LATEST NEWS
.webp)
పోలీస్ అమరవీరుల సంస్మరణ దినం సందర్భంగా తెలంగాణ ముఖ్యమంత్రి రేవంత్ రెడ్డి పోలీస్ అమరవీరులకు ఘనంగా నివాళులర్పించారు. సమాజం కోసం, ప్రజల భద్రత కోసం ప్రాణాలను త్యాగం చేసిన పోలీసుల సేవలను ఎప్పటికీ మరువలేమని పేర్కొన్నారు. అమరవీరుల కుటుంబాలు ఒంటరివి కావని, వారికి తెలంగాణ ప్రభుత్వం, పోలీస్ శాఖ, సమాజం అండగా ఉంటాయని భరోసా ఇచ్చారు.
దేశవ్యాప్తంగా విధి నిర్వహణలో ప్రాణాలు కోల్పోయిన పోలీసుల త్యాగాలు చిరస్మరణీయమని సీఎం అన్నారు. శాంతిభద్రతల పరిరక్షణలో పోలీసులు కీలక పాత్ర పోషిస్తున్నారని, రాష్ట్ర అభివృద్ధికి శాంతి, భద్రతలు ఎంతో అవసరమని స్పష్టం చేశారు. అందుకే తమ ప్రభుత్వం పోలీస్ శాఖకు అత్యంత ప్రాధాన్యం ఇస్తోందని వెల్లడించారు.
పోలీస్ శాఖలో 5 వేల ఉద్యోగాల భర్తీ.!
పోలీస్ శాఖలో మరో 5 వేల ఉద్యోగాల భర్తీకి చర్యలు చేపట్టామని సీఎం తెలిపారు. 2027 నాటికి శాఖలోని అన్ని ఖాళీలను భర్తీ చేస్తామని ప్రకటించారు. గతంలో ఎన్నడూ లేని విధంగా 112 మంది డీఎస్పీలను నియమించామని చెప్పారు. ట్రాన్స్‌జెండర్లను ట్రాఫిక్ అసిస్టెంట్లుగా నియమించడం ద్వారా వారి ఆత్మగౌరవాన్ని పెంచే ప్రయత్నం చేశామని పేర్కొన్నారు.
అమరవీరుల కుటుంబాలకు భారీగా ఎక్స్‌గ్రేషియా పెంపు.!
విధి నిర్వహణలో ప్రాణాలు కోల్పోయే పోలీసుల కుటుంబాలకు అందించే ఎక్స్‌గ్రేషియాను తమ ప్రభుత్వం గణనీయంగా పెంచిందని రేవంత్ రెడ్డి వెల్లడించారు. గతంలో కానిస్టేబుళ్లకు రూ.40 లక్షలుగా ఉన్న పరిహారాన్ని రూ.కోటికి పెంచినట్లు తెలిపారు. హెడ్ కానిస్టేబుళ్లు, ఏఎస్‌ఐలకు గతంలో రూ.45 లక్షలుగా ఉన్న పరిహారాన్ని రూ.కోటికి పెంచామని చెప్పారు.
ఎస్‌ఐలకు రూ.45 లక్షలు, ఇన్‌స్పెక్టర్లకు రూ.50 లక్షలుగా ఉన్న పరిహారాన్ని రూ.1.25 కోట్లకు పెంచినట్లు వివరించారు. డీఎస్పీ, అదనపు ఎస్పీ స్థాయి అధికారులకు గతంలో రూ.50 లక్షలుగా ఉన్న పరిహారాన్ని రూ.1.50 కోట్లకు పెంచామని తెలిపారు. ఎస్పీ, ఐపీఎస్ అధికారులకు గతంలో రూ.కోటిగా ఉన్న పరిహారాన్ని రూ.2 కోట్లకు పెంచినట్లు వెల్లడించారు.ఈ పరిహారం కేవలం ఆర్థిక సహాయం మాత్రమే కాదని, అమరవీరుల కుటుంబాల పట్ల ప్రభుత్వం చూపిస్తున్న గౌరవానికి నిదర్శనమని సీఎం పేర్కొన్నారు.
హోంగార్డుల కుటుంబాలకు ఎక్స్‌గ్రేషియా పెంపు.!
హోంగార్డుల సంక్షేమంపైనా ప్రభుత్వం ప్రత్యేక దృష్టి సారించిందని రేవంత్ రెడ్డి తెలిపారు. విధి నిర్వహణలో ప్రాణాలు కోల్పోయే హోంగార్డుల కుటుంబాలకు ప్రస్తుతం రూ.5 లక్షల ఎక్స్‌గ్రేషియా అందిస్తున్నామని చెప్పారు. ఈ మొత్తాన్ని రూ.10 లక్షలకు పెంచాలని డీజీపీని ఆదేశిస్తున్నట్లు ప్రకటించారు.అలాగే, పోలీసుల పిల్లలకు మెరుగైన విద్యావకాశాలు కల్పించేందుకు యంగ్ ఇండియా పోలీస్ స్కూల్‌ను ప్రారంభించామని తెలిపారు. హోంగార్డు నుంచి డీజీపీ స్థాయి వరకు పోలీస్ సిబ్బంది పిల్లలకు ఈ పాఠశాలలో అవకాశం కల్పించామని వివరించారు.
ఆధునిక సాంకేతికతతో పోలీస్ శాఖ బలోపేతం.!
కాలంతో పాటు నేరాల స్వభావం మారుతోందని, కొత్త సవాళ్లను ఎదుర్కొనేందుకు పోలీస్ శాఖను ఆధునీకరించాల్సిన అవసరం ఉందని సీఎం అన్నారు. నేరాల నియంత్రణలో ఆధునిక సాంకేతికతను విస్తృతంగా వినియోగించుకోవాలని నిర్ణయించినట్లు తెలిపారు. అయితే, సాంకేతికత ఎంతగా అభివృద్ధి చెందినా పోలీసులు మానవీయ దృక్పథాన్ని కోల్పోకూడదని సూచించారు.
డ్రగ్స్, గంజాయి వ్యాప్తి సమాజానికి, ముఖ్యంగా యువతకు తీవ్ర ప్రమాదకరమని రేవంత్ రెడ్డి హెచ్చరించారు. యువత మాదకద్రవ్యాల బారిన పడకుండా చర్యలు తీసుకోవాలని పోలీసులకు సూచించారు. డ్రగ్స్ నియంత్రణలో ఈగల్ ఫోర్స్ పనితీరును, డీజీపీ కృషిని అభినందించారు.కల్తీ ఆహారాన్ని అరికట్టేందుకు టీజీ సేఫ్ కార్యక్రమాన్ని తీసుకొచ్చామని తెలిపారు. మహిళల భద్రత కోసం షీ టీమ్స్ సేవలను కొనసాగిస్తూ మరింత బలోపేతం చేస్తున్నామని చెప్పారు.
మహిళలు, చిన్నారుల భద్రతకు ప్రత్యేక చర్యలు.!
మహిళలకు అండగా నిలిచే సామాజిక బాధ్యతను పెంచేందుకు ఈ ఏడాది మార్చిలో ‘స్టాండ్ విత్ హర్’ కార్యక్రమాన్ని ప్రారంభించినట్లు సీఎం తెలిపారు. మహిళలు, చిన్నారులు అత్యవసర పరిస్థితుల్లో ఉన్నప్పుడు తక్షణ రక్షణ కల్పించేందుకు ఏప్రిల్‌లో ‘స్పందన – తక్షణ రక్షణ’ బృందాలను ప్రారంభించామని వెల్లడించారు.
మహిళలు, చిన్నారులకు సంబంధించిన కేసుల్లో పోలీసులు మరింత సున్నితంగా వ్యవహరించాలని సూచించారు. బాధితులకు న్యాయం అందించడంలో ఎలాంటి జాప్యం జరగకూడదని స్పష్టం చేశారు. మహిళల భద్రత కేవలం పోలీసుల బాధ్యత మాత్రమే కాదని, సమాజంలోని ప్రతి ఒక్కరూ తమ బాధ్యతగా భావించాలని పిలుపునిచ్చారు.
అమరవీరుల కుటుంబాలకు సీఎం భావోద్వేగ భరోసా.!
పోలీస్ అమరవీరుల కుటుంబ సభ్యులను ఉద్దేశించి సీఎం రేవంత్ రెడ్డి భావోద్వేగంగా మాట్లాడారు. వారు కోల్పోయిన వ్యక్తులను ఎవరూ తిరిగి తీసుకురాలేరని, వారి కుటుంబాల్లో ఏర్పడిన లోటును ఎవరూ పూర్తిగా భర్తీ చేయలేరని అన్నారు. అయితే, ఆ బాధలో వారు ఒంటరివారు కాదని, తెలంగాణ ప్రభుత్వం, పోలీస్ శాఖ, సమాజం ఎల్లప్పుడూ అండగా ఉంటాయని భరోసా ఇచ్చారు.
పోలీస్ శాఖలో పనిచేస్తున్న ప్రతి అధికారి, సిబ్బంది క్రమశిక్షణను బలంగా, నిజాయితీని గౌరవంగా భావించాలని సూచించారు. ప్రజలకు భరోసా కల్పించడమే పోలీసులకు లభించే గొప్ప గుర్తింపు అని పేర్కొన్నారు. ప్రజల భద్రత కోసం పోలీసులు అంకితభావంతో పనిచేయాలని, వారి సంక్షేమానికి, కుటుంబాల భవిష్యత్తుకు ప్రభుత్వం అండగా ఉంటుందని హామీ ఇచ్చారు. పోలీస్ అమరవీరుల త్యాగాలను గౌరవిస్తూ, వారి ఆశయాలను కొనసాగించాలని సీఎం పిలుపునిచ్చారు. శాంతియుతమైన, సురక్షితమైన, అభివృద్ధి చెందిన తెలంగాణ నిర్మాణానికి ప్రతి ఒక్కరూ కృషి చేయాలని ఆకాంక్షించారు.
[ Police Commemoration Day, CM Revanth Reddy, Police Martyrs Memorial Day, Telangana Police, Police Martyrs Tribute, Telangana Government, Police Jobs Recruitment, 5000 Police Jobs, Police Ex Gratia, Police Welfare, Home Guards Ex Gratia, Young India Police School, Telangana DGP, Eagle Force, Drug Control, Telangana Safe, Women Safety, CP Sajjanar, DGP C.V. Anand ]
కాక్రోచ్ జనతా పార్టీ తన ఆందోళనకు విరామం ప్రకటించింది. ఆ పార్టీ వ్యవస్థాపకుడు అభిజీత్ దిప్కే ఇందుకు సంబంధించి స్వయంగా ప్రకటించారు. దేశవ్యాప్తంగా లేదా ప్రధాన నగరాల్లో తాము నిర్వహిస్తున్న నిరసన కార్యక్రమాలకు తాత్కాలిక విరామం ప్రకటించినట్లు పేర్కొన్నారు. తిరిగి దీపావళి పండుగ తరువాత నుంచీ ఆందోళనలను పున: ప్రారంభించనున్నట్లు తెలిపారు. పండుగ సమయం దగ్గరపడుతున్న నేపథ్యంలో కార్యకర్తలు, మద్దతుదారులు తమ కుటుంబ సభ్యులతో సంతోషంగా గడపేందుకు ఈ విరామాన్ని ప్రకటిస్తున్నట్లు తెలిపారు.
సర్ ప్రక్రియకు వ్యతిరేకంగా, సీఈసీ జ్ణానేశ్వర్ కుమార్ రాజీనామా సహా పలు ప్రజా సమస్యలపై రాజధాని ఢిల్లీలో సీజేపీ పెద్ద ఎత్తున నిరసన కార్యక్రమాలు నిర్వహించిన విషయం తెలిసిందే. ఈ ఆందోళనల సమయంలో భద్రతా బలగాలు, పోలీసుల అణచివేత కారణంగా పలువురు పార్టీ కార్యకర్తలు, ముఖ్య నేతలు నిర్బంధాలను ఎదుర్కోవాల్సి వచ్చింది. ఈ పరిణామాలన్నీ కార్యకర్తల కుటుంబాలపై తీవ్రమైన మానసిక ఒత్తిడిని కలిగించాయనీ, అందుకే కార్యకర్తలు, నాయకులు పండుగను కుటుంబ సభ్యులతో సంతోషంగా గడిపేందుకు ఈ తాత్కాలిక విరామ నిర్ణయం తీసుకున్నట్లు అభిజీత్ దీప్కె పేర్కొన్నారు.
ఈ సందర్భంగా పార్టీ ప్రముఖ నాయకులు సౌరవ్ దాస్, అశుతోష్ రంకాల అరెస్టులు, జ్యుడీషియల్ కస్టడీ గురించి అభిజీత్ దిప్కే ప్రస్తావించారు. కఠినమైన పరిస్థితులను ఎదుర్కొంటూ జైలులో గడిపినప్పటికీ వారి మొహంలో ఎలాంటి భయం కనిపించలేదని, వారి ధైర్యసాహసాలు పార్టీ శ్రేణులకు ఎంతో స్ఫూర్తినిస్తాయని కొనియాడిన ఆయన చట్టపరమైన సవాళ్లను ఎదుర్కొంటూనే ప్రజా సమస్యలపై పోరాటాన్ని ముందుకు తీసుకెళ్తామని స్పష్టం చేస్తామన్నారు.
[Cockroach Janata Party Gives Break Agitation, Diwali Protest Pause, CJP Agitations, Telugu One]
.webp)
రాజకీయాల్లో అధికారంలో ఉన్నప్పుడు ఒక మాట.. అధికారం పోయాక మరో మాట వినిపించడం కొత్తేమీ కాదు. కానీ ప్రజాస్వామ్య వ్యవస్థల గురించి మాట్లాడే నాయకులు వైఖరిని మరచిపోయి మాట్లాడటం విడ్డూరం. ఆంధ్రప్రదేశ్‌లో స్థానిక సంస్థల ఎన్నికల నామినేషన్ల చుట్టూ సాగుతున్న వివాదం.. ఈ వివాదం విషయంలో వైసీపీ అధినేత జగన్ చేస్తున్న వ్యాఖ్యలు, విమర్శలపై రాజకీయవర్గాలలోనూ, నెట్టింటా కడా ఇప్పుడు అదే చర్చ జరుగుతోంది.
స్థానిక నామినేషన్ల ప్రక్రియలో తమ పార్టీ అభ్యర్థులను అడ్డుకుంటున్నారనీ, అధికార యంత్రాంగం నిష్పక్షపాతంగా వ్యవహరించడం లేదని వైసీపీ అధినేత, మాజీ ముఖ్యమంత్రి వైఎస్ జగన్‌మోహన్‌రెడ్డి గవర్నర్‌ను కలిసి ఫిర్యాదు చేశారు. స్వేచ్ఛగా, నిష్పక్షపాతంగా ఎన్నికలు జరిగేలా చర్యలు తీసుకోవాలని కోరారు. ఆయన చేసిన ఆరోపణలు నిజమా కాదా అన్న విషయం.. అన్నది ఆధారాలు, అధికారిక విచారణ తేలుస్తుంది. అ విషయం పక్కన పెడితే.. జగన్ గతంలో అంటే ఆయన అధికారంలో ఉండగా ఎన్నికల వ్యవస్థలతో వ్యవహరించిన తీరుపై ఇప్పుడు ప్రశ్నలు వెల్లువెత్తుతున్నాయి.
అరాచకాలు జరిగాయని జగన్ చెప్పడాన్నితప్పుపట్టడం లేదు కానీ, జగన్ అధికారంలో ఉన్నప్పుడు ఎదురైన విమర్శలకు, ఇప్పుడు ప్రతిపక్షంలో ఉండి ఆయన చేస్తున్న ఫిర్యాదులకు ఒకే కొలమానం వర్తిస్తుందా? ప్రజాస్వామ్యంపై ఆవేదన వ్యక్తం చేసే నాయకుడి మాటలకు విశ్వసనీయత రావాలంటే, గతంలోనూ అదే సూత్రాలకు కట్టుబడి ఉండాలి, లేదా ఉన్నట్లు కనిపించాలి.. కానీ సీఎంగా ఉన్న సమయంలో జగన్ వ్యవహరించిన తీరుపై, ఇప్పుడు అధికారంలో లేనప్పుడు చేస్తున్న విమర్శలు ఫిర్యాదులప పోలిటికల్ సర్కిల్స్ లో ఓ రేంజ్ లో చర్చ జరుగుతోంది. తనదాకా వస్తే కానీ.. అన్న సమేతను గుర్తు చేస్తున్నదని అంటున్నారు.
స్థానిక ఎన్నికల్లో వైసీపీ ఎదుర్కొంటున్న ప్రధాన సవాళ్లలో ఒకటి పోటీకి అభ్యర్థులే దొరకని పరిస్థితి. అలాగే పార్టీ శ్రేణుల్లో కనిపించని ఉత్సాహం. పార్టీ నాయకుల ఉదాశీనత. మేయర్లు, మునిసిపల్ చైర్మన్ల ఎన్నికల్లో ప్రత్యక్ష ఎన్నికల విధానం అమలులో ఉండటం కూడా వైసీపీలో పోటీకి ముందే పరాజయాన్ని అంగీకరించేసి చేతులెత్తేయడానికి ఒక కారణంగా పరీశీలకులు విశ్లేషిస్తున్నారు.
