LATEST NEWS
హైదరాబాద్ నగరంలో మరో దారుణ ఘటన వెలుగు చూసింది. మియాపూర్ పోలీస్ స్టేషన్ పరిధిలోని హఫీజ్‌పేట్ ప్రాంతంలో ఓ యువ వైద్యురాలు అనుమానాస్పద స్థితిలో మృతి చెందడం స్థానికంగా తీవ్ర కలకలం రేపింది. సంగారెడ్డి జిల్లాకు చెందిన 27 ఏళ్ల యువతి మహబూబ్‌నగర్‌లో మెడిసిన్ పూర్తి చేసి, ఇటీవల వరంగల్‌లో పీడియాట్రిక్స్ విభాగంలో పీజీ పట్టా అందుకున్నారు. భవిష్యత్తుపై ఎన్నో ఆశలతో ఉన్న ఆమె ఇలా అకస్మాత్తుగా ప్రాణాలు కోల్పోవడం కుటుంబ సభ్యులను తీవ్ర విషాదంలోకి నెట్టింది.కొద్ది రోజుల క్రితం ఆమె తన స్నేహితుడైన యువకుడితో కలిసి వరంగల్ నుంచి నగరానికి చేరుకున్నారు.
అనంతరం హఫీజ్‌పేట్‌లోని ఆదిత్య నగర్ ప్రాంతంలో ఉన్న ఒక ప్రైవేట్ సర్వీస్ అపార్ట్‌మెంట్‌లో రూమ్ తీసుకుని బస చేసినట్టు పోలీసుల ప్రాథమిక విచారణలో తేలింది. అయితే, గత కొన్ని గంటలుగా కూతురి ఫోన్ నంబర్‌కు ఏమాత్రం స్పందన రాకపోవడంతో తల్లిదండ్రులు తీవ్ర ఆందోళన చెందారు. ఆ సమయంలో అనుమానం వచ్చి ఆమె మొబైల్ ఫోన్ లొకేషన్‌ను ట్రేస్ చేయగా, అది మియాపూర్ పరిధిలోని ప్రాంతంలో చూపించింది.దీంతో వెంటనే అప్రమత్తమైన కుటుంబ సభ్యులు హైదరాబాద్‌లోని మియాపూర్ పోలీసులను ఆశ్రయించారు. తమ కుమార్తె ఆచూకీ తెలియడం లేదని, ఫోన్ కూడా పనిచేయడం లేదని ఆందోళన వ్యక్తం చేస్తూ పోలీసులకు అధికారికంగా ఫిర్యాదు చేశారు.తల్లిదండ్రుల ఫిర్యాదును తీవ్రంగా పరిగణించిన పోలీసులు వెంటనే రంగంలోకి దిగారు.
వారు తెలిపిన సర్వీస్ అపార్ట్‌మెంట్‌కు చేరుకుని తనిఖీలు చేపట్టగా, అక్కడ యువ వైద్యురాలు అనుమానాస్పద రీతిలో మృతి చెంది ఉండటాన్ని గుర్తించి నిర్ఘాంతపోయారు.ఈ ఘటనపై మియాపూర్ సర్కిల్ ఇన్‌స్పెక్టర్ జయరాం మీడియాతో మాట్లాడుతూ, మృతురాలితో పాటు ఆ గదిలో ఉన్న యువకుడు ప్రస్తుతం పరారీలో ఉన్నట్లు వెల్లడించారు. ఈ మృతికి గల అసలు కారణాలు ఏమిటనే కోణంలో లోతైన దర్యాప్తు ప్రారంభించినట్లు స్పష్టం చేశారు. మృతదేహాన్ని స్వాధీనం చేసుకుని పోస్టుమార్ట్ నిమిత్తం ఆసుపత్రికి తరలించారు. పోస్టుమార్ట్ నివేదిక వస్తేనే ఆమె మృతికి గల అసలు కారణాలు స్పష్టమవుతాయని పోలీసులు తెలిపారు. పరారీలో ఉన్న యువకుడి కోసం ప్రత్యేక బృందాలతో గాలింపు చర్యలు ముమ్మరం చేసినట్లు అధికారులు వెల్లడించారు.
[ Hyderabad young doctor suspicious death, Miyapur service apartment news, Hafeezpet doctor murder case,Telangana crime news Telugu, Miyapur police station investigation, Hyderabad police, CP Sajjanar, DGP C.V. Anand, Telugu One, Telugu News ]
.webp)
అహింస మార్గమే మనకు శ్రీరామరక్ష.!
గాంధీ జయంతి సందర్భంగా హైదరాబాద్‌లోని చారిత్రాత్మక బాపూఘాట్ వద్ద జాతిపిత మహాత్మా గాంధీకి రాష్ట్ర ప్రభుత్వం ఘనంగా నివాళులు అర్పించింది. లంగర్ హౌస్‌లోని బాపూఘాట్‌లో నిర్వహించిన ఈ వేడుకల్లో తెలంగాణ ముఖ్యమంత్రి రేవంత్ రెడ్డి రాష్ట్ర గవర్నర్ శివ్ ప్రతాప్ శుక్లా పాల్గొని మహాత్ముని విగ్రహానికి పూలమాలలు వేసి నివాళులర్పించారు. 1948లో మహాత్మా గాంధీ అస్థికలను నిమజ్జనం చేసిన పవిత్ర ప్రాంతమైన మూసీ ఈసీ నదుల సంగమ స్థలమైన బాపూఘాట్ వద్ద ఈ కార్యక్రమం అత్యంత నివాళులర్పించే రీతిలో కొనసాగింది. ఈ వేడుకల్లో భాగంగా ఏర్పాటు చేసిన ప్రత్యేక సర్వమత ప్రార్థన సమావేశంలో ప్రముఖులు పాల్గొన్నారు.
ఈ సందర్భంగా ముఖ్యమంత్రి రేవంత్ రెడ్డి మాట్లాడుతూ, జాతిపిత చూపిన శాంతి, అహింస, సత్యం మరియు మానవతా విలువలు ఎప్పటికీ ఆచరణీయమని స్పష్టం చేశారు. దేశ స్వాతంత్ర్య సంగ్రామంలో అహింసను ప్రధాన ఆయుధంగా మలచుకుని ముందుకు నడిచిన మహాత్మా గాంధీ ఆశయాలను ప్రతి ఒక్కరూ కొనసాగించాలని పిలుపునిచ్చారు. స్వయం సమృద్ధి, గ్రామ స్వరాజ్యం, సామాజిక సమానత్వం వంటి గొప్ప సిద్ధాంతాలకు గాంధీజీ బలమైన పునాదులు వేశారని కొనియాడారు. తెలంగాణ ప్రజల ప్రభుత్వం గాంధీ మార్గంలోనే నడుస్తూ రాష్ట్రంలో శాంతిభద్రతలు, సామాజిక సమన్యాయం, అభివృద్ధిని సాధించడమే లక్ష్యంగా ముందుకు సాగుతోందని సీఎం పునరుద్ఘాటించారు.
గాంధీ జయంతి వేడుకల్లో భాగంగా బాపూఘాట్ వద్ద ప్రత్యేకంగా ఏర్పాటు చేసిన డిజిటల్ మ్యూజియాన్ని గవర్నర్ సీఎం రేవంత్ రెడ్డి అధికారికంగా ప్రారంభించారు. ఈ చారిత్రాత్మక కార్యక్రమంలో డిప్యూటీ సీఎం మల్లు భట్టి విక్రమార్క, పీసీసీ అధ్యక్షుడు మహేష్ కుమార్ గౌడ్, పలువురు రాష్ట్ర మంత్రులు పొంగులేటి శ్రీనివాస రెడ్డి, అజహరుద్దీన్, పొన్నం ప్రభాకర్, ఎంపీ వేం నరేందర్ రెడ్డి, ప్రభుత్వ సలహాదారు వి. హనుమంతరావు, ప్రభుత్వ విప్‌లు, ఎమ్మెల్యేలు, ప్రభుత్వ ప్రధాన కార్యదర్శి సంజయ్ జాజు, డీజీపీ సి.వి. ఆనంద్ ఇతర ఉన్నతాధికారులు పెద్ద సంఖ్యలో పాల్గొని మహాత్మునికి తమ నివాళులు అర్పించారు. గాంధీ ఆశయాలను క్షేత్రస్థాయిలో ప్రజల్లోకి తీసుకువెళ్లేందుకు ఈ వేడుకలు ఎంతగానో దోహదపడతాయని నేతలు అభిప్రాయపడ్డారు
[ Bapu Ghat, Revanth Reddy, Gandhi Jayanti, Mahatma Gandhi, Telangana news, digital museum,Telugu One, Telugu News, Langar House, Digital Museum ]
కనీస ధర రూ.30కి పెంపునకు సిఫార్సు.!
తెలంగాణ రాష్ట్రంలో ఆటోరిక్షా ఛార్జీలకు సంబంధించి ప్రభుత్వం కొత్త విధానాన్ని ఖరారు చేసింది. పెరుగుతున్న నిర్వహణ వ్యయాలను పరిగణనలోకి తీసుకోవడంతో పాటు ప్రయాణికులపై భారం నియంత్రించే విధంగా టారిఫ్‌ను సవరించింది. కొత్త విధానంలో కనీస ఛార్జీ, అదనపు దూరానికి వసూలు చేసే మొత్తం, వెయిటింగ్ ఛార్జీలు, రాత్రి సమయపు రేట్లు, లగేజీ రుసుములకు సంబంధించిన నిబంధనలను స్పష్టం చేశారు. కొత్త టారిఫ్ ప్రకారం ఆటోలో తొలి 1.6 కిలోమీటర్ల వరకు ప్రయాణానికి రూ.30 చెల్లించాల్సి ఉంటుంది. ఆ దూరం దాటిన తర్వాత ప్రతి అదనపు కిలోమీటర్‌కు రూ.14 చొప్పున ఛార్జీ పెరుగుతుంది. ప్రయాణ సమయంలో ట్రాఫిక్ రద్దీ, ఇతర పరిస్థితుల కారణంగా ఆటో కొంతసేపు కదలకుండా నిలిచిపోయినా వెయిటింగ్ ఛార్జీ వర్తిస్తుంది. ఈ ఛార్జీని నిమిషానికి 75 పైసలుగా నిర్ణయించారు.రాత్రి సమయంలో ఆటో సేవలను వినియోగించే వారికి సాధారణ టారిఫ్ వర్తించదు.
రాత్రి 11 గంటల నుంచి ఉదయం 5 గంటల వరకు ప్రయాణిస్తే సాధారణ ఛార్జీకి 1.5 రెట్లు చెల్లించాల్సి ఉంటుంది. ఈ సమయాన్ని ప్రత్యేక ఛార్జీ కాలంగా నిబంధనల్లో పేర్కొన్నారు. ప్రయాణికులు తమ వెంట తీసుకెళ్లే సామానుకు సంబంధించి కూడా కొత్త విధానంలో స్పష్టత ఇచ్చారు. సాధారణ పరిమాణంలో ఉండే బ్రీఫ్‌కేస్, హ్యాండ్‌బ్యాగ్‌తో పాటు 60×40 సెంటీమీటర్ల కంటే తక్కువ పరిమాణం కలిగిన అటాచ్డ్ కేస్ లేదా బ్యాగ్‌కు ఎలాంటి అదనపు రుసుము చెల్లించాల్సిన అవసరం లేదు.అయితే నిర్దేశిత పరిమాణం కంటే పెద్దగా ఉండే ప్రతి ప్యాకేజీకి రూ.0.50 లగేజీ ఛార్జీగా వసూలు చేస్తారు.
ఒక ఆటోలో మొత్తం 100 కిలోగ్రాముల వరకు లగేజీని మాత్రమే అనుమతిస్తారు.కొత్త ఛార్జీలకు అనుగుణంగా ఆటోల్లోని డిజిటల్ మీటర్లను కూడా తప్పనిసరిగా సవరించాల్సి ఉంటుంది. ప్రయాణం ప్రారంభించి మీటర్‌ను ఆన్ చేసిన వెంటనే రూ.30 కనీస ఛార్జీగా నమోదు కావాలి.తొలి 1.60 కిలోమీటర్ల దూరం పూర్తయ్యే వరకు ఇదే కనీస ఛార్జీ కొనసాగుతుంది. ఆ తర్వాత ప్రతి 100 మీటర్ల దూరానికి రూ.1.40 చొప్పున ఛార్జీ పెరిగేలా మీటర్‌ను రీసెట్ చేయాలి.ప్రయాణికుల నుంచి సరైన ఛార్జీలు వసూలు చేయడంతో పాటు మీటర్లలోనూ కొత్త టారిఫ్ సక్రమంగా ప్రతిబింబించేలా చూడాలని రవాణా శాఖ స్పష్టం చేసింది. కొత్త విధానం అమలులో పారదర్శకతకు ప్రాధాన్యం ఇవ్వాలని అధికారులు సూచించారు.
