Karthika Deepam 2: సుమిత్రకి క్యాన్సర్.. జ్యోత్స్న సొంత కూతురు కాదని తెలుస్తుందా?
on Jan 9, 2026
స్టార్ట్ మా టీవీలో ప్రసారమవుతున్న సీరియల్ 'కార్తీక దీపం 2'(Karthika Deepam 2). ఈ సీరియల్ గురువారం నాటి ఎపిసోడ్ -562 లో... దీపని తీసుకొని శ్రీధర్ ఇంటికి వస్తాడు. కార్తీక్ ఎక్కడ? దీపని మీరు తీసుకొని వచ్చారేంటి? అని కాంచన అడుగుతుంది. దీప ఏడుస్తుంటే కాంచనకి భయం వేసి.. ఏమైంది దీప ఎవరు ఏమన్నారని కాంచన అడుగుతుంది. పంతులు గారు చెప్పిన గండం వచ్చింది అత్తయ్య.. అది సుమిత్ర అమ్మని చుట్టుముట్టిందని దీప ఏడుస్తుంది. సుమిత్రకి బ్లడ్ క్యాన్సర్ అని శ్రీధర్ చెప్పగానే అనసూయ, కాంచన షాక్ అవుతారు. ట్రీట్ మెంట్ ఉందని డాక్టర్ చెప్పారని శ్రీధర్ చెప్తాడు.
దీప ఏడుస్తుంటుంది. దీపకి సుమిత్ర వదిన అంటే ఎంత ఇష్టం సొంతకూతురు కాకపోయినా ఎంత బాధపడుతుందని కాంచన అంటుంది. నాకే బాధగా అనిపిస్తుంది అంటే రోజు సుమిత్ర అమ్మ దగ్గర ఉండే దీపకి ఇంకెంతలా ఉంటుందని అనసూయ అంటుంది. కాంచన నువ్వే మీ అన్నయ్యకి ధైర్యం చెప్పాలి. దీప నువ్వు బాధపడకు నీ కడుపులో బిడ్డ ఉంది.. తనపై ఆ ప్రభావం చూపకూడదని శ్రీధర్ చెప్తాడు. కాంచన నువ్వు దీపకి అర్ధమయ్యేలా చెప్పమని శ్రీధర్ చెప్పి వెళ్ళిపోతాడు.
మరొకవైపు డాక్టర్ మాటలు గుర్తుచేసుకొని జ్యోత్స్న టెన్షన్ పడుతుంది. నేను ఇక్కడే ఉంటే ఖచ్చితంగా నేను వారసురాలిని కాదని తెలుస్తుంది. నేను ఇక్కడ ఉండకూడదని జ్యోత్స్న బట్టలు సర్దుకొని బయటకు వెళ్లిపోతుంటే..కార్తీక్ ఎదురుగా వస్తాడు. తనని చూసి జ్యోత్స్న షాక్ అవుతుంది. ఏంటి మేడమ్ ఎక్కడికి వెళ్తున్నారు.. మీరు వెళ్తున్నట్లు కనీసం మీ డాడీ, తాతయ్యలకు అయినా చెప్పారా అని కార్తీక్ అడుగుతాడు. జ్యోత్స్న టెన్షన్ పడుతుంది.
అప్పుడే దశరథ్, శివన్నారాయణ వస్తారు. బావ నన్ను ఇలా ఇరికించాడేంటని జ్యోత్స్న టెన్షన్ పడుతుంది. తల్లి ఆ స్థితిలో ఉంటే కూతురు ఎవరైనా ఇలా చేస్తుందా.. అసలు నువ్వు కూతురివేనా అని శివన్నారాయణ అంటాడు. మేమ్ అంటే మీకు ఇష్టం లేదా జ్యోత్స్న అని దశరథ్ అంటాడు. అప్పుడే పారిజాతం వస్తుంది. జ్యోత్స్న నిర్ణయంలో నీ పాత్ర కూడా ఉందా అని శివన్నారాయణ అడుగుతాడు. నీ మనవరాలు ఇంట్లో నుండి వెళ్ళిపోతుందట అని శివన్నారాయణ అనగానే పారిజాతం కూడా షాక్ అవుతుంది. తాత నాకు అమ్మ పరిస్థితి చూసి భయం వేసి వెళ్తున్నానని చెప్తుంది. దాంతో శివన్నారాయణ తనపై కోప్పడతాడు. ఇక జ్యోత్స్న లోపలికి వెళ్తుంది.
జ్యోత్స్న ఇప్పుడు వెళ్ళిపోతే మళ్ళీ అదో ప్రాబ్లమ్.. వెళ్లకుండా ఆపేలే చేసావ్.. థాంక్స్ రా కార్తీక్ అని దశరథ్ అంటాడు. కాసేపటికి కార్తీక్ ఇంటికి వెళ్తాడు. బాధపడుతున్న దీపకి ధైర్యం చెప్తాడు. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
