LATEST NEWS
రాను రానంటూనే చిన్నదీ రాములోరి గుడికొచ్చే అనే పాట చందంగా రాజకీయాలలో పొత్తుల విషయంలో బీజేపీ వ్యవహరిస్తోంది. తెలంగాణ రాజకీయాలలో ఏ పార్టీతోనూ పొత్తు లేదు లేదంటూనే జనసేనతో పొత్తుకు తహతహలాడుతోంది. తెలంగాణలో స్వంతంగానే బరిలోకి దిగుతామని కుండబద్దలు కొట్టిన బీజేపీ ఇప్పుడు జనసేనతో అంతర్గత పొత్తు కుదుర్చుకుందన్న ప్రచారం జోరుగా సాగుతోంది.
ఆంధ్రప్రదేశ్ లోనూ, జాతీయ స్థాయిలోనూ జనసేన ఎన్డీయే కూటమిలో భాగస్వామ్య పార్టీయే అయినా, తెలంగాణలో మాత్రం ఆ పార్టీతో ఎటువంటి పొత్తూ ఉండదని బీజేపీ తెలంగాణ అధ్యక్షుడు ఇప్పటికే పలుమార్లు విస్పష్టంగా చెప్పారు. ఈ నేపథ్యంలోనే తెలంగాణలో పోటీకి జనసేన రెడీ అవుతోంది. రాబోయే గ్రాడ్యుయేట్ ఎమ్మెల్సీ ఎన్నికల్లో పోటీ చేసేందుకు సిద్ధమైన జనసేనతో కలిసి ముందుకు సాగాలని బీజేపీ నిర్ణయించుకున్నట్లు పొలిటికల్ సర్కిల్స్ లో ఓ రేంజ్ లో చర్చ జరుగుతోంది. ఉమ్మడి ఖమ్మం,వరంగల్,నల్గొండ పట్టభద్రుల నియోజకవర్గ పరిధిలో జరగనున్న ఎమ్మెల్సీ పోరులో జనసేన అభ్యర్థిని బరిలోకి దించుతున్నట్లు ప్రచారం జరుగుతున్న నేపథ్యంలో బీజేపీ ఆ పార్టీకి అండగా నిలబడుతోందన్న అంశం రాజకీయంగా అత్యంత ప్రాధాన్యత సంతరించుకుంది.
ఆంధ్రప్రదేశ్ రాజకీయాల్లో అధికారికంగా మిత్రపక్షాలుగా కొనసాగుతున్న జనసేన, బీజేపీలు, తెలంగాణలో మాత్రం ఇప్పటి వరకూ ఎవరికి వారే యమునా తీరే చందంగానే వ్యవహరిస్తున్నాయి. అయితే ఇప్పుడు గ్రాడ్యుయేట్ ఎమ్మెల్సీ ఎన్నికల విషయానికి వచ్చే సరికి తీరు మార్చుకుంటున్న పరిస్థితి కనిపిస్తోంది. పట్టభద్రుల ఎమ్మెల్సీ ఎన్నికల ప్రాధాన్యతను దృష్టిలో ఉంచుకొని, రెండు పార్టీలూ అనివార్యంగా అవగాహనకు వచ్చాయంటున్నారు పరిశీలకులు.
జనసేన అభ్యర్థి బరిలో నిలిచే స్థానంలో బీజేపీ తన అభ్యర్థిని పోటీకి పెట్టకుండా పరోక్షంగా మద్దతు తెలిపేలా ఇరు పార్టీల మధ్య అవగాహన కుదిరిందన్న చర్చ పోలిటికల్ సర్కిల్స్ లో గట్టిగా వినిపిస్తోంది. ఇదే జరిగితే.. ముందు ముందు జరగనున్న స్థానిక ఎన్నికలు, ఆ పై 2028 అసెంబ్లీ ఎన్నికలలో కూడా ఈ రెండు పార్టీలూ జతకట్టే అవకాశాలు మెండుగా ఉంటాయని పరిశీలకులు విశ్లేషిస్తున్నారు.
[Jana Sena BJP Alleance Telangana, MLC Elections, Graduate MLC,Telangana Politics, , Warangal Khammam Nalgonda Graduates MLC, Telugu One]
వైసీపీ అధినేత, మాజీ ముఖ్యమంత్రి జగన్ ఎమ్మెల్యేగా ప్రాతినిథ్యం వహిస్తున్న పులివెందుల నియోజకవర్గంలో ఆయన సినీమా అయిపోయిందా? స్థానిక నామినేషన్లలో ఆ నియోజకవర్గ పరిధిలోని మెజారిటీ స్థానాలు తెలుగుదేశం కూటమికి అనుకూలంగా ఏకగ్రీవం కావడం దీనినే సూచిస్తోందా? అంటే పరిశీలకులు ఔననే అంటున్నారు. స్థానిక ఎన్నికల ప్రచారంలో అధికార తెలుగుదేశం కూటమి నేతలు జగన్ టార్గెట్ గా విమర్శలు గుప్పిస్తున్నారు. జమ్మలమడుగు బీజేపీ ఎమ్మెల్యే ఆదినారాయణ రెడ్డి పులివెందుల గడ్డపై జగన్‌ను ఉద్దేశించి చేసిన వ్యాఖ్యలు రాష్ట్ర రాజకీయాల్లో చర్చనీయాంశంగా మారాయి.
పక్కా ప్రణాళికతోనే తాము పులివెందులలో అడుగుపెట్టామని, మాజీ సీఎంకు సినిమా చూపిస్తామంటూ ఆదినారాయణ రెడ్డి చేసిన వ్యాఖ్యలు పులివెందులలో జగన్ సినిమాకు ఎండ్ కార్డ్ పడిందా? అన్న అనుమానాలకు తావిచ్చాయి. జగన్ సినిమా డైలాగులు చెబుతున్నారని, చొక్కాలు మడతపె డతామంటూ చేస్తున్న వ్యాఖ్యలు ఆయనలోని పరాజయ భయాన్ని ఎత్తి చూపుతున్నాయనీ ఆదినారాయణ రెడ్డి ఎద్దేవా చేశారు. ఆయన చొక్కా చేతులు మడతపెడితే భయపడే పరిస్థితులు పులివెందులలో ఇప్పుడు లేవని ఎద్దేవా చేశారు. పులివెందులలో జగన్ కు ఇప్పుడు తాము సినిమా చూపిస్తామని హెచ్చరించారు. ఒకప్పుడు జగన్ వెంటే నడిచి, ఆ తర్వాత రాజకీయ పరిణామాల నేపథ్యంలో తెలుగుదేశంకూటమి అభ్యర్థిగా జమ్మలమడుగు నుంచి గెలుపొందిన ఆదినారాయణ రెడ్డి చేసిన ఈ వ్యాఖ్యలు రాష్ట్ర రాజకీయాలలో ప్రాధాన్యత సంతరించుకున్నాయి.
ఇదే సభలో ఆయనతో పాటు పాల్గొన్న పులివెందుల టీడీపీ ఇంచార్జ్ బీటెక్ రవి కూడా జగన్‌పై ఓ రేంజ్ లో విమర్శలు గుప్పించారు. తనను అంతం చేయడానికి ఎన్నో ప్రయత్నాలు జరిగినా తాను ఎప్పుడూ వెనకడుగు వేయలేదని, పులివెందుల ప్రజల మద్దతుతోనే మునుపటి కంటే బలంగా నిలబడ్డానన్న ఆయన.. గత నాల్గ దశాబ్దాలుగా వైఎస్ కుటుంబం చేసిన తప్పిదాలకు పులివెందుల ప్రజలు ఇప్పుడు సరైన సమాధానం చెబుతున్నారన్నారు.
నియోజకవర్గంలో రాబోయే మున్సిపల్ చైర్మన్ ఎన్నికలను తెలుగుదేశం కూటమి గెలుచుకుంటుందన్న ధీమా వ్యక్తం చేశారు. వైసీపీకి పులివెందుల ఇంకెంత మాత్రం కంచుకోట కాదని విస్పష్టంగా పేర్కొన్నారు. దశాబ్దాలుగా తిరుగులేని ఆధిపత్యం చెలాయిస్తున్న పులివెందులలో కూటమి నేతలు నేరుగా సవాళ్లు విసురుతుండటం పులివెందులలో మసకబారిన వైసీపీ ప్రతిష్ఠకు, పలుకుబడికి నిదర్శనంగా పరిశీలకులు విశ్లేషిస్తున్నారు.
[Local Body Elections Pulivendula, Jagan, Ycp, Backfoot, Adinarayana Reddy, Pulivendula Politics, BTech Ravi, Telugu One]
తెలంగాణ ఫోన్ ట్యాపింగ్ కేసులో కీలక పరిణామం చేటు చేసుకుంది. ఈ పరిణామం అధికార విపక్షాల మధ్య రాజకీయ ఘర్షణను మరో లెవెల్ కు తీసుకువెళ్లే అవకాశాలున్నాయన్న అభిప్రాయం వ్యక్తమౌతోంది. ఈ కేసులో బీఆర్ఎస్ అధినేత, మాజీ ముఖ్యమంత్రి కేసీఆర్‌ను ప్రధాన నిందితుడిగా పేర్కొంటూ ప్రత్యేక దర్యాప్తు బృందం అదనపు ఛార్జిషీట్‌ను సిద్ధం చేస్తోందన్న ప్రచారం జోరందుకుంది.
ప్రభుత్వ వర్గాలను ఉటంకిస్తూ వెలుగులోకి వచ్చిన ఓ నివేదిక మేరకు బీఆర్ఎస్ వర్కింగ్ ప్రెసిడెంట్ కేటీఆర్, మాజీ మంత్రి హరీష్ రావు, ఎమ్మెల్సీ కె. నవీన్‌ల పేర్లు కూడా ఈ అదనపు చార్జిషీట్ లో ఉండనున్నాయి. దర్యాప్తు అధికారులు, సాక్షుల వాంగ్మూలాలు, సాంకేతిక ఆధారాలతో పాటు, కేటీఆర్, నవీన్‌లకు సంబంధించిన ఆరోపణలలో, ఎన్నికల బాండ్ల ద్వారా రూ.13 కోట్లు విరాళంగా ఇవ్వాలని తనను బలవంతం చేశారంటూ ఓ రియల్టర్ ఇచ్చిన వాంగ్మూలం కూడా ఉన్నట్లు తెలుస్తోంది.
ఫోన్ ట్యాపింగ్ కేసు దర్యాప్తును దర్యాప్తును వేగవంతం చేసిన సిట్, ఈ అదనపు చార్జిషీట్ ను త్వరలోనే కోర్టుకు సమర్పించనున్నట్లు తెలుస్తోంది. గతంలో రాష్ట్రంలో ప్రభుత్వ మారిన తర్వాత వెలుగులోకి వచ్చిన ఈ ట్యాపింగ్ ఉదంతంపై సుదీర్ఘకాలంగా దర్యాప్తు కొనసాగుతోంది. ప్రారంభంలో పలువురు పోలీసు అధికారులను మాత్రమే నిందితులుగా చేర్చినప్పటికీ, రానురాను ఈ విచారణ రాజకీయ నాయకుల పాత్ర వైపు మలుపు తిరిగింది. తాజాగా సిట్ రూపొందిస్తున్న అదనపు చార్జ్‌షీట్‌లో కేసీఆర్‌తో పాటు బీఆర్ఎస్ వర్కింగ్ ప్రెసిడెంట్ కేటీఆర్, మాజీ మంత్రి హరీశ్‌రావు పేర్లు కూడా ఉన్నట్లు విశ్వసనీయ సమాచారం. ఈ పరిణామం రాష్ట్ర రాజకీయాల్లో తీవ్ర చర్చనీయాంశంగా మారింది.
