LATEST NEWS
తమిళనాడు అసెంబ్లీ ఎన్నికల్లో డీఎంకే, కాంగ్రెస్ కలిసి పోటీ చేయడం ఖాయమైంది. ఇరు పార్టీల మధ్యా సీట్ల సర్దుబాటు జరిగింది. దీంతో పొత్తులో భాగంగా తమిళనాడు అసెంబ్లీ ఎన్నికలలో కాంగ్రెస్ 28 స్థానాలలో పోటీ చేయనుంది. సీట్ల సర్దుబాటులో భాగంగా డీఎంకే కాంగ్రెస్ కు డీఎంకే 28 సీట్లతో పాటు ఒక రాజ్యసభ స్థానాన్ని కూడా ఆఫర్ చేసింది. ఇందుకు కాంగ్రెస్ సుముఖత వ్యక్తం చేసింది. సీట్ల సర్దుబాటుపై డీఎంకే అధ్యక్షుడు ఎంకే స్టాలిన్తో కాంగ్రెస్ అధ్యక్షుడు మల్లికార్జున్ ఖర్గే ఫోనులో మాట్లాడినట్టు తెలిసింది.
తమిళనాడులో 234 అసెంబ్లీ స్థానాలు ఉండగా, డీఎంకేతో కూటిమిలో భాగంగా 30 సీట్లకు తగ్గేది లేదని కాంగ్రెస్ ఇంత వరకూ పట్టుబడుతూ వచ్చింది. దీంతో సీట్ల పంపకాలపై పరిష్కారానికి డీఎంకేతో సంప్రదింపులు జరిపే బాధ్యతను కాంగ్రెస్ సీనియర్ నేత పి.చిదంబరానికి పార్టీ అధిష్ఠానం అప్పగించింది. మొత్తంగా ఇరు పార్టీల మధ్యా సీట్ల సర్దుబాటు వ్యవహారం ఓ కొలిక్కి వచ్చింది.
అదలా ఉంటే.. తమిళనాడు ఎన్నికల్లో అరవింద్ కేజ్రీవల్ సారథ్యంలోని ఆమ్ ఆద్మీ పార్టీ తొలిసారి ఎన్నికల బరిలోకి దిగనుంది. డీఎంకేతో కలిసి పోటీ చేసేందుకు ఆప్ నిర్ణయం తీసుకుంది. సీట్ల పంపకాలపై ఆప్, డీఎంకే మధ్య చర్చలు జరుగుతున్నాయి. దీనిపై తమిళనాడు ఆప్ కన్వీనర్ ఎస్ఏఎన్ వశీగరణ్ మీడియాతో మాట్లాడుతూ.. డీఎంకే సమన్వయ కమిటీని కలిసామనీ, కొన్ని సీట్లు అడిగామని చెప్పారు. బీజేపీని అడ్డుకోవడానికి బలమైన కూటమి అవసరమన్న ఆయన గత పర్యాయం పార్లమెంటు ఎన్నికల్లో బలమైన విపక్ష కూటమి ఏర్పడిందని, అందులో ఆప్ కూడా ఉందని గుర్తుచేశారు. తమిళనాడులో డీఎంకేతో పొత్తుతో పోటీ చేస్తామన్న ఆయన, ఈ విషయంపై ఆప్ అధినేత, ఢిల్లీ మాజీ సీఎం కేజ్రీవాల్ డీఎంకే అధినేత, తమిళనాడు ముఖ్యమంత్రి స్టాలిన్తో చర్చిస్తారన్నారు.
తెలంగాణ రాష్ట్ర పరిపాలన, భద్రతా వ్యవస్థ బలోపేతంపై కీలక చర్చలు జరిపేందుకు ముఖ్యమంత్రి రేవంత్ రెడ్డి బుధవారం (మార్చి 4) ఢిల్లీలో కేంద్ర హోంమంత్రి అమిత్ షాతో భేటీ అయ్యారు. దాదాపు గంటకు పైగా సాగిన ఈ భేటీలో రాష్ట్ర భద్రతా పరిస్థి తులు, పెరుగుతున్న నగరీకరణకు అనుగుణంగా పోలీసు వ్యవస్థ పునర్వ్యవస్థీకరణ, మావోయిస్టుల లొంగుబాట్లు, పునరావాసం వంటి అంశాలపై చర్చ జరిగింది. ఈ భేటీలో సీఎం రేవంత్ రెడ్డి వెంటన తెలంగాణ డీజీపీ బి. శివధర్ రెడ్డి, ఇంటెలిజెన్స్ అడిషనల్ డీజీపీ విజయ్ కుమార్, ఎస్ఐబి ఐజీ బి. సుమతి తదితర ఉన్నతాధికారులు ఉన్నారు. రాష్ట్రంలో శాంతిభద్రతల పరిరక్షణకు ప్రభుత్వం చేపట్టిన చర్యలను, ముఖ్యంగా సైబర్ నేరాల నియంత్రణలో అమలు చేస్తున్న వ్యూహాలను సీఎం ఈ సందర్భంగా కేంద్ర హోంమంత్రికి వివరించారు.
హైదరాబాద్ మహానగర విస్తరణతోపాటు డిజిటల్ రంగం వేగంగా అభివృద్ధి చెందుతున్న నేపథ్యంలో సైబర్ నేరాల నియంత్రణ కీలకమైందని సీఎం ప్రస్తావించినట్లు తెలుస్తోంది. ఈ క్రమంలో తెలంగాణ సైబర్ సెక్యూరిటీ బ్యూరో చేపడుతున్న చర్యలు, అంతర్రాష్ట్ర మోసగాళ్లపై జరుగుతున్న ఆపరేషన్ల వివరాలను రేవంత్ అమిత్ షాకు పూసగుచ్చినట్లు చెప్పారు. భవిష్యత్ అవసరాలను దృష్టిలో ఉంచుకుని ప్రత్యేక శిక్షణ పొందిన అధికారుల అవసరం పెరుగుతోందన్నారు.
ఇటీవల హైదరాబాద్, సైబరాబాద్, మల్కాజిగిరి పోలీసు కమిషనరేట్ల పునర్వ్యవస్థీకరణతో పాటు కొత్తగా ఫ్యూచర్ సిటీ కమిషనరేట్ ఏర్పాటు చేసిన విషయాన్నికేంద్ర హోంమంత్రికి వివరించిన సీఎం రేవంత్.. వేగంగా పెరుగుతున్న జనాభా, పట్టణ విస్తరణ, పరిశ్రమల వృద్ధి దృష్ట్యా రాష్ట్రానికి మరిన్ని ఐపీఎస్ అధికారుల అవసరం ఉందని, తెలంగాణ ఐపీఎస్ క్యాడర్ సంఖ్యను పెంచాలని కోరారు.
రాష్ట్రంలో ఇటీవల అజ్ఞాతాన్ని వీడి బయటకు వచ్చిన మావోయిస్టు నాయకుల అంశం కూడా ఈ భేటీలో చర్చకు వచ్చింది. గత రెండేళ్లలో మొత్తం 591 మంది మావోయిస్టులు ఆయుధాలు వదిలి జీవన స్రవంతిలో కలిశారు. లొంగిపోయిన మావోయిస్టులకు ప్రభుత్వం అందిస్తున్న పునరావాస ప్యాకేజీలు, నైపుణ్యాభివృద్ధి కార్యక్రమాలు, ఉపాధి అవకాశాల గురించి సీఎం ఈ భేటీలో అమిత్ షాకు వివరించారు.
మిగిలిన మావోయిస్టు నేతల లొంగుబాటుకు అనుకూల వాతావరణం కల్పించేందుకు కేంద్రం, రాష్ట్రం సమన్వయం అవసరమని సీఎం అభిప్రాయపడ్డారు.
వెనుకబడిన ప్రాంతాల్లో అభివృద్ధి పనులకు కేంద్ర మరింత సహకారం అందించాలని కోరారు. ఈసమావేశంలో ప్రస్తావించిన అంశాలపై కేంద్ర హోంమంత్రి సానుకూ లంగా స్పందించినట్లు తెలుస్తోంది. ఐపీఎస్ క్యాడర్ పెంపు, భద్రతా బలోపేతానికి అవసరమైన మద్దతు అంశాలపై పరిశీలించి నిర్ణయం తీసుకుంటామని హోంమంత్రి అమిత్ షా సీఎం రేవంత్ కు హామీ ఇచ్చినట్లు తెలుస్తోంది. ఈ భేటీతో రాష్ట్ర భద్రతా వ్యవస్థకు సంబంధించి కీలక నిర్ణయాలకు మార్గం సుగమమవుతుందనే అభిప్రాయం వ్యక్తమవుతోంది.
విశాఖలో ఒకే వర లో రెండు కత్తులు అన్న రీతిన కూటమి నాయకుల వ్యవహారం కొనసాగుతోంది. ముఖ్యంగా విశాఖ సౌత్ లో తెలుగుదేశం, జనసేన నాయకులు మధ్య పొత్తు సక్రమంగా లేదన్న మాట బహిరంగంగా వినినిపిస్తున్నది. ఇక్కడ స్థానిక ఎమ్మెల్యేగా జనసేనకు చెందిన వంశీకృష్ణ శ్రీనివాస్ కొనసాగుతున్నారు. ఈ దశలో జీవీఎంసీ కి చెందిన పలువురు కార్పొరేటర్లు వైసీపీ నుంచి జనసేన, తెలుగుదేశంకు మద్దతుగా నిలిచారు వీరంతా విశాఖ మేయర్ గా పీలా శ్రీనివాస్ ఎన్నిక సమయంలో ఒక రకంగా పార్టీని ఫిరాయించారు అయితే ఈ కార్పొరేటర్లు అనుకున్న రీతిన కూటమి ధర్మాన్ని పాటించడం లేదు దీనికి అక్కడ ప్రాతినిధ్యం వహిస్తున్న అధినాయకులు కారణం. నిజానికి ఇక్కడ టిడిపి ఇన్చార్జిగా గతంలో వైసీపీ నుంచి తెలుగుదేశంలోకి వచ్చిన సీతం రాజు సుధాకర్ ఉన్నారు ఈయన వెంట వైసీపీకి చెందిన కార్పొరేటర్లతో తోపాటు టిడిపి కార్పొరేటర్లు కొందరు ఉన్నారు అదే సమయంలో వైసీపీ నుంచి జనసేనకు వచ్చి ఎమ్మెల్యేగా ఎన్నికైన వంశీకృష్ణ శ్రీనివాస్ వెంట కూడా కొందరు కార్పొరేటర్లు ఉంటున్నారు వీరందరూ కూడా తమతమ నాయకులకు అనుకూలంగా అడుగులు వేస్తున్నారు. ఈ తరహాలో పార్టీ సభ్యత్వం నుంచి ఇతర వ్యవహారాల్లో కూడా తలో దిక్కు అడుగులు వేయడంతో కూటమి మధ్య సయోధ్య కరవైంది.
