LATEST NEWS
The parents of some students from Bangalore were shocked when they looked into the text book of their children. The text book named ‘Current School Essays and Letters’ by Purabi Chakraborty has a controversial chapter named `Modern Girl’. Well if you are wondering why this chapter has become controversial, have a look at some of the statement mentioned in the chapter- “a modern girl is a self-centred creature than a loving daughter or sympathetic sister... She loves to wear jeans, pants and hot pants. The colourful saree has no place in the modern girl’s stock of garments.”  “She is eager to enjoy life fully and so she does not want to miss any party, cinema show, concert, fashion parades and such outdoor activities. She talks and makes friendship with boys freely and easily.” The Central Board of Secondary Education (CBSE) had to step into the scene and issue a warning to the schools to be careful while selecting text books for the students.
  The flash floods in Kerala have caused a devastation that could only occur once in a hundred years. Hundreds of people have lost their lives and property worth thousands of crores has been destroyed. However here is an interesting allegation from Kerala. The state has filed an affidavit with the Supreme Court claiming that Tamil Nadu is solely responsible for these flash floods. It accused that sudden release of flood waters from the Mullaperiyar dam was a cause for the floods in the State. Kerala has further alleged that their neighbouring state has ignored their continuous requests to release the water in a step by step process. However, Tamil Nadu has denied these allegations and said that they have given enough warnings to Kerala regarding the release of water.
  Well! All these days we have a feeling that Andhra Pradesh has suffered a huge loss of bifurcation of the state. Nothing has gone in the favour of the new state since four years. But now... here is a reason for the people in AP to have a broad smile. The Mines and Geology department has found a huge treasure in Chigargunta and Bisanatham areas of Chittoor district. The government officials have estimated that 1.83 metric tonnes of gold ore is present in the area and 9.4 tonnes of gold can be produced from the ore. The government might grab more than thousand crores by auctioning the ore. And that’s not the end of the news. The government is planning to revive defunct gold mines present in Anantapur district.
  India has achieved an exceptional record in the ongoing Asian Games. Rahi Sarnobat has become the first Indian woman to grab a gold medal in the 67 year old history of Asian Games. However the achievement of Rahi was not surprising looking at her past. She has already bagged two gold medals at the 2010 Delhi Commonwealth Games and a bronze in the 25m pistol pairs event at the 2014 Incheon Asian Games. She is also the sixth Indian to shoot  gold in the Asian games. India now stands at the 7th position with 4 gold, 3 silver and 8 bronze medals. And there are many more events yet to come which could shower medals to Indian athletes.  
Humanity would certainly show up from unexpected parts when a calamity occurs. Here is an example for that. A temple hall in Kochukadavu village of Thrissur district was offered for Eid prayers during the holy festival of Bakrid. Around 200 Muslim devotees entered the temple hall and participated in the prayers as the nearby mosque at Kochukadavu still remained in flood waters. The temple hall was also serving as the relief camp for the people of Kochukavdu and nearby Kuzhur village as well. However this is not only the isolated incident of communal harmony in Kerala. A mosque in Malappuram district has provided shelter and food to neighbouring Hindu families.
ALSO ON TELUGUONE N E W S
  జాన్ అబ్రహాం హీరోగా నటించిన 'బాట్లా హౌస్' మూవీ సక్సెస్ పార్టీలో స్టైలిష్ స్టార్ అల్లు అర్జున్ స్పెషల్ ఎట్రాక్షన్‌గా నిలిచాడు. ముంబైలో బుధవారం జరిగిన ఈ పార్టీలో ఆ మూవీ డైరెక్టర్ నిఖిల్ అద్వానీతో బన్నీ కలిసున్న ఫొటోలు ఇప్పుడు సోషల్ మీడియాలో హల్‌చల్ చేస్తున్నాయి. వచ్చే ఏడాది బన్నీ బాలీవుడ్ సినిమా చేయనున్నాడనే ప్రచారానికి ఈ సక్సెస్ పార్టీ ఊతమిచ్చింది. ఈ పార్టీకి బన్నీ సింపుల్ వైట్ షర్ట్, బ్లాక్ ట్రౌజర్స్‌తో అటెండ్ అయ్యాడు. ఇప్పటికే నిఖిల్ అద్వానీ కథ వినిపించాడనీ, బన్నీ సైతం దానికి గ్రీన్ సిగ్నల్ ఇచ్చాడనీ బాలీవుడ్ వర్గాలు చెబుతున్నాయి. అల్లు అర్జున్ నటించిన సినిమాలు హిందీలో అనువాదమై జాతీయ ఎంటర్‌టైన్‌మెంట్ చానళ్లలో ప్రసారమవుతూ మంచి రేటింగ్ సాధిస్తున్నాయి. యూట్యూబ్‌లోనూ ఆ సినిమాలకు అత్యధిక సంఖ్యలో వ్యూస్ వస్తున్నాయి. దీంతో అతనితో నేరుగా సినిమాలు చెయ్యాలని బాలీవుడ్ డైరెక్టర్స్ భావిస్తున్నారు. కాగా, బన్నీ ప్రస్తుతం త్రివిక్రం దర్శకత్వంలో 'అల.. వైకుంఠపురములో..' అనే సినిమా చేస్తున్నాడు. పూజా హెగ్డే నాయికగా నటిస్తోన్న ఈ మూవీలో టబు ఒక కీలక పాత్ర చేస్తున్నారు. ఇది తండ్రీ కొడుకుల అనుబంధం చుట్టూ నడిచే కథగా వినిపిస్తోంది. బన్నీ తండ్రిగా మురళీశర్మ నటిస్తున్నట్లు సమాచారం. హాలీవుడ్ ఫిల్మ్ 'ది ఇన్వెన్షన్ ఆఫ్ లయింగ్'ను ఆధారం చేసుకొని ఈ మూవీ స్క్రిప్టును త్రివిక్రం రూపొందించాడనే ప్రచారం ఫిలింనగర్‌లో నడుస్తోంది. అందులో ఎంత నిజముందో సినిమా విడుదలయ్యాకే తెలుస్తుంది. వచ్చే ఏడాది సంక్రాంతికి 'అల.. వైకుంఠపురములో..' చిత్రం ప్రేక్షకుల ముందుకు రానున్నది. ఈ సినిమా తర్వాత సుకుమార్ దర్శకత్వంలో సినిమా చేసేందుకు ఇప్పటికే బన్నీ గ్రీన్ సిగ్నల్ ఇచ్చాడు. బహుశా దాని తర్వాత అతను బాలీవుడ్‌కు వెళ్లే అవకాశం ఉంది.
  ఆగస్ట్ 22 చిరంజీవి పుట్టినరోజు. సినీ ఫీల్డులో ఎంత గొప్పవాళ్లకైనా కష్టాలు తప్పవు. ఫ్లాపులతో సతమతమవక తప్పదు. మెగాస్టార్ చిరంజీవి సైతం అందుకు అతీతుడు కాదు. 1978లో 'ప్రాణం ఖరీదు'తో కెరీర్ మొదలుపెట్టిన చిరంజీవి, 1983లో వచ్చిన 'ఖైదీ'తో స్టార్‌గా మారారు. అప్పట్నుంచీ ఒక దశాబ్ద కాలం ఆయనకు తిరుగనేదే లేకుండా పోయింది. ఈ మధ్యలో ఆయన మెగాస్టార్‌గా కూడా బాక్సాఫీసును అనేక సార్లు బద్దలు కొడుతూ వచ్చారు. కానీ ఆ తర్వాత మూడేళ్ల కాలం ఆయన కెరీర్‌లో ఒక పీడకలగా మారింది. 1993లో రిలీజైన 'ముఠామేస్త్రి' మూవీ తర్వాత ఆయన చేసిన సినిమాలు ఒక దాని తర్వాత ఒకటిగా ఫ్లాపవుతూ వచ్చాయి. 'మెకానిక్ అల్లుడు', 'ముగ్గురు మొనగాళ్లు', 'ఎస్.పి. పరశురాం', 'బిగ్ బాస్', 'రిక్షావోడు' సినిమాలు బాక్సాఫీస్ దగ్గర గల్లంతయ్యాయి. 'బిగ్ బాస్' కంటే ముందు వచ్చిన 'అల్లుడా మజాకా' సినిమా ఫర్వాలేదనిపించుకున్నా బూతు సినిమాగా దానికి వచ్చిన పేరు, అత్త కేరెక్టర్ చేసిన లక్ష్మితో చిరంజీవి చేసిన సరసాలు విపరీతమైన విమర్శలనీ, కాంట్రవర్సీనీ సృష్టించాయి. ఇది మెగాస్టార్‌గా ఆయన సాధించుకున్న ప్రతిష్ఠకు మచ్చ తెచ్చింది. 'రిక్షావోడు' డిజాస్టర్‌తో ఆయన పునరాలోచనలో పడ్డారు. తర్వాత ఎలాంటి సబ్జెక్టును ఎంచుకోవాలో పాలుపోని స్థితిని ఎదుర్కొని, ఏడాది పాటు ఖాళీగా ఉండిపోయారు. నిజంగా అది మెగాస్టార్‌కు సంకట స్థితే. ఆ టైంలో ఆయన దృష్టికి వచ్చింది ఒక మలయాళీ సినిమా. అది మమ్ముట్టి టైటిల్ రోల్ చేసిన 'హిట్లర్'. ఐదుగురు చెల్లెళ్లకు అన్నగా మమ్ముట్టి చేసిన నటన, కథలోని సెంటిమెంట్ ఆ సినిమాని హిట్ చేశాయని అర్థం చేసుకున్న చిరంజీవి.. ఆ కథ తనకు సరిపోతుందని భావించారు. ఆయన బావమరిది, సన్నిహితుడు అల్లు అరవింద్ సైతం ఆయనను సపోర్ట్ చేశారు. నిర్మాత ఎడిటర్ మోహన్ ఆ సినిమాని రీమేక్ చేసేందుకు ముందుకు వచ్చారు. అయితే ఆ సినిమాకి డైరెక్టర్‌గా ఎవర్ని ఎంచుకోవాలనే సమస్య ఎదురైంది. అప్పట్లో సెంటిమెంట్ సినిమాలు చేసి, విజయాలు అందుకున్న ముత్యాల సుబ్బయ్య పేరును చిరంజీవికి సూచించారు ఎడిటర్ మోహన్. అప్పటికే ఆయన బేనర్‌లో ముత్యాల సుబ్బయ్య 'మామగారు' వంటి సెంటిమెంట్ సినిమాని డైరెక్ట్ చేసి హిట్ కొట్టారు. పైగా అదే సమయంలో వెంకటేశ్, సౌందర్య జంటగా ఆయన రూపొందించిన 'పవిత్ర బంధం' సూపర్ హిట్టయింది. ఈ విషయాలు ఎడిటర్ మోహన్ చెప్పగానే చిరంజీవి, అరవింద్ కూడా సరేనన్నారు. అలా చిరంజీవి, ముత్యాల సుబ్బయ్య తొలి కాంబినేషన్‌లో మలయాళ 'హిట్లర్' తెలుగు రీమేక్ అదే టైటిల్‌తో రూపొందింది. ఆ సినిమా మేకింగ్‌లో ఉన్నప్పుడు చిరంజీవి ఫ్యాన్స్ నుంచి బెదిరింపుల్లాంటి ఉత్తరాలు అందుకున్నారు ముత్యాల సుబ్బయ్య. "మా బాస్ సినిమాని డైరెక్ట్ చేస్తున్నారు. ఆయన్ని బాగా చూపించాలి, ఒళ్లు దగ్గర పెట్టుకొని చేయండి" అనేది ఆ ఉత్తరాల్లోని సారాంశం. అయితే వాటికి సుబ్బయ్య భయపడలేదు. తనేం తీస్తున్నననే విషయంలో ఆయనకు క్లారిటీ ఉంది. సబ్జెక్టుపై కాన్ఫిడెన్స్ ఉంది. టైటిల్ రోల్‌ను చిరంజీవి బ్రహ్మాండంగా చేశారు. సెంటిమెంట్‌ను బాగా పండించారు. దానికి కామెడీ జోడై, మూవీ సూపర్ హిట్టయింది. ఎంత హిట్టంటే ఒరిజినల్ కంటే, తమిళ, కన్నడ, హిందీ రీమేక్స్ కంటే పెద్ద హిట్టు. అలా మూడేళ్ల మెగాస్టార్ కెరీర్ స్లంప్‌కు 'హిట్లర్' చెక్ పెట్టేసింది. అలా మెగాస్టార్ కెరీర్‌లో సెకండ్ ఇన్నింగ్స్ మొదలైంది. ఆయన కెరీర్‌ను గాడిలో పెట్టిన డైరెక్టర్‌గా ముత్యాల సుబ్బయ్య పేరు తెచ్చుకున్నారు. అంతేకాదు.. చిరంజీవి నుంచి మొబైల్ ఫోన్‌ను గిఫ్ట్‌గా కూడా అందుకున్నారు. అవును. అప్పుడప్పుడే మొబైల్ ఫోన్లు వస్తున్నాయి. ఖరీదైన అవి పెద్ద పెద్ద వాళ్ల దగ్గర మాత్రమే ఉండేవి. ముత్యాల సుబ్బయ్య వాడిన తొలి మొబైల్ ఫోన్ మెగాస్టార్ ఇచ్చిన కానుకే!
