Karthika Deepam2 : జ్యోత్స్నకి కార్తీక్ గుణపాఠం.. ఇంట్లోకొచ్చిన శౌర్య!
on Jun 10, 2025
స్టార్ట్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2).ఈ సీరియల్ సోమవారం నాటి ఎపిసోడ్ -379 లో..... దశరథ్ పడిపోతుంటే నాన్న అంటూ దీప పట్టుకుంటుంది. మా డాడ్ ని నాన్న అని పిలుస్తావా అని దీపని జ్యోత్స్న కొట్టబోతుంటే కార్తీక్ అపుతాడు. నా భార్య చేసిన తప్పేంటి? ఎందుకు కొడతావని కార్తీక్ అడుగుతాడు. ఇంట్లో పెద్దవాళ్ళున్నారు.. వాళ్ళేం న్యాయం చేస్తారో చూస్తానని కార్తీక్ అంటాడు. దీప నాన్న అని పిలవడం తప్పే అయినా కానీ దీప చేసింది మంచి పని.. జ్యోత్స్న కొట్టాలి అనుకోవడం తప్పు అని శివన్నారాయణ అంటాడు.
అయితే ఇప్పుడు నా భార్యకు జ్యోత్స్న సారి చెప్పాలని కార్తీక్ అడుగుతాడు. దానికి శివన్ననారాయణ సరే అనడంతో దీపకి జ్యోత్స్న సారీ చెప్తుంది. అందరు లోపలికి వెళ్ళిపోతారు. సుమిత్ర మాత్రం దీప బాధపడేలా మాట్లాడుతుంది. మీ నాన్నని నాన్న అని పిలిచి కాపాడావ్.. ఇంకేంటి హ్యాపీనా అని దీపని కార్తీక్ అడుగుతాడు. ఆ తర్వాత కార్తీక్ దగ్గరికి అనసూయ,కాంచన, శౌర్య వస్తారు. ఇప్పుడు వీళ్ళని తాత చుస్తే తిడుతాడని పారిజాతం, జ్యోత్స్న అనుకుంటారు. కానీ పిల్లల ముందు గొడవలెందుకని శౌర్యతో బాగా మాట్లాడుతాడు శివన్నారాయణ.
సుమిత్ర కూడ శౌర్యతో నవ్వుతు మాట్లాడుతుంది. అందుకే వీళ్ళని రప్పించానని దీపతో కార్తీక్ చెప్తాడు. ఆ తర్వాత శౌర్యని సుమిత్ర తన గదిలోకి తీసుకొని వెళ్తుంది. నేను నాన్నతో మాట్లాడాలని శివన్నారాయణ దగ్గరికి వెళ్తుంది కాంచన. శౌర్యతో దశరథ్, సుమిత్ర కబుర్లు చెప్తుంటారు. ఈ బొమ్మ ఎక్కడిది బాగుందని శౌర్య అనగానే జ్యోత్స్న చిన్నప్పటిదని సుమిత్ర చెప్తుంది. జ్యోత్స్న చిన్నప్పటి బొమ్మలన్నీ సుమిత్ర చూపిస్తుంది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Also Read
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
