార్గెట్ చేస్తున్నారు. దాంతో అన్నాచెల్లెల్ల మధ్య తీవ్ర అగాధం ఏర్పడింది.
వైసీపీ అధికారంలో ఉన్నప్పుడు జగన్‌పై తీవ్రస్థాయిలో విరుచుకుపడిన షర్మిల.. తర్వాత జగన్ పార్టీ 11 సీట్లకు పరిమితమై, ఆయనకు ప్రతిపక్ష నేత హోదా దక్కకుండా పోయిన తర్వాత కూడా అదే రేంజ్ లో టార్గెట్ చేస్తున్నారు. ఇటీవల కుటుంబ ఆస్తుల వ్యవహారాలకు సంబంధించి ఆమె తన అన్నపై తీవ్ర ఆరోపణలు చేశారు. జగన్ సైతం తల్లి విజయమ్మ, చెల్లి షర్మిలపై ఫిర్యాదులు చేశారు. ఆ వివాదం సద్దుమణగక ముందే షర్మిల ఫోన్ ట్యాపింగ్‌పై ఆరోపణలు గుప్పించడంతో అన్నాచెల్లెల్ల మధ్య బంధం పూర్తిగా తెగిపోయినట్లే కనిపిస్తోందంటున్నారు.
తన ఫోన్ ట్యాప్ చేసి రాజకీయంగా తన ఎదుగుదలను జీర్ణించుకోలేక కుట్రలు చేశారని వైఎస్ షర్మిల చేసిన కామెంట్స్ ఇప్పుడు ఏపీ రాజకీయల్లో హాట్ టాపిక్‌గా మారాయి. తెలంగాణలో ఫోన్ ట్యాపింగ్ జరిగింది ముమ్మాటికీ వాస్తవమని, ఈ వ్యవహారం అంతా అప్పటి తెలంగాణ ముఖ్యమంత్రి కేసీఆర్, ఏపీ సీఎం జగన్ కలిసి చేసిన జాయింట్ ఆపరేషనేమోనని షర్మిలఅనుమానాలు వ్యక్తం చేశారు. ఆ ఫ్లోలో కేసీఆర్, కేటీఆర్, జగన్‌‌లకు ఉన్న సాన్నిహిత్యాన్ని షర్మిల వివరించారు. వారు చాలా మంచి సత్సంబంధాలు మెయింటెయిన్ చేశారని, వారి అనుబంధం మందు రక్తం సంబంధం కూడా చిన్నబోయిందని సెటైర్లు వేశారు . ఒకరి కోసం ఒకరన్నట్లు మెలిగేవారని ఎద్దేవా చేశారు. పనిలో పనిగా ఆస్తుల వివాదం సమయంలో ప్రస్తావించిన వైవీ సుబ్బారెడ్డి పేరుని ఫోన్ ట్యాపింగ్ వ్యవహారంలో కూడా షర్మిల ఇరికించేశారు. తన ఫోన్ ట్యాపైన విషయాన్ని వైవీ సుబ్బారెడ్డే తనతో చెప్పారని ఆరోపించారు. ఫోన్ ట్యాపింగ్ వ్యవహారం తనకు వైవీ సుబ్బారెడ్డి చెప్పారని..అవసరమైతే బైబిల్ పై ప్రమాణం చేస్తానని షర్మిల అన్నారు. ఇటీవల కాలంలో పదేపదే వైవీ సుబ్బారెడ్డి పేరును షర్మిల ప్రస్తావించడం వైసీపీ పెద్దలకు మింగుడు పడడంలేదంట.
కీలకమైన అంశాలకు సంబంధించి తన పేరును ప్రస్తావించడం పట్ల రాజ్యసభ సభ్యుడు వైవీ సుబ్బారెడ్డి కూడా ఇబ్బంది పడుతున్నారట. ఇప్పటికే జగన్, షర్మిలకు మధ్య ఆస్తుల వివాదం నడుస్తోంది. ఆస్తుల పంపకాలపై రాజశేఖర్‌రెడ్డి ఆలోచనలు ఏంటో వైవీ సుబ్బారెడ్డికి స్పష్టంగా తెలుసని షర్మిల చేప్పారు. జగన్ ఒత్తిడితోనే వైవీ సుబ్బారెడ్డి వాస్తవాలను వక్రీకరించి మాట్లాడుతున్నారని కూడా షర్మిల అంటున్నారు. ఓ వైపు ఆస్తుల వివాదంలో తన పేరు తెరపైకి తీసుకోవడంతోనే ఇబ్బందిపడిన వైవీ సుబ్బారెడ్డి...తాజా ఫోన్ ట్యాపింగ్ వ్యవహారంలో తన పేరు షర్మిల ప్రస్తావించడపట్ల వైవీ సుబ్బారెడ్డి మదన పడుతున్నారట. ఒకవైపు షర్మిల తనను సాక్షిగా పేర్కొంటూ నిజాలు చెప్పాలని డిమాండ్ చేస్తుంటే.. మరోవైపు వైవీ సుబ్బారెడ్డి మాత్రం షర్మిల ఆరోపణలను ఖండిస్తూ వస్తున్నారు. తాజాగా ఫోన్ ట్యాపింగ్ వ్యవహారంలో షర్మిల ఆరోపణలకు కౌంటర్‌గా ఎక్స్ లో స్పందించారు. షర్మిల ఫోన్ ట్యాప్ చేయాల్సినవసరం అప్పటి తెలుగు రాష్ట్రాల సీఎంలకు ఎందుకు వస్తుందని ప్రశ్నించారు.
గత తెలంగాణ ప్రభుత్వం షర్మిల ఫోన్ ట్యాప్ చేసిందని, వాటిని ఇక్కడ ముఖ్యమంత్రికి ఇచ్చారనడం చాలా హాస్యాస్పదంగా ఉందని వైవీ ట్వీట్లో పేర్కొన్నారు. గతంలో టీఆర్‌ఎస్‌ ప్రభుత్వం ఉండగా, షర్మిల తెలంగాణలో పార్టీ పెట్టి రాజకీయాలు నడిపారని, అప్పుడు జగన్‌కి, షర్మిలకి సంబంధాలు ఇప్పటిలా లేవన్నారు. అలాంటి పరిస్థితుల్లో షర్మిల ఫోన్‌ను ట్యాప్‌చేసి కేసీఆర్‌గారి ప్రభుత్వం ఇక్కడి సీఎంకు ఎందుకు ఇస్తుంది? అసలు కేసీఆర్‌గారి ప్రభుత్వం ట్యాప్‌చేసిందా? లేదా? అన్నది తనకు తెలియదన్నారు. తన పేరు ప్రస్తావనకు వచ్చింది కాబట్టి దీనిపై స్పందిస్తున్నానని పేర్కొన్నారు. అన్నాచెల్లెల్ల గొడవలపై బయటకు మాట్లాడ లేకపోతున్న బాబాయ్ ఎక్స్ ఖాతాలో తన గోడు వెల్లగక్కుతుండటం చర్చనీయాంశంగా మారింది. మొత్తంగా వైవీ సుబ్బారెడ్డి ఇద్దరి మధ్య ఇరుక్కు పోయారనే టాక్ నడుస్తోంది.
ALSO ON TELUGUONE N E W S
గ్లోబల్ స్టార్ రామ్ చరణ్, ఉపాసన కొణిదెల కుమార్తె క్లీంకార ఈ రోజు (జూన్ 20) రెండో పుట్టినరోజును జరుపుకుంటోంది. ఈ సందర్భంగా, ఆమె జీవితంలో మెమరబుల్ మూమెంట్ చోటుచేసుకుంది. (Klin Kaara)
గత సంవత్సరం హైదరాబాద్ జూ పార్క్‌కు వెళ్లిన సమయంలో రామ్ చరణ్, ఉపాసన, చిన్నారి క్లీంకార ఒక తెల్ల బెంగాల్ పులి పిల్లను చూశారు. ఆ ప్రత్యేక క్షణాన్ని గుర్తుగా ఉంచుతూ.. జూ అధికారులు ఆ పులి పిల్లకి 'క్లీంకార' అనే పేరు పెట్టారు.