[ Telangana auto fare hike, auto minimum charge Rs 30, Telangana transport department, auto charges per km, Hyderabad auto news, CM Revanth reddy, Minister ponnam prabhakar, Telugu One, Telugu News ]
వెబ్సిరీస్ ల్లో ఎక్కువగా బ్యాంకులు, బంగారు దుకాణాల్లో దోపిడీలకు సంబంధించిన వీడియోలే చూసేవాడు.. ఆ తర్వాత తనకున్న ఆర్మీ అనుభవాన్ని ఉపయోగించుకోని సికింద్రాబాద్ మద్రాస్ రెజిమెంట్‌ను ఎంచుకున్నాడు. ముందుగా రెక్కీ నిర్వహించాడు.. భద్రతా ఏర్పాట్లను పరిశీలించాడు.. సహచరుల సహకారం తీసుకున్నాడు.. చివరకు ఆయుధాలను చోరీ చేసి వాటిని కలకత్తాలో విక్రయించేందుకు ప్రయత్నించి చివరకు పోలీసుల చేతికి చిక్కాడు..మాజీ ఆర్మీ ఉద్యోగి హవల్దార్ మల్లేష్‌ను పోలీసులు 10 రోజుల పాటు కస్టడీలోకి తీసుకొని విచారించగా విస్తుపోయే విషయాలు వెలుగులోకి వచ్చాయి. చోరీ చేసిన ఆయుధాలను ముందుగానే పరిచయం ఉన్న అక్రమ ఆయుధాల వ్యాపారి అవల్ దెయ్ అలియాస్ ఓబీకి విక్రయించేందుకు ఒప్పందం కుదుర్చుకున్నట్లు పోలీసులు గుర్తించారు. దీంతో ఈ కేసు కేవలం ఆయుధాల చోరీకే పరిమితం కాలేదని.. దీని వెనుక పెద్ద నెట్‌వర్క్‌ ఉందా? అన్న కోణంలో దర్యాప్తు సాగుతోంది. 2009లో ఆర్మీలో చేరిన మల్లేష్‌కు ఆయుధాలు, మందుగుండు సామాగ్రిపై ప్రత్యేక శిక్షణ లభించింది.
వివిధ కంటోన్మెంట్లలో పనిచేసిన సమయంలో ఆయుధాగారం బాధ్యతలు కూడా నిర్వహించినట్లు పోలీసులు తెలిపారు. దీంతో ఆయుధాల వినియోగం, వాటి నిర్వహణ, ఆయుధాగారంలోని వ్యవస్థపై అతడికి అవగాహన ఏర్పడినట్లు దర్యాప్తులో వెల్లడైంది.అయితే విధుల్లో నిర్లక్ష్యంగా వ్యవహ రించడంతో పలుమార్లు ఉన్నతాధికారుల క్రమశిక్షణ చర్యలు ఎదుర్కొన్నట్లు పోలీసులు చెబుతున్నారు. 16 ఏళ్ల సర్వీస్ పూర్తయిన తర్వాత మరో మూడేళ్లు కొనసాగేందుకు అవకాశం ఉన్నప్పటికీ.. ఆ అవకాశాన్ని తీసుకోకపోవడంతో తనలో అసంతృప్తి, కక్ష పెరిగినట్లు మల్లేష్ చెప్పినట్లు పోలీసులు వెల్లడించారు. మల్లేష్‌కు గతంలో నేరచరిత్ర కూడా ఉన్నట్లు పోలీసుల దర్యాప్తులో బయటపడింది. 2007లోనే ఆమ్రాబాద్, అచ్చంపేట ప్రాంతాల్లో ఇళ్ల దొంగతనాల కేసుల్లో నిందితుడిగా ఉన్నట్లు పోలీసులు గుర్తించారు. ఆ తర్వాత ఆర్మీలో చేరడం.. ఆయుధాలపై శిక్షణ పొందడం.. ఆయుధాగారాల బాధ్యతలు నిర్వహించడం.. ఇవన్నీ అతడికి ఆయుధాలపై ప్రత్యేక పరిజ్ఞానాన్ని అందించినట్లు పోలీసులు భావిస్తున్నారు.
అక్రమ ఆయుధాలతో మల్లేష్‌కు పరిచయం కూడా పాతదేనని విచారణలో వెల్లడైనట్లు పోలీసులు తెలిపారు. 2022లో కలకత్తా బ్యారక్‌పూర్‌లో ఉన్న సమయంలో అక్రమ ఆయుధాల వ్యాపారి అవల్ దెయ్ అలియాస్ ఓబీతో మల్లేష్ కు పరిచయం ఏర్పడింది.. బీర్బల్ షా ద్వారా అవల్ దెయ్‌తో పరిచయం పెంచుకున్న మల్లేష్.. అతడి నుంచి రూ.10 వేలకు తుపాకీ కొనుగోలు చేసినట్లు పోలీసులు గుర్తించారు. ఆ తుపాకీతో దారి దోపిడీకి ప్రయత్నించినప్పటికీ విఫలమయ్యాడని, అనంతరం తుపాకీని స్వగ్రామంలో దాచినట్లు మల్లేష్ కన్ఫెషన్‌లో వెల్లడించినట్లు పోలీసులు తెలిపారు. అయితే మల్లేష్ ఆర్థిక ఇబ్బందులు ఎదురవుతున్న సమయంలో 2025లోనే ఆర్మీ ఆయుధాల చోరీ ఆలోచన మల్లేష్‌కు వచ్చినట్లు పోలీసులు చెబుతున్నారు. వెబ్‌సిరీస్‌లు, బ్యాంకులు, బంగారు దుకాణాల్లో దోపిడీలకు సంబంధించిన వీడియోలను చూస్తూ చోరీకి సంబంధించిన పద్ధతులను పరిశీలించినట్లు విచారణలో వెల్లడైంది. తనకు ఉన్న ఆర్మీ అనుభవాన్ని ఉపయోగించుకుని ఆయుధాలను చోరీ చేసి వాటిని విక్రయించడం ద్వారా డబ్బు సంపాదించాలనే ఆలోచనకు వచ్చినట్లు పోలీసులు అనుమాని స్తున్నారు.ఆలోచనకు కార్యరూపం ఇచ్చేందుకు మల్లేష్ మద్రాస్ రెజిమెంట్‌ను టార్గెట్‌గా ఎంచుకున్నట్లు పోలీసులు చెబుతు న్నారు. జూలై 2026లో పలుమార్లు రెక్కీ నిర్వహించి ఆయుధాగారం చుట్టూ ఉన్న భద్రతా ఏర్పాట్లను పరిశీలిం చినట్లు తెలిపారు.
సీసీ కెమెరాలు ఎక్కడ ఉన్నాయి? విద్యుత్ దీపాలు ఎక్కడ ఉన్నాయి? జవాన్ల కదలికలు ఎలా ఉంటాయి? వంటి అంశాలను పరిశీలిం చినట్లు దర్యాప్తులో వెల్లడైనట్లు సమాచారం. ఈ వ్యవహారంలో శేషులు, ప్రవీణ్, వినోద్ సహకారం తీసు కున్నట్లు పోలీసులు చెబుతున్నారు.చోరీ తర్వాత ఆయుధాలను మద్రాస్ రెజిమెంట్ నుంచి బయటకు తరలించేం దుకు మల్లేష్ యాక్టివాను ఉపయోగించినట్లు పోలీసులు గుర్తించారు. అనంతరం బ్రీజా కారులో వాటిని నాగర్‌కర్నూల్‌లోని తన ఇంటికి తరలించి దాచినట్లు కన్ఫెషన్ స్టేట్‌మెంట్‌లో వెల్లడైనట్లు తెలిపారు. అక్కడితో ఆగకుండా.. చోరీ చేసిన ఆయుధాలను ఎలా, ఎవరికి విక్రయించాలన్న దానిపై ముందుగానే ప్రణాళిక వేసుకున్నట్లు దర్యాప్తులో బయటపడింది. చోరీ చేసిన ఆయుధాలను కలకత్తాకు తరలించి విక్రయించేందుకు మల్లేష్ ముందుగానే ప్రయత్నించినట్లు పోలీసులు చెబుతున్నారు. బీర్బల్ షా ద్వారా అవల్ దెయ్ అలియాస్ ఓబీతో సంప్రదింపులు జరిపి ఆయుధాల విక్రయానికి ఒప్పందం చేసుకున్నట్లు గుర్తించారు.
ఇక్కడే కేసు మరో మలుపు తిరిగింది. బీర్బల్ షాకు బంగ్లాదేశ్ నుంచి కలకత్తాకు వచ్చే వ్యక్తులతో సంబంధాలు ఉన్నట్లు పోలీసులకు అనుమానం ఉంది. ఈ పరిచయాల వెనుక అక్రమ ఆయుధాల రవాణా, కొనుగోలు, విక్రయాల వ్యవహారం ఉందా? అనే కోణంలో అధికారులు దర్యాప్తు చేస్తున్నారు. మల్లేష్ కస్టడీ విచారణలో బయటపడిన వివరాల ఆధారంగా బీర్బల్ షా, అవల్ దెయ్ అలియాస్ ఓబీకి దేశవ్యాప్తంగా అక్రమ ఆయుధాల నెట్‌వర్క్‌ ఉన్నట్లు పోలీసులు అనుమానిస్తున్నారు. ఈ నెట్‌వర్క్‌లో ఇంకా ఎవరెవరు ఉన్నారు? ఆయుధాలు ఎక్కడి నుంచి వస్తున్నాయి? ఎక్కడికి తరలిస్తున్నారు? గతంలో ఎలాంటి లావాదేవీలు జరిగాయి? అనే అంశాలపై పోలీసులు ఆరా తీస్తున్నారు. ప్రస్తుతం బీర్బల్ షా, అవల్ దెయ్ అలియాస్ ఓబీ కోసం పోలీసులు గాలిస్తున్నారు. వీరిద్దరిని అదుపులోకి తీసుకుంటే మద్రాస్ రెజిమెంట్ ఆయుధాల చోరీతో పాటు అక్రమ ఆయుధాల క్రయవిక్రయాల వెనుక ఉన్న నెట్‌వర్క్‌పై మరిన్ని కీలక వివరాలు వెలుగులోకి వచ్చే అవకాశం ఉందని దర్యాప్తు అధికారులు భావిస్తున్నారు.
[ Bolarum weapons theft case, Mallesh, Madras Regiment Hyderabad, Hyderabad Police investigation, Army weapon robbery case,Vinod and Seshu arrest, Madras Regiment, Hyderabad police, CP Sajjanar, DGP C.V.Anand ]
ప్రధాన ఎన్నికల కమిషనర్ (సీఈసీ) వ్యవహారశైలిని నిరసిస్తూ ఢిల్లీలోని జంతర్ మంతర్ వద్ద తలపెట్టిన ఆందోళన తీవ్ర ఉద్రిక్తతకు దారితీసింది. ఓటర్ల జాబితా ప్రత్యేక సవరణ ప్రక్రియలో అవకతవకలు జరిగాయని ఆరోపిస్తూ ఆప్ నేతలు చేపట్టిన నిరసన కార్యక్రమం తీవ్ర రాజకీయ దుమారం రేపింది.ఈ నిరసనకు ఎలాంటి అనుమతి లేదంటూ ముందుగానే స్పష్టం చేసిన ఢిల్లీ పోలీసులు, ఎలాంటి అవాంఛనీయ ఘటనలు జరగకుండా భారీ బందోబస్తు ఏర్పాటు చేశారు. జంతర్ మంతర్ ప్రాంతాన్ని పూర్తిగా తమ ఆధీనంలోకి తీసుకుని, చుట్టుపక్కల ప్రాంతాల్లో పటిష్టమైన భద్రతను మోహరించారు.
నిరసన స్థలానికి చేరుకున్న ఆమ్ ఆద్మీ పార్టీ కీలక నేతలతో పాటు వందలాది మంది కార్యకర్తలను పోలీసులు అదుపులోకి తీసుకున్నారు. ప్రశాంతంగా నిరసన తెలుపుతామన్న విపక్ష నేతల మాటలను ఖాతరు చేయకుండా పోలీసులు వారిని బలవంతంగా అరెస్ట్ చేసి పోలీస్ స్టేషన్లకు తరలించారు.ఈ ఆందోళనల నేపథ్యంలో ఎలాంటి అశాంతి చెలరేగకుండా కేంద్ర బలగాలను కూడా రంగంలోకి దించారు. నిరసన ప్రాంతానికి వెళ్లే పలు మెట్రో స్టేషన్ల ద్వారాలను మూసివేసి, సాధారణ ప్రజల రాకపోకలపై తీవ్రమైన ఆంక్షలు విధించారు.
ప్రజాస్వామ్యాన్ని, రాజ్యాంగ హక్కులను కాపాడుకునేందుకే తాము ఈ పోరాటం చేస్తున్నామని ఆప్ నేతలు పేర్కొన్నారు. ఎన్నికల సంఘం ఏకపక్షంగా వ్యవహరిస్తోందని, నిష్పాక్షికత లోపించిందని వారు తీవ్రస్థాయిలో మండిపడ్డారు.ప్రభుత్వం తమ గొంతును అణచివేయాలని చూస్తోందని, నిరసన తెలిపే హక్కును కూడా కాలరాస్తున్నారని ఆరోపించారు. అయితే, శాంతిభద్రతల పరిరక్షణ కోసమే ఈ ఆంక్షలు విధించామని పోలీసులు వెల్లడించారు. రానున్న రోజుల్లో ఈ వివాదం మరింత ముదిరే అవకాశం ఉందని రాజకీయ విశ్లేషకులు భావిస్తున్నారు. విపక్షాల నుంచి వ్యతిరేకత పెరుగుతున్న తరుణంలో రాబోయే పరిణామాలు జాతీయ రాజకీయాల్లో కీలక చర్చనీయాంశంగా మారే సూచనలు కనిపిస్తున్నాయి.
[ AAP leaders detained, Jantar Mantar protest, CEC Gyanesh Kumar, Delhi Police, voter rolls controversy, Saurabh Bharadwaj, SIR, AAP MLA Sanjeev Jhanu, Telugu One, Telugu News ]
ALSO ON TELUGUONE N E W S
Hanuman Ansh is now set for a Telugu release on October 9, putting it directly against Trivikram Srinivas’ upcoming film AK 47. The clash is particularly interesting because Trivikram was initially associated with the Telugu release of Hanuman Ansh as its presenter.
