Home

»

Tv News

తార‌క్‌ అసహ్యంగా ఉన్నాడన్న రాజమౌళి!

Sep 2, 2021 10:52AM

 

బరువు తగ్గాలని ప్రయత్నించే వాళ్లకు యంగ్ టైగర్ జూనియ‌ర్‌ ఎన్టీఆర్ ఒక ఇన్స్పిరేషన్. 'రాఖీ' సినిమా వరకూ తార‌క్‌ లావుగా ఉండేవారు. తర్వాత 'యమదొంగ' కోసం సన్నబడ్డారు. 'కంత్రి'లో మరీ సన్నగా కనిపించారు. లావుగా ఉన్నప్పటికీ డ్యాన్సులు ఇరగదీసేవారు. యాక్టింగ్ అదరగొట్టేవారు. ప్రేక్షకులను మెప్పించారు. అయితే, ఉన్నట్టుండి తార‌క్ బరువు తగ్గడానికి కారణం ఎవరో తెలుసా? దర్శక ధీరుడు, తార‌క్‌ ముద్దుగా "జక్కన్న" అని పేరు పెట్టిన రాజమౌళి.

"నేను చాలా లావుగా ఉండేవాడిని. అయినా ఏ రోజూ నేను లావుగా ఉన్నానని అనిపించలేదు. ఒక రోజు జక్కన్న, 'అసహ్యంగా ఉన్నారు' అని అన్నారు. ఆ రోజు కొంచెం వెలిగింది. ఎందుకంటే... మన చుట్టూ ఉండే మన ఫ్రెండ్స్... వాళ్లే పర్ఫెక్ట్ గా గైడ్ చేస్తారు. ఆ రోజు నుండి వెయిట్ తగ్గే ప్రయత్నం చేశా. తగ్గా" అని 'ఎవరు మీలో కోటీశ్వరుడు' కార్యక్రమంలో జూనియ‌ర్‌ ఎన్టీఆర్ చెప్పారు.

సినిమాల్లోకి రావాలని అనుకుంటున్న కంటెస్టెంట్‌తో నిజాయతీగా ఉండమని తార‌క్‌ సలహా ఇచ్చారు. మనకు చాలా తెలుసు అని అనుకుంటామని, కానీ ఏమీ తెలియదని ఆయన చెప్పుకొచ్చారు. 

google-ad-img

Customer Service

For support : teluguone.teluguone@gmail.com | For Queries : support@teluguone.com