2021లో స్థానిక సంస్థల ఎన్నికల సమయంలో జగన్ అధికారంలో ఉన్నారు. అప్పట్లో ప్రతిపక్ష అభ్యర్థులను నామినేషన్లు వేయకుండా అడ్డుకున్నా వైసీపీయులు అడ్డుకున్నారు. ఆ విషయాన్ని విస్మరించి.. ఇప్పుడు జగన్ అధికార కూటమి తమను నామినేషన్లు వేయనీయకుండా అడ్డుకుంటోందంటూ ఆరోపణలు గుప్పిస్తున్నారు. పుంగనూరు, పులివెందుల, కడప, రాయచోటి, తిరుపతి తదిత ప్రాంతాల్లో తమ అభ్యర్థులను అడ్డుకున్నారని జగన్ ఆరోపిస్తున్నారు. నామినేషన్ పత్రాలు లాక్కున్నారని, దాడులు జరిగాయని, పోలీసులు నిష్పక్షపాతంగా వ్యవహరించడం లేదని విమర్శలు గుప్పించారు. ఈ ఆరోపణలపై న్యాయపరమైన చర్యలు కోరుతూ వైసీపీ సుప్రీంకోర్టును కూడా ఆశ్రయించింది. మరోవైపు, కూటమి నాయకులు గత వైసీపీ ప్రభుత్వ హయాంలో జరిగిన ఏకగ్రీవాలు, నామినేషన్ల అడ్డంకులను ప్రస్తావిస్తూ ప్రతివిమర్శలు చేస్తున్నారు.
ఇప్పుడు ఎన్నికల సంఘం స్వతంత్రత, ఎన్నికల కమిషనర్ల నియామక విధానం, నిష్పక్షపాత ఎన్నికల అవసరం గురించి మాట్లాడుతున్న జగన్.. గతంలో అంటే తాను అధకారంలో ఉన్న సమయంలో అప్పటి రాష్ట్ర ఎన్నికల కమిషనర్ నిమ్మగడ్డ రమేష్‌కుమార్‌ పట్ల వ్యవహరించిన తీరుకు సమాధానం చెప్పాల్సిన అవసరం ఉంది.
ఆ సమయంలో ఎన్నికల నిర్వహణ, స్థానిక ఎన్నికల వాయిదా, రాష్ట్ర ఎన్నికల కమిషనర్ అధికారాలపై ప్రభుత్వం, ఎన్నికల సంఘం మధ్య తీవ్ర విభేదాలు తలెత్తాయి. ఈ వ్యవహారం న్యాయస్థానాల దాకా వెళ్లింది. ఇప్పుడు ఎన్నికల వ్యవస్థల గౌరవం గురించి జగన్ మాట్లాడుతున్నప్పుడు, గతంలో జరిగిన పరిణామాలపై వివరణ ఇవ్వాలని డిమాండ్ చేస్తున్నారు.
ప్రజాస్వామ్యం అంటే అధికారంలో ఉన్నవారు చెప్పిందే నిజమని అంగీకరించడం కాదు. ప్రతిపక్షం చెప్పిందే వాస్తవమని నమ్మడమూ కాదు. ఆధారాలు పరిశీలించి, న్యాయబద్ధమైన నిర్ణయాలకు కట్టుబడటం. జగన్ వ్యవస్థల గౌరవం గురించి మాట్లాడితే, గతంలో వాటితో జరిగిన వివాదాలపై ప్రశ్నలు రావడం సహజం. చంద్రబాబు ప్రజాస్వామ్యం గురించి మాట్లాడితే, ప్రస్తుతం అధికారంలో ఉన్న తన పార్టీ శ్రేణుల ప్రవర్తనపైనా ప్రశ్నలు ఎదుర్కోవాల్సిందే.
[AP Local Body Elections Violence, Jagan Mohan Reddy, Chandrababu Naidu, YCP, TDP, Election Related Violence, Andhra Pradesh Politics, Telugu One]
ALSO ON TELUGUONE N E W S
టాలీవుడ్‌లో వరుస పెళ్లి వార్తలు ఆసక్తి రేపుతున్నాయి. మెగా హీరో సాయి ధరమ్ తేజ్ పెళ్లి గురించి వార్తలు వైరల్ అవుతున్న సమయంలోనే.. ఇప్పుడు ‘హనుమాన్’ ఫేమ్ తేజ సజ్జా కూడా పెళ్లి పీటలు ఎక్కబోతున్నాడనే ప్రచారం మొదలైంది. నవంబర్‌లో నిశ్చితార్థం, డిసెంబర్‌లో వివాహం జరగనుందని టాక్ వినిపిస్తోంది. దీంతో తేజ సజ్జా చేసుకోబోయే అమ్మాయి ఎవరనే ఆసక్తి అభిమానుల్లో నెలకొంది.
తేజ సజ్జా పెళ్లికి సంబంధించి ప్రస్తుతం వినిపిస్తున్న సమాచారం ప్రకారం.. ఆయనది పెద్దలు కుదిర్చిన వివాహమట. వధువు ఒక సాఫ్ట్‌వేర్ ఇంజినీర్ అని, ఆమె కుటుంబానికి సినీ పరిశ్రమతో ఎలాంటి సంబంధం లేదని ప్రచారం జరుగుతోంది. అంటే గ్లామర్ ప్రపంచానికి దూరంగా ఉండే అమ్మాయితో తేజ కొత్త జీవితాన్ని ప్రారంభించబోతున్నాడన్నమాట.
నవంబర్‌లో నిశ్చితార్థం నిర్వహించి, డిసెంబర్‌లో రాజస్థాన్‌లోని ఉదయ్‌పూర్‌లో వివాహ వేడుక జరపాలని ఇరు కుటుంబాలు నిర్ణయించినట్లు తెలుస్తోంది. ఈ వేడుకకు కుటుంబ సభ్యులు, అత్యంత సన్నిహితులు, స్నేహితులు మాత్రమే హాజరుకానున్నారని సమాచారం. అయితే, వధువు పేరు, నిశ్చితార్థం తేదీ, పెళ్లి తేదీపై అధికారిక వివరాలు ఇంకా వెల్లడికాలేదు.
ఇది కూడా చదవండి: సాయి ధరమ్ తేజ్ పెళ్లి ముహూర్తం ఫిక్స్.. వధువు ఎవరో తెలుసా.?
[Teja Sajja Wedding, Teja Sajja Marriage, Teja Sajja Engagement, HanuMan Actor Wedding, Teja Sajja, Sai Dharam Tej, Telugu Film News]
మెగా హీరో సాయి ధరమ్ తేజ్ పెళ్లి గురించి ఆసక్తికరమైన చర్చ నడుస్తోంది. నవంబర్‌లోనే ఆయన వివాహం జరగనుందని ప్రచారం జరుగుతోంది. దీంతో సాయి తేజ్ పెళ్లి చేసుకోబోయే అమ్మాయి ఎవరనే ఆసక్తి అభిమానుల్లో పెరిగింది.
నిజానికి సాయి తేజ్ పెళ్లి గురించి గతంలోనూ పలుమార్లు వార్తలు వచ్చాయి. అయితే, ఈసారి మాత్రం నిశ్చితార్థం తేదీతో సహా కొన్ని వివరాలు తెరపైకి రావడంతో ఈ వార్త హాట్ టాపిక్‌గా మారింది. నవంబర్ 5న తేజ్ నిశ్చితార్థం జరగనుందని, నవంబర్‌లోనే వివాహ వేడుక కూడా నిర్వహించేందుకు కుటుంబ సభ్యులు సిద్ధమవుతున్నారని టాక్ వినిపిస్తోంది. అయితే, ఈ తేదీలపై అధికారిక ప్రకటన రావాల్సి ఉంది.
సాయి తేజ్ పెళ్లి గురించి వినిపిస్తున్న మరో ఆసక్తికరమైన విషయం ఏంటంటే.. ఆయన చేసుకోబోయే అమ్మాయి చిన్ననాటి స్నేహితురాలేనట. వీరిద్దరి మధ్య చాలాకాలంగా స్నేహం ఉందని, ఇరు కుటుంబాల అంగీకారంతో ఈ బంధం పెళ్లి వరకు వెళ్లిందని ప్రచారం జరుగుతోంది. అయితే, ఆమె ఎవరనే వివరాలు మాత్రం బయటకు రాలేదు. ఇది ప్రేమ వివాహమా? లేక పెద్దలు కుదిర్చిన వివాహమా? అన్న విషయంలోనూ స్పష్టత లేదు.
మరోవైపు, సాయి తేజ్ పెళ్లి గురించి గత ఏడాదే ఓ క్లారిటీ ఇచ్చారు. 2025 నవంబర్‌లో తిరుమల శ్రీవారిని దర్శించుకున్న ఆయన.. 2026లో పెళ్లి చేసుకోబోతున్నట్లు మీడియాకు వెల్లడించారు. దీంతో ఇప్పుడు వినిపిస్తున్న పెళ్లి వార్తలు అభిమానుల్లో మరింత ఆసక్తిని పెంచుతున్నాయి.
ఇక సినిమాల విషయానికి వస్తే.. సాయి ధరమ్ తేజ్ ప్రస్తుతం ‘సంబరాల ఏటిగట్టు’ సినిమాతో బిజీగా ఉన్నారు. రోహిత్ కేపీ దర్శకత్వంలో తెరకెక్కుతున్న ఈ పీరియాడిక్ యాక్షన్ థ్రిల్లర్‌పై ఆయన భారీ ఆశలే పెట్టుకున్నారు. ఈ సినిమా కోసం దాదాపు రెండున్నరేళ్లు కేటాయించిన తేజ్.. తన లుక్‌ను కూడా పూర్తిగా మార్చుకున్నారు. ఈ చిత్రాన్ని 2027 సంక్రాంతి కానుకగా ప్రేక్షకుల ముందుకు తీసుకురావాలని మేకర్స్ ప్లాన్ చేస్తున్నారు.
ఇది కూడా చదవండి: ఆకాశంలో ఆశల హరివిల్లు.. కొత్త లోకంలోకి తీసుకెళ్ళే సిరివెన్నెల సాహిత్యం.!
[Sai Dharam Tej Wedding, Sai Dharam Tej Marriage, Sai Dharam Tej Engagement, Sai Durgha Tej Wedding, Sai Dharam Tej, Sai Durgha Tej, Mega Family Wedding, Telugu Film News]
Devi Sri Prasad is set to make his acting debut with Yellamma, an intense rural drama directed by Balagam fame Venu Yeladandi. The makers have announced March 5 as the film's release date on the occasion of Dasara, locking the date initially associated with Prabhas and Sandeep Reddy Vanga's Spirit.
Presented by Dil Raju and produced by Shirish under Sri Venkateswara Creations, Yellamma is envisioned as an emotionally intense drama rooted in rural life and human relationships. Venu, who earned critical acclaim for Balagam, is directing DSP in his first full-fledged acting venture.
Apart from playing the lead role, DSP is also composing the music for the film. The celebrated music director, who has delivered successful albums across multiple languages over the past three decades, has reportedly explored traditional rural sounds to create a distinctive musical experience for the film.
The shoot is progressing at a rapid pace, and the makers are planning a pan-Indian theatrical release in Telugu, Tamil, Hindi, Malayalam and Kannada. With Yellamma now scheduled for March first week, the film is positioned to open the Summer box-office season.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
సినిమా బిజినెస్‌లో సరైన నిర్ణయం తీసుకుంటే ఎలాంటి ఫలితాలు వస్తాయో నిర్మాత నాగవంశీ విషయంలో మరోసారి నిరూపితమవుతోంది. సూపర్‌స్టార్ రజనీకాంత్ నటించిన ‘జైలర్ 2’ తెలుగు థియేట్రికల్ హక్కులను సుమారు రూ.42 కోట్లకు సొంతం చేసుకున్న ఆయన.. ఇప్పుడు భారీ లాభాల దిశగా సాగుతున్నారు. ఈ డీల్ వెనుక సంగీత దర్శకుడు అనిరుధ్ రవిచందర్ ఇచ్చిన సలహా ఉందనే విషయం ఆసక్తికరంగా మారింది.
నాగవంశీకి అనిరుధ్‌తో మంచి సాన్నిహిత్యం ఉంది. హైదరాబాద్‌లో నిర్వహించిన అనిరుధ్ మ్యూజికల్ కాన్సర్ట్‌తో వీరి మధ్య స్నేహం మరింత బలపడింది. ఈ క్రమంలో ‘జైలర్ 2’ సినిమా రషెస్, కంటెంట్ చూసిన అనిరుధ్.. సినిమా అద్భుతంగా వచ్చిందని, తెలుగులోనూ మంచి విజయం సాధిస్తుందని నాగవంశీకి భరోసా ఇచ్చినట్లు సమాచారం. దీంతో రిస్క్ ఉన్నప్పటికీ ఆయన వెనకడుగు వేయకుండా భారీ మొత్తానికి తెలుగు హక్కులను కొనుగోలు చేశారు.
అక్టోబర్ 15న విడుదలైన ‘జైలర్ 2’ అనిరుధ్ సంగీతం, రజనీకాంత్ స్టైల్‌తో ప్రేక్షకులను ఆకట్టుకుంటోంది. తొలి నాలుగు రోజుల్లోనే రెండు తెలుగు రాష్ట్రాల్లో సుమారు రూ.50 కోట్ల గ్రాస్, రూ.27.5 కోట్ల షేర్ వసూలు చేసినట్లు ట్రేడ్ వర్గాల అంచనా. దీంతో పెట్టుబడిలో దాదాపు 66 శాతం రికవరీ సాధించినట్లు తెలుస్తోంది. నైజాంలో రూ.11.8 కోట్లు, సీడెడ్‌లో రూ.4.3 కోట్లు, వైజాగ్‌లో రూ.3.15 కోట్ల షేర్ నమోదైనట్లు సమాచారం.
ప్రస్తుతం తెలుగు రాష్ట్రాల్లో ఈ సినిమాకు కొనసాగుతున్న ఆదరణను బట్టి ఫుల్ రన్‌లో రూ.100 కోట్ల గ్రాస్ మార్కును చేరుకోవచ్చని ట్రేడ్ వర్గాలు అంచనా వేస్తున్నాయి. అదే జరిగితే నాగవంశీకి సుమారు రూ.40 కోట్ల వరకు లాభాలు వచ్చే అవకాశం ఉందని కథనం పేర్కొంటోంది. అనిరుధ్ ఇచ్చిన సూచన, నెల్సన్ దిలీప్‌కుమార్ దర్శకత్వంపై నమ్మకంతో నాగవంశీ తీసుకున్న నిర్ణయం ఇప్పుడు టాలీవుడ్‌లో చర్చనీయాంశంగా మారింది.
[Jailer 2 Telugu Rights, Naga Vamsi Profits, Anirudh Ravichander Advice, Rajinikanth Jailer 2, Jailer 2 Box Office Collections, Nelson Dilipkumar]
.WEBP)
ఐకాన్ స్టార్ అల్లు అర్జున్, దర్శకుడు అట్లీ కాంబినేషన్‌లో తెరకెక్కుతున్న భారీ చిత్రం ‘రాకా’పై అంచనాలు రోజురోజుకీ పెరుగుతున్నాయి. సన్ పిక్చర్స్ నిర్మిస్తున్న ఈ సైన్స్ ఫిక్షన్ చిత్రంలో ప్రేక్షకులు ఇప్పటివరకు చూడని సరికొత్త ప్రపంచాన్ని ఆవిష్కరించబోతున్నట్లు ప్రముఖ యాక్షన్ కొరియోగ్రాఫర్ అనల్ అరసు వెల్లడించారు. ఈ సినిమా విజువల్ స్కేల్‌ను వివరిస్తూ ఆయన చేసిన వ్యాఖ్యలు ఇప్పుడు ఆసక్తిని రేకెత్తిస్తున్నాయి. సాధారణంగా ఒక అంతస్తు ఎక్కడానికి 10 నుంచి 25 మెట్లు సరిపోతే, ‘రాకా’లో అట్లీ సృష్టించిన ప్రపంచంలోకి అడుగుపెట్టడానికి ఏకంగా వెయ్యి మెట్లు ఎక్కాల్సి ఉంటుందని ఆయన పోల్చి చెప్పారు.
‘రాకా’ సాధారణ కమర్షియల్ సినిమాల తరహాలో కాకుండా, పూర్తిగా భిన్నమైన కల్పిత ప్రపంచం నేపథ్యంలో సాగనుందని అనల్ అరసు మాటలను బట్టి తెలుస్తోంది. ఈ చిత్రంలో అత్యాధునిక మోషన్ క్యాప్చర్ సాంకేతికతను ఉపయోగిస్తూ, ప్రత్యేక శక్తులు కలిగిన పాత్రలకు తగినట్లుగా యాక్షన్ సన్నివేశాలను రూపొందిస్తున్నారట. ఆయా పాత్రల కదలికలు, నడక, మానవాతీత విన్యాసాలను తెరపై సహజంగా చూపించడం తన కెరీర్‌లోనే అత్యంత క్లిష్టమైన సవాళ్లలో ఒకటని ఆయన పేర్కొన్నారు. హాలీవుడ్ స్థాయి విజువల్ ఎఫెక్ట్స్‌తో యాక్షన్ సన్నివేశాలను రూపొందిస్తున్నట్లు సమాచారం.
ఈ సినిమాలో అల్లు అర్జున్ సరసన దీపికా పదుకొణె నటిస్తుండగా, రష్మిక మందన్న, మృణాల్ ఠాకూర్, జాన్వీ కపూర్, రమ్యకృష్ణ, జిమ్ సర్భ్, యోగి బాబు తదితరులు కీలక పాత్రల్లో కనిపించనున్నట్లు కథనం పేర్కొంది. పునర్జన్మలు, సైన్స్ ఫిక్షన్ అంశాల నేపథ్యంలో కథ సాగనుందని, అల్లు అర్జున్ విభిన్నమైన గెటప్స్‌లో కనిపించనున్నారని సమాచారం. సాయి అభ్యంకర్ ఈ చిత్రానికి సంగీతం అందిస్తున్నారు. భారీ సాంకేతిక హంగులు, విభిన్నమైన పాత్రలు, కొత్త తరహా యాక్షన్‌తో ‘రాకా’ ప్రేక్షకులకు ఎలాంటి అనుభూతిని అందిస్తుందోననే ఆసక్తి నెలకొంది.