Trivikram’s association with the film ended after differences over the Telugu release plans, following which Hombale Films stepped in and acquired the Telugu rights. The film, which was originally planned for a September release, was later pushed to October 9.
The Hindi version of Hanuman Ansh has already turned out to be a major success, collecting Rs.400 crores, creating strong interest around its Telugu release. The film’s unexpected box-office performance has also given the dubbed version a market of its own.
Interestingly, the film will now arrive on the same day as Trivikram’s AK 47, starring Venkatesh. With Trivikram having initially been attached to Hanuman Ansh and later moving ahead with his own film, the box office clash has naturally become a talking point in the Telugu film industry.
Disclaimer: The views/opinions expressed in this review are personal views/opinions shared by the writer and organisation does not hold a liability to them. Viewers' discretion is advised before reacting to them.
కొన్ని సినిమా జోడీలు ఎన్ని సంవత్సరాలు గడిచినా ప్రేక్షకుల మనసుల్లో అలాగే గుర్తుండిపోతాయి. అలాంటి జోడీల్లో వరుణ్ సందేశ్, శ్వేతా బసు ప్రసాద్ జంట ఒకటి. 2008లో వచ్చిన ‘కొత్త బంగారు లోకం’ సినిమాతో యూత్‌లో మంచి క్రేజ్ తెచ్చుకున్న ఈ జంట.. ఆ తర్వాత మళ్లీ కలిసి నటించలేదు. దాదాపు 18 ఏళ్ల సుదీర్ఘ విరామం తర్వాత ఇప్పుడు మరోసారి ప్రేక్షకుల ముందుకు వస్తున్నారు. అయితే ఈసారి ప్రేమకథతో కాకుండా ఓ ఆసక్తికరమైన క్రైమ్ థ్రిల్లర్‌తో జతకట్టారు. వీరిద్దరూ ప్రధాన పాత్రల్లో నటించిన ‘నా వైఫ్ మిస్సింగ్’ అనే కొత్త ఓటీటీ ఒరిజినల్‌కు సంబంధించిన గ్లింప్స్ తాజాగా విడుదలైంది.
‘నా వైఫ్ మిస్సింగ్’ టైటిల్‌కు తగ్గట్టుగానే కథ మొత్తం ఓ మిస్సింగ్ కేసు చుట్టూ తిరుగుతుంది. ఇందులో వరుణ్ సందేశ్ బాలు అనే బ్యాంకు ఉద్యోగి పాత్రలో కనిపించనున్నారు. తన భార్య కనిపించడం లేదంటూ అతడు పోలీస్ స్టేషన్‌కు వెళ్లి ఫిర్యాదు చేయడంతో కథ మొదలవుతుంది. ఆ తర్వాత పోలీసులు విచారణ మొదలుపెట్టడంతో అసలు భార్య ఏమైంది? ఆమె ఎక్కడికి వెళ్లింది? ఈ మిస్సింగ్ కేసు వెనుక అసలు నిజమేంటి? అనే ప్రశ్నలు తలెత్తుతాయి. గ్లింప్స్‌లో కనిపించే కొన్ని సన్నివేశాలు కథపై మరింత ఆసక్తిని పెంచుతున్నాయి.
ఇక ఈ ప్రాజెక్ట్‌లో మరో ఆసక్తికరమైన అంశం ఉంది. ‘కొత్త బంగారు లోకం’ సినిమాలో వరుణ్ సందేశ్ పోషించిన పాత్ర పేరు కూడా బాలు కావడం విశేషం. ఇప్పుడు ‘నా వైఫ్ మిస్సింగ్’లోనూ ఆయన బాలు పాత్రలోనే కనిపించనున్నారు. అయితే అప్పటి లవ్ స్టోరీకి పూర్తి భిన్నంగా ఈసారి సస్పెన్స్, క్రైమ్ నేపథ్యంలో కథ సాగనుంది. శ్వేతా బసు ప్రసాద్ వరుణ్ సందేశ్ భార్య పాత్రలో నటిస్తున్నారు. దాదాపు రెండు దశాబ్దాల తర్వాత ఈ జంట మళ్లీ కలిసి నటిస్తుండటంతో ఈ ప్రాజెక్ట్‌పై ప్రేక్షకుల్లో ఆసక్తి నెలకొంది.
ఈ చిత్రాన్ని స్వాతి ప్రకాశ్ దర్శకత్వం వహిస్తున్నారు. వరుణ్ సందేశ్, శ్వేతా బసు ప్రసాద్‌తో పాటు ప్రవీణ్, మోహిత్, జబర్దస్త్ సత్యశ్రీ తదితరులు కీలక పాత్రల్లో కనిపించనున్నారు. ప్రముఖ తెలుగు ఓటీటీ ప్లాట్‌ఫామ్ ఆహాలో ‘నా వైఫ్ మిస్సింగ్’ అందుబాటులోకి రానుంది. తెలుగుతో పాటు తమిళంలోనూ విడుదల చేయనున్నట్లు సమాచారం. ఇప్పటికే గ్లింప్స్ విడుదల చేసిన మేకర్స్.. స్ట్రీమింగ్ తేదీని త్వరలో ప్రకటించనున్నారు. మరి భార్య నిజంగానే మిస్సయ్యిందా? ఆమె అదృశ్యం వెనుక ఉన్న అసలు రహస్యం ఏంటి? అనే ప్రశ్నలకు సమాధానం తెలియాలంటే సిరీస్ వచ్చే వరకు ఆగాల్సిందే.
[Naa Wife Missing, Varun Sandesh, Shweta Basu Prasad, Varun Sandesh Shweta Basu Reunite, Kotha Bangaru Lokam Pair, Naa Wife Missing OTT, Naa Wife Missing Aha, Varun Sandesh New Movie, Shweta Basu Prasad New Movie, Telugu Crime Thriller, Aha Original Movie]
.webp)
ప్రజల్ని మోసం చేసిన నాయకులు ఉన్నారు గాని, నాయకుల్ని మోసం చేసిన ప్రజలు లేరని సినిమా వాళ్లే ఒక ఫేమస్ సినిమాలో డైలాగ్ రాసారు. కానీ ఇప్పుడు ప్రేక్షకులని మోసం చేసిన మేకర్స్ ఉంటారేమో గాని, మేకర్స్ ని మోసం చేసిన ప్రేక్షకులు లేరు అనే కొటేషన్ సోషల్ మీడియాలో చక్కర్లు కొడుతుంది. మరి ఆ న్యూస్ ఏంటో చూసేద్దాం.
గాంధీ జయంతి తో పాటు వీకెండ్ కావడంతో థియేటర్స్ అన్ని ప్రేక్షకులతో కళకళ లాడుతున్నాయి. ముఖ్యంగా మల్టిప్లెక్స్ లో అయితే వయసుతో తారతమ్యం లేకుండా జాతర వాతావరణం. దీంతో అక్కడ పని చేసే స్టాఫ్ ముఖాల్లో సంతోషం ఒక రేంజ్ లో ఉంది. కానీ థియేటర్ నుంచి బయటకి వచ్చిన ప్రేక్షకుడి ముఖం మాత్రం డల్. మేకర్స్ ప్రకటనలు, ప్రమోషన్లు చూసి థియేటర్ల వైపు అడుగులు వేసిన సినీ ప్రియులని కంటెంట్ లేని సినిమాలు తీవ్రంగా అసంతృప్తికి గురిచేశాయి. ఫహద్ ఫాజిల్ 'డోంట్ ట్రబుల్ ది ట్రబుల్', సందీప్ కిషన్ 'సిగ్మా', గ్రామీణ నేపథ్యంలో తెరకెక్కిన 'అనకాపల్లి' లాంటి చిత్రాలతో పాటు భారీ నిర్మాణ విలువలతో వచ్చిన పలు చిత్రాలు బాక్సాఫీస్ వద్ద నెగెటివ్ టాక్ మూటగట్టుకున్నాయి.
స్టార్ కాస్టింగ్, అగ్ర నిర్మాణ సంస్థల బ్యాకింగ్ ఉన్నప్పటికీ, సరైన కథాబలం మరియు స్క్రీన్‌ప్లే లోపించడంతో ఈ సినిమాలు ప్రేక్షకులను మెప్పించలేకపోయాయి. నేడు విడుదలైన నాలుగు ప్రముఖ చిత్రాల సగటు బాక్సాఫీస్ రేటింగ్‌లు 2.0/5 నుండి 2.75/5 మధ్యకే పరిమితమవ్వడం పరిస్థితి తీవ్రతను స్పష్టం చేస్తోంది. డోంట్ ట్రబుల్ ది ట్రబుల్' మూవీ ఫస్ట్ హాఫ్‌లో కొంత వినోదాన్ని పంచినప్పటికీ, ప్రిడిక్టబుల్ కథ మరియు వీక్ సెకండాఫ్ కారణంగా 2.25/5 నుండి 2.75/5 రేటింగ్స్ కే పరిమితమైంది. కథలోని ప్రధాన భావోద్వేగాలు ప్రేక్షకులకు సరిగ్గా కనెక్ట్ కాకపోవడమే దీనికి ప్రధాన కారణం.మరోవైపు తమిళ ప్రముఖ నటుడు విజయ్ తనయుడు జేసన్ సంజయ్ దర్శకత్వం వహించిన 'సిగ్మా' చిత్రం హీస్ట్ డ్రామాగా తెరకెక్కినప్పటికీ, కథనంలో పట్టు లేక బాక్సాఫీస్ వద్ద 2.25/5 రేటింగ్ తో నిరాశపరిచింది.
ఇది కూడా చదవండి: ఎందుకు ఇట్లా చేసిండ్రు: 'సిగ్మా' టాక్ వెనక ఉన్న అసలు నిజాలు!
సందీప్ కిషన్, ఫరియా అబ్దుల్లా లాంటి నటీనటుల ప్రతిభను ఈ సినిమా సరిగ్గా ఉపయోగించుకోలేకపోయింది. అలాగే క్రైమ్, తీవ్రమైన యాక్షన్ ఎలిమెంట్స్‌తో వచ్చిన 'అనకాపల్లి' కూడా నేటి ప్రేక్షకుల అభిరుచికి తగిన రీతిలో లేకపోవడంతో ప్రేక్షకుల నుంచి నైరాశ్యాన్నే మూటగట్టుకుంది. ఇంప్యూర్ అనే మరో మూవీ కూడా ఒక ఉదాహరణ. ఈ విధమైన నెగెటివ్ వాతావరణంలో కొద్దిగా ఉపశమనం కలిగించిన చిత్రం 'తెల్లకాగితం'. హర్ష్ రోషన్, నక్షత్ర జంటగా యూత్‌ఫుల్ ఎంటర్‌టైనర్‌గా రూపుదిద్దుకున్న ఈ చిన్న సినిమాకు 2.5/5 రేటింగ్‌తో పాటు పాజిటివ్ టాక్ లభిస్తోంది. ప్రథమార్ధంలో అమాయకత్వంతో కూడిన కామెడీ మరియు యూత్‌కి కనెక్ట్ అయ్యే సన్నివేశాలు ప్రేక్షకులను ఆకట్టుకున్నాయి. పెద్ద సినిమాలు కంటెంట్ లేక బోల్తా పడుతున్న వేళ, చిన్న చిత్రమైన 'తెల్లకాగితం' బాక్సాఫీస్ వద్ద కొంతవరకు ప్రేక్షకులను అలరిస్తూ ముందుకు సాగుతోంది. రాబోయే రోజుల్లో మేకర్స్ కేవలం పబ్లిసిటీపైనే కాకుండా స్క్రిప్ట్ బలంపై దృష్టి పెట్టాల్సిన అవసరం ఉందని ఈ వారం బాక్సాఫీస్ ఫలితాలు స్పష్టం చేస్తున్నాయి. మరి దీన్ని బట్టి ఏం అర్ధమయ్యింది. వరుస సెలవుల మధ్య అరడజను సినీ పండుగ వచ్చిందని ప్రేక్షకుడు, సినీ ప్రేమికుడు సంబరపడుతుంటే వాళ్ళ నమ్మకాన్ని నీటి బుడగ చేసారు.
[This week Released Telugu Movies Reviews, This week Released Movies Public Talk, Sigma Movie Public Talk, Sigma Movie Review Telugu, Dont Trobule The dont Trobule, sigma Movie Review In Telugu, Sigma Movie Review, Sundeep Kishan Sigma Movie Review]
Jason Sanjay’s directorial debut Sigma opened in theatres on Friday, October 2, with his family turning up to support him on the big day. Vijay’s wife Sangeetha Sornalingam and daughter Divya Sasha made a rare public appearance as they arrived at Chennai’s Kamala Cinemas for an early screening of the film.
Videos from the theatre showed Sangeetha and Divya making their way inside, with Sangeetha acknowledging photographers. Jason Sanjay was also seen accompanying his mother and sister at the theatre. Following the screening, an emotional moment between Jason and his mother, as the two hugged amid cheers, was captured on camera.
The appearance has drawn attention given how rarely Sangeetha and Divya are seen in public. Recent reports have also focused on developments surrounding Vijay and Sangeetha’s relationship, although neither has publicly confirmed the reports surrounding their marriage. Sangeetha’s appearance at Sigma keeps the focus, however, on her support for her son as he begins his journey as a filmmaker.
Sigma, starring Sundeep Kishan and Faria Abdullah, marks Jason Sanjay’s debut as a writer-director. The young filmmaker had earlier said that Vijay would not be involved in the film’s promotions, as he wanted the attention to remain on the movie rather than his father’s star status. At the film’s promotional event, Jason thanked his mother, father and sister for their support.