సంక్రాంతి సంబరాలు నుంచి ఏ కార్యక్రమం చేపట్టినా ఈ రెండు వర్గాల మధ్యా పోటీ కొనసాగుతున్నది. సీతం రాజు సుధాకర్ ఇందిరా ప్రియదర్శిని స్టేడియం వద్ద ముగ్గుల పోటీ నిర్వహిస్తే.. సిట్టింగ్ ఎమ్మెల్యే వంశీకృష్ణ శ్రీనివాస్ కనకమాలక్ష్మి ఆలయం వద్ద ముగ్గుల పోటీ నిర్వహించారు. ఇది ఒక్కటే కాదు, కార్పొరేషన్ పదవుల విషయంలో కూడా తలో దిక్కు అడుగులు వేస్తున్నారు. ఈ పరిస్థితుల మధ్య కార్పొరేటర్ల పదవీకాలం మరొక రెండు వారాల్లో ముగుస్తోంది. వీరిలో కొందరు నేరుగా తెలుగుదేశం నుంచి పోటీ చేసి కూటమిలో కొనసాగుతుంటే... మరి కొందరు ఇండిపెండెంట్ లు వైసీపీ నుంచి వచ్చి కూటమికి మద్దతుగా నిలిచారు. అయితే తమ పదవీకాలం ముగిసిన తర్వాత వార్డుల్లో ఏ తీరున వ్యవహరిస్తారన్న విషయం అర్థం కావడం లేదు ముఖ్యంగా ఎన్నికల సమయంలో ఓడిపోయిన కార్పొరేటర్ అభ్యర్థులు తిరిగి పార్టీ సింబల్ పై తమకు సీట్లు కావాలని గట్టిగా పట్టు పడుతున్నారు అయితే మేయర్ సీటు కోసం పార్టీ వీడి వచ్చిన తమకు కార్పొరేటర్ అభ్యర్థిగా సీటు కావాలని ఇతరులు అడుగుతున్నారు ఈ పరిస్థితుల్లో నాయకుల మధ్య సయోధ్య లేకపోవడంతో తమ భవిష్యత్ ఏ రకంగా ఉంటుందో అని త్వరలో మాజీలు కాబోతున్న కార్పొరేటర్లు కలవర పడుతున్నారు.
ముఖ్యంగా సీతం రాజు సుధాకర్, సిట్టింగ్ ఎమ్మెల్యే వంశీకృష్ణ శ్రీనివాస్ మధ్య సయోధ్య లేకపోవడం వల్ల తమ రాజకీయ భవిష్యత్ అగమ్య గోచరంగా మారిందని కూటమి కార్పొరేటర్లు కలవర పడుతున్నారు మరోవైపు దేవాదాయ శాఖ ఆలయ పాలకమండలి విషయంలో కూడా నాయకులకు అన్యాయం జరిగినట్టు లో లోపల మధనపడుతున్నారు. కూటమి ధర్మానికి భిన్నంగా ఈ నాయకుల వ్యవహారం ఉండటం కొందరికి లాభం, మరికొందరికి నష్టం జరుగుతోంది. ఈ పరిస్థితుల మధ్య ఇప్పటికే తమకు అన్యాయం జరిగిందని బిజెపి నాయకులు బహిరంగ విమర్శలు చేస్తున్నారు.
ఈ పరిస్థితి ఒక రకంగా ఒక ఒరలో రెండు కత్తుల సమెతలా తయారైంది. నిజానికి వైసీపీ నుంచి సీటు ఆశించిన సీతారామరాజు సుధాకర్, వైసిపి ఎమ్మెల్యే అభ్యర్థి వాసుపల్లి గణేష్ కుమార్ ను ఓడించడంలో కీలకంగా వ్యవహ రించారు. అంతమాత్రాన అతనికి ప్రాధాన్యత ఇస్తూ కూటమి కార్పొరేటర్లకు అన్యాయం చేయలేమని ఎమ్మెల్యే వంశీకృష్ణ శ్రీనివాస్ తన అనుచరుల వద్ద చెబుతున్నారు. అదే సమయంలో సుధాకర్ కూడా అసలు తన ప్రమేయం లేకపోతే జనసేనకు ఇక్కడ అవకాశం ఉండదని అంటున్నారు. నాయకులు వాదన ఏ రకంగా ఉన్నా తమ భవిష్యత్తుకు ఇబ్బందికరంగా ఉందని కూటమి ద్వితీయ శ్రేణి నాయకులు మదన పడుతున్నారు.
.webp)
నేషనలిస్ట్ కాంగ్రెస్ పార్టీ అధినేత శరద్ పవార్ రాజ్యసభ ఎన్నికల బరిలోకి దిగారు. మహారాష్ట్రలో ప్రతిపక్ష మహా వికాస్ అఘాడీ ఉమ్మడి అభ్యర్థిగా ఆయన పోటీ చేస్తున్నారు. ఈ విషయాన్ని శరద్ పవార్ కుమార్తె, ఎంపీ సుప్రియా సూలే స్వయంగా ప్రకటించారు.
శరద్ పవార్ అభ్యర్థిత్వానికి కూటమి భాగస్వామ్య పక్షాలన్నీ ఏకగ్రీవంగా ఆమోదించాయని పేర్కొన్నారు. శరద్ పవార్ ను బరిలో నింపడంపై తాను, జయంత్ పాటిల్ శివసేన (యూబీటీ) అధినేత ఉద్ధవ్ థాకరేతో చర్చించినట్లు తెలిపిన సుప్రియాసూలే.. అలాగే రాహుల్ గాంధీ, మల్లికార్జున ఖర్గేలతో చర్చించామని చెప్పారు. శరద్ పవార్కు మద్దతు ప్రకటించినందుకు కాంగ్రెస్, శివసేన (యూబీటీ)లకు కృతజ్ఞతలు చెప్పారు.
కొద్దికాలం కిందట శరద్ పవార్ తాను రాజ్యసభకు పోటీ చేసే ప్రశక్తే లేదని ప్రకటించారు. అయితే ఇటీవల ఆయన అన్న కొడుకు, ఉప ముఖ్యమంత్రి అజిత్ పవార్ మరణించడంతో మనసు మార్చుకున్నట్లు చెబుతున్నారు. మహారాష్ట్ర అసెంబ్లీలో మొత్తం 288 స్థానాలు ఉండగా, ఒక రాజ్యసభ సీటు గెలవాలంటే 37 మంది ఎమ్మెల్యేల ఓట్లు అవసరం. ప్రతిపక్ష కూటమిలోని శివసేన (యూబీటీ)కి 20, కాంగ్రెస్కు 16, ఎన్సీపీ (శరద్ పవార్) వర్గానికి 10 సీట్లు ఉన్నాయి. ఈ మూడు పార్టీలు కలిస్తే రాజ్యసభ స్థానంలో గెలుపు లాంఛనమే.
తెలంగాణ నుంచి రాజ్యసభ స్థానాలకు కాంగ్రెస్ పార్టీ అభ్యర్థులు ఖరారయ్యారు. సీనియర్ న్యాయవాది అభిషేక్ మను సింఘ్వీకి మరోసారి అవకాశం కల్పించగా, ప్రభుత్వ సలహాదారుగా ఉన్న వేం నరేందర్ రెడ్డి పేరును అధిష్టానం ఖరారు చేసింది. ఈ మేరకు రేపు వారిద్దరూ అసెంబ్లీ సెక్రటరీకి తమ నామినేషన్ పత్రాలను అందజేయనున్నారు.
ఈ కార్యక్రమంలో సీఎం రేవంత్ రెడ్డితో పాటు టీపీసీసీ చీఫ్ మహేష్ కుమార్ గౌడ్, మంత్రులు, ఇతర కీలక నేతలు పాల్గొననున్నారు. అసెంబ్లీలో కాంగ్రెస్ బలం దృష్ట్యా వేం నరేందర్ రెడ్డితో పాటు అభిషేక్ మను సింఘ్వీ ఎన్నిక దాదాపు ఏకగ్రీవం అయ్యే ఛాన్స్ ఉంది. సీఎం రేవంత్ రెడ్డికి అత్యంత సన్నిహితుడు వేం నరేందర్ రెడ్డి ఎంపికతో రాజకీయ వర్గాల్లో ఆసక్తి నెలకొంది.
ALSO ON TELUGUONE N E W S
.webp)
-కుర్చీలో నుంచి పడబోయిన నాగ చైతన్య
-సోషల్ మీడియాలో పిక్స్ వైరల్
-అభిమానుల కంగారు
తండేల్ తో హిట్ మోడ్ లోకి వచ్చిన యువసామ్రాట్ 'నాగచైతన్య'(Naga Chaitanya)ఈ సారి కూడా హిట్ విషయంలో తగ్గే ప్రసక్తే లేదని 'వృషకర్మ'(VrushaKarma)తో శర వేగంగా ముస్తాబవుతున్నాడు. హిట్ విషయంలో తగ్గేదే లేదని ఎందుకు అనాల్సి వస్తుందంటే ఇప్పటి వరకు రిలీజైన ప్రచార చిత్రాలతో పాటు 'విరూపాక్ష' దర్శకుడు కార్తీక్ దండు వృషకర్మ ని తెరకెక్కిస్తుండటం. ఈ రోజు చిత్ర యూనిట్ గ్లింప్స్ ని రిలీజ్ చేసింది. హైదరాబాద్ లోని ప్రసాద్ ఐమాక్స్ థియేటర్ ఇందుకు వేదికగా నిలవగా అభిమానులు భారీగా పోటెత్తారు. కానీ అదే అభిమానులని సదరు వేడుక ఆందోళనకి గురి చేసింది. పూర్తి మ్యాటర్ ఏంటో చూద్దాం
గ్లింప్స్ ఈవెంట్ కి నాగ చైతన్య కూడా హాజరయ్యాడు. అభిమానులని తన మాటలతో ఉత్తేజపర్చడమే కాకుండా సినిమా గురించి పలు విషయాలు చెప్పాడు. అనంతరం మీడియాతో ముఖాముఖి కార్యక్రమానికి ప్రిపేర్ అవుతున్నాడు. ఈ సందర్భంగా స్టాఫ్ కొంత మంది కుర్చీలని వేశారు. అందులోని ఒక కుర్చీలో నాగ చైతన్య కూర్చోబోతుంటే కుర్చీ ఒక వైపుకి వంగిపోయింది. దీంతో చైతన్య ఒక్కసారిగా వెనక్కి పడిపోయాడు. వెంటనే అభిమానులతో పాటు అక్కడున్న వారందరు టెన్షన్ పడ్డారు. చైతన్య కి కార్తీక్ దండు(karthik dandu)చేయి అందించడంతో పైకి లేచాడు. ఆ తర్వాత యధావిధిగా మీడియాతో వృషకర్మ గురించి ముచ్చటించాడు.
also read: The paradise: ఆయా షేర్ స్టెప్ వెనకున్న అసలు నిజం బయటపడింది
ఇక సుమారు నిమిషం యాబై సెకన్ల నిడివితో ఉన్న గ్లింప్స్ ని చూస్తుంటే సెల్యులాయిడ్ పై మైథికల్ అడ్వెంచర్ థ్రిల్లర్ రూపంలో ఒక అద్భుతం జరిగే అవకాశం ఉన్నట్టుగా అనిపిస్తుంది. రెండు వెరీయేషన్స్ లో నాగచైతన్య కనిపిస్తుండగా అతేంద్రియ శక్తీ మేల్కొన్నప్పుడు, సృష్టి దర్మం తప్పినప్పుడు విధి ఒక వృషకర్మ ని ఎంచుకుంటుంది అనే డైలాగ్స్ మూవీపై మరింత ఆసక్తిని కలుగచేసే విధంగా ఉన్నాయి. అత్తారింటికి దారేది ప్రొడ్యూసర్ బివిఎస్ఎన్ ప్రసాద్ నిర్మిస్తుండగా హిట్ చిత్రాల భామ మీనాక్షి చౌదరి(Meenakshi Chaudhary)హీరోయిన్ గా చేస్తుంది.
Sree Vishnu, widely regarded as the King of Entertainment, continues to demonstrate his growing box office potential. He has built immense confidence among audiences through his diverse script choices and consistent delivery of high-quality entertainers. Proving this trust once again, his latest release, Vishnu Vinyasam, has successfully outperformed all trade expectations.
The film's theatrical run began with mixed reports during the early morning shows. However, the box office trajectory quickly shifted by the evening and night shows as family audiences flocked to the theaters. Despite the initial underwhelming word-of-mouth, viewers chose to rely on their trusted star, seeking the spectacular cinematic experience Sree Vishnu is known to deliver.