ఈ రోజు తన రెండో పుట్టినరోజు సందర్భంగా, క్లీంకార మొదటిసారిగా తన పేరును కలిగి ఉన్న తెల్ల పులిని ప్రత్యక్షంగా చూసింది. అంతేకాదు.. జంతువుల పట్ల సహానుభూతి, ప్రేమను ఎప్పుడూ చూపిస్తూ ఉండే రామ్ చరణ్, ఉపాసన ఈరోజు అధికారికంగా ఆ పులిని దత్తత తీసుకున్నారు.
ఈ విషయాన్ని సోషల్ మీడియా వేదికగా పంచుకున్న ఉపాసన.. క్లీంకారను పట్టుకొని పులి ఎదురుగా కూర్చొని దిగిన ఫొటోని షేర్ చేసింది. ప్రస్తుతం ఈ ఫొటో సోషల్ మీడియాలో వైరల్ గా మారింది.
ధనుష్, నాగార్జున, రష్మిక ప్రధాన పాత్రల్లో శేఖర్ కమ్ముల రూపొందించిన 'కుబేర' చిత్రం తాజాగా థియేటర్లలో అడుగుపెట్టింది. ఈ సినిమాకి అన్ని వర్గాల నుంచి పాజిటివ్ టాక్ వస్తోంది. ముఖ్యంగా ధనుష్ పోషించిన దేవ పాత్రను శేఖర్ కమ్ముల మలిచిన తీరు, ఆ పాత్రలో ధనుష్ ఒదిగిపోయిన తీరు గురించి అందరూ మాట్లాడుకుంటున్నారు. అదే సమయంలో ఓ ఆసక్తికర చర్చ తెరపైకి వచ్చింది. ఓ వైపు తెలుగు దర్శకులు.. మంచి కథలు, పాత్రలతో తమిళ హీరోలకు గుర్తుండిపోయే సినిమాలను అందిస్తుంటే... మరోవైపు తమిళ దర్శకులు మాత్రం తెలుగు హీరోలకు డిజాస్టర్స్ అందిస్తున్నారనే చర్చ నడుస్తోంది.
గత కొన్నేళ్లలో తెలుగు హీరోలతో తమిళ దర్శకులు చేసిన 'స్పైడర్', 'ది వారియర్‌', 'కస్టడీ', 'గేమ్ ఛేంజర్' ఇలా పలు సినిమాలు పరాజయం పాలయ్యాయి. మరోవైపు తమిళ హీరోలతో తెలుగు దర్శకులు చేసిన 'సార్', 'కుబేర' వంటి సినిమాలు ప్రేక్షకుల మెప్పు పొందుతున్నాయి. దీంతో మన దర్శకులు మన హీరోలతోనే ఇలాంటి మంచి సినిమాలు చేయొచ్చు కదా అని తెలుగు సినీ అభిమానులు సోషల్ మీడియా వేదికగా కామెంట్స్ పెడుతున్నారు. అయితే కొందరు మాత్రం ఈ విషయంలో మన హీరోలనే తప్పుబడుతున్నారు. మన హీరోలు కంటెంట్ ఉన్న సినిమాలు కంటే.. ఎక్కువగా రెగ్యులర్ యాక్షన్ సినిమాలు, భారీ సినిమాలు చేయడానికే ఆసక్తి చూపుతున్నారని అంటున్నారు.
నిజానికి 'సార్', 'లక్కీ భాస్కర్' కథలను కొందరు తెలుగు హీరోలు రిజెక్ట్ చేశారనేది ఇండస్ట్రీ వర్గాల్లో ఉన్నమాట. ఇక 'కుబేర'లో ధనుష్ పోషించిన బిచ్చగాడు పాత్ర చేయడానికి మన హీరోలు ఎంతవరకు సిద్ధమనేది సందేహమే. అలాంటి పాత్రలు చేయడానికి ఒప్పుకోరు.. ఒకవేళ ఒప్పుకున్నా స్టార్డం పేరుతో కొన్ని సీన్స్ కి అభ్యంతరం తెలిపే అవకాశముంది. అందుకే ఇటువంటి కథలు.. ఇతర భాషల హీరోలను వెతుక్కుంటూ వెళ్తున్నాయనే అభిప్రాయాలు వ్యక్తమవుతున్నాయి.
అలాగే తెలుగు హీరోలతో తమిళ దర్శకులు చేస్తున్న సినిమాల పరాజయాల విషయంలో కూడా.. కేవలం ఆ దర్శకులనే నిందించలేము. మన హీరోలు ఆ కథలను అంగీకరిస్తేనే కదా అవి పట్టాలెక్కేది. వైవిధ్యంగా ఉన్న కథలు, పాత్రలు ఎంచుకుంటే.. ఆటోమేటిక్ గా మంచి సినిమాలు వస్తాయి. ఒక్కోసారి కమర్షియల్ గా రిజల్ట్ ఎలా ఉన్నా.. నటుడిగా పేరు వచ్చే అవకాశముంది. అందుకే మన తెలుగు హీరోలు ఆ దిశగా ఆలోచిస్తే బాగుంటుందని ఫ్యాన్స్ కోరుతున్నారు.
ప్రస్తుతం తమిళ దర్శకుడు అట్లీతో అల్లు అర్జున్ ఓ సినిమా చేస్తున్నాడు. ఇది భారీ బడ్జెట్ తో తెరకెక్కుతోన్న సైన్స్ ఫిక్షన్ ఫిల్మ్. మరి ఈ సినిమాతోనైనా తమిళ దర్శకుల నెగటివ్ సెంటిమెంట్ కి బ్రేక్ పడుతుందేమో చూడాలి.
Yash Raj Films’ War 2, directed by Ayan Mukerji, is the most awaited film of 2025. The massive pan-India action spectacle produced by Aditya Chopra, is the sixth film from the fabled YRF Spy Universe franchise, that has only delivered blockbusters. Ayan reveals how he focussed entirely on crafting the storyline of War 2 because he wanted a conflict that was big enough to pit two icons of Indian cinema, Hrithik Roshan against NTR.
Ayan says, “It is a huge responsibility to take forward a hugely loved franchise like War and leave your own mark on it. I saw directing War 2 as a relishing opportunity to give a hat-tip to the first film. You can’t have fun otherwise while coming on board such a huge blockbuster franchise. One has to take what has been set and then make the fans of the film and the fans of these gigantic superstars of our country go on a journey that is new, that hopefully leaves them hungry for more. As a director, I have to be honest, I immersed myself into delivering this feeling.”
He adds, “Everything about War 2 has been crafted with a lot of planning to elevate the theatrical experience of the audience. The maximum time spent was on the action set pieces and crafting the storyline and the conflict which was needed to mount the face off between Hrithik Roshan and NTR.”
Ayan calls War 2 a film that celebrates the might of Indian cinema as it brings Hrithik and NTR together for a jaw-dropping, adrenaline pumping theatrical experience like no other.
The director says, “War 2 is truly the coming together of Indian cinema with these two huge actors joining forces. We were aware of the expectations this pairing would set in the minds of their fans and the audience and every second was spent thinking of how to give them an experience of a lifetime when they sit in the theatres.”
War 2 is scheduled to hit theatres worldwide on August 14, 2025.
Starring : Dhanush, Nagarjuna, Rashmika Mandanna, Jim Sarbh, Dalip Tahil, Sayaji Shinde
Crew:
Music Direction by Devi Sri Prasad
Cinematography by Niketh Bommireddy
Edited by Karthika Srinivas
Written & Directed by Sekhar Kammula
Produced by Suniel Narang, Puskur Ram Mohan Rao, Ajay Kaikala
Sekhar Kammula has an unique way of narrating any story with real characters and circumstances. With Dhanush and King Nagarjuna, Rashmika Mandanna in leading roles, he made a financial thriller Kuberaa, on a large canvas. The movie is released today and let's discuss about it in detail.