[Allu Arjun Raaka, Raaka Movie Update, Atlee Raaka Movie, Anal Arasu Interview, Allu Arjun Action Film, Deepika Padukone Raaka, Raaka Sci Fi Movie, Sun Pictures Raaka]
.WEBP)
యాక్షన్, అడ్వెంచర్, యాక్షన్ జానర్‌లో సరికొత్త కథతో లయ, అనురూప్ కటారి, ఆకాంక్ష త్యాగరాజన్ ప్రధాన పాత్రల్లో రాగ మూవీస్ & తిలోత్తమ ప్రొడక్షన్స్ బ్యానర్ మీద వాణి శంకర్, తిలోత్తమ సంయుక్తంగా నిర్మిస్తున్న చిత్రం ‘సన్ ఆఫ్ కనకదుర్గమ్మ’. ఈ మూవీకి దుర్గ ఫణిదర్ దర్శకత్వం వహిస్తున్నారు. ఈ సినిమాకి కాకర్ల గోవర్దనరావు కథను అందించారు. దసరా సందర్భంగా ‘సన్ ఆఫ్ కనకదుర్గమ్మ’ చిత్రం నుంచి ఓ పవర్ ఫుల్ పోస్టర్‌ను టీం రిలీజ్ చేసింది.
ప్రముఖ నిర్మాత అశ్వనీదత్ , స్వప్నదత్ ‘సన్ ఆఫ్ కనకదుర్గమ్ము’ పోస్టర్‌ను రిలీజ్ చేసి టీంకి ఆల్ ది బెస్ట్ తెలిపారు. ఇక ఈ పోస్టర్‌లో అమ్మవారిగా లయ ఎంతో పవర్ ఫుల్‌గా కనిపిస్తున్నారు. సన్ ఆఫ్ కనకదుర్గమ్మ సినిమాని నిధి అన్వేషణ అనే కాన్సెప్ట్ మీద తెరకెక్కిస్తున్నారు. ఇందులోని కథ, కథనాలు, విజువల్స్, యాక్షన్స్ అన్నీ కూడా హైలెట్ కానున్నాయి. అమ్మవారిగా లయ కనిపించే సీన్స్ రోమాలు నొక్కబొడుచుకునేలా ఉంటాయని టీం చెప్తోంది.
ఈ చిత్రానికి శశిధర్ లంక సంగీతాన్ని అందిస్తుండగా బ్యాక్ గ్రౌండ్ స్కోర్ సామ్ కే ప్రసన్ అందించారు. ప్రసాద్ కేవీ కెమెరామెన్‌గా పని చేస్తున్నారు. రాజేష్ లంక ఈ మూవీకి యాక్షన్ కొరియోగ్రఫర్‌గా వర్క్ చేస్తున్నారు. ఈ సినిమాకి రాఘవేందర్ రెడ్డి ఎడిటర్‌గా, చైతన్య మీనవల్లి, ప్రసాద్ కేవీ డైలాగ్స్ రైటర్‌గా వర్క్ చేస్తున్నారు. త్వరలోనే మరిన్ని అప్డేట్లను చిత్రయూనిట్ ప్రేక్షకుల్ని మెప్పించనుంది.
అనురూప్ కటారి, లయ, ఆకాంక్ష త్యాగరాజన్ తదితరులు న‌టిస్తున్న ఈ చిత్రాన్ని రాగా మూవీస్ & తిలోత్తమ ప్రొడక్షన్స్ ప‌తాకాల‌పై నిర్మిస్తున్నారు. ఈ చిత్రానికి నిర్మాతలు: వాణి శంకర్, తిలోత్తమ, దర్శకుడు: దుర్గ ఫణిదర్ లంక, కథ: కాకర్ల గోవర్దనరావు, సంగీతం: శశిధర్ లంక, బ్యాక్ గ్రౌండ్ మ్యూజిక్: శ్యాం కే ప్రసన్, కెమెరా: ప్రసాద్ కేవీ, ఎడిటర్: రాఘవేందర్ రెడ్డి.
[son of kanakadurgamma poster release, laya in son of kanakadurgamma, telugu movie son of kanakadurgamma]
The much-awaited family entertainer Aadarsha Kutumbam – House No. 47 is all set to arrive in theatres on October 30, promising audiences a festive treat filled with family emotions, entertainment and action.
Bringing together the blockbuster combination of Victory Venkatesh and Trivikram Srinivas after 20 years, the film has already generated considerable buzz. The two songs released so far, along with the teaser, have set the tone and established the film’s unique vibe, hinting at an entertaining blend of middle-class family moments, humour, emotions and action.
With its relatable family setting and the promise of a wholesome entertainer, Aadarsha Kutumbam – House No. 47 is shaping up to be a perfect big-screen experience for audiences of all generations. Arriving just ahead of the Diwali weekend, the film promises to bring families together for a festive celebration at the cinemas.
Written and directed by Trivikram Srinivas, the film stars Victory Venkatesh alongside Srinidhi Shetty, Nara Rohith, Nivetha Pethuraj, Rao Ramesh, Satya, Brahmaji, Vennela Kishore and others in pivotal roles.
Produced by S. Radha Krishna under the banner of Haarika & Hassine Creations, the film features cinematography by Ravi K. Chandran, editing by Navin Nooli and art direction by A. S. Prakash. Thaman S is composing the music.
With excitement building around its songs, teaser and the much-loved Venkatesh & Trivikram combination, Aadarsha Kutumbam – House No. 47 promises a wholesome family entertainer with a festive dose of fun, emotion and action.
Disclaimer: The news article is written based on information shared by various sources. The organisation is not responsible for the factual nature of them. While we do try to do thorough research at times people could misguide. So, we would encourage viewers' discretion before reacting to them.
తమిళ సినీ పరిశ్రమలో మరో స్టార్ హీరో రాజకీయాల్లోకి వస్తారనే చర్చ మొదలైంది. నటుడు ధనుష్ రాజకీయ రంగప్రవేశంపై వస్తున్న ఊహాగానాలపై తమిళనాడు ముఖ్యమంత్రి విజయ్ నేతృత్వంలోని తమిళగ వెట్రి కళగం (టీవీకే) స్పందించింది. ధనుష్ రాజకీయాల్లోకి రావాలని నిర్ణయించుకుంటే స్వాగతిస్తామని పార్టీ ప్రతినిధి ఎం. సత్య కుమార్ తెలిపారు. సినీ రంగం నుంచి రాజకీయాల్లోకి వచ్చి విజయ్ సాధించిన ప్రస్థానం ఇతరులకు స్ఫూర్తిగా నిలవడం తమకు సంతోషంగా ఉందని ఆయన వ్యాఖ్యానించారు.
ఇటీవల ధనుష్ తన అభిమాన సంఘం పేరును ‘ధనుష్ నర్పణి మండ్రం’ నుంచి ‘ధనుష్ నర్పణి ఇయక్కం’గా మార్చారు. అంటే ధనుష్ సంక్షేమ ఉద్యమం అని అర్థం. కోయంబత్తూరులో నిర్వహించిన సమావేశానికి సుమారు 3,000 మంది అభిమాన సంఘం ప్రతినిధులు హాజరయ్యారు. ప్రజాసేవ, క్రమశిక్షణ, సంక్షేమ కార్యక్రమాలపై దృష్టి పెట్టాలని ఈ సమావేశంలో చర్చించినట్లు సమాచారం. ఈ పరిణామాలతో ధనుష్ కూడా రాజకీయాల్లోకి అడుగుపెట్టేందుకు సిద్ధమవుతున్నారా? అనే ప్రశ్నలు మొదలయ్యాయి.
ఈ సందర్భంగా టీవీకే ప్రతినిధి మాట్లాడుతూ.. రాజకీయ పార్టీని స్థాపించడం ఒక సవాల్ అయితే, దాన్ని విజయవంతంగా నడిపించి ప్రజల మద్దతు పొందడం మరో పెద్ద సవాల్ అని పేర్కొన్నారు. విజయ్ తన సినీ కెరీర్ ఉన్నత స్థాయిలో ఉన్నప్పుడే నటనకు స్వస్తి చెప్పి పూర్తిస్థాయి రాజకీయాలపై దృష్టి సారించారని, ఆ ప్రయాణం అంత సులభంగా సాగలేదని వివరించారు. రాజకీయాల్లో విజయవంతం కావాలంటే పూర్తి సమయం కేటాయించడంతో పాటు ప్రజల మధ్య నిరంతరం పనిచేయాల్సి ఉంటుందని అభిప్రాయపడ్డారు.
అయితే, ధనుష్ ఇప్పటివరకు తన రాజకీయ ప్రవేశంపై అధికారికంగా ఎలాంటి ప్రకటన చేయలేదు. అభిమాన సంఘం పేరులో మార్పు, సంక్షేమ కార్యక్రమాలపై దృష్టి పెట్టడం వంటి పరిణామాలే ప్రస్తుతం ఈ ఊహాగానాలకు కారణమయ్యాయి. మరోవైపు, ధనుష్ రాజకీయాల్లోకి వస్తే తమ పార్టీలోకి ఆహ్వానిస్తామని అన్నాడీఎంకే నేతలు కూడా గతంలో వ్యాఖ్యానించారు. మరి ధనుష్ నిజంగానే రాజకీయాల్లోకి వస్తారా? లేక అభిమాన సంఘాన్ని ప్రజాసేవ కార్యక్రమాలకే పరిమితం చేస్తారా? అన్నది వేచి చూడాలి.
[Dhanush Politics Entry, Dhanush News, Vijay TVK Party, Dhanush Narpani Iyakkam, M Sathya Kumar, Tamil Nadu Politics, Dhanush Fan Association, Dhanush Political News]
ఎన్నికల వేళ జగన్ కు షాకుల మీద షాకులు తగులుతున్నాయి. ఇన్నాళ్లే జగన్ మాటే శాసనం అన్నట్లుగా అణిగిమణిగి ఉన్న వారంతా సరిగ్గా ఎన్నికల ముంగిట ధిక్కార స్వరం వినిపిస్తున్నారు. పార్టీపై తిరుగులేని పట్టు ఉందని భావిస్తున్న జగన్ కు ఆ పట్టు జారిపోవడం కళ్లముందు కనిపించేలా చేస్తున్నారు.
టికెట్ నిరాకరించిన, సిట్టింగ్ స్థానాన్ని మార్చిన ఎమ్మెల్యేలు, ఎంపీలు ఇప్పటికే పార్టీని వీడి వలసబాట పట్టారు. వారితో పాటు పెద్ద సంఖ్యలో క్యాడర్ కూడా పార్టీని వీడుతున్నారు. ఇక ఇప్పుడు నామినేటెడ్ పదవులలో ఉన్న వారి వంతు మొదలైనట్లు కనిపిస్తోంది. తనకు కానీ తన భర్తకు కానీ వచ్చే ఎన్నికలలో పోటీ చేసేందుకు టికెట్ ఇవ్వాలంటూ గత కొంత కాలంగా కోరుతూ వస్తున్న మహిళా కమిషన్ చైర్ పర్సన్ వాసిరెడ్డి పద్మ వంతు వచ్చింది. ఆమె కూడా రాజీనామా అస్త్రం సంధించారు.
జగన్ కు నమ్మిన బంటుగా గుర్తింపు పొందిన మహిళాకమిషన్ చైర్ పర్సన్ వాసి రెడ్డి పద్మ తన పదవికి రాజీనామా చేశారు. ఉరుములేని పిడుగులా, ఎటువంటి ముందస్తు సమాచారం లేకుండా తన రాజీనామా లేఖను సీఎం జగన్ కు పంపేశారు. పేరుకు తాను పార్టీకి కాదు, కేవలం మహిళా కమిషన్ చైర్మన్ పదవికి మాత్రమే రాజీనామా చేశాననీ, ఇక నుంచి వైసీపీ కోసం పని చేస్తాననీ వాసిరెడ్డి పద్మ చెబుతున్నప్పటికీ, ఆమె రాజీనామాకు కారణం అసంతృప్తేనని పార్టీ వర్గాలు బాహాటంగానే చెబుతున్నాయి.
చాలా కాలంగా వాసిరెడ్డి పద్మ వచ్చే ఎన్నికలలో పోటీ చేసేందుకు తనకు కానీ తన భక్తకు కానీ పార్టీ టికెట్ ఇవ్వాలని జగన్ ను కోరుతూ వస్తున్నారు. అయితే ఇప్పటి వరకూ జగన్ చూద్దాం.. చేద్దాం అన్నట్లుగా దాట వేస్తూనే వచ్చారు. ఇప్పుడిక వరుసగా అభ్యర్థల జాబితాలను జగన్ ప్రకటించేస్తుండటం, తనకు గానీ తన భర్తకు కానీ పార్టీ టికెట్ విషయంలో ఎటువంటి స్పస్టత ఇవ్వకపోవడంతో ఆమె మనస్తాపం చెంది పదవికి రాజీనామా చేసేశారని పార్టీ వర్గాలు చెబుతున్నాయి.
వాసిరెడ్డి పద్మ రాజకీయ ప్రవేశం ప్రజారాజ్యం పార్టీతో జరిగింది. 2009లో ఆమె ప్రజారాజ్యం పార్టీలో చేరారు. ఇలా చేరడంతోనే ఆమె ప్రజారాజ్యం అధికార ప్రతినిథిగా పదవి దక్కించుకున్నారు. ప్రజారాజ్యం కాంగ్రెస్ పార్టీలో విలీనం కావడంతో ఆమె 2012లో జగన్ పార్టీలో చేరారు. జగన్ కూడా ఆమెకు అధికార ప్రతినిథి పదవి ఇచ్చారు. 2019లో వైసీపీ అధికారంలోకి వచ్చిన తరువాత ఆమెను రాష్ట్ర మహిళా కమిషన్ చైర్ పర్సన్ గా నియమించారు. చైర్ పర్సన్ హోదాలో ఆమె జగన్ మెప్పు పొందేందుకు చేయగలిగినంతా చేశారు. ప్రతిపక్ష పార్టీ నేతలకు నోటీసులు ఇచ్చారు. ఏకంగా జనసేన అధినేత పవన్ కల్యాణ్ కు సైతం నోటీసులు జారీ చేశారు. వార్డు వలంటీర్లపై పవన్ కల్యాణ్ చేసిన వ్యాఖ్యలకు కమిషన్ ముందు హాజరై వివరణ ఇవ్వాలంటూ ఆమె పవన్ కు నోటీసులు జారీ చేసిన సంగతి తెలిసిందే. పవన్ హాజరు కాకపోవడంతో పోలీసులకు ఫిర్యాదు చేసి కేసు నమోదు చేయాలని ఆదేశించారు. ఇన్ని చేసినా వాసిరెడ్డి పద్మకు ఆమె కోరినట్లుగా పార్టీ టికెట్ లభించకపోవడంతో అలిగి పదవికి రాజీనామా చేశారని, ఇది జగన్ కు షాకేననీ పరిశీలకులు విశ్లేషిస్తున్నారు.
.webp)
సంసారంలో నిస్సంగత్వంతో ఎలా జీవించాలో గురువు బోధిస్తాడు. మనల్ని సంసారబంధాల నుండి విముక్తుల్ని చేయడానికి తోడ్పడతాడు. కానీ అనేక జన్మల సంస్కారాల వల్ల మనలో సంసారాసక్తి సన్నగిల్లకపోవడంతో గురుబోధ అవగాహన చేసుకొనే మనోపరిపక్వత కలగదు. ఒకరైతు తనకు చేసిన సేవలకు ప్రీతి చెందిన గురువు అతడికి స్వర్గ ప్రాప్తిని కలగజేయాలని అనుకుంటాడు. కానీ సంసారాసక్తి వల్ల ఆ రైతు ఆ అవకాశాన్ని వాయిదా వేసుకుంటూ వస్తాడు. చివరికి గురుకృప వల్ల ఆ రైతు స్వర్గ ప్రాప్తిని ఎలా పొందాడో ఈ కథ తెలియజేస్తుంది.
"ఒక మహాపురుషుడు ప్రయాణం చేస్తూ, డస్సిపోయాడు. గొంతు ఎండిపోయింది. దారిలో ఒక రైతు కనపడితే నీళ్ళు అర్థించాడు. ఆ రైతు మహాత్మునికి సకల ఉపచారాలూ చేశాడు. చిరిగిపోయిన ఆయన ఉత్తరీయాన్ని రైతు జాగ్రత్తగా కుట్టి బాగుచేశాడు. రైతు పరిచర్యలకు సంతసించిన ఆ మహాత్ముడు శాంతి, ఆనందాలకు నిలయమైన స్వర్గానికి తనతోపాటు రమ్మని అంటాడు. అందుకు ఆ రైతు 'గురువుగారూ! మీరు నా మీద చూపిన దయకు కృతజ్ఞుణ్ణి. కానీ నా పిల్లలు ఇంకా చిన్నవాళ్ళు. ఓ ఏడేళ్ళ వ్యవధి ఇవ్వండి' అని అడుగుతాడు. అందుకు గురువు అంగీకరించాడు.