  హై బడ్జెట్, హై టెక్నికల్ వాల్యూస్ తో రూపొందిన 'సాహో' చిత్రం ఆగష్టు 30 న విడుదలకు సిద్దమవుతున్న సందర్భంగా యంగ్ రెబెల్ స్టార్ ప్రభాస్ నేషనల్, ఇంటెర్నేషనల్ మీడియా తో ఇంటరాక్ట్ అవుతున్నాడు. ఇందులో భాగంగా ఇటీవల ఓ ఇంగ్లీష్ పేపర్ తో మాట్లాడిన ప్రభాస్ కు అనుష్కతో ఉన్న రిలేషన్ గురించి ఒక  ప్రశ్న ఎదురైంది. దీనికి బదులిస్తూ ప్రభాస్ ... "మా ఇద్దరిలో ఎవరో ఒకరు పెళ్లి చేసుకుంటే కానీ, ఈ ప్రశ్నకు ఫుల్ స్టాప్ పడేలా లేదు. ఇక ఈ విషయం గురించి అనుష్కతో ఒకసారి మాట్లాడాల్సిందే. తనని అయినా... త్వరగా పెళ్లి చేసుకో అని చెప్పాల్సిందే" అంటూ సమాధానము  చెప్పుకొచ్చాడు ప్రభాస్.  ఇలాంటి న్యూస్ ఎందుకు వస్తున్నాయో తెలియట్లేదు. నిజంగా అలాంటిది ఉంటే దాచాల్సిన అవసరం ఏముంది. ఇలాంటి ఫేక్ న్యూస్ స్ప్రెడ్ చేయడం మంచి పద్దతి కాదంటూ చెప్పుకొచ్చాడు. ఇక ప్రభాస్ నటించిన 'సాహో' సినిమా వరల్డ్ వైడ్ గా ఆగష్టు 30 న రిలీజ్ కాబోతుంది.
  తెలుగులో  ప్లాప్ సినిమాలకు కేరాఫ్ అడ్రస్ గా నిలిచే డైరెక్టర్ మెహర్ రమేష్ అని చెప్పొచ్చు. షాడో తర్వాత ఇంతవరకు ఈయన డైరెక్షన్ లో ఏ సినిమా రాలేదు. అయితే అల్లు అరవింద్ , హీరో మహేష్ లాంటి బిగ్ సినీ  పర్సనాలిటీస్ తో మాత్రం సన్నిహితం గా ఉంటూ వస్తున్నారు. ఇక  త్వరలో మెహర్ రమేష్  డైరెక్టర్ గా రీ  ఎంట్రీ ఇవ్వబోతున్నట్లు ప్రచారం జరుగుతోంది. ఒకసారి ఆ వివరాల్లోకి వెళితే... మహేష్ బాబు నిర్మాణ రంగం లోకి అడుగుపెడుతూ.. వెబ్ సిరీస్  తో పాటు సినిమాలు కూడా నిర్మిస్తోన్న సంగతి తెలిసిందే. అయితే దీనికి సంబంధిచిన పనులన్నీ మహేష్ వైఫ్ చూసుకుంటున్నారు.  ఇప్పటికే అడివి శేష్ తో `మేజర్` సినిమాను నిర్మిస్తోన్న నమ్రత ఒక వెబ్ సిరీస్ నిర్మించడానికి ప్లాన్ చేస్తోంది. అయితే ఆ వెబ్ సిరీస్ కి మెహెర్ రమేష్ దర్శకత్వం వహించబోతున్నాడట. త్వరలో దీనిపై అధికారిక ప్రకటన వచ్చే అవకాశాలున్నాయని అంటున్నారు. అయితే మెహర్ రమేష్ మాత్రం అలాంటిదేం లేదని, ప్రస్తుతానికి తనకి వెబ్ సిరీస్ డైరెక్ట్ చేసే ఆలోచన లేదని ఈ వార్తలను కొట్టిపారేస్తున్నారు.
  'ఇస్మార్ట్ శంకర్' సూపర్ సక్సెస్‌తో యమ ఖుషీగా ఉన్న డైరెక్టర్ పూరి జగన్నాథ్, తన తర్వాతి సినిమా ప్రి ప్రొడక్షన్ పనుల్లో నిమగ్నమయ్యాడు. ఆ సినిమాలో హీరోగా విజయ్ దేవరకొండ నటించనున్న విషయం తెలిసిందే. కాగా తాజా సమాచారం ప్రకారం ఆ మూవీకి 'ఫైటర్' అనే టైటిల్ ఖరారు చేశారు. పూరి కనెక్ట్స్ బేనర్‌పై ఆ టైటిల్‌ను ఫిల్మ్ చాంబర్‌లో ఇప్పటికే రిజిస్టర్ చేశారు. ఆ టైటిల్ విజయ్ దేవరకొండతో చేసే సినిమా కోసమే అని పూరి సన్నిహిత వర్గాలు ధృవీకరించాయి. ఆ టైటిల్‌ని బట్టి విజయ్ కేరెక్టర్ ఎలా ఉండబోతోందో, అతడ్ని పూరి ఎలా చూపించబోతున్నాడో అర్థమవుతోంది. కాగా కేరెక్టర్‌కు తగ్గట్లు విజయ్ తన బాడీని మార్చుకోకున్నట్లు సమాచారం. ప్రస్తుతం అతడు క్రాంతి మాధవ్ డైరెక్షన్‌లో ఒక సినిమా చేస్తున్న విషయం తెలిసిందే. ఆ సినిమా షూటింగ్ పూర్తయిన వెంటనే వర్కౌట్స్, డైట్ ఫాలో చేసి, శరీరాన్ని దృఢంగా మార్చుకోనున్నాడు. ఇప్పుడైతే విజయ్ సన్నగా కనిపిస్తున్నాడు. 'ఫైటర్' రోల్‌కు కండలు తిరిగిన శరీరం కావాలి కాబట్టి దానికోసం డిసెంబర్ వరకు టైం తీసుకుంటున్నట్లు సమాచారం. అంటే 2020 జనవరిలో పూరి, విజయ్ సినిమా సెట్స్‌పైకి వెళ్లనుంది. విజయ్ సరసన హీరోయిన్ కోసం పూరి, నిర్మాత ఛార్మి అన్వేషిస్తున్నారు. విజయ్‌తో కొత్త కాంబినేషన్‌ను చూపించాలని వాళ్లనుకుంటున్నారు.  
  ఏస్ డైరెక్టర్ రాజమౌళి దర్శకత్వం లో ఎన్టీఆర్ , రామ్ చరణ్ కలయికలో వస్తోన్న మహా ముల్టీస్టారర్ చిత్రం `ఆర్ ఆర్ ఆర్ `. ప్రెసెంట్ ఈ చిత్రానికి సంబంధిచిన కొన్ని కీలక సన్నివేశాలు చిత్రకరించడానికి చిత్ర యూనిట్ త్వరలో బల్గెరియా వెళ్లనున్నట్లు తెలుస్తోంది. ఈ షెడ్యూల్ లో కేవలం ఎన్టీఆర్ కి సంభందించిన సీన్స్ మాత్రమే షూట్ చేయనున్నారట. ఇక ఈ షెడ్యూల్ పూర్తి అయ్యేవరకు రామ్ చరణ్ కి బ్రేక ఇచ్చాడట రాజమౌళి. ఇదిలా ఉంటె ...ఈ సినిమాలో ఎన్టీఆర్ సరసన హీరోయిన్స్ కోసం ఇంకా సెర్చింగ్ జరుగుతోనే ఉంది. అయితే లేటెస్ట్ న్యూస్ ప్రకారం ..మరో బ్రిటిష్ అమ్మాయిని ఫైనలా చేసినట్లు సోషల్ మీడియా లో న్యూస్ వస్తున్నాయి .  త్వరలో అధికారికం గా ప్రకటన చిత్ర యూనిట్ ఇచ్చే అవకాశాలున్నాయి.  చరణ్ సరసన అలియా భట్ హీరోయిన్ గా నటిస్తోంది.  డి వి వి దానయ్య నిర్మిస్తోన్న ఈ చిత్రం నెక్స్ట్ ఇయర్ జులై 30న రిలీజ్ చేయడానికి ప్లాన్ చేస్తున్నారు.
  'వింక్ క్వీన్' ప్రియా ప్రకాశ్ వారియర్ ప్రధాన పాత్ర పోషిస్తోన్న 'శ్రీదేవి బంగ్లా' ఫస్ట్ లుక్ టీజర్ రిలీజైన దగ్గర్నుంచి వివాదాలు మొదలయ్యాయి. ఆ సినిమాలోని కంటెంట్, టైటిల్‌లో దివంగత శ్రీదేవి పేరు ఉపయోగించడం వివాదాలకు మూలం. ఆ టీజర్‌లోని ఒక సీన్‌లో ప్రియా వారియర్ బాత్‌టబ్‌లో పడుకొని ఉన్నట్లు కనిపిస్తుంది. అది శ్రీదేవి విషాదాంత ఘటనను గుర్తు చేస్తోందనడంలో సందేహానికి తావులేదు. ఆ టీజర్ వచ్చాక శ్రీదేవి భర్త, నిర్మాత బోనీ కపూర్ ఆవేదనకు గురయ్యారు. సినిమా టైటిల్‌పై అభ్యంతరాలు వ్యక్తం చేశారు. ఆ వెంటనే ఆయన 'శ్రీదేవి బంగ్లా' నిర్మాతకు లీగల్ నోటీసును పంపారు. కానీ ఆ నిర్మాత స్పందించలేదు. దాంతో మరింత కఠినమైన లీగల్ యాక్షన్‌కు బోనీ సిద్ధమవుతున్నట్లు ఆయన సన్నిహిత వర్గాలు తెలిపాయి. "ఇది స్వేచ్ఛా ప్రపంచం కాబట్టి సినిమాని వాళ్లిష్టం వచ్చినట్లు తీసుకోనివ్వండి.. కానీ శ్రీదేవి పేరును వాళ్లు ఉపయోగించడానికి వీల్లేదు" అని బోనీ చెప్పినట్లు ఆ వర్గాలు పేర్కొంటున్నాయి. ఈ వివాదంపై హీరోయిన్ ప్రియా వారియర్ మాట్లాడుతూ "అది డైరెక్టర్, ప్రొడ్యూసర్‌లకు సంబంధించిన విషయం. నేను వాళ్లిచ్చిన కేరెక్టర్‌ను పోషిస్తున్నానంతే. నిజానికి ఎవరి వ్యక్తిగత ఫీలింగ్స్‌ను బాధపెట్టడం మా ఉద్దేశం కాదు" అని తెలిపింది. 2018 ఫిబ్రవరిలో దుబాయ్‌లో ఒక ఫంక్షన్‌లో పాల్గొనేందుకు వెళ్లిన శ్రీదేవి, అక్కడి బాత్‌టబ్‌లో మునిగి మృతి చెందిన విషయం విదితమే.
  మాటల మాంత్రికుడు త్రివిక్రమ్ డైరెక్షన్ లో బన్నీ 'అల.. వైకుంఠపురములో' అనే సినిమా చేస్తోన్న సంగతి తెలిసిందే. ఇటీవల విడుదల చేసిన టైటిల్, ఫస్ట్ లుక్ కి మంచి రెస్పాన్స్   వచ్చింది. అయితే ఈ సినిమాలో బన్నీ డ్యూయల్ రోల్ లో కనిపించబోతున్నట్లు సమాచారం అందుతోంది. ఇందులో ఒకటి సాఫ్ట్ వేర్ కుర్రాడు గా, మరొకటి గ్రామీణ కుర్రాడి పాత్రని తెలుస్తోంది. మరి దీని పై క్లారిటీ రావాలంటే అధికారిక ప్రకటన వచ్చే వరకు ఆగాల్సిందే. ఇక ఇటీవల గ్రామీణ కుర్రాడి పాత్రను రివీల్  చేసారు. దానికి మంచి రెస్పాన్స్  వచ్చింది కూడా. ప్రెజెంట్ ఈ సినిమా షూటింగ్ శరవేగంగా జరుగుతోంది. ఫ్యామిలీ ఎమోషన్స్ తో తెరకెక్కుతోన్న ఈ సినిమా లో బన్నీ సరసన పూజ హెగ్డే హీరోయిన్ గా నటిస్తోంది. టబు కీలక పాత్రలో కనిపించనుంది. తమన్ సంగీతాన్ని సమకూరుస్తున్నాడు. 2020 సంక్రాంతికి రిలీజ్ చేయనున్నారు.