Plot:
Neeraj Mithra (Jim Sarbh), a multi-billionaire gets a tip about pure crude oil and natural gas on the coast of Tamil Nadu. He immediately plans to take over the contract and influences Union Minister to privatise the oil rig. For this contract, he has to plan a Hawala scam to transfer Rs.1 Lakh crores to various MPs. He finds a honest CBI officer, who is facing the wrath of a politician, Deepak (Nagarjuna) to complete the transaction.
Deepak plans to hire beggars and open shell companies on their name to use them to transfer the movie from foreign countries. He finds Deva (Dhanush) from Tirupathi along with three others from various locations. He and his team train them but Neeraj decides to kill them after the transaction. Will Deepak let them be killed? Will Deva survive and uno reverse the scam? Watch the movie to know more.
Analysis:
Dhanush has given his career best performance as a beggar in this film. Shedding out all sort of star baggage, he showcased his acting skills and mesmerise us to believe that he is a beggar. King Nagarjuna took a different role from his routine and he delivered a very honest performance. He also sheds all his starry baggages in the role and it fits him well.
Rashmika Mandanna is good in the limited scope and Jim Sarbh delivered a very good performance. All others leave a mark but they did not get much to do, either. The movie takes off well and does bring realistic perspective to the story of financial scams. Each and every scene adds to the drama.
While the first hour impresses us, the second half starts to drag with predictable run. Still, the narrative keeps us booked to see how the resolution will be achieved and what will be the final solution. Pre-climax and climax portions don't really stand up to the drama built till the moment, hence, it looses the impact that had been established till that point.
Devi Sri Prasad delivered one of his career best works for this film. He kept giving something fresh in every scene and his work is remarkable. Editing by Karthika Srinivas and Cinematography could have better but they did their best in the first half to create the realistic vibe. Overall, the movie due to the drag in the second hour falls flat despite good production values and technical brilliance to an extent.
Bottomline:
Kuberaa works to all an extent with draggy and lethargic narrative in second hour.
Rating: 2.75/5
Disclaimer: Views expressed in this review are personal opinions of the reviewer and organisation doesn't take any liability. Viewers discretion is advised before commenting or reacting to this review.
తారాగణం: అక్కినేని నాగార్జున, ధనుష్, రష్మిక మందన్న, జిమ్ సర్భ్, దలీప్ తాహిల్, షాయాజీ షిండే తదితరులు
సంగీతం: దేవీశ్రీ ప్రసాద్
డీఓపీ: నికేత్ బొమ్మిరెడ్డి
ఎడిటర్: కార్తీక శ్రీనివాస్
ప్రొడక్షన్ డిజైన్: తోట తరణి
సహ రచయిత: చైతన్య పింగళి
రచన, దర్శకత్వం: శేఖర్ కమ్ముల
నిర్మాతలు: సునీల్ నారంగ్, పుష్కర్ రామ్మోహన్ రావు
బ్యానర్స్: శ్రీ వెంకటేశ్వర సినిమాస్, అమిగోస్ క్రియేషన్స్
విడుదల తేదీ: జూన్ 20, 2025
నాగార్జున, ధనుష్, రష్మిక, శేఖర్ కమ్ముల పాన్ ఇండియా మూవీ 'కుబేర' ఈ రోజు ప్రేక్షకుల ముందుకు వచ్చింది. ఈ మధ్య కాలంలో రిలీజ్ కి ముందే ప్రేక్షకుల్లో హిట్ టాక్ ని తెచ్చుకున్న మూవీగా కూడా కుబేర నిలిచింది. మరి మూవీ ఎలా ఉందో చూద్దాం.
కథ
దీపక్(నాగార్జున) సిన్సియర్ సిబిఐ అధికారి. రాజకీయ ఒత్తిళ్లు కారణంగా ఉద్యోగం కోల్పోయి అక్రమ కేసులు మోపడంతో జైలు శిక్ష అనుభవిస్తు ఉంటాడు. దేవా(ధనుష్) తిరుపతి ప్రాంతంలో ఉండే ఒక బిచ్చగాడు. బాల్యం నుంచే బిచ్చగాడుగా బతుకుతుండటం వలన చదువుతో పాటు లోకజ్ఞానం తెలియదు. తన లాంటి వృత్తి చేసుకునే వారితో పాటు, ఎదుటివారి పట్ల జాలి, దయ కలిగి ఉంటాడు. ముంబైలో నివసించే నీరజ్ (జిమ్ సర్బ్) ఒక బిలినియర్. కొన్నిలక్షల కోట్ల వ్యాపార సామ్రాజ్యానికి అధిపతితో పాటు, తన వ్యాపార విస్తరణ కోసం ఎంతమందినైనా చంపగలిగే సమర్థుడు. దీపక్ ని జైలు నుంచి విడిపించి తన వ్యాపార లక్ష్యం కోసం నియమించుకుంటాడు. ప్రేమించిన వాడు మోసం చెయ్యడంతో నల్గొండ ప్రాంతానికి చెందిన సమీరా(రష్మిక) ముంబై వస్తుంది. దేవాతో పాటు ఇతర ప్రాంతాలకి చెందిన ముగ్గురు బిచ్చగాళ్ళని దీపక్ ముంబై తీసుకొస్తాడు. ఒక రహస్యం తెలిసిన దేవా ప్రాణ భయంతో వాళ్ళ దగ్గరి నుంచి పారిపోతాడు. ఈ క్రమంలో దేవా,సమీరాకి పరిచయం జరుగుతుంది. తనకి ఇష్టం లేకపోయినా దేవాతో సమీరా ట్రావెల్ అవుతుంది. దేవాని చంపడానికి దీపక్ వెతుకుతుంటాడు. దీపక్ నిజంగానే చెడ్డవాడా? ఒక వేళ చెడ్డవాడైతే సిన్సియర్ సిబిఐ అధికారి ఆ విధంగా ఎందుకు మారాడు? అసలు దేవాని ముంబై కి ఎందుకు తీసుకొచ్చారు? ఏ రహస్యం తెలుసుకొని దేవా పారిపోయాడు? దేవాని దీపక్ నిజంగానే చంపాడా? లేక కాపాడాడా? దేవా, దీపక్ కి గతంలోనే పరిచయం ఉందా? చివరకి ఎవరు గెలిచారు, ఎవరు చనిపోయారు? అసలు కుబేర ఎవరు? అనేదే ఈ చిత్రం.
ఎనాలసిస్
కుబేర ప్రమోషన్స్ లో శేఖర్ కమ్ముల మాట్లాడుతు ఇలాంటి కథతో కూడా సినిమా తెరకెక్కించవచ్చా అని ప్రేక్షకులు ఆశ్చర్యపోతారు. అన్ని వర్గాల వారికి సినిమా నచ్చుతుందని చెప్పాడు. ఈ మాట అక్షరాలా సత్యం. పాన్ ఇండియా సెల్యులాయిడ్ పై ఒక సరికొత్త కథ ఆవిష్కృతమైంది. ఫస్ట్ హాఫ్ లో స్టార్టింగ్ నుంచే ప్రేక్షకుడు కంప్లీట్ గా కుబేర కి సరండర్ అయ్యేలా కథనం, క్యారక్టర్ ల పరిచయం సాగింది. దీపక్ ని నీరజ్ జైలు నుంచి బయటకి తీసుకురావడం, దీపక్ తన లక్ష్యంలో భాగంగా దేవాతో పాటు మరికొంత మందిని ముంబై కి తీసుకురావడం, వాళ్ళ మధ్య వచ్చిన సీన్స్ అన్ని బాగున్నాయి. బిచ్చగాళ్ల కి ఏం తెలియదు కాబట్టి ముంబై లో ప్రజల మధ్యకి వాళ్ళని పంపించి కామెడీ ని సృష్టించాల్సింది. సమీరా క్యారక్టర్ ని కూడా ఫస్ట్ హాఫ్ మధ్యలోనే చూపించి, దేవాని కోటీశ్వరుడిగా భావిస్తు ఉండాల్సింది. ఈ దిశగా ఆలోచించకుండా ఒకే పాయింట్ పై ఫస్ట్ హాఫ్ ని నడిపించారు. కానీనటీ నటుల పెర్ ఫార్మెన్స్ వల్ల ఎక్కడా బోర్ కొట్టదు. ఇంటర్వెల్ ట్విస్ట్ బాగుంది. ఇక సెకండ్ హాఫ్ లో సమీరా, దేవా మధ్య వచ్చే సీన్స్ చాలా బాగుండటంతో పాటు, కథ అనేక మలుపులు తిరిగి, ఏం జరుగుతుందనే క్యూరియాసిటీ ఏర్పడింది. దీపక్ క్యారక్టర్ ఒక్కసారిగా తన అసలు రూపమైన సిన్సియర్ అధికారిగా మారడంతో కథనంలో మంచి స్పీడ్ వచ్చింది. కాకపోతే దీపక్ తన ఓల్డ్ స్టైల్లో మారడానికి మంచి సీన్ ని క్రియేట్ చేసి, ఆ తర్వాత తన భార్య పిల్లలని దుబాయ్ పంపించి ఉంటే బాగుండేది. పైగా సెకండ్ హాఫ్ కొంచం లాగ్ అనిపిస్తుంది. దేవా దైర్యంగా మారడం బాగుంది. టోటల్ గా ప్రీ క్లైమాక్ బాగున్నా క్లైమాక్ మాత్రం కొంచం వీక్ గా అనిపిస్తుంది.