Defying early trade predictions, the movie collected a solid gross of over Rs. 19.2 crores worldwide in just six days, successfully achieving its breakeven target across all territories. Audiences were thoroughly impressed by Sree Vishnu's effortless comic timing and ease in dialogue delivery. His engaging chemistry with leading lady Nayan Sarika, along with comedian Satya's hilarious performance, served as major crowd-pullers.
Directed by Yadunaath Maruthi Rao and produced by Sumanth G Naidu, the remarkable commercial recovery of Vishnu Vinyasam firmly establishes Sree Vishnu's impeccable star power. Riding high on this box office triumph, the actor is now gearing up for the release of his next project, Mrityunjay, hitting screens tomorrow.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
-కొనసాగుతున్న ఆయా షేర్ ప్రభంజనం
-హుక్ స్టెప్ ని ఒక రేంజ్ లో చేసిన నాని
-అసలు నిజం ఇదే
ప్రస్తుతం సోషల్ మీడియాలో ఎక్కడ చూసినా, ఏ రీల్ చూసినా 'ఆయా షేర్'(Ayaa sher)సాంగ్ ప్రభంజనం కనిపిస్తుంది. నాచురల్ స్టార్ నాని(Nani)లా స్టెప్ వేసి లైక్స్ పొందాలని చూస్తున్న ఆశావాహులకైతే లెక్కే లేదు. అంతలా సదరు సాంగ్ సినీ ప్రేమికుల్లోకి, సోషల్ మీడియా ప్రేమికుల్లోకి చొచ్చుకొని వెళ్ళిపోయింది. ఇందుకు నాని, అనిరుధ్ ఎంత కారణమో నాని చేత స్టెప్స్ వేయించిన డాన్స్ మాస్టర్ సుధన్ మాస్టర్ అంతే కారణం. సుమారు 11 ఏళ్ల సుదీర్ఘ నిరీక్షణ తర్వాత తన ప్రతిభని ప్రపంచానికి తెలిసేలా చాటిచెప్పిన సుధన్ మాస్టర్ గురించి పలు ఆసక్తి కర విశేషాలని ఎక్స్క్లూజివ్ గా మా తెలుగు వన్ అందిస్తుంది
సుదాన్ కి డాన్స్ మాస్టర్ గా అవకాశం అంత సులభంగా రాలేదు. అసిస్టెంట్ కొరియోగ్రాఫర్గా ఎన్నో ఏళ్లు కష్టపడ్డాడు. ఆర్ఆర్ఆర్ నాటునాటు ఫేమ్ ప్రేమ్ రక్షిత్ మాస్టర్ దగ్గర పదకొండు సంవత్సరాలు పని చేసాడు. సుదీర్ఘ ప్రయాణం తర్వాత పారడైజ్ తో అవకాశం వచ్చింది. నాని నుంచే వచ్చిన 'దసరా' సినిమాకి అసిస్టెంట్ కొరియోగ్రాఫర్గా చేసాడు. ఆ సమయంలో సుధన్ ప్రతిభని దర్శకుడు శ్రీకాంత్ ఓదెల(Srikanth Odela)గుర్తించి అవకాశం ఇవ్వడం జరిగింది. ఒక డెబ్యూ కొరియోగ్రాఫర్ గా ఫస్ట్ మూవీకే నాని లాంటి బడా హీరోతో, భారీ ప్రాజెక్ట్లో అవకాశం రావడం నిజంగా ఆయన టాలెంట్ లో దాగి ఉన్న గొప్ప విషయం అని చెప్పవచ్చు.
ఆయా షేర్ సాంగ్ కి సంబంధించిన కొన్ని రహస్యాలని కూడా సుదన్ మాస్టర్ చెప్పడం జరిగింది. ఆయన మాట్లాడుతు సాంగ్ లో నాని గారి లుక్ ఎంత కొత్తగా ఉందో తెలిసిందే. కానీ మేకప్ వేసుకోవడం అంతకంటే కష్టం. ఆ గెటప్ కోసం దాదాపు ఒకటి నుండి రెండు గంటల సమయం పట్టేది. జడలు మరియు మేకప్ వల్ల నాని గారికి ఎంతో పెయిన్ వచ్చినా, భారీ గెటప్ వేసుకుని కదలడం కష్టమైనా అద్భుతమైన అవుట్పుట్ ఇచ్చారు. పూర్తి ఏకాగ్రతతో స్టెప్స్ నేర్చుకోవడానికి మూడు రోజులు కేటాయించారు. ప్రాపర్టీస్ సెట్ చేయడం, జనాన్ని నిలబెట్టడం వంటి పనుల వల్ల ఒక్కో షాట్కి దాదాపు 30 నుండి 40 నిమిషాల సమయం పట్టేది.
కొన్ని స్టెప్స్ బాలీవుడ్ నుండి కాపీ చేశారనే విమర్శలు వస్తున్నాయి. మనం ఒక స్టెప్ని కాపీ చేయాలన్నా, ఇన్స్పైర్ అవ్వాలన్నా ముందు అది చూసి ఉండాలి. కానీ నేను ఆ స్టెప్ చూడలేదు. కొన్నిసార్లు కొరియోగ్రాఫర్లకి సిమిలర్ థాట్స్ రావచ్చు. ప్రేమ్ రక్షిత్ మాస్టర్ దగ్గర 11 ఏళ్లు పని చేశాను. అటువంటి ఫ్లోర్ మూమెంట్స్ నాకు కొత్తేమీ కాదు. అనిరుధ్ గారు ఇచ్చిన మ్యూజిక్ వల్లనే కొరియోగ్రఫీ చేయడానికి మరింత ఎనర్జీ వచ్చింది. ఒక సాధారణ పాటని కూడా మాస్ సెలబ్రేషన్ సాంగ్గా మార్చేస్తుందని, ఈ సాంగ్ విషయంలో అదే జరిగిందని సుధన్ మాస్టర్ చెప్పుకొచ్చాడు. ప్యారడైజ్ ఆగష్టు 21 న పాన్ ఇండియా వ్యాప్తంగా రిలీజ్ అవుతున్న విషయం తెలిసిందే.
also read: Ustaad baghat singh: ఉస్తాద్ భగత్ సింగ్ రిలీజ్ విషయంలో కీలక నిర్ణయం.. మరి ఫ్యాన్స్ పరిస్థితి ఏంటి!
సుధన్ మాస్టర్ మాటలని బట్టి ఒక కళాకారుడి వెనుక ఉండే ఏళ్ల తరబడి శ్రమ, పట్టుదల ఎలా ఉంటుందో సుధన్ మాస్టర్ ప్రయాణం చూస్తే అర్థమవుతుంది. 'ఆయా షేర్' కేవలం ఒక సాంగ్ మాత్రమే కాదు, ఎంతోమంది సాంకేతిక నిపుణుల కష్టమని కూడా అర్ధమవుతుంది. ఇక ప్యారడైజ్ కి సంబంధించిన మరిన్ని న్యూస్ అప్ డేట్స్ మా నుంచి వస్తూనే ఉంటాయి. మరి ఆలస్యం చేయకుండా తెలుగు వన్ సినిమా(Telugu One Cinema) ఛానల్ ని సబ్ స్క్రైబ్ చేసుకోండి. కింద ఉన్న వీడియోని పూర్తిగా చూసి ఒక లైక్ కొట్టడంలో కూడా లేటు చెయ్యద్దు.
Director Abhishek Nama showcases his remarkable vision and grand scale filmmaking with the upcoming pan-Indian movie, Nagabandham. Featuring leading stars Virat Karrna, Nabha Natesh, Iswarya Menon, Jagapathi Babu, and Mahesh Manjrekar, the film is already making waves.
The thrilling teaser received huge applause nationwide, raising anticipation to new heights among moviegoers. Produced by Kishore Annapureddy and Nishitha Nagireddy, the project is expected to set fresh benchmarks in Indian cinema.
Audiences will soon be captivated by the film's maiden single, "NAMO Re," officially launching on March 15th at 11:11 AM. This highly awaited release serves as a beautiful tribute to Lord Narayana. It deeply reflects the powerful spiritual themes that drive the story, preparing fans for a truly divine cinematic journey.
The visual highlight of "NAMO Re" is an epic sequence featuring 1,000 dancers. Renowned choreographers Ganesh Acharya and Shrasti Verma have created a stunning routine celebrating diverse Indian dance forms.
Musicians Junaid Kumar and Abhe crafted a dreamy soundscape, matched by Sriharsha Emani’s inspiring lyrics. Powerful vocals from Sindhuja Srinivasan and Aishwarya Daruri bring this devotional masterpiece alive. Behind the scenes, a talented crew ensures sheer technical perfection.
Cinematographer Soundar Rajan S and editor RC Pranav are shaping the movie's artistic vision, while production designer Ashok Kumar crafts a visually spectacular world. Fans should watch social media for more teasers as this rich blend of spirituality, music, and dance rapidly approaches its release.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
Yuvasamrat Naga Chaitanya Akkineni is not an outspoken person but he made a big statment about his upcoming mythical epic, Vrushakarma. The adventure film's spectacular glimpse was recently launched amidst great excitement from fans. Chaitanya's stunning transformation and athletic new look have quickly become the talk of the town. The teaser is receiving massive applause nationwide for its rocking background score, grand visuals, intriguing production design, and director Karthik Dandu's brilliant vision.
Speaking at the launch event, director Karthik Dandu promised that he is crafting the best film of Chaitanya's career. He shared that every filmmaker dreams of delivering a memorable masterpiece for their star, and he is determined to achieve just that. He further added that the movie's scale and execution will be world-class, with producers BVSN Prasad and Sukumar offering their complete backing to the massive project.
Naga Chaitanya expressed his immense happiness and pride in being part of such a high-budget mythical adventure, a genre he has always wanted to explore. He admitted he initially wondered how the team would translate their massive vision onto the screen, noting that the glimpse is just a small sample of what is to come. Most notably, he confidently stated that the film's climax will set a brand new benchmark in Indian cinema.
The actor also shared his thrill at working with Laapata Ladies fame Sparsh Srinivastava, praising his performance and unique character. Furthermore, he took a moment to wish the leading lady, Meenakshi Chaudhary, a very happy birthday. Currently trending on YouTube, the Vrushakarma glimpse, elevated by Ajaneesh Lokanath's gripping music, has significantly raised the anticipation for this exciting Pan-Indian film.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
ప్రస్తుతం తెలుగు సినీ లోకంలో ఎక్కడ చూసినా ఒకటే పేరు మారుమోగిపోతోంది... అదే 'పెద్ది'(Peddi). గ్లోబల్ స్టార్ రామ్ చరణ్(Ram Charan), డైరెక్టర్ బుచ్చిబాబు సన, ఆస్కార్ విజేత ఏఆర్ రెహమాన్ కలయికలో వస్తున్న ఈ సినిమాపై అంచనాలు ఆకాశాన్ని తాకుతున్నాయి. ముఖ్యంగా "రయ్ రయ్ రా రా" పాట విడుదలైన తర్వాత, ఈ సినిమా సృష్టించబోయే ప్రభంజనం ఎలా ఉంటుందో అర్థమవుతోంది.
'రయ్ రయ్ రా రా' సాంగ్ కి అద్భుతమైన స్పందన వస్తున్న నేపథ్యంలో తాజాగా అనంత శ్రీరామ్(Anantha Sriram) 'తెలుగువన్'కి ప్రత్యేక ఇంటర్వ్యూ ఇచ్చారు. ఈ ఇంటర్వ్యూలో సినిమాకి సంబంధించిన పలు ఆసక్తికర విషయాలను పంచుకున్నారు.