  యస్.యస్. రాజమౌళి రూపొందించిన 'బాహుబలి', 'బాహుబలి 2' సినిమాల్లో భల్లాలదేవ అనే పవర్‌ఫుల్ విలన్‌గా నటించి, ఆకట్టుకున్న రానా దగ్గుబాటి.. ఇప్పుడు మరో సినిమాలో విలన్‌గా దర్శనమివ్వనున్నాడు. అయితే అది తెలుగు సినిమాలో కాదు, హిందీ సినిమాలో. ఈ ఏడాది బాలీవుడ్‌లో నిర్మాణమవుతున్న అత్యంత భారీ బడ్జెట్ సినిమాల్లో ఒకటైన 'హౌస్‌ఫుల్ 4'లో రానా ప్రతినాయకుడిగా కనిపించనున్నాడు. ఇందులో అక్షయ్ కుమార్ మెయిన్ హీరోగా నటిస్తుండగా, రితీశ్ దేశ్‌ముఖ్, బాబీ డియోల్ మరో ఇద్దరు హీరోలుగా నటిస్తున్నారు. అక్షయ్ జోడీగా కృతి సనన్ కనిపించే ఈ మూవీలో పూజా హెగ్డే, కృతి ఖర్బందా మిగతా ఇద్దరు హీరోల సరసన నటిస్తున్నారు. 'హౌస్‌ఫుల్ 4'కు సంబంధించిన మరో విశేషం.. ఇది రెండు కాలాల్లో జరిగే కథ కావడం. అంటే పునర్జన్మల నేపథ్యంలో ఈ కథ నడుస్తుంది. ప్రస్తుత కథ లండన్‌లో జరిగితే, పూర్వజన్మ కథ రాజస్థాన్ నేపథ్యంలో జరుగుతుంది. ఇటీవల అక్షయ్, రానా, మిగతా ప్రధాన నటీనట బృందంపై ఒక ఖవ్వాలీ సాంగ్ చిత్రీకరించారు. సంభాషణల ధోరణిలో సాగే ఈ పాటలో అక్షయ్, రానా ఒకరిపై మరొకరు పైచేయి సాధించడానికి ప్రయత్నిస్తారు. నవాజుద్దీన్ సిద్దిఖీ ఒక స్పెషల్ రోల్ చేస్తున్న ఈ సినిమాకు ఫరాద్ సమ్జీ దర్శకుడు. వచ్చే దీపావళికి ఈ సినిమా విడుదలవుతుంది. 'హౌస్‌ఫుల్ 4'లో ప్రతినాయకుడిగా రానా ఎలా రాణిస్తాడో చూడాలి మరి.
  ఇటీవల రాజ్ తరుణ్ ప్రయాణిస్తున్న వోల్వో కార్ అదుపు తప్పి నార్సింగ్ వద్ద ప్రమాదానికి గురైన సంగతి తెలిసిందే. ఇక ఒక రోజంతా ఆ కార్ కోసం ఎవరూ రాక పోవడం, రాజ్ తరుణ్ ఆ యాక్సిడెంట్ పై స్పందించక పోవడంతో టీవీ ఛానెల్స్ లో రకరకాల కథనాలు వచ్చాయి. దీంతో ఈ రోజు సోషల్ మీడియా ద్వారా స్పందించాడు రాజ్ తరుణ్. "నిన్నటి నుంచి చాలా మంది కాల్స్ చేస్తూ.. ఎంతో అభిమానాన్ని చూపిస్తున్నారు. అందరికి ధన్యవాదాలు. ఇక నేను రెండు మూడు నెలలుగా నార్సింగ్ సర్కిల్ మీదుగా కార్ లో ప్రయాణిస్తున్నా...అక్కడ తరచుగా యాక్సిడెంట్స్ జరుగుతున్నాయి. ఆ చోటే సడెన్ గా టర్న్ తీసుకోవడం తో  కారు కంట్రోల్ తప్పి ఒక  గోడను ఢీ  కొట్టడం జరిగింది. ఆ శబ్దానికి నా చెవులు దిమ్మెక్కిపోయాయి. కళ్లు కూడా సరిగా కనిపించలేదు. ఒక్కసారిగా హార్ట్‌బీట్ పెరిగిపోయింది. ఒక్కసారి నన్ను నేను చూసుకొని, సాయం కోసం ఇంటికి వేగంగా పరుగెత్తుకుంటూ వెళ్లాను. ఆ ఘటన దగ్గర జరిగిందిదే. ప్రస్తుతం రెస్ట్ తీసుకుంటున్నా. అతి త్వరలో షూటింగ్ లో పాల్గొంటా" అంటూ తన స్పందన ట్విట్టర్ ద్వారా తెలియజేశాడు రాజ్ తరుణ్.
  జగన్ ప్రభుత్వానికి తొలి దెబ్బ తగిలింది. జపాన్ లేఖతో కేంద్రం స్ట్రాంగ్ వార్నింగ్ ఇచ్చింది. విద్యుత్ కొనుగోలు ఒప్పందాలను రద్దు చేయాలన్న ఏపీ నిర్ణయాన్ని మోడీ ప్రభుత్వం తీవ్రంగా పరిగణించడంతో జగన్ సర్కారు తోక ముడిచినట్లు తెలుస్తోంది. ఆంధ్రప్రదేశ్ లో పీపీఏల రద్దును తీవ్రంగా పరిగణించిన జపాన్ ప్రభుత్వం... ఇండియన్ గవర్నమెంట్ కి ఘాటు లేఖ రాసింది. భారత విద్యుత్ రంగంలో పెద్దఎత్తున పెట్టుబడులు పెట్టిన జపాన్.... జగన్ సర్కారు నిర్ణయాన్ని తీవ్రంగా వ్యతిరేకించింది. అలాగే, ఖరారైన ఒప్పందాలను రద్దు చేయడాన్ని ఫ్రాన్స్, సౌతాఫ్రికా, ఐరోపా దేశాలు కూడా గమనిస్తున్నాయంటూ జపాన్ బాంబు పేల్చింది. దాంతో రంగంలోకి దిగిన ప్రధాని కార్యాలయం.... విద్యుత్ కొనుగోలు ఒప్పందాల రద్దుపై ఏపీని హెచ్చరించినట్లు తెలుస్తోంది. ఇప్పటికే విదేశీ పెట్టుబడులు తగ్గిపోతున్న నేపథ్యంలో ఇప్పుడు పీపీఏలను రద్దుచేస్తే ఫారిన్ ఇన్వెస్టర్లకు తప్పుడు సంకేతాలు వెళ్తాయని, ఇది భారత్ కు మంచిది కాదని తేల్చిచెప్పింది. సరైన ఆధారాల్లేకుండా పీపీఏలను రద్దుచేయడం సరికాదని, పారదర్శకంగా వ్యవహరించకపోతే పెట్టుబడులు తగ్గి, అభివృద్ధి దెబ్బతింటుందని హెచ్చరించింది. అవినీతి జరిగిందని స్పష్టంగా తేలితే తప్ప, చట్టబద్ధంగా కుదుర్చుకున్న ఏ ఒప్పందాన్నీ రద్దు చేయలేమని జగన్ సర్కారుకు గుర్తుచేసింది.  అయితే, పీపీఏలన్నింటినీ తాము రద్దు చేయలేదని, కేవలం అవకతవకలు జరిగాయని నిర్ధారించిన ఒప్పందాలను మాత్రమే పునసమీక్షిస్తున్నట్లు కేంద్రానికి తెలియజేసింది. ఒకవైపు జపాన్ లేఖ... మరోవైపు కేంద్రం హెచ్చరికలతోనే జగన్ ప్రభుత్వం వెనక్కి తగ్గినట్లు తెలుస్తోంది. అయితే, ప్రధాని మోడీ, హోంమంత్రి అమిత్ షా ఆశీస్సులతోనే పీపీఏల సమీక్ష నిర్ణయం తీసుకున్నామంటూ వైసీపీ ఎంపీ విజయసాయిరెడ్డి చెప్పినరోజే కేంద్ర విద్యుత్ శాఖ నుంచి ఈ ఆదేశాలు రావడం విజయసాయి మాటలపై అనుమానాలు కలిగిస్తున్నాయి.
  ఏపీ అసెంబ్లీ మాజీ స్పీకర్‌, టీడీపీ సీనియర్‌ నేత కోడెల శివప్రసాదరావు వరుస వివాదాల్లో చిక్కుకుంటూ విమర్శలు ఎదుర్కొంటున్న సంగతి తెలిసిందే. సత్తెనపల్లి, నరసరావుపేట నియోజకవర్గాల్లో కోడెల కుటుంబం.. కే టాక్స్ పేరుతో ప్రజలను ఇబ్బంది పెట్టిందని ఆరోపణలు వచ్చాయి. కోడెల కొడుకు, కూతురు మీద పలు కేసులు కూడా నమోదయ్యాయి. అసెంబ్లీ ఫర్నీచర్ ని సొంత ఫర్నీచర్ లా ఇంటికి తీసుకెళ్లడంపై కూడా కోడెల మీద విమర్శలు వ్యక్తమవుతున్నాయి. అయితే కోడెల ఇంకా అనేక అక్రమాలు చేసారంటూ సోషల్ మీడియాలో ప్రచారం జరుగుతోంది. తన భవనాలను ప్రభుత్వ కార్యాలయాలకు అద్దెకివ్వడంలోనూ కోడెల తన మార్కు చూపించారని తెలుస్తోంది. వైద్య ఆరోగ్యశాఖలోని కీలక కార్యాలయాలన్నీ గుంటూరులోని కోడెల భవనానికి తరలించారు. ప్రభుత్వం తన భవనానికి ఎంత అద్దె చెల్లించాలో స్పీకర్‌గా ఉన్న సమయంలో ఆయనే నిర్ణయించారట. ఇతర ప్రభుత్వ కార్యాలయాలన్నీ చదరపు అడుగుకు 16 రూపాయలు చెల్లిస్తుండగా, కోడెల భవనానికి మాత్రం 25 రూపాయల కంటే ఎక్కువగా చెల్లిస్తున్నట్లు తెలుస్తోంది. ఇరుకు గదులు, ఫైర్‌ సేఫ్టీ కూడా లేకపోయినా కోడెల భవనానికి ఎక్కువ మొత్తంలో అద్దె చెల్లిస్తున్నారని విమర్శలు వ్యక్తమవుతున్నాయి. వైద్య ఆరోగ్యశాఖలో కీలకమైన కార్యాలయాలు ఆరోగ్యశ్రీ ట్రస్ట్, ఔషధ నియంత్రణ శాఖ, ఫార్మసీ కౌన్సిల్, ఉద్యోగుల వైద్యపథకం వంటివన్నీ.. తొలుత వీటిని విజయవాడ పరిసర ప్రాంతాల్లోనే ఏర్పాటు చేయాలని అనుకున్నారు. ఇంతలోనే అప్పటి స్పీకర్‌ కోడెల తన భవనం గుంటూరులో ఉందని, దాన్ని అద్దెకు తీసుకోవాలని ఆదేశించారు. తప్పనిసరి పరిస్థితుల్లో అధికారులు అంగీకరించారు. ఉద్యోగులు, పెన్షనర్లు తమ మెడికల్‌ రీయింబర్స్‌మెంటు రాకపోయినా, ఆరోగ్యశ్రీ బాధితులు తమకు అనుమతులు రాలేదని అధికారులను కలవాలన్నా గుంటూరుకు వెళ్లాల్సిందే. ప్రతి చిన్న అవసరానికీ అక్కడకు వెళ్లాలంటే బాధితులు తీవ్రంగా ఇబ్బందులు పడుతున్నట్టు ఫిర్యాదులు వచ్చినా స్పీకర్‌ భవనం కదా అని అధికారులు కూడా పట్టించుకోలేదట.   ఎక్కడైనా భవనానికి మాత్రమే అద్దె వసూలు చేస్తారు, కానీ కోడెల మాత్రం ఖాళీ స్థలానికి కూడా అద్దె తీసుకుని ప్రభుత్వానికి టోకరా వేశారట. ఐదు అంతస్తుల భవనం టెర్రస్‌పై పల్చటి రేకులు వేసి, ఎలాంటి కార్యాలయం లేకపోయినా దానికి కూడా ప్రభుత్వం నుంచి అద్దె వసూలు చేస్తున్నారట. సుమారు 6 వేల చదరపు అడుగుల ఖాళీ స్థలానికి ఒక్కో చదరపు అడుగుకు 25 రూపాయలు చొప్పున రూ. 1.5 లక్షలు వసూలు చేస్తున్నారు. భవనానికి సరైన పార్కింగ్‌ కూడా లేదట. ఇలాంటి భవనానికి నెలకు రూ. 15 లక్షలకుపైనే గత ప్రభుత్వం ‘కోడెల’ ఖాతాలో వేసింది. కనీసం 200 మంది ఉద్యోగులు ఈ కార్యాలయాల్లో పనిచేస్తుంటారు. ఇలాంటి కార్యాలయంలో సరిపోయే కారు పార్కింగు, సరైన మరుగుదొడ్ల వసతులు లేవట. అధికారుల చాంబర్లు కూడా ఇరుకుగా ఉంటాయట. అన్నింటికీ మించి అక్కడకు పనుల మీద వెళ్లే సామాన్యులు గుంటూరు బస్టాండు నుంచి ఆటోకు వెళ్లిరావాలంటే రూ. 200 వరకు ఖర్చవుతుంది. వందలాది మంది ప్రభుత్వ ఉద్యోగులు, పెన్షనర్లు, ఆరోగ్యశ్రీ బాధితులు ఇలా ఒకరనేమిటి నిత్యం వెళ్లే ఈ కార్యాలయం అంత దూరంలో ఏర్పాటు చేయడమేంటని వాపోతున్నారు. మరి సోషల్ మీడియాలో జరుగుతున్న ఈ ప్రచారంపై కోడెల ఎలా స్పందిస్తారో చూడాలి.