నటీనటులు సాంకేతిక నిపుణుల పనితీరు
దీపక్ క్యారక్టర్ లో నాగార్జున నటన గురించి ఎంత చెప్పినా తక్కువే. తన కోసమే ఆ క్యారక్టర్ పుట్టినట్టుగా జీవించాడు. దేవా అనే బిచ్చగాడు క్యారక్టర్ లో ధనుష్ తన నట విశ్వరూపాన్ని చూపించాడు. నిజమైన బిచ్చగాడు మన కళ్ళ ముందు ఉన్నాడు అనేంతలా పెర్ఫార్మ్ చేసాడు. రిపీట్ ఆడియెన్స్ ని రప్పించేంతలా తన నటన కొనసాగింది. దేవా క్యారక్టర్ తన సినీ కెరీర్ లో మరో మైలురాయిగా నిలిచిపోతుందనడంలో ఎలాంటి సందేహం లేదు. ముఖ్యంగా క్లైమాక్స్ లో తన నటన అద్భుతం. సమీరా గా కూడా రష్మిక మరో సారి తను ఎంత పెద్ద నటినో నిరూపించింది. సెకండ్ ఆఫ్ లో ఎంటర్ అయినా కూడా సినిమా మొత్తం తాను ఉందనేలా అనిపిస్తుంది. దీన్ని బట్టి సమీరాగా రష్మిక చేసిన మ్యాజిక్ ని అర్ధం చేసుకోవచ్చు. విలన్ గా బిలీనియర్ నీరజ్ పాత్రలో చేసిన జిమ్ సర్బ్ నటన కూడా ఎవరెస్ట్ శిఖరాన్ని దాటింది. తన క్యారక్టర్ ద్వారా బిలినియర్ బాడీ లాంగ్వేజ్ ని కళ్ళ ముందు ఉంచాడు. శేఖర్ కమ్ముల దర్శకత్వ ప్రతిభ గురించి ఎంత చెప్పినా తక్కువే. ఒక కొత్త శేఖర్ కమ్ముల ప్రతి ఫ్రేమ్ లోనే కనపడ్డాడు. కథనాన్ని వేగం పెంచిన తీరు, నటీనటుల నుంచి పెర్ఫార్మ్ రాబట్టడంలో తన తర్వాతే ఎవరైనా అని నిరూపించాడు. దేవిశ్రీ ప్రసాద్ బ్యాక్ గ్రౌండ్ మ్యూజిక్ మూవీకి కొత్త లుక్ ని ఇచ్చింది. కాకపోతే రష్మిక పై చిత్రీకరించిన సాంగ్ లేదు. ఫొటోగ్రఫీ కూడా ఎక్స్ లెంట్. ముంబై ని కళ్ళ ముందు ఉంచింది. డైలాగ్స్ ఇంకా మెప్పించి ఉండాల్సింది. నిర్మాణ విలువలు సూపర్ గా ఉన్నాయి.
ఫైనల్ గా చెప్పాలంటే సరికొత్త కథ, కథనాలతో సాగిన కుబేర ప్రేక్షకులని మెప్పిస్తుంది. కాకపోతే సెకండ్ హాఫ్ కొంచం లాగ్ గా ఉంది.
రేటింగ్ 2.75/5 అరుణాచలం
సూపర్ స్టార్ మహేష్ బాబు, దర్శకధీరుడు ఎస్.ఎస్. రాజమౌళి కాంబినేషన్ లో ఓ భారీ సినిమా రూపొందుతోన్న సంగతి తెలిసిందే. కె.ఎల్. నారాయణ అత్యంత భారీ బడ్జెట్ తో నిర్మిస్తున్న ఈ సినిమాలో ప్రియాంక చోప్రా, పృథ్వీరాజ్ సుకుమారన్ కీలక పాత్రలు పోషిస్తున్నారు. మహేష్ కెరీర్ లో 29వ సినిమాగా తెరకెక్కుతున్న ఈ ప్రాజెక్ట్ ప్రస్తుతం శరవేగంగా షూటింగ్ జరుపుకుంటోంది. ఇదిలా ఉంటే, ఈ సినిమా కోసం ఏకంగా రూ.50 కోట్లతో ఓ భారీ సెట్ వేశారనే వార్త హాట్ టాపిక్ గా మారింది.
రాజమౌళి సినిమా సినిమాకి తన బ్రాండ్ ను పెంచుకుంటున్నాడు. 'బాహుబలి', 'ఆర్ఆర్ఆర్'తో గ్లోబల్ వైడ్ గా సత్తా చాటిన రాజమౌళి.. ఇప్పుడు మహేష్ సినిమాతో మరింత సౌండ్ చేయడానికి సిద్ధమవుతున్నాడు. ఇది ఇండియన్ సినీ చరిత్రలోనే అత్యధిక బడ్జెట్ తో రూపొందుతోంది. ఇక ఈ సినిమాలోని కొన్ని కీలక సన్నివేశాల చిత్రీకరణ కోసం రామోజీ ఫిలిం సిటీలో పురాతన వారణాసి సెట్ చేశారట. ఈ సెట్ కోసం ఏకంగా రూ.50 కోట్లు ఖర్చయినట్లు సమాచారం.
SSMB29 సినిమా ఇండియానా జోన్స్ తరహా కథతో రూపుదిద్దుకుంటోంది. రాజమౌళి తన గత సినిమాలకు భిన్నంగా జెట్ స్పీడ్ లో షూట్ చేస్తున్నారు. ఇప్పటికే హైదరాబాద్, ఒడిశాలోని కొన్ని ప్రాంతాల్లో సినిమాకి సంబంధించిన కొన్ని కీలక సన్నివేశాలు చిత్రీకరించారు. నెక్స్ట్ షెడ్యూల్ కెన్యాలో జరగనుంది. ఫారెస్ట్ నేపథ్యంలో వచ్చే యాక్షన్ సన్నివేశాలను ఇక్కడ తెరకెక్కిస్తారని తెలుస్తోంది. దీని తర్వాత వారణాసి సెట్ లో షూటింగ్ జరిగే అవకాశముంది.