కథలోని లోతు - అనంత శ్రీరామ్ నమ్మకం:
గీత రచయిత అనంత శ్రీరామ్ ఈ సినిమా గురించి చెబుతూ ఒక అద్భుతమైన మాట అన్నారు. "పెద్ది సినిమా చూసిన తర్వాత ఆ కథ ప్రేక్షకులను పది రోజుల పాటు వెంటాడుతూనే ఉంటుంది" అని ధీమా వ్యక్తం చేశారు. అనంత శ్రీరామ్ నమ్మకాన్ని బట్టి చూస్తే.. దర్శకుడు బుచ్చిబాబు పెద్ది కోసం అద్భుతమైన కథను సిద్ధం చేశారని అర్థమవుతోంది.
బుచ్చిబాబు పనితీరు:
దర్శకుడు బుచ్చిబాబు గత నాలుగు ఏళ్లుగా ఈ ఒక్క కథ మీదనే ప్రాణం పెట్టి పని చేస్తున్నారని, 24 శాఖలను సమన్వయం చేసుకుంటూ ఒత్తిడిలోనూ చిరునవ్వుతో పని చేస్తున్నారని కొనియాడారు.
రామ్ చరణ్ డాన్స్:
'రయ్ రయ్ రా రా' పాట విడుదలైన గంటలోనే మిలియన్ వ్యూస్ సాధించిందని, అందులో రామ్ చరణ్ గారి డాన్స్ అద్భుతంగా ఉండటం వల్ల అందరి కళ్ళు పాటపై పడ్డాయని చెప్పారు.
పాటల సంఖ్య:
ఈ సినిమాలో మొత్తం 5 పాటలు ఉండవచ్చని, ప్రస్తుతానికి 4 పాటలు అద్భుతంగా వచ్చాయని ఆయన తెలిపారు.
తెలుగు భాషా మాధుర్యం - ఒక సవాలు:
నేటి కాలంలో పాటల్లో తెలుగు తగ్గిపోయి ఆంగ్ల పదాల వాడకం పెరిగిపోతోందనే విమర్శ ఉంది. కానీ 'పెద్ది' సినిమాలో ఒక విప్లవాత్మక మార్పు కనిపిస్తోంది. ఇంత పెద్ద గ్లోబల్ స్టార్ సినిమాలో, ఏఆర్ రెహమాన్ వంటి సంగీత దర్శకుడి పర్యవేక్షణలో వచ్చిన పాటలో ఒక్క ఆంగ్ల పదం కూడా లేకుండా రాయడం ఒక గొప్ప సవాలుగా నిలిచింది. ఈ సినిమా 1990ల నేపథ్యంలో సాగడం వల్ల, స్వచ్ఛమైన తెలుగు పదాలతో పాటలు రాయడానికి అవకాశం దక్కిందని, ఇది ప్రేక్షకులను తప్పకుండా కదిలిస్తుందని అనంత శ్రీరామ్ పేర్కొన్నారు.
సినిమా మరియు సమాజం:
సమాజంలో మనం ఎలా మాట్లాడుతున్నామో సినిమాల్లో కూడా అదే ప్రతిబింబిస్తుందని, అందుకే మన భాషను మనం కాపాడుకోవాల్సిన బాధ్యత మనపైనే ఉందని ఆయన అభిప్రాయపడ్డారు. "సినిమాకి సమాజం అద్దం లాంటిది, సమాజానికి సినిమా భూతద్దం లాంటిది" అని ఆయన పేర్కొన్నారు.
ఈ ఇంటర్వ్యూ ద్వారా "పెద్ది" సినిమా 90ల కాలం నాటి నేపథ్యంలో సాగుతుందని మరియు భాషా పరంగా చాలా స్వచ్ఛంగా ఉంటుందని అర్థమవుతోంది. అనంత శ్రీరామ్ పూర్తి ఇంటర్వ్యూను తెలుగువన్ యూట్యూబ్ ఛానల్ లో వీక్షించండి.
మరిన్ని ఆసక్తికరమైన అప్డేట్స్ కోసం, సినిమా ప్రపంచంలోని ఇలాంటి ఎన్నో విశేషాలు, ఇంటర్వ్యూలు మరియు తాజా వార్తల కోసం మా 'తెలుగువన్'(TeluguOne) యూట్యూబ్ ఛానల్ ని సబ్స్క్రైబ్ చేసుకోండి.
.webp)
-షాకింగ్ న్యూస్ వెల్లడి చేసిన మైత్రి
-ఫ్యాన్స్ రియాక్షన్ ఏంటి
-మార్చి నెల ఏం జరగబోతుంది
ప్రెజెంట్ రెండు తెలుగు రాష్ట్రాలతో పాటు వరల్డ్ వైడ్ గా ఉన్న పవన్ కళ్యాణ్(Pawan Kalyan)అభిమానుల ఆనందం అంతా ఇంతా కాదు. కోట్లు ఇచ్చినా ఆ ఆనందాన్ని కొనలేం. దీంతో మార్చి నెల పవన్, పవన్ ఫ్యాన్స్ మంత్ గా మారే అవకాశం ఉంది. అందుకు వేదికగా నిలిచింది ఉస్తాద్ భగత్ సింగ్. మరి ఆ ఆనందకర వార్త ఏంటో చూసేద్దాం.
ఉస్తాద్ భగత్ సింగ్(Ustaad Bhagat singh)ఈ నెల 26 న విడుదల కాబోతున్న విషయం తెలిసిందే. కానీ పవర్ స్టార్ తుఫాన్ కాస్త ముందుగానే రాబోతోంది. ఏంటి నిజమేనా అని అనుకుంటున్నారా! అవును నిజమే.. అనుకున్న డేట్ కంటే ముందే మార్చి 19 న వరల్డ్ వైడ్ గా అడుగుపెట్టనుంది. ఈ మేరకు తాజాగా ఉస్తాద్ నిర్మాణ సంస్థ మైత్రి మూవీ మేకర్స్ అధికారికంగా ప్రకటించింది. వరుసగా వచ్చే లాంగ్ వీకెండ్స్, దాదాపు రెండు వారాల పాటు ఉండే సెలవుల ప్రయోజనాన్ని దృష్టిలో ఉంచుకొని ఈ నిర్ణయం తీసుకున్నారు.
ఈ మధ్య కాలంలో చాలా పెద్ద సినిమాలు రిలీజ్ డేట్ వరకు వచ్చి మళ్ళీ వాయిదా పడి కొంచం వెనక్కి జరుగుతున్న సందర్భాలు చూస్తున్నాం. పవన్ ప్రీవియస్ మూవీ హరిహర వీరమల్లు కూడా ఒక ఉదాహరణ. ఇలాంటి టైంలో ఉస్తాద్ ఇంకొంచం ముందుకు జరగడం అంటే అభిమానుల ఆనందం ఏ స్థాయిలో ఉంటుందో చెప్పక్కర్లేదు. ఇక 'గబ్బర్ సింగ్' తరువాత పవన్ కళ్యాణ్, హరీశ్ శంకర్(Harish Shankar)కలయికలో వస్తున్న సినిమా కావడంతో 'ఉస్తాద్ పై అభిమానుల్లోనే కాకుండా ప్రేక్షకుల్లో కూడా భారీ అంచనాలు నెలకొని ఉన్నాయి. ప్రచారంలో భాగంగా ఇప్పటివరకు వచ్చిన ప్రతి కంటెంట్కి అద్భుతమైన స్పందన లభించింది. అన్ని సామాజిక మాధ్యమాల్లో ట్రెండ్ అవుతు భారీ బజ్ సృష్టించాయి. దేఖ్ లేంగే సాలా, ఆరా ఆఫ్ ఉస్తాద్’సాంగ్స్ అయితే చార్ట్బస్టర్లుగా నిలిచాయి.
also read: ప్రముఖ హీరోయిన్ కి అత్యాచార బెదిరింపులు.. ధురంధర్ గుర్తుంది కదా
సిల్వర్ స్క్రీన్ కూడా భారీ ఆశలతో ఎదురుచూస్తున్న ఉస్తాద్ లో శ్రీలీల(Sreeleela),రాశి ఖన్నా(Raashii Khanna)హీరోయిన్స్ కాగా భారీ కాస్టింగ్ నే స్క్రీన్ పై మెరవనుంది. రీసెంట్ గా నేపథ్య సంగీతం బాధ్యతలని థమన్ కి అప్పగించారు. దేవిశ్రీ ప్రసాద్(Devi Sriprasad)బిజీగా ఉండటమే అందుకు కారణం.
.WEBP)
లోకంలో అమ్మ ప్రేమకు మించినది ఏదీ లేదు. ఆ అమృత సమానమైన ప్రేమకు దూరమైన బిడ్డలు పడే వేదన వర్ణనాతీతం. కళ్ళ ముందు కదలాడే రూపం లేకపోయినా, ఎక్కడో దేవుడి దగ్గర ఉన్న తన తల్లి ఎప్పటికైనా తిరిగి వస్తుందని ఆశపడే ఒక పసివాడి అమాయకత్వం, ఆ పసివాడి జీవితంతో ఆడుకునేందుకు జరిగే కుట్రలు.. ఇవన్నీ వింటుంటేనే మన కళ్లు చెమర్చుతాయి. ఈ రోజు మనం అటువంటి ఒక హృదయ విదారకమైన సన్నివేశం గురించి, అందులోని లోతైన భావోద్వేగాల గురించి తెలుసుకుందాం.
వెంకటేష్, మీనా జంటగా ఇ.వి.వి.సత్యనారాయణ దర్శకత్వంలో రూపొందిన ‘అబ్బాయిగారు’ చిత్రంలోనిదీ సన్నివేశం. శ్రీకాంత్, జయచిత్ర, కోట శ్రీనివాసరావు, బ్రహ్మానందం, నూతన్ప్రసాద్ తదితరులు ఇతర ముఖ్యపాత్రలు పోషించారు. చక్కని ఫ్యామిలీ సెంటిమెంట్తోపాటు కడుపుబ్బా నవ్వించే హాస్య సన్నివేశాలతో రూపొందిన ఈ సినిమా 1993లో విడుదలై ఘనవిజయం సాధించింది. అప్పటికీ, ఇప్పటికీ, ఎప్పటికీ ఎవర్గ్రీన్గా నిలిచే సినిమాల్లో ‘అబ్బాయిగారు’ ఒకటి.
చిన్నతనంలోనే దొరబాబు తల్లి చనిపోతుంది. చనిపోయిన విషయం ఆ పసివాడికి తెలీక అమ్మ తప్పకుండా వస్తుందని ఎదురుచూస్తుంటాడు. ఒకరోజు అమ్మతో మాట్లాడాలనుకొని టెలిఫోన్ ఆపరేటర్కి ఫోన్ చేసి అమ్మకి లైన్ కలపమంటాడు. బాబు పరిస్థితి అర్థం చేసుకున్న ఆ ఆపరేటర్ అక్కడే పనిచేసే ఒక తల్లికి ఆ విషయం చెప్పి ఆ బాబుకి అమ్మలా కాసేపు మాట్లాడమని రిక్వెస్ట్ చేస్తాడు. వెంటనే ఆ బాబుకి ఫోన్లో తల్లి మాటలు వినిపిస్తాయి. ఆనందంతో ఆ బాబు ఉక్కిరిబిక్కిరి అయిపోతాడు. ఎంతో ఉద్వేగంగా తల్లితో మాట్లాడతాడు. తనకు పరిచయం లేకపోయినా ఆ బాబు మాటలకు ఆ ఆపరేటర్ కూడా ఎంతో ఉద్వేగానికిలోనై కంటతడి పెట్టుకుంటుంది. ఎంతో ఎమోషనల్గా సాగే ఈ సన్నివేశం ప్రతి ఒక్కరికీ కంటతడి పెట్టిస్తుంది.