సరిగ్గా ఏడేళ్ళ తర్వాత గురువు రైతును స్వర్గానికి తీసుకువెళ్ళడానికి వచ్చాడు. అప్పుడు రైతు 'అయ్యా! కడపటి కొడుకు కష్టాలకు అంతు లేదు. అన్ని జంఝాటాలనూ ఒక్కడే సంబాళించుకోలేకపోతున్నాడు. కాబట్టి మరో ఏడేళ్ళు గడువు ఇవ్వండి' అని గురువుని అడిగాడు. మరో ఏడేళ్ళ తరువాత గురువు వచ్చాడు. కానీ రైతు చనిపోయాడని తెలిసింది. చనిపోయిన ఆ రైతు ఎద్దుగా పుట్టాడని ఆ గురువు తన దివ్య దృష్టితో తెలుసుకున్నాడు. ఎద్దుగా పుట్టిన ఆ రైతు తన కొడుకు పొలాన్నే దున్నుతున్నాడు. అప్పుడు గురువు ఆ ఎద్దుపై మంత్ర జలం చిలకరించగానే ఎద్దు జన్మనెత్తిన రైతు 'నా కొడుకు పరిస్థితి మరి కాస్త మెరుగు పడనీయండి స్వామీ! మరో ఏడేళ్ళు గడువు ఇవ్వండి' అని అన్నాడు. ఇక చేసేది లేక వెనుదిరిగాడు గురువు. మరలా ఏడేళ్ళ తర్వాత వచ్చిన గురువుకు ఎద్దు చనిపోయిందని తెలిసింది. అది కుక్కగా పుట్టి కొడుకు ఇంటినీ, ఆస్తినీ కాపలా కాస్తోందని తన దివ్యదృష్టి ద్వారా తెలుసుకున్నాడు. గురువు. కుక్కగా పుట్టిన ఆ రైతు 'స్వామీ! నేను ఎంత దౌర్భాగ్యుణ్ణి. మీరు ఇంత దయ చూపుతున్నప్పటికీ మీతో స్వర్గమానం చేయలేకున్నాను. వీడికి ఆస్తిని కాపాడుకొనే దక్షత ఇంకా రాలేదు. కాబట్టి దయ చేసి మరో ఏడేళ్ళు వ్యవధి ఇవ్వండి' అని వేడుకున్నాడు.
గురువు ఏడేళ్ళ తరువాత మళ్ళీ వచ్చేసరికి కుక్క మరణించింది. అది త్రాచుపాముగా జన్మనెత్తి, ఇప్పుడు కొడుకు భూమిలో ఉన్న లంకెబిందెలకు పడగెత్తి కాపలా కాస్తోంది. గుప్త ధనం ఇక్కడ ఉందని కొడుకుకి ఎలా తెలియజేయాలా అని పాము ఆలోచిస్తున్నప్పుడు గురువు ఆ రైతుకొడుకును పిలుచుకు వచ్చి లంకె బిందెలు ఉన్న చోట తవ్వమన్నాడు. లంకె బిందెలు బయటపడ్డాయి. ఆ పైన ఆ పామును చంపమన్నాడు. అనంతరం శిష్యుణ్ణి తీసుకొని స్వర్గారోహణం చేశాడు గురువు. సంసారంలోని ఈతి బాధల నుండి శిష్యుణ్ణి ఉద్ధరిస్తాడు సద్గురువు. అలాంటి గురువు అందరికీ అవసరం.
*నిశ్శబ్ద.
ఏద‌యినా ఒక వ‌స్తువు ఇంట్లోంచి పోయిందంటేనే ఎంతో బాధ‌గా వుంటుంది. ఎంతో ఇష్ట‌ప‌డి కొనుక్కున్న వ‌స్తువు చేజారి ప‌డి ప‌గిలిపోయినా, దొంగ‌త‌నం జ‌రిగినా, ఎక్క‌డో మ‌ర్చిపోయినా చాలా బాధేస్తుంది. దాన్ని తిరిగి పొంద‌లేమ‌ని దిగులు ప‌ట్టుకుం టుంది. కానీ 101 ఏళ్ల చార్లెటి బిషాఫ్ కు ఎంతో ఇష్ట‌మ‌యిన పెయింటింగ్ రెండో ప్రపంచ యుద్ధ సమయంలో దూర‌మ‌యింది. 80 ఏళ్లు దాని కోసం ఎదురు చూడ‌గ‌లి గింది.
అదంటే మరి ఆమెకు ప్రాణ స‌మానం. చాలా కాలం దొరుకుతుంద‌ని, తర్వాత ఇక దొర‌కదేమో అనీ ఎంతో బాధ‌పడింది. ఫిదా సినిమాలో హీరోయిన్ చెప్పినట్లు ఆమె గట్టిగా అనుకుని ఉంటుంది. అందుకే కాస్త ఆలస్యమైనా.. కాస్తేంటి ఎనిమిది దశాబ్దాలు ఆలస్యమైనా ఆమె పెయింటింగ్ ఆమెకు దక్కింది. ఆ పెయింటింగ్ గ‌తేడాది ఆమెను చేరింది. ఆమెది నెద‌ర్లాండ్స్‌. ఆమె తండ్రి నెద‌ర్లాండ్స్‌లోని ఆర్నెహెమ్‌లో చిన్న‌పిల్ల‌ల ఆస్ప‌త్రి డైరెక్ట‌ర్. పోయి దొరికిన ఆ పెయింటింగ్ విషయానికి వస్తే.. అది 1683లో కాస్ప‌ర్ నెష‌ర్ వేసిన స్టీవెన్ ఓల్ట‌ర్స్ పెయింటింగ్.
రెండో ప్రపంచ యుద్ధ సమయంలో నాజీల ఆదేశాల‌ను చార్లెట్ తండ్రి వ్య‌తిరేకించారు. ఆయన ర‌హ‌స్య జీవ‌నం సాగించేడు. కానీ ఈ పెయింటింగ్‌ని మాత్రం తన న‌గ‌రంలోని ఒక బ్యాంక్‌లో భ‌ద్ర ప‌ర‌చ‌మ‌ని ఇచ్చార‌ట. 1940లో నాజీలు నెద‌ర్లాండ్ పై దాడులు చేసినపుడు ఆ బ్యాంక్ మీద ప‌డి దోచుకున్నా రు. అప్పుడు ఈ పెయింటింగ్ కూడా తీసుకెళ్లారు. యుద్ధం అయిపోయిన తర్వాత ఈ పెయింటింగ్ ఎక్క‌డున్న‌దీ ఎవ‌రికీ తెలియ‌లేదు. చిత్రంగా 1950ల్లో డ‌స‌ల్‌డార్ష్ ఆర్ట్ గ్యాల‌రీలో అది ప్ర‌త్య‌క్ష‌మ‌యింది. 1969లో ఆమ్‌స్ట‌ర్‌డామ్‌లో దాన్ని వేలానికి తీసికెళ్లే ముందు దాన్ని ఆ ఆర్ట్ గ్యాల‌రీలో వుంద‌ని చూసిన‌వారు చెప్పారు. వేలంపాట తర్వాత మొత్తానికి ఆ పెయింటింగ్‌ను 1971లో ఒక క‌ళాపిపాసి తన ద‌గ్గ‌ర పెట్టుకున్నాడు. ఆ తర్వాత 2021లో అది చార్లెటీని చేరింది.
మొత్తానికి వూహించ‌ని విధంగా ఎంతో కాలం దూర‌మ‌యిన గొప్ప క‌ళాఖండం తిరిగి తన వ‌ద్ద‌కు చేర‌డంలో చార్లెటీ ఆనందానికి అంతేలేదు. అంతే కదా.. పోయింద‌నుకున్న గొప్ప వ‌స్తువు తిరిగి చేరితే ఆ ఆనంద‌మే వేరు! అయితే చార్లెటీకి ఇపుడు ఆ పెయిం టింగ్‌ను భ‌ద్రంగా చూసుకునే ఆసక్తి వున్న‌ప్ప‌టికీ శ‌క్తి సామ‌ర్ధ్యాలు లేవు. అందుక‌నే త్వ‌ర‌లో ఎవ‌రిక‌యినా అమ్మేసీ వచ్చిన సొమ్మును పిల్లలకు పంచుదామ‌నుకుంటోందిట! చార్లెటీ కుటుంబంలో అయిదుగురు అన్న‌ద‌మ్ములు అక్క‌చెల్లెళ్లు వున్నారు. అలాగే ఇర‌వై మంది పిల్లలు ఉన్నారు. అంద‌రూ ఆమె అంటే ఎంతో ప్రేమ చూపుతున్నారు. అంద‌రం ఒకే కుటుంబం, చాలాకాలం తర్వాత ఇల్లు చేరిన క‌ళాఖండం మా కుటుంబానిది అన్నది చార్లెటీ!
.JPG)
ఓ వంక ఐదు రాష్ట్రాల అసెంబ్లీ ఎన్నికలు జరుగుతుంటే, మరో వంక జాతీయ స్థాయిలో, బీజేపీ, కాంగ్రెస్ పార్టీలకు తృతీయ ప్రత్యాన్మాయంగా థర్డ్ ఫ్రంట్ ఏర్పాటు ఆలోచనలు జోరందుకున్నాయి. ఇటీవల కాంగ్రెస్ పార్టీకి రాజీనామా చేసిన ఆ పార్టీ సీనియర్ నాయకుడు, పీసీ చాకో, నేషనలిస్ట్ కాంగ్రెస్ పార్టీ(ఎన్సీపీ)లో చేరారు.
చాకోను పార్టీలోకి ఆహ్వానిస్తూ, ఎన్సీపీ అధినేత శరద్ పవార్’ ఫ్రంట్ ఏర్పాటు గురించి ప్రత్యేకించి ఎలాంటి వ్యాఖ్యలు చేయలేదు కానీ, చాకో అలాంటి సంకేతాలు ఇచ్చారు. ప్రస్తుతం దేశంలో ఉన్న ఏ ఒక్కపార్టీ కూడా బీజేపీకి ప్రత్యాన్మాయం కాదని,సమీప భవిష్యత్ కాంగ్రెస్ సహా ఏ పార్టీ కూడా ఆ స్థాయికి ఎదిగే అవకాశాలు కూడా కనిపించడంలేదని అన్నారు. ఈ పరిస్థితుల్లో దేశంలోని బీజేపీ వ్యతిరేక పార్టీలన్నీ, ఏకమై, ఒకే గొడుగు కిందకు రావలసిన అవసరం ఉందని చాకో అన్నారు. అదే సమయంలో ప్రతిపక్షాలను ఏక తాటిపైకి తెచ్చే బాధ్యతను పవార్ తీసుకోవాలని సంకేత మాత్రంగా చెప్పారు. అంతే కాకుండా కాంగ్రెస్ పేరు ఎత్తకుండా బీజేపీ వ్యతిరేక శక్తులను ఏకం చేసే ఆలోచన ఆ పార్టీ నాయకత్వానికి లేదని నెహ్రూ గాంధీ ఫ్యామిలీ (సోనియా, రాహుల్, ప్రియాంక)ఆలోచనా ధోరణిని పరోక్షంగానే అయినా ఎండ కట్టారు.ఆ విధంగా పవార్ ఆ బాధ్యత తీసుకోవాలని చాకో సూచించారు. ఇందుకు సంబంధించి, పవార్ బహిరంగంగా ఎలాంటి వ్యాఖ్య చేయలేదు. అయితే, చాకో సహా మరికొందరు ‘సీనియర్’ కాంగ్రెస్ నాయకులు, అలాగే సిపిఎం, సిపిఐ నాయకులు కూడా పవార్’తో చాలా కాలంగా థర్డ్ ఫ్రంట్ విషయంగా చర్చలు జరుపుతున్నట్లు సమాచారం.
అయితే మహారాష్ట్రలో సంకీర్ణం మనుగడను దృష్టిలో ఉంచుకుని పవార్ ఆచితూచి అడుగులేస్తున్నట్లు తెలుస్తోంది. అందుకే చాకో పార్టీలో చేరిన సందర్భంలో కూడా ‘చాకో చేరికతో మహారాష్ట్రలోని మహా వికాస్ అగాడీ ప్రభుత్వానికి ఎలాంటి నష్టం జరగదని, పవార్ మహారాష్ట్ర సంకీర్ణ సర్కార్ ప్రస్తావన చేశారని విశ్లేషకులు పేర్కొంటున్నారు. మహారాష్ట్ర సంకీర్ణ ప్రభుత్వ మనుగడ గురించ్బి పవార్ ప్రత్యేకంగా పేర్కొనడం ద్వారా, ఆయన థర్డ్ ఫ్రంట్ విషయంలో వేచి చూసే ఆలోచనలో ఉన్నట్లు అర్థమవుతోందని కూడా రాజకీయ విశ్లేషకులు భావిస్తున్నారు. అయితే అదే ఎన్సీపీ అసెంబ్లీ ఎన్నికల జరుగతున్న కేరళలో, పశ్చిమ బెంగాల్లో కాంగ్రెస్ వ్యతిరేక పార్టీలకు మద్దతు ఇస్తోంది. దీన్ని బట్టి చూస్తే, ఎన్సీపీ - కాంగ్రెస్ మధ్య దూరం పెరుగుతోందని స్పష్టమవుతోంది. అయితే, థర్డ్ ఫ్రంట్ ఏర్పాటు ఏ రకంగా ముడి పడుతుంది అనే విషయంలో ఇంకా స్పష్టత రావలసి ఉంది. అలాగే, కాంగ్రెస్ లేకుండా జాతీయ స్త్గాయిలో బీజేపీ వ్యతిరేక కూటమిని ఏర్పాటు చేయడం వలన, వ్యతిరేక ఓటు చీలి అది మళ్ళీ బీజేపీకే మేలు చేస్తుందని, కాబట్టి, ప్రస్తుతం కాంగ్రెస్ సారధ్యంలోని యూపీఏని బలోపేతం చేయడమే ఉత్తమమనే అలోచన కూడా విపక్ష శిబిరం నుంచి వినవస్తోంది.
ఈ నేపధ్యంలోనే, ప్రస్తుతం యూపీఏ ఛైర్పర్సన్’గా ఉన్న సోనియా గాంధీ వయసు, అనారోగ్యం కారణంగా బాధ్యతల నుంచి తప్పుకుని పవార్’కు బాద్యతలు అప్పగించాలనే ప్రతిపాదన వచ్చిందని అంటున్నారు. అలాగే, ఇతర పార్టీలను, ముఖ్యంగా కాంగ్రెస్ నుంచి విడిపోయి సొంత కుంపటి పెట్టుకున్న మమతా బెనర్జీ సారధ్యంలోని తృణమూల్, జగన్మోహన్ రెడ్డి సారధ్యంలోని వైసీపీలను కలుపుకుని కూటమిని బలోపేతం చేయడం ద్వారా బీజేపీని దీటుగా ఎదుర్కోవచ్చనే ఆలోచనలు కూడా సాగుతున్నాయి. అయితే, ఇటు థర్డ్ ఫ్రంట్ ఏర్పాటు అయినా, యూపీఏని బలోపేతం చేయడమే అయినా, పవారే .. కేంద్ర బిందువు. ఆయన సారధ్యంలోనే ప్రత్యాన్మాయం అనేది విపక్ష శిభిరం నుంచి వినవస్తున్న ప్రస్తుత సమాచారం. మరి అదే జరిగితే రాహుల గాంధీ పరిస్థితి ఏమిటి ? గాంధీ నెహ్రూ కుటుంబం పరిస్థితి ఏమిటి? ఏ ప్రత్యేక ప్రాధాన్యత లేకుండా అందరిలో ఒకరిగా ఫస్ట్ ఫ్యామిలీ సర్దుకు పోతుందా? అంటే..చివరకు ఏమవుతుందో .. ఇప్పుడే చెప్పలేమని రాజకీయ విశ్లేషకులు భావిస్తున్నారు.
.JPG)
తెలంగాణ రాష్ట్ర బడ్జెట్ 2021-22ను ఆర్థిక మంత్రి హరీష్ రావు, ఈ నెల18న సభలో ప్రవేశ పెడతారు.కరోనా కారణంగా, ప్రస్తుత ఆర్థిక సంవత్సరం (2020-21)లో ఎదురైన ఆర్థిక ఇబ్బందుల నేపధ్యంగా ప్రవేశపెడుతున్న బడ్జెట్ కావడంతో సహజంగానే అందరిలోనూ ఆసక్తి నెలకొంది.
గతంలో అనేక సందర్భాలలో ముఖ్యమంత్రి కేసీఆర్,ఆర్థిక మంత్రి హరీశ రావు, కరోనా కారణంగా రాష్ట్ర ఆదాయం గణనీయంగా తగ్గిందని, పేర్కొన్నారు. అయితే, కరోనా నుంచి వేగంగా కోలుకుని, ఆర్థికంగా అంతే వేగంగా పుంజుకున్న రాష్ట్రాలలో తెలంగాణ ప్రధమ స్థానంలో ఉందని కేంద్ర ప్రభుత్వ ఆర్థిక సర్వే 2020-21 నివేదిక పేర్కొంది. పడిలేచిన కెరటంలా, తెలంగాణ ‘వీ’ ఆకారంలో ఆర్థికంగా నిలతొక్కుందని కేంద్రం జనవరి చివరి వారంలో విడుదల చేసిన ఆర్థిక సర్వేలో పేర్కొంది. అలాగే, రెవిన్యూ వసూళ్ళలో రాష్ట్రం కరోనా పూర్వస్థితికి చేరిందని కూడా సర్వే చెప్పింది.