గాడ్‌ ఆఫ్ మాసెస్‌ నందమూరి బాలకృష్ణ 50 ఏళ్ళ కెరీర్‌లో 2010 నుంచి 2021 వరకు ఎంతో కీలకమైన సంవత్సరాలుగా చెప్పొచ్చు. ఈ 11 సంవత్సరాల్లో బాలయ్య సాధించిన విజయాలు అలాంటివి. ఎంతో మంది డైరెక్టర్లు బాలయ్యకు బ్లాక్‌బస్టర్స్‌ ఇచ్చారు. కానీ, వారిలో బోయపాటి శ్రీనుకి ఓ ప్రత్యేక స్థానం ఉంది. ఎందుకంటే వీరిద్దరి కాంబినేషన్‌లో సింహా, లెజెండ్‌, అఖండ వంటి హ్యాట్రిక్‌ బ్లాక్‌బస్టర్స్‌ వచ్చాయి. ఇప్పుడు ఈ కాంబినేషన్ రెండో హ్యాట్రిక్‌కి శ్రీకారం చుట్టింది. ‘అఖండ2 తాండవం’తో మరోసారి బాక్సాఫీస్‌ మీద విరుచుకుపడేందుకు రంగం సిద్ధం చేసుకుంది. సెప్టెంబర్‌ 25న వరల్డ్‌వైడ్‌గా ఈ చిత్రాన్ని గ్రాండ్‌గా రిలీజ్ చెయ్యబోతున్నారు. హ్యాట్రిక్‌ సాధించిన కాంబినేషన్ కావడంతో సినిమాపై భారీ ఎక్స్‌పెక్టేషన్స్‌ ఉన్నాయి. దానికి తగ్గట్టుగానే భారీ ప్రీ రిలీజ్ బిజినెస్‌ జరుగుతోందని తెలుస్తోంది.
నందమూరి బాలకృష్ణ కెరీర్‌లోనే మొదటి పాన్ ఇండియా మూవీగా ‘అఖండ2’ రిలీజ్ కాబోతోంది. ఇటీవల విడుదలైన టీజర్‌కి హ్యూజ్‌ రెస్పాన్స్‌ వచ్చింది. అఖండ చిత్రాన్ని మించిన స్థాయి విజువల్స్‌ ఈ సినిమాలో ఉంటాయని ప్రేక్షకులు, అభిమానులు ఎక్స్‌పెక్ట్‌ చేస్తున్నారు. ఈ సినిమాలో యాక్షన్‌తోపాటు ప్రేక్షకుల్ని ఎమోషనలైజ్‌ చేసే ఇతర అంశాలు కూడా ఉంటాయని తెలుస్తోంది. బోయపాటి టేకింగ్‌, బాలయ్య పవర్‌.. వెరసి సిల్వర్‌ స్క్రీన్‌పై ఒక అద్భుతాన్ని ప్రేక్షకులు చూడబోతున్నారు. ఈ సినిమాకి సంబంధించిన ముఖ్యమైన సీన్స్ అన్నింటినీ చిత్రీకరించారు. ఇటీవలే ప్రారంభమైన చివరి షెడ్యూల్‌లో కొన్ని కీలక సన్నివేశాలతోపాటు క్లైమాక్స్‌ని కూడా షూట్ చెయ్యబోతున్నారు. ఈ షెడ్యూల్ ఆగస్ట్‌ వరకు కొనసాగుతుంది. రిలీజ్ డేట్‌ కూడా అఫీషియల్‌గా ఎనౌన్స్‌ చేసెయ్యడంతో బిజినెస్‌ కూడా స్పీడ్ అందుకుందని తెలుస్తోంది.
బాలకృష్ణ కెరీర్‌లోనే ‘అఖండ2’ థియేట్రికల్‌ బిజినెస్‌ భారీ ఎత్తున జరుగుతోందని సమాచారం. తెలుగు థియేట్రికల్‌ బిజినెస్‌ 120 కోట్లు దాటిందని తెలుస్తోంది. అలాగే ఇతర భాషలకు సంబంధించిన థియేట్రికల్‌ రైట్స్‌, ఓవర్‌సీస్‌ బిజినెస్‌ ఇవన్నీ కలిపి ఇప్పటికే 100 కోట్లు దాటింది. ఇక ఓటీటీ రైట్స్‌ 85 కోట్లకు ఇచ్చారని తెలుస్తోంది. టోటల్‌గా ఈ సినిమాకి సంబంధించిన ప్రీరిలీజ్‌ బిజినెస్‌ ఇప్పటికే 300 కోట్లు దాటిందని సమాచారం. ఇప్పటివరకు బాలయ్య కెరీర్‌లో ఈ స్థాయి బిజినెస్‌ జరగలేదని ట్రేడ్‌ వర్గాలు అంటున్నాయి. తెలుగుతోపాటు తమిళ్‌, కన్నడ, మలయాళం, హిందీ భాషల్లో ఈ సినిమాను రిలీజ్ చేస్తున్నారు. బాలయ్య, బోయపాటి కాంబినేషన్‌లో వచ్చిన మూడు సినిమాలను మించే స్థాయిలో ‘అఖండ2’ ఉంటుందని, మరోసారి బాలయ్య పవర్‌తో థియేటర్లు దద్దరిల్లిపోతాయని ఫ్యాన్స్ ఎంతో కాన్ఫిడెంట్‌గా చెబుతున్నారు. రిలీజ్‌కి ముందే బిజినెస్‌ పరంగా రికార్డులు క్రియేట్ చేస్తున్న ‘అఖండ2’.. రిలీజ్ తర్వాత ఎలాంటి సంచలనాలు సృష్టిస్తుందో చూడాలి.
Klin Kaara, the beloved daughter of Global Star Ram Charan and Upasana Konidela, continues to capture hearts across social and media circles. As she turns two today (June 20), her birthday was marked by a heartwarming and symbolic moment.
Last year, during a visit to the Hyderabad Zoo, Ram Charan, Upasana, and little Klin Kaara encountered a newborn white tigress – a rare Bengal Tiger cub. In a touching gesture, the zoo authorities named the cub ‘Klin Kaara’ in honour of the young Konidela, celebrating the family’s love for wildlife.
On her second birthday today, Klin Kaara met her majestic namesake for the very first time. The little one was visibly mesmerized as she looked at the white tigress in awe. The encounter was pure and powerful — a moment of connection between the child and the animal that felt both wild and warm, echoing themes of empathy, love, and legacy.
Known for their compassion toward animals, Ram Charan and Upasana have now officially adopted the tigress named after their daughter. Their continued support for the Hyderabad Zoo reflects their deep commitment to animal welfare and their belief in ensuring that all creatures are treated with dignity and care.
This birthday celebration was not just a joyful family moment — it was also a reminder of the lasting bond we share with the natural world and the responsibility we carry to protect it.
.webp)
యోగా గురించి ఆయుర్వేదం చాలా ప్రాముఖ్యంగా చెబుతుంది. ఇది శరీరం, మనసు, ఆత్మ మధ్య సమతుల్యతను ఏర్పరచే సాధనంగా పరిగణించబడుతుంది. ఆయుర్వేదం, యోగా రెండూ భారతీయ సంప్రదాయ వైద్యం, ఆధ్యాత్మికతకు మూల స్తంభాలుగా ఉన్నాయి. ఇవి పరస్పరం అనుసంధానంగా ఉండి, ఆరోగ్యాన్ని సంపూర్ణంగా , శారీరకంగా, మానసికంగా, బౌద్ధికంగా మెరుగుపరచే విధానాలను అందిస్తాయి.
ఆయుర్వేదంలో యోగ స్థానం ఇదే..
త్రిదోష సిద్ధాంతానికి అనుగుణంగా...
ఆయుర్వేదం ప్రకారం మన ఆరోగ్యం మూడు దోషాలపై ఆధారపడి ఉంటుంది. వాత, పిత్త, కఫ అనే దోషాలు ప్రతి మనిషిలో ఉంటాయి. ఇవి సమతుల్యంగా ఉంటే ఆరోగ్యం బాగుంటుంది. ఈ త్రిగుణాలను సమతుల్యంలో ఉంచడానికి యోగా సహాయపడుతుంది.
ఉదాహరణకు..
ప్రాణాయామం వాత దోషాన్ని నియంత్రించగలదు, ఆసనాలు కఫ దోషాన్ని క్రమంలోకి తేస్తాయి. ధ్యానం పిత్త దోషాన్ని శాంతపరచగలదు.
ఆహార, ఆచార నియమాలకు తోడుగా..
