Karthika Deepam2: జ్యోత్స్నని నిలదీసిన దశరథ్.. కార్తీక్ కావాలనే అలా చేశాడు!
on May 23, 2025
స్టార్ మ టీవీలో ప్రసారమవుతున్న సీరియల్ 'కార్తీక దీపం2(Karthika Deepam2)'. ఈ సీరియల్ గురువారం నాటి ఎపిసోడ్-364లో.. జ్యోత్స్న చేసిన అగ్రిమెంట్ గొడవ గురించి శివనారాయణ మాటల్లో దశరథ్, సుమిత్ర తెలుసుకుని షాక్ అవుతారు. జ్యోత్స్న దొరికేసింది ఇప్పుడు ఎలా అని పారిజాతం భయపడుతుంది. అయితే అంతా అగ్రిమెంట్ గురించి నిలదీసేసరికి.. జ్యోత్స్న ఓ కథ అల్లేసింది. నేను ఆ రోజు దీప ఆసుపత్రిలో ఉన్న రోజు.. నలుగురి తీసుకుని బ్లెడ్ ఇవ్వడానికి నలుగురిని తీసుకుని వెళ్లా కదా? ఆ సత్యరాజ్ అంకుల్ ఏదో బావంటే అంత ప్రేమ ఉన్నట్లు మాట్లాడతాడు కానీ.. దీప ఆపరేషన్కి డబ్బులు కూడా ఇవ్వలేదట.. సో దీప ఆపరేషన్కి డబ్బులు కావాలి బ్లడ్ కావాలి.. బావ ఇంటికి వస్తే మనం అన్న మాటలన్నీ అవమానంగా ఫీలయ్యాడట.. వెళ్లగానే నన్ను చూసి తాతను తిట్టాడు. కొన్ని చెప్పలేను కానీ తాతను గట్టిగానే తిట్టాడు. బావ తాతను అన్ని మాటలు అన్న తర్వాత నేను ఊరికే ఎలా ఉంటాను.. ఆ కోపంలో ఇచ్చిన డబ్బులకు అగ్రిమెంట్ రాయమన్నాను.. బావ పౌరుషానికి పోయి నేను ఎంతకైనా సిద్ధమే అన్నాడంటూ జ్యోత్స్న చెప్తూనే ఉంటుంది.
జ్యోత్స్న చెప్పేదంతా విన్న పారిజాతం.. అమ్మనా మనవరాలా నీకు ఎక్కడ కారం రాయాలో.. ఎక్కడ వెన్న రాయాలో బాగా తెలిసిందే అని తన మనసులో అనుకుంటుంది. ఇక సుమిత్ర, శివనారాయణ రగిలిపోతూ వింటుంటారు. బావ సిద్ధమే అన్నాడు కాబట్టి.. నేను చెప్పినట్లు వినాలి.. చెప్పినట్లు చెయ్యాలని చెప్పాను.. బావ కోపంలో నేను ఏదైనా చేస్తాను.. అవసరం అయితే రెస్టారెంట్లో నీకు నా వాటా రాసి ఇస్తాను.. అంతే కానీ ఏది ఫ్రీగా తీసుకోనని అగ్రిమెంట్ మీద సంతకం పెట్టి నా చేతిలో పెట్టాడు. ఈ కార్తీక్ దేనికీ తగ్గడు.. పోయి మీ తాతకు చెప్పుకో అన్నాడని జ్యోత్స్న అంటుంది. ఇక జ్యోత్స్న మాటలకు శివనారాయణ రగిలిపోతూ ఉంటాడు. పారిజాతం నవ్వుకుంటుంది. బావ నాతో అలా అన్నాడనే నేను వెంటనే ఒక కండీషన్ పెట్టాను.. అగ్రిమెంట్ బ్రేక్ చేస్తే క్షమాపణగా 24 గంటల్లో పది కోట్లు నాకు కట్టాలని చెప్పానంటుంది. నువ్వు చెప్పేదానిలో ఎంతవరకు నిజముందో నాకు తెలియదు కానీ అంటూ దశరథ్ ఏదో అనబోతుంటే.. మీరు దీన్ని ఎందుకు అనుమానిస్తున్నారు.. ప్రాణాలు కాపాడినందుకా లేక సాయం చేసినందుకా అంటు సుమిత్ర అడుగుతుంది. మన కూతురు వాళ్లకు సాయం చెయ్యలేదు.. బేరం పెట్టిందని దశరథ్ అంటాడు. పౌరుషానికి పోయి వాడు గొడవ పడితే అయ్యా బాబు అంటూ ఇది బతిమలాడుకోవాలా అని దశరథ్ తో పారిజాతం అంటుంది. మరి క్షమాపణ పేరుతో 10 కోట్లు ఏంటని దశరథ్ అనగా.. అది శివనారాయణ గారి మనవరాలు.. దీని రేంజ్ అలానే ఉంటుందని పారిజాతం అంటుంది. అసలు అగ్రిమెంట్ విషయం మాకెందుకు చెప్పలేదని సుమిత్ర అనగానే.. అవార్డ్ తెచ్చి తాత చేతిలో పెట్టి సర్ ప్రైజ్ చెయ్యాలి అనుకున్నానని జ్యోత్స్న అంటుంది.