ఆ తండ్రి రెండో పెళ్లి చేసుకొని కొడుకు కోసం తల్లిని తీసుకొస్తాడు. ఆస్తి కోసమే రెండో భార్యగా వచ్చిన ఆమె.. ఆస్తంతా దొరబాబుకే చెందుతుందని తెలుసుకొని ఒక పథకం ప్రకారం బాబుతో చదువు మాన్పించి పొలం పనులకే పరిమితం చేస్తుంది. భర్తను కూడా ఒక ప్లాన్ ప్రకారం వీల్ చైర్కి పరిమితం చేసి, పిచ్చివాడు అనే ముద్ర వేస్తుంది. దొరబాబుని తన గుప్పిట్లో పెట్టుకొని ఆస్తి, వ్యాపార వ్యవహారాలన్నీ తనే చూసుకుంటూ ఉంటుంది.
జీవితంలో తల్లి లేని వెలితిని ఏ ఆస్తి, ఏ డబ్బు భర్తీ చేయలేదు. ఆ పసివాడి అమాయకత్వం, వాడు పడే వేదన మనల్ని ఆలోచింపజేస్తాయి. ‘అబ్బాయిగారు’ చిత్రంలోని కొన్ని భావోద్వేగ సన్నివేశాలు కంటతడి పెట్టిస్తాయి. ఈ చిత్రంలోని అంత్యంత కీలకమైన సన్నివేశాలతో కూడిన ఈ వీడియోను క్రింద ఇస్తున్నాం. వీక్షించండి. అలాగే మా Teluguone youtube channelను Subscribe చెయ్యండి.
The most awaited film from Tollywood, Ustaad Bhagat Singh, is all set to arrive earlier than expected. The makers have officially preponed the release to March 19, locking a sensational release window filled with back-to-back long weekends and extended holiday advantage for nearly two weeks. Even though Dhurandhar 2 is going to release, the makers are confident that Pawan Kalyan will pull huge number of audiences to theatres.
This massive entertainer marks the blockbuster reunion of Pawan Kalyan and Harish Shankar, a combination that previously created box office history with Gabbar Singh. The duo is now geared up to recreate that magic and deliver a powerful theatrical experience that fans have been eagerly waiting for.
Keeping the film's timelines and overall vision in mind, the team has brought Thaman on board for the background score. DSP's songs will make you dance, while Thaman will handle the background score. This decision has been made to ensure smooth progress without any delays. This move comes after mutual discussions and has been taken in the best interest of the film.
With a blockbuster combination leading the charge and a dynamic musical duo elevating the experience, Ustaad Bhagat Singh is shaping up to be more than just a film — it promises to be a grand celebration and a lifetime memory for fans. Mark the date: March 19. The celebrations begin early.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
-సోషల్ మీడియాలో ఏం జరుగుతుంది!
-ఎందుకు ఆ హీరోయిన్ ని టార్గెట్ చేసారు
-బెదిరింపులపై తను ఏం చెప్తుంది
ధురంధర్(Dhurandhar)..భారతీయ సినిమా రంగం గొప్పతనాన్నిప్రస్తావించుకునే ప్రతిసారి ధురంధర్ గురించి చెప్పకోవాల్సిందే. దీన్ని బట్టి సదరు చిత్రాల్లోని నటులు ఎంత అదృష్టవంతులో అర్ధం చేసుకోవచ్చు. అలాంటి వారి సరసన చేరిన నటి 'అయేషా ఖాన్'(Ayesha khan). ధురంధర్ లోని 'షరారత్ సాంగ్' లో డాన్సర్ గా కనిపించి మెప్పించింది. రీసెంట్ గా ఈ ముద్దుగుమ్మకి సోషల్ మీడియా వేదికగా వస్తున్న మెసేజెస్ చూస్తుంటే మనం ఇలాంటి సమాజంలో ఉన్నామా అని కొంచం భయబ్రాంతులకి లోనవుతాం. పూర్తి విషయం చూద్దాం.
అయేషా ఖాన్ ఇన్ స్టాగ్రామ్(Instagram)లో చాలా యాక్టీవ్ గా ఉంటుంది. కొన్ని రోజుల నుంచి ఆమెకి ఇన్ స్టాగ్రామ్ వేదికగా మెసేజెస్ వస్తున్నాయి. సదరు మెసేజెస్ లో ఆమెని అత్యాచారం చేస్తామంటూ కొంత మంది బెదిరిస్తున్నారు. డైలీ అలాంటి మెసేజెస్ లే చేస్తుండటంతో పాటు అత్యంత జుగుప్స కలిగించే విధంగా కూడా తమ వికృత రూపాన్ని బయటపెడుతున్నారు.
స్వయంగా ఆయేషా ఖాన్ నే ఈ విషయాన్ని వెల్లడి చేసింది. సోషల్ మీడియాలో నేను ఏ ఫోటో షేర్ చేసినా దాని కింద చాలా బ్యాడ్ కామెంట్స్ వస్తున్నాయి. పట్టించుకోకుండా ఉందామనుకుంటే నా వ్యక్తిగత భద్రతకి సంబంధించిన విషయం. కాబట్టి వారి పై చర్యలు తీసుకోవాల్సిందే అంటూ కూడా చెప్పుకొచ్చింది.
also read: Pushpa 2 vs ustaad baghat singh: అప్పుడు పుష్ప 2 కి జరిగింది.. ఇప్పుడు ఉస్తాద్ భగత్ సింగ్ కి జరుగుతుంది
ముంబై కి చెందిన అయేషా ఖాన్ మాస్ కా దాస్ 'విశ్వక్ సేన్' తో 'ముఖచిత్రం' అనే మూవీలో చెయ్యడం ద్వారా సినీ రంగ ప్రవేశం చేసింది. మొదటి చిత్రంతోనే నటిగా మంచి పేరు తెచ్చుకున్న అయేషా ఖాన్ సినీ అకౌంట్ లో 'ఓం భీం భూమ్ బుష్', గ్యాంగ్స్ ఆఫ్ గోదావరి, మనమే వంటి చిత్రాలు ఉన్నాయి. గోపీచంద్ మలినేని, సన్నీడియోల్ ల 'జాట్' లో కూడా కానిస్టేబుల్ గా కనపడి మెస్మరైజ్ చేసింది.
ఫిబ్రవరి, మార్చి నెలలు వచ్చాయంటే చాలు.. విద్యార్థుల్లో ఒక రకమైన తెలియని ఆందోళన మొదలవుతుంది. ఇంటర్, టెన్త్ క్లాస్ పరీక్షలు దగ్గర పడుతుంటే, ఎంత చదివినా ఏదో వెలితి, చదివింది మర్చిపోతున్నామనే భయం చాలా మందిని వెంటాడుతుంటుంది. కేవలం విద్యార్థులే కాదు, వారి తల్లిదండ్రులు కూడా తీవ్రమైన ఒత్తిడికి లోనవుతుంటారు. కానీ, మీరు ఒక్కటి గుర్తుంచుకోవాలి: పరీక్షలు మీ మేధస్సును పరీక్షించేవి మాత్రమే, మీ జీవితాన్ని శాసించేవి కావు. ఈ ఒత్తిడిని జయించి, పరీక్షల్లో అద్భుతంగా రాణించడానికి నిపుణులు చెబుతున్న సూత్రాలు ఇక్కడ ఉన్నాయి. ఈ Video Link క్లిక్ చేసి చూడండి
మనం ఎందుకు ఒత్తిడిని తగ్గించుకోవాలి? (Why should we?)
ఒత్తిడి అనేది కేవలం మానసికమైనదే కాదు, అది మన శారీరక ఆరోగ్యంపై కూడా ప్రభావం చూపుతుంది. జ్ఞాపకశక్తి పెరగడానికి: మన మెదడు ప్రశాంతంగా ఉన్నప్పుడే సమాచారాన్ని చక్కగా "రీకలెక్షన్" (Recollection) చేయగలదు. ఆందోళనలో ఉంటే తెలిసిన విషయాలు కూడా గుర్తుకురావు. ఆరోగ్యం కోసం: విపరీతమైన స్ట్రెస్ వల్ల కొంతమంది విద్యార్థులకు జ్వరం రావడం, వాంతులు అవ్వడం వంటి సమస్యలు తలెత్తుతాయి. మెరుగైన ఫలితాల కోసం: మనసు ప్రశాంతంగా ఉంచుకుని పరీక్ష రాస్తే, మీ సాధారణ పర్ఫార్మెన్స్ కంటే 10% నుండి 30% వరకు మెరుగైన ఫలితాలు సాధించవచ్చని పరిశోధనలు చెబుతున్నాయి.
ఏమి చేయకూడదు? (What NOT to do!)
చాలా మంది విద్యార్థులు తెలియకుండానే కొన్ని తప్పులు చేస్తూ ఒత్తిడిని పెంచుకుంటారు. అవి ఏంటంటే:
అతిగా ఆశించడం: "నాకు ఖచ్చితంగా స్టేట్ ఫస్ట్ రావాలి" లేదా "470 కి 470 రావాలి" అని పరీక్షకు వెళ్లే ముందు టార్గెట్లు పెట్టుకోకండి. ఈ ఆలోచనలే మిమ్మల్ని టెన్షన్ పెడతాయి. పోలికలు వద్దు: మీ అన్నయ్యకో, పక్కింటి అబ్బాయికో వచ్చిన మార్కులతో మిమ్మల్ని మీరు పోల్చుకోకండి. తల్లిదండ్రులు కూడా పిల్లలపై ఇలాంటి ప్రెజర్ పెట్టకూడదు. మార్కులు లెక్కపెట్టడం: క్వశ్చన్ పేపర్ చూడగానే "నాకు ఇన్ని మార్కులు వస్తాయి, ఇన్ని రావు" అని లెక్కలు వేయకండి. దీనివల్ల కాన్సంట్రేషన్ దెబ్బతింటుంది. పక్కవారిని చూడటం: ఎగ్జామ్ హాల్ లో పక్కవాడు ఎన్ని అదనపు పేపర్లు (Additionals) తీసుకున్నాడు అనేది మీకు అనవసరం. అది చూస్తే మీ బ్రెయిన్ డైవర్ట్ అయి ఒత్తిడి పెరుగుతుంది.
ఎలా సిద్ధమవ్వాలి? విజేతల సూత్రాలు (How to Prepare?)
రాతపూర్వక ప్రాక్టీస్: కేవలం నోటితో చదవడం కంటే, రాస్తూ చదవడం వల్ల ఎక్కువ లాభం ఉంటుంది. "ఒకసారి రాయడం.. పదిసార్లు చదవడంతో సమానం". సమయ పాలన (Time Planning): ఏ సెక్షన్ కి ఎంత సమయం కేటాయించాలి? (2 మార్కుల ప్రశ్నలకు ఎంత? 10 మార్కుల ప్రశ్నలకు ఎంత?) అనేది ముందే ప్లాన్ చేసుకోండి. దీనివల్ల చివరి నిమిషంలో హడావిడి ఉండదు. పాజిటివ్ థింకింగ్: "నేను చదివింది బాగా రాస్తాను, తెలియని ప్రశ్నలు వస్తే ఊహించి రాస్తాను" అనే క్లియర్ పిక్చర్ తో పరీక్ష హాల్ లోకి అడుగు పెట్టండి. ఏకాగ్రత: పరీక్ష రాస్తున్న ఆ రెండున్నర గంటలు ప్రపంచాన్ని మర్చిపోయి, కేవలం మీ పేపర్ మీద మాత్రమే దృష్టి పెట్టండి.