  ఏ దేశానికైనా, ఏ రాష్ట్రానికైనా పెట్టుబడులు వస్తేనే, ఉద్యోగ ఉపాధి అవకాశాలతోపాటు అభివృద్ధి జరుగుతుంది. అయితే, పెట్టుబడులు రావడం అంత ఈజీ కానేకాదు. ఎందుకంటే, ఆయా ప్రభుత్వాలపై ఇన్వెస్టర్లకు విశ్వాసం కలిగితేనే, పరిశ్రమల స్థాపనకు ముందుకొస్తారు. కానీ, ఆంధ్రప్రదేశ్ లో వైఎస్ జగన్మోహన్ రెడ్డి అధికారంలోకి వచ్చాక పెట్టుబడిదారుల్లో ఆందోళన వ్యక్తమవుతోంది. రివర్స్ టెండరింగ్, కాంట్రాక్టుల రద్దు, పీపీఏల సమీక్షలాంటి నిర్ణయాలతో ఏపీ ప్రభుత్వంపై ఇన్వెస్టర్లలో విశ్వాసం సన్నగిల్లుతోంది. పైగా తీవ్ర ఆరోపణలు వెల్లువెత్తుతున్నాయి. కారణాలేవైనా, వరల్డ్ బ్యాంకు, ఆసియా బ్యాంకులాంటి మేజర్ ఇన్వెస్టర్స్ తప్పుకోవడంతో...ఇప్పటికే వందల వేల కోట్లు పెట్టుబడిగా పెట్టిన పారిశ్రామికవేత్తలు, కాంట్రాక్టర్లలో భయాందోళనలు మొదలయ్యాయి. కర్నాటకకు చెందిన ప్రముఖ పారిశ్రామికవేత్త టీవీ మోహన్‌దాస్‌ పాయి.... ఏపీ సీఎం జగన్మోహన్ రెడ్డిపై తీవ్ర వ్యాఖ్యలు చేశారు. ఆంధ్రప్రదేశ్ లో ప్రభుత్వ టెర్రరిజం నడుస్తోందని, ఇలాగైతే రాష్ట్రం నాశనం కావడం ఖాయమని హాట్ కామెంట్స్ చేశారు. జగన్ తీరుతో ఏపీకి కొత్త పరిశ్రమలు రావని, ఆయన వల్ల రాష్ట్రాభివృద్ధి కుంటుపడుతుందంటూ విమర్శలు గుప్పించారు. అంతేకాదు దేవాలయాల భూములను జగన్ అనుచరులు కొట్టేస్తున్నారని, దీనిపై ప్రధాని మోడీ, హోంమంత్రి అమిత్ షా జోక్యం చేసుకోవాలని డిమాండ్ చేశారు. దేశంలోనే పేరెన్నికగల పారిశ్రామికవేత్త టీవీ మోహన్‌దాస్‌ పాయి... జగన్ ప్రభుత్వంపై ఇలా ఘాటు వ్యాఖ్యలు చేయడం సంచలనంగా మారింది. అయితే, టీడీపీ హయాంలో నిర్వహించిన అన్న క్యాంటీన్లకు ఫుడ్ సప్లై చేసిన అక్షయపాత్ర సంస్థకు దాదాపు 45కోట్ల రూపాయల మేర బిల్లులు చెల్లించాల్సి ఉందట. ఈ బిల్లులు చెల్లించేందుకు జగన్ ప్రభుత్వం నో చెప్పినట్లు తెలుస్తోంది. అన్న క్యాంటీన్లలో పెద్దఎత్తున అవినీతి జరిగిందని, విచారణ తర్వాతే చెల్లింపులు ఉంటాయని తేల్చిచెప్పిందట. ఇదే, టీవీ మోహన్‌దాస్‌ పాయికి ఆగ్రహం తెప్పించిందంటున్నారు. అక్షయపాత్ర బోర్డులో సభ్యుడిగా ఉన్న మోహన్‌దాస్‌ పాయి... జగన్ ప్రభుత్వ నిర్ణయంపై తీవ్రస్థాయిలో మండిపడుతున్నారు. గత ప్రభుత్వ నిర్ణయాలను తిరగదోడటం, విచారణలు చేయడం వరకు ఓకే కానీ...చేసిన పనికి బిల్లులు చెల్లించమని, చెప్పడం ప్రభుత్వ ఉగ్రవాదం కిందకే వస్తుందని పాయ్ అంటున్నారు. ఏదేమైనా జగన్ ప్రభుత్వంపై ఏ పారిశ్రామికవేత్త కూడా ఈ స్థాయిలో ఆరోపణలు చేయలేదు. మొట్టమొదటిసారి జగన్ టార్గెట్ గా పాయి ఘాటు విమర్శలు చేయడంతో దేశవ్యాప్తంగా సంచలనం సృష్టిస్తున్నాయి.
  ఇప్పుడంటే పొలిటీషన్లు అందరూ టెక్నాలజీని మంచినీళ్లలా వాడేస్తున్నారు గానీ, ఒకప్పుడు టెక్నాలజీ వినియోగంలో చంద్రబాబు తర్వాతే ఎవరైనా!. ఎందుకంటే, అభ్యర్ధుల ఎంపిక కోసం నైన్టీస్ లోనే ఐవీఆర్ఎస్ సిస్టమ్ వాడిన తెలివైన పొలిటీషియన్ చంద్రబాబు. అయితే, పదేళ్ల నిరీక్షణ తర్వాత 2014లో అధికారాన్ని అందిపుచుకున్న చంద్రబాబు... ప్రజల నాడిని తెలుసుకునేందుకు కూడా అదే టెక్నాలజీని వినియోగించారు. ఏకంగా తన గొంతుతోనే ప్రజలకు ఫోన్లు చేసి ఆశ్చర్యపరిచేవారు. నమస్కారం, నేను మీ చంద్రబాబును మాట్లాడుతున్నా... అంటూ మొదలయ్యే ఐవీఆర్ఎస్ ఫోన్ కాల్ తో ప్రభుత్వ పనితీరు ఉలా ఉంది?, మీ ఎమ్మెల్యే మీరు అందుబాటులో ఉంటున్నారా? అంటూ ఇలా పలు ప్రశ్నలు అడిగి అడిగేవారు. అయితే, స్వయంగా ముఖ్యమంత్రి స్వరంతో ఫోన్ కాల్ వచ్చేసరికి... ప్రజలు ముందు ఆశ్చర్యానికి, ఆ తర్వాత భయానికి లోనయ్యేవారు. పరిపాలన బాగాలేదంటే ఏమవుతుందో ఏమోనని అన్నీ బ్రహ్మాండగా ఉన్నాయంటూ ఆప్షన్స్ ను నొక్కేవారు. ఇక అధికారుల గానాభజానా సరేసరి. 90శాతం మంది ప్రజలు సంతృప్తికరంగా ఉన్నారంటూ బాబును మెప్పించేవారు. ఇదే మొన్నటి ఎన్నికల్లో చంద్రబాబు కొంప ముంచింది. అటు ఐవీఆర్ఎస్ సర్వే... ఇటు అధికారుల మాట నమ్మిన చంద్రబాబు... ప్రజల అసంతృప్తిని పసిగట్టలేకపోయారు. ఆఖరి సమయంలో పసిగట్టినా, అప్పటికే జరగాల్సిన నష్టం జరిగిపోయింది. చివరికి టీడీపీ చరిత్రలో ఎన్నడూలేనంతా దారుణమైన పరాజయాన్ని చవిచూడాల్సి వచ్చింది. ఇప్పుడిదంతా ఎందుకంటే, జగన్మోహన్ రెడ్డి పాలనకు వంద రోజులు కూడా పూర్తికాలేదు... కానీ, అప్పుడే 90శాతం ప్రజలు సంతృప్తిగా ఉన్నారంటూ అధికారులు చెప్పుకొస్తున్నారట. ముఖ్యంగా స్పందన కార్యక్రమం టెలీకాన్ఫరెన్సుల్లో అధికారుల నుంచి ఇలాంటి రిపోర్ట్స్ వస్తున్నాయట. దాంతో ప్రజల అసంతృప్తిస్థాయి ఒక్క శాతానికి తగ్గించాలంటూ సీఎం జగన్ సైతం సూచించినట్లు తెలుస్తోంది. అయితే, సేమ్ టు సేమ్ ఇలాంటి మాటలే చంద్రబాబుకి కూడా చెప్పారట, అధికారుల లెక్కల్లో టీడీపీ పాలనపై 85శాతం హ్యాపీగా ఉన్నారని తేలిందట. అధికారుల మాటలను నమ్మిన చంద్రబాబు సైతం 85శాతంపైగా ప్రజలు సంతృప్తికరంగా ఉన్నారంటూ అనేకసార్లు చెప్పుకొచ్చారు. సీన్ కట్ చేస్తే, 2019 ఎన్నికల్లో దారుణ పరాజయం. అధికారుల చెప్పిన 85శాతం హ్యాపీకి 23 సీట్లే వచ్చాయి. మరి అప్పుడే జగన్ పాలనకు 90శాతం ప్రజలు సంతృప్తికరంగా ఉంటే, అది రానురానూ 99శాతానికి చేరితే ఎన్ని సీట్లు వస్తాయో?. ఎందుకంటే 85శాతానికి 23 సీట్లు వస్తే... ఈ లెక్కన  99శాతానికి ఎన్ని సీట్లు వస్తాయో! ఏదేమైనా అధికారుల లెక్కలు నమ్మితే అధోగతే...అంతేమరి!
  యుద్ధ సమయంలో ఎటువంటి పరిస్థితులలోను అణ్వాయుధాలను తొలుత ప్రయోగించకూడదనేది భారత్ సిద్ధాంతం కాగా ఇపుడు జమ్మూ కాశ్మీర్ విషయమై పాకిస్తాన్ రెచ్చగొడుతున్న నేపథ్యంలో అవసరమైతే ఆ సిద్ధాంతాన్ని పక్కన పెట్టే అవకాశం ఉందని రక్షణ శాఖా మంత్రి రాజనాధ్ సింగ్ సంచలన వ్యాఖ్య చేశారు. భారత్ తో తలపడటానికి జిహాద్ తప్ప వేరే మార్గం లేదని అలాగే అణు యుద్ధం కూడా తప్పదని మొన్న పాక్ అధ్యక్షుడు వ్యాఖ్యానించిన నేపథ్యంలో తాజాగా రాజనాధ్ పాక్ కు ఇలా సీరియస్ వార్నింగ్ ఇచ్చారు. అణ్వాయుధాల వాడకంపై మన విధానాన్ని భవిష్యత్తులో మార్చుకునే అవకాశాలున్నాయని రాజ్‌నాధ్ సింగ్ తెలిపారు. ఇండియా ముందుగా అణ్వాయుధ దాడి చెయ్యకూడదన్నది మాజీ ప్రధాని అటల్ బిహారీ వాజ్‌పేయి ఆలోచన అని, ఇప్పటివరకూ భారత్ ఈ విధానానికి కట్టుబడి ఉందని ఐతే భవిష్యత్తులో ఏమైనా జరగొచ్చని అయన అన్నారు. వాజ్‌పేయి తొలి వర్ధంతి సందర్భంగా రాజ్‌నాథ్ ఆయనకు పోఖ్రాన్‌లో నివాళులు అర్పించారు.
  రాజకీయాల్లో అతని రూటే సెపరేటు... పార్టీ ఏదైనా, స్థానం ఎక్కడైనా గెలుపు గంట మోగాల్సిందేనన్నది అతని ఫిలాసఫీ... ఇప్పుడు కూడా విన్నింగ్ బెల్ మోగింది... కానీ సైకిల్‌ పంక్చరై కూర్చుంది.... అసలే చేతిలో పవర్‌ లేకపోతే అల్లాడిపోయే ఆయన... ఇప్పుడు ఏ పార్టీలో అధికార గంట మోగించాలా..అంటూ తెగ మధనపడిపోతున్నారట. ఫ్యాన్ చెంతకు వెళ్లి సేదతీరాలా... లేక రారా రమ్మంటున్న పువ్వు పరిమళానికి ఆకర్షితుడు కావాలో తేల్చుకోలేక సతమతమవుతున్నారట. తన పొలిటికల్ ఫ్రెండ్స్ సుజనా... తిన్నావా అంటూ పలకరిస్తున్నా, మరోవైపు సీఎం రమేష్‌ రారమ్మంటూ పిలుస్తున్నా, వెళ్లాలా వద్దా అని తెగ థింక్ చేస్తున్నారట. అయితే గలగల గంట మోగించే ఆయన, నిశ్శబ్దాన్ని బద్దలుకొట్టారనే మాట వినిపిస్తోంది. ఇంతకీ ఇతనెవరో మీకు అర్థమయ్యే ఉంటుంది... ఇంకెవరు గంటా శ్రీనివాసరావే.... ఇంతకీ ఇతని గురించి ఇప్పుడెందుకనుకుంటున్నారా? ఎందుకంటే, టీడీపీ ఓటమి తర్వాత మొట్టమొదటిసారి జరిగిన కీలక సమావేశానికి ఈ గంటా సారు డుమ్మాకొట్టారు. గంటా సారుకి ప్రతిపక్షంలో కూర్చోవడమంటే అస్సలు ఇష్టముండదట. అందుకే పార్టీ మారైనా సరే పదవి సంపాదిస్తారని అంటారు. అందుకే వైసీపీలోకి వెళ్లి ఎలాగైనా మంత్రి పదవి దక్కించుకోవాలని విశ్వప్రయత్నాలు చేశారట. కానీ పార్టీలోకి రావాలంటే, రాజీనామా చేయాల్సిందేనన్న జగన్‌ నిబంధనతో చేసేదేమీలేక ఆగిపోయారట. ఇక మిగిలింది బీజేపీ. అయితే, తనతోపాటు పది పదిహేను మంది ఎమ్మెల్యేలతో కమలం గూటికి వెళ్తారంటూ తెగ ప్రచారం జరిగింది. కానీ అలాంటిదేమీ లేదంటూ ఓ చిన్న స్టేట్ మెంట్ ఇచ్చినా, రూమర్లు మాత్రం ఆగలేదు. రాను రాను సైలెంట్ అయిపోవడం, పార్టీ కార్యక్రమాలకు, నియోజవర్గానికి దూరంగా ఉండటంతో, పార్టీ మారడం ఖాయమనే ప్రచారం జోరందుకుంది. దీనికితోడు అసెంబ్లీ అంత హాట్‌హాట్‌గా జరిగినా, గంటా మాత్రం సైలెంట్‌గా ఉండటం ఈ ప్రచారానికి మరింత బలమిచ్చింది. ఇప్పుడు టీడీపీ కీలక సమావేశానికి డుమ్మా కొట్టడంతో పార్టీ మారడం ఖాయమనే ప్రచారం మళ్లీ ఊపందుకుంది. అసలే పదవి లేకపోతే ఉండలేరు... పైగా పీఏసీ ఛైర్మన్‌ పదవి దక్కకపోవడంతో, మరింత అసంతృప్తితో ఉన్నారట.  మొత్తానికి గంటా డుమ్మాపై టీడీపీ విస్తృతస్థాయి మీటింగ్లో వాడివేడి చర్చ జరిగిందట. గంటాపై వేటు వేయాల్సిందేనని పలువురు నేతలు చంద్రబాబును గట్టిగా కోరారట. మరి గంటా మౌనం వీడతారా? లేక అంతకంటే ముందే బాబు నిర్ణయం తీసుకుంటారా? ఎవరో ఒకరు మౌనం వీడితే తప్ప ఈ గంట మోగుతుందో లేక సైలెంట్ గా అలాగే కంటిన్యూ అవుతుందో తేలుతుంది.