అలాగే,రాష్ట్ర ఆర్థిక మంత్రి హరీష్ రావు కూడా ఈ మధ్య కాలంలో రాష్ట్ర ఆర్థిక పరిస్థితి పై సంతృప్తిని వ్యక్త పరిచారు. గత సంవత్సరమ జనవరి,ఫిబ్రవరి, మార్చి నెలలతో పోలిస్తే ఈ సంవత్సరం ఈ మూడు నెలల కాలంలో రాష్ట్ర ఆర్థిక వృద్ది రేటు 10 నుంచి 15 శాతం మెరుగ్గా ఉందని హరీష్ రావు ఒకటి రెండు ఇంటర్వ్యూలలో పేర్కొన్నారు.అలాగే, బడ్జెట్ విషయంలోనూ ఆయన చాల ఆశావహ దృక్పథంతోనే ఉన్నారు. బడ్జెట్ పాజిటివ్’గా ఉంటుదని, ఎవ్వరూ ఎలాంటి ఆందోళన చెందవలసిన అవసరం లేదని, సంక్షేమ పథకాలలో,ఇతరత్రా బడ్జెట్ కేటాయింపులలో ఎలాంటి కోతలు ఉండవని కూడా హరీష్ హామీ ఇచ్చారు. గత సంవత్సరంలో కొంత మేర హామీ ఇచ్చిన మేరకు అమలు చేయలేక పోయిన సొంత జాగాలలో డబల్ బెడ్ రూమ్ ఇళ్ళ నిర్మాణం, రుణ మాఫీ వంటి పథకాలను ఈ బడ్జెట్ ద్వారా అమలు చేస్తామని చెప్పారు.
అలాగే, అసెంబ్లీ బడ్జెట్ సమావేశాల సందర్భంగా గవర్నర్ తమిళి సై చేసిన ప్రసంగంలోనూ ఆశావహ దృక్పధమే వ్యక్తమైంది. ఆమె తమ ప్రసంగంలో, ప్రభుత్వం సంక్షేమ పథకాలకు పెద్ద పీట వేసిందని అన్నారు. ‘సంపద పంచాలి ,పేదలకు పంచాలి’ అనేది తమ ప్రభుత్వ విధానమని స్పష్టం చేశారు. అలాగే, పెరుగతున్న ఆదాయంలో అధికశాతం సంక్షేమానికే వెచ్చిస్తున్నామని స్పష్టం చేశారు. దీంతో బడ్జెట్’లో కొత్త పథకాలకు శ్రీకారం చుట్టే అవకాశం ఉంటుందా అన్న చర్చ జరుగుతోంది.
మరో వంక ఉద్యోగ వర్గాల్లో పీఆర్సీకి సంబంధించి ఆర్థిక మంత్రి తమ ప్రసంగంలో ప్రకటన చేస్తారా లేదా అనే ఆసక్తి నెలకొంది. అలాగే, సామాన్య ప్రజలు ఇటీవల పెరిగిన పెట్రోల్, డీజిల్, వంటగ్యాస్ ధరల భారం నుంచి మంత్రి హరీష్, ఏదైనా ఉపసమనం కలిపిస్తారా అని ఎదురు చూస్తున్నారు. గతంలో వైఎస్సార్ ముఖ్యమంత్రిగా ఉన్న సమయంలో సామాన్య ప్రజలపై వంటగ్యాస్ ధర భారాన్ని తగ్గించేందుకు కొంత మొత్తాన్ని, రూ.50(?) రాష్ట్ర ప్రభుత్వం తరపున సబ్సిడీగా ఇచ్చిన విషయాన్ని, అదే విధంగా అసెంబ్లీ ఎన్నికలు జరుగతున్న తమిళనాడులో డిఎంకే పార్టీ,తమ పార్టీని అధికారంలోకి వస్తే గ్యాస్ బండపై వంద రూపాయల సబ్సిడీ ఇస్తామని చేసిన వాగ్దానాన్ని గుర్తు చేస్తున్నారు.
ఇదిలా ఉంటే, ముఖ్యమంత్రి చంద్రశేఖర రావు, సోమవారం ఆర్థిక మంత్రి హరీష్ రావు, రాష్ట్ర ప్రభుత్వ ప్రధాన కార్యదర్శి సోమేశ్ కుమార్, ఆర్థిక శాఖ ముఖ్య కార్యదర్శి రామ కృష్ణా రావు,సలహాదారు జీఆర్ రెడ్డితో బడ్జెట్ పద్దులఫై సుదీర్ఘంగా చర్చించి తుది మెరుగులు దిద్దారు. బడ్జెట్ తుది రూపం సిద్దమైన నేపధ్యంలో ఆర్థిక శాఖ ప్రింటింగ్ ఏర్పాట్లు చేస్తోంది. ఈ నెల 18 ఉదయం మంత్రి వర్గం ఆమోదం పొందిన అనంతరం ఆర్థికమంత్రి హరీష్ రావు అదే రోజు రాష్ట్ర బడ్జెట్ 2021-22ను సభలో ప్రవేశ పెడతారు. 20, 22 తేదీల్లో బడ్జెట్‌పై సాధారణ చర్చ,23, 24, 25 తేదీల్లో బడ్జెట్ పద్దులపై చర్చ ఉంటుంది 26న ద్రవ్యవినిమయ బిల్లు (బడ్జెట్)పై చర్చ, సభామోదం ఉంటాయి.
అబద్ధాలు, అర్థ సత్యాలు, వ్యక్తిగత దూషణలు, అర్ధంపర్ధం లేని ఆరోపణలతో సుమారు నెలరోజులకు పైగా తెలంగాణలో సాగుతున్న పట్టభద్రుల ఎమ్మెల్సీ ఎన్నికల ప్రచారానికి శుక్రవారం సాయంత్రంతో తెర పడింది.రాష్ట్రంలోని మహబూబ్‌నగర్‌-హైదరాబాద్-రంగారెడ్డి పట్టభద్రుల నియోజకవర్గంతో పాటుగా,నల్లగొండ-ఖమ్మం-వరంగల్ స్థానానికి ఫిబ్రవరి 16 తేదీన నోటిఫికేషన్ వెలువడినా, ఎన్నికల ప్రచారం మాత్రం అంతకు చాలా ముందే అభ్యర్ధుల స్థాయిలో స్థానికంగా ఎన్నికల ప్రచారం ప్రారంభమైంది.
అధికార తెరాస, ఖమ్మం స్థానానికి సిట్టింగ్ ఎమ్మెల్సీ పల్లా రాజేశ్వర రెడ్డి పేరును ప్రకటించడంలో కొంచెం జాప్యం చేయడంతో పాటుగా, హైదరాబాద్ స్థానం నుంచి , పీవీ కుమార్తె వాణీ దేవి పేరును చివరి క్షణంలో తెరమీదకు తేవడంతో అంత వరకు కొంత స్తబ్దుగా సాగిన ప్రచారం ఆ తర్వాత వేడెక్కింది. ఉద్యోగ నియామకాల విషయంలో తెరాస కార్యనిర్వాహక అధ్యక్షుడు, మంత్రి కేటీఆర్ తప్పులో కాలేయడంతో విపక్షాలు, పోటీలో ఉన్న ప్రత్యర్ధులు, నిరుద్యోగ యువత, విద్యార్ధి సంఘాలు ఒకే సారి ఆయన మీద విరుచుకు పడ్డారు. ఆయన లెక్క తప్పని నిరుపిస్తం రమ్మని వరస సవాళ్ళు విసిరారు. దీంతో, మంత్రి నియామకా ఇష్యూని పక్కకు తప్పించేందుకు , ఐటీఐఆర్, వరంగల్ రైల్వే ఫ్యాక్టరీ వంటి సెంటిమెంటల్ ఇష్యూస్’ను తెరపైకి తెచ్చారు. అలాగే, కేంద్ర ప్రభుత్వంపై విమర్శల దాడిని పెంచారు. చివరకు పొరుగు రాష్ట్రానికి చెందిన విశాఖ ఉక్కు ఆందోళన కూడా ఎమ్మెల్సీ ఎన్నికల ప్రచారంలో భాగమైంది.
రెండు నియోజక వర్గాలలో గతంతో పోలిస్తే ఈసారి ఓటర్ల సంఖ్య రెట్టింపు అయింది. ఈసారి రెండు నియోజక వర్గాలలో కలిపి 10 లక్ష 36 వేల మంది తమ ఓటు హక్కును వినియోగించుకుంటారు. అలాగే, రెండు పట్ట భద్రుల నియోజక వర్గాల్లో 164 మంది అభ్యర్ధులు పోటీలో ఉన్నారు. గత ఎన్నికలతో పోలిస్తే ఇటు ఓటర్ల సంఖ్య, అటు అభ్యర్థుల సంఖ్యా రెట్టింపునకు పైగానే పెరగడంతో ఎన్నికలలో జోష్ పెరిగింది. దీనికితోడు అధికార, ప్రతిపక్ష పార్టీలు ప్రతిష్ఠాత్మకంగా తీసుకోవడంతో సాధారణ ఎన్నికలను తలపించే రీతిలో ప్రచారం సాగింది. ఎక్కువమంది అభ్యర్ధులు బరిలో ఉండడంతో, ప్రభుత్వ వ్యతిరేక ఓటు చీలి తమకే ప్రయోజనం జరుగుతుందని అధికార పార్టీ ఆశపడుతోంది .
దుబ్బాక, జీహెచ్‌ఎంసీ ఎన్నికల్లో చేదు ఫలితాలను చవిచూసిన టీఆర్‌ఎస్‌ పార్టీ ఎమ్మెల్సీ ఎన్నికలను అత్యంత ప్రతిష్ఠాత్మకంగా తీసుకుంది. ముఖ్యమంత్రి కేసీఆర్ స్వయంగా వ్యూహ రచన చేసి కేటీఆర్, హరీష్ సహా మంత్రులు,ఎమ్మెల్యేలకు స్పెసిఫిక్ బాధ్యతలు అప్పగించారు. అలాగే,కాంగ్రెస్ అభ్యర్థులు చిన్నారెడ్డి, రాములునాయక్‌లకు మద్దతుగా ఉత్తమ్, భట్టి, రేవంత్‌రెడ్డి, కోమటిరెడ్డి వెంకట్‌రెడ్డి తదితరులు విస్తృతంగా ప్రచారం చేశారు. బీజేపీ అభ్యర్థులు ఎన్.రాంచందర్‌రావు, ప్రేమేందర్‌రెడ్డిల తరఫున ఆ పార్టీ రాష్ట్ర అధ్యక్షుడు బండి సంజయ్, ఎంపీ అరవింద్ తదితరులు ప్రచారాన్ని వేడెక్కించారు.
ఖమ్మం స్థానం నుంచి ప్రత్యక్ష ఎన్నికల్లో తొలిసారి పోటీకి దిగిన కోదండరాంకు, టీజేఎస్ పార్టీకీ ఈ ఎన్నికలు కీలకంగా మారాయి. ఖమ్మ స్థానం నుంచి పోటీ చేస్తున్న తీన్మార్ మల్లన్న ముందస్తు వ్యూహంతో ప్రధాన పార్టీల అభ్యర్ధులకు ధీటుగా ప్రచారం సాగించారు. వామపక్షాల మద్దతుతో జయసారథి, తెలంగాణ ఇంటి పార్టీ అధ్యక్షుడు చెరుకు సుధాకర్, యువతెలంగాణ కార్యనిర్వాహక అధ్యక్షురాలు రాణీ రుద్రమ తదితరులు పోటీలో ఖమ్మం సీటును పట్టభద్రులు ఎవరికి పట్టం కడతారు అన్నది ప్రశ్నార్థకంగా మారింది. హైదరాబాద్ సీటు కూడా ఇటు అధికార తెరాసకు అటు సిట్టింగ్ సీటును నిలుపుకోవడం తో పాటుగా దుబ్బాక , జీహెచ్ఎంసి జోష్ ను కొనసాగించాలని ఆశ పడుతున్నబీజేలకే కూడా ఇజ్జత్ కీ సవాల్ గా మారింది. కాంగ్రెస్ అభ్యర్ధి పార్టీ సీనియర్ నాయకుడు సౌమ్యుడు, మాజీ మంత్రి చిన్నారెడ్డి, వామ పక్షాల మద్దతుతో పోటీ చేస్తున్న మాజీ ఎమ్మెల్సీ ప్రొఫెసర్ నాగేశ్వర్ కూడా గట్టి పోటీ ఇస్తున్నారు. సో.. చివరకు ఏమి జరుగుతుంది అంటే ఏదైనా జరగవచ్చును. ఈ నెల 14 వ తేదీన పోలింగ్ జరుగుతుంది.17 ఫలితాలు వస్తాయి .. అంతవరకు వెయిట్ అండ్ వాచ్ .
సహజంగా కష్టాల్లో ఉన్నపుడు ఎవరికైనా దేవుడు గుర్తు వస్తారు. లౌకిక వాద రాజకీయ నాయకులకు అయితే హటాత్తుగా తాము హిందువులం అనే విషయం జ్ఞప్తికి వస్తుంది. పశ్చిమ బెంగాల్ ముఖ్యమంత్రి, తృణమూల్ పార్టీ అధినాయకురాలు మమతా బెనర్జీకి కూడా తానూ హిందువును అనే విషయం ఇప్పుడు గుర్తుకొచ్చింది.
ఒకప్పుడు ఎర్ర జెండాను దిగ్విజయంగా ఎదిరించి, మార్క్సిస్టులను మట్టి కరిపించిన మమతా దీదీ ప్రస్తుతం, కాషాయ కూటమి నుంచి గట్టి సవాలును ఎదుర్కుంటున్నారు. వరసగా పదేళ్ళు పాలించడం వలన సహజంగా వచ్చిన ప్రభుత్వ వ్యతిరేకత కంటే, హిందూ ఓటు పోలరైజేషన్ ఆమెను మరింతగా భయపెడుతోంది. నిజానికి ఐదేళ్ళ క్రితం జరిగిన అసెంబ్లీ ఎన్నికల్లో కేవలం ఐదు శాతం కంటే తక్కువ ఓట్లు, మూడంటే మూడు అసెంబ్లీ సీట్లు మాత్రమే గెలుచుకున్న బీజేపీ.. 2019 లోక్ సభ ఎన్నికల్లో ఏకంగా 40 శాతం ఓట్లతో 18 స్థానాలు గెలుచుకుంది. ఈ మార్పు ఇంకా కొన్ని కారణాలు ఉంటే ఉండవచ్చును కానీ.. హిందువుల ఓటు పోలరైజ్ కావడమే ప్రధాన కారణం.
ఈ నేపధ్యంలోనే కాంగ్రెస్, తృణమూల్ కాంగ్రెస్ చివరకు కమ్యూనిస్టులు కూడా బీజేపీలో చేరారు. ఎన్నికల ప్రకటన వెలువడిన తర్వాత కూడా సిట్టింగ్ ఎమ్మెల్ల్యేలు సహా తృణమూల్ టికెట్ వచ్చిన నాయకులు కూడా బీజేపీలో చేరుతున్నారు. అనేక మంది ఇతర రంగాల ప్రముఖులు, ముఖ్యంగా ఇంతకాలం, బీజేపీని హిదుత్వ అనుకూల ‘అచ్చుత్’ (అంటారని) పార్టీగా చూసిన ‘సెక్యులర్’ ప్రముఖులు కాషాయం కప్పుకోవడంతో మమతా బెనర్జీకి కొంచెం అలస్యంగానే అయినా, తత్త్వం బోధపడింది. అందుకే ఆమె ఇప్పుడు గుళ్ళూ,గోపురాలకు తిరుగుతున్నారు. కార్యకర్తల సమావేశాల్లో తానూ హిందువునేనని, చెప్పుకుంటున్నారు.
నిజానికి ఇలా నేనూ హిందువునే అని సెక్యులర్ నేతలు బహిరంగంగా ప్రకటించుకోవడం మమతా బెనర్జీతోనే మొదలు కాలేదు. రాహుల్ గాంధీ తాను హిందువునని, జన్యుధారీ కశ్మీరీ బ్రాహ్మణుని అనీ.. తమ గోత్రం, ‘దత్తాత్రేయ’ గోత్రమని బహిరంగంగా ప్రకటించుకున్నారు. అలాగే కొద్ది రోజుల క్రితం ప్రియాంకా గాంధీ తానూ హిందువునని చెప్పుకునేందుకు ‘మౌని అమావాస్య’ సందర్భంగా అలహాబాద్ లో గంగా స్నానం చేశారు. గతంలోనూ ఆమె ఎన్నికలకు ముందు గంగా యాత్ర చేశారు. అంతవరకు ఎందుకు కొద్దిరోజుల క్రితం సిపిఐ నారాయణ విశాఖ స్వామి ఆశీస్సులు తీసుకున్నారు. చంద్రబాబు, జగన్ రెడ్డి, కేసీఆర్ ఇలా తెలుగు నేతలు అనేక మంది లౌకిక వాదానికి కాలం చెల్లిందన్న సత్యాన్ని గ్రహించి కావచ్చు ‘నేనూ హిందువును’ అంటూ ప్రకటించుకునేందుకు పోటీ పడుతున్నారు. రాముడిని తలచుకున్నా, జై శ్రీరామ్ అన్నా తమ లౌకిక వాదం మయలపడి పోతుందని భయపడిన నాయకులు ఇప్పుడు .. జై శ్రీరామ్ అనేందుకు కూడా వెనకాడడం లేదు.
దేశంలోని ఉత్తరాది రాష్ట్రాలలో అటు కాంగ్రెస్ ఇటు స్థానికంగా ఉన్న ప్రాంతీయ పార్టీలను మట్టి కరిపిస్తూ అధికారాన్ని కైవసం చేసుకుంటున్న బీజేపీ.. దక్షిణాదికి వచ్చేసరికి ఒక్క కర్ణాటకలో తప్ప ఇతర రాష్ట్రాలలో ఎన్ని ప్రయత్నాలు చేసినా ఏమాత్రం సక్సెస్ కాలేకపోతోంది. గత కొంత కాలంగా సబర్మలతో సహా అనేక అంశాలపై స్పందిస్తూ.. కేరళను టార్గెట్ చేస్తున్న బీజేపీ నాయకులు అక్కడ తమ జెండా ఎగరేయడానికి అన్ని ప్రయత్నాలు చేస్తున్నారు. తాజాగా పార్టీ పాలసీని కూడా పక్కన పెట్టి మెట్రో మ్యాన్ శ్రీధరన్ ను పార్టీలో చేర్చుకుని ఆయనే తమ సీఎం అభ్యర్థి అని ప్రకటించిన 24 గంటలలో యూ టర్న్ తీసుకున్నారు.