ప్రశ్నలు - సమాధానాలు (Q&A)
ప్రశ్న: నేను బాగా చదివాను, కానీ పరీక్ష హాల్ లోకి వెళ్ళగానే అంతా మర్చిపోతున్నాను. ఎందుకు?
జవాబు: దీనికి ప్రధాన కారణం "ఆలోచనల ఒత్తిడి". పరీక్ష ఫలితం ఎలా ఉంటుందో, మార్కులు ఎన్ని వస్తాయో అని అతిగా ఆలోచించడం వల్ల మెదడు మొద్దుబారిపోతుంది. ఫలితం గురించి కాకుండా, కేవలం ఆన్సర్ రాయడం మీద దృష్టి పెడితే మర్చిపోయే సమస్య ఉండదు.
ప్రశ్న: పరీక్షల సమయంలో పేరెంట్స్ పాత్ర ఏమిటి?
జవాబు: పేరెంట్స్ పిల్లలకు హోమ్ కౌన్సెలింగ్ ఇవ్వాలి. వారిని భయపెట్టకుండా, వారిలో ధైర్యాన్ని నింపాలి. కార్పొరేట్ సంస్థలు పెట్టే ప్రెజర్ నుంచి పిల్లలను కాపాడాలి.
గుర్తుంచుకోండి, పరీక్షలు మీ జీవితంలో ఒక భాగం మాత్రమే. ప్రశాంతమైన మనసుతో, సరైన ప్రణాళికతో ముందడుగు వేస్తే విజయం మీదే. ఆల్ ది బెస్ట్!
మరిన్ని ఆసక్తికరమైన ఆరోగ్య మరియు విద్యా విషయాల కోసం మా యూట్యూబ్ ఛానెల్ ని సందర్శించండి! మీరు పరీక్షల ఒత్తిడిని ఎలా జయించాలి? జ్ఞాపకశక్తిని ఎలా పెంచుకోవాలి? వంటి మరిన్ని చిట్కాలను వీడియో రూపంలో చూడాలనుకుంటే ఇప్పుడే మా TeluguOne Health యూట్యూబ్ ఛానెల్లో చూడిండి. మీ విజయ ప్రయాణంలో మేము తోడుంటాం! (సబ్స్క్రైబ్ చేయడం మర్చిపోకండి!)
నేటి సమాజంలో పెళ్లి అనేది కేవలం రెండు కుటుంబాల కలయిక మాత్రమే కాదు, అది ఇద్దరు వ్యక్తుల జీవితకాల ప్రయాణం. అయితే, మారుతున్న కాలంతో పాటు యువత ఆలోచనలు, వారి భయాలు కూడా మారుతున్నాయి. చాలా సందర్భాలలో తల్లిదండ్రులు తమ పిల్లల కోసం సంబంధాలు చూసేటప్పుడు, వారి మనసులోని మాటను గమనించకుండా తొందరపడుతుంటారు. దీనివల్ల పెళ్లి కుదరకపోవడమే కాకుండా, పిల్లల మనసుపై అది తీవ్ర ప్రభావం చూపుతుంది. అరేంజ్డ్ మ్యారేజ్ విషయంలో మనం అనుసరించాల్సిన పద్ధతులు, చేయకూడని పొరపాట్ల గురించి కాకతీయ మ్యారేజ్ డైరెక్టర్ నవీనా యలమంచి గారు చెప్పిన విషయాలను ఈ Video Link లింక్ క్లిక్ చేసి చూడండి
మనం ఎందుకు జాగ్రత్తగా ఉండాలి? (Why Should We?)
పెళ్లి సంబంధం చూసే ప్రక్రియలో పారదర్శకత లేకపోతే, అది కేవలం సమయాన్ని వృథా చేయడమే కాకుండా ఎదుటి కుటుంబం యొక్క శ్రమను, ఆశలను కూడా నీరుగారుస్తుంది. పిల్లలు సిద్ధంగా లేనప్పుడు వారిపై ఒత్తిడి తెస్తే, వారు ఎదుటి వారితో "నాకు ఇష్టం లేదు" అని చెప్పడం వల్ల రెండు కుటుంబాల మధ్య అనవసరమైన మనస్పర్థలు ఏర్పడతాయి. సరైన అవగాహన లేకుండా సంబంధాలు చూస్తే, భవిష్యత్తులో పిల్లలు మరే సంబంధాన్ని చూడటానికి కూడా ఇష్టపడరు.
సంబంధాలు చూసేటప్పుడు తల్లిదండ్రులు తెలియకుండానే కొన్ని తప్పులు చేస్తుంటారు:
బలవంతం చేయడం: పిల్లలు పెళ్లికి మానసికంగా సిద్ధంగా లేనప్పుడు వారిని బలవంతంగా సంబంధాలు చూడమని ఫోర్స్ చేయకూడదు. ముందస్తు చర్చ లేకపోవడం: ఇంట్లో పిల్లలతో మాట్లాడి, వారి అభిప్రాయాలు తెలుసుకోకుండా బయట సంబంధాలు వెతకడం వల్ల ఫలితం ఉండదు. భయాలను విస్మరించడం: "నా ఫ్రెండ్స్ ఎవరూ పెళ్లి చేసుకుని హ్యాపీగా లేరు" లేదా "అపరిచిత వ్యక్తితో జీవితం ఎలా ఉంటుంది?" అనే పిల్లల భయాలను కొట్టిపారేయకండి. వారి భయాలు చాలా జెన్యూన్ అయి ఉండవచ్చు.
పరిస్థితిని చక్కదిద్దడానికి మరియు పిల్లలను పెళ్లికి సిద్ధం చేయడానికి ఈ పద్ధతులు పాటించండి:
కౌన్సెలింగ్ మరియు మాటామంతి: పిల్లలు మీతో ఓపెన్ అవ్వనప్పుడు, వారి మనసులో ఏముందో తెలుసుకోవడానికి ఓపికగా ప్రయత్నించండి లేదా నిపుణుల సహాయం తీసుకోండి.
అవకాశం ఇవ్వండి: పిల్లలు ఎదుటి వారితో మాట్లాడటానికి ఇష్టపడకపోయినా, కనీసం ఒకరిద్దరిని కలిసేలా ప్రోత్సహించండి. సరైన వ్యక్తి (Right Person) తారసపడినప్పుడు వారిలోని భయాలు సహజంగానే తొలగిపోతాయి. ఇంటి గుట్టు ముఖ్యం: ముందుగా మీ ఇంట్లో చర్చలు జరిపి, పిల్లలను ఒప్పించిన తర్వాతే పబ్లిక్గా సంబంధాలు చూస్తున్నామని చెప్పడం గౌరవప్రదంగా ఉంటుంది.
ప్రశ్నలు - సమాధానాలు (Q&A)
ప్రశ్న: పిల్లలు సంబంధం చూడటానికి వచ్చినప్పుడు 'ఐ యామ్ నాట్ రెడీ' అని ఎందుకు అంటారు?
జవాబు: దీనికి అనేక కారణాలు ఉండవచ్చు. వారు కెరీర్ మీద దృష్టి పెట్టాలని అనుకోవచ్చు లేదా అపరిచిత వ్యక్తులతో ప్రేమను ఎలా పంచుకోవాలో తెలియక భయపడవచ్చు. తల్లిదండ్రుల ఒత్తిడి వల్ల కూడా వారు ఇలాంటి సమాధానాలు ఇస్తుంటారు.
ప్రశ్న: పిల్లల భయాలు ఎప్పుడు తొలగిపోతాయి?
జవాబు: అరేంజ్డ్ మ్యారేజ్ అయినా, మరేదైనా సరే.. ఒక సరైన వ్యక్తిని కలిసినప్పుడు, వారితో మాటలు కలిసినప్పుడు మాత్రమే ఇలాంటి సందేహాలు, భయాలు క్లియర్ అవుతాయి. అంతవరకు మనం ఎన్ని చెప్పినా వారి భయం తగ్గదు.
ప్రశ్న: ఒక సంబంధం తప్పిపోతే పిల్లలపై ఎలాంటి ప్రభావం ఉంటుంది?
జవాబు: ఒకసారి చేదు అనుభవం ఎదురైతే, తర్వాత వచ్చే మంచి సంబంధాలను కూడా పిల్లలు వద్దని తిరస్కరించే అవకాశం ఉంది. అందుకే ఇంట్లో పరిస్థితిని సెట్ చేసుకున్నాకే బయట సంబంధాలు చూడాలి.
పెళ్లి అనేది జీవితంలో ఒక ముఖ్యమైన మలుపు. పిల్లల భావోద్వేగాలను అర్థం చేసుకుని, వారి భయాలను గౌరవిస్తూ ముందుకు వెళ్ళినప్పుడే అరేంజ్డ్ మ్యారేజ్ విజయవంతం అవుతుంది. వారిని బలవంతం చేయడం కంటే, వారికి నమ్మకాన్ని కలిగించడం ముఖ్యం.
మరిన్ని ఆసక్తికరమైన విషయాలు మరియు రిలేషన్షిప్ సలహాల కోసం మా యూట్యూబ్ ఛానల్ని సందర్శించండి! 👉మా యూట్యూబ్ ఛానల్ కోసం ఇక్కడ క్లిక్ చేయండి: [www.youtube.com/@Naveenacolumn ] (సబ్స్క్రైబ్ చేయడం మర్చిపోకండి!)
.webp)
హోళీ అంటే భారతీయులకి మాత్రమే ప్రత్యేకమైన పండుగ. ఎక్కడో ఈశాన్యంలోని మణిపూర్లో ఉన్నా, ఖండాలు దాటుకుని ఏ అమెరికాలో ఉన్నా.... హోళీనాడు రంగు చేతపట్టని భారతీయుడు ఉండదు. ఇందులో ఒకో ప్రాంతానిదీ ఒకో ప్రత్యేకత. ఒకరి మీద ఒకరు రంగులు చల్లుకోవడం ప్రపంచంలో బహుశా మన హోళీ సందర్భంలో మాత్రమే కనిపిస్తుంది. కానీ జీవితాన్ని రంగులమయం చేసుకునే ప్రయత్నం మాత్రం చాలా దేశాల్లో ఉంది...
టమాటాల పండుగ
స్పెయిన్లోని వలెన్సియాన్ నగరంలో ఏటా ఈ పండుగ చేసుకుంటారు. ఆగస్టు చివరి బుధవారం జరుపుకొనే ఈ పండుగలో ఒకరి మీద ఒకరు టమోటాలు విసురుకుంటారు. 1945 నుంచి మొదలైన ఈ పండుగ రాన్రానూ ప్రచారాన్ని అందుకుంటోంది. నిజానికి ఈ సంప్రదాయం ఎలా మొదలైందో ఎవరికీ తెలియదు. కొందరు కుర్రకారు టమాటాలతో కొట్టుకున్న గొడవ ఇలా మారిందనీ, ఓ టమాటా లారీ బోల్తా పడటంతో ఈ సంప్రదాయం మొదలైందనీ, ఊళ్లో కౌన్సిల్ సభ్యుల మీద కోపం వచ్చిన పౌరులు టమాటాలను విసరడంతో ఈ ఆచారానికి పునాది ఏర్పడిందనీ రకరకాల వాదనలు ఉన్నాయి. కారణం ఏదైనా ఆ రోజు సంబరం మాత్రం అంబరాన్ని అంటుతుంది. ఆ సందర్భంగా ఎవ్వరికీ ఎలాంటి గాయం జరగకుండా చాలా నియమాలనూ పాటించాల్సి ఉంటుంది.
