తెలుగు కుటుంబ కథా చిత్రాలు, సీరియల్స్‌లో కుటుంబ సభ్యుల మధ్య జరిగే గొడవలు, మనస్పర్థలు, ఆస్తుల వివాదాలు ప్రేక్షకులను ఎప్పుడూ ఆకట్టుకుంటూనే ఉంటాయి. ముఖ్యంగా ఒకే ఇంట్లో ఉంటున్న అన్నదమ్ములు, వారి భార్యల మధ్య వచ్చే విభేదాలు కథను మరింత ఆసక్తికరంగా మారుస్తాయి. ఇప్పుడు ఇలాంటి కుటుంబ నేపథ్యంతో సాగుతున్న ఓ కథ సోషల్ మీడియాలో చర్చనీయాంశంగా మారింది. కాలేజీ ఫీజు కట్టడం కోసం తమ్ముడు తన అన్న జేబులో నుంచి రూ.600 తీసుకోవడంతో ఇంట్లో పెద్ద గొడవ మొదలవుతుంది. అడగకుండా డబ్బులు తీసుకోవడాన్ని దొంగతనంగా భావించే పెద్ద వదిన, చిన్నపిల్లాడని కూడా చూడకుండా అతడిపై ఆగ్రహం వ్యక్తం చేస్తుంది. దీంతో మొదలైన మనస్పర్థలు క్రమంగా ఇంట్లో వంటలు, బాధ్యతలు, ఇతర విషయాల వరకు పాకి కుటుంబంలో అశాంతిని పెంచుతాయి.

ఇక తోడికోడళ్ల మధ్య జరిగే ఆధిపత్య పోరు మరో స్థాయిలో ఉంటుంది. ఇంటి పెద్ద కోడలు తన పుట్టింటి నుంచి ఎలాంటి ఆస్తిపాస్తులు తీసుకురాలేదని, కనీసం చిరిగిన చీర కూడా తీసుకురాలేదని చిన్నచూపు చూస్తారు. చీరలు మార్చుకోవడం దగ్గర మొదలైన వివాదం కూడా పెద్ద గొడవకు దారితీస్తుంది. ముఖ్యంగా రూ.10 వేల విలువైన పట్టుచీరను అడగకుండా కట్టుకుని రావడంతో ఇద్దరి మధ్య మాటల యుద్ధం మొదలవుతుంది. 'ఇంకా నయం.. నీ భర్త నేను, నా భర్త నువ్వు మార్చుకుందాం అనలేదు' అంటూ ఒకరిపై మరొకరు విరుచుకుపడే మాటలు చూస్తే ఆ ఇంట్లో పరిస్థితి ఎంత దారుణంగా ఉందో అర్థమవుతుంది. అందరూ కలిసి సంతోషంగా ఉండాల్సిన ఉమ్మడి కుటుంబంలో చివరికి వంటలు కూడా వేరుచేసుకోవాల్సిన పరిస్థితి వస్తుంది. ముగ్గురు అన్నదమ్ములు ఒకే ఇంట్లో ఉంటే కాపురాలు సజావుగా సాగవని, ఎవరి దారి వారు చూసుకోవడమే మంచిదనే సలహాలు కుటుంబాన్ని విడిపోయే దిశగా నడిపిస్తాయి.

మరోవైపు భర్తతో గొడవలు పడలేక, ఇక కాపురం చేయలేనంటూ సూట్‌కేస్ సర్దుకుని పుట్టింటికి వెళ్లిన ఓ యువతికి అక్కడ ఊహించని అనుభవం ఎదురవుతుంది. కూతురు బాధను అర్థం చేసుకుని ఓదార్చాల్సిన తల్లి, అందుకు భిన్నంగా కఠినంగా మాట్లాడుతుంది. 'పెళ్లై తాళి కట్టే వరకే ఇది నీ ఇల్లు.. పెళ్లయ్యాక అత్తారిల్లే నీ సర్వస్వం' అంటూ మొహం మీదే చెప్పేస్తుంది. అంతేకాదు, కనీసం ఇంట్లోకి కూడా రానివ్వకుండా బయటే నిలబెట్టి ప్రశ్నిస్తుంది. ఇక తాను ఎక్కడికి వెళ్లాలని కూతురు ఆవేదనగా అడిగితే, 'చచ్చిపోవే' అంటూ తల్లి చెప్పే మాటలు గుండెల్ని పిండేస్తాయి. కష్టంలో ఉన్న కూతురికి తల్లే అండగా నిలవకపోవడం ఈ సన్నివేశాన్ని మరింత భావోద్వేగంగా మారుస్తుంది.

ఒకే ఇంట్లో కలిసి ఉంటున్న అన్నదమ్ముల మధ్య మొదలైన చిన్న చిన్న మనస్పర్థలు, తోడికోడళ్ల మధ్య పెరిగిన ఈగోలు, ఆస్తుల విషయంలో ఒకరినొకరు తక్కువగా చూడటం.. ఇలా ఒక్కో సమస్య చివరికి కుటుంబాన్ని ముక్కలు చేస్తుంది. సంతోషంగా సాగాల్సిన ఉమ్మడి కుటుంబంలో అహంకారాలు, అపార్థాలు చోటుచేసుకుంటే పరిస్థితులు ఎంత దూరం వెళ్తాయో ఈ కథలో చూపించారు. ముఖ్యంగా కూతురికి పుట్టింట్లోనే చోటు లేకుండా చేసే తల్లి మాటలు ప్రేక్షకులను ఆలోచింపజేస్తున్నాయి. చిన్న చిన్న గొడవల కోసం బంధాలను దూరం చేసుకోవడం సరైనదేనా? ఇలాంటి పరిస్థితుల్లో కుటుంబ సభ్యులు ఎలా వ్యవహరించాలి? అనే ప్రశ్నలు ఈ కథను చూసినవారిలో కలుగుతాయి. ఇలాంటి భావోద్వేగ భ‌రిత స‌న్నివేశాల కోసం మా Teluguone youtube channelను Subscribe చేసుకోండి. 

 