అసలు అగ్రిమెంట్కి అవార్డ్కి సంబంధం ఏంటీ? అంటాడు దశరథ్ అనుమానంగా. వెంటనే శివనారాయణ తనకు అర్థమైనట్లుగా.. అంటే ఆ అగ్రిమెంట్ ప్రకారం ఆ రెస్టారెంట్లో కార్తీక్ గాడి పార్టనర్ షిప్ మనది అంతే కదా? ఇదంతా ముందే చెప్పి ఉంటే కథ వేరేగా ఉండేది.. అక్కడ ఆ భార్యభర్తలకు ఆ అవార్డ్ నేనే ఇచ్చి వచ్చాను ఛా అంటాడు. అంటే ఏంటి నాన్నా.. జ్యోత్స్న చేసిన పనిని సమర్థిస్తున్నారా అని దశరథ్ అంటాడు. లేదురా కార్తీక్ గాడ్ని అనుమానిస్తున్నా అని శివనారాయణ అనగానే.. జ్యోత్స్న అయోమయంగా చూస్తుంది. అనుమానం ఏం లేదు తాతా.. ఈ అవార్డ్ పోతే పోయింది కానీ బావ మాత్రం చెప్పింది చెయ్యాల్సిందే.. అలా చూస్తూ ఉండు బావను నీ కాళ్ల దగ్గర పడేలా చేస్తా తాతా అని జ్యోత్స్న అంటుంది. దీన్ని ప్రతీకారం అంటారు జ్యోత్స్న అని దశరథ్ అంటాడు. నేను మాత్రం న్యాయం అంటాను డాడీ.. బావ కారణంగా మన రెస్టారెంట్కి బ్యాడ్ నేమ్ వచ్చింది. తను నంబర్ వన్ అయ్యాడు. అన్నీ పక్కన పెడితే తాతను అవమానించాడు. అతడికి అతడి భార్య ఎక్కువైతే నాకు మా తాత ఎక్కువ.. అందుకే ఫలితం అనుభవిస్తాడని జ్యోత్స్న అంటుంది. లేదు మనవరాలా.. కావాలనే వాడు వాడి జుట్టు నీ చేతిలో పెట్టాడు. ఎందుకంటే వాడు మొదటి నుంచి గెలుస్తూనే ఉన్నాడు.. దీపను జైలు నుంచి విడిపించుకోవడం దగ్గర నుంచి ప్రాణాలు కాపాడుకోవడం వరకు.. చివరికి అవార్డ్ తీసుకోవడంలో కూడా తనే గెలిచాడు.. జాగ్రత్తగా ఉండు మనవరాలా.. వాడ్ని ఏదో నీ గుప్పెట్లో పెట్టుకున్నాననుకుంటున్నావ్ కానీ వాడు ఏదో పెద్ద ప్లాన్తోనే అగ్రిమెంట్ మీద సంతకం పెట్టాడు.. నువ్వు అన్నవన్నీ మాటల్లో కాదు చేతల్లో చూపించు అప్పుడు నమ్ముతానని హెచ్చరించి లోపలికి వెళ్లిపోతాడు శివనారాయణ.
కార్తీక్తో పెట్టుకోకు జ్యోత్స్నా అది నీకే మంచిది కాదని తిట్టి లోపలికి వెళ్లిపోతాడు దశరథ్. అవును జ్యోత్స్నా.. అసలు ఈ పగలు ప్రతీకారాలు ఎందుకు.. అంతా దేవుడే చూసుకుంటాడని సుమిత్ర అనగానే.. ఇదే మాట డాడీకి ఏదైనా అయ్యి ఉంటే మాట్లాడేదానివా మమ్మీ.. నన్ను తప్పుబట్టడం మానేసి.. డాడీకి నచ్చజెప్పు ముందు అనేసి జ్యోత్స్న కోపంగా లోపలికి వెళ్లిపోతుంది. ముందు నీ కూతురి తరపున నిలబడు సుమిత్ర ఇకనైనా అని పారిజాతం అంటుంది. దాంతో సుమిత్ర మౌనంగా అక్కడి నుంచి వెళ్లిపోతుంది. వెంటనే పారిజాతం అందుకుంటుంది. నువ్వు కూతురి తరపునే ఉంటావ్ సుమిత్రా నాకు తెలుసు.. అయినా నా మనవరాలు సూపర్ స్కెచ్ వేసింది. ఇక్కడ వీళ్లను పడగొట్టింది. అక్కడ వాళ్లకు షాకిచ్చింది. సూపర్.. కానీ శివనారాయణ అన్నట్లుగా కార్తీక్ సంతకం పెట్టడానికి కారణం ఏదైనా ఉండి ఉంటుందా అని తనలో తానే అనుకుంటుంది. ఇక మరోవైపు అవార్డ్ ముందు పెట్టుకుని సంబరపడుతున్న కార్తీక్ వాళ్ల ఇంటికి జ్యోత్స్న ఎంట్రీ ఇచ్చి అగ్రిమెంట్ విషయంలో కార్తీక్తో తను సంతకం ఎలా పెట్టించుకుందో అంతా నిజమే చెప్తుంది. దీప, కాంచన, అనసూయ అంతా అల్లాడిపోతారు. జ్యోత్స్నని తిడుతుంటారు. ఇకపై బావ(కార్తీక్) నా బానిస అనే విషయం జ్యోత్స్న చెప్తుది. ఆ తర్వాత ఏం జరిగిందో తెలియాలంటే తర్వాతి ఎపిసోడ్ వరకు ఆగాల్సిందే.
.webp)
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