ఒకటే రంగు
నెదర్లాండ్ రాజుగారైనా విలియం అలగ్జాండర్ పుట్టినరోజు సందర్భంగా ఆ దేశంలో జరుపుకొనే సంబరాలే ‘Koningsdag’. ఈ రోజున నెదర్లాండ్స్ యావత్తూ ఆ దేశపు రంగైన నారింజరంగుతో నిండిపోతుంది. గోడల మీద నారింజ రంగు కనిపిస్తుంది. జనమంతా నారింజరంగు బట్టలు వేసుకుని తిరుగుతారు. ఆఖరికి జుట్టుకి కూడా నారింజ రంగు వేసుకుంటారు.
ద్రాక్ష ఎరుపులో
మందుప్రియులందరి నోరూరేలాంటి ఓ పండుగ ఉంది. అదే స్పెయిన్లో జరిగే ‘హారో వైన్ ఫెస్టివల్’. ఏటా జూన్ 29న ఆ దేశంలోని క్రైస్తవ సన్యాసి ‘శాన్ పెడ్రో’ జ్ఞాపకార్థం ఈ పండుగ జరుగుతుంది. హారో అనే ఊరిలో జరిగే ఈ పండుగలో ఊరి జనమంతా ఉదయం నుంచే ద్రాక్షసారాయి నిండిన పాత్రలతో బయల్దేరతారు. దారిలో తమకు ఎదురుపడినవారందరి మీదా ఈ సారాయిని ఒంపుతూ ముందకుసాగుతారు. సాయంత్రం అయ్యేసరికి ఊరంతా ద్రాక్షమయంగా మారిపోతుందన్నమాట. ఇక ద్రాక్షసారాని ఒంపుకోవడమే కాదు... దానిని తాగడంలో కూడా బోలెడు పోటీలు జరుగుతాయి.
నారింజ యుద్ధం
ఇటలీలోని ఇవ్రియా అనే పట్నంలో జరిగే పండుగ ఇది. దీని మూలాలు ఎప్పుడో 13వ శతాబ్దంలో ఉన్నాయని చెబతారు. అప్పట్లో రాజవంశానికి చెందిన వ్యక్తి, ఓ పల్లెటూరి పిల్లని బలాత్కారం చేయబోయాడట. దానికి తిప్పికొట్టిన ఆ అమ్మాయి, ఏకంగా ఆ వ్యక్తి తలని నరికేసిందని చెబుతారు. అంతేకాదు! విషయం తెలుసుకున్న పౌరులంతా కలిసి రాజవంశం మీద తిరగబడ్డారట. ఆనాటి ప్రతిఘటనకు గుర్తుగా ఇవ్రియావాసులు నారింజపండ్లని ఒకరిమీద ఒకరికి విసురుకుంటారు.
ప్రపంచవ్యాప్తంగా హోళీని తలపిస్తూ రంగులతో నిండే ఇలాంటి పండుగలు చాలానే ఉంటాయి. వాటిలో ముఖ్యమైనవి మాత్రం పైన పేర్కొన్నవే!
- నిర్జర.
ప్రకృతి మనకు ప్రసాదించిన అనేక పండ్లలో కొన్ని మనకు తెలియని రహస్యాలను దాచుకుంటాయి. అలాంటి ఒక అరుదైన మరియు శక్తివంతమైన పండే 'బిహి' (Behi). దీనిని ఇంగ్లీష్ లో 'క్విన్స్' (Quince) అని, సంస్కృతంలో 'అమృతఫల' అని, తెలుగులో 'సీమ దానిమ్మ' అని పిలుస్తారు. సుమారు 2500 ఏళ్ల చరిత్ర కలిగిన ఈ పండు, పర్షియా (నేటి ఇరాన్) నుండి గ్రీస్, రోమ్ మరియు మధ్యప్రాచ్య దేశాలకు వ్యాపించింది. ప్రాచీన గ్రీకులు దీనిని 'ప్రేమ మరియు సంతాన సాఫల్యతకు' (Love and Fertility) చిహ్నంగా భావించేవారు. ఈ రోజు మనం ఈ 'బంగారు ఆపిల్' వంటి బిహి పండు విశిష్టతలను గురించి Dr SGV Satya (Unani Specialist) ఈ Video లింక్ క్లిక్ చేసి వివరంగా తెలుసుకుందాం.
మనం ఈ పండును ఎందుకు తీసుకోవాలి? (Why should we?)
బిహి పండు కేవలం రుచికరమైనదే కాదు, ఇది ఒక పోషకాల గని. దీనిని మీ ఆహారంలో చేర్చుకోవడానికి గల ముఖ్య కారణాలు ఇక్కడ ఉన్నాయి:
సంతాన సాఫల్యత మరియు పురుషుల ఆరోగ్యం: మగవారిలో స్పెర్మ్ కౌంట్ను (Sperm Count) అమాంతం పెంచే అద్భుత గుణం దీనికి ఉంది. అందుకే పురాతన కాలంలో పెళ్లికూతుళ్లకు పెళ్లికి ముందు దీనిని ఇచ్చే ఆనవాయితీ ఉండేది. బరువు తగ్గడానికి మరియు మధుమేహానికి: ఇది తక్కువ క్యాలరీలు ఉండి, పోషకాలు ఎక్కువగా ఉండే ఫ్రూట్. బరువు తగ్గాలనుకునే వారు, డయాబెటిక్ పేషెంట్లు, థైరాయిడ్ మరియు క్యాన్సర్ రోగులు కూడా దీనిని తమ డైట్లో చేర్చుకోవచ్చు.
జీర్ణక్రియ మెరుగుదల: ఇందులో ఫైబర్ కంటెంట్ ఎక్కువగా ఉండటం వల్ల మలబద్ధకం (Constipation) మరియు అల్సర్ వంటి సమస్యలను తగ్గిస్తుంది.
గుండె ఆరోగ్యం: పొటాషియం, కాపర్ మరియు ఐరన్ వంటి ఖనిజాలు పుష్కలంగా ఉండటం వల్ల ఇది రక్తపోటును (BP) అదుపులో ఉంచి గుండెను ఆరోగ్యంగా ఉంచుతుంది.
రోగనిరోధక శక్తి (Immunity): కరోనా సమయంలో ప్రభుత్వం విడుదల చేసిన 'జోషాంద' (Joshanda) కాడాలో బిహి గింజలను (Behi Dana) ఒక ముఖ్యమైన ఇంగ్రిడియంట్గా వాడారు. ఇది వైరస్లకు వ్యతిరేకంగా పోరాడి బాడీని స్ట్రెంథన్ చేస్తుంది.
ఎలా ఉపయోగించాలి? (How to use?) బిహి పండు నేరుగా తినడానికి చాలా పుల్లగా ఉంటుంది, కాబట్టి దీనిని ఈ క్రింది పద్ధతుల్లో తీసుకోవచ్చు:
మురబ్బా (Murabba): ఇది అత్యంత ప్రాచుర్యం పొందిన పద్ధతి. బిహి మురబ్బా ఏ యునానీ మందుల షాపులోనైనా దొరుకుతుంది.
తేనెతో కలిపి: డయాబెటిక్ పేషెంట్లు పంచదార పాకంలో చేసిన మురబ్బా కాకుండా, తేనెతో చేసిన దానిని ఎంచుకోవాలి.
జెల్లీలు మరియు షర్బత్లు: దీనితో జెల్లీలు, జామ్లు లేదా 'షర్బతే బిహి' వంటి పానీయాలు తయారు చేసుకోవచ్చు.
వంటల్లో: గ్రీస్ వంటి దేశాల్లో దీనిని నిమ్మరసంతో కలిపి ఉడికించి వంటల్లో వాడుతుంటారు.
ఏమి చేయకూడదు? (What NOT to do?) ఈ పండు ఆరోగ్యకరమైనదే అయినప్పటికీ, కొన్ని జాగ్రత్తలు తప్పనిసరి:
నేరుగా ఎక్కువగా తినకండి: ఇది చాలా పుల్లగా ఉండటం వల్ల నేరుగా పండును ఎక్కువగా తింటే జీర్ణ సమస్యలు వచ్చే అవకాశం ఉంటుంది. మధుమేహ రోగులు జాగ్రత్త: బయట దొరికే మురబ్బాలలో షుగర్ సిరప్ ఎక్కువగా ఉంటుంది. డయాబెటిస్ ఉన్నవారు తేనె లేదా తాటి బెల్లంతో ఇంట్లోనే తయారు చేసుకున్న మురబ్బాను వాడటం శ్రేయస్కరం. అపరిమితంగా వద్దు: ఇది మన దేశీయ పండు కాదు కాబట్టి, రోజుకు ఒక చిన్న టీస్పూన్ మురబ్బా తీసుకుంటే సరిపోతుంది. అతిగా తీసుకోకూడదు.
ప్రశ్నోత్తరాలు (Q&A):
ప్రశ్న: బిహి పండు కేవలం మగవారికి మాత్రమే ఉపయోగపడుతుందా?
సమాధానం: లేదు, ఇది అందరికీ ఆరోగ్యకరమైనది. అయితే పురుషులలో సంతానోత్పత్తి సామర్థ్యాన్ని పెంచడంలో ఇది విశేషంగా పనిచేస్తుంది.
ప్రశ్న: ఇది మార్కెట్లో దొరుకుతుందా?
సమాధానం: పండు దొరకడం కష్టమైనా, 'బిహి మురబ్బా' రూపంలో యునానీ స్టోర్లలో సులభంగా లభిస్తుంది.
ప్రశ్న: పిల్లలకు ఇది ఇవ్వవచ్చా?
సమాధానం: అవును, రోగనిరోధక శక్తి పెంచడానికి తక్కువ మోతాదులో మురబ్బాను ఇవ్వవచ్చు.
పురాతన కాలం నుండి ప్రాచుర్యంలో ఉన్న ఈ బిహి పండు మన ఆరోగ్యానికి ఒక వరం లాంటిది. ముఖ్యంగా నేటి కాలంలో ఎదుర్కొంటున్న సంతాన సమస్యలకు మరియు ఇమ్యూనిటీ సమస్యలకు ఇది చక్కని పరిష్కారం. ప్రకృతి ఇచ్చిన ఈ 'అమృతఫలాన్ని' సరైన పద్ధతిలో తీసుకుని ఆరోగ్యంగా ఉందాం.
మరిన్ని ఆసక్తికరమైన ఆరోగ్య చిట్కాలు మరియు ఇలాంటి అరుదైన పండ్ల గురించి వివరంగా తెలుసుకోవడానికి మా TeluguOne Health Youtube Channel సందర్శించండి! మా వీడియోలు మీకు నచ్చినట్లయితే లైక్ చేయండి, షేర్ చేయండి మరియు సబ్స్క్రైబ్ చేయడం మర్చిపోకండి.
మన శరీరంలోని ఐదు జ్ఞానేంద్రియాలలో చెవి అత్యంత సున్నితమైనది మరియు ముఖ్యమైనది. మనం ప్రపంచంతో మమేకమవ్వడానికి, ఇతరుల మాటలు వినడానికి, సంగీతాన్ని ఆస్వాదించడానికి వినికిడి శక్తి ఎంతో అవసరం. కానీ నేటి కాలంలో మనం మన చెవుల ఆరోగ్యాన్ని తీవ్రంగా నిర్లక్ష్యం చేస్తున్నాము. ఆ నిర్లక్ష్యం చివరకు మనల్ని శాశ్వత చెవుడు వైపు ఎలా నెడుతుందో, సీనియర్ ఈఎన్టీ సర్జన్ డాక్టర్ పి.వి.ఎల్.ఎన్. మూర్తి గారు పంచుకున్న కొన్ని కీలక విషయాలను ఈ Video Link క్లిక్ చేసి చూడండి
మనం చెవుల ఆరోగ్యంపై ఎందుకు శ్రద్ధ పెట్టాలి? (Why Should We?)