ఈ కేసులో భాగంగా గతంలోనే మాజీ ముఖ్యమంత్రి కేసీఆర్‌ను సిట్ అధికారులు ప్రశ్నించిన విషయం తెలిసిందే. నాటి ప్రభుత్వ నిర్ణయాలు, నిఘా విభాగానికి చెందిన కీలక అధికారులతో ఆయనకున్న సంబంధాలపై ఆ సమయంలో ఆరా తీశారు. అయితే, ప్రస్తుతం సిద్ధమవుతున్న చార్జ్‌షీట్‌ను మరింత పటిష్టంగా రూపొందించేందుకు ఉన్నతాధికారులు ఢిల్లీలోని ప్రముఖ సుప్రీంకోర్టు న్యాయవాదులతో సంప్రదింపులు జరిపినట్లు తెలుస్తోంది. సాంకేతిక సాక్ష్యాలు, బాధితుల వాంగ్మూలాల ఆధారంగా ఈ అదనపు చార్జిషీట్ ను సిద్ధం చేస్తున్నట్లు సమాచారం.
ఈ మొత్తం వ్యవహారానికి సంబంధించి రాష్ట్ర ప్రభుత్వ ఉన్నతాధికారులు పరిస్థితిని ఎప్పటికప్పుడు సమీక్షిస్తున్నారు. కేవలం పోలీసు అధికారులకే పరిమితం కాకుండా, ఈ నిఘా కార్యకలాపాల వెనుక ఉన్న రాజకీయ నాయకత్వాన్ని కూడా ప్రాథమిక సాక్ష్యాల ఆధారంగా కోర్టు ముందుకు తీసుకురావాలని సిట్ భావిస్తున్నది. అయితే, చార్జ్‌షీట్ దాఖలైన తర్వాతే దీనిపై పూర్తి స్పష్టత వచ్చే అవకాశం ఉందని పరిశీలకులు విశ్లేషిస్తున్నారు.
[KCR Name In Phone Tapping Case,SIT Aditional Charge Sheet, SIT Investigation, Telangana Politics, Telugu One]
.webp)
విపత్కర సమయంలో తెలుగు రాష్ట్రాల ఐక్యత.. ఏపీకి సాయం.!
ఉత్తరాంధ్రను వణికించిన అర్నబ్ తుపాను కారణంగా తీవ్రంగా నష్టపోయిన ఆంధ్రప్రదేశ్ ప్రజలకు అండగా నిలిచేందుకు తెలంగాణ ప్రభుత్వం ముందుకొచ్చింది. విపత్కర పరిస్థితుల్లో పొరుగు రాష్ట్రానికి అన్నివిధాలా సహకారం అందిస్తామని భరోసా ఇచ్చింది.
తుపాను ధాటికి దెబ్బతిన్న ప్రాంతాల్లో పునరుద్ధరణ పనులను వేగవంతం చేసేందుకు అవసరమైన సహాయాన్ని పంపేందుకు సిద్ధంగా ఉన్నట్లు తెలంగాణ ప్రభుత్వం ప్రకటించింది. ఈ మేరకు ఏపీలో ఇంధన శాఖ బాధ్యతలు నిర్వర్తిస్తున్న మంత్రి గొట్టిపాటి రవికుమార్‌కు తెలంగాణ ఉప ముఖ్యమంత్రి మల్లు భట్టి విక్రమార్క ఫోన్ చేశారు.
ఈ సంభాషణ సందర్భంగా ఉత్తరాంధ్రలో తుపాను సృష్టించిన బీభత్సం, తలెత్తిన నష్టం గురించి భట్టి విక్రమార్క వివరాలు అడిగి తెలుసుకున్నారు. ముఖ్యమంత్రి చంద్రబాబు నాయుడు నేతృత్వంలో రాష్ట్ర ప్రభుత్వం తీసుకుంటున్న ముందస్తు చర్యలు, సహాయక కార్యక్రమాలను మంత్రి గొట్టిపాటి ఆయనకు వివరించారు.
ముఖ్యంగా విద్యుత్ వ్యవస్థ పూర్తిగా అస్తవ్యస్తమైన నేపథ్యంలో, సరఫరాను త్వరగా పునరుద్ధరించేందుకు చేపడుతున్న చర్యలను ప్రస్తావించారు. ప్రజలకు ఎలాంటి అసౌకర్యం కలగకుండా క్షేత్రస్థాయిలో యంత్రాంగం నిరంతరం శ్రమిస్తోందని తెలిపారు.
ఈ క్లిష్ట సమయంలో ఏపీ ప్రభుత్వానికి తాము సంపూర్ణ మద్దతు ఇస్తామని భట్టి విక్రమార్క స్పష్టం చేశారు. విద్యుత్ పునరుద్ధరణ పనులకు అవసరమైన సాంకేతిక నిపుణులను, ఫీల్డ్ సిబ్బందిని అలాగే తగిన సామగ్రిని వెంటనే పంపేందుకు సిద్ధంగా ఉన్నామని హామీ ఇచ్చారు.
తెలంగాణ ప్రభుత్వం చూపిన మానవతా దృక్పథానికి, అందిస్తామన్న సహాయానికి మంత్రి గొట్టిపాటి రవికుమార్ ప్రత్యేకంగా కృతజ్ఞతలు తెలిపారు. ఈ విపత్తు వేళ పొరుగు రాష్ట్రం నుంచి వస్తున్న ఈ సహకారం ఇరు రాష్ట్రాల మధ్య సత్సంబంధాలకు నిదర్శనమని పేర్కొన్నారు.
కాగా, తుపాను ప్రభావిత ప్రాంతాల్లో ఇప్పటికే సుమారు ఆరు వేల మంది సిబ్బందిని రంగంలోకి దించినట్లు ఏపీ ప్రభుత్వం వెల్లడించింది. విశాఖపట్నం, కాకినాడ, అనకాపల్లి, కోనసీమ జిల్లాల్లో సీనియర్ అధికారులు స్వయంగా ఉండి పనులను పర్యవేక్షిస్తున్నారు.
తెలంగాణ సిబ్బంది రాకతో పునరుద్ధరణ పనులు మరింత వేగం పుంజుకుంటాయని అధికారులు అంచనా వేస్తున్నారు. ఈ సానుకూల పరిణామాల ద్వారా ప్రజలు త్వరలోనే సాధారణ జీవనశైలికి చేరుకుంటారని ఆశించవచ్చు.
[ Telangana Government cyclone support AP,Mallu Bhatti Vikramarka Goteti Ravikumar,
Arnab cyclone Andhra Pradesh, Telangana power department relief AP, Mallu Bhatti Vikramarka,Arnab Cyclone AP, Gottipati Ravi Kumar, Telangana help Andhra Pradesh ]
హైదరాబాద్‌లోని జూబ్లీహిల్స్ నివాసంలో ముఖ్యమంత్రి రేవంత్‌రెడ్డిని శ్రీ కృష్ణ సదర్ సమ్మేళనం ఉత్సవ కమిటీ ప్రతినిధులు మర్యాదపూర్వకంగా కలిశారు. వచ్చే నెల 4న హైదరాబాద్‌లోని ఎన్టీఆర్ స్టేడియంలో నిర్వహించనున్న సదర్ ఉత్సవాలకు ముఖ్యమంత్రిని ఆహ్వానించారు.
సదర్ ఉత్సవాలను రాష్ట్ర పండుగగా ప్రకటించినందుకు సీఎం రేవంత్‌రెడ్డికి కమిటీ ప్రతినిధులు కృతజ్ఞతలు తెలిపారు .ఈ కార్యక్రమంలో శ్రీ కృష్ణ సదర్ సమ్మేళనం ఉత్సవ కమిటీ ఛైర్మన్, మాజీ ఎంపీ అంజన్‌కుమార్ యాదవ్, రాజ్యసభ సభ్యుడు అనిల్‌కుమార్ యాదవ్, జూబ్లీహిల్స్ ఎమ్మెల్యే నవీన్ యాదవ్, యాదాద్రి బోర్డు సభ్యురాలు ఈశ్వరమ్మ యాదవ్, మేడ్చల్ డీసీసీ అధ్యక్షుడు వజ్రేష్ యాదవ్‌తో పాటు పలువురు నాయకులు పాల్గొన్నారు.
[ Sadar Festival, CM Revanth Reddy,Sri Krishna Sadar Sammelan, Sadar Utsav 2026, NTR Stadium Hyderabad, Telangana State Festival, Anjan Kumar Yadav, Anil Kumar Yadav, Naveen Yadav, Eshwaramma Yadav, Vajresh Yadav, Jubilee Hills, Hyderabad News, Telangana News, Sadar Festival Invitation, Telangana Government, Yadav Community Festival, Sadar Utsav Committee ]
ALSO ON TELUGUONE N E W S
నేను తన అంత అందంగా ఉంటానా అని అందం సైతం జాన్వీకపూర్ ని చూసి ఈర్ష్య పడుతూ ఉంటుందని అభిమానుల నమ్మకం. అందుకు తగ్గట్టే తన చరిష్మా కొనసాగిస్తూ వస్తున్న జాన్వీ ప్రీవియస్ చిత్రం పెద్దితో 'అచ్చాయమ్మా' గా మెప్పించిన విషయం తెలిసిందే. అయితే ఆమె క్యారక్టర్ డిజైన్, కెమెరా యాంగిల్స్ పై చాలా దారుణమైన విమర్శలు, ట్రోల్స్ వచ్చాయి. కానీ జాన్వీ ఎప్పుడు కూడా ఆ విషయంపై మాట్లాడలేదు.
కానీ తాజాగా పాపులర్ టాక్ షో ‘కాఫీ విత్ కరణ్’ సీజన్ 9వ ఎపిసోడ్‌లో లో జాన్వీ మాట్లాడుతు 'పెద్ది ఇష్యుపై ఎందుకు మాట్లాడలేదంటే పెద్ది కోసం ఎంతోమంది నూటికి నూరు శాతం కష్టపడి పనిచేశారు అయితే సమాజంపై, ముఖ్యంగా మహిళల గెటప్స్ మరియు నరేటివ్‌పై అలాంటి దృశ్యాలు ఎలాంటి ప్రతికూల ప్రభావాన్ని చూపుతాయనేది నా మనస్సాక్షిని తీవ్రంగా వేధిస్తోంది. ఆ అవమాన భారాన్ని నేను జీవితాంతం నా మనసులో మోస్తూనే ఉంటాను. ఇకపై ఈ విషయం గురించి ఎక్కడా మాట్లాడకూడదని అనుకుంటున్నాను.చిత్ర పరిశ్రమలో దర్శకుడు చెప్పినట్టు చెయ్యాలనే వృత్తిపరమైన ఒత్తిడి ఉంటుంది.