Disclaimer: The views/opinions expressed in this review are personal views/opinions shared by the writer and organisation does not hold a liability to them. Viewers' discretion is advised before reacting to them.
విజయ్ దేవరకొండ హీరోగా, రష్మిక మందన్న హీరోయిన్‌గా నటిస్తున్న పీరియాడికల్ యాక్షన్ డ్రామా ‘రణబాలి’. ‘టాక్సీవాలా’ తర్వాత విజయ్ దేవరకొండ, దర్శకుడు రాహుల్ సంకృత్యాన్ కాంబినేషన్‌లో వస్తున్న ఈ సినిమాపై ఇప్పటికే భారీ అంచనాలు ఉన్నాయి. 19వ శతాబ్దపు బ్రిటిష్ పాలన నేపథ్యంలో సాగే ఈ చిత్రాన్ని 1854–1878 మధ్య జరిగిన వాస్తవ చారిత్రక సంఘటనల ఆధారంగా తెరకెక్కిస్తున్నట్లు చిత్రబృందం చెబుతోంది. ఈ నేపథ్యంలో సినిమాకు సంబంధించిన ఆసక్తికర విషయాలను దర్శకుడు రాహుల్ పంచుకుంటున్నారు. తాజాగా ‘రణబాలి’ పాత్రను తీర్చిదిద్దడం వెనుక ఉన్న స్ఫూర్తి గురించి ఆయన ఆసక్తికర విషయాలు వెల్లడించారు.
సినిమాలో విజయ్ దేవరకొండ సింగనమల బొబ్బిలి రణబాలి అనే యోధుడి పాత్రలో కనిపించనున్నారు. బ్రిటిషర్లకు వ్యతిరేకంగా పోరాడిన రాయలసీమ ప్రాంతానికి చెందిన వీరుడిగా ఈ పాత్రను చూపించబోతున్నారు. అయితే రణబాలి పాత్రను ఒకే వ్యక్తి జీవిత కథ ఆధారంగా రూపొందించలేదని, ముగ్గురు రాయలసీమ వీరుల స్ఫూర్తిని తీసుకుని పాత్రను తీర్చిదిద్దినట్లు దర్శకుడు రాహుల్ వెల్లడించినట్లు సమాచారం. దీంతో విజయ్ పోషిస్తున్న ఈ పాత్రలో చారిత్రక నేపథ్యంతో పాటు కల్పిత అంశాలు కూడా మిళితమై ఉండనున్నట్లు తెలుస్తోంది.
ఇక రష్మిక మందన్న ఈ సినిమాలో జయమ్మ పాత్రలో కనిపించనున్నారు. ఈ పాత్రకు తన తల్లి పేరు పెట్టినట్లు గతంలో దర్శకుడు రాహుల్ తెలిపారు. 19వ శతాబ్దానికి చెందిన మహిళగా జయమ్మ పాత్రను రూపొందించినప్పటికీ.. నేటి మహిళలకు స్ఫూర్తినిచ్చేలా ఆమె క్యారెక్టర్‌ను తీర్చిదిద్దినట్లు చెప్పారు. విజయ్, రష్మిక జంటగా ‘గీత గోవిందం’, ‘డియర్ కామ్రేడ్’ తర్వాత కలిసి నటిస్తున్న మూడో సినిమా ఇదే కావడం మరో ప్రత్యేకత.
మైత్రీ మూవీ మేకర్స్ పతాకంపై నవీన్ యెర్నేని, వై. రవిశంకర్ ఈ సినిమాను భారీ స్థాయిలో నిర్మిస్తున్నారు. ‘ది మమ్మీ’ ఫేమ్ ఆర్నాల్డ్ వోస్లూ ఇందులో విలన్‌గా కనిపించనుండగా.. పీరియాడికల్ బ్యాక్‌డ్రాప్, యాక్షన్ సన్నివేశాలతో సినిమాను తెరకెక్కిస్తున్నారు. ముందుగా ప్రకటించిన షెడ్యూల్ ప్రకారం ‘రణబాలి’ అక్టోబర్ 16న దసరా కానుకగా ప్రపంచవ్యాప్తంగా థియేటర్లలోకి రానుంది. ఇప్పుడు రణబాలి పాత్ర వెనుక ఉన్న ఈ ముగ్గురు రాయలసీమ వీరులు ఎవరు? వారిని దర్శకుడు ఎలా సినిమాలోకి తీసుకొచ్చారు? అనే విషయాలు ప్రేక్షకుల్లో మరింత ఆసక్తిని పెంచుతున్నాయి.
[Ranabaali, Ranabaali Movie, Vijay Deverakonda Ranabaali, Rahul Sankrityan, Ranabaali Character, Rayalaseema Warriors, Vijay Deverakonda New Movie, Rashmika Mandanna Ranabaali, Ranabaali Release Date, Ranabaali Movie Updates]
ఇళయ దళపతి విజయ్ తనయుడు జేసన్ సంజయ్ మెగాఫోన్ చేపట్టి సందీప్ కిషన్ తో తెరకెక్కించిన మూవీ 'సిగ్మా'. మెగాస్టార్ చిరంజీవి ప్రీ రిలీజ్ ఈవెంట్ కి గెస్ట్ గా వచ్చి మాట్లాడటంతో పాటు విజయ్ కొడుకు డైరెక్టర్ గా డెబ్యూ మూవీ కావడంతో ప్రాజెక్ట్ పై క్రేజ్ అనేది ఏర్పడింది. అయితే షోస్ పడినప్పటి దగ్గర నుంచి మేకింగ్ అద్భుతంగా ఉందనే ప్రశంసలు వస్తుంటే, మరోవైపు నెగెటివ్ టాక్ కూడా వినిపిస్తుంది.
ఇందుకు ప్రధాన కారణం కథ, కథనం.. ఏ లాంగ్వేజ్ లో చూసుకున్న సిగ్మా లాంటి కథలు చాలా వచ్చాయి. పైగా క్లైమాక్స్ లో ఏం జరుగుతుందో సినిమా ఫస్ట్ సీన్ లోనే తెలిసిపోతుంది. ప్రిడిక్టబుల్ సీన్లు, సెకండాఫ్ ప్రొసీడింగ్స్ నెమ్మదించాయి. స్క్రీన్‌ప్లేలో ఎలాంటి ట్విస్ట్‌లు లేవు. కానీ జేసన్ సంజయ్ మేకింగ్ శైలి, షాట్ డివిజన్, సందీప్ కిషన్ టైమింగ్, థమన్ బ్యాక్‌గ్రౌండ్ స్కోర్, ఫొటోగ్రఫీ, నిర్మాణ విలువలు బాగున్నాయని. జాసన్ , సందీప్ మరో కథతో సెల్ల్యులాయిడ్ పైకి వచ్చి ఉంటే బాగుండేదనే అభిప్రాయాన్ని సినీ విశ్లేషకులు సోషల్ మీడియా వేదికగా తమ అభిప్రాయాన్ని వ్యక్తం చేస్తున్నారు
ఇది కూడా చదవండి: Sigma Movie Review Telugu: సిగ్మా మూవీ రివ్యూ
రివ్యూస్ కూడా తెలుగు, తమిళ నాట నెగిటివ్ గానే వస్తున్నాయి. మరి తొలి రోజుతో పాటు వీకెండ్ లో ఏ మేర కలెక్షన్స్ రాబడుతుందో చూడాలి. లండన్, కెనడాలో జాసన్ ఫిలిం మేకింగ్ లో శిక్షణ పొందాడు.
[Sigma Movie Public Talk, Sigma Movie Review Telugu, sigma Movie Review In Telugu, Sigma Movie Review, Sundeep Kishan Sigma Movie Review, Sigma Movie, Jasan Sanjay, Telugu Cinema News, Tollywood CInema News, Tollywood]
ఒకప్పుడు తెలుగు సినిమాల్లో తనదైన బోల్డ్ కామెడీతో సంచలనాలు సృష్టించిన దర్శకుడు ఈవీవీ సత్యనారాయణ. ఆయన సినిమాల్లో కామెడీతో పాటు సమాజంలో కనిపించే కొన్ని అంశాలను వ్యంగ్యంగా చూపించే విధానం ప్రత్యేకంగా ఉండేది. అలాంటి సినిమాల్లో ‘ఆరుగురు పతివ్రతలు’ కూడా ఒకటి. అల్లరి నరేష్ ప్రధాన పాత్రలో నటించిన ఈ సినిమా 2004లో ప్రేక్షకుల ముందుకు వచ్చింది. అప్పట్లో బోల్డ్ కంటెంట్, రియలిస్టిక్ కామెడీతో ఈ సినిమా చర్చనీయాంశంగా మారింది. ఇప్పుడు దాదాపు రెండు దశాబ్దాల తర్వాత ఈ మూవీ మరోసారి థియేటర్లలో సందడి చేసేందుకు సిద్ధమవుతోంది.
పెళ్లి, వైవాహిక జీవితంలో ఎదురయ్యే సమస్యలు, భార్యాభర్తల మధ్య అపార్థాలు, వివాహేతర సంబంధాలు, బలవంతపు పెళ్లిళ్లు వంటి పలు అంశాలను ఈవీవీ తనదైన కామెడీ శైలిలో ఈ సినిమాలో చూపించారు. ముఖ్యంగా ఆరుగురు మహిళల జీవితాల చుట్టూ కథను నడిపిస్తూ.. వారి పెళ్లిళ్లు, భర్తలతో ఎదురైన సమస్యలు, వ్యక్తిగత అనుభవాలను కథలో భాగంగా తెరకెక్కించారు. అప్పట్లో ఇలాంటి అంశాలను కామెడీతో కలిపి చూపించడం కొత్తగా అనిపించడంతో సినిమాకు ప్రత్యేక గుర్తింపు వచ్చింది. ఈ మూవీలో అమృత, లహరి, చలపతిరావు, ఎల్‌బీ శ్రీరామ్ తదితరులు కీలక పాత్రలు పోషించారు.
ఇక ఈ సినిమాకు అప్పట్లో వచ్చిన క్రేజ్‌ను దృష్టిలో పెట్టుకుని ఇప్పుడు రీ-రిలీజ్‌కు సిద్ధం చేస్తున్నారు. అల్లరి నరేష్ పుట్టినరోజు సందర్భంగా ఈ సినిమా రీ-రిలీజ్‌పై ప్రకటన రావడంతో సోషల్ మీడియాలో కూడా ఆసక్తి మొదలైంది. దాదాపు 20 ఏళ్ల క్రితం వచ్చిన ఈ సినిమాను మరోసారి బిగ్ స్క్రీన్‌పై చూసేందుకు అభిమానులు ఆసక్తి చూపిస్తున్నారు. రీ-రిలీజ్‌ను అక్టోబర్ 29న నిర్వహించనున్నట్లు తాజా సమాచారం. పాత సినిమాల రీ-రిలీజ్‌లకు ప్రేక్షకుల నుంచి వస్తున్న స్పందన నేపథ్యంలో ‘ఆరుగురు పతివ్రతలు’కు ఎలాంటి ఆదరణ లభిస్తుందనేది ఆసక్తికరంగా మారింది.
ఈవీవీ సత్యనారాయణ కెరీర్‌లో ‘ఆరుగురు పతివ్రతలు’కు ప్రత్యేకమైన స్థానం ఉందని చెప్పొచ్చు. అప్పటి ప్రేక్షకులను నవ్వించడంతో పాటు అప్పటి వరకు పెద్దగా చర్చకు రాని కొన్ని వైవాహిక అంశాలను కూడా సినిమాలో ప్రస్తావించారు. ఇప్పటికీ ఈ సినిమాలోని కొన్ని సన్నివేశాలు, కామెడీ సోషల్ మీడియాలో మీమ్స్ రూపంలో కనిపిస్తుంటాయి. దీంతో ఈ సినిమా మరోసారి థియేటర్లలోకి వస్తుండటంతో ఈవీవీ సినిమాలను ఇష్టపడే ప్రేక్షకుల్లో ఆసక్తి నెలకొంది.
[Aaruguru Pativratalu Re Release, Aaruguru Pativratalu Movie, EVV Satyanarayana, Allari Naresh, Aaruguru Pativratalu Re Release Date, EVV Cult Classic, Telugu Movie Re Release, Allari Naresh Movies, EVV Satyanarayana Movies, Aaruguru Pativratalu 2026]
Cast: Sundeep Kishan, Faria Abdullah, Raju Sundaram, Sampath, Anbu Thasan, Yog Japee, Shiv Panditt
Crew:
Written by Jason Sanjay, Ajaiy Ashok, Kaleel Raja, S. Sanjeev
Music by S Thaman
Cinematography by Krishnan Vasant
Editing by Praveen K.L.
Directed by Jason Sanjay
Produced by A. Subaskaran
Jason Sanjay debuting as a writer-director with Sigma, made headlines, as he is the son of TN CM Vijay. Sundeep Kishan and Faria Abdullah have been cast in this film with a huge budget and it is produced by Lyca Productions. The movie released for Gandhi Jayanthi weekend after delays and let's discuss about it in detail.
Plot:
Guru (Sundeep Kishan) runs an old library has his mother asked him to never give it away. His father took heavy loans and sold off all their properties, still, Guru has to pay Rs.1.25 crores to a loan vulture. He keeps trying to make it on social media with story-telling but until he meets RJ Sam (Faria Abdullah), he doesn't succeed. He first uses her voice through AI but she later joins looking at the reception.