  సీఎం కేసీఆర్ ఈరోజు తమిళనాడులోని కంచిలో ఉన్న శ్రీఅత్తివరదరాజ స్వామి ఆలయానికి వెళ్లున్నారు. 40 ఏళ్లకు ఒకసారి జరిగే అత్తి వరదరాజస్వామి దర్శనం ఈ ఏడాది ఆగస్టు 17తో ముగుస్తుంది. ఆగస్టు 18న స్వామిని తిగిరి పుష్కరిణిలో భద్రపరుస్తారు. మళ్లీ 2059లోనే అత్తి వరదరాజ స్వామి దర్శన భాగ్యం కలుగుతుంది. దీంతో ఈ ఆలయానికి ఇప్పుడు భక్తులు పెద్ద సంఖ్యలో తరలివస్తున్నారు. పెద్ద సంఖ్యలో భక్తులు వస్తుండటంతో ఆలయంలో తొక్కిసలాటలు కూడా జరుగుతున్నాయి. ఇటీవల తొక్కిసలాటలో భక్తులకు స్వల్ప గాయాలు కూడా అయ్యాయి. మళ్ళీ 40 ఏళ్ళ వరకు స్వామిని చూసే అవకాశం లేకపోవడం, మనిషి జీవితం మొత్తం మీద ఒకటి రెండు సార్లు కంటే ఎక్కువ స్వామి దర్శనం అయ్యే అవకాశం లేకపోవడంతో భక్తులు ఎగబడుతున్నారు. ఆ భక్తుల్లో తెలంగాణ సీఎం కేసీఆర్ కూడా చేరిపోయారు. మొదట్నుంచి కేసీఆర్ కి పూజలు, దేవాలయాలపై మక్కువ ఉన్న సంగతి తెలిసిందే. ఈ నేపథ్యంలో ఆయన వరదరాజస్వామి దర్శనానికి పయనమయ్యారు. అయితే ఇక్కడో చిన్న ట్విస్ట్ కూడా ఉంది. వరదరాజ స్వామి దర్శనంతో పాటు ఆయన వైసీపీ ఎమ్మెల్యే రోజాతో భేటీ కూడా కానున్నారని తెలుస్తోంది. సోమవారం బేగంపేట విమానాశ్రయం నుంచి ప్రత్యేక విమానంలో రేణిగుంటకు చేరుకుని అక్కడి నుంచి రోడ్డు మార్గంలో కంచికి చేరుకుంటారు. మార్గమధ్యంలో కేసీఆర్ కుటుంబసభ్యులు రోజా ఇంటికి వెళ్లనున్నారు. వారికి టిఫిన్, మధ్యాహ్న భోజనం రోజా ఇంట్లోనే అని తెలుస్తోంది. ఇందుకోసం రోజా ఇంట్లో ఏర్పాట్లు ముమ్మరంగా జరిగాయట. గతంలో కేసీఆర్ కుటుంబసభ్యులు తిరుమల వచ్చిన సందర్భంగా వైసీపీ సీనియర్ నేత చెవిరెడ్డి భాస్కర‌రెడ్డి ఇంటికి వెళ్లారు. ఇప్పుడు రోజా ఇంటికి వెళ్లడం రాజకీయంగా ప్రాధాన్యత సంతరించుకుంది. రోజాకి మంత్రి పదవి రాలేదని అసంతృప్తిలో ఉన్నారని ప్రచారం జరిగింది. ఇప్పుడు రోజా దాని గురించి కేసీఆర్ వద్ద ప్రస్తావించే అవకాశం ఏమైనా ఉందా అనే చర్చ జరుగుతోంది.
  వైఎస్ జగన్ ఏపీ సీఎంగా బాధ్యతలు చేపట్టినప్పటి నుండి తన నిర్ణయాలతో సంచలనం సృష్టిస్తూనే ఉన్నారు. తాజాగా ఆయన మరో సంచలన నిర్ణయం తీసుకోబోతున్నారని తెలుస్తోంది. పౌర సేవలను అందించడంలో కీలకపాత్ర పోషిస్తున్న 'మీ సేవ' కేంద్రాలను రద్దు చేసే యోచనలో జగన్ సర్కార్ ఉన్నట్లు సమాచారం. అక్టోబరు 2నుంచి గ్రామ సచివాలయాలు అందుబాటులోకి రానున్నాయి. ప్రభుత్వ సేవలన్నీ ఒకే చోట అందాలన్న లక్ష్యంతో గ్రామాల్లో  సచివాలయాలు ఏర్పాటు చేస్తున్నారు. గ్రామ సచివాలయాల రాకతో ఇప్పటికే రేషన్ దుకాణాల పరిస్థితి ప్రశ్నార్థకంగా మారింది. ఇప్పుడు రేషన్ దుకాణాల తరహాలోనే మీ- సేవ కేంద్రాలకు కూడా ఇక కాలం చెల్లినట్లేనని వార్తలు వినిపిస్తున్నాయి. మీ సేవలో అందించే పౌర సేవలన్నీ ఇక మీదట గ్రామ సచివాలయాల నుంచి అందేలా ప్రభుత్వం చర్యలు చేపట్టనున్నట్లు తెలుస్తోంది.  మీ సేవ కేంద్రాలను మొదట ఇ సేవ పేరుతో 2003లో ఏర్పాటు చేశారు. తొలుత నాలుగు రకాల సేవలతో ప్రారంభమైన మీ సేవ నేడు 367 రకాల ప్రభుత్వ సేవలు, మరో 30 రకాల ప్రైవేటు సేవలు అందిస్తోంది. రాష్ట్రవ్యాప్తంగా 11,054 కేంద్రాలకు దశల వారీగా ప్రభుత్వం అనుమతిలిచ్చింది. ఇందులో రెండువేలకు పైగా మీ సేవలు పనులు లేక నిరుపయోగంగా మారడంతో మూతబడ్డాయి. ప్రభుత్వ ఆధ్వర్యంలో నడిచే అర్బన్‌ మీ సేవ కేంద్రాలు సుమారుగా 200 వరకు ఉన్నాయి. రాష్ట్రవ్యాప్తంగా ఫ్రాంచైజీల కింద దాదాపు 9 వేల మీ సేవ కేంద్రాలు పౌరులకు సేవలందిస్తున్నట్లు తెలుస్తోంది. అయితే రద్దు చేసే మీ సేవ కేంద్రాల్లో ప్రభుత్వ ఆధ్వర్యంలో నడిచే అర్బన్‌ మీ సేవ కేంద్రాలు ఉంటాయా? లేక ఫ్రాంఛైజీల ద్వారా నడిచే మీ సేవ కేంద్రాలు ఉంటాయా అనే విషయంపై ప్రభుత్వం నుంచి స్పష్టత రావాల్సి ఉంది. ప్రైవేటు ఏజెన్సీల గడువు ముగియడంతో కార్పొరేట్‌ కంపెనీలకు మీ సేవ సాప్ట్‌వేర్‌ అగ్రిమెంట్లను బదిలీ చేయవచ్చని భావిస్తున్న తరుణంలో గ్రామసచివాలయాల ద్వారా పౌర సేవలందించేందుకు ప్రభుత్వం మొగ్గు చూపినట్లు సమాచారం. మీ- సేవలు రద్దు కానున్నాయని వార్తలొస్తున్న నేపథ్యంలో వీటిల్లో పనిచేసే ఉద్యోగుల భవిష్యత్తు రోడ్డున పడుతుందని పలువురు ఆందోళన చెందుతున్నారు. ఒకవేళ మీ సేవ కేంద్రాల మూసివేతకు ప్రభుత్వం సిద్దమైతే అందులో పని చేస్తున్న సిబ్బంది.. రేషన్ డీలర్ల తరహాలోనే రోడ్డెక్కే అవకాశముంది. వీరికి ప్రభుత్వం ఎలాంటి ప్రత్యామ్నాయం చూపుతుందో చూడాలి.
  బీజేపీ సీనియర్ నేత, విదేశాంగశాఖ మాజీ మంత్రి సుష్మా‌స్వరాజ్ కన్ను మూసిన సంగతి తెలిసిందే. భాజపాలో మూడు దశాబ్దాలుగా ఆమె కీలకపాత్ర పోషిస్తూ వస్తున్నారు. అయితే ఆమె ప్రేమ వివాహం గురించి కూడా ప్రత్యేకంగా ప్రస్తావనకు వస్తోంది. చండీగడ్ లోని పంజాబ్ విశ్వవిద్యాలయంలోనే సుష్మా స్వరాజ్ మరియు స్వరాజ్ కౌషల్ లు కలుసుకున్నారట. వీరిద్దరూ 13 జూలై 1975 న వివాహం చేసుకున్నారు.  అయితే ప్రేమ వివాహం కోసం వారి కుటుంబ సభ్యులను ఒప్పించడానికి ఇద్దరూ చాలా కష్టపడాల్సి వచ్చిందట. సుష్మా స్వరాజ్ ప్రేమ వివాహం చేసుకున్న సమయంలో హర్యానాకు చెందిన ఒక అమ్మాయి ప్రేమ వివాహం గురించి ఆలోచించడమే చాలా పెద్ద విషయం. కానీ 25 సంవత్సరాల వయస్సులో హర్యానా క్యాబినెట్ మంత్రిగా బాద్యతలు చేపటిన సుష్మాకు ఈ ధైర్యం ఉంది కాబట్టే ఆమె ఇంట్లో ఒప్పించి ప్రేమ పెళ్లి చేసుకుంది.  స్వరాజ్ కౌశల్ సుప్రీంకోర్టులో పేరొందిన న్యాయవాది. ఆయన తన 34 ఏళ్ల వయసులోనే అత్యంత పిన్నవయస్కుడైన యువ అడ్వకేట్ జనరల్‌గా పేరొందారు. స్వరాజ్ కౌశల్ తన 37 ఏళ్ల వయసులో మిజోరం గవర్నర్‌గా బాధ్యలు చేపట్టారు. ఆ పదవిలో ఆయన 1990 నుంచి 1993 వరకూ ఉన్నారు. అయితే మొన్న జరిగిన మధ్యప్రదేశ్ అసెంబ్లీ ఎన్నికల ప్రచారంలో ఇండోర్‌లో విలేకరుల ప్రసంగం చేస్తున్నప్పుడు, రాబోయే లోక్‌సభ ఎన్నికల్లో నేను పోటీ చేయనని విదేశాంగ మంత్రిగా ఉన్న సుష్మా స్వరాజ్ ప్రకటించారు.  సుష్మా స్వరాజ్ తీసుకున్న ఈ నిర్ణయం విషయంలో ఆమె భర్త ఆనందాన్ని వ్యక్తం చేశారు. ఆయన ట్విట్టర్‌ లో ఒక పోస్ట్ చేస్తూ పోటీ చేయకూడదనే మీ నిర్ణయానికి ధన్యవాదాలు రేసు ఈ రేసు 1977 లో ప్రారంభమైంది. ఇప్పుడు 41 సంవత్సరాలు అయ్యింది. మీరు ఇప్పటివరకు 11 ఎన్నికలలో పోటీ చేశారు. 1991 మరియు 2004 సంవత్సరాల్లో రెండుసార్లు ఎన్నికలలో పోటీ చేయలేదు, ఎందుకంటే పార్టీ మిమ్మల్ని ఎన్నికల రంగంలోకి అనుమతించలేదు. నేను గత 46 సంవత్సరాలుగా మిమ్మల్ని చూస్తున్నాను. ఇప్పుడు నాకు 19 సంవత్సరాలు కాదు కాస్త చూడండి మేడమ్ అంటూ పోస్ట్ చేశారు. ఆయన అన్నట్టుగానే ఆమె ఆ ఎన్నికలకి రెస్ట్ తీసుకున్నారు. ఇప్పుడు అనూహ్యంగా కన్నుమూశారు.  