ఇది కూడా చదవండి: గుడ్ న్యూస్: పెళ్లి కొడుకు ఎవరో చెప్పేసిన సాయి పల్లవి: ఫ్యాన్స్ లో హుషారు!
దక్షిణాది చిత్ర పరిశ్రమలో పని చేసే విధానం గురించి ప్రస్తావిస్తూ, అక్కడ చాలా అరుదుగా మాత్రమే బౌండ్ స్క్రిప్ట్ ఉంటుందని, షూటింగ్ సమయంలో కెమెరా యాంగిల్స్ ఎలా వస్తాయనేది ముందుగా ఊహించడం కష్టం.భవిష్యత్తులో ఇలాంటి పొరపాట్లు పునరావృతం కాకుండా చూసుకుంటానని చెప్పుకొచ్చింది.
[Janhvi Kapoor Reacts To Peddi Controversy, Janhvi Kapoor About Peddi Movie, Peddi controversy, Ram Charan Peddi movie, Achiyamma character, Tollywood, Tollywood News, Telugu News, TeluguCinema]
సాయిపల్లవి ప్రస్తుతం అభిమానులు, ప్రేక్షకుల మనసులో 'సీతమ్మ' వారుగా తన ప్రతిమని నింపుకొని ఉంది. అదే టైంలో సీతమ్మ వారుగా రామాయణ ద్వారా ఎలా మెస్మరైజ్ చేస్తుందనే క్యూరియాసిటీతో నవంబర్ 5 కోసం ఎంతో ఆసక్తిగా ఎదురుచూస్తూ ఉన్నారు. అలాంటి ఈ టైంలో గుడ్ న్యూస్ చెప్పేసింది
రామాయణ ప్రమోషన్స్ లో భాగంగా జరిగిన ఒక ఇంటర్వ్యూలో సాయి పల్లవి మాట్లాడుతు
ఒకరి జీవితంలోకి భాగస్వామిగా అడుగుపెట్టే వ్యక్తికి ముందుగా ఉండాల్సిన అత్యంత ముఖ్యమైన అర్హత మంచి మనసు. కేవలం తన గురించి మాత్రమే ఆలోచించే స్వార్థపూరిత మనస్తత్వం గలవారు నాకు అసలు నచ్చరు. ఎదుటివారి భావాలను అర్థం చేసుకునే గుణం, పరిపక్వత చాలా అవసరం. ముఖ్యంగా మనుషులు కొన్ని పరిస్థితుల్లో తప్పులు చేయడం సహజం. అయితే ఆ తప్పులని ఇతరులపై నెట్టేయకుండా తామే స్వయంగా ఒప్పుకుని సరిదిద్దుకునే పరిణతి భాగస్వామికి ఉండాలి. జీవితంలో ఏ స్థానంలో ఉన్నాననే స్పష్టమైన అవగాహన, ఆత్మపరిశీలన చేసుకునే గుణం ఉన్నవారంటే నాకు ఎంతో గౌరవం.
ఇది కూడా చదవండి: చిరంజీవి, అమల సూపర్ హిట్ సాంగ్: 36 ఏళ్లైనా తగ్గని క్రేజ్..ఇప్పటికీ యూట్యూబ్‌లో మిలియన్ల వ్యూస్!
నాకు కాబోయే భర్తపై భారీ కోరికలు పెద్ద జాబితా ఏమీ లేదు. ఎలాంటి కఠినమైన నిబంధనలు పెట్టను. కాకపోతే ప్రాథమికంగా ఆయనొక మంచి మనిషై ఉండాలి.వీటితో పాటు సరదాగా మాట్లాడుతు వంట చేయడం కూడా వస్తే అది మరింత గొప్ప విషయమని చెప్పుకొచ్చింది.
[Sai Pallavi About His Life Partner, Sai Pallavi latest Interview, Sai Pallavi partner qualities, Sai Pallavi marriage views, Ramayana, Tollywood, Tollywood News, Telugu News, TeluguCinema]
పాటల ప్రేమికులు నిత్యం ఈ సూపర్ హిట్ మెలోడీ ని మనసారా వీక్షిస్తూ 'ఆహా ఏమి రుచి తినరా మైమరిచి రోజు తినా మరి బోరే కొట్టనిది... నిను చూడక నేనుండలేను ఈ జన్మలో మరి ఆ జన్మలో ఇక ఏ జన్మకైనా అనే ఘనతని తిరిగి పాట రూపంలోనే అందించి తమ జన్మ చరితార్థం చేసుకుంటున్నారు. ఎందుకంటే సంగీత ప్రియులకి పాటే భోజనం,ఆరాధన.
మెగాస్టార్ చిరంజీవి కెరీర్‌లో మాస్ మరియు క్లాస్ మెస్మరైజింగ్ డ్యాన్స్‌లతో బాక్సాఫీస్‌ను షేక్ చేసిన చిత్రాల్లో 'రాజా విక్రమార్క' ఒకటి. సరిగ్గా 36 ఏళ్ల క్రితం 1990 నవంబర్ 12 న విడుదలై కొత్త రకం జోనర్స్ కి ట్రెండ్‌సెట్టర్‌గా నిలిచింది. చిరంజీవి సరసన అమల జత కట్టగా రాధిక మరో హీరోయిన్. అన్ని పాటలు అప్పట్లో మారుమోగిపోగా, ముఖ్యంగా చిరంజీవి, అమల కాంబోలో వచ్చిన 'కొండ కోనా తాంబూలాలే ఇచ్చేనంట.. కోకిలమ్మా పేరంటానే వచ్చేనంట' సాంగ్ అపురూపమైన మ్యూజికల్ మాస్టర్‌పీస్. ప్రముఖ సంగీత ద్వయం రాజ్ కోటి అందించిన అద్భుతమైన మ్యూజిక్ ఈ పాటకి ప్రాణం పోశాయి. ఈ పాటలో మెగాస్టార్ చిరంజీవి ప్రదర్శించిన గ్రేస్ ఫుల్ డ్యాన్స్ మూమెంట్స్, అమల అద్భుతమైన అభినయం ప్రేక్షకులను కట్టిపడేశాయి. కాలం మారుతున్న కొద్దీ ఎన్నో కొత్త సినిమాలు వస్తున్నప్పటికీ, ఈ క్లాసిక్ సాంగ్‌కు ఉన్న క్రేజ్ మాత్రం అణగారలేదు. దాదాపు 36 ఏళ్లు గడుస్తున్నా, ఈ ఎవర్ గ్రీన్ మెలోడీకి సోషల్ మీడియాలో మరియు యూట్యూబ్‌లో ఆదరణ మరింత పెరుగుతూనే ఉంది. యూట్యూబ్‌లో ఈ వీడియో సాంగ్ ఏకంగా మిలియన్ల కొద్దీ వ్యూస్‌ను సొంతం చేసుకుంటూ అద్భుతమైన రికార్డులను క్రియేట్ చేస్తోంది. ముఖ్యంగా కేవలం ఒక్క 'కొండ కోనా' యూట్యూబ్‌లో 14 మిలియన్లకి పైగా వ్యూస్ తో దూసుకుపోతుండటం విశేషం. దీన్ని బట్టి ఈ సాంగ్ ని ఎంతలా అభిమానులు, ప్రేక్షకులు ఆస్వాదిస్తూ ఉన్నారో అర్ధం చేసుకోవచ్చు.
ఇది కూడా చదవండి: చిరంజీవి, బాలకృష్ణ మధ్య ఉన్న తేడా ఇదే: శుభలేఖ సుధాకర్ వ్యాఖ్యలు వైరల్!
ఎంత కొత్త మ్యూజిక్ వచ్చినా ఇలాంటి క్లాసికల్ మెలోడీ సాంగ్స్‌కు ఉండే ప్రత్యేకత ఎప్పుడూ చెక్కుచెదరదు అనడంలో కూడా ఎలాంటి సందేహం లేదు. చిరంజీవి గ్రేస్ ఫుల్ డ్యాన్స్ మూమెంట్స్, అమల అద్భుతమైన అభినయం సూపర్. మరి వినకపోతే వెంటనే వినేసేయండి. సమస్త టెన్షన్స్ ప్రకృతి సాక్షిగా హామ్ ఫట్.
[Chiranjeevi And Amala Raja Vikramarka Song Records, Konda Kona Thamburane Ichenanta song records, Chiranjeevi, Amala, Raja Vikramarka song, Tollywood, Tollywood News, Telugu News, TeluguCinema]
శుభలేఖ సుధాకర్: చిరంజీవి, డైరెక్టర్ విశ్వనాధ్ ల 'శుభలేఖ' మూవీతో తన పేరు ముందు శుభలేఖ చేరింది కానీ, తెలుగు సినిమా ఉన్నంత కాలం నాగార్జున, రామ్ గోపాల వర్మల శివ గుర్తుకొచ్చినప్పుడలా సుధాకర్ గుర్తుకొస్తూనే ఉంటారు. ప్రస్తుతం అడపాదడపా విభిన్నమైన క్యారెక్టర్స్ పోషిస్తూ పొలిటికల్ బ్యాక్ గ్రౌండ్ ఉన్న సబ్జెట్స్ కి పర్ఫెక్ట్ ఫిగర్ అనిపించుకుంటున్నాడు. రీసెంట్ గా ఒక ఇంటర్వ్యూ లో గాడ్ ఆఫ్ మాసెస్ బాలకృష్ణ , చిరంజీవి గురించి చేసిన వ్యాఖ్యలు వైరల్ గా మారాయి.
బాలకృష్ణ సెట్స్‌లో ఎంత కఠినంగా ఉంటారో, తెర వెనుక అంతకంటే ఎక్కువగా ఆప్యాయతని పంచుతారు. చిన్నపిల్లవాడి మనస్తత్వమున్న వ్యక్తి . దాపరికం లేకుండా ఉన్నది ఉన్నట్లు మాట్లాడటం అలవాటు. సెట్స్ లో నటన తప్ప మరో ధ్యాస ఉండదు. నా జీవితంలో ఒక క్లిష్టమైన సమయంలో, అనారోగ్యం కారణంగా ఆసుపత్రిలో ఉన్నప్పుడు బాలకృష్ణ, చిరంజీవి ఇద్దరూ నాకు అండగా నిలిచారు. సుమారు 54 రోజుల పాటు రోజువారీగా ఫోన్ చేసి తన యోగక్షేమాలని అడిగి తెలుసుకునేవారు. అది నాకు ఎంతో మానసిక ధైర్యాన్ని ఇవ్వడంతో పాటు ఆ అనుబంధం జీవితాంతం నాతోనే ఉంది. బాలకృష్ణ గారు, విశ్వనాథ్ గారి దర్శకత్వంలో వచ్చిన 'జననీ జన్మభూమి' మూవీ షూటింగ్ సమయంలో నేను కామెర్ల బారిన పడి, పసలపూడిలో స్థానిక ఆసుపత్రిలో చేరినప్పుడు, బాలకృష్ణ ప్రతిరోజూ ఉదయం షూటింగ్‌కు వెళ్లే ముందు, సాయంత్రం తిరిగి వచ్చేటప్పుడు పరామర్శించేవారు.
ఇది కూడా చదవండి: శ్రీకాంత్ ఓదెల నెక్స్ట్ మూవీ జోనర్ ఇదే: ఆ ప్రాంతం యొక్క ఉద్యమం, ప్రేమ!