On the other hand, a forest based smuggler and drug peddler, Veerayya Reddy (Sampath) supplies his drug Ceaser to casinos and cracks a deal with a peddler to set-up more casinos. He sets up a vault with his money in forest and gives one key to person who wanted to partner with him. Meanwhile, Casino owner (Shiv Panditt) uses all ways to cheat players at his casino and make the house win. Sundeep lashes out at him but he later knows that he is sitting on the fortune left by Reddy. How? Will he be able to clear his debts? Watch the movie to know more.
Analysis:
Sundeep Kishan tries to infuse energy but the writing doesn't help him at all. His looks and his performance are good but still doesn't rise about the script. Faria Abdullah, Sampath, Raju Sundaram, Anbu Thasan scenes lack any impact. Shiv Panditt and his right hand man track are just too boring.
Movie tries to hard to sell emotions of the character trying to give them back stories. But none of them really leave an impact as the heist is dragged with each sequence looking like extension rather than going for a new resolve or twist. Movie takes logical liberties even within the world it had set-up.
None of the action scenes and sequences do not work as they have expected as they lack any tact. It feels like whatever is written on paper is not brought on to the screen with same effect or it lacked at the script stage itself. The production values and budget spent is seen but it feels wasted.
Cinematography, editing are good enough as we cannot just state that editor did not cut out portions when director needed them to be in, it feels so, while watching the movie. S Thaman's BGM and music are massive let down. Overall, Sigma doesn't work as a wholesome heist film that makers wanted it to be.
Positives:
Sundeep Kishan performance
Few scenes featuring Sampath
Production Values
Negatives:
Lethargic Writing
Lacklustre Script
Nothing working in second hour
Draggy Climax
Bottomline: Jason Sanjay doesn't impress with his debut as a director.
Rating: 2.25/5
Disclaimer: The views/opinions expressed in this review are personal views/opinions shared by the writer and organisation does not hold a liability to them. Viewers' discretion is advised before reacting to them.
.WEBP)
విజయ్ దేవరకొండ, రష్మిక మందన్న జంటగా రాహుల్ సాంకృత్యాన్ దర్శకత్వంలో రూపొందిన 'రణబాలి' (2026) చిత్రంలోని "ఏందయ్యా సామి..." పాట శ్రోతలను ఎంతగానో ఆకట్టుకున్న ఒక మధురమైన రొమాంటిక్ మెలోడీ.
ఈ పాట సమగ్ర విశ్లేషణ మీకోసం:
పాట సాహిత్యం:
గ్రామీణ, నైరూప్య వాతావరణంలో సాగే ప్రేమాయణాన్ని, ప్రేమికుల నడుమ ఉండే అనురాగాన్ని, చిన్నపాటి అలకలు, సరసాలను రామజోగయ్య శాస్త్రి అచ్చతెలుగు జానపద సొగసులతో ఎంతో ఆత్మీయంగా మలిచారు.
పల్లవి:
ఏందయ్యా సామి
ఇట్ట గాస్తాంది ఎన్నెల
ఊపేస్తా ఉంది
సిత్తరాల ఉయ్యాలా
భావం:
ఈ పాటలో నాయిక తన ప్రియుడిపై ఉన్న తీవ్రమైన ప్రేమను, అతని తలపులతో మనసులో కలిగే అలజడిని ప్రకృతితో ముడిపెడుతూ వ్యక్తపరుస్తుంది. ఆకాశంలో కాస్తున్న వెన్నెల, వీచే చల్లని గాలి కూడా తనలో విరహ వేదనను, ఊహల ఉయ్యాలను రేపుతున్నాయని చిలిపిగా, ముద్దుగా కవ్విస్తుంది.
చరణం 1:
సాటుగా గిచ్చినా గిలి సెక్కిలి గింతైనా
మీసమే గుచ్చినా చెలి సక్కెర ముద్దైనా
భావం:
కథానాయకుడు సాటుగా గిల్లీ గిలిగింతలు పెట్టినా, అతని మీసాల ఘాటు గుచ్చుకుంటున్నా... ఆ స్పర్శ ప్రియురాలికి ఎంతమాత్రం బాధగా అనిపించకపోగా, తీపి ముద్దు (చక్కెర ముద్ద) వలె ఎంతో అమృతతుల్యంగా, మైమరపించేలా అనిపిస్తోందని నాయిక తన రసికతను వ్యక్తపరుస్తుంది.
చరణం 2:
అమ్మవో ఆలివో నువ్వు ఎవరో గానీ
జన్మనే ఏలవే రణబాలుని రాణి
భావం:
నాయకుడు తన ప్రేమికురాలిని తల్లితో (అమ్మ) మరియు అర్ధాంగితో (ఆలి) పోలుస్తూ, తన జీవితానికి సరికొత్త అర్థాన్ని తెచ్చిన ఆ రూపం ఎవరైనప్పటికీ, తన జన్మను ఏలే రాణిలా ఏలమని వేడుకుంటాడు.
ఆమె పట్ల అతనికి ఉన్న అపరిమితమైన అనురాగం, గౌరవం మరియు జీవితాంతం తోడుగా ఉంచుకోవాలనే తపన ఈ పంక్తులలో వ్యక్తమవుతుంది.
నటీనటుల హావభావాలు & విజువల్స్
విజయ్ దేవరకొండ, రష్మిక జోడీ స్క్రీన్ ప్రెజెన్స్ మరియు వారి నడుమ పండిన సహజమైన భావోద్వేగాలు ఈ విజువల్ మెలోడీని మరంత ప్రత్యేకంగా నిలబెట్టాయి.
గాయకులు & సంగీతం:
గానం: శ్వేత మోహన్ మధురమైన, భావయుక్తమైన గొంతు నాయిక వేదనను, ప్రేమను ప్రతిబింబించగా, అజయ్ గోగవాలే గాత్రం పాటకు పరిపూర్ణతను తెచ్చింది.
సంగీతం: అజయ్-అతుల్ అందించిన సోల్‌ఫుల్ అండ్ ఫోక్ మెలోడీ ట్యూన్ పాటకు అతిపెద్ద బలం. నాటు తంబూరా, మువ్వల చప్పుడు మిళితమైన సంగీతం గుండెను తాకుతుంది.
[Ranabaali, VijayDeverakonda, RashmikaMandanna, EndhayyaSaami, AjayAtul, TeluguRomantic Songs, TeluguMelodySongs, TeluguLyrics, TeluguHitSongs]
సినిమా పేరు: సిగ్మా
నటీనటులు: సందీప్ కిషన్, ఫరియా అబ్దుల్లా, రాజు సుందరం, సంపత్, శివ్ పండిట్ తదితరులు
సినిమాటోగ్ర‌ఫీ: కృష్ణన్ వసంత్
ఎడిటింగ్: కె ఎల్ ప్రవీణ్
మ్యూజిక్: థమన్
నిర్మాత: సుభాస్కరన్, జికేఎమ్ తమిళ్ కుమరన్
బ్యానర్: లైకా ప్రొడక్షన్స్
రచన,దర్శకత్వం: జాసన్ సంజయ్
రిలీజ్ డేట్ : అక్టోబర్ 2 ,2026
సందీప్ కిషన్ , ఫరియా అబ్దుల్లా ఈ రోజు ఇళయ దళపతివిజయ్ కొడుకు జాసన్ సంజయ్ దర్శకత్వంలో 'సిగ్మా' తో థియేటర్స్ లో అడుగుపెట్టారు. మరి మూవీ ఎలా ఉందో చూద్దాం.
కథ
గురు(సందీప్ కిషన్) తల్లి నుంచి వారసత్వంగా వచ్చిన లైబ్రరీ ని రన్ చేస్తుంటాడు. తెలుగు సాహిత్యపు అమ్ములపొదిలో ఉన్న జీవిత సత్యాలు, ఆహ్లదకరమైన కవితలతో కూడిన ఎన్నో అద్భుతమైన పుస్తకాలు లైబ్రరీలో ఉంటాయి.నేటి ఆధునిక ప్రపంచాన్ని ఆకట్టుకోవడానికి యూట్యూబ్ లో ఆడియో బుక్ ఛానల్ కూడా నడుపుతుంటాడు. వీరయ్య రెడ్డి(సంపత్) అసాంఘిక శక్తీతో పాటు ప్రమాదకరమైన సీజర్ అనే డ్రగ్ డీలర్.. విన్సెంట్( శివ్ పండిట్) థియేటర్ ఓనర్. కానీ థియేటర్ లోపల మనుషుల జీవితాలని తలకిందులు చేసే జూదాన్ని( గ్యాంబ్లింగ్) నడుపుతుంటాడు. గురు, వీరయ్య రెడ్డి, విన్సెంట్ మధ్య ఏం జరిగింది? అది ఎలాంటి పోరాటానికి దారి తీసింది? పోరాటానికి ఏర్పడిన పరిస్థితులు ఏంటి? చివరికి ఏం జరిగింది? అనేదే సిగ్మా
ఎనాలసిస్
మొత్తం అరగంటలో అయిపోయే కథని రెండున్నర గంటల పాటు లాగారు. ఆ విషయం సెకండ్ హాఫ్ స్టార్ట్ అయిన దగ్గర్నుంచి ఈజీగా తెలిసిపోతుంది. కథకి అవసరం లేని సీన్స్ ఎన్నో వచ్చాయి. కాకపోతే మూవీ చూస్తున్నంత సేపు డబ్బు ఎంత గొప్పదో, దాన్ని సంపాదించడమే జీవిత లక్ష్యంగా పెట్టుకోవచ్చనే ఐడియా మాత్రం ప్రతి ఒక్కరికి అనిపిస్తుంది. సిగ్మా కథ ఆత్మ కూడా అదే. కాబట్టి మేకర్స్ సెకండ్ హాఫ్ లో హీరో క్యారక్టర్ మైండ్ లో డబ్బు పాయింట్ నే బేస్ చేసుకొని కథని సృష్టించుకుంటే బాగుండేది. అలా కాకుండా ఫస్ట్ హాఫ్ లో ఉన్న పాయింట్ నే అనవసరపు లాగ్స్ తో నడిపించారు. ఫస్ట్ హాఫ్ లో చూసుకుంటే గురు( సందీప్ కిషన్) ఇంట్రడక్షన్ బాగుంది.
లైబ్రరీ సీన్స్, యూ ట్యూబ్ ఛానల్ ఐడియా, ఆర్ జె సామ్, ( ఫరియా అబ్దుల్లా) గురు మధ్య వచ్చిన సీన్స్, సాంగ్స్ బాగున్నాయి. అసలు ఫస్ట్ హాఫ్ లో అలా స్టెప్ బై స్టెప్ సీన్స్ వెళ్తున్న కొద్దీ సిగ్మా హిట్ అని అనిపిస్తుంది. కానీ సెకండ్ హాఫ్ నుంచే ఫస్ట్ హాఫ్ లో ఉన్న పాయింట్ పైనే వెళ్లారు. దీంతో సీన్స్ బలం లేక తేలిపోయాయి. మరి ముఖ్యంగా గురు డబ్బు డిమాండ్ చేసే తీరు, వాటి ప్లాన్స్ అన్ని దారుణం. చాలా సినిమాల్లో చూసేసాం. ఎంటర్ టైన్ మెంట్ కోణంలో అయినా చెప్పుండాల్సింది. వీరయ్య రెడ్డి క్యారక్టర్ లో సరైన క్లారిఫికేషన్ లేదు. యాక్షన్ సీక్వెన్స్ సైతం బాగోలేదు. ప్రీ క్లైమాక్స్, క్లైమాక్స్ ది అదే పరిస్థితి.
నటీనటులు సాంకేతిక నిపుణల పని తీరు
సందీప్ కిషన్ పెర్ఫార్మెన్స్ లో మెరుపులు లేవు. రెగ్యులర్ గానే చేసాడు. కాకపోతే క్యారక్టర్ కి పర్ఫెక్ట్ గా సూటయ్యాడు. ఫరియా అబ్దుల్లా తన క్యారక్టర్ పరిధి మేరకు మెప్పించింది. సంపత్ నటన కూడా రొటీన్. విన్సెంట్ గా చేసిన శివ్ పండిట్ మాత్రం ఇరగదీసాడు. తన స్క్రీన్ ప్రెజెన్స్, లుక్స్ తో స్క్రీన్ ని మెస్మరైజ్ చేసాడు. రాజు సుందరం తో పాటు మిగతా నటీనటులు కూడా మెప్పించారు. గురు తల్లిగా చేసిన షీలా రాజ్ కుమార్ కనపడింది కాసేపే అయినా తన సహజమైన అందం లాగానే సహజమైన నటనతో మెప్పించింది. జాసన్ సంజయ్ దర్శకుడిగా భారీగా సక్సెస్ అయ్యాడు. రైటర్ గా భారీగా ఫెయిల్ అయ్యాడు. నిర్మాణ విలువలు, ఫొటోగ్రఫీ, థమన్ బ్యాక్ గ్రౌండ్ స్కోర్ సూపర్ గా ఉన్నాయి.
బలాలు
జాసన్ సంజయ్ దర్శకత్వం
ప్రొడక్షన్ వాల్యూస్
బలహీనతలు
కథ
కథనం
చివరిగా చెప్పాలంటే డైరెక్షన్ సూపర్. కానీ ప్రేక్షకులు ఎప్పుడో చూసేసిన 'కథ'ని అనవసరపు సీన్స్ తో నింపేసి 'సిగ్మా'గా మళ్ళీ తీసుకొచ్చారు.
