తెలుగు సినిమాల్లో మాస్ యాక్షన్ సన్నివేశాలకు ఎప్పుడూ ప్రత్యేకమైన క్రేజ్ ఉంటుంది. ముఖ్యంగా హీరో లేదా పవర్ఫుల్ పాత్ర శత్రువులపై విరుచుకుపడే తీరు, చెప్పే డైలాగులు ప్రేక్షకుల్లో మంచి ఉత్సాహాన్ని నింపుతాయి. ఇప్పుడు అలాంటి ఒక పవర్ఫుల్ యాక్షన్ ఎపిసోడ్ సినిమా ప్రియులను ఆకట్టుకుంటోంది. అడవి నేపథ్యంలో సాగే ఈ కథలో వీరభద్రుడు అనే పాత్ర చేసే హంగామా మామూలుగా ఉండదు. సుమారు రూ.20 లక్షల విలువైన సరుకుతో పాటు లారీలను పట్టుకున్న వ్యవహారం చుట్టూ ఈ సన్నివేశం సాగుతుంది. తన సామ్రాజ్యాన్ని ఎదిరించిన వారిని వదిలిపెట్టని వీరభద్రుడి తీరు ఈ ఎపిసోడ్లో ప్రత్యేక ఆకర్షణగా నిలుస్తుంది.
అడవిలో తనదే రాజ్యం అని భావించే వీరభద్రుడు.. ప్రభుత్వ అధికారులను సైతం లెక్కచేయడు. తనను ఎదిరించినవారికి ఎలాంటి శిక్ష వేస్తాడో అతని మాటల్లోనే తెలుస్తుంది. "ఈ అడవిలో మనం మరో రాజ్యం వేస్తున్నామంటే అది కేవలం మన డబ్బుతోనే కాదు, ప్రజలకు మన మీద ఉన్న భయం వల్ల కూడా" అనే డైలాగ్ అతని ఆధిపత్యాన్ని తెలియజేస్తుంది. తన సామ్రాజ్యాన్ని ప్రశ్నించినవారిని మాత్రమే కాకుండా, వారి కుటుంబ సభ్యులను కూడా వదిలిపెట్టననే విధంగా అతను మాట్లాడే తీరు ఆ పాత్రలోని క్రూరత్వాన్ని బయటపెడుతుంది.
ఇక డ్రైవర్ బాల్రామ్ చేసిన పనితో పాటు ఊరిలో చోటుచేసుకున్న పరిణామాలు వీరభద్రుడిని మరింత ఆగ్రహానికి గురిచేస్తాయి. ప్రతీకారంతో రగిలిపోయే అతను రంగంలోకి దిగడంతో పరిస్థితులు ఒక్కసారిగా మారిపోతాయి. కొత్తగా వచ్చిన అధికారిని బంధించి, చెట్ల మధ్య కట్టేసి మాట్లాడే సన్నివేశాలు ఉత్కంఠను పెంచుతాయి. "నీలాంటి వాళ్లందరికీ సవారి చెప్పే వీరభద్రుడు వీడు" అంటూ చెప్పే డైలాగ్ ఈ ఎపిసోడ్లో మరో హైలైట్గా నిలుస్తుంది. ఆ మాటలు చెప్పే తీరు, అతని హావభావాలు సన్నివేశానికి మరింత మాస్ అప్పీల్ తీసుకొచ్చాయి.
ఈ యాక్షన్ ఎపిసోడ్లో కేవలం ఫైట్లు మాత్రమే కాకుండా, పాత్రల మధ్య ఆధిపత్య పోరు, ప్రతీకారం, భయం వంటి భావోద్వేగాలు కూడా కనిపిస్తాయి. అడవి నేపథ్యం, అక్రమ రవాణా, ప్రభుత్వ అధికారులకు ఎదురయ్యే సవాళ్లు వంటి అంశాలు కథలో ఉత్కంఠను పెంచుతాయి. కొన్ని సన్నివేశాలు చూస్తుంటే ‘పుష్ప’ సినిమా గుర్తుకు రావడం సహజమే. విజువల్స్కు తగ్గట్టుగా బ్యాక్గ్రౌండ్ మ్యూజిక్ కూడా తోడవడంతో వీరభద్రుడి పాత్ర మరింత పవర్ఫుల్గా కనిపిస్తుంది. ఇలాంటి పవర్ఫుల్ యాక్షన్ వీడియోల కోసం మా Teluguone youtube channelను Subscribe చేసుకోండి.
[CaptainPrabhakar, SarathKumar, Vijaykanth, ActionScenes, Pushpa]





