Karthika Deepam2 : తనని బావ అని పిలమన్న కార్తీక్.. దీప పిలుస్తుందా!
on Jun 3, 2025
స్టార్ట్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam2 ).ఈ సీరియల్ సోమవారం నాటి ఎపిసోడ్ -373 లో.....జ్యోత్స్నకి దీప హెడ్ మసాజ్ చేస్తుంది. దీప చేస్తుందనే విషయం జ్యోత్స్నకి తెలియదు.. గ్రానీ బాగా చేస్తున్నావ్ ఇన్ని రోజులు ఇలా చెయ్యలేదు ఎందుకని అని అంటుంది. అప్పుడే పారిజాతం లోపలికి వస్తుంటే గ్రానీ అక్కడ ఉంటే మరి ఇక్కడ చేసేది ఎవరని జ్యోత్స్న చూసేసరికి.. దీప ఉంటుంది. దీపని చూసి జ్యోత్స్న షాక్ అవుతుంది. నువ్వు ఏంటని జ్యోత్స్న అడుగగా.. అంటే నేను పని మనిషి కదా అన్ని పనులు చెయ్యాలని దీప అంటుంది.
నువ్వు వెళ్లి ఏదైనా పని చేసుకోపో అని దీపతో పారిజాతం అంటుంది. అన్ని పనులు చేశానని దీప అంటుంది. ఇంకా ఏదైనా పనులు ఉంటే చెప్పమని దీప అంటుంది. అవసరం ఉంటే పిలుస్తానని పారిజాతం అంటుంది. దీప వెళ్ళిపోయాక.. అదేంటీ ఇలా చేంజ్ అయిందని ఇద్దరు అనుకుంటారు. దీపకి దాస్ నిజం చెప్పి ఉంటాడా అని జ్యోత్స్న అనుకుంటుంది. మరొకవైపు శ్రీధర్, కావేరి కలసి కాంచన దగ్గరికి వెళ్తారు. అసలు వాడు ఎందుకు సంతకం పెట్టాడు.. ఆ ఇంట్లో ఎందుకు పని చేస్తున్నాడు అంటూ శ్రీధర్ గొడవ చేస్తాడు. అప్పుడే కార్తీక్, దీప వస్తారు. ఎప్పటిలాగే శ్రీధర్ పై ఇంట్లో అందరు విరుచుకుపడుతారు. కార్తీక్ కూడా నువ్వు ఇక్కడ నుండి వెళ్ళిపోమని కఠినంగా మాట్లాడతాడు. దాంతో శ్రీధర్ అక్కడ నుండి వెళ్ళిపోతాడు.
ఆ తర్వాత అనసూయ, కాంచన ఇద్దరు దీపతో మాట్లాడతారు. ఎందుకు ఆ ఇంటికి వెళ్లారని దీపని కాంచన అడుగుతుంది. మనం అందరం కార్తీక్ బాబుపై నమ్మకం ఉంచుదామని దీప చెప్తుంది. ఆ తర్వాత రా మరదలు అని దీపని కార్తీక్ పిలుస్తాడు. దీప పరిచయం అయినప్పటి నుండి తన గురించి కార్తీక్ ఏం అనుకున్నాడో అన్నీ తనకి చెప్తాడు. ఇక నుండి నువ్వు నన్ను బావ అను.. నేను నిన్ను మరదలు అని పిలుస్తానని కార్తీక్ అంటాడు. ఎవరికైనా డౌట్ వస్తుందని దీప అనగానే.. భార్యాభర్తలం కదా ఏం అనుకోరని కార్తీక్ అంటాడు. అప్పుడే శౌర్యా వచ్చి బావమరదలు ఏంటని అడుగుతుంది. ఏం లేదని కార్తీక్ డైవర్ట్ చేస్తాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