  కన్నడ రాష్ట్రంలోనే కాక భారత కార్పొరేట్ వ్యవస్థనే ఓ కుదుపు కుదిపిన కేఫ్ కాఫీ డే వ్యవస్థాపకుడు, కార్పోరేట్ కింగ్ సిద్ధార్థ మృతిపై అనుమానాలు తలెత్తుతున్నాయి. ఎందుకంటే ఆయన ఆత్మహత్య చేసుకున్నాడని భావిస్తున్న సమయాని కంటే ముందు రెండు గంటల పాటు ఆయన ఏమి చేశారు అనే విషయం ప్రశ్నార్థకంగా మారింది. పోలీసుల దర్యాప్తు లో తేలిన అనేక విషయాలు ఇప్పుడు కొత్త అనుమానాలకి కారణం అవుతున్నాయి.  జులై 29న సాయంత్రం ఐదున్నర సమయంలో బ్రహ్మర కూట్లు టోల్‌ గేట్‌ ను సిద్ధార్థ కారు దాటి వెళ్లింది. వాస్తవానికి ఆ టోల్ గేట్ నుంచి నేత్రావతి నది వద్దకు ఎంత ఎక్కువ వేసుకున్నా అరగంట లో వెళ్లిపోవచ్చు, రాత్రి ఏడున్నరకే కారు బ్రిడ్జ్ మీదకి వచ్చిందని డ్రైవర్ చెప్పాడు. ఈ మధ్య సమయంలో ఆయన ఎక్కడికి వెళ్లారనే విషయం మీద క్లారిటీ లేదు. ఈ విషయమై డ్రైవర్ ను పోలీసులు ప్రశ్నిస్తున్నారు.  ఇక డ్రైవర్ బసవరాజు సైతం సిద్ధార్థ కనిపించకుండా పోయిన గంటన్నర తరువాతే పోలీసులకు ఫిర్యాదు చేశారు. ఈ సమయంలో సిద్ధార్థ ఫోన్లో మాట్లాడుతూ కాసేపు అటూ, ఇటూ తిరుగుతూ కనిపించారని, ఆపై ఆయన కనిపించక పోయే సరికి కాసేపు వెతికి కుటుంబ సభ్యులకు, పోలీసులకు ఫిర్యాదు చేశానని బసవరాజు చెబుతున్నాడు. అంతే కాకా కారులో ప్రయణిస్తున్నప్పుడే సిద్ధార్థ పదిపదిహేను ఫోన్లు చేశారని చెబుతుండగా ఆయన ఎవరెవరికి ఫోన్లు చేశారన్న విషయం విచారణలో కీలకం కానుంది.  అయితే మరో అనుమానాస్పద విషయం ఏంటంటే ? నదిలో దొరికిన ఆయన డేడ్ బాడీకి ఫ్యాంటు, బూట్లు, చేతి ఉంగరాలు మాత్రమే ఉన్నాయి. ఆయన వేసుకున్న షర్ట్ లేదు. అంతే కాక ఆయన జేబులో ఉన్న వాలెట్, ఐడేంటీ కార్డులు అలానే ఉన్నా ఫోన్ మాత్రం మిస్సయ్యింది. ఆయన షర్ట్ తీసి దూకారు అనుకుంటే ఆ షర్ట్ బ్రిడ్జ్ మీద దొరికి ఉండాలి, లేదా షర్ట్ ని ఏవైనా జలచారాలు తినేశాయా అనడానికి లేదు, ఎందుకంటే అవి ఏమైనా చేసి ఉంటె ఆయన బాడీకి కూడా గాయాలు అయ్యుండాలి.  కానీ ఆయన ఆత్మహత్య చేసుకున్నాడని భావిస్తున్న సమయం నుండి 36 గంటలు గడిచినా, మృతదేహం పాడు కాలేదు, నిజానికి అంత సేపు నీళ్ళలో ఉండి ఉంటె బాడీ దెబ్బ తింటుంది, జలచరాలు బాడీని పీక్కు తినే అవకాశం కూడా ఉంది. కానీ ఆయన బాడీ చెక్కు చెదర లేదు. పైగా ముక్కు నుంచి రక్తం కారుతున్న గుర్తులు తాజాగానే ఉన్నాయని పోలీసులు అనుమానం వ్యక్తం చేస్తున్నారు.  అంటే ఆయనను ఎవరైనా దేని కోసం అయినా తీవ్రంగా కొట్టారా ? ఆయన చనిపోయాక నదిలో పదేసారా ? అనే అనుమానాలు వ్యక్తం అవుతున్నాయి. ఆయన రాసిన లేఖకి ఆయన బాడీ దొరకడానికి ఆత్మహత్య అని సర్దిచెప్పుకున్నా ఇప్పుడు ఈ విషయాలు అన్నీ పోలీసులకు కొత్త అనుమానాలు వచ్చేలా చేస్తోంది. అంతేకాక కార్పొరేట్ వర్గాల ప్రముఖులు కూడా సిద్ధార్థ ఆత్మహత్య చేసుకునేంత పిరికివాడు కాదని చెబుతున్నారు.  మరో వాదన ప్రకారం వీజీ సిద్ధార్థకు కర్ణాటక కాంగ్రెస్‌ ట్రబుల్‌ షూటర్‌, మాజీ మంత్రి డి.కె.శివకుమార్‌తో ఉన్న సాన్నిహిత్యం వల్లనే ఐటీ విభాగం ఆయన మీద ప్రత్యేక ద్రుష్టి పెట్టిందట. సిద్ధార్థ మాజీ ముఖ్యమంత్రి ఎస్‌.ఎం.కృష్ణకు అల్లుడు కాగా, కృష్ణకు, సిద్దార్దకి శివకుమార్‌ అత్యంత సన్నిహితుడు. కృష్ణ బీజేపీలో చేరినా వారి మధ్య సాన్నిహిత్యం కొనసాగుతోంది. సిద్ధార్థతో కుటుంబ, ఆర్థిక లావాదేవీలు వ్యాపార్లు కూడా ఉన్నాయి.  2017 ఆగస్టులో ఎన్నికలకి ముందు శివకుమార్‌ ఆస్తుల మీద ఐటీ దాడులు చేసినప్పుడు సిద్ధార్థతో ఆయనకున్న ఆర్థిక లావాదేవీలు బయటపడినట్లు సమాచారం. అయితే ఆయన ఆత్మహత్య చేసుకోకుంటే ? మరి ఆయన ఎలా చనిపోయారు ? 36 గంటల పాటు ఆయన మృతదేహం ఎందుకు చెక్కు చెదర లేదు. ఆయనను ఎవరైనా హత్య చేశారా ? అనే అనుమానాలు కూడా మొదలవుతున్నాయి.  అయితే ఈ ఘటన జరిగి రెండ్రోజులు కూడా కాక మునుపే మంగళూరుకి చెందిన ఇద్దరు పోలీసు ఉన్నతాధికారులు ట్రాన్స్ఫర్ కావడం సంచలనంగా మారింది. ఈ కేసులో ఆయన పోస్టుమార్టం వస్తే ఏమైనా ఆధారాలు లభించే అవకాశం ఉంది, కానీ ఇద్దరు ఉన్నతాధికారులను ప్రభుత్వం ట్రాన్స్ఫర్ చేయడం సంచలనంగా మారింది.
  ప్రపంచ ప్రఖ్యాతి గాంచిన ‘కేఫ్‌ కాఫీ డే’ వ్యవస్థాపకుడు ఆయన. కాఫీ సాగు కుటుంబంలో పుట్టి ‘కాఫీ కింగ్‌’ స్థాయికి ఎదిగిన వ్యక్తి ఆయన. ఒకప్పుడు సక్సెస్‌కు చిరునామా.. కానీ నేడు ఓ విఫల వ్యాపారినంటూ లేఖ రాసి.. లోకాన్ని వీడారు. వి.జి. సిద్ధార్థ విజయ గాధ విషాద గాధగా ఎలా మారిపోయింది?. కర్ణాటకలోని చిక్‌మగుళూరు జిల్లాలోని ఓ కాఫీ సాగు కుటుంబంలో పుట్టారు సిద్ధార్థ. కష్టాలనేవి తెలీకుండా పెరిగాడు. అయితే లోక జ్ఞానం తెలుసుకునేందుకు బోర్డింగ్‌ స్కూల్‌లో చేర్పించారు తల్లిదండ్రులు. చిన్నప్పుడు ఆటల మీదున్న శ్రద్ధ సిద్ధార్థకు చదువు మీద ఉండేది కాదు. అతడి ప్రవర్తనను భరించలేని టీచర్‌ "ఒరే, నీకు అర్థమయ్యేలా పాఠాలు చెప్పలేకపోతున్నానన్న సందేహం కలుగుతోంది. చదువుపై కాస్త శ్రద్ధ పెడితే నీ భవిష్యత్తుకే మంచిది" అంటూ కంటతడి పెట్టింది. టీచర్‌ కన్నీళ్లు చూశాక కళ్లు తెరిచాడు సిద్ధార్థ. అప్పటి నుండి చదువుపై శ్రద్ద పెట్టాడు. దేశాన్ని కంటికి రెప్పలా కాపాడే సైనికులంటే సిద్ధార్థకు అభిమానం, గౌరవం. తాను కూడా సైన్యంలో చేరి దేశానికి సేవ చేయాలి అనుకునేవాడు. అందుకే.. గ్రాడ్యుయేషన్‌ పూర్తి చేశాక సైన్యంలోకి వెళదామని డిఫెన్స్‌ అకాడమీ పరీక్ష రాశారు. కానీ ఉత్తీర్ణుడు కాలేదు. దీంతో చేసేది లేక మంగళూరుకు వెళ్లి అర్థశాస్త్రంలో పోస్టు గ్రాడ్యుయేషన్‌ చేశారు.  ఒక రోజు స్టాక్‌మార్కెట్‌పై శిక్షణ కోసం ముంబై వెళ్లాలనుకుంటున్నా అంటూ తల్లిదండ్రులతో చెప్పారు. అయితే కాఫీ తోటలు చూసుకుంటాడనుకున్న కొడుకు ఇలా మాట్లాడటం తల్లిదండ్రులకు ఆశ్చర్యం కలిగించింది. ఎంత చెప్పినా వినకపోవడంతో.. ఆఖరికి తండ్రి సిద్ధార్థ చేతిలో కొంత డబ్బు పెట్టి సాగనంపారు. చిక్‌మగళూర్‌ నుంచి ముంబై చేరుకున్న సిద్ధార్థ్‌.. మహేష్‌ కంపానీని కలిసి "సార్‌, మీ గురించి చాలా. విన్నాను. నేను ఎకనామిక్స్‌ పట్టభద్రుణ్ణి. చేస్తే గీస్తే మీ దగ్గరే శిష్యరికం చేయాలి. లేదంటే మా ఊరెళ్లి, నాకిష్టం లేకపోయినా కాఫీ తోటలు సాగు చేయక తప్పదు. ఒక్క అవకాశం ఇవ్వండి"  అంటూ వినయంగా వేడుకున్నారు. సిద్ధార్థ అంకితభావాన్ని చూసి చిరునవ్వుతో ఓకే అన్నారు మహేష్‌ కంపాని. ముంబై స్టాక్‌ ఎక్స్ఛేంజ్‌కి ప్రెసిడెంట్‌, జేఎం క్యాపిటల్‌ అధినేత అయిన ఆయన దగ్గర ఎంతైనా నేర్చుకోవచ్చన్నది సిద్ధార్థ ఆలోచన. అలా ఆయన దగ్గర స్టాక్‌మార్కెట్‌లో పాఠాలు, ట్రేడింగ్‌ మెలకువలు ఆపోసన పట్టారు. స్టాక్‌ మార్కెట్‌ గురించి కొంత అవగాహన వచ్చాక తిరిగి సొంతూరు చేరుకున్నారు సిద్ధార్థ్‌. తాను బెంగళూరులో స్టాక్‌ బ్రోకర్‌ బిజినెస్‌ చేద్దామనుకుంటున్నానని, డబ్బు కావాలని తల్లిదండ్రులను అడిగారు సిద్ధార్థ. తల్లిదండ్రులు ఆయన తపనను గమనించి ఏడున్నర లక్షలు చేతికిచ్చారు. ఒకవేళ వ్యాపారంలో నష్టపోతే, తిరిగొచ్చి కాఫీ తోటలు చూసుకోవాలని ఓ షరతు కూడా విధించారు. ఆ డబ్బుతో శివన్‌ సెక్యూరిటీస్‌ అనే స్టాక్‌ బ్రోకింగ్‌ కంపెనీని ప్రారంభించారు. బొంబాయిలో సంపాదించిన పరిజ్ఞానం ఇక్కడ పనికొచ్చింది. వచ్చిన లాభాలతో చిక్‌మగళూరులో కాఫీ తోటలు కొనేవారు. 1985 నుంచి 1993 వరకు సుమారు మూడువేల ఎకరాల కాఫీ తోటల్ని కొనడం సిద్ధార్థ సాధించిన పెద్ద విజయం. సిద్ధార్థ కుటుంబానికి వేల ఎకరాల కాఫీ తోటలు ఉన్నాయి. ఆ కాఫీ గింజలను ఎవరికో అమ్మే బదులు తానే రిటైల్‌ మార్కెట్లోకి ఎందుకు రాకూడదని అనుకున్నారు. ఆ ఆలోచన నుంచి పుట్టిందే అమాల్గమేటెడ్‌ బీన్‌ కాఫీ ట్రేడింగ్‌ కంపెనీ. 