రేటింగ్ 2.25 /5 అరుణాచలం
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధగా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్ర‌పంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్టర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్ర‌పంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన దగ్గర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శక్తి సామ‌ర్ధ్యాలు లేవు. అందుక‌నే త్వరలో ఎవ‌రిక‌యినా అమ్మేసీ వచ్చిన సొమ్మును పిల్ల‌ల‌కు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అందరూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వరుస ట్వీట్లు చేశారు. వ్యక్తిగత ప్రయోజనాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను లక్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూటమికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
పంచతంత్రంగా పిలుచుకుంటున్న ఐదు రాష్టాల అసెంబ్లీ ఎన్నికల్లో అద్భతం జరగబోతోంది. కేంద్ర ఎన్నికల సంఘం నాలుగు రాష్ట్రాలు, కేంద్రపాలిత ప్రాంతం పుదుచ్చేరి అసెంబ్లీ ఎన్నికల షెడ్యూలు ప్రకటించిన వెంటనే, వివిధ సంస్థలు అసెంబ్లీ ఎన్నికలు జరిగే అస్సాం. పశ్చిమబెంగాల్, తమిళనాడు రాష్ట్రాలతో పాటుగా కేరళలోనూ ఒపీనియన్ పోల్స్ నిర్వహించాయి. ఆ ఒపీనియన్ పోల్ ఫలితాలు నిజంగా నిజం అయితే, కేరళలో మళ్ళీ సీపీఎం సారధ్యంలోని వామపక్ష కూటమి అధికారంలోకి వస్తుంది. ఇదే ఆ అద్భుతం.
ఎందుకంటే, గత నాలుగు దశాబ్దాలలో కేరళ అసెంబ్లీ ఎన్నికల్లో ఒకే కూటమి వరసగా రెండవసారి అధికారంలోకి వచ్చిన చరిత్ర లేనే లేదు. ఒక సారి ఎల్డీఎఫ్ అధికారంలోకి వస్తే ఐదేళ్ళ తర్వాత కాంగ్రెస్ సారధ్యంలోని ఐక్య ప్రజాస్వామ్య కూటమి(యూడీఎఫ్) అధికారంలోకి రావడం, దేవభుమిలో దైవ నిర్ణయమా అన్నట్లుగా ప్రతి ఎన్నికల్లోనూ అధికారం చేతులు మారుతూ వస్తోంది. అలాంటిది, ఈసారి ఒపీనియన్ పోల్స్ నిజమై వరసగా రెండవసారి వామపక్ష కూటమి అధికారంలోకి వస్తే, అది చరిత్రే అవుతుంది.
ఇక ఒపీనియన్ పోల్స్ విషయానికి వస్తే, జాతీయ న్యూస్ ఛానెల్ ఏబీపీ, సీ ఓటర్ సంస్థలు సంయుక్తంగా ఒపీనియన్ పోల్స్ నిర్వహించాయి. ఈ సర్వే ప్రకారం, 140 స్థానాలున్న కేరళ అసెంబ్లీలో వామపక్ష కూటమికి 83 నుంచి 91 స్థానాలు, యూడీఎఫ్ కూటమికి 47 నుంచి 55 స్థానాలు మాత్రమే దక్కుతాయని తెలుస్తోంది. కాంగ్రెస్ అగ్రనేత రాహుల్ గాంధీ ప్రాతినిధ్యం వహిస్తున్న రాష్ట్రంలో ఇలా జాతకాలు తిరగబడడంపై సోషల్ మీడియాలో,’లెగ్ మహిమ’ లాంటి జోక్స్ ట్రోలవుతున్నాయి. అయితే 2016లో జరిగిన ఎన్నికల్లో కేవలం 47 సీట్లకే పరిమితం అయిన కాంగ్రెస్’కు ఈసారి ఒకటీ అరా సీట్లు ఎక్కువస్తే, రావచ్చును. అదే కాంగ్రెస్’కు కాసింత ఊరట. అదలా ఉంటే, పశ్చిమ బెంగాల్లో సైతం పట్టు సాధించిన బీజేపే, కేరళలో మాత్రం పట్టు కాదు కదా, పట్టుమని పది సీట్లు తెచ్చుకునే స్థితిలో లేదు. నిజానికి, దేశంలో బీజేపీకి అసలు ఏ మాత్రం మింగుడు పడని రాష్ట్రాలు ఎవైన ఉన్నాయంటే కేరళ, ఆంధ్ర ప్రదేశ్ రాష్ట్రాల పేర్లే ప్రముఖంగా వినిపిస్తాయి. ఈ సారి కూడా కమల దళం కేరళలో కాలు పెట్టె పరిస్తి లేదని సర్వే ఫలితాలు చెపుతున్నారు. ఎప్పటిలానే ఇప్పడు కూడా బీజేపీకి సున్నా నుంచి రెండు సీట్లు వచ్చే అవకాశం ఉందని, సర్వేస్వరుల అభిప్రాయంగా ఉంది. కేరళలో మొత్తం 140 స్థానాలకు ఏప్రిల్ 6 తేదీన ఒకే విడతలో పోలింగ్ జరుగుతుంది. మే 2 తేదీన ఫలితాలు వెలువడతాయి. కేరళ ఎలక్షన్ పై యావత్ దేశం ఆసక్తి కనబరుస్తోంది.
కేంద్ర ఎన్నికలసంఘం ‘పాంచ్ పటాక’ గంట కొట్టింది. అస్సాం, పశ్చిమ బెంగాల్, కేరళ, తమిళనాడు రాష్ట్రాలు, పుదుచ్చేరి కేంద్ర పాలిత ప్రాంతాల అసెంబ్లీ ఎన్నికల షెడ్యూలును కేంద్ర ఎన్నికల సంఘం విడుదలచేసింది. ఎన్నికల గంట మోగడంతో మొదలైన మరో భారత ‘మినీ’ సంగ్రామానికి మే 12 తేదీన జరిగే ఓట్ల లెక్కింపుతో తెర పడుతుంది.ఈలోగా వివిధ అంచల్లో పోలింగ్ జరుగుతుంది. నాలుగు రాష్ట్రాలు, ఒక కేంద్ర పాలిత ప్రాంతం ఓటరు తీర్పుకు వెళుతున్నా, అందరి దృష్టి, ముఖ్యంగా ప్రాంతీయ పార్టీల ఏలుబడిలో ఉన్న ఉభయ తెలుగు రాష్ట్రాలు, మరీ ముఖ్యంగా ఇప్పటికే బీజేపీ కన్నుపడిన తెలంగాణ రాష్ట్ర ప్రజలు, రాజకీయ పార్టీల దుష్టి మాత్రం పశ్చిమ బెంగాల్ పైనే వుంది.
పశ్చిమ బెంగాల్లో ‘అద్భుతం’ జరిగి బీజేపీ విజయం సాధిస్తే, ఇక కమల దళం ఫోకస్, తెలంగాణకు షిఫ్ట్ అవుతుంది. ఇది అందరికీ తెలిసిన బహిరంగ రహస్యం. ఈ నేపధ్యంలో బెంగాల్ అసెంబ్లీ ఎన్నికల ఫలితాలు ఎలా ఉంటాయి అనే విషయంలో రాష్ట్ర రాజకీయ వర్గాల్లో జోరుగా చర్చ జరుగుతోంది. బెంగాల్లో బీజేపీ గెలిస్తే, ఇప్పటికే అంతర్గత కుటుంబ కలహాలతో సతమతవుతున్న తెరాస నాయకత్వానికి మరిన్నితిప్పలు తప్పవన్న మాట అంతఃపుర వర్గాలలో సైతం వినవస్తోంది.
పశ్చిమ బెంగాల్’లో ఎలాగైతే కమలదళం ఓ వంక తమ ట్రేడ్ మార్క్, హిందుత్వ రాజకీయాలు సాగిస్తూ, మరో వైపు నుంచి ‘ఆకర్ష్’ అస్త్రంతో అధికార పార్టీని నిర్వీర్యం చేసిన విధంగానే, ఇక్కడ కూడా ఫిరాయింపులను ప్రోత్సహింఛి పార్టీని నిట్టనిలువునా చీల్చే ప్రమాదాన్ని కొట్టివేయలేమని పార్టీ వర్గాలు కూడా అనుమానం వ్యక్త పరుస్తున్నాయి.
ఇప్పటికే తెలంగాణ బీజేపీ నాయకులు 30 మంది తెరాస ఎమ్మెల్యేలు తమ టచ్ లో ఉన్నారని బెదిరిస్తున్నారు.అది నిజం అయినా కాకపోయినా..తెరాసలో అసంతృప్తి అగ్గి రగులుతోందనేది మాత్రం ఎవరూ కాదనలేని నిజం. అంతే కాకుండా రాష్ట్రానికి వచ్చిన కేంద్రనాయకులు ఎవరిని పలకరించినా, నెక్స్ట్ టార్గెట్ తెలంగాణ అని ఎలాంటి సషబిషలు లేకుండా కుండబద్దలు కొడుతున్నారు.అందుకే, బెంగాల్లో బీజేపీ గెలిస్తే.. అనే ఊహా కూడా గులాబీ గూటిలో గుబులు పుట్టిస్తోంది. అయితే, బెగాల్’లో బీజేపీ గెలిస్తే ఒక్క తెలంగాణలోనే కాదు, దేశ రాజకీయ వాతావరణంలోనే పెను మార్పులు చోటు చేసుకుంటున్నాయని రాజకీయ విశ్లేషకులు భావిస్తున్నారు. అలాగే, దేశ ముఖ చిత్రంలో కూడా పెను మార్పులు తప్పవని అంటున్నారు. అయితే రాజకీయాలలో ఎప్పుడు ఏం జరుగుతుందో.. ఎవరూహించెదరు..
.webp)
నేటి వేగవంతమైన జీవనశైలిలో ఫిట్‌నెస్‌పై అవగాహన పెరిగి చాలామంది కఠినమైన డైట్ ప్రణాళికలను అనుసరిస్తున్నారు. వారం పొడవునా తక్కువ కేలరీలు, పోషకాలు ఉన్న ఆహారాన్ని తింటూ తమ శరీరాన్ని క్రమశిక్షణలో ఉంచుకుంటారు. అయితే వారం చివర్లో లేదా ప్రత్యేకమైన సందర్భాలలో చాలామంది తమకు అత్యంత ఇష్టమైన ప్రాసెస్డ్ ఫుడ్, నూనెలో వేయించిన తినుబండారాలు, తీపి పదార్థాలు మరియు ఫాస్ట్ ఫుడ్‌ను ఆస్వాదించడానికి చీట్ డే (Cheat Day) లేదా చీట్ మీల్ క్రమాన్ని ఎంచుకుంటారు. వారం మొత్తం పడిన కష్టానికి ఇది ఒక రివార్డులా అనిపించినప్పటికీ, ఒక్కసారిగా అత్యధిక కేలరీలు, అధిక మోతాదులో సోడియం (ఉప్పు), సంతృప్త కొవ్వులు (Saturated Fats) మరియు ప్రాసెస్డ్ చక్కెరలు ఉన్న ఆహారాన్ని తీసుకోవడం వల్ల మన హృదయనాళ వ్యవస్థ (Cardiovascular System) పై తీవ్రమైన ఒత్తిడి పెరుగుతుందని ఆరోగ్య నిపుణులు హెచ్చరిస్తున్నారు.
శరీరంలో ఒకేసారి భారీగా కేలరీలు చేరుకోవడం వల్ల రక్తంలో గ్లూకోజ్ మరియు ట్రైగ్లిజరైడ్ల స్థాయిలు హఠాత్తుగా పెరుగుతాయి. దీనివల్ల రక్తనాళాలలో తాత్కాలికంగా వాపు (Inflammation) ఏర్పడి, రక్తనాళాలు కుంచించుకుపోయే ప్రమాదం ఉంటుంది. ఒక్క చీట్ మీల్ వల్ల రక్తపోటు (Blood Pressure) తాత్కాలికంగా పెరగడమే కాకుండా, గుండె రక్తాన్ని పంప్ చేయడానికి సాధారణం కంటే ఎక్కువ శ్రమించాల్సి వస్తుంది. నిపుణుల పరిశోధనల ప్రకారం, వారంలో క్రమం తప్పకుండా తీసుకునే కఠినమైన డైట్ కంటే, చీట్ డే సమయంలో ఒకేసారి పరిమితికి మించి ఎక్కువ కేలరీలు తీసుకోవడం గుండె ఆరోగ్యానికి ఎక్కువ హాని కలిగిస్తుంది. ముఖ్యంగా ఇప్పటికే అధిక రక్తపోటు, అధిక కొలెస్ట్రాల్, డయాబెటిస్ లేదా కుటుంబంలో గుండెజబ్బుల చరిత్ర ఉన్నవారు చీట్ మీల్స్ విషయంలో తీవ్రమైన నిర్లక్ష్యం వహిస్తే అది తీవ్రమైన గుండె సంబంధిత సమస్యలకు దారితీస్తుంది.