ఆయుర్వేదం మనిషి జీవన విధానాన్ని సమతుల్యంలో ఉంచే విధంగా ఆహార నియమాలు , జీవన శైలి , మానసిక ఆరోగ్యం ఉండాలని చెబుతుంది. వీటిని ఆహార, విహార, మనోవ్యాపార నియమాలు అని అంటుంది. యోగా వీటిని స్థిరంగా పాటించడంలో శరీరానికీ మనస్సుకీ స్థిరత్వాన్ని ఇస్తుంది.
యోగ ప్రాముఖ్యత ఇదే..
శరీరశుద్ధి ..
యోగిక శుద్ధిక్రియలు ముఖ్యంగా కపాలభాతి, జలనేతి, శంఖ ప్రక్షాలన మొదలైనవి శరీరంలో తామసిక, రజసిక సంకలితాలను తొలగించి, సత్వగుణాన్ని పెంచుతాయి. ఇది ఆయుర్వేదంలో చెప్పే "పంచకర్మ" విధానాలకు సహాయకం.
ఆత్మ నియంత్రణ ..
యోగాభ్యాసం వల్ల శీలం, నియమం, ధైర్యం, సామర్థ్యం వంటి లక్షణాలు పెరుగుతాయి. ఇవి ఆయుర్వేదంలో స్వస్థవ్యక్తి లక్షణాలుగా పేర్కొనబడ్డాయి.
మనోవ్యాధుల నివారణ..
ఆయుర్వేదంలో మనోవ్యాధులు (మానసిక రుగ్మతలు) కోసం సత్త్వవజయ చికిత్స అనే ప్రత్యేక విభాగం ఉంది. ఇందులో ధ్యానం, ప్రాణాయామం, మనస్సు పై నియంత్రణ సాధనాలుగా యోగను ఉపయోగిస్తారు.
ఒజస్సు వృద్ధి..
యోగా ఆయుర్వేదంలో ముఖ్యంగా చెప్పే "ఒజస్సు" (శరీర రక్షణశక్తి)ని పెంచుతుంది. దీర్ఘకాలికంగా యోగ సాధన వల్ల దీర్ఘాయువు, యోచనా స్పష్టత, జీవశక్తి పెరుగుతాయి.
అంతర్వేద కాలం నుంచి ఆధునిక యోగం వరకు..
ఆయుర్వేద గ్రంథాల్లో ముఖ్యంగా అష్టాంగ హృదయం, చరక సంహిత, సుశ్రుత సంహిత మొదలైన గ్రంథాలలో యోగ గురించి ప్రత్యక్షంగా ప్రత్యేక అధ్యాయాలు లేవు కానీ, జీవన నియమాలలో, దినచర్య, ఋతుచర్యల్లో యోగాసనాలు, ప్రాణాయామం, ధ్యానం వంటి సాధనలు సూచించబడ్డాయి. ఆయుర్వేదంలోని "స్వస్థవృత్తం" అనే విభాగం యోగానికి ప్రాధాన్యతను సూచిస్తుంది.
ఆయుర్వేదంలో యోగ ప్రాముఖ్యత..
శరీర ఆరోగ్యం దోష సమతుల్యం, శుద్ధిక్రియలు
మానసిక శాంతి ధ్యానం, మనోవ్యాధుల నివారణ
జీవశక్తి ఒజస్సు వృద్ధి, జీవన శైలి దినచర్య, ఋతుచర్యలో భాగంగా ఆత్మీయ వికాసం ధ్యానం ద్వారా ఆత్మ గమనం మొదలైనవి సాధించడానికి సహాయపడుతుందని యోగ గురించి ఆయుర్వేదం చెబుతుంది.
*రూపశ్రీ.
.webp)
ప్రతి వ్యక్తి తన జీవితంలో ఏదోకటి సాధించాలనే లక్ష్యం పెట్టుకుంటాడు. కానీ వారు చేసే కొన్ని తప్పులు విజయానికి అడ్డుపడతాయి. చాణక్యుడు తెలిపిన ఆ తప్పులు ఏంటి..? మీ లక్ష్యాలను సాధించడంలో మీరు చేయకూడని ఆ రెండు తప్పులేంటో ఇప్పుడు తెలుసుకుందాం.
జీవితం అన్నాక సమస్యలు సర్వసాధారణం. ముఖ్యంగా ఒకలక్ష్యంతో ముందుకు సాగుతున్న వ్యక్తి ఎన్నో సమస్యలను ఎదుర్కొవలసి ఉంటుంది. ఆచార్య చాణక్యుడు తన చాణక్య నీతిలో మన లక్ష్యం ఎంత పెద్దది అయితే...అన్ని ఎక్కువ సమస్యలను ఎదుర్కొవల్సి వస్తుందని పేర్కొన్నారు. తన లక్ష్యాన్ని సాధించే మార్గంలో ఎదురయ్యే సమస్యలను ధైర్యంగా ఎదుర్కొనే వ్యక్తి..తన జీవితంలో ఏదో ఒక రోజు గొప్ప విజయాన్ని సాధిస్తాడు. మన లక్ష్యాన్ని చేరుకోవాలంటే దృఢ సంకల్పం, కఠోర శ్రమ అవసరం. వీటితోపాటు కొన్ని ప్రత్యేక విషయాలపై శ్రద్ద పెట్టాలి. మనం తీసుకునే చిన్న నిర్ణయం పెద్ద మార్పునకు కారణం అవుతుంది. ఆచార్య చాణక్యుడు చెబుతూ..మన లక్ష్యాలను సాధించేందుకు కొన్ని తప్పులు చేయకూడదని తెలిపారు. అవి ఏంటో చూద్దాం.
లక్ష్యం గురించి ఎవరికీ చెప్పవద్దు.
మనం విజయం సాధించాలంటే దానికి కృషి, ప్రణాళిక, సమయపాలన చాలా అవసరం. ఇవే కాదు విజయం సాధించడానికి చాణక్య ఒక ప్రత్యేక సమాచారాన్ని అందించాడు. జీవితంలో విజయం సాధించాలంటే మన లక్ష్యం గురించి ఎవరికీ చెప్పకూడదు. ఎందుకంటే శత్రువు ఎల్లప్పుడూ మనకు వ్యతిరేకంగా ప్రవర్తిస్తాడు. అలాంటప్పుడు, మన లక్ష్య సాధన గురించి మనం బయటకు చెప్పినప్పుడు.. వారు మన లక్ష్యాన్ని నాశనం చేసే అవకాశాలు ఎక్కువగా ఉంటాయి. మీ శత్రువు మీ లక్ష్యం గురించి తెలుసుకుంటే,మీకు సమస్యలను లేదా అడ్డంకులు కలిగించవచ్చు. మీ లక్ష్యాన్ని సాధించడానికి మీరు తీసుకున్న ప్రణాళికలు,నిర్ణయాల గురించి ఎక్కడా ప్రస్తావించకూడదు. లక్ష్యం సాధించే వరకు రహస్యంగా ఉంచాలని చాణక్యుడు చెప్పాడు.
లక్ష్యం నుండి వెనక్కి తగ్గకూడదు:
లక్ష్య సాధన కోసం శ్రమించే వ్యక్తిని చాణక్యుడు సింహంతో పోల్చాడు. సింహం తన వేటను చూసి వెనక్కి తగ్గనట్లేదు. ఒక లక్ష్యాన్ని సాధించాలనుకునే వ్యక్తి ఆ దిశగానే అడుగులు వేయాలి తప్ప..వెనక్కు తగ్గకూడదు. ఎలాంటి పరిస్థితులు ఎదురైనా లక్ష్యం నుంచి వెనక్కి తగ్గకూడదన్నది చాణక్యుడి మాట. చాణక్యుడు ప్రకారం, ఎవరైతే తన పాలసీలో ఈ రెండు అంశాలకు ఎక్కువ శ్రద్ధ వహిస్తారో, ఆ వ్యక్తి తన లక్ష్యాన్ని ఖచ్చితంగా సాధిస్తాడు.