1992లో ప్రారంభించిన ఈ సంస్థ.. కాఫీ గింజలను విదేశాలకు ఎగుమతి చేస్తుంది. రెండేళ్లలోనే దేశంలోనే అతిపెద్ద కాఫీ ఎగుమతిదారుగా ఈ కంపెనీ ఎదిగింది. ఒకసారి ఏదో పని మీద సింగపూర్‌ వెళ్లాడు సిద్ధార్థ. అక్కడ ఇంటర్‌నెట్‌ బీర్‌ కెఫే కనిపించింది. అందులో యువతీ యువకులు ఒక చేత్తో బీరు తాగుతూ.. మరో చేత్తో కంప్యూటర్‌ బ్రౌజ్‌ చేస్తున్నారు. సిద్దార్థకు ఆ అవుట్‌లెట్‌ చాలా కొత్తగా అనిపించింది. మన దేశంలో బీరుకు బదులు కాఫీ కెఫేలు పెడితే ఎలా ఉంటుంది అనే ఆలోచన వచ్చింది.    1996లో బెంగళూరులోని అత్యంత రద్దీ అయిన బ్రిగేడ్‌ రోడ్‌లో ‘కేఫ్‌ కాఫీ డే’ పేరుతో తొలి రిటైల్‌ అవుట్‌లెట్‌ను ప్రారంభించారు సిద్ధార్థ. అప్పట్లోనే ఇక్కడ ఒక కాఫీ, గంట ఇంటర్నెట్‌కు రూ.100 ఛార్జ్‌ చేసేవారు. ఈ అవుట్‌లెట్‌ విశేషాదరణ పొందింది. దీంతో ఇతర ప్రాంతాలకూ దీన్ని విస్తరించారు. దేశవ్యాప్తంగా దాదాపు 2000 కెఫేలు ఉన్నాయి. విదేశాల్లోనూ కాఫీడే శాఖలు ఉన్నాయి. అలా తక్కువ కాలంలోనే కాఫీ డేకు మంచి గుర్తింపు లభించింది. కాఫీ కింగ్‌గా సిద్ధార్థ్‌ పేరు మార్మోగింది. కాఫీడేతో పాటు హాస్పిటాలిటీ వ్యాపారాన్ని కూడా ప్రారంభించారు. కెరీర్‌ సక్సెస్‌ఫుల్‌గా ఉన్న సమయంలోనే సిద్ధార్థ ప్రముఖ ఐటీ సంస్థ మైండ్‌ ట్రీలో పెట్టుబడులు పెట్టారు. 1999లో రూ.340 కోట్లతో వాటాలు కొనుగోలు చేశారు. ఈ ఏడాదే మైండ్‌ట్రీలో వాటాలను రూ.3వేల కోట్లకు అమ్మేశారు. కర్ణాటక మాజీ సీఎం ఎస్‌.ఎం కృష్ణ కుమార్తె మాళవిక కృష్ణను సిద్ధార్థ వివాహం చేసుకున్నారు. వీరికి ఇద్దరు పిల్లలు. ఇలా కెరీర్‌ హాయిగా సాగిపోతున్న సమయంలో సిద్ధార్థ పన్ను ఎగవేత రూపంలో వివాదాల్లో చిక్కుకున్నారు. కోట్ల రూపాయల పన్ను ఎగవేసినట్లు ఆరోపణలు రావడంతో 2017లో ఆయన కంపెనీలపై ఆదాయపు పన్ను శాఖ సోదాలు చేపట్టింది. కాఫీ డే షాపులు, ఎస్టేట్‌లపై అధికారులు దాడులు నిర్వహించారు. రూ. 650కోట్ల విలువైన అక్రమాస్తులను గుర్తించి స్వాధీనం చేసుకున్నారు. దీంతో ఆయనకు ఆర్థిక ఇబ్బందులు మొదలయ్యాయి. మరోవైపు కేఫ్‌ కాఫీ డే గత కొంతకాలంగా నష్టాల్లో సాగుతున్నట్లు తెలుస్తోంది. అలా సక్సెస్‌కు చిరునామాగా మారిన.. ‘కేఫ్‌ కాఫీడే’ యజమాని వి.జి సిద్ధార్థ ఒత్తిడిని జయించలేక ఆత్మహత్య చేసుకున్నారు. ఆత్మహత్యకు ముందు సిద్థార్థ రాసిన లేఖలో ఆదాయ పన్ను విభాగం మాజీ డీజీ వేధింపులు, ఓ ప్రైవేటు ఈక్విటీ సంస్థలోని భాగస్వాములు షేర్లను బైబ్యాక్‌ చేయాలని చేస్తున్న ఒత్తిడిని ప్రస్తావించారు. అయితే ఎందరో వ్యాపారం పేరుతో వేల కోట్ల రుణాలు ఎగ్గొట్టి, అధికార పార్టీలను అడ్డం పెట్టుకొని పబ్బం గడుపుతున్న ఈరోజుల్లో.. సిద్ధార్థ మాత్రం.. తనకు పిల్లనిచ్చిన మామ మాజీ సీఎం అయినా, ఆయన ప్రస్తుతం అధికార బీజేపీలో ఉన్నా.. తప్పించుకునే ప్రయత్నం చేయకుండా, చివరికి ఒత్తిడిని భరించలేక తనువు చాలించారు. ఇది సిద్ధార్థ విజయ విషాద గాధ.
  ''పుల్వామా దాడి జరిగినరోజు జవాన్ల మృతి గురించి తెలిసి దేశమంతా దిగ్భ్రాంతికి గురైంది. కానీ ప్రధాని మోదీ మాత్రం జిమ్ కార్బెట్ పార్క్‌లో సాయంత్రం దాకా ఓ షూటింగ్‌లో బిజీగా గడిపారు. ఇలాంటి ప్రధాని ప్రపంచంలో ఇంకెక్కడైనా ఉంటాడా..? నిజంగా ఆయన గురించి ఇంకేం మాట్లాడాలో తెలియట్లేదు'' అని పుల్వామా దాడి జరిగిన వారం రోజుల తర్వాత ప్రధాని మోడీని ఉద్దేశించి రణదీప్ సూర్జేవాలా అనే కాంగ్రెస్ నేత చేసిన కామెంట్స్ ఇవి.  ఫిబ్రవరి 14న పుల్వామా దాడి జరిగిన రోజున ప్రధాని మోదీ ఉత్తరాఖండ్‌లో పర్యటించారు. ఈ సందర్భంగా జిమ్ కార్బెట్ నేషనల్ పార్కును సందర్శించిన ఆయన తన ఆధ్యాత్మిక జీవితాన్ని ప్రతిబింబించే ఓ డాక్యుమెంటరీ షూటింగ్‌లో పాల్గొన్నారని, డిస్కవరీ సంస్థ చిత్రీకరించిన ఈ డాక్యుమెంటరీ వచ్చే నెలలో టెలికాస్ట్ కానుందని అప్పట్లో మీడియాలో ప్రచారం జరిగింది.  ఈ డాక్యుమెంటరీ చిత్రీకరణ జరుగుతున్న రోజు మధ్యాహ్నామే కశ్మీర్‌లోని పుల్వామాలో భారత జవాన్లపై ఆత్మాహుతి దాడి జరిగింది. ఈ నేపథ్యంలోనే ఓవైపు జవాన్లపై దాడి జరుగుతుంటే మరోవైపు మోదీ షూటింగ్‌లతో బిజీగా ఉన్నారంటూ విపక్షాలు ఆయన్ను టార్గెట్ చేశాయి.  దీంతో స్వీయ రక్షణలో పడిన మోడీ సర్కార్ సాయంత్రం ఐదున్నర గంటల ప్రాంతంలో తమకు మద్దతు ఇచ్చే టెలివిజన్‌ ఛానల్‌ చేత ఓ వార్తా కథనాన్ని ప్రసారం చేయించింది.  ‘పుల్వామా దాడి గురించి ప్రధాన మంత్రి నరేంద్ర మోదీకి జాతీయ భద్రతా సలహాదారు అజిత్‌ దోవల్‌ సకాలంలో సమాచారాన్ని అందించలేక పోయారు.  ఆ తర్వాత ఈ విషయన్ని తెలుసుకున్న ప్రధాని మోదీ, దోవల్‌ను మందలించినట్లు విశ్వసనీయ వర్గాల ద్వారా తెలిసింది. వాతావరణ పరిస్థితులు అనుకూలంగా లేకపోవడం వల్ల ప్రధానికి దోవల్‌ సమాచారాన్ని అందించలేకపోయారని ఆ కధనాల సారాంశం.  అయితే ఇప్పుడు ఇదంతా ఎందుకు ప్రస్తావించాల్సి వచ్చింది అంటే,  అప్పట్లో కాంగ్రెస్ ఆరోపించినట్టే మోడీ పాల్గొంది డాక్యుమెంటరీలో కాదు. అది అదో రకమైన షో. దాని పేరు “మ్యాన్ వర్సెస్ వైల్డ్”. అడవిలో తప్పిపోతే ఎలా బతకాలి, ఏమేం తినొచ్చు, ఏమేం చేయాలి ? అనే కాన్సెప్ట్‌తో ఈ షో రూపొందుతోంది. దీన్ని డిస్కవరీ చానల్ ఆగస్టు 12వ తేదీన ప్రసారం చేయబోతోంది.  మ్యాన్ వర్సెస్ వైల్డ్ షోను బేర్ గ్రిల్స్ అనే స్టార్ హోస్ట్ నిర్వహిస్తూంటారు. చాలాకాలం అడవులు, పర్వతాల్లో గడిపానని.. తన జీవితంపై వాటి ప్రభావం చాలా ఉందని మోడీ అప్పుడప్పుడూ చెబుతూంటారు. ఇప్పుడు ఈ షోలో ఆ అనుభవాన్ని ఉపయోగించుకున్నారన్న మాట. బేర్ గ్రిల్స్ చాలా మంది దేశాధ్యక్షులతో ఇలాంటి కార్యక్రమాలు నిర్వహించారు. 2015లో అమెరికా అధ్యక్షునిగా ఉన్న ఒబామాతోనూ ఒక ఎసిసోడ్‌ చేశారు.  నిజానికి ఇది నెలలోనే రిలీజ్ చేయాలని అనుకుని ఉండచ్చు, ఎన్నికల్లో మోడీకి ఉపయోగాపడుతుందని భావించి ఉండచ్చు, కానీ పుల్వామా ఎతాక్స్ వలన ఆ సమయంలో మోడీ స్పందించక పోవడం అనే అంశం ఎక్కువ ఫోకస్ అవుతుందని భావించి దానిని ఆపేసి ఉండచ్చు. ఇప్పుడు పూర్తి మెజారిటీతో బీజేపీ మళ్ళీ ప్రభుత్వాన్ని ఏర్పాటు చేసింది. దీంతో ఇప్పుడు ప్రసారానికి గ్రీన్ సిగ్నల్ ఇచ్చి ఉండచ్చని విశ్లేషకులు అంటున్నారు.   
Studies have shown that if you’re planning to lose weight you need to discuss on what groceries you are shopping for and not deviate. Avoid friends offers of eating sweet treats and boost intake of fruit and vegetables and plan your day to day meals. Planning your meals in advance and sticking to it makes you a healthy person. Studies show that this leads to weight loss because you fill up on healthy foods and feel less tempted to eat fatty snacks. Psychologist Cristina Albuquerque Godinho, from the Lisbon University Institute in Portugal, said the key to success was planning ahead and motivation.  She added: ‘Buying food ad hoc in the supermarket is not a helpful approach. Write a list and make a deliberate intention to change behaviour or lose weight, because this is a strategy that works.’ Miss Godinho said: ‘We found that having strategies in place to deal with a range of eating situations that could undermine good intentions is very important, and helps people to regulate their daily dietary choices. She added that eating more fruit and vegetables had been proven to keep weight down partly because it replaced less healthy food. People who said they would plan in advance how to get their five-a-day or more were much more likely to succeed in eating healthily. Those who understood the health benefits of eating well also found it easier to change their habits, according to the research to be published in the British Journal of Health Psychology.  
