ష‌ణ్ణు, సిరి, జెస్సీ గురించి మానస్, స‌న్నీ మాట్లాడుకుంటూ వుండ‌గా బిగ్ బాస్ హౌస్‌లో 65వ రోజు ప్రారంభ‌మైంది. జెస్సీ ఒంట్లో బాగాలేన‌ట్లు క‌నిపించాడు. ష‌ణ్ణు త‌న‌పై బాల్స్ విసిరేసిన‌ప్పుడు త‌న‌కు దెబ్బ‌లు త‌గిలాయ‌ని అత‌ను కాజ‌ల్‌తో చెప్పాడు. ల‌గ్జ‌రీ బ‌డ్జెట్ ఐట‌మ్స్ కోసం హౌస్‌మేట్స్ షాపింగ్ చేశారు. ఆ టైమ్‌లో యానీ మాస్ట‌ర్‌, కాజల్ వాదించుకున్నారు. నామినేష‌న్ ప్రాసెస్‌ను బిగ్ బాస్ స్టార్ట్ చేశాడు. ఇంటి స‌భ్యులు న‌లుగురు వ్య‌క్తుల్ని నామినేట్ చేసి, వారిని జైలులో ఉండేట్లు చేయాలి. కెప్టెన్ హోదాలో కాజల్, స‌న్నీ, మానస్, ష‌ణ్ణుల‌ను యానీ నామినేట్ చేసింది.
ప్రియాంక తాళాల‌ను ద‌క్కించుకుని మాన‌స్‌ను విడుద‌ల చేసింది. ర‌వి, జెస్సీల‌ను నామినేట్ చేస్తున్న‌ట్లు మానస్ చెప్పాడు. మాన‌స్‌తో ర‌వి గొడ‌వ‌ప‌డ్డాడు. నామినేష‌న్స్ కోసం జెస్సీని జైలుకు పంపింది ప్రియాంక. జెస్సీని సిరి కాపాడ‌గా, మానస్, ప్రియాంక‌ల‌ను నామినేట్ చేశాడు జెస్సీ. మాన‌స్‌ను సిరి జైలుకు పంపింది.
కీస్ ద‌క్కించుకొని ష‌ణ్ణును బ‌య‌ట‌కు తెచ్చాడు జెస్సీ. ప్రియాంక, సిరిల‌ను నామినేట్ చేశాడు ష‌ణ్ణు. నామినేష‌న్స్ కోసం ప్రియాంక‌ను పంపాడు జెస్సీ. కాజ‌ల్‌ను శ్రీ‌రామ‌చంద్ర కాపాడాడు. ర‌వి, సిరిల‌ను నామినేట్ చేసింది కాజల్. సిరిని నామినేష‌న్స్ కోసం పంపాడు శ్రీ‌రామ‌చంద్ర. సిరి లేదా ష‌ణ్ణును కాపాడ‌మ‌ని కాజ‌ల్‌ను అడిగాడు శ్రీ‌రామ‌చంద్ర. ష‌ణ్ణును కాజల్ కాపాడింది. ర‌వి, శ్రీ‌రామ్‌ల‌ను ష‌ణ్ణు ఎంచుకున్నాడు. ర‌విని కాజల్ జైలుకు పంపింది. అలా ఈవారం ర‌వి, సిరి, స‌న్నీ, మానస్ నామినేష‌న్లు పొందారు.
కెప్టెన్ యానీకి స్పెష‌ల్ ప‌వ‌ర్ ఇచ్చి, ఒక‌రిని నామినేట్ చేయాల‌ని బిగ్ బాస్ అడిగాడు. ఆమె కాజ‌ల్‌ను నామినేట్ చేసింది.