మన చెవి లోపల వినికిడికి సహాయపడే 'హెయిర్ సెల్స్' (Hair Cells) అనేవి ఉంటాయి. ఇవి చాలా సున్నితమైనవి. వీటి ప్రాముఖ్యత ఏమిటంటే:
శాశ్వత నష్టం: ఒకసారి ఈ హెయిర్ సెల్స్ దెబ్బతింటే, అవి మళ్ళీ తిరిగి రావు. మన శరీరంలోని ఇతర కణాలలాగా ఇవి మళ్ళీ పుట్టవు (Regeneration ఉండదు).
వృత్తిపరమైన జీవితం: వినికిడి లోపం ఉంటే మీటింగ్లలో ఇతరులు చెప్పేది అర్థం కాదు, దీనివల్ల నిర్ణయాలు తీసుకోవడంలో తప్పులు జరిగి మీ కెరీర్ దెబ్బతినవచ్చు.
భారీ ఖర్చు: ఒకవేళ వినికిడి పూర్తిగా పోయి ఆపరేషన్ (Cochlear Implant) చేయించుకోవాల్సి వస్తే, ఒక్క చెవికి 7 నుండి 10 లక్షల రూపాయల వరకు ఖర్చు అవుతుంది.
ఏం చేయకూడదు? (What Not To Do)
నిరంతర శబ్దాలు: 24 గంటలూ బ్లూటూత్ హెడ్సెట్లు లేదా ఇయర్ ఫోన్లు పెట్టుకుని వినకండి. దీనివల్ల హెయిర్ సెల్స్ అలసిపోయి (Fatigue) శాశ్వతంగా దెబ్బతింటాయి.
నిర్లక్ష్యం: చిన్నపాటి వినికిడి లోపం ఉన్నా "ఏం కాదులే" అని వదిలేయకండి. స్క్రీనింగ్ చేయించుకోకపోవడం వల్ల సమస్య తీవ్రమవుతుంది.
సామాజిక భయం: కళ్ళద్దాలు పెట్టుకున్నట్లే, అవసరమైతే హియరింగ్ ఎయిడ్ (Hearing Aid) పెట్టుకోవడానికి వెనుకాడకండి. లోకం ఏమనుకుంటుందో అన్న భయంతో సమస్యను పెంచుకోవద్దు.
దురలవాట్లు: ధూమపానం (Smoking) మరియు మద్యం అలవాటు వల్ల శరీరంలో ఆక్సిడేటివ్ స్ట్రెస్ పెరిగి లోపలి కణాలు దెబ్బతింటాయి.
చెవులను ఎలా కాపాడుకోవాలి? (How To Maintain Ear Health)
ఆరోగ్యకరమైన జీవనశైలి: డయాబెటిస్ (షుగర్), బీపీ మరియు కొలెస్ట్రాల్ను నియంత్రణలో ఉంచుకోవాలి. ఇవి పెరిగితే వినికిడి శక్తిపై ప్రభావం చూపుతాయి.
వ్యాయామం: యోగా, ప్రాణాయామం మరియు క్రమం తప్పకుండా శారీరక శ్రమ చేయడం వల్ల శరీరంలో మంచి హార్మోన్లు విడుదలయ్యి ఆరోగ్యం మెరుగుపడుతుంది.
ముందస్తు పరీక్షలు: చెవిలో బ్లాకేజ్ అనిపించినా, వినికిడి తగ్గినట్లు అనిపించినా వెంటనే 'ప్యూర్టోన్ ఆడియోమెట్రీ' లేదా 'ఎండోస్కోపీ' వంటి పరీక్షలు చేయించుకోవాలి.
నీటి జాగ్రత్తలు: స్నానం చేసేటప్పుడు లేదా స్విమ్మింగ్ చేసేటప్పుడు చెవిలోకి నీరు వెళ్లకుండా చూసుకోవాలి. నీరు వెళ్తే చెవిలోని గుబిలి (Wax) ఉబ్బిపోయి నొప్పి మరియు బ్లాకేజ్కి దారితీస్తుంది.
సాధారణ సందేహాలు - సమాధానాలు (Q&A)
ప్రశ్న: వయసు పెరగడం వల్ల వచ్చే వినికిడి లోపాన్ని మందులతో తగ్గించవచ్చా?
జవాబు: దీనిని 'ప్రెస్ బ్రాయకోసిస్' అంటారు. దీనికి మందులు లేదా ఆపరేషన్లు ఉండవు. ప్రివెన్షన్ (ముందస్తు జాగ్రత్త) మాత్రమే మార్గం. సమస్య ఎక్కువైతే హియరింగ్ ఎయిడ్ వాడాలి.
ప్రశ్న: పిల్లల్లో చెవి నొప్పి, బ్లాకేజ్ ఎందుకు వస్తుంది?
జవాబు: పిల్లల్లో జలుబు చేసినప్పుడు ఆ ఇన్ఫెక్షన్ చెవిలోకి చేరి బ్లాకేజ్ ఏర్పడుతుంది. దీనిని నిర్లక్ష్యం చేస్తే 'గ్లూ ఇయర్' (Glue Ear) గా మారి వినికిడి లోపం రావచ్చు. వెంటనే డాక్టరును సంప్రదించి చికిత్స తీసుకోవాలి.
ప్రశ్న: చెవిలో గుబిలి (Wax) ఉండటం తప్పా?
జవాబు: గుబిలి అనేది ఒక రక్షణ కవచం లాంటిది. కానీ అది ఎక్కువై ఇయర్ కెనాల్ను బ్లాక్ చేసినప్పుడు మాత్రమే సమస్య అవుతుంది. అప్పుడు డాక్టర్ ద్వారా క్లీన్ చేయించుకోవాలి.
మన ఆరోగ్యం మన చేతుల్లోనే ఉంది. వినికిడి లోపం అనేది కేవలం శారీరక సమస్య మాత్రమే కాదు, అది మన ఆత్మవిశ్వాసాన్ని కూడా దెబ్బతీస్తుంది. కాబట్టి ఇప్పటి నుంచే జాగ్రత్త పడండి.
మరిన్ని ఆరోగ్య సమాచారం కోసం మరియు ఇలాంటి ఆసక్తికరమైన వీడియోల కోసం మా 👉 (TeluguOne Health YouTube Channel) ని సందర్శించండి. సబ్స్క్రైబ్ చేసుకోవడం మర్చిపోకండి!
హోళి అంటే ఇష్టం లేనిది ఎవరికి?? చిన్న పిల్లల నుండి వృద్ధుల వరకు హోళి సందడిలో తమవంతు పాత్ర పోషిస్తారు. అయితే హోళి సంబరాలలో అక్కడక్కడా అపశ్రుతులు చోటుచేసుకుంటు ఉంటాయి. హోళిని హాయిగా ఎంజాయ్ చేస్తూ.. ఎలాంటి సమస్యలు ఉత్పన్నం కాకుండా ఉండాలంటే కొన్ని జాగ్రత్తలు అవసరం.
మీ చర్మ సంరక్షణ తప్పనిసరి:
చర్మాన్ని వీలైనంత జిడ్డుగా చేయడం చాలా ముఖ్యం, తద్వారా రంగులు చర్మం మీద వ్యాప్తి చెందడానికి లేదా అంటుకునే అవకాశం ఉండదు. ఇందుకోసం కొబ్బరి నూనె రాసుకోవచ్చు. కొబ్బరి నూనె వల్ల మరొక లాభం ఏంటంటే చర్మం పొడిబారకుండా చేస్తుంది. అలాగే శరీరం మీద రంగులు క్లీన్ చేయడం సులువు అవుతుంది.
సేంద్రీయ రంగుల ఎంపిక:
పర్యావరణ అనుకూలంగానే కాకుండా మన చర్మానికి కూడా అనుకూలమైన రంగులతో హోలీని జరుపుకోవాలి. హానికరమైన రసాయనాలు కలిపిన రంగులను నివారించాలి. రసాయనాలు కలిపిన రంగులు ప్రకాశవంతంగా కనిపిస్తాయి అంతేకాఫు ఇవి నీటిలో చాలా తొందరగా కలిసిపోతాయి. ఈ రంగులు చర్మం నుండి తొలగించడానికి చాలా కష్టపడాల్సి ఉంటుంది. చర్మాన్ని డ్యామేజ్ చేస్తాయి. ఇన్ఫెక్షన్లు, సైడ్ ఎఫెక్ట్ చూపిస్తాయి. బంతి పువ్వు, గులాబీ, మందారం, చెట్ల ఆకులు, పసుపు ఇలా పువ్వుల రెక్కల నుండి రంగులు తయారుచేసుకోవచ్చు. .
హైడ్రేటెడ్ గా ఉండాలి:
హోలీ వేసవిలో వస్తుంది, హోళి సమయానికి వేసవి మొదలైపోయి ఉంటుంది. దీనివల్ల బయట ఎండలు భగ్గుమంటుంటాయి. ఈ ఎండల్లో రంగులు చల్లుకుని ఎంజాయ్ చేసినా.. మరొకవైపు ఎండ దెబ్బ మాములుగా ఉండదు. కాబట్టి హైడ్రేటెడ్ గా ఉండటం చాలా అవసరం. నీరు, గ్లూకోజ్, జ్యూస్లు, శరీరాన్ని తిరిగి శక్తివంతం చేయడంలో సహాయపడతాయి. పైగా ఇవి చర్మం పొడిబారకుండా తేమగా ఉండేలా చేస్తాయి.
కళ్ళను తేలిగ్గా తీసుకోవద్దు:
మీరు రోజూ కాంటాక్ట్ లెన్స్లను ధరించేవారు అయితే, రంగులతో ఆడుకునే ముందు వాటిని తీసివేయడం మంచిది. కళ్ళజోడు మీద రంగులు లేదా నీళ్లు పడితే ఎదుటి ప్రాంతాన్ని మసగ్గా కనిపించేలా చేస్తాయి. ఇది ఇబ్బందే అనుకోవచ్చు. అలాగని కళ్ళజోడు లేకుండా హొలీ ఆడేటప్పుడు రంగులు నేరుగా కళ్ళలోకి పడకుండా అజాగ్రత్త పడాలి. సర్వేంద్రియానాం నయనం ప్రధానం అంటారు. కాబట్టి కళ్లను జాగ్రత్తగా చూసుకోవాలి.
స్వీట్ల దగ్గరా జాగ్రత్త:
హోలీ సమయంలో మార్కెట్లో కల్తీ ఖోయా, మావా అమ్ముతారు. ఇంకా ఇలాంటి కల్తీ పదార్థాలతో స్వీట్లు తయారుచేస్తారు. ఇలాంటివే ఆఫర్స్ కింద, డిస్కౌంట్ల కింద అమ్మేస్తారు. కాబట్టి స్వీట్స్ కొనేముందు జాగ్రత్తగా ఉండాలి. .
శరీరాన్ని ఇలా కవర్ చేయాలి:
హొలీ ఆడేటప్పుడు యావరేజ్ గా ఉన్న బట్టలు వేసుకోవాలి. దీనివల్ల వాటిమీద రంగులు వదలకపోయినా పెద్ద ఇబ్బంది ఉండదు. కానీ కొత్త బట్టలు అయితే నాశనం అయిపోతాయి. ఫుల్ హాండ్స్ ఉన్న టాప్స్, ఫుల్ గా కాళ్లను కవర్ చేసే ప్యాంట్స్ వేసుకోవాలి. దీనీవల్ల రంగులు శరీరాన్ని పాడుచేసే అవకాశం తక్కువ. పాత డెనిమ్ జీన్స్, పొడవాటి పైజామాలను ఎంచుకోవచ్చు.
ఇలా ఆరోగ్యకరమైన హోళిని ఎంజాయ్ చేసి, ఆరోగ్యంగా ఉండండి.
◆నిశ్శబ్ద.