.webp)
మీరు కొత్త సంవత్సరంలో తీసుకున్న దృఢ నిర్ణయాలు సంగతి ఏమిటి? వాటి సంగతే మర్చిపోయారు కదూ! ఇప్పుడు మళ్ళీ గుర్తు తెచ్చుకుంటే తప్ప గుర్తుకురావడం లేదు కదూ! మీరే కాదు, ఇలాగే చాలా మంది 'కొత్త సంవత్సరంలో బరువు తగ్గాలనీ, వేకువజామున లేచి వ్యాయామం చేయాలనీ, లేదా నడకకు వెళ్ళాలనీ, ప్రతి రోజూ ఫలానా సమయంలో చదువుకోవాలనీ, తినడం తగ్గించాలనీ' తాము ఇలా మారాలనుకున్న విషయాలను జనవరి 1వ తేదీన సంప్రదాయంగా తీసుకునే నిర్ణయాలుగా మార్చి, ఈపాటికి మర్చిపోయే ఉంటారు. ఇలాంటి సందర్భాల్లో నిర్ణయాలు తీసుకునేవారు ఇరవైనాలుగు గంటలు గడవకముందే తమ ప్రమాణాలను తీసి గట్టున పెడతారని ఒక సర్వేలో తేలింది.
మనం తీసుకునే ఇలాంటి కొన్ని నిర్ణయాలు భవిష్యత్తులో మనకు ప్రయోజనాలను చేకూరుస్తాయని తెలిసినా నిర్ణయాలకు కట్టుబడి ఉండడం లేదు. మొదటి రోజున్నంత దృఢ నిశ్చయం ఆ తరువాత లేకపోవడం, అవి కేవలం ఉద్వేగభరితమైన మాటలుగానే మిగిలిపోవడం చాలామందికి నిత్యం అనుభవమే. సంకల్పబలం, క్రమశిక్షణ మాత్రమే అంతర్గత శక్తిని మేల్కొలిపి, బలహీనతల్ని జయించేలా చేయగలవు. జీవితంలో ఏదైనా మార్పు తీసుకురావాలంటే పై రెండూ సహకరించకుండా ఏదీ సాధ్యం కాదు.
సంకల్పబలం :
సంకల్పబలం కలిగినవాళ్ళు మానసిక బలహీనతలకు దూరంగా ఉంటారు. సోమరితనాన్నీ, వాయిదా మనస్తత్వాన్నీ ఆమడదూరంలో ఉంచుతారు. జీవితంలో తమదంటూ ప్రత్యేకశైలితో ఉంటూ విజయం వైపు పయనిస్తారు. అనవసరమైన, పనికిరాని అలవాట్లకు బానిసలు కారు. వారిలోని అంతర్గత శక్తి వారిని ఉద్వేగాలకు గురి కాకుండా మార్పునకు వ్యతిరేకధోరణిని వ్యక్తం చేయనీయ కుండా వారిని మానసికంగా బలవంతులుగా తయారుచేస్తుంది.
క్రమశిక్షణ :
క్రమశిక్షణ అనేది సంకల్పబలంతో కలసి పనిచేసే మానసిక శక్తి. అనుకున్నవి సాధించే ప్రయత్నంలో భాగంగా సమస్యలను ధైర్యంగా ఎదుర్కొనే మానసిక, శారీరక, ఆధ్యాత్మిక శక్తినిచ్చేదే క్రమశిక్షణ. ముఖ్యంగా క్షణికసుఖాలను దూరంగా ఉంచి ఉత్తమ నిర్ణయాలను తీసుకునే శక్తిని కూడా ఇస్తుంది. ఉదాహరణకు క్రమశిక్షణ కలిగిన విద్యార్థి సంకల్పబలం తోడైతే గంటసేపు టీవీ చూసే కన్నా చదువు మీదే పెట్టే సమయం వల్ల ప్రయోజనం కలుగుతుందనీ, పొద్దున్న ఇంకా నిద్రపోవడం కన్నా వాకింగ్ చేయడం, యోగాభ్యాసం చేయడం ఉత్తమమనీ తెలుసుకుంటాడు.
ప్రయోజనాలు:
సంకల్పబలం, క్రమశిక్షణ తోడైతే మనిషి తన ప్రవర్తనలను, చర్యలను, ఉద్వేగాలను అదుపులో ఉంచుకునే చైతన్యస్థితిలో ఉంటాడు. అవి లేనివారు వాటికి బానిసలవుతారు. మీ విషయంలోనే ఆలోచించండి. మీరు కచ్చితంగా ఈ సారి చేయాలని నిర్ణయించుకున్న పనులు ఎన్ని వాయిదా వేసుకున్నారు? ఒక పని మొదలు పెట్టి తరువాత వదిలేసిన అనుభవాలున్నాయా? పై బలహీనతల నుంచి బయట పడి, అనుకున్న పని అనుకున్న సమయంలోనే పూర్తిచేసినప్పుడు కలిగే విజయగర్వం, మానసిక తృప్తి, తత్సబంధ ఫలితాలు అనుభవిస్తేనే తెలుస్తుంది.
ఇలా భావాల్ని అదుపులో ఉంచుకుని క్రమశిక్షణతో జీవించడమంటే జీవితాన్ని నిస్సారంగానో, నిస్తేజంగానో గడిపినట్లు అనుకుంటారు కొంతమంది. నిజానికి ఇలా జీవించడమే, అనవసర ఆలోచనలను దూరం చేసి ఉత్సాహంగా ఉండటమంటే...
◆నిశ్శబ్ద.
.webp)
ఉప్పు లేని వంటను ఊహించలేం, అలాగే ఉప్పు లేకుండా ఏమీ తినలేం. చాలామంది పలుచటి మజ్జిగ తాగాలన్నా సరే.. అందులో కాసింత ఉప్పు వేసుకుని తాగుతుంటారు. ఉప్పు ఆరోగ్యానికి మంచిదే కానీ సరైన విధంగా ఉప్పు తీసుకోకపోతే అది ఆరోగ్యానికి చేటు కూడా చేస్తుంది. అదేవిధంగా ఉప్పులో రకాలు కూడా ఉంటాయి. ఏ ఉప్పు ఆరోగ్యానికి మంచిది అనే విషయం ఈ మధ్యకాలంలో చాలా హాట్ టాపిక్ గా మారింది. ఆయుర్వేదంలో ఆరోగ్యానికి ఏ ఉప్పు మంచిది అనే విషయం స్పష్టంగా ఇవ్వబడింది. దీని గురించి తెలుసుకుంటే..
ఆయుర్వేదంలో సాధారణంగా "సెంధా నమక్" లేదా "సైంధవ లవణం" ఆరోగ్యానికి అత్యుత్తమమైన ఉప్పుగా పరిగణించబడుతుంది. ఇది హిమాలయ ప్రాంతాల్లో దొరికే సహజ ఉప్పు. దీనిని ఆంగ్లంలో Himalayan Rock Salt లేదా Pink Salt అని కూడా అంటారు.
ఆయుర్వేద దృష్టిలో సైంధవ లవణం విశిష్టత:
ఆయుర్వేద గ్రంథాలలో ఆరు రకాల లవణాలు (ఉప్పులు) గురించి చెప్పబడింది. వాటిలో సైంధవ లవణం ఉత్తమంగా భావించబడుతుంది.
సైంధవ లవణం యొక్క ఆరోగ్య ప్రయోజనాలు..
త్రిదోష సమతుల్యత..
వాత, పిత్త, కఫ దోషాలను సమతుల్యంలో ఉంచుతుంది. ముఖ్యంగా వాత దోషాన్ని తగ్గించడంలో ఎంతో ఉపయోగకరంగా ఉంటుంది.
జీర్ణవ్యవస్థకు సహాయపడుతుంది..
అజీర్ణం, ఉబ్బసం, గ్యాస్ వంటి సమస్యలను నివారించడంలో ఉపయోగపడుతుంది. అపానవాయువు నియంత్రణకు ఉపయోగకరమైందిగా భావిస్తారు.
అల్కలైనిటి మేనేజ్‌మెంట్..
శరీరంలో పిహెచ్ స్థాయిని సద్దుమణిగించే లక్షణం కలిగి ఉంటుంది. అమ్లత్వాన్ని తగ్గించి దాహాన్ని నివారిస్తుంది.