  జీవితం అంటేనే ఆటుపోట్ల సమాహారం. అందులో ఎప్పుడూ విజయాలే ఉండాలని కోరుకోవడం అత్యాశే అవుతుంది. ఒకోసారి పరాజయాలు కూడా ఎదురవుతూ ఉంటాయి. ఆ పరాజయాలనే పరమపదసోపానాలుగా మల్చుకుంటే బతుకు కావడికుండలాగా సమంగా సాగిపోతుంది. ఇంతకీ ఆ పరాజయాలు నేర్పే పాఠాలు ఏమిటో!   డబ్బు విలువ నేర్పుతుంది చాలా పరాజయాలు ధననష్టంతోనే ముడిపడి ఉంటాయి. అప్పటి వరకూ ఈ చేతికి తెలియకుండా ఆ చేతితో ఖర్చుపెట్టేసిన బంగారుబాబులకి దరిద్రం ఎప్పుడైనా, ఎవరినైనా వరించవచ్చని తెలిసొస్తుంది. నిజంగా అవసరమైనప్పుడు మన దగ్గర డబ్బు లేకుండా పోవచ్చునని అర్థమవుతుంది. వెరసి... డబ్బు విలువ తెలిసొస్తుంది.   మనుషుల విలువ నేర్పుతుంది ‘విజయానికి బంధువులు ఎక్కువ’ అని పెద్దలు అంటూ ఉంటారు. కాస్తంత కష్టం రాగానే తుపాకీ దెబ్బకి కూడా దొరక్కుండా మన చుట్టుపక్కల జనాలంతా కనిపించకుండా పోవచ్చు. అలాంటి కష్ట సమయాల్లోనే ఎవరు మనవారో, ఎవరు కాదో అర్థమవుతుంది. ఇతరుల దృష్టిలో మన విలువ ఏమిటో తెలిసొస్తుంది. ఎవరి తత్వం ఏమిటో బోధపడుతుంది.   వినయం విలువ నేర్పుతుంది అంతాబాగున్నప్పుడు ఎగిరెగిరి పడుతూ ఉంటాము. మనంతటి వాడు లేడని మిడిసి పడుతూ ఉంటాము. ఒక్కసారి ఎదురుదెబ్బ తగిలితే కానీ మనం కూడా సాధారణ మనుషులమే అని తెలిసిరాదు. కష్టాలకీ, కన్నీళ్లకీ, పరాజయాలకీ, పరాభవాలకీ ఎవ్వరూ అతీతం కాదని తెలిసొస్తుంది. అంతేకాదు! ఇతరులని కూడా ఇక నుంచి గౌరవంగా చూడాలనీ, వినయంతో మెలగాలనీ అనిపిస్తుంది.   లక్ష్యం విలువ నేర్పుతుంది కష్టపడితే ఏదీ కాళ్లదగ్గరకి రాదు. అలా వచ్చేదానికి విలువ ఉండదు. లక్ష్యం ఎంత అసాధ్యంగా ఉంటే దాని ఛేదనలో అంత తృప్తి ఉంటుంది. ఒకటి రెండు సార్లు ఆ లక్ష్యాన్ని తప్పిపోయినప్పుడు దాని విలువ ఏమిటో తెలిసొస్తుంది. దాన్ని ఏలాగైనా ఛేదించి సాధించాలన్న పట్టుదలా పెరుగుతుంది.   జీవితం విలువ నేర్పుతుంది అప్పటివరకూ ఎడాపెడా సాగిపోయిన జీవితం పరాజయంతో ఒక్కసారిగా నిలిచిపోయినట్లు అవుతుంది. ఆ క్షణంలో మనకి కాలం, కష్టం, కరుణ, దురలవాట్లు, సంతోషం, అడ్డంకులు, ప్రణాళికలు... వంటి అనేక విషయాల గురించి అవగాహన ఏర్పడుతుంది. మన వ్యక్తిత్వం గురించీ, ఆలోచనా విధానం గురించి ఒక స్పష్టత కలుగుతుంది.   - నిర్జర.
  అనగనగా ఓ మధ్యతరగతి ఉద్యోగి. అతను రోజూ తన కార్యాలయానికి వెళ్తూ వస్తూ దారిలో కనిపించే విశేషాలను గమనిస్తూ ఉండేవాడు. అంతా బాగానే ఉండేది కానీ, దారి మధ్యలో కనిపించే ఆ రాజభవనాన్ని చూడగానే ఉద్యోగి మనసు కలుక్కుమనేది. ‘ఆహా! హాయిగా ఆ రాజకుటుంబంలో పుట్టినా బాగుండేది, ఎలాంటి కష్టమూ లేకుండా పట్టుపరుపుల మీద నుంచే అష్టైశ్వార్యాలూ అనుభవించవచ్చు’ అంటూ తెగ ఈర్ష్యపడిపోయేవాడు ఉద్యోగి. రాజకుటుంబం సంగతేమో కానీ ఈ ఉద్యోగిని చూసి అసూయపడేవారు కూడా లేకపోలేదు. రోజూ ఉదయాన్నే ఠంచనుగా ఉద్యోగి గొడుగుని ఊపుకుంటూ వెళ్తుంటే దారిలో ఒక పళ్ల దుకాణం వాడు అతణ్నే గమనిస్తూ ఉండేవాడు. ‘ఛీ వెధవ బతుకు! చిన్నప్పుడు మా నాన్న మాట విని బుద్ధిగా చదువుకుని ఉంటే హాయిగా ఆ ఉద్యోగిలాగా ఉండేవాడిని కదా! ఉద్యోగం ఉంటే దర్జాగా బతకవచ్చు’ అనుకునేవాడు దుకాణదారుడు.  ఇదిలా ఉండగా ఉద్యోగికి ఓసారి అరుదైన అవకాశం దక్కింది. కార్యాలయం తరఫున యువరాజుని కలిసి కొన్ని సంతకాలు తీసుకోవాల్సి వచ్చింది. ఆ మాట వినగానే ఉద్యోగి ఎగిరి గంతేశాడు. ‘తను ఎప్పటికీ ఆ భోగాలను అనుభవించలేడు. కనీసం వాటిని ఒక రోజు పాటు దగ్గరగా చూసే అవకాశం వచ్చింది కదా!’ అనుకున్నాడు. రాజభవనంలో తన సమయం ఎలా గడవబోతోందో తెగ ఊహించుకోసాగాడు ఉద్యోగి. అతని ఊహలతో పని లేకుండా ఆ రోజు రానే వచ్చింది. తనకున్న వాటిలో బాగున్న దుస్తులను వేసుకుని, తలని ఒకటికి పదిసార్లు దువ్వుకుని రాజభవనానికి బయల్దేరాడు ఉద్యోగి. ఉద్యోగి రాక గురించి వినగానే యువరాజుగారు నేరుగా అతణ్ని తన మందిరానికి పంపించమన్నారు. యువరాజుగారు పట్టుపరుపు మీద పడుకునో, అలంకరించుకుంటూనో ఉంటారనుకుంటూ బెరుకుగా ఆ గదిలోకి అడుగుపెట్టిన ఉద్యోగికి ఆయన కిటికీ దగ్గర నిల్చొని కనిపించారు. ‘యువరాజా! నేను మీ సంతకాల కోసం వచ్చాను’ అని ఉద్యోగి ఒకటికి రెండుసార్లు చెప్పినా యువరాజుగారు వినిపించుకోలేదు. ఇక లాభం లేదని ఉద్యోగి ఆయనకు దగ్గరగా వెళ్లి చూస్తే ఏముంది… యువరాజుగారు తీక్షణంగా ఆ పళ్లు అమ్ముకునేవాడినే చూస్తున్నారు. ‘యువరాజా! అతనేమన్నా అపచారం చేశాడా? అంత తీక్షణంగా చూస్తున్నారు?’ అంటూ కాస్త చొరవగా అడిగాడు ఉద్యోగి.  ‘అపచారమా పాడా! అతణ్ని చూసినప్పుడల్లా నాకు మహా అసూయగా ఉంటుంది. హాయిగా ఏ రోజుకారోజు కాయకష్టం చేసకుంటూ, వచ్చినదానితో తృప్తిగా బతుకుతూ, భవిష్యత్తు గురించి ఎలాంటి బాధా లేకుండా ఉండే అతని జీవితం ఎంత సంతోషంగా ఉంటుందో కదా! కావాలంటే దుకాణాన్ని తీసి ఉంచుతాడు, లేకపోతే మధ్యలోనే కట్టేసి తన భార్యాపిల్లలతో కలిసి షికారుకి వెళ్లిపోతాడు. అంత స్వేచ్ఛగా, సాదాసీదాగా జీవించడంలో ఉన్న ఆనందం బందిఖానాలాంటి ఈ రాజభవనంలో ఎక్కడ ఉంటుంది,’ అంటూ నిట్టూర్చారు యువరాజులవారు. యువరాజులవారి మాటలు విన్న ఉద్యోగికి ఏదో కొత్త విషయం బోధపడింది. సుఖానికీ, సంతోషానికీ ఉన్న వ్యత్యాసం తెలిసి వచ్చింది. మరి అదే విషయం దుకాణదారుడుకి ఎప్పుడు తెలిసివస్తుందో!
మన దేశంలో ఎండాకాలం ఎంత దారుణంగా ఉంటుందో చెప్పక్కర్లేదు. మంచి ఎండల్లో బయటకి వెళ్లాల్సి వస్తే... ఒళ్లంతా మంటెక్కిపోక తప్పదు. అలాంటప్పుడు రోడ్డు పక్కన ఆగి ఓ గుక్కెడు లెమన్ సోడా తాగితే కావల్సినంత రిలీఫ్‌ దొరుకుతుంది. రోడ్డు పక్కన తయారుచేసే లెమన్‌సోడాని షికంజి అని పిలుస్తారు. ఇందులో సోడాతో పాటు ఉప్పు, పంచదార, అల్లం, జీరాపొడి, నల్ల ఉప్పు కూడా కలుపుతారు. దీని వల్ల దాహం చల్లారడమే కాదు... చెప్పలేనన్ని లాభాలు ఉంటాయట. అవేంటో మీరే చూడండి... ఎండాకాలం మనకి తెలియకుండానే ఒంట్లో నీరంతా ఆవిరైపోతూ ఉంటుంది. ఇంకా చెమటతో పాటు శరీరానికి చాలా అవసరమయ్యే సోడియం అనే మినరల్ కూడా బయటకి వెళ్లిపోతుంది. ఇది డీహైడ్రేషన్‌ లాంటి చాలా సమస్యలకి దారితీస్తుంది. షికంజిలో కలిపి ఉప్పు, పంచదార ORSలాగా పనిచేసి ఒంటికి కావల్సినంత బలాన్ని ఇస్తాయి. ఎండాకాలంలో డైజషన్‌ చాలా sensitiveగా ఉంటుంది. దానికి తోడు చల్లదనం కోసం మనం రకరకాల డ్రింక్స్‌ తీసుకుంటూ ఉంటాం. వీటన్నింటి వల్ల కూడా digestion upset అవుతుంది. కానీ షికంజిలో ఉండే నల్ల ఉప్పు, అల్లం, జీరాపొడి, నిమ్మరసం... అన్నీ కూడా మన digestive systemని healthyగా ఉంచుతాయి. షికంజి తాగడం వల్ల immunity పెరుగుతుంది. దీనిలో ఉన్న నిమ్మరసం వల్ల మన ఒంటికి కావల్సిన విటమిన్ సి దొరుకుతుంది. విటమిన్‌ సి వల్ల పళ్ల దగ్గర నుంచీ గుండె దాకా ఒంట్లో అన్న organs healthyగా ఉంటాయి. ఇక అల్లంలో gingerol అనే పదార్థం ఉంటుంది. ఇది ఒక natural antibiotic గా painkiller గా పనిచేస్తుందట. షికంజితో weight loss కూడా సాధ్యమే అంటున్నారు. షికంజిలో pectin అనే పీచు పదార్థం ఉంటుంది. ఇది ఒంట్లో కొవ్వుని కరిగించేస్తుంది. ఒంట్లో ఉన్న విషాన్నంతా బయటకి పంపేసే detoxing agentలాగా షికంజి పనిచేస్తుంది. దాని వల్ల లివర్ పనితీరు మెరుగుపడి, కొవ్వు కణాలన్నీ కరిగిపోతాయి. చూశారుగా! normal drinkలాగా కనిపించే షికంజి వెనుక ఎన్ని లాభాలున్నాయో. ఒకవేళ దీన్ని బయట రకరకాల నీళ్లు కలుపుతారు కాబట్టి, తేడా చేస్తాయి అనుకుంటే ఇంట్లోనే మామూలు నీటితోనే షికంజి తయారుచేసుకోవచ్చు.  
  Dates are sodium-free, fat-free, cholesterol-free, and a good source of fiber -- all of which are important factors in keeping a watch on the weight. Dates are a better substitute for candy or a packaged sweet, when satiating a sweet tooth or serving as an instant glucose supplement. Dates can provide lot of health benefits. Dates are high in iron content and fluorine. Dates are rich source of vitamins and minerals The benefits of dates include relief from constipation, intestinal disorders, heart problems, sexual dysfunction, diarrhoea, abdominal cancer, etc Loaded with fibre -- both soluble and insoluble -- dates are able to fill you up and keep your bowel habits regular. They are an excellent source of potassium and provide numerous other important vitamins and minerals -- quite a powerhouse packed in a tiny, portable package. Go grab a pack of dates in any form, whole dates or syrup. They are available off the shelf, aren’t they? - Radha Krishnaveni
Five Healthy skin foods!   A healthy skin signifies a healthy body and there are five foods which can add that glow and rejuvenate your skin! Lemon juices: A simple ingredient which can brighten up your skin like no other! Lemon juice tightens up the skin pores, gets rid of the oil, resulting a squeaky clean and shiny face. Eggs: Take the whole egg or simply the white, which when applied on your skin will give an enhanced moisturising effect. The white part firms up the skin. Gently rub the egg white over the skin surface and wash off. Honey: Honey can be applied daily on the face. It has a great moisturising effect and also fights infections and skin acne imparting the skin with soft and supple properties. Take some honey, mix it with few spoons of lemon juice and sandalwood powder and you can apply it for the face followed by rinse off. Strawberries: The fruit acts a very effective cleanser as it contains antioxidants, Vitamin C, and exfoliants. Crushed strawberries can be used a mask and also can be rubbed over your skin. Simply observe the glow! Bananas: The tropical fruits are a great moisturiser which also imparts a refreshed feeling to your skin. - Kalam Dhari