ఆ సంఘటన బాలకృష్ణలోని ఆప్యాయతను, స్నేహశీలి స్వభావాన్ని తెలియజేస్తుంది. ఆయనలో అప్పట్లో ఉన్న కన్సర్న్, బ్రదర్‌హుడ్ ఇప్పటికీ అలాగే ఉంది. బాలకృష్ణలో ఎనర్జీ లెవెల్స్ ఎప్పటికీ తగ్గకపోవడమే ఆయన ప్రత్యేకత. ఇదే విషయం మెగాస్టార్ చిరంజీవి విషయంలో కూడా నిజం. వారిద్దరూ ఎప్పుడు అలాగే ఉండాలని అన్నారు. బాలకృష్ణ, చిరంజీవిల నుండి నేర్చుకోవాల్సిన గొప్ప విషయం నెవర్ గివ్ అప్ ఆటిట్యూడ్ పని పట్ల కసి, పట్టుదల, సానుకూల దృక్పథం ఎంతో స్ఫూర్తిదాయకం. వారిద్దరూ ఎప్పడు అలాగే ఉండాలని చెప్పుకొచ్చాడు.
[Subhalekha Sudhakar About chiranjeevi And Balakrishna,Subhalekha Sudhakar, Nandamuri Balakrishna, Balayya Babu, Tollywood news, Tollywood, Telugu News, TeluguCinema]
'ది ప్యారడైజ్' తో దర్శకుడిగా తన టేకింగ్ కి ఉన్న కెపాసిటీని తెలియచేసాడు శ్రీకాంత్ ఓదెల. రచయిత కూడా తనే కాబట్టి కథ, కథనంపై మరింత శ్రద్ద పెట్టి ఉంటే ప్యారడైజ్ ఫలితం ఇంకా బెటర్ పొజిషన్ లో ఉండేది. ప్యారడైజ్ రిజల్ట్ పై ఇప్పటికి ట్రోల్ల్స్ కి గురువవుతున్న శ్రీకాంత్ ట్రోలర్స్ ని తన డై హర్డ్ ఫ్యాన్స్ గా మార్చుకోవాలనే దృఢసంకలంతో తన నెక్స్ట్ మూవీని ఒక వినూత్నమైన జోనర్ లో స్టార్ట్ చెయ్యాలనే పట్టుదలతో ఉన్నట్టుగా టాక్.
హృదయానికి హత్తుకునే ఒక స్వచ్ఛమైన, ఇంటెన్స్ లవ్ స్టోరీని తెరకెక్కించేందుకు శ్రీకాంత్ ఓదెల సన్నాహాలు చేస్తున్నట్లు ఫిలిం సర్కిల్స్ లో గట్టిగా వినిపిస్తోంది. ముఖ్యంగా 2014 తెలంగాణ మలిదశ ఉద్యమం మరియు రాజకీయ పరిణామాల నేపద్యనికి ఒక పీరియాడిక్ లవ్ డ్రామాని సిద్ధం చేస్తున్నారని సమాచారం. తన తొలి రెండు చిత్రాల మాదిరిగానే ఈ కథ కూడా తెలంగాణ గ్రామీణ మరియు నేల మూలాల నుంచి పుట్టుకొచ్చిన బలమైన భావోద్వేగాలతో సాగనుందని తెలుస్తోంది. భారీ యాక్షన్ జోనర్ నుంచి సడన్ గా లవ్ స్టోరీ వైపు శ్రీకాంత్ రూటు మార్చడం టాలీవుడ్‌లో హాట్ టాపిక్‌గా మారింది.
ఇది కూడా చదవండి: మెగా ఫ్యాన్స్ కి గుడ్ న్యూస్: RC 17 కోసం ఈ పాలరాతి ముద్దుగుమ్మకి లుక్ టెస్ట్!
మెగాస్టార్ చిరంజీవితో శ్రీకాంత్ ఓదెల దర్శకత్వంలో ఒక భారీ ప్రాజెక్ట్ ఉంటుందని గతంలో అధికారికంగా అనౌన్స్ మెంట్ వచ్చిన విషయం తెలిసిందే. అయితే 'ది ప్యారడైజ్' ఫలితం మరియు ఆలస్యం కారణంగా ఈ మెగాస్టార్ ప్రాజెక్ట్ ప్రస్తుతానికి హోల్డ్‌లో పడినట్లు, లేదంటే ఇప్పట్లో పట్టాలెక్కే అవకాశం లేదనే ప్రచారం జరుగుతోంది. నాని స్వయంగా ఒక ఇంటర్వ్యూలో మాట్లాడుతూ చిరు ప్రాజెక్ట్ ఎప్పుడు ప్రారంభమవుతుందనే దానిపై స్పష్టత లేదని, ప్రస్తుతానికి ఎటువంటి చర్చలు జరగలేదని స్పష్టం చేశారు. ఏది ఏమైనప్పటికీ, ఒక అపజయం లేదా మిశ్రమ స్పందన తన కెరీర్‌కు ఎండ్ కార్డ్ కాదని నిరూపించేందుకు శ్రీకాంత్ ఓదెల తన బలమైన బలమైన కథా బలంతో మరోసారి ఆకట్టుకోవడానికి సిద్ధమవుతున్నా డు. మరి ఈ కొత్త లవ్ స్టోరీతో ఎలాంటి మ్యాజిక్ చేస్తాడో చూడాలి.
[Srikanth Odela New Movie Deatils, Srikanth Odela, The Paradise movie, Nani director Srikanth, Megastar Chiranjeevi project, Tollywood, Tollywood News, Telugu News, TeluguCinema]
కె. రాఘవేంద్రరెడ్డి సమర్పణలో కుర్ర ప్రొడక్షన్స్ బ్యానర్ మీద దినేష్ కుర్ర నిర్మిస్తున్న చిత్రం ‘డెస్టినీ’. ఈ మూవీకి చెందు ముద్దు దర్శకత్వం వహిస్తున్నారు. ఈ సినిమాలో జబర్దస్త్ ఇమాన్యుయేల్ లీడ్ రోల్ పోషిస్తుండగా.. శ్రీ సత్య, ఆమని, రవి ప్రకాష్, కిరీటి, శివ కోట్ల ఇతర పాత్రల్లో కనిపించనున్నారు. రీసెంట్‌గా నందినీ రెడ్డి విడుదల చేసిన ఫస్ట్ లుక్ పోస్టర్‌కు మంచి స్పందన వచ్చిన సంగతి తెలిసిందే. తాజాగా ఈ చిత్రం నుంచి ఓ యూత్ ఫుల్ లవ్ సాంగ్‌ను విడుదల చేశారు.
‘ఇద్దరి గుండెలపైన’ అంటూ సాగే ఈ ప్రేమ గీతాన్ని హిట్ మెషిన్, సక్సెస్ ఫుల్ డైరెక్టర్ అనిల్ రావిపూడి విడుదల చేసి టీంకు బెస్ట్ విషెస్ అందించారు. పాట చాలా బాగుందని, సినిమా కాన్సెప్ట్ విన్నాను, చాలా బాగుందని మెచ్చుకున్నారు. ఇమాన్యుయేల్ చాలా క్లోజ్ అని, ఈ సినిమా మంచి విజయం సాధించాలని ఆయన ఆకాంక్షించారు.
మారుతి రాజా అందించిన బాణీ యూత్‌ను ఆకట్టుకునేలా ఉంది. చూస్తుంటే ఈ పాట ఇన్స్టంట్ చార్ట్ బస్టర్‌గా మారుతుందేమోనని అనిపిస్తోంది. ఈ పాటకు శ్రీరామ్ తపస్వి సాహిత్యం, సాయి చరణ్ భాస్కరుణి, అభిఖ్య తణికెళ్ల గాత్రం ప్రధాన ఆకర్షణ అని చెప్పుకోవచ్చు. ఇక చంద్రకిరణ్ మాస్టర్ స్టెప్పులు ఎంతో సింపుల్‌గా, అందరూ రీల్స్‌తో ట్రెండ్ చేసేలా ఉన్నాయి. ఆయన కొరియోగ్రఫీతో ఈ పాట మరింత అందంగా మారింది.
ఈ మూవీకి మారుతి రాజా సంగీతం అందిస్తుండగా, పంకజ్ తొట్టాడ కెమెరామెన్‌గా వర్క్ చేస్తున్నారు. డి. వెంకట ప్రభు ఎడిటర్‌గా పని చేస్తున్నారు. త్వరలోనే ఈ మూవీకి సంబంధించిన ఇతర అప్డేట్‌లను ప్రకటించనున్నారు.
ఇది కూడా చదవండి: పాకెట్ రాకెట్స్.. గ్యాబ్లింగ్ సినిమాతో సర్ప్రైజ్ చేసిన నిహారిక కొణిదెల.!
[Anil Ravipudi, Iddari Gundela Paina Song, Destiny Movie, Jabardasth Emmanuel, Sri Satya, Chendu Muddu, Telugu Songs, Telugu Film News]
హమ్మయ్య.. మెగా ఫ్యాన్స్ లో ఉన్న ఎగ్జైట్మెంట్ తో కూడిన టెన్షన్ కి కొంచం రిలీఫ్ వచ్చినట్లయింది. అదేనండి ఆర్ సి 17 లో చరణ్ తో జోడి కట్టే భామ ఎవరా అని! మరి సుకుమార్, చరణ్ కాంబో అంటే మాటలా చెప్పండి. పైగా రంగస్థలం తర్వాత వస్తున్న కాంబో, అది కూడా పాన్ ఇండియా బంపర్ హిట్ పుష్ప సిరీస్ తర్వాత సుకుమార్ మూవీ. దీన్ని బట్టి హీరోయిన్ కట్ అవుట్ కి ఉన్న ఇంపార్టెన్స్ ఏంటో క్లియర్ కట్ గా తెలుస్తుంది కదు .
విశ్వసనీయ సమాచారం ప్రకారం ధురంధర్ బ్యూటీ 'సారా అర్జున్‌' కి మేకర్స్ లుక్ టెస్ట్ నిర్వహించారని సమాచారం. మేకర్స్ సంతృప్తిగా కూడా ఉన్నారని 'సారా' ఫిక్స్ అనే మాటలు కూడా వినపడుతున్నాయి. మరి సారా నిజమైతే ఆర్ సి 17 కి అదనపు ఆకర్షణ అని చెప్పవచ్చు. ముఖ్యంగా పొడవాటి జుట్టుతో, కొత్త లుక్‌లో కనిపించేందుకు ఆయన సిద్ధమవుతున్నట్లు వార్తలు వినిపిస్తున్నాయి. ఇక చరణ్ తన క్యారక్టర్ కోసం రూపురేఖల్లో మార్పులు చేసుకున్నారనే ప్రచారం అభిమానుల్లో మరింత ఆసక్తిని పెంచుతోంది. అయితే, ఈ లుక్‌కు సంబంధించిన పూర్తి వివరాలను చిత్ర బృందం అధికారికంగా వెల్లడించాల్సి ఉంది.
ఇది కూడా చదవండి: ఒకే ఇంట్లో కోడళ్ల మరణాలకు సమాధానం: మిస్టరీ థ్రిల్లర్ సిరీస్ సీజన్ 2... తెలుగులోనూ స్ట్రీమింగ్!
ప్రస్తుతానికైతే ప్రీ ప్రొడక్షన్ పనులు ఫైనల్ స్టేజ్ లో ఉన్నాయి. ఆర్ సి 17 ని నిర్మిస్తున్న మైత్రి అధినేతల్లో ఒకరైన యలమంచిలి రవిశంకర్ రీసెంట్ గా ఒక కార్యక్రమంలో మాట్లాడుతు ఈ నెల చివరిలో ప్రారంభం చేస్తామని అన్నాడు. మరి నెల అయిపోతుంది కాబట్టి ఆ వాతావరణం ఏమి కనిపించడం లేదు. నవంబర్ 1న నిర్వహించనున్నట్లు కొత్త ప్రచారం.
[Rc17 Sara Arjun Look Test Completed, RC 17 cast, Ram Charan, Sukumar, Sara Arjun, RC17 movie, Tollywood news, Look test completed Telugu Movie News, Tollywood, Tollywood News, Telugu News, TeluguCinema]
నిహారిక కొణిదెల పింక్ ఎలిఫెంట్ పిక్చర్స్, మాక్సిమం సిటీ స్టూడియోస్ సంస్థలు సంయుక్తంగా నిర్మిస్తున్న నూతన చిత్రం ‘పాకెట్ రాకెట్స్’. ఈ సినిమాకు రుద్ర అత్రి దర్శకత్వం వహిస్తున్నారు. యూత్ ఫుల్ ఎంటర్టైనర్‌గా రానున్న ఈ మూవీలో కమిటీ కుర్రోళ్ళు ఫేమ్ త్రినాథ్ వర్మ, డెబ్యూ హీరో నిర్మల్ హీరోలుగా.. శుభం ఫేమ్ శ్రియా కొంతం హీరోయిన్‌గా నటిస్తున్నారు. జేడీ చక్రవర్తి ముఖ్యపాత్రలో కనిపించనున్నారు. గ్యాబ్లింగ్ చుట్టూ తిరిగే ఈ సినిమాకు సంబంధించిన టైటిల్‌‌ని, కాన్సెప్ట్ పోస్టర్‌ని తాజాగా రివీల్ చేశారు.
విదేశాల్లో చదువుకోవాలని అనుకునే ఓ కుర్రాడు, ఆ కలను సాకారం చేసుకునేందుకు గ్యాబ్లింగ్‌లోకి దిగడం, ఆ తర్వాత ఆ కుర్రాడి జీవితంలో ఎదురైన పరిస్థితుల్ని ‘పాకెట్ రాకెట్స్’లో ఎంతో ఆసక్తికరంగా చూపించబోతోన్నారు. ఈ సినిమా షూటింగ్ పూర్తయ్యింది. పోస్ట్ ప్రొడక్షన్ కార్యక్రమాలు మొదలయ్యాయి. త్వరలో టీజర్, రిలీజ్ డేట్ అనౌన్స్ చేయనున్నారు.
ఈ చిత్రానికి ఎదురోలు రాజు కెమెరామెన్‌గా, అన్వల్ అలీ ఎడిటర్‌గా వర్క్ చేస్తున్నారు. గ్యానీ సంగీతాన్ని అందిస్తున్నారు. ఈ సినిమాలో శ్రీనివాస్ అవసరాల, శ్రీనివాస్ వడ్లమాని, కిరిటీ దామరాజు తదితరులు నటిస్తున్నారు.
ఇది కూడా చదవండి: టాలీవుడ్‌లో విషాదం.. ప్రముఖ నిర్మాత కన్నుమూత!
https://www.instagram.com/p/DfCbWlegtYY/
[Pocket Rockkets Movie, Niharika Konidela, Pink Elephant Pictures, Pocket Rockets Movie, Committee Kurrollu, Trinadh Varma, Shriya Kontham, Telugu Film News]
.webp)
మనలో మన మాట పక్క ఫోటోలో చూస్తున్న మూవీ మామూలు మూవీ కాదు. క్షణం క్షణం ఉత్కంఠతతో సాగే సూపర్ సైకలాజికల్ థ్రిల్లర్ సిరీస్. తెలుగులో కూడా వచ్చేసింది. అదే 'అయ్యన మనే సీజన్ 2'.
ప్రముఖ డిజిటల్ ఓటీటీ వేదిక అయిన జీ5 (Zee5) వేదికగా ఈ రోజు నుంచి స్ట్రీమింగ్ ప్రారంభించుకుంది. మొదటి సీజన్ సృష్టించిన అపూర్వ విజయం, విమర్శకుల ప్రశంసలు మరియు ఊహించని ఉత్కంఠభరితమైన మలుపుల తర్వాత ఇప్పుడు ఈ రెండో భాగంపై దేశవ్యాప్తంగా ఉన్న థ్రిల్లర్ ప్రియుల్లో భారీ అంచనాలు నెలకొన్నాయి. ఒరిజినల్ వెర్షన్ కన్నడతో పాటు తెలుగులోనూ అందుబాటులో ఉంది. మొత్తం 6 ఎపిసోడ్స్‌తో స్ట్రీమ్ అవుతోన్న మిస్టీరియస్ సస్పెన్స్ థ్రిల్లర్ సిరీస్ ఫస్ట్ సీజన్‌లో మిగిలిన ఎన్నో ప్రశ్నలకు సమాధానం ఇచ్చింది. 'అయ్య ఇంట్లో ప్రతీ ఒక్కరూ ఒక ముసుగు ధరించి ఉంటారు. ప్రతీ ముసుగు వెనుక ఒక కథ దాగి ఉంటుంది. ఎవరు మంచివారో ఎవరు చెడ్డవారో? బయటపడే సమయం ఇది.' అంటూ హైప్ క్రియేట్ చేశారు మేకర్స్.
ఓ గొప్ప ఇంట్లో అడుగు పెట్టిన ముగ్గురు కోడళ్లు అనుమానాస్పద స్థితిలో మరణిస్తారు. కుల దేవత శాపం అని ఆ ఫ్యామిలీతో పాటు ఆ ఊరి గ్రామస్థులు కూడా నమ్ముతుంటారు. ఆ ఇంటికి వచ్చిన కొత్త కోడలు ఆ మరణాల వెనుక మిస్టరీని ఛేదించేందుకు ప్రయత్నిస్తుంది. క్షణ క్షణం ట్విస్టులతో సాగుతుంది . ఇంతకంటే ఎక్కువగా చెప్తే బాగోదు. వెంటనే చేసి సినీ మజా పొందండి. ఈ వెబ్ సిరీస్ కథాంశం విషయానికి వస్తే, ఒకే ఇంట్లో జరిగిన కోడళ్ల మరణాలు మరియు ఆ కుటుంబానికి సంబంధించిన భయంకరమైన నిజాలు ఈ కథలో ప్రధాన కేంద్ర బిందువుగా నిలుస్తాయి. పాతకాలపు పెద్ద ఇల్లు, ఆ ఇంటి గోడల వెనుక కాలగర్భంలో కలిసిపోయిన చీకటి రహస్యాలు, ఎవరికీ అంతుచిక్కని వరుస మరణాలు ప్రేక్షకులను సీట్లలో కదలకుండా కూర్చోబెడతాయి. మొదటి భాగం ఎక్కడైతే ముగిసిందో, సరిగ్గా అక్కడి నుంచే ఈ రెండో సీజన్ కథ కొనసాగుతుంది. "ఆ రాత్రి అసలు అక్కడ ఏం జరిగింది?" అనే ఎన్నో ఉత్కంఠభరితమైన ప్రశ్నలకు ఈ కొత్త భాగంలో స్పష్టమైన సమాధానాలు లభించనున్నాయి.
ఇది కూడా చదవండి: టాలీవుడ్‌లో విషాదం: ప్రముఖ నిర్మాత చలసాని వెంకటేశ్వరరావు కన్నుమూత!
ముఖ్యంగా ఇందులో ప్రధాన పాత్ర పోషించిన ప్రసిద్ధ నటి ఖుషి రవి, అక్షయ్ నాయక్ తమ అద్భుతమైన సహజ నటనతో మరోసారి ప్రేక్షకులను కథలో లీనం అయ్యేలా చేశారు. ఈ ప్రతిష్టాత్మక ప్రాజెక్ట్‌ను శ్రుతి నాయుడు ప్రొడక్షన్స్ పతాకంపై అత్యంత రిచ్ వాల్యూస్‌తో నిర్మించగా, దర్శకుడు రమేష్ ఇందిరా దీన్ని ఎక్కడా తడబాటు లేకుండా అత్యంత ఉత్కంఠభరితంగా తెరకెక్కించారు. ఈ సిరీస్ యొక్క మరో ముఖ్యమైన ప్రత్యేకత ఏమిటంటే, ఇది కేవలం ఒక భాషకే పరిమితం కాకుండా తెలుగు, కన్నడ, తమిళం మరియు హిందీ అనే మొత్తం 4 ప్రధాన భాషల్లో ఒకేసారి ప్రేక్షకుల ముందుకు తీసుకురాబడింది.
[Ayyana Mane Season 2 Ott Release, Ayyana Mane Season 2, Kushee Ravi, Zee5 OTT, Telugu web series, suspense thriller, mystery web series, Tollywood, Tollywood News, Telugu News, TeluguCinema]
షార్ట్ న్యూస్
టాలీవుడ్‌లో విషాదం: ప్రముఖ నిర్మాత కన్నుమూత!
తెలుగు చిత్ర పరిశ్రమలో మరోసారి విషాద ఛాయలు అలుముకున్నాయి. ప్రముఖ సీనియర్ సినీ నిర్మాత, 'జగపతి మూవీ క్రియేషన్స్' అధినేత జె.వి.ఆర్. చలసాని వెంకటేశ్వరరావు కన్నుమూశారు. ఒక సాధారణ హాల్ బుకింగ్ క్లర్క్‌గా తన జీవితాన్ని స్టార్ట్ చేసి సినిమా రంగంపై మక్కువతో ఎన్నో కష్టనష్టాలని ఎదుర్కొంటూ పరిశ్రమలో ప్రముఖ నిర్మాతగా ఎదిగారు.
'జగపతి మూవీ క్రియేషన్స్` బ్యానర్ ని స్థాపించి తమ్మారెడ్డి భరద్వాజ దర్శకత్వంలో వినోద్ కుమార్ హీరోగా వచ్చిన యాక్షన్ డ్రామా `నేటి దౌర్జన్యం` , బి. విఠలాచార్య దర్శకత్వంలో భక్తిరస చిత్రం `కరుణించిన కనకదుర్గ` వంటి చిత్రాలు ఆయన నిర్మాణ ప్రతిభకి నిదర్శనంగా నిలిచాయి.2015లో స్వీయ దర్శకత్వంలో వచ్చిన బాలల చిత్రం దాన‌వీరశూర‌క‌ర్ణ పెద్ద విజయం సాధించింది. ఎన్టీఆర్ మనవడు నందమూరి జానకి రామ్ కుమారుడు మాస్టర్ ఎన్టీఆర్ శ్రీకృష్ణుడిగా కనిపించాడు. ప్రేక్షకాదరణ పొందడమే కాకుండా.. 2015 సంవత్సరానికి గాను `ఉత్తమ బాలల చిత్రం`గా నంది అవార్డుని అందుకోవడం విశేషం.
ప్రస్తుతం తన సొంత ఊరు 'విజయవాడ'లో వృద్ధాశ్రమాన్ని నడుపుతూ పలు సామాజిక కార్యక్రమాలు చేస్తున్నారు. సినిమా అభివృద్ధి కోసం కూడా తన వంతు పాటు పడ్డారు. ఒక్కటి మాత్రం నిజం ఏంటంటే సినిమాని ప్రాణంగా భావించే వాళ్ళు చనిపోతే మళ్ళీ సినిమాని తన ఆయువుగా మార్చుకోవడానికి జన్మిస్తారని. మరి ఈ పాటికే ఎక్కడో పుట్టిన వెంకటేశ్వరరావు గారు తన పసి చిరు ఆలోచనలతో సినిమాని మళ్ళీ ఎలా ఏలాలి తన ప్రతిభ ఎలా చాటలో అనే పనిలో ఉండే ఉంటారు.ఎగ్జిబిటర్, డిస్ట్రిబ్యూటర్ గా కూడా రికార్డు ఉంది మరి.
[Jvr Chalasani Venkateswara Rao Passes Away, JVR Chalasani Venkateswara Rao, Tollywood producer passes away, Jagapathi Movie Creations, Tollywood, Tollywood News, Telugu News, TeluguCinema]
(13).webp)
మనలో చాలామందికి ఎవరికైనా అనారోగ్యం చేసినప్పుడు డాక్టర్లు రాసిచ్చిన మందులను వేసుకోవడం సర్వసాధారణం. అయితే, కొన్నిసార్లు హడావుడిగా లేదా నీరు తాగడం ఇష్టం లేక కొందరు కేవలం ఒక గుక్క నీటితో లేదా నీరు లేకుండానే నేరుగా మాత్రలు మింగుతుంటారు. కానీ, ఈ చిన్న అలవాటు మీ ఆరోగ్యానికి ఎంతటి ప్రమాదకరమో చాలామందికి తెలియదు. మాత్రలు మింగేటప్పుడు తగినంత నీటితో తీసుకోకపోతే జరిగే తీవ్రమైన నష్టాలు ఏమిటి? వైద్యులు ఇస్తున్న హెచ్చరికలు ఏమిటో ఇక్కడ పరిశీలిద్దాం. మనం ఏదైనా టాబ్లెట్ లేదా క్యాప్సూల్ తీసుకున్నప్పుడు అది గొంతు దాటి సులభంగా కడుపులోకి చేరాలి. అయితే తగినన్ని నీరు తాగకపోతే, ఆ మాత్ర నేరుగా కిందికి వెళ్లకుండా గొంతులో లేదా ఆహార నాళ మార్గంలోనే అతుక్కుపోయే అవకాశం ఉంది.
ముఖ్యంగా కొన్ని రకాల యాంటీబయాటిక్స్, పెయిన్ కిల్లర్స్, మరియు క్యాల్షియం మాత్రలు ఇలా గొంతులో లేదా ఆహార నాళంలో నిలిచిపోయినప్పుడు, వాటి రసాయన ధర్మాల వల్ల ఆహార నాళం పొరల్లో తీవ్రమైన మంట, చికాకు, వాపు, చివరికి పుండ్లు ఏర్పడే ప్రమాదం ఉందని నిపుణులు తీవ్రంగా హెచ్చరిస్తున్నారు. తగినంత నీరు లేకపోవడం వల్ల మందులు జీర్ణకోశంలో సరిగ్గా కరిగి, శరీరంలో శోషించబడే ప్రక్రియ కూడా తీవ్రంగా మందగిస్తుంది. దీనివల్ల ఆ మందులు పూర్తి స్థాయిలో పనిచేయకపోగా, ఆ వ్యాధి నయం కావడానికి ఎక్కువ సమయం పడుతుంది. అంతేకాకుండా, వృద్ధులలో, మింగేయడంలో ఇబ్బంది ఉన్నవారిలో ఈ సమస్య మరింత తీవ్రంగా మారవచ్చు.
అందువల్ల వైద్యులు కొన్ని ముఖ్యమైన జాగ్రత్తలను సూచిస్తున్నారు. డాక్టర్ ప్రత్యేకంగా పరిమితం చేయకపోతే, ప్రతిసారీ మాత్రలు వేసుకునేటప్పుడు ఒక పెద్ద గ్లాసు నిండా సాధారణ నీటిని తాగడం చాలా ముఖ్యం. మాత్ర లేదా క్యాప్సూల్ వేసుకున్న వెంటనే పడుకోవడం పూర్తిగా మానుకోవాలి. మందులు సులభంగా కడుపులోకి చేరేలా కనీసం కొద్దిసేపు నిలబడటం లేదా కూర్చోవడం చాలా మంచిది. మింగడానికి కష్టంగా ఉందని చాలామంది మందులను పొడిగా చేయడం లేదా ముక్కలుగా చేయడం చేస్తుంటారు. ఇది మందుల పనితీరును మరియు మోతాదు ప్రభావాన్ని పూర్తిగా మార్చివేస్తుంది కాబట్టి వైద్యుల సలహా లేకుండా అలా చేయడం సురక్షితం కాదు. మీకు గొంతులో ఏదైనా అడ్డు పడినట్లుగా అనిపించినా లేదా మింగేటప్పుడు తీవ్రమైన నొప్పి ఉన్నా వెంటనే వైద్యులను సంప్రదించడం మంచిది.
Swallowing Pills With Little Water, Medication Safety Tips, Side Effects Of Taking Tablets Dry, Esophageal Pill Injury, Doctor Warning On Water Intake, Health Risks Of Bad Habits, Proper Way To Take Medicines.
క్యాన్సర్ అనే పేరు వినగానే ప్రతి ఒక్కరి మనసులో మొదట మెదిలే ఆలోచన సర్జరీ లేదా ఆపరేషన్. క్యాన్సర్ చికిత్సకు సర్జరీ అత్యంత కీలకమైన భాగమే అయినప్పటికీ, నేడు వైద్యరంగంలో వస్తున్న విప్లవాత్మక మార్పుల కారణంగా అన్ని రకాల క్యాన్సర్లకు ఆపరేషన్ చేయాల్సిన అవసరం లేదు. ఆధునిక సాంకేతికత అందుబాటులోకి రావడంతో, రేడియేషన్ థెరపీ మరియు రేడియోసర్జరీ వంటి అత్యాధునిక పద్ధతుల ద్వారా ఎలాంటి చీరా లేదా కోతలు లేకుండానే క్యాన్సర్ కణాలను సమర్థవంతంగా తొలగించడం సాధ్యమవుతోంది. ఇది రోగులకు శస్త్రచికిత్స భయాల నుంచి పెద్ద ఉపశమనం కలిగిస్తోంది.
రేడియేషన్ థెరపీలో శక్తివంతమైన హై ఎనర్జీ కిరణాలను ఉపయోగించి క్యాన్సర్ కణాలను నాశనం చేయడం లేదా వాటి వృద్ధిని పూర్తిగా అడ్డుకోవడం జరుగుతుంది. కొన్ని రకాల క్యాన్సర్లకు ఇదే ప్రధాన చికిత్సగా ఉపయోగపడుతుండగా, మరికొన్ని సందర్భాల్లో కీమోథెరపీ లేదా సర్జరీతో కలిపి దీనిని అందిస్తారు. ముఖ్యంగా IMRT (ఇంటెన్సిటీ మాడ్యులేటెడ్ రేడియేషన్ థెరపీ), IGRT (ఇమేజ్ గైడెడ్ రేడియేషన్ థెరపీ) వంటి అధునాతన సాంకేతికతలతో ట్యూమర్‌ను అత్యంత కచ్చితత్వంతో లక్ష్యంగా చేసుకోవచ్చు. దీనివల్ల క్యాన్సర్ కణాలపై మాత్రమే ప్రభావం పడి, చుట్టూ ఉండే ఆరోగ్యకరమైన కణజాలాలకు అతి తక్కువ నష్టం వాటిల్లుతుంది.
ఈ ఆధునిక చికిత్సల్లో ఆన్‌లైన్ అడాప్టివ్ రేడియోథెరపీ మరింత విప్లవాత్మకమైనదిగా నిలుస్తోంది. రోగి రోజువారీ శారీరక స్థితికి అనుగుణంగా చికిత్స ప్రణాళికను ఎప్పటికప్పుడు మార్చుకునే వెసులుబాటును ఈ టెక్నాలజీ అందిస్తుంది. చికిత్స సమయంలో ట్యూమర్ పరిమాణంలో లేదా ఆకారంలో మార్పులు జరిగితే, ప్రతి సెషన్‌కు ముందు తీసే ఇమేజింగ్ స్కానింగ్ ఆధారంగా వైద్యులు రేడియేషన్ ప్లాన్‌లో తక్షణ మార్పులు చేస్తారు. ఇది సున్నితమైన అవయవాలను సురక్షితంగా రక్షించడానికి ఎంతగానో సహాయపడుతుంది.
ఇక రేడియోసర్జరీ విషయానికి వస్తే, పేరులో సర్జరీ ఉన్నప్పటికీ ఇందులో ఎలాంటి కోతలు లేదా చీల్చడం ఉండదు. ఇది ఒక ప్రత్యేకమైన మరియు అత్యంత ప్రభావవంతమైన రేడియేషన్ టెక్నిక్. దీనిలో భాగంగా హై డోస్ రేడియేషన్‌ను నేరుగా ట్యూమర్‌పై ప్రయోగిస్తారు. మెదడులోని కొన్ని రకాల గడ్డల కోసం స్టీరియోటాక్టిక్ రేడియో సర్జరీని ఉపయోగిస్తే, ఊపిరితిత్తులు మరియు కాలేయం వంటి సున్నితమైన భాగాలకు స్టీరియోటాక్టిక్ బాడీ రేడియోథెరపీని వాడతారు. ఈ పద్ధతి ద్వారా చాలా తక్కువ సెషన్లలోనే చికిత్స పూర్తవుతుంది.
అయితే, ఈ అత్యాధునిక పద్ధతులన్నీ ప్రతి రోగికి మరియు అన్ని రకాల క్యాన్సర్లకు సరిపోవు అని నిపుణులు స్పష్టం చేస్తున్నారు. ట్యూమర్ పరిమాణం, అది శరీరం ఏ భాగంలో ఉంది, మరియు రోగి మొత్తం ఆరోగ్య పరిస్థితిని బట్టి నిపుణులైన ఆంకాలజిస్ట్ సరైన చికిత్స విధానాన్ని నిర్ణయిస్తారు. క్యాన్సర్ చికిత్సలో ఎలాంటి అపోహలకు తావు ఇవ్వకుండా, వైద్యుల పర్యవేక్షణలో తగిన పద్ధతిని ఎంచుకోవడం ద్వారా మెరుగైన ఫలితాలు పొందవచ్చు.
Cancer Treatment Without Surgery, Radiation Therapy Benefits, Incision Free Cancer Care, Oncology Treatments, Surgery Vs Radiation, Modern Cancer Healing, Advanced Medical Care.
గర్భధారణ కాలంలోని మొదటి పన్నెండు వారాలు లేదా మొదటి త్రైమాసికం (First Trimester) తల్లి మరియు కాబోయే బిడ్డ ఆరోగ్యానికి అత్యంత కీలకమైన దశ. ఈ తొలినాళ్లలో బిడ్డ మెదడు, వెన్నుపాము, గుండె మరియు ఇతర ప్రధాన అవయవాలు రూపుదిద్దుకుంటాయి. ఈ కీలక సమయంలో కేవలం 'ఇద్దరి కోసం తింటున్నాము' అనే అపోహతో అధికంగా తినడం కంటే, పోషకాలతో కూడిన ఆహారాన్ని ఎంచుకోవడం చాలా ముఖ్యం. నిపుణుల అభిప్రాయం ప్రకారం, మొదటి త్రైమాసికంలో ప్రతి గర్భిణి ఫోలిక్ ఆసిడ్, ఐరన్, ప్రొటీన్, కాల్షియం, విటమిన్ డి, అయోడిన్ మరియు ఒమేగా-3 ఫ్యాటీ యాసిడ్లను తమ రోజువారీ ఆహారంలో విధిగా చేర్చుకోవాలి. బిడ్డ మెదడు మరియు వెన్నుపాము లోపాలను నివారించడంలో ఫోలిక్ ఆసిడ్ ప్రధాన పాత్ర పోషిస్తుంది. వైద్యుల సిఫారసు మేరకు గర్భిణులు లేదా గర్భం దాల్చాలని ప్లాన్ చేసుకునే మహిళలు రోజువారీగా 400 మైక్రోగ్రాముల ఫోలిక్ ఆసిడ్ సప్లిమెంట్‌ను తీసుకోవడం చాలా అవసరం. దీనితో పాటు ఆకుకూరలు, కాయధాన్యాలు, సిట్రస్ జాతి పండ్లను ఆహారంలో భాగం చేసుకోవాలి.
శరీరంలో హిమోగ్లోబిన్ ఉత్పత్తిని పెంచడానికి మరియు రక్తహీనతను నివారించడానికి ఐరన్ ఎంతగానో దోహదపడుతుంది. దీనికోసం పప్పుధాన్యాలు, శనగలు, బచ్చలికూర, లీన్ మీట్ వంటి ఆహార పదార్థాలను తీసుకోవాలి. ప్లాంట్-బేస్డ్ ఐరన్ శోషణ మెరుగుపడటానికి ఉసిరి, జామకాయ లేదా నారింజ వంటి విటమిన్ సి ఉన్న పదార్థాలతో జత చేయడం మంచిది. అయితే టీ మరియు కాఫీలు ఐరన్ శోషణను తగ్గిస్తాయి కాబట్టి వాటిని ఐరన్ ఆహారాలకు దూరంగా ఉంచాలి. బిడ్డ కణజాలాల వృద్ధికి మరియు తల్లి శరీర బలానికి ప్రొటీన్ అత్యవసరం. గుడ్లు, పాలు, పెరుగు, పన్నీర్, పప్పులు మరియు గింజలను ప్రతిరోజూ క్రమం తప్పకుండా తీసుకోవడం ద్వారా ప్రొటీన్ అవసరాలను సులభంగా తీర్చుకోవచ్చు. అలాగే బిడ్డ ఎముకలు, దంతాల పటిష్టతకు కాల్షియం మరియు విటమిన్ డి చాలా ముఖ్యం. పాలు, రాగి, నువ్వులు మరియు ఎండ తగలడం ద్వారా శరీరానికి తగినంత కాల్షియం, విటమిన్ డి అందుతాయి.
బిడ్డ మెదడు ఎదుగుదలకు అయోడిన్ మరియు ఒమేగా-3 ఫ్యాటీ యాసిడ్లు ఎంతో అవసరం. అయోడైజ్డ్ ఉప్పును మితంగా వాడటంతో పాటు, మెరుగైన నాణ్యత గల చేపలు లేదా తగిన సప్లిమెంట్లను డాక్టర్ సలహాతో తీసుకోవాలి. వీటికి తోడుగా మొదటి త్రైమాసికంలో తరచుగా వేధించే మలబద్ధకం, వికారం వంటి సమస్యలను నివారించడానికి తగినన్ని నీళ్లు తాగుతూ, ఫైబర్ అధికంగా ఉండే పండ్లు, కూరగాయలను తీసుకోవాలి. కెఫిన్ వినియోగాన్ని రోజుకు 200 మి.గ్రా కంటే తక్కువగా పరిమితి చేసుకోవాలి మరియు ఆల్కహాల్‌కు పూర్తిగా దూరంగా ఉండాలి. సరైన పోషకాహార నియమాలు పాటించడం ద్వారా మొదటి త్రైమాసిక ప్రయాణాన్ని ఆరోగ్యకరంగా మరియు సురక్షితంగా మార్చుకోవచ్చు.
First Trimester Diet, Pregnancy Nutrition Guide, Folic Acid During Pregnancy, Iron And Protein For Mom, Early Pregnancy Food Chart, Maternal Health Tips, Vitamins For Baby Growth.
పక్షవాతం (స్ట్రోక్) అనేది అత్యంత ప్రమాదకరమైన వైద్య అత్యవసర పరిస్థితి. మెదడులోని ఒక భాగానికి రక్త ప్రసరణ నిలిచిపోవడం లేదా రక్తనాళం పగిలి రక్తస్రావం కావడం వల్ల ఇది సంభవిస్తుంది. తగినంత ఆక్సిజన్ అందకపోవడం వల్ల మెదడు కణాలు కొన్ని నిమిషాల్లోనే దెబ్బతినడం మొదలవుతాయి. ప్రముఖ న్యూరాలజిస్ట్ డాక్టర్ భరత్ కుమార్ సూరిశెట్టి మరియు అత్యవసర వైద్య నిపుణులు డాక్టర్ నిఖిల్ వంగపల్లి తెలిపిన వివరాల ప్రకారం, పక్షవాతం వచ్చిన తొలి ఐదు నిమిషాలు ఇంట్లోనే చికిత్స చేయడానికి ప్రయత్నించకుండా, తక్షణమే అత్యవసర వైద్య సహాయం కోరడం మరియు రోగిని సురక్షితంగా ఉంచడం చాలా ముఖ్యం. ప్రపంచ స్ట్రోక్ సంస్థ (World Stroke Organization) మరియు వరల్డ్ స్ట్రోక్ డే ప్రచారాల ప్రకారం, ఈ సమయంలో ప్రతి నిమిషం చాలా అమూల్యమైనది.
పక్షవాతం లక్షణాలను గుర్తించడానికి BE FAST పరీక్ష ఎంతగానో సహాయపడుతుంది. B అంటే బ్యాలెన్స్ (నడకలో లేదా సమన్వయంలో అకస్మాత్తుగా ఇబ్బంది కలగడం), E అంటే ఐస్ (ఒకటి లేదా రెండు కళ్లలో చూపు మందగించడం లేదా కోల్పోవడం), F అంటే ఫేస్ (నవ్వుతున్నప్పుడు ముఖం ఒకవైపుకు వంగిపోవడం), A అంటే ఆర్మ్స్ (రెండు చేతుల్లో ఏదో ఒక చేతిలో బలహీనత లేదా కిందికి జారడం), S అంటే స్పీచ్ (మాట తడబడటం లేదా వింతగా మాట్లాడటం), మరియు T అంటే టైమ్ (ఈ లక్షణాలు కనిపించిన వెంటనే అత్యవసర సేవలకి కాల్ చేయడం). ఈ లక్షణాలు అకస్మాత్తుగా కనిపిస్తే ఏమాత్రం ఆలస్యం చేయకుండా అంబులెన్స్‌కు కాల్ చేయాలి. భారతదేశంలో 112 నంబర్‌కు డయల్ చేసి తక్షణ సహాయం పొందవచ్చు.
అలాగే, రోగి లక్షణాలు ఎప్పుడు ప్రారంభమయ్యాయో కచ్చితమైన సమయాన్ని గమనించడం వైద్యులకు అత్యంత కీలకం. ఒకవేళ ఎవరూ గమనించకపోతే, ఆ వ్యక్తి చివరిసారిగా ఎప్పుడు ఆరోగ్యంగా ఉన్నారో గుర్తుంచుకోవాలి. రోగిని సురక్షితమైన ప్రదేశంలో కూర్చోబెట్టడం లేదా పడుకోబెట్టడం చేయాలి. అనవసరమైన కదలికలను నివారించి, వైద్యులు వచ్చే వరకు వారి దగ్గరే ఉండాలి. ముఖ్యంగా, రోగికి నోటి ద్వారా ఎలాంటి ఆహారం, నీరు, మాత్రలు లేదా ఇంటి చిట్కాలు ఇవ్వకూడదు. పక్షవాతం మింగే సామర్థ్యాన్ని దెబ్బతీస్తుంది, దీనివల్ల ఊపిరితిత్తులలోకి ఆహారం వెళ్లి ఊపిరి ఆడకుండా పోయే ప్రమాదం ఉంది.
కొన్నిసార్లు లక్షణాలు కొన్ని నిమిషాల్లోనే తగ్గిపోయి సాధారణ స్థితికి రావచ్చు. అయితే, దీనిని నిర్లక్ష్యం చేయకూడదు. ఇది తాత్కాలిక ఇస్కీమిక్ అటాక్ (TIA) అనబడే మినీ స్ట్రోక్ కావచ్చని, భవిష్యత్తులో వచ్చే పెద్ద స్ట్రోక్‌కు ఇది హెచ్చరిక అని వైద్యులు హెచ్చరిస్తున్నారు. లక్షణాలు అదృశ్యమైనప్పటికీ వెంటనే వైద్య పరీక్షలు చేయించుకోవడం అవసరం. అదనంగా, బ్లీడింగ్ స్ట్రోక్ ప్రమాదం ఉన్నందున ఎట్టి పరిస్థితుల్లోనూ ఆస్పిరిన్ (Aspirin) వంటి మందులను సొంతంగా ఇవ్వకూడదు. ప్రతి నిమిషం విలువైన ఈ ప్రాణాపాయ స్థితిలో, సరైన సమయంలో తీసుకునే వేగవంతమైన నిర్ణయాలే రోగి ప్రాణాలను మరియు మెదడు ఆరోగ్యాన్ని కాపాడతాయి.
stroke first aid first 5 minutes, be fast stroke symptoms, what to do during a stroke emergency, doctor advice on stroke care, common mistakes during stroke attack, stroke warning signs and symptoms, emergency brain stroke treatment tips.
.webp)
ప్రెగ్నెన్సీ వచ్చిన విషయం తెలియగానే మహిళలు తమ ఆహారపు అలవాట్లపై ప్రత్యేక శ్రద్ధ పెట్టాలి. తల్లి ఆరోగ్యంతో పాటు కడుపులో పెరుగుతున్న బిడ్డ ఎదుగుదలకు కూడా సరైన పోషకాహారం ఎంతో ముఖ్యం. అయితే గర్భం దాల్చిన మొదటి రోజుల నుంచి ఎలాంటి ఆహారం తీసుకోవాలి? ఏయే ఆహారాలకు దూరంగా ఉండాలి? బయట ఆహారం తినడం వల్ల ఎలాంటి సమస్యలు ఎదురవుతాయి? గర్భిణులు తప్పనిసరిగా తెలుసుకోవాల్సిన ఈ ముఖ్యమైన విషయాలను ఈ వీడియోలో తెలుసుకోండి.
ప్రెగ్నెన్సీ వచ్చిన వెంటనే ఏ 5 ఆహారాలకు దూరంగా ఉండాలి?
గర్భధారణ సమయంలో ప్రతి ఆహారాన్ని జాగ్రత్తగా ఎంచుకోవాలి. కొన్ని ఆహారాలు కలుషితం కావడం వల్ల ఇన్ఫెక్షన్ల ప్రమాదం పెరగవచ్చు. సరిగా ఉడకని ఆహారాలు, పరిశుభ్రత పాటించకుండా తయారు చేసిన పదార్థాలు, బయట లభించే ఆహారాన్ని తీసుకునేటప్పుడు ఎలాంటి జాగ్రత్తలు పాటించాలి? గర్భిణులు నివారించాల్సిన ఆహార పదార్థాలు ఏవి? ఈ అంశాలపై డాక్టర్ హరిత వివరాలను ఈ వీడియో ద్వారా తెలుసుకోవచ్చు.
గర్భిణులు బయట ఆహారం ఎందుకు తగ్గించాలి?
ప్రెగ్నెన్సీ సమయంలో ఆహారం తయారీలో పరిశుభ్రత, పదార్థాల నాణ్యత, సరైన నిల్వ పద్ధతులు చాలా ముఖ్యం. బయట ఆహారం తీసుకునేటప్పుడు ఆహారం తాజాగా ఉందా, సరిగ్గా ఉడికించారా, పరిశుభ్రంగా తయారు చేశారా అనే విషయాలను గమనించాలి. తల్లి, బిడ్డ ఆరోగ్యాన్ని దృష్టిలో ఉంచుకుని ఆహారాన్ని ఎంచుకోవడం ఎందుకు అవసరమో ఈ వీడియోలో వివరించారు.
ప్రసవం తర్వాత బాలింతలు ఎలాంటి ఆహారం తీసుకోవాలి?
ప్రసవం తర్వాత తల్లి శరీరానికి కోలుకోవడానికి, బిడ్డకు పాలివ్వడానికి తగినంత శక్తి, పోషకాలు అవసరం. ఈ సమయంలో ప్రోటీన్లు, ఐరన్, కాల్షియం, విటమిన్లు, ఇతర ముఖ్యమైన పోషకాలు అందించే ఆహారాన్ని తీసుకోవడం ముఖ్యం. సులభంగా జీర్ణమయ్యే ఆహార పదార్థాలను ఎలా ఎంచుకోవాలి? రోజువారీ ఆహారంలో ఎలాంటి పోషకాహారానికి ప్రాధాన్యత ఇవ్వాలి? బాలింతలు తెలుసుకోవాల్సిన విషయాలను ఈ వీడియోలో తెలుసుకోండి.
తల్లిపాలు పెరగడానికి ఎలాంటి ఆహారం ఉపయోగపడుతుంది?
బిడ్డకు తగినంత తల్లిపాలు అందడం తల్లి, శిశువు ఇద్దరి ఆరోగ్యానికి ముఖ్యమైనది. పాలిచ్చే తల్లులు సమతుల్యమైన ఆహారం తీసుకోవడం, తగినంత ద్రవాలు తీసుకోవడం, విశ్రాంతి పొందడం అవసరం. పాలిచ్చే సమయంలో తీసుకోవాల్సిన పోషకాహారం, ఆహారపు అలవాట్ల గురించి డాక్టర్ హరిత అందించే సూచనలను ఈ వీడియోలో తెలుసుకోవచ్చు.
బిడ్డ ఎదుగుదలకు సరైన పోషకాహారం ఎందుకు ముఖ్యం?
శిశువు ఎదుగుదలలో సరైన సమయంలో తగిన ఆహారాన్ని పరిచయం చేయడం ఎంతో ముఖ్యం. వయస్సుకు తగిన అనుబంధ ఆహారం, బేబీ ఫుడ్ ఎంపిక, అవసరమైన పోషకాలు, పిల్లలకు ఆహారం పెట్టేటప్పుడు తల్లిదండ్రులు చేసే సాధారణ తప్పులు వంటి అంశాలపై కూడా ఈ వీడియోలో ప్రస్తావించిన విషయాలను తెలుసుకోవచ్చు.
గర్భధారణ నుంచి ప్రసవం తర్వాతి దశ వరకు తల్లి పోషకాహారం, తల్లిపాలు, శిశువు ఆహారపు అలవాట్ల గురించి అవగాహన పెంచుకోవాలనుకునే ప్రతి ఒక్కరికీ ఈ వీడియో ఉపయోగకరంగా ఉంటుంది.
ప్రెగ్నెన్సీ సమయంలో తీసుకోవాల్సిన ఆహారం, నివారించాల్సిన పదార్థాలు, బాలింతల పోషకాహారం గురించి మరిన్ని వివరాల కోసం డాక్టర్ హరిత వివరణను పూర్తిగా చూడండి.
గమనిక: గర్భధారణ సమయంలో మీ ఆరోగ్య పరిస్థితికి అనుగుణంగా ఆహార నియమాలను పాటించడానికి మీ వైద్యుడి సూచనలు తీసుకోండి.
గర్భం దాల్చాలని ప్రయత్నించే మహిళల శరీరంలో అనేక మార్పులు జరుగుతుంటాయి. కేవలం ఆహారం తీసుకోవడం, డాక్టర్ చెప్పిన విటమిన్లు వేసుకోవడం మాత్రమే కాకుండా, రోజువారీ జీవితంలో కొన్ని చిన్న చిన్న విషయాలపై శ్రద్ధ పెట్టడం వల్ల గర్భధారణ అవకాశాలు మెరుగవుతాయి. గర్బం దాల్చాలని అనుకునే చాలా మంది మహిళలకు తెలియని కొన్ని ముఖ్యమైన , లోతైన విషయాలను వివరంగా తెలుసుకుంటే..
సర్కాడియన్ రిథమ్ బాలెన్స్..
శరీరంలో సర్కాడియన్ రిథమ్ ను అంతర్గత గడియారం అని అంటారు. ఇది బాలెన్స్డ్ గా ఉండటం చాలా ముఖ్యం. రాత్రి వేళల్లో ఆలస్యంగా పడుకోవడం లేదా షిఫ్ట్ డ్యూటీల వల్ల శరీరంలో హార్మోన్ల సమతుల్యత దెబ్బతింటుంది. ముఖ్యంగా ప్రొలాక్టిన్ , మెలటోనిన్ హార్మోన్లు అండం విడుదల కావడాన్ని ప్రభావితం చేస్తాయి. ప్రెగ్నెన్సీకి ప్లాన్ చేసుకునే వారు రాత్రి పూట కనీసం ఏడు నుంచి ఎనిమిది గంటల గాఢమైన నిద్ర ఉండేలా చూసుకోవాలి. పడుకునే గదిలో లైట్లు పూర్తిగా ఆరిపోయేలా లేదా డిమ్ గా ఉంచుకోవడం వల్ల హార్మోన్ల ఉత్పత్తి మెరుగ్గా ఉంటుంది.
ప్లాస్టిక్ కు దూరం..
రోజూ వాడే ప్లాస్టిక్ డబ్బాలు, వాటర్ బాటిల్స్, నాన్-స్టిక్ పాన్ల వాడకం వల్ల శరీరంలోకి ఎండోక్రైన్ డిస్రప్టర్స్ అనే రసాయనాలు ప్రవేశిస్తాయి. ఇవి హార్మోన్ల వ్యవస్థను దెబ్బతీసి అండం నాణ్యతను తగ్గిస్తాయి. దీనికి బదులుగా గాజు లేదా స్టెయిన్ లెస్ స్టీల్ పాత్రలను వాడడం చాలా మంచిది. ప్లాస్టిక్ డబ్బాలలో వేడి వేడి ఆహారాన్ని నిల్వ చేయడం పూర్తిగా మానేయాలి.
ప్యాక్డ్, జంక్ ఫుడ్..
శరీరంలో ఉండే ఇన్ఫ్లమేషన్ లేదా అంతర్గత మంట కూడా సంతానోత్పత్తిని అడ్డుకుంటుంది. ప్యాకెట్లలో లభించే జంక్ ఫుడ్, మైదా ఉత్పత్తులు, పంచదార ఎక్కువగా ఉండే పదార్థాలు శరీరంలో ఇన్ఫ్లమేషన్ ను పెంచుతాయి. దీనికి బదులుగా యాంటీ ఆక్సిడెంటల్ గుణాలు ఎక్కువగా ఉండే నల్ల ద్రాక్ష, దానిమ్మ, బ్లూ బెర్రీస్, గుమ్మడి గింజలు, పొద్దుతిరుగుడు గింజలను ఆహారంలో చేర్చుకోవాలి. ఇవి అండం నాణ్యతను పెంచడంలో చాలా అద్భుతంగా పనిచేస్తాయి.
కార్టిసాల్ హార్మోన్..
మానసిక ఒత్తిడి ఎక్కువగా ఉన్నప్పుడు శరీరంలో కార్టిసాల్ హార్మోన్ విడుదలవుతుంది. ఇది ప్రెగ్నెన్సీకి సహకరించే ఇతర హార్మోన్లను అణచివేస్తుంది. ఒత్తిడిని తగ్గించుకోవడానికి కేవలం యోగా ఒక్కటే కాకుండా, ప్రకృతితో గడపడం, సూర్యరశ్మిలో కాసేపు నడవడం వంటివి చేయాలి. ఉదయం పూట ఎండలో పదిహేను నిమిషాలు గడపడం వల్ల శరీరానికి కావలసిన విటమిన్ డి అందుతుంది, ఇది హార్మోన్ల సమతుల్యతకు ఎంతో అవసరం.
పెల్విక్ ఆరోగ్యం..
పెల్విక్ ఫ్లోర్ కండరాల ఆరోగ్యం గురించి చాలా మంది పట్టించుకోరు. గర్భాశయానికి రక్త సరఫరా సక్రమంగా జరగాలంటే ఈ కండరాలు ఆరోగ్యంగా ఉండాలి. రోజూ తేలికపాటి స్ట్రెచింగ్ వ్యాయామాలు చేయడం వల్ల పొత్తికడుపు భాగానికి రక్త ప్రసరణ పెరుగుతుంది.
కాఫీ, టీ..
కాఫీ, టీల వాడకాన్ని కొద్దిగా తగ్గించడం మంచిది. రోజుకు రెండు కప్పుల కంటే ఎక్కువ కెఫిన్ తీసుకోవడం వల్ల అండం విడుదలయ్యే వేగం మందగించే అవకాశం ఉంది.
ఈ చిన్న చిన్న జాగ్రత్తలను పాటిస్తూ, మనసును ప్రశాంతంగా ఉంచుకుంటే గర్భధారణ మార్గం చాలా సులభం అవుతుంది. ప్రతి మహిళ శరీరం భిన్నంగా ఉంటుంది కాబట్టి, ఆరోగ్య పరిస్థితికి తగినట్లుగా నిపుణుల సలహా తీసుకోవడం కూడా ఎంతో మంచిది.
*రూపశ్రీ.