హృదయ ఆరోగ్యం..
రక్తపోటు నియంత్రణకు సహాయపడుతుందని చెబుతారు. అయితే దీన్ని అత్యధికంగా తీసుకోకూడదు. సోడియం కంటెంట్ తక్కువగా ఉండటం వల్ల హై బీపీ ఉన్నవారు సాధారణ ఉప్పు కంటే దీనిని కొంతమేరకు ఉపయోగించవచ్చు.
చర్మ సమస్యలు..
సైంధవ ఉప్పుతో స్నానం చేస్తే చర్మ వ్యాధులు, అలర్జీలు తగ్గుతాయని నమ్మకం ఉంది.
గర్భిణీ స్త్రీలకు అనుకూలం:
సాధారణ ఉప్పు కాకుండా సైంధవ లవణంను ఉపవాసాల సమయంలో, గర్భధారణ సమయంలో ఉపయోగిస్తారు ఎందుకంటే ఇది శరీరానికి మృదుత్వం ఇస్తుంది.
ఇవి తెలుసుకోండి..
ఆయుర్వేద ప్రకారం ఇది అధికంగా వాడితే కఫ, పిత్తాన్ని పెంచే అవకాశం ఉంది. శరీరానికి అధిక ఉష్ణతనివ్వడం, రక్తాన్ని కలుషితం చేయడం వంటి సమస్యలు తలెత్తవచ్చు.
సముద్ర ఉప్పు..
ఇది కూడా కొన్ని సందర్భాల్లో వాడతారు కానీ ఇది ఎక్కువగా కఫ, పిత్తాన్ని ప్రేరేపించగలదని భావిస్తారు.
ఉపయోగించే విధానం..
రోజువారీ వంటల్లో సాధారణ ఉప్పు స్థానంలో తక్కువ మోతాదులో సైంధవ లవణం వాడడం ఆరోగ్యానికి మేలు చేస్తుంది. చట్నీలు, రైతాలు, ఉపవాసకాల వంటల్లో ఇది వాడతారు.
స్నాన జలంలో ఈ ఉప్పును కలిపి వాడితే శరీరానికి విశ్రాంతి కలుగుతుంది.
*రూపశ్రీ
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు...
పండ్లు ఆరోగ్యానికి చాలా మంచివి. ప్రతి రోజూ ఆహారంలో పండ్లు తీసుకుంటే ఆరోగ్యం ఎంతో బాగుంటుంది. అయితే కొన్నిరకాల పండ్ల రసాలు కూడా ఆరోగ్యానికి చాలా మేలు చేస్తాయి. ముఖ్యంగా దానిమ్మ రసం చేసే మ్యాజిక్ అంతా ఇంతా కాదు. రోజూ ఒక కప్పు దానిమ్మ (pomegranate) రసం తాగడం అనేక ఆరోగ్య ప్రయోజనాలను చేకూరతాయి. ఇది శరీరాన్ని శక్తివంతంగా, ఆరోగ్యంగా ఉంచే సహజ ఆయుర్వేద ఔషధంలా పనిచేస్తుంది. దానిమ్మ రసం తాగడం వల్ల కలిగే ముఖ్యమైన ప్రయోజనాలు ఏంటంటే..
గుండె ఆరోగ్యానికి మంచిది..
రక్తనాళాలను శుభ్రపరిచి, రక్తప్రసరణను మెరుగుపరుస్తుంది. చెడ్డ కొలెస్ట్రాల్ (LDL) స్థాయిని తగ్గిస్తుంది, మంచి కొలెస్ట్రాల్ (HDL) పెరుగుతుంది. గుండెపోటు, హై బీపీ ప్రమాదాన్ని తగ్గించడంలో సహాయపడుతుంది.
యాంటీ ఆక్సిడెంట్..
దానిమ్మలో పునికాలగిన్స్ (punicalagins) అనే శక్తివంతమైన యాంటీఆక్సిడెంట్లు ఉంటాయి. ఇవి శరీరంలోని ఫ్రీ రాడికల్స్‌ను తొలగించి, క్యాన్సర్, వృద్ధాప్యం రాకుండా రక్షిస్తాయి. శరీరానికి నష్టం కలిగించే హానికరమైన కణాలతో పోరాడతాయి.
రక్తహీనత (అనీమియా) నివారణ..
దానిమ్మలో ఐరన్ అధికంగా ఉంటుంది. కాబట్టి దానిమ్మ జ్యూస్ లో కూడాఐరన్ అధికంగా ఉంటుంది. ఈ కారణం వల్ల హిమోగ్లోబిన్ పెరగడానికి దోహదం చేస్తుంది. రక్తహీనత సమస్య తో ఇబ్బంది పడేవారు, ముఖ్యంగా మహిళలు దానిమ్మ రసం రోజూ తీసుకుంటే మంచిది. ఇంకా దానిమ్మ జ్యూస్ రక్తాన్ని శుద్ధి చేస్తుంది, చర్మవర్ణం మెరుగుపరుస్తుంది.
రోగనిరోధక శక్తి..
దానిమ్మలో విటమిన్ C, విటమిన్ K, పొటాషియం అధికంగా ఉంటాయి. ఇవి ఇమ్యూనిటీని పెంచడంలో సహాయపడతాయి. జలుబు, దగ్గు వంటి సీజనల్ ఇన్ఫెక్షన్ల నుండి రక్షించడంలో సహాయపడతాయి.
చర్మ ఆరోగ్యం, అందం..
దానిమ్మ జ్యూస్ రోజూ తాగుతూ ఉంటే చర్మం గ్లోగా, యంగ్‌గా కనిపించేందుకు సహాయపడుతుంది. అలాగే చర్మం మీద మొటిమలు, మచ్చలు తగ్గించడంలో సహకరిస్తుంది.
మూత్రపిండాలకు & కాలేయానికి శుభ్రత..
టాక్సిన్లను బయటకు పంపి లివర్‌ను డిటాక్స్ చేయడంలో దానిమ్మ బాగా పనిచేస్తుంది. అంతేకాదు మూత్రపిండాల్లో రాళ్ల ఏర్పడటాన్ని తగ్గించడంలో సహాయపడుతుంది.
ఆకలిని నియంత్రించడం & బరువు తగ్గడం..
దానిమ్మలో ఫైబర్ పుష్కలంగా ఉంటుంది. ఈ కారణంగా దానిమ్మ పండు లేదా జ్యూస్ తీసుకుంటే త్వరగా ఆకలి కాదు. మితంగా తీసుకుంటే బరువు తగ్గే వారికీ సహాయకరంగా ఉంటుంది.
దానిమ్మ జ్యూస్ తాగే ముందు ఈ జాగ్రత్తలు తీసుకోండి..
ఫ్రెష్‌గా గ్రైండ్ చేసిన రసం తీసుకోవడం మంచిది. ప్యాకెట్ జ్యూస్‌లో చక్కెర అధికంగా ఉంటుంది. ఇది ఆరోగ్యానికి మేలు కంటే హాని ఎక్కువ చేస్తుంది. డయాబెటిస్ ఉన్నవారు డాక్టర్ సలహాతో మాత్రమే తీసుకోవాలి. రోజూ 1 కప్పు (150–200 మిల్లీలీటర్లు) సరిపోతుంది. అంతకు మించి ఎక్కువ తీసుకోకూడదు.
*రూపశ్రీ.
గమనిక:
ఇది సోషల్ సమాచారం మాత్రమే. కొన్ని అధ్యయనాలు, సంబంధిత నిపుణుల ప్రకారం ఈ వివరాలు అందించాం. వ్యక్తుల ఆరోగ్యాన్ని బట్టి ఫలితాలుంటాయి. వీటిని పాటించేముందు.. సంబంధిత నిపుణుడిని సంప్రదించడం శ్రేయస్కరం. అలాగే, హెల్తీ లైఫ్ స్టైల్, సరైన ఆహారం కూడా తీసుకోవడం మీ ఆరోగ్యానికి ఎంతో మేలు...