అయితే చీట్ డేస్ అనేవి కేవలం శారీరక ఆరోగ్యాన్నే కాకుండా మానసిక సమతుల్యతను కూడా ప్రభావితం చేస్తాయి. డైట్ క్రమంలో ఇష్టమైన ఆహారానికి దూరంగా ఉండటం వల్ల కలిగే మానసిక ఒత్తిడిని తగ్గించుకోవడానికి పరిమితమైన చీట్ మీల్స్ తోడ్పడతాయి. కానీ దీనిని ఆరోగ్యకరంగా నిర్వహించడం చాలా అవసరం. చీట్ డే రోజున ఆకలిని తట్టుకోలేక ఒకేసారి పెద్ద మొత్తంలో తినడానికి బదులుగా, పోర్షన్ కంట్రోల్ (పరిమిత పరిమాణం) పాటించడం అత్యంత ముఖ్యం. ఉదాహరణకు చీట్ మీల్‌లో అధికంగా ఆయిల్ ఉన్న పిజ్జాలు, బర్గర్లు, ఫ్రైడ్ చికెన్ వంటి ప్రాసెస్డ్ పదార్థాలకు దూరంగా ఉంటూ.. ఇంటి వద్ద తక్కువ నూనెతో శుభ్రంగా తయారుచేసిన ఇష్టమైన వంటకాలను ఎంచుకోవచ్చు. అలాగే ఆహారాన్ని నమిలి మెల్లగా తినడం వల్ల తక్కువ ఆహారంతోనే కడుపు నిండిన భావన కలిగి గుండెపై అదనపు భారం పడకుండా ఉంటుంది.
చీట్ మీల్ తీసుకున్న తర్వాత రోజంతా పుష్కలంగా నీరు తాగడం వల్ల శరీరంలోని వ్యర్థాలు, అధికంగా ఉన్న సోడియం సమర్థవంతంగా బయటకు వెళ్లిపోతాయి. అంతేకాకుండా చీట్ మీల్ తిన్న తర్వాత కొద్దిసేపు తేలికపాటి నడక లేదా వ్యాయామం చేయడం వల్ల రక్తంలో చక్కెర స్థాయిలు అకస్మాత్తుగా పెరగకుండా అదుపులో ఉంటాయి. ఆహారాన్ని ఎంజాయ్ చేయడం ఎంత ముఖ్యమో, దాని పరిమితులను గుర్తించి గుండెను కాపాడుకోవడం అంతకంటే ప్రధానం. కఠినమైన డైటింగ్ మినహాయింపుల పేరుతో గుండె ఆరోగ్యాన్ని పణంగా పెట్టకుండా, సమతుల్య ఆహారం మరియు క్రమబద్ధమైన వ్యాయామంతో ఆరోగ్యాన్ని కాపాడుకోవాలని వైద్యాధికారులు స్పష్టం చేస్తున్నారు.
Cheat day impact on heart health, high calorie cheat meal risks, junk food effect on heart, cheat meals cardiovascular risk, fitness cheat day heart warning.
మన పూర్వీకులు 80 నుండి 90 ఏళ్ల వయస్సు వచ్చినా కూడా ఎలాంటి తీవ్రమైన అనారోగ్య సమస్యలు లేకుండా చాలా ఆరోగ్యంగా, చలాకీగా తమ పనులు తామే చేసుకుంటూ జీవించేవారు. వారు అంతటి సంపూర్ణ ఆరోగ్యంతో ఉండటానికి ముఖ్యమైన కారణం మన సాంప్రదాయ ఆయుర్వేద విలువలు కలిగిన ఆరోగ్యకరమైన ఆహారపు అలవాట్లే. ముఖ్యంగా పొలం గట్లపై, ఇంటి చుట్టుపక్కల దొరికే ప్రకృతి ప్రసాదిత ఆకుకూరలను రోజూవారి వంటకాల్లో భాగంగా పప్పు, పచ్చడి రూపంలో తీసుకునేవారు. అటువంటి అద్భుతమైన ఔషధ గుణాలు కలిగిన మొక్కల్లో ప్రధానమైనది తెల్ల గలిజేరు . సాధారణంగా చూసేందుకు పొలాల్లో ఏదో పిచ్చిమొక్కలా కనిపిస్తున్నప్పటికీ, ఆయుర్వేద వైద్యంలో దీనిని పునర్నవ అని ఎంతో గౌరవంగా పిలుస్తారు. శాస్త్రీయంగా బోరేవియా డిఫ్యూసా (Boerhavia diffusa) అని పిలిచే ఈ మొక్క పేరులోని పునః అంటే మళ్లీ, నవ అంటే కొత్తగా అని అర్థం. అంటే పాడైపోయిన శరీర కణాలకు మరియు ముఖ్యమైన అవయవాలకు మళ్లీ కొత్త జీవాన్ని పోసి పునరుజ్జీవింపజేసే గొప్ప శక్తి ఈ తెల్ల గలిజేరుకు ఉంది.
వైద్య నిపుణులు మరియు ఆయుర్వేద పరిశోధకుల ప్రకారం, తెల్ల గలిజేరు సుమారు 350కి పైగా రకాల కిడ్నీ సంబంధిత వ్యాధులకు మరియు మూత్రనాళ సమస్యలకు ఒక దివ్యౌషధంగా లేదా సంజీవనిగా పనిచేస్తుంది. ఆధునిక కాలంలో చాలామంది ఎదుర్కొంటున్న మూత్రనాళ ఇన్ఫెక్షన్లు (UTI), యూరియా మరియు క్రియాటినిన్ స్థాయిలు పెరగడం, శరీరంలో విపరీతంగా నీరు చేరి వాపులు రావడం వంటి తీవ్రమైన సమస్యలకు ఇది అద్భుతంగా తోడ్పడుతుంది. తెల్ల గలిజేరులో విటమిన్ సి, విటమిన్ డి, క్యాల్షియం, ఐరన్ తో పాటు పొటాషియం నైట్రేట్ మరియు హైడ్రోక్లోరైడ్ వంటి అత్యంత కీలకమైన బయోయాక్టివ్ సమ్మేళనాలు సమృద్ధిగా ఉంటాయి. ఇవి శరీరంలోని విషపదార్థాలను సమర్థవంతంగా బయటకు పంపి, డయాబెటిస్ బాధితుల్లో రక్తంలో చక్కెర స్థాయిలను నియంత్రించడంలో సహాయపడతాయి. అలాగే రక్తపోటును సమతుల్యం చేసి, గుండెపోటు మరియు స్ట్రోక్ ప్రమాదాలను తగ్గించడంలో ప్రముఖ పాత్ర పోషిస్తాయి.
ఇంతటి అద్భుతమైన ఆరోగ్య ప్రయోజనాలు ఉన్న తెల్ల గలిజేరును మన ఇంట్లోనే ఎంతో రుచికరమైన పచ్చడి రూపంలో సులభంగా తయారుచేసుకోవచ్చు. ఈ పచ్చడి తయారీకి 3 కప్పుల శుభ్రం చేసిన తెల్ల గలిజేరు ఆకులు, పావు కప్పు వేరుశనగ గుళ్లు (పల్లీలు), 3 ఎండుమిర్చి, 2 పచ్చిమిర్చి, 1 చెంచా జీలకర్ర, 2 చెంచాల ధనియాలు, పావు చెంచా మిరియాలు, నిమ్మకాయ పరిమాణమంత చింతపండు, చిటికెడు ఇంగువ, 6 వెల్లుల్లి రెబ్బలు మరియు తగినంత ఉప్పు, నూనె అవసరమవుతాయి. తయారీ విధానంలో భాగంగా ముందుగా గలిజేరు ఆకులను బాగా కడిగి తడి లేకుండా ఆరబెట్టాలి. బాండీలో నూనె లేకుండా ఎండుమిర్చి, ధనియాలు, జీలకర్ర, వేరుశనగ గుళ్లు, మిరియాలను దోరగా వేయించి చల్లార్చుకోవాలి. వీటిని మిక్సీలో బరకగా పొడి చేసిన తర్వాత, అందులో గలిజేరు ఆకులు, చింతపండు, వెల్లుల్లి, ఉప్పు చేర్చి కొద్దిగా నీటితో మిక్సీ పట్టుకోవాలి. చివరగా ఆవాలు, జీలకర్ర, కరివేపాకు, వెల్లుల్లి, ఇంగువతో నూనెలో తాలింపు వేస్తే నోరూరించే తెల్ల గలిజేరు పచ్చడి సిద్ధమవుతుంది.
ఈ తెల్ల గలిజేరు పచ్చడి సుమారు 4 రోజుల పాటు చెక్కుచెదరకుండా నిల్వ ఉంటుంది. వేడివేడి అన్నంతో పాటు ఇడ్లీ, దోశల్లోకి కూడా ఇది ఎంతో రుచిగా ఉంటుంది. వారానికి 2 నుండి 3 సార్లు ఈ పచ్చడిని లేదా ఆకుకూరను ఆహారంలో భాగం చేసుకోవడం వల్ల మూత్రపిండాల పనితీరు గణనీయంగా మెరుగుపడుతుంది. అయితే ఆయుర్వేద నిపుణుల సూచన ప్రకారం, ఐరన్ మరియు శక్తివంతమైన మూలికా ప్రభావం ఎక్కువగా ఉండే తెల్ల గలిజేరును గర్భిణీ స్త్రీలు, పాలిచ్చే తల్లులు మరియు 12 సంవత్సరాల కంటే తక్కువ వయస్సు ఉన్న పిల్లలు తీసుకోకూడదు. తీవ్రమైన గుండె సంబంధిత సమస్యలు లేదా ఆటో ఇమ్యూన్ జబ్బులు ఉన్నవారు వైద్యుల సలహా మేరకు మాత్రమే దీనిని వాడటం శ్రేయస్కరం. ఈ సహజసిద్ధమైన ఆయుర్వేద మూలికను మన ఆహారంలో చేర్చుకోవడం ద్వారా కిడ్నీ ఆరోగ్యాన్ని కాపాడుకోవడమే కాకుండా సంపూర్ణ ఆరోగ్యంతో జీవించవచ్చు.
Learn how to make Tella Galijeru (White Punarnava) leaves chutney, an ancient Ayurvedic natural remedy known for supporting kidney health and boosting immunity.
భారతీయ వంటకాల్లోనూ, సాంప్రదాయ గృహ వైద్యంలోనూ వెల్లుల్లికి ప్రత్యేక స్థానం ఉంది. వెల్లుల్లి కేవలం వంటకాలకు రుచి, సువాసనను అందించడమే కాకుండా అనేక ఔషధ గుణాలను కలిగి ఉంటుందని శతాబ్దాలుగా విశ్వసిస్తున్నారు. చాలామంది రాత్రి వేళల్లో శ్వాస సరిగ్గా ఆడటానికి, శ్వాసనాళాలు శుభ్రపడటానికి లేదా ప్రశాంతమైన నిద్ర కోసం వెల్లుల్లిని తినడం లేదా దిండు కింద పెట్టుకోవడం వంటి చిట్కాలను పాటిస్తుంటారు. అయితే, నిద్రపోతున్న సమయంలో వెల్లుల్లి ఘాటైన వాసన శ్వాసనాళాలను శుభ్రం చేసి శ్వాస తీసుకోవడాన్ని సులభతరం చేస్తుందనే వాదనను బలంగా నిర్ధారించే ఎలాంటి ప్రత్యక్ష మానవ వైద్య ఆధారాలు (Human Clinical Trials) ప్రస్తుతం లేవు అని నిపుణులు స్పష్టం చేస్తున్నారు.
వెల్లుల్లికి వచ్చే ప్రత్యేకమైన ఘాటైన వాసనకు మరియు రుచికి అందులోని అల్లిసిన్ (Allicin) అనే శక్తివంతమైన సమ్మేళనం ప్రధాన కారణం. వెల్లుల్లి రెబ్బలను కోసినప్పుడు, నలిపినప్పుడు లేదా మెత్తగా చేసినప్పుడు ఈ అల్లిసిన్ ఏర్పడుతుంది. ప్రయోగశాల (Laboratory) స్థాయిలో జరిగిన అధ్యయనాలలో అల్లిసిన్‌కు అద్భుతమైన యాంటీ మైక్రోబయల్ మరియు యాంటీ ఇన్‌ఫ్లమేటరీ (ఉపాధి, వాపు నిరోధక) లక్షణాలు ఉన్నట్లు తేలింది. అల్లిసిన్ కలిగిన వెల్లుల్లి సప్లిమెంట్లను వాడిన ఒక చిన్న అధ్యయనంలో జలుబు కేసులు తక్కువగా నమోదైనప్పటికీ, ఈ ప్రయోగశాల ఫలితాలను నేరుగా మనుషులలో నిద్ర సమయంలో శ్వాస మెరుగుపడటానికి అన్వయించలేమని వైద్య పరిశోధనలు వెల్లడిస్తున్నాయి.
అనేకమంది భావిస్తున్నట్లుగా వెల్లుల్లి తినడం లేదా దాని వాసన పీల్చడం ద్వారా రాత్రివేళ శ్వాసనాళాలు శుభ్రపడి గురక, ముక్కు దిబ్బడ తగ్గుతాయని చెప్పడానికి అందుబాటులో ఉన్న ఆధారం చాలా పరిమితం. అందువల్ల ఆస్తమా, గురక, స్లీప్ అప్నియా (Sleep Apnea) వంటి తీవ్ర శ్వాసకోశ సమస్యలకు వెల్లుల్లిని ఒక ప్రాథమిక వైద్య చికిత్సగా భావించడం ఎంతమాత్రం సరికాదని నిపుణులు హెచ్చరిస్తున్నారు. వెల్లుల్లిని సాధారణ ఆహారంలో భాగంగా పప్పులు, కూరలు, సూప్‌లలో పరిమిత మోతాదులో (రోజుకు 1,2 రెబ్బలు) తీసుకోవడం వల్ల రోగనిరోధక శక్తికి, గుండె ఆరోగ్యానికి మేలు జరుగుతుంది. కానీ నిద్రలో ఊపిరి ఆడకపోవడం, ఛాతిలో తీవ్రమైన నొప్పి లేదా విపరీతమైన గురక వంటి సమస్యలు ఉన్నవారు సొంత వైద్యంపై ఆధారపడకుండా వెంటనే అర్హులైన వైద్యులను సంప్రదించి సరైన పరీక్షలు చేయించుకోవడం అత్యంత అవసరం.