ఇది ఇలా ఉండగా ప్రస్తుతం సీఎంగా ఉన్న కమ్యూనిస్ట్ నేత పినరై విజయన్ పై గోల్డ్ స్మగ్లింగ్ ఆరోపణలు రావడంతో.. ఈ ఎన్నికలలో ఎల్డిఎఫ్ భవిష్యత్తుపై ప్రజలు ఏ తీర్పు ఇవ్వబోతున్నారనే ఉత్కంఠ సర్వత్రా నెలకొంది ఈ నేపథ్యంలో అక్షరాస్యతలో దేశంలోనే మొదటి స్థానంలో ఉన్న ఆ రాష్ట్ర ప్రజలు ఎవరిని ఆశీర్వదిస్తారు అనే అంశంపై ప్రముఖ మీడియా సంస్థ టైమ్స్ నౌ, సీ ఓటరుతో కలిసి ఒక సర్వేను నిర్వహించారు. ఈ సర్వే ప్రకారం చూస్తే పాపం కమలనాథులు అక్కడ పవర్ చేతికి రావటం అటుంచి కనీసం రెండు మూడు అసెంబ్లీ స్థానాల్లో గెలవటం కూడా కష్టమేనని ఆ సర్వే తేల్చి చెబుతోంది.
కేరళలో ఈసారి జరిగే అసెంబ్లీ ఎన్నికలలో బీజేపీ తన హవా చాటుతుందన్న ఆ పార్టీ నేతల మాటలలో ఎలాంటి నిజం లేదని.. ప్రస్తుతానికి అది ఏమాత్రం సాధ్యం కాదని ఈ తాజా సర్వే తేల్చి చెప్పింది. అంతేకాకుండా మొత్తం 140 స్థానాలు ఉన్న కేరళలో.. ప్రస్తుత సీఎం పినరయి విజయన్ నేతృత్వంలోని లెఫ్ట్డ్ డెమొక్రటిక్ ఫ్రంట్ కు 82 సీట్లు పక్కా అని.. ఆయనే తిరిగి అధికారాన్ని నిలబెట్టుకుంటాడని సర్వే చెపుతోంది. అదే సమయంలో కాంగ్రెస్ నేతృత్వంలోని యూనైటెడ్ డెమొక్రాటిక్ ఫ్రంట్ కు 56 నుంచి 60 వరకు సీట్లు వచ్చే అవకాశం ఉందని ఈ సర్వేలో తేలింది.
అంతేకాకుండా 2016 ఎన్నికలతో పోలిస్తే ఎల్ డీఎఫ్ ఓటింగ్ శాతం కూడా కొంత పెరగటం ఇక్కడ గమనార్హం. ప్రస్తుతం సీఎంగా ఉన్న విజయన్ మరోసారి సీఎం కావాలని 43.34 శాతం మంది మొగ్గు చూపినట్లుగా సర్వేలో తేలింది. కరోనా సమయంలో విజయన్ సీఎంగా బాగా పని చేసారని ఈ సర్వే పేర్కొంది. మరోపక్క దేశ ప్రధానిగా రాహుల్ గాంధీ ఉండాలని కేరళ ప్రజల్లో 55.84 శాతం మంది కోరుకుంటున్నట్లుగా ఈ సర్వే;లో తేలింది. అయితే కేరళలో ఎలాగైనా పాగా వేయాలని పట్టుదలతో కృషి చేస్తున్న బీజేపీకి ఈసారి కూడా నిరాశ తప్పదని ఈ సర్వేలో స్పష్టం అయింది. ఈ ఎన్నికలలో బీజేపీకి రెండు సీట్లు కూడా రావటం కూడా కష్టమేనని ఈ సర్వే తేల్చింది. అయితే ఎన్నికలకు ముందు ఇలాంటి సర్వేలు బయటకు రావడం.. తరువాత అందులో కొన్ని చతికిల పడడం మనం చూస్తూనే ఉన్నాం. మరి ఈ సర్వే ఫలితాలు నిజామా అవుతాయో లేదో తేలాలంటే కొద్దీ రోజులు వెయిట్ చేయాల్సిందే.
.jpg)
రాజకీయాలు అంటేనే అదో జూదం. పూలమ్మిన చోటనే కట్టెలు అమ్మవలసి రావచ్చును. అలాంటి పరిస్థితే వచ్చినా, తలవంచుకుని పోగలిగితేనే, ఎవరైనా రాజకీయాలలో రాణించగలరు. అలాకాదని, అలిమి కానిచోట, కూడా తామే అధికులమని భావిస్తే, ఎందుకూ కాకుండా పోతారు. అలాంటి వారు ఇద్దరూ కూడా ఇప్పుడు మన కళ్ళముందే ఉన్నారు.
జయలలిత జీవించి ఉన్నత కాలం, ఆమె నెచ్చలిగా పేరొందిన శశికళ, తమిళ రాజకీయాల్లో ఓ వెలుగువెలిగారు. కొన్ని విషయాల్లో జయలలిత కంటే, ఆమె మోర్ పవర్ఫుల్ లేడీ అనిపించుకున్నారు. ముఖ్యమంత్రులు, మంత్రులు కూడా ఆమె ముందు చేతులు కట్టుకుని నిలుచున్నారు.ఆమెకు పాదాభివందనాలు చేశారు. అలాగే జయ మరణం తర్వాత ఆమె పరిస్థితి ఏమిటో కూడా వేరే చెప్పవలసిన, అవసరం లేదు. జైలు పాలయ్యారు. సర్వం తానై నడిపించిన పార్టీ నుంచి బహిష్కరణకు గురయ్యారు. జయ ఉన్నంత వరకు తన వారుగా ఉన్న వారందరూ కానివారయ్యారు. ఒంటరిగా మిగిలారు.
నిజానికి నాలుగేళ్ళు జైలు జీవితం గడిపిన తర్వాత కూడా ఆమె తలచుకుంటే.. రాష్ట్ర రాజకీయాలలో, ముఖ్యంగా అధికారంలో ఉన్న డిఎంకే కూటమిలో అలజడి సృష్టించగలరు. ఎన్నికలలో ఆమె గెలవక పోవచ్చును కానీ.. తనను కాదన్న అన్నాడిఎంకేను ఓడించగలరు. అయిన ఆమె అందుకు విరుద్ధంగా రాజకీయాలకు వీడ్కోలు పలికి మౌనంగా పక్కకు తప్పుకున్నారు. రాజకీయ సన్యాసం ప్రకటించారు. ఉమ్మడి శతృవు డిఎంకే ను ఓడించేందుకు అన్నా డిఎంకే కూటమి పోటీ చేయాలని, కూటమి ఐక్యతను దెబ్బతీయరాదనే ఉద్దేశంతోనే ఆమె రాజకీయ సన్యాసం ప్రకటించారు.
శశికళ మౌనంగా వెళ్లి పోవడం వెనక ఇంకా అనేక కారణాలున్నా ,అసలు కారణం ఆమె, రాజకీయ విజ్ఞత, వివేకం. ఆమె జైలుకు వెళ్ళిన సమయంలో జయలలిత సమాధి వద్ద ఎంత కసిగా, కోపంగా ‘మౌన’ ప్రతిజ్ఞ చేశారో చూశా. అలాంటి ఆమె ఇప్పుడు ఇలా ‘మౌనం’గా వెనకడుగు వేశారంటే, అది ఆలోచించ వలసిన విషయమే.ఆమె వ్యుహతంకంగానే సంచలన నిర్ణయం తీసుకున్నారు. ఇప్పటికే అనేక మంది అనేక కోణాల్లో శశికళ సంచలన నిర్ణయాన్ని విశ్లేషించారు.జైలు జీవితం తర్వాత కూడా అన్నా డిఎంకే నాయకులు తనను అగ్రనేతగా అంగీకరించక పోవడం, అమిత్ షా చెప్పినా.. అన్నా డిఎంకే నాయకులు ఆమెను, మేనల్లుడు దినకరన్’ను కులం పేరున, కుటుంబం పేరున దూరం చేయడం, తిరిగి పార్టీలోకి తీసుకోకపోవడంతో ఆమె మనసు కష్టపెట్టుకుని, సన్యాస నిర్ణయం తీసుకున్నారని కొందరంటున్నారు. పార్టీ మీద పట్టు లేదని, చరిష్మా అసలే లేదని, అందుకే ఆమె అలా నిశ్శబ్ధంగా రాజకీయ సన్యాసం స్వీకరించారని ఇంకొందరు విశ్లేషించారు. ఈ విశ్లేషణలో కొంత నిజం ఉంటే ఉండవచ్చును.. కానీ ఆమె గతాన్ని, నైజాన్ని గుర్తు చేసుకుంటే ఆమె స్ట్రైక్ బ్యాక్ వ్యూహంతోనే ఒకడుగు వెనక్కివేశారని ఆమెతో సన్నిహితంగా మెలిగినవారు, ఆమె రాజకీయ చాణక్యం తెలిసిన వారు అంటారు.
నిజానికి జైలులో ఉన్న కాలంలో కానీ, జైలు నుంచి విడుదలై వచ్చిన తర్వాత కానీ, ఆమె రాజకీయ సన్యాసం వైపు అడుగులు వేస్తున్నట్లు కనిపించలేదు. బెంగుళూరు జైలు నుంచి విడుదలై చెన్నైలో ప్రవేశించిన నప్పుడు ఆమె పెద్ద కాన్వాయ్ తో తమ కారుకు అన్నాడిఎంకే జెండాతోనే ఎంటరయ్యారు. అలా ఎంట్రీలోనే రాజకీయ ఆకాంక్షను వెంట తెచ్చుకున్నారు. చివరకు ‘సన్యాస’ ప్రకట చేసే వరకు కూడా ఆమె రాజకీయ కార్యకలాపాలు సాగిస్తూనే ఉన్నారు. అటు ఢిల్లీని ఇటు చెన్నైనికూడా కదిల్చారు. అంతేకాదు, రాజకీయాలపై విరక్తితో కాదు, రాజకీయ కసితో, ఉమ్మడి శత్రువు (డిఎంకే) ను ఓడించేందుకే తాను రాజకీయాలనుంచి తపుకుంటున్నట్లు చెప్పారు.
సో .. సన్యాసం తీసుకోవాలనే ఆలోచన, రాజకీయవ్యూహం లోంచి పుట్టిందే కానీ,వైరాగ్యంతో పుట్టింది కాదు ,అన్నవిశ్లేషణ వాస్తవానికి ఇంకొంత దగ్గరగా ఉందని అనుకోవచ్చును. ఇది ‘కామా’నే కాని ‘ఫుల్స్టాప్’ కాదని అంటున్నారు. ముఖ్యమంత్రి ఎడప్పాడి కే. పళని స్వామి (ఈపీఎస్) ఆమెను పార్టీలోకి అనుమతిస్తే తన కుర్చికీ ఎసరు పెడతారనే భయంతోనే,, ఆమె ఎంట్రీని అడ్డుకున్నారు. ఉప ముఖ్యమంత్రి పన్నీర్ సెల్వం, శశికళ ఒకే సామజిక వర్గానికి చెందిన వారు కావడం కూడా, ముఖ్యమంత్రి ఈపీఎస్’ భయానికి కారణంగా పేర్కొంటారు. అందుకే ఆయన, ‘మన్నార్గుడి’ ఫ్యామిలీని బూచిగా చూపించి, ఆమెను దూరంగా ఉంచారని పార్టీలో ఒక వర్గం గట్టిగా విశ్వసిస్తుంది. అయితే ఆమె శక్తియుక్తులను కూడతీసుకుని పులిలా పంజా విసిరేందుకే ఆమె వ్యూహాత్మకంగా ఒక అడుగు వెనక్కి వేశారు కావచ్చును అని కూడా, తమిళ రాజకీయ వర్గాల్లో ఒక చర్చ జరుగుతోంది.
గతంలో ఆమె జయలలితతో విబేధాలు వచ్చిన సమయంలో కూడా ఇలాగే కొద్ది కాలం మౌనంగా తెర చాటుకు వెళ్లి పోయారు. కొద్ది కాలంలోనే మళ్ళీ ‘పోయస్ గార్డెన్’లో ప్రత్యక్షమయ్యారు. జయలలిత స్వయంగా ఆమెను వెనక్కి పిలుపించుకోవలసిన పరిస్థితులను సృష్టించారు. అలా మళ్ళీ చక్రం తిప్పారు. జయలలిత మరణం వరకు ఆమె అందరికీ చిన్నమ్మగా అమ్మకు పెద్దమ్మగా సర్వం తానై నిలిచారు. చివరకు జయ అంత్యక్రియల్లో కూడా ఆమెదే పై చేయిగా కనిపించింది.
జయలలిత చనిపోయిన సందర్భంలోనే అన్నా డిఎంకే ఎమ్మెల్ల్యేలో సుమారు 30 మంది వరకు ఆమెకు మద్దతుగా ఉన్నారన్న వార్తలొచ్చాయి. నిజానికి,ఇప్పటికి కూడా ఒక్క అన్నా డిఎంకే లోనేకాదు,డిఎంకే ఇతర పార్టీలలో కూడా ఆమె అవసరం ఉన్న వాళ్ళు ఉన్నారు. కొన్ని కొన్ని నియోజకవర్గాల్లో ‘మన్నార్గుడి’ ఫ్యామిలీ మద్దతు లేకుండా గెలిచే అవకాశం లేదు.
ఇవ్వన్నీ నిజమే అయినా.. అన్నీ ఉండి, ఎవరు లేని శశికళలో, ఇంకా ఎవరి కోసం తాపత్రయ పడాలి? అనే ప్రశ్న జనించి ఉంటే, ఆమె రాజకీయ సన్యాసం నిజం కావచ్చును. ఎందుకంటే ఆమె నెచ్చలి, జయలిత లేరు, భర్త అంతకంటే ముందే చనిపోయారు, పిల్లలు లేరు... పైగా నాలుగేళ్ళ జైలు జీవితం ఆమెలో మార్పు తెచ్చి ఉండవచ్చును. ఈ వయస్సులో తనవారంటూ ఎవరు లేని తనకు రాజకీయాలు ఎందుకు ? శేష జీవితాన్ని ఇలా సాగిద్దామనే ఆలోచన నిజంగా వచ్చి ఉంటే, ఆమె సన్యాసం సత్యం అయినా కావచ్చును, కాకపోనూ వచ్చును. కానీ శశికళ... ఆమెను అర్థం చేసుకోవడం, అంచనా వేయడం , అంత తేలిగ్గా అయ్యే పని కాదు..
కాంగ్రెస్ పార్టీలో రగులుతున్న అంతర్యుద్ధం కొత్త పుంతలు తొక్కుతోంది. మరిన్ని మలుపులు తిరుగుతోంది.ఇటీవల జమ్మూలో సమావేసమైన జీ 23 నాయకులు అసమ్మతి స్వరాన్ని పెంచారు. కాంగ్రెస్ అధినాయకత్వం పై నేరుగా అస్త్రాలు సంధించారు. రాహుల్ గాంధీ పేరు చెప్పకుండానే, ఆయన నాయకత్వానికి పనికిరాడని తేల్చి చెప్పారు. ఎవరైనా పార్టీ అధ్యక్షుడు అయితే కావచ్చును, కానీ, ప్రజానాయకుడు కాలేడని, రాహుల గాంధీ ప్రజానాయకుడు కాదు కాలేరు,అని ప్రధానమంత్రి నరేంద్ర మోదీ తరచూ రాహుల్ గాంధీని ఉద్దేశించి చేసే ‘నామ్’ధారీ వ్యంగ్యాస్త్రాన్నే కాంగ్రెస్ సీనియర్ నాయకులు కూడా సందించారు.
ఇక అక్కడి నుంచి విధేయ, అసమ్మతి వర్గాల మధ్య మాటల యుద్ధం ఎదో ఒక రూపంలో సాగుతూనే వుంది. అదే క్రమంలో పశ్చిమ బెంగాల్ అసెంబ్లీ ఎన్నికల్లో కాంగ్రెస్ పార్టీ, కరుడు కట్టిన ముస్లిం మతోన్మాది, అబ్బాస్ సిద్దిఖీతో కాంగ్రెస్ పార్టీ చేతులు కలపడం అసమ్మతి నాయకులకు మరో అస్త్రాన్ని అందించింది. విషయంలోకి వెళితే, ఇటీవల పశ్చిమ బెంగాల్ అసెంబ్లీ ఎన్నికల ప్రచారంలో భాగంగా లోక్’సభలో కాంగ్రెస్ పక్ష నాయకుడు, పశ్చిమ బెంగాల్ పీసీసీ అధ్యక్షుడు అధీర్’రంజన్ చౌదరి, ముస్లిం మత ప్రచారకుడు, అబ్బాస్ సిద్దిఖీతో వేదిక పంచుకున్నారు.అంతకు ముందే వామ పక్ష కూటమితో పొత్తు కుదుర్చుకున్న కాంగ్రెస్ పార్టీ, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)ను కూటమిలో చేర్చుకుంది. ఇలా కాంగ్రెస్ వర్కింగ్ కమిటీ (సీడబ్ల్యూసీ) అమోదం లేకుండా మతోన్మాద ఐఎస్ఎఫ్’ తో ఎన్నికల పొత్తు పెట్టుకోవడం ఆ పార్టీ నాయకుడు,సిద్ధిఖీతో పీసీసీ చీఫ్ వేదిక పంచుకోవడం పై అసమ్మతి నేతలు మండి పడుతున్నారు.