Eating garlic before bed health effects, garlic and sleep apnea breathing, nighttime raw garlic benefits risks, garlic before sleep breathing issues, garlic side effects at night.
.webp)
చేతులు వణకడం, కాళ్లలో బలహీనంగా అనిపించడం, చేతులు లేదా కాళ్లలో తిమ్మిర్లు, మొద్దుబారడం, చిన్న పని చేసినా త్వరగా అలసిపోవడం వంటి సమస్యలను చాలామంది సాధారణ నీరసంగా భావిస్తుంటారు. కానీ కొన్ని సందర్భాల్లో ఇవి నరాల ఆరోగ్యానికి సంబంధించిన సమస్యలకు సంకేతాలు కావచ్చు.
నరాల బలహీనతకు కారణాలు ఏమిటి? నరాలపై ప్రభావం చూపించే సమస్యలు ఏంటి? చేతులు, కాళ్లలో తిమ్మిర్లు, నొప్పి, వణుకు, బలహీనత ఎందుకు వస్తాయి? నరాల ఆరోగ్యాన్ని కాపాడుకోవడానికి ఎలాంటి ఆహారం, జీవనశైలి పాటించాలి?
ఈ వీడియోలో డాక్టర్ చిట్టిబొట్ల మధుసూదన శర్మ నరాల బలహీనతకు సంబంధించిన ముఖ్యమైన విషయాలను సులభంగా వివరిస్తున్నారు. అలాగే నరాల ఆరోగ్యానికి ఉపయోగపడే సంప్రదాయ పద్ధతిలో అశ్వగంధ, వాము, దాల్చిన చెక్క, లవంగాలతో తయారు చేసుకునే చిట్కా గురించి కూడా తెలుసుకోవచ్చు.
నరాల బలహీనత, నరాల నష్టం, తాత్కాలిక నీరసం మధ్య తేడా ఏమిటి? నరాలు దెబ్బతిన్నప్పుడు తీసుకోవాల్సిన జాగ్రత్తలు ఏమిటి? నరాల ఆరోగ్యానికి మంచి ఆహారం, ఆరోగ్యకరమైన జీవనశైలి ఎందుకు అవసరం? వంటి విషయాలను ఈ వీడియోలో వివరంగా తెలుసుకోండి.
నరాలకు సంబంధించిన సమస్యలను నిర్లక్ష్యం చేయకుండా, లక్షణాలు కొనసాగితే వైద్యుల సలహా తీసుకోవడం ముఖ్యం. నరాల ఆరోగ్యం గురించి పూర్తి అవగాహన కోసం ఈ వీడియోను పూర్తిగా చూడండి.
మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్‌లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్‌స్క్రైబ్ చేయడం మర్చిపోకండి!)
.webp)
క్యాన్సర్ పేరు వినగానే భయపడాల్సిన అవసరం లేదు. అయితే శరీరంలో చాలాకాలంగా కొనసాగుతున్న కొన్ని అసాధారణ మార్పులను నిర్లక్ష్యం చేయకుండా, వాటికి కారణం ఏమిటో తెలుసుకోవడం చాలా ముఖ్యం. ముఖ్యంగా సాధారణ సమస్యలుగా భావించే కొన్ని లక్షణాలు తరచూ కనిపిస్తుంటే వైద్యుల సలహా తీసుకోవడం అవసరం.
నోటిలో తగ్గకుండా ఉండే పుండ్లు, రొమ్ములో కనిపించే మార్పులు, జీర్ణవ్యవస్థలో సమస్యలు, కారణం లేకుండా బరువు తగ్గడం, శరీరంలో అసాధారణ మార్పులు వంటి వాటిని ఎప్పుడు సీరియస్‌గా తీసుకోవాలి? క్యాన్సర్‌ను ప్రారంభ దశలో గుర్తించేందుకు స్క్రీనింగ్ పరీక్షలు ఎంతవరకు ఉపయోగపడతాయి? ఏ వయసులో ఎలాంటి జాగ్రత్తలు అవసరం?
అంతేకాదు, క్యాన్సర్ నిర్ధారణ అయిన తర్వాత అందుబాటులో ఉన్న ఆధునిక చికిత్సా విధానాలు ఏమిటి? రోబోటిక్ సర్జరీ, ఆంకో-రీకన్‌స్ట్రక్టివ్ సర్జరీ, మైక్రోసర్జరీ, బ్రెస్ట్ రీకన్‌స్ట్రక్షన్ వంటి విధానాల గురించి కూడా ఈ వీడియోలో తెలుసుకోవచ్చు.
సీనియర్ రోబోటిక్ సర్జికల్ ఆంకాలజిస్ట్ డాక్టర్ అజయ్ వరుణ్ రెడ్డి క్యాన్సర్‌కు సంబంధించిన ముఖ్యమైన విషయాలను సులభంగా వివరించారు. క్యాన్సర్‌పై అవగాహన పెంచుకోవడంతో పాటు, శరీరం ఇచ్చే అసాధారణ సంకేతాలను నిర్లక్ష్యం చేయకుండా ఉండేందుకు ఈ వీడియో ఉపయోగపడుతుంది.
గమనిక: ఈ వీడియో అవగాహన కోసం మాత్రమే. ఏదైనా అసాధారణ లక్షణం కొనసాగితే స్వయంగా నిర్ధారణ చేసుకోకుండా వైద్య నిపుణులను సంప్రదించండి.మీ ఆరోగ్య సమస్య ఏదైనా... మా హెల్త్ యూట్యూబ్ ఛానల్‌లో సీనియర్ డాక్టర్స్ చెప్పిన సలహాలు... సూచనలు ఉన్నాయి. మా యూట్యూబ్ ఛానల్ కోసం ఇక్కడ క్లిక్ చేయండి 👉 TeluguOne Health (సబ్‌స్క్రైబ్ చేయడం మర్చిపోకండి!)
ప్రస్తుతం సామాజిక మాధ్యమాల్లో ఎక్కడ చూసినా ఒక వినూత్నమైన వ్యాయామ విధానం విపరీతంగా ట్రెండ్ అవుతోంది. నెమ్మదిగా, ప్రశాంతంగా, డాన్స్ చేస్తున్నట్లుగా సాగే ఆ కదలికలే "తాయ్ చి". నార్మల్ గా అందరూ చేసే జిమ్ వర్కౌట్లు, వేగంగా రన్నింగ్ చేయడం వంటివి కాకుండా మానసిక ప్రశాంతతతో పాటు శరీరానికి దారుఢ్యాన్ని ఇచ్చే ఈ ప్రాచీన విధానం వైపు నేటి యువత, ఫిట్‌నెస్ ప్రేమికులు విశేషంగా ఆకర్షితులవుతున్నారు. సోషల్ మీడియా లో రీల్స్, షార్ట్స్ లో వేలాదిమంది దీనికి సంబంధించిన వీడియోలను షేర్ చేస్తుండటంతో ఇది నెట్టింట వైరల్ గా మారింది. అసలు ఏమిటీ తాయ్ చి? దీని వల్ల కలిగే ప్రయోజనాలు ఏమిటి? వివరంగా తెలుసుకుంటే..
తాయ్ చి..
తాయ్ చి అనేది చైనాకు చెందిన ఒక ప్రాచీన మార్షల్ ఆర్ట్ విధానం. మొదట్లో ఇది ఒక ఆత్మరక్షణ విద్యగా ఉద్భవించినప్పటికీ, కాలక్రమేణా ఇది ఒక అద్భుతమైన ఆరోగ్య, ఫిట్‌నెస్ సాధనగా రూపాంతరం చెందింది. దీనిని తరచుగా మూమెంట్ మెడిటేషన్ అని పిలుస్తారు.
ఈ విధానంలో వేగవంతమైన కదలికలు ఉండవు. చాలా నెమ్మదిగా, శ్వాసపై ధ్యాస ఉంచుతూ, శారీరక సమతుల్యతను కాపాడుకుంటూ ఒక పోజిషన్ నుంచి మరొక పొజిషన్ కు శరీరాన్ని తిప్పుతారు. శ్వాస ప్రక్రియను శరీర కదలికలతో అనుసంధానించడమే దీనిలోని ప్రధాన సూత్రం. ఇది శరీరంలోని అంతర్గత శక్తిని నిద్రలేపి, శరీరం అంతటా సరిగ్గా ప్రసరించేలా చేస్తుంది. చైనీస్ సంస్కృతిలో దీనిని 'చి' అని పిలుస్తారు.
తాయ్ చి చేసే విధానం..
తాయ్ చి సాధనలో మూడు ముఖ్యమైన అంశాలు ఉంటాయి..
నెమ్మదిగా చేసే కదలికలు..
శరీరంలోని ప్రతి కండరాన్ని ఉపయోగిస్తూ, కీళ్లపై ఎటువంటి ఒత్తిడి పడకుండా చాలా సజావుగా కదలికలు ఉంటాయి.
లోతైన శ్వాస..
కదలికలకు అనుగుణంగా ప్రశాంతంగా, లోతుగా శ్వాస తీసుకోవడం , వదలడం జరుగుతుంది.
మానసిక ఏకాగ్రత..
వ్యాయామం చేసే సమయంలో దృష్టి మొత్తం శరీరం , శ్వాసపైనే ఉంటుంది. దీనివల్ల బయటి ఆలోచనల నుంచి మనస్సుకు విశ్రాంతి లభిస్తుంది.
తాయ్ చి అందించే అద్భుత ఆరోగ్య ప్రయోజనాలు..
సోషల్ మీడియాలో ఇది కేవలం ఒక ఫ్యాషన్ గా మాత్రమే ట్రెండ్ కావడం లేదు, దీని వెనుక ఎన్నో శాస్త్రీయ ఆరోగ్య ప్రయోజనాలు ఉన్నాయి.
మానసిక ఒత్తిడి తగ్గింపు..
ఆధునిక జీవనశైలిలో ఒత్తిడి, డిప్రెషన్, ఆందోళన సర్వసాధారణమయ్యాయి. తాయ్ చి లోని లోతైన శ్వాస , ఏకాగ్రతతో కూడిన కదలికలు నాడీ వ్యవస్థను ప్రశాంతపరుస్తాయి. ఇది శారీరక ఒత్తిడిని తగ్గించి, మనస్సుకు తక్షణ ఉపశమనాన్ని ఇస్తుంది.
శరీర బ్యాలెన్స్ , దృఢత్వం..
వయసు పైబడిన వారికి లేదా కాళ్ళ బలం తక్కువగా ఉన్నవారికి తాయ్ చి ఒక వరప్రసాదం. ఇది కాళ్ళు, నడుము భాగాల్లోని కండరాలను బలోపేతం చేసి, శరీర సమతుల్యతను పెంచుతుంది. దీనివల్ల కింద పడిపోయే ప్రమాదం చాలా వరకు తగ్గుతుంది.
గుండె ఆరోగ్యం మెరుగుపడుతుంది..
ఇది తక్కువ తీవ్రత కలిగిన వ్యాయామం అయినప్పటికీ, రక్తాప్రసరణను మెరుగుపరచడంలో ఎంతో సహాయపడుతుంది. క్రమం తప్పకుండా చేయడం వల్ల రక్తపోటు అదుపులో ఉంటుంది, గుండె పనితీరు మెరుగుపడుతుంది.
కీళ్ల నొప్పుల నుంచి ఉపశమనం..
ఆర్థరైటిస్ (కీళ్ల వాతం) లేదా కీళ్ల నొప్పులతో బాధపడేవారికి ఇది ఎంతగానో మేలు చేస్తుంది. వేగవంతమైన వర్కౌట్ల వల్ల కీళ్లపై పడే భారంతో పోలిస్తే, తాయ్ చి కీళ్లను మెల్లిగా కదిలిస్తూ నొప్పులను తగ్గిస్తుంది.
శ్వాసకోశ వ్యవస్థకు మంచిది..
దీనిలో శ్వాసపై ప్రత్యేక దృష్టి పెట్టడం వల్ల ఊపిరితిత్తుల సామర్థ్యం పెరుగుతుంది. శరీరంలోని ప్రతి కణానికి ప్రాణవాయువు సమృద్ధిగా అందుతుంది.
నిద్రలేమి సమస్యకు పరిష్కారం..
ప్రతిరోజూ కొద్దిసేపు తాయ్ చి సాధన చేయడం వల్ల రాత్రి వేళల్లో మంచి, ప్రశాంతమైన నిద్ర పడుతుందని అనేక పరిశోధనల్లో తేలింది.
ఏకాగ్రత , జ్ఞాపకశక్తి..
శరీరం , మనస్సు రెండింటినీ ఒకేసారి ఉపయోగించడం వల్ల మెదడు చురుగ్గా పనిచేస్తుంది. ఇది ఏకాగ్రతను, జ్ఞాపకశక్తిని పెంచడంలో దోహదపడుతుంది.
ఎవరైనా చేయవచ్చా?
తాయ్ చి యొక్క అతిపెద్ద ప్లస్ పాయింట్ ఏంటంటే, దీనికి ప్రత్యేక పరికరాలు కానీ, పెద్ద స్థలం కానీ అవసరం లేదు. చిన్న పిల్లల నుంచి వయోవృద్ధుల వరకు ప్రతి ఒక్కరూ దీనిని సాధన చేయవచ్చు. ఎటువంటి శారీరక శ్రమ లేకుండా, సున్నితమైన పద్ధతిలో ఆరోగ్యాన్ని పెంపొందించుకోవాలనుకునే వారికి ఇది ఒక అద్భుతమైన మార్గం.
*రూపశ్రీ.