ఇలా సిద్దిఖీతో వేదిక పంచుకోవడం పార్టీ మౌలిక సిద్ధాంతాలకు వ్యతిరేకం అంటూ అసమ్మతి వర్గానికి చెందిన కీలక నేత, రాజ్యసభ సభ్యుడు,ఆనంద్ శర్మ మండిపడ్డారు. అంతే కాదు, సిద్ధిఖీ సారధ్యంలోని ఇండియన్ సెక్యులర్ ఫ్రంట్ (ఐఎస్ఎఫ్)తో జనవరిలో కుదుర్చుకున్న పొత్తుకు కాంగ్రెస్ వర్కింగ్ కమిటీ (సీడబ్ల్యూసీ)అమోదం లేదని ఆనంద్ శర్మ, అభ్యంతరం వ్యక్త చేశారు. పార్టీ విశ్వసించే లౌకిక వాదానికి కాంగ్రెస్ అధిష్టానం తీసుకున్న నిర్ణయం గొడ్డలి పెట్టని ఆయన తీవ్రంగా స్పందించారు.
శర్మ వ్యాఖ్యలపై అధీర్ రంజన్ చౌదరి అంతే ఘాటుగా ప్రతిస్పందించారు. “నిజాలు తెలుసుకోండి ఆనంద్ శర్మ జీ” అంటూ ఆయన వరుస ట్వీట్లు చేశారు. వ్యక్తిగత ప్ర‌యోజ‌నాలు ప‌క్క‌న‌పెట్టి, ప్ర‌ధానిని పొగిడి టైమ్ వేస్ట్ చేయ‌కండంటూ ఆయన ఓ ట్వీట్లో అన్నారు. ఆనంద్ శర్మ అన‌వ‌స‌రంగా కాంగ్రెస్‌ను ల‌క్ష్యంగా చేసుకుంటున్నార‌ని, ఈ అంశాన్ని పెద్ద‌ది చేసి చూపిస్తున్నార‌ని విమ‌ర్శించారు. ఆయన ఉద్దేశాలు స‌రైన‌వే అయితే నేరుగా తనతో మాట్లాడ వలసిందని అన్నారు. బెంగాల్లో సీపీఐ(ఎం) కూట‌మికి నేతృత్వం వ‌హిస్తోంది. అందులో కాంగ్రెస్ ఓ భాగం. మ‌త‌తత్వ, విభజన రాజకీయాలు చేస్తున్న బీజేపీకి చెక్ పెట్ట‌డానికే ఈ కూటమి అని మరో ట్వీట్లో అధిర్ రంజన్ అన్నారు. అక్కడతోనూ ఆగలేదు ... ట్వీట్ల మీద ట్వీట్లు సంధిస్తూ, ఆనంద్ శర్మ, బీజేపీ మత విభజన, అజెండాను బలపరుస్తున్నారని, పరోక్షంగా జీ23 నాయకులు బీజేపీకి ప్రయోజనం చేకూరుస్తున్నారని ఆరోపించారు.అంతే కాదు, క్షేత్ర స్థాయి వాస్తవ పరిస్థితులు తెలియకుండా, ఆనంద్ శర్మ పార్టీ మీద దండెత్తడం ఉచితం కాదని చౌదరి ఎదురుదాడి చేశారు.
అసమ్మతిలో అసమ్మతి. ఇదలా ఉంటే, కాంగ్రెస్ పార్టీ సమూల పక్షాళన కోరుతూ సోనియా గాంధీకి,గత సంవత్సరం జీ 23గా ప్రాచుర్యం పొందిన సీనియర్ నాయకులు రాసిన లేఖపై సంతకాలు చేసిన నాయకుల్లో నలుగురు,జమ్మూలోసమావేసమైన నాయకుల తాజా నిర్ణయాలు, వ్యాఖ్యలు,విమర్శల పట్ల అసంతృప్తిని వ్యక్త పరిచారు. గత సంవత్సరం సోనియా గాంధీకి రాసిన లేఖలో ప్రస్తావించిన అంశాలకు కట్టుబడి ఉన్నామని, అయితే, జీ 23లోని కొందరు సహచరులు, ఇటీవల గీతదాటి చేస్తున్న వ్యాఖ్యలు, విమర్శలను తాము సమర్ధించడం లేదని ఆ నలుగురు పేర్కొన్నారు. ఇందులో ముఖ్యంగా, రాజ్యసభ మాజీ డిప్యూటీ చైర్మన్, పీజే కురియన్ అయితే, “కాంగ్రెస్ పార్టీని బలోపేతం చేసేందుకు అవసరమైన సంస్కరణలు తెచ్చేందుకు చేసే ప్రయత్నాలను పూర్తిగా సమర్దిస్తాను, కానీ, ‘లక్ష్మణ రేఖ’ దాటితే ఒప్పుకునేది లేదు”అని అసమ్మతిలో అసమ్మతికి తెర తీశారు.అలాగే, ఢిల్లీ మాజీ ముఖ్యమంత్రి షీలా దీక్షిత్ కుమారడు, మాజీ ఎంపీ సందీప్ దీక్షిత్,మధ్య ప్రదేశ్ సీనియర్ కాంగ్రెస్ నాయకుడు అజయ్ సింగ్’ కూడా గులాం నబీ ఆజాద్, కపిల్ సిబల్, ఆనంద్ శర్మ, మనీష్ తివారీ వంటి జీ 23 కీలక నేతలు అధినాయకత్వంపై చేసిన వ్యాఖ్యలను తప్పు పట్టారు. అలాగే, పార్టీ సీనియర్ నాయకుడు కేంద్ర మాజీమంత్రి వీరప్ప మొయిలీ కూడా,గత సంవత్సరం పార్టీ సీనియర్ నాయకులు ఒక పరిమిత లక్ష్యంతో సోనియా గాంధీకి లేఖ రాయడం జరిగిందని, ఆ పేరున జరుగతున్న కార్యక్రమాలు లేఖ సంకల్పానికి విరుద్ధమని అన్నారు.
జీ 23 కార్యకలాపాలపై రాహుల్ గాంధీ కూడా పరోక్షగా స్పందించారు, ఒకప్పుడు ఎన్ఎస్’యుఐ, యూత్ కాంగ్రెస్’ కు సంస్థాగత ఎన్నికలు వద్దన్న వారే ఇప్పుడు ఇంకోలా మాట్లాడుతున్నారని పరోక్షంగానే అయినా సంస్థాగత ఎన్నికలు నిర్వహించడంతో పాటుగా, పార్టీ పక్షాలనకు తమ కుటుంబం వ్యతిరేకం కాదని, అందుకు సిద్ధంగా ఉన్నామని చెప్పారు. ఈ నేపధ్యంలో కాంగ్రెస్ పార్టీలో చెలరిగిన కలకలం ఇక ముందు ఏమవుతుందో .. ఇంకెన్ని మలుపులు తిరుగుతోందో ..చూడవలసిందే కానీ ఉహించలేము.
మహిళల్లో ఇటీవలి కాలంలో పెరుగుతున్న ఆరోగ్య సమస్యలలో ఓవేరియన్ ఎండోమెట్రియోమాస్ లేదా చాక్లెట్ సిస్ట్ అత్యంత కీలకమైనదిగా మారుతోంది. పేరులో చాక్లెట్ అని ఉన్నప్పటికీ, దీనికి చాక్లెట్లు తినడానికి లేదా తీపి పదార్థాలకు ఎలాంటి సంబంధం లేదు. ఇది ఎండోమెట్రియోసిస్ అనే తీవ్రమైన వ్యాధితో ముడిపడి ఉండే ఒక ప్రత్యేకమైన నీటి బుడగ లేదా గడ్డల అమరిక. సాధారణంగా గర్భాశయం లోపలి పొరను ఎండోమెట్రియం అని పిలుస్తారు. అయితే కొన్ని కారణాల వల్ల ఈ పొర కణాలు గర్భాశయం వెలుపల, ముఖ్యంగా అండాశయాల పై పెరగడం ప్రారంభిస్తాయి. ప్రతి నెలా రుతుక్రమం వచ్చినప్పుడు ఈ కణాలు కూడా స్పందించి రక్తాన్ని స్రవిస్తాయి. అయితే ఈ రక్తం బయటకు వెళ్లే మార్గం లేకపోవడంతో అండాశయంలోనే పేరుకుపోతుంది. కాలక్రమేణా ఆ పాత రక్తం చిక్కబడి ముదురు గోధుమ లేదా కరిగిన చాక్లెట్ రంగులోకి మారుతుంది. అందుకే దీనికి వైద్యపరంగా చాక్లెట్ సిస్ట్ అని పేరు వచ్చింది. ఈ సమస్య బారిన పడిన మహిళల్లో అనేక రకాల శారీరక ఇబ్బందులు తలెత్తుతాయి.
ముఖ్యంగా పీరియడ్స్ సమయంలో తట్టుకోలేని తీవ్రమైన నడుము, కడుపునొప్పి రావడం ఈ సమస్య ప్రధాన లక్షణం. రుతుక్రమం సరిగా రాకపోవడం లేదా అధిక రక్తస్రావం కావడం వంటి క్రమం లేని పీరియడ్స్ సమస్యలు బాధితులను నిత్యం వేధిస్తాయి. అంతేకాకుండా శారీరక కలయిక సమయంలో తీవ్రమైన అసౌకర్యం లేదా నొప్పి అనిపించడం జరుగుతుంది. ఈ చాక్లెట్ సిస్ట్ సమస్య మహిళల్లో గర్భధారణపై తీవ్రమైన ప్రభావం చూపుతుంది. అండాశయంలో అండాల విడుదల లోపించడం వల్ల సంతానలేమి సమస్యలు తలెత్తుతాయి. పెళ్లి అయిన కొత్తలో లేదా పిల్లల కోసం ప్రయత్నించే సమయంలో గర్భం దాల్చడంలో ఇబ్బందులు ఎదురుకావడానికి ఇది ఒక ముఖ్యమైన కారణంగా వైద్యులు నిరూపిస్తున్నారు. అయితే ఈ సమస్యను ప్రారంభ దశలోనే గుర్తించడం ద్వారా సులభంగా అధిగమించవచ్చు. సిస్ట్ పరిమాణం చిన్నదిగా ఉన్నప్పుడు హార్మోనల్ మందులు మరియు పెయిన్ కిల్లర్స్ ద్వారా నొప్పిని, సిస్ట్ ఎదుగుదలను అదుపు చేస్తారు.
ఒకవేళ సిస్ట్ పరిమాణం పెద్దదిగా ఉన్నప్పుడు లేదా తీవ్రమైన నొప్పి, సంతానలేమి సమస్యలు వేధిస్తున్నప్పుడు ల్యాపరోస్కోపిక్ సర్జరీ ద్వారా సిస్ట్‌ను సురక్షితంగా తొలగిస్తారు. చాలామంది మహిళలు పీరియడ్స్ సమయంలో వచ్చే తీవ్రమైన నొప్పిని సాధారణమైనదిగా భావించి నిర్లక్ష్యం చేస్తుంటారు. కానీ ఈ నిర్లక్ష్యం భవిష్యత్తులో తీవ్రమైన ఆరోగ్య సమస్యలకు దారితీస్తుంది. కాబట్టి ఎలాంటి అనుమానాలు ఉన్నా వెంటనే నిపుణులైన గైనకాలజిస్ట్‌ను సంప్రదించి అవసరమైన పరీక్షలు చేయించుకోవడం ఎంతో అవసరం. సరైన సమయంలో వైద్యులను సంప్రదించి చికిత్స పొందడం ద్వారా ఈ సమస్య నుంచి పూర్తిగా ఉపశమనం పొందవచ్చు.
chocolate cyst symptoms, ovarian endometrioma causes, chocolate cyst treatment options, endometriosis ovarian cyst, pelvic pain in women, chocolate cyst fertility impact, women health reproductive issues.
ప్రస్తుత ఆధునిక కాలంలో చాలామంది ఆరోగ్యకరమైన ఆహారపు అలవాట్లకు ప్రాధాన్యత ఇస్తున్నారు. ముఖ్యంగా ఎముకల పటుత్వాన్ని పెంచడంలో రాగి ఆహారాలు ఎంతో అద్భుతంగా పనిచేస్తాయి. సాధారణంగా మనం ఉదయం అల్పాహారంగా తీసుకునే మినప అట్లు కంటే ఏకంగా 10 రెట్లు ఎక్కువ పోషకాలు, క్యాల్షియం రాగిలో లభిస్తాయని ఆరోగ్య నిపుణులు వెల్లడిస్తున్నారు. రోజువారీ డైట్‌లో రెండు రాగి రొట్టెలను చేర్చుకోవడం ద్వారా ఎముకల బలాన్ని చిటికెలో తెచ్చిపెట్టుకోవచ్చు. చాలామంది రాగి రొట్టెలు గట్టిగా వస్తాయని భావిస్తారు, కానీ సరైన పద్ధతిలో తయారు చేస్తే ఇవి ఎంతో మెత్తగా, నోరూరించేలా వస్తాయి. ముఖ్యంగా అల్లం, పచ్చిమిర్చి, కరివేపాకు వంటి సువాసన వెలువడే పదార్థాలు జోడించడం వల్ల పిల్లలు కూడా ఎంతో ఇష్టంగా తింటారు. ఉదయం అల్పాహారంగా లేదా సాయంత్రం వేళల్లో రుచికరమైన స్నాక్స్‌గా ఇవి అద్భుతమైన ఎంపికగా నిలుస్తాయి.
ఈ అద్భుతమైన రాగి రొట్టెలను తయారు చేయడానికి ఒక కప్పు రాగి పిండికి సరిపడా ఒక కప్పు నీటిని తీసుకోవాలి. ముందుగా ఒక గిన్నెలో ఒక కప్పు నీటిని పోసి, రుచికి సరిపడా ఉప్పు వేసి బాగా మరిగించుకోవాలి. రాగి పిండికి ఉప్పు సాధారణంగా తక్కువ పడుతుంది కాబట్టి తగినంత చూసి వేసుకోవాలి. నీరు బాగా మగిలిన తర్వాత స్టవ్ ఆఫ్ చేసి పక్కన పెట్టుకోవాలి. ఇప్పుడు మనం నీరు తీసుకున్న అదే కప్పుతో ఒక కప్పు రాగి పిండిని ఒక వెడల్పాటి గిన్నెలో తీసుకోవాలి. ముందుగా మరిగించి పక్కన పెట్టుకున్న వేడి నీటిని కొద్దికొద్దిగా పోసుకుంటూ పిండిని కలుపుకోవాలి. ఒకేసారి నీరు మొత్తం పోయకూడదు. ఇలా వేడి నీటితో పిండిని కలపడం వల్ల రాగి పిండి చక్కగా మగ్గి, రొట్టెలు ఎంతో మెత్తగా వస్తాయి. అంతేకాకుండా, ఈ విధానం వల్ల రొట్టెలు విరిగిపోకుండా సులభంగా ఒత్తుకోవడానికి వీలుగా ఉంటుంది.
పిండి కొద్దిగా చల్లారిన తర్వాత, అందులో సన్నగా తరిగిన ఒక మీడియం సైజు ఉల్లిపాయ, కొద్దిగా కొత్తిమీర, 3 రెమ్మల కరివేపాకు, 2 సన్నగా తరిగిన పచ్చిమిర్చి, 1 అంగుళం తురిమిన అల్లం వేసుకోవాలి. వీటితో పాటు అదనపు పోషకాల కోసం 2 టేబుల్ స్పూన్ల క్యారెట్ తురుము మరియు అరకప్పు సన్నగా తరిగిన క్యాప్సికమ్ కలుపుకోవచ్చు. క్యాప్సికమ్ రొట్టెకు మంచి రుచిని ఇస్తుంది, మీకు ఇష్టం లేకపోతే దానిని మినహాయించవచ్చు. వీటితో పాటు మునగాకు, మెంతికూర లేదా తోటకూర వంటి ఆరోగ్యకరమైన ఆకుకూరలను కూడా ఈ పిండిలో కలుపుకోవడం వల్ల పోషకాల విలువ మరింత పెరుగుతుంది. వేసిన పదార్థాలన్నీ పిండికి బాగా పట్టేలా చేత్తో చక్కగా కలుపుకోవాలి. పిండిని మరీ గట్టిగా కాకుండా, రొట్టెలు తట్టుకోవడానికి వీలుగా మెత్తటి ముద్దలా తయారు చేసుకోవాలి. ఒకవేళ పిండి కొద్దిగా లూజ్‌గా అనిపిస్తే, మరో స్పూన్ రాగి పిండిని కలుపుకోవచ్చు.
చేతులకు కొద్దిగా నూనె రాసుకుని, సిద్ధం చేసుకున్న పిండిలో నుంచి చిన్న ముద్దను తీసుకోవాలి. బటర్ పేపర్ లేదా తడి క్లాత్‌పై ఈ ముద్దను ఉంచి, పల్చగా రౌండ్‌గా రొట్టెలా ఒత్తుకోవాలి. రొట్టె మరీ మందంగా ఉండకూడదు, ఒకవేళ మందంగా ఉంటే సరిగా ఉడకదు. చివర్లు పగుళ్లు రాకుండా జాగ్రత్తగా ఒత్తుకున్న తర్వాత, రొట్టె మధ్యలో చిన్న రంధ్రాలు చేసుకోవాలి. ఇలా చేయడం వల్ల రొట్టె అన్ని వైపులా బాగా వేడెక్కి చక్కగా కాలుతుంది. పెనం బాగా వేడెక్కిన తర్వాత, బటర్ పేపర్‌పై ఉన్న రొట్టెను పెనంపై రివర్స్‌లో వేసి, నెమ్మదిగా బటర్ పేపర్‌ను తొలగించాలి. మంటను లో నుండి మీడియం ఫ్లేమ్‌లో ఉంచుకుని కాల్చుకోవాలి. రొట్టె మధ్యలో చేసిన రంధ్రాలలో కొద్దిగా నూనె వేయడం వల్ల అన్ని వైపులా సరిగ్గా వేగుతుంది. ఒక వైపు కాలిన తర్వాత రెండో వైపుకు తిప్పుకుని మంచి బంగారు రంగు వచ్చేవరకు కాల్చుకోవాలి. రెండు వైపులా చక్కగా కాలిన ఈ వేడివేడి రాగి రొట్టెలను నచ్చిన చట్నీతో వడ్డించుకుంటే ఆరోగ్యానందాలు మీ సొంతమవుతాయి.
ragi roti benefits for bones, high calcium finger millet recipes, ragi vs dosa calcium content, ragi roti for bone health, finger millet benefits, calcium rich traditional recipes, ragi health benefits.
తేనెను చాలా కాలం నుంచి ఒక దివ్యౌషధంగా, ఆరోగ్యకరమైన ఆహార పదార్థంగా భావిస్తున్నారు. దగ్గు, జలుబు తగ్గడానికి, రోగనిరోధక శక్తిని పెంచడానికి, అలాగే బరువు తగ్గించే ప్రయత్నాలలో రిఫైండ్ చక్కెరకు అద్భుతమైన ప్రత్యామ్నాయంగా తేనెను విస్తృతంగా ఉపయోగిస్తుంటాం. చాలామంది ఉదయాన్నే గోరువెచ్చని నీటిలో తేనె కలుపుకుని తాగడాన్ని తమ నిత్య దినచర్యలో భాగం చేసుకుంటారు. అయితే, సహజ సిద్ధమైన పదార్థం కాబట్టి దీనివల్ల ఎలాంటి హాని ఉండదని భావించడం పెద్ద పొరపాటవుతుంది. తేనెను మోతాదుకు మించి, విచక్షణారహితంగా తీసుకుంటే అది శరీరంపై అనేక ప్రతికూల ప్రభావాలను చూపుతుంది. తేనెలో గ్లూకోజ్, ఫ్రక్టోజ్ వంటి సహజ చక్కెరలతో పాటు అధిక కేలరీలు కూడా సమృద్ధిగా ఉంటాయి. సహజమైనదే కదా అని దీనిని అధిక మొత్తంలో తీసుకుంటే రక్తంలో చక్కెర స్థాయిలు ఒక్కసారిగా విపరీతంగా పెరుగుతాయి. ముఖ్యంగా మధుమేహం లేదా షుగర్ వ్యాధితో బాధపడేవారు తేనెను చాలా జాగ్రత్తగా తీసుకోవాలి; లేదంటే ఇది తీవ్రమైన ఆరోగ్య సమస్యలకు దారితీస్తుందని వైద్య నిపుణులు గట్టిగా హెచ్చరిస్తున్నారు.
అలాగే, చక్కెరతో పోలిస్తే తేనె కొంత మేలు చేస్తుందనే అపోహతో కొందరు దీనిని మోతాదుకు మించి వాడుతుంటారు. కానీ వాస్తవానికి తేనెలో కూడా గణనీయమైన స్థాయిలో కేలరీలు నిండి ఉంటాయి. రోజువారీ ఆహారం ద్వారా ఇప్పటికే అందాల్సిన దానికంటే ఎక్కువ కేలరీలు అందుతుంటే, అదనంగా తేనెను కూడా రోజూ జోడించడం వల్ల శరీరంలో కొవ్వు సులభంగా పేరుకుపోయి బరువు పెరిగే ప్రమాదం ఉంది. బరువు తగ్గాలనుకునేవారు సైతం తేనెను చాలా మితంగా తీసుకోవడం చాలా ముఖ్యం. అంతేకాకుండా, తేనెలో ఉండే అంటుకునే స్వభావం, అధిక చక్కెరల శాతం దంతక్షయానికి దారితీసే అవకాశం ఉంది. తేనె తిన్న తర్వాత లేదా రాత్రి పడుకునే ముందు దంతాలను సరిగ్గా శుభ్రం చేసుకోకపోతే, నోటిలోని బ్యాక్టీరియా ఆ చక్కెరలతో చర్య జరిపి దంతాల ఎనామిల్‌ను తీవ్రంగా దెబ్బతీస్తుంది.
దీంతో పాటు, తేనెలో ఉండే ఫ్రక్టోజ్ కంటెంట్ కొందరిలో సరిగ్గా జీర్ణం కాకపోవచ్చు. దీనివల్ల కడుపులో ఉబ్బరం, గ్యాస్ ఏర్పడటం, కడుపునొప్పి లేదా విరేచనాలు వంటి జీర్ణ సంబంధిత అసౌకర్యాలు తలెత్తుతాయి. సున్నితమైన జీర్ణవ్యవస్థ కలిగినవారు తేనె విషయంలో మరింత అప్రమత్తంగా ఉండాలి. కొన్ని సందర్భങ്ങളിൽ తేనె లేదా దానిలోని పుప్పొడి రేణువులు కొంతమందిలో అలర్జీ ప్రతిచర్యలను కలిగించి చర్మంపై దద్దుర్లు, దురద వంటి లక్షణాలకు కారణమవుతాయి. అంతకంటే ముఖ్యంగా, ఒక సంవత్సరం కంటే తక్కువ వయస్సు ఉన్న పసిపిల్లలకు ఎట్టి పరిస్థితుల్లోనూ తేనె ఇవ్వకూడదు. ఇందులో ఉండే కొన్ని బ్యాక్టీరియా రేణువులు శిశువులలో ప్రాణాంతకమైన ఇన్ఫాంట్ బాటులిజం అనే తీవ్రమైన వ్యాధికి దారితీస్తాయి. కాబట్టి తేనె ఆరోగ్యానికి ఎంతో మేలు చేస్తుందన్నది వాస్తవమే అయినప్పటికీ, అతిగా వాడితే అనర్థాలు తప్పవు. సమతుల్యమైన జీవనశైలి కోసం తేనెను కేవలం పరిమిత మోతాదులో మాత్రమే తీసుకోవడం ఉత్తమం.
Why honey is dangerous for babies, infant botulism honey risk, honey for infants under 1 year, raw honey baby health risk, can babies eat honey, infant feeding safety rules, baby health precautions.
.webp)
షుగర్ వ్యాధి ఉన్నవారిలో కిడ్నీ సమస్యలు ఎందుకు వచ్చే అవకాశం ఉంది? రక్తంలో చక్కెర స్థాయిలు ఎక్కువ కాలం నియంత్రణలో లేకపోతే మూత్రపిండాల పనితీరుపై ఎలాంటి ప్రభావం పడుతుంది? కిడ్నీలు ఆరోగ్యంగా ఉండాలంటే ఎలాంటి జాగ్రత్తలు తీసుకోవాలి? ఈ విషయాలను తెలుసుకోవడం ప్రతి డయాబెటిస్ పేషెంట్‌కు ఎంతో ముఖ్యం.
ఈ TeluguOne Health వీడియోలో డాక్టర్ చిట్టిబొట్ల మధుసూదన శర్మ షుగర్ వ్యాధి, కిడ్నీల ఆరోగ్యం, సంప్రదాయ వైద్య విధానాల్లో ఉపయోగించే ఔషధ మొక్కల గురించి వివరిస్తారు. ముఖ్యంగా తెల్ల గలిజేరు అని పిలిచే పునర్నవ మొక్క, పల్లేరు గింజలు, పండ్ల సంప్రదాయ ఉపయోగాల గురించి తెలుసుకోవచ్చు. ఈ మూలికలను సంప్రదాయ వైద్యంలో ఎలా పరిగణిస్తారు, వాటిని ఉపయోగించేటప్పుడు ఎలాంటి జాగ్రత్తలు అవసరమో తెలుసుకోవచ్చు.
డయాబెటిస్ వల్ల కిడ్నీలపై ఎలాంటి ప్రభావం పడవచ్చు? షుగర్ పేషెంట్లు మూత్రపిండాల ఆరోగ్యాన్ని కాపాడుకోవడానికి ఎలాంటి జాగ్రత్తలు పాటించాలి? పునర్నవ (తెల్ల గలిజేరు) మొక్కకు సంప్రదాయ వైద్యంలో ఉన్న ప్రాధాన్యత ఏమిటి? పల్లేరు గింజలు, పండ్లను సంప్రదాయ వైద్య విధానాల్లో ఎలా ఉపయోగిస్తారు? మూలికలతో తయారుచేసే ఔషధాలను వాడేటప్పుడు ఎలాంటి జాగ్రత్తలు తీసుకోవాలి? కిడ్నీ సమస్యలను ముందుగానే గుర్తించడానికి వైద్య పరీక్షలు ఎందుకు ముఖ్యం? వంటి అంశాలను ఈ వీడియోలో తెలుసుకోవచ్చు.
డయాబెటిస్ ఉన్నవారు కిడ్నీల ఆరోగ్యంపై ప్రత్యేక శ్రద్ధ చూపాలి. రక్తంలో గ్లూకోజ్ స్థాయిలను నియంత్రణలో ఉంచుకోవడం, వైద్యుల సూచనల ప్రకారం మందులు వాడటం, అవసరమైన కిడ్నీ పరీక్షలు చేయించుకోవడం చాలా ముఖ్యం. కిడ్నీ సమస్యలు ప్రారంభ దశలో ఉన్నప్పుడు స్పష్టమైన లక్షణాలు కనిపించకపోవచ్చు. అందువల్ల క్రమం తప్పకుండా వైద్య పరీక్షలు చేయించుకోవాలి.
షుగర్ వ్యాధి ఉన్నవారు తమ కిడ్నీలను ఆరోగ్యంగా ఉంచుకోవడానికి తీసుకోవాల్సిన జాగ్రత్తలు, పునర్నవ మరియు పల్లేరు గురించి మరిన్ని వివరాలు తెలుసుకోవడానికి డాక్టర్ చిట్టిబొట్ల మధుసూదన శర్మ వివరణతో కూడిన ఈ TeluguOne Health వీడియోను పూర్తిగా చూడండి.
గమనిక:
ఈ వీడియోలోని సమాచారం ఆరోగ్య అవగాహన కోసం మాత్రమే. మూలికలు కిడ్నీ వ్యాధులను నయం చేస్తాయని నిర్ధారిత ఆధారాలు లేవు. వైద్యుల సూచన లేకుండా షుగర్ మందులను ఆపకండి లేదా మూలికలను వైద్య చికిత్సకు ప్రత్యామ్నాయంగా ఉపయోగించకండి.
ఆరోగ్యంగా ఉండాలని చాలామంది విటమిన్ సప్లిమెంట్లు, ఇతర మందులు వాడుతుంటారు. అయితే ఏ మందును ఎంత మోతాదులో తీసుకోవాలి? ఎన్ని రోజులు వాడాలి? ఇతర మందులతో కలిపి తీసుకోవచ్చా? అనే విషయాలు తెలుసుకోకుండా మందులు వాడితే అనవసరమైన ఆరోగ్య సమస్యలు ఎదురయ్యే అవకాశం ఉంది. ముఖ్యంగా Vitamin D, Vitamin B12 వంటి సప్లిమెంట్లను వైద్యుల సూచనల మేరకు తీసుకోవడం ఎంతో ముఖ్యం.
మందులు వాడేటప్పుడు చేసే చిన్న పొరపాట్లు కూడా ఆరోగ్యంపై ప్రభావం చూపవచ్చు. వైద్యులకు తమ ఆరోగ్య సమస్యలను పూర్తిగా చెప్పకపోవడం, వాడుతున్న మందుల వివరాలను తెలియజేయకపోవడం, సొంతంగా మందుల మోతాదును మార్చుకోవడం వంటి అలవాట్లు చికిత్సకు ఆటంకం కలిగించవచ్చు.
ప్రపంచ రోగుల భద్రతా దినోత్సవం (World Patient Safety Day) సందర్భంగా, రోగుల భద్రతకు సంబంధించిన ముఖ్యమైన విషయాలను హోమియోపతి వైద్యులు డాక్టర్ ప్రవీణ్ కుమార్ ఈ వీడియోలో వివరించారు.
Vitamin D, B12 సప్లిమెంట్లు వాడేటప్పుడు ఏం జాగ్రత్తలు తీసుకోవాలి?
Vitamin D శరీరంలో కాల్షియం శోషణకు, ఎముకల ఆరోగ్యానికి ముఖ్యమైనది. Vitamin B12 నరాల పనితీరుకు, ఎర్ర రక్తకణాల తయారీకి అవసరం. ఈ విటమిన్ల లోపం ఉన్నప్పుడు వైద్యులు తగిన పరీక్షలు చేసి, అవసరాన్ని బట్టి సప్లిమెంట్లను సూచించవచ్చు.
అయితే ఈ మందులను ఎక్కువ మోతాదులో తీసుకుంటే త్వరగా ఆరోగ్యం మెరుగుపడుతుందని భావించడం సరైంది కాదు. ముఖ్యంగా Vitamin D అధిక మోతాదులో తీసుకోవడం వల్ల రక్తంలో కాల్షియం స్థాయులు పెరిగి ఆరోగ్య సమస్యలు రావచ్చు. అందువల్ల వైద్యుల సలహా లేకుండా మోతాదును పెంచడం లేదా ఎక్కువకాలం కొనసాగించడం చేయకూడదు.
వైద్యులకు మీ ఆరోగ్య సమస్యలను ఎందుకు పూర్తిగా చెప్పాలి?
కొంతమంది తమకు ఉన్న లక్షణాలను, గతంలో ఎదురైన ఆరోగ్య సమస్యలను లేదా ప్రస్తుతం వాడుతున్న మందులను వైద్యులకు పూర్తిగా తెలియజేయరు. మరికొందరు ఇతరుల సలహాతో మందులు వాడుతుంటారు. ఇలాంటి వివరాలు దాచడం వల్ల సరైన చికిత్స నిర్ణయించడంలో ఇబ్బందులు ఎదురవుతాయి.
మీకు ఉన్న లక్షణాలు, అలర్జీలు, ఇప్పటికే వాడుతున్న మందులు, విటమిన్ సప్లిమెంట్లు, గతంలో తీసుకున్న చికిత్సల గురించి వైద్యులకు స్పష్టంగా చెప్పాలి. ఈ సమాచారం సరైన చికిత్స అందించడానికి, మందుల మధ్య అవాంఛిత ప్రతిచర్యల ప్రమాదాన్ని తగ్గించడానికి ఉపయోగపడుతుంది.
మందుల మోతాదులో చేసే పొరపాట్లు ఎంత ప్రమాదకరం?
వైద్యులు సూచించిన మోతాదు కంటే ఎక్కువగా లేదా తక్కువగా మందులు తీసుకోవడం, సమయానికి తీసుకోకపోవడం, ఒకరి మందులను మరొకరు వాడటం వంటి పొరపాట్లను నివారించాలి. మందుల పేర్లు, మోతాదు, తీసుకోవాల్సిన సమయం, వాడే కాలం గురించి స్పష్టత లేకపోతే వైద్యుడిని లేదా ఫార్మసిస్ట్‌ను అడిగి తెలుసుకోవాలి.
మందుల వల్ల ఏవైనా అసాధారణ లక్షణాలు కనిపిస్తే వాటిని నిర్లక్ష్యం చేయకుండా వైద్యులను సంప్రదించాలి. వైద్యుల సలహా లేకుండా సూచించిన చికిత్సను నిలిపివేయడం లేదా మోతాదును మార్చడం కూడా సరికాదు.
రోగుల భద్రతలో మన బాధ్యత ఏమిటి?
రోగుల భద్రత అనేది వైద్యుల బాధ్యత మాత్రమే కాదు. రోగులు కూడా తమ ఆరోగ్యం గురించి అవగాహన కలిగి ఉండాలి. మందుల వివరాలను సరిచూసుకోవడం, వైద్యులు సూచించిన విధంగా వాడటం, సందేహాలు ఉంటే అడగడం, అవసరమైన పరీక్షలు చేయించుకోవడం వంటి అలవాట్లు చికిత్సను మరింత సురక్షితంగా మార్చడంలో సహాయపడతాయి.
ప్రపంచ రోగుల భద్రతా దినోత్సవం సందర్భంగా డాక్టర్ ప్రవీణ్ కుమార్ అందించే ఈ వీడియోలో Vitamin D, Vitamin B12 మందుల వినియోగంలో తీసుకోవాల్సిన జాగ్రత్తలు, వైద్యులకు ఆరోగ్య వివరాలను చెప్పడం ఎందుకు అవసరం, మందుల మోతాదులో పొరపాట్లను ఎలా నివారించాలి, సురక్షితమైన చికిత్స కోసం రోగులు పాటించాల్సిన పద్ధతులు వంటి ముఖ్యమైన విషయాలను తెలుసుకోండి.
గమనిక: ఈ సమాచారం ఆరోగ్య అవగాహన కోసం మాత్రమే. మీ ఆరోగ్య పరిస్థితికి అనుగుణంగా మందులు, విటమిన్ సప్లిమెంట్లు వాడేందుకు వైద్యులను సంప్రదించండి. వైద్యుల సూచన లేకుండా మందుల మోతాదును మార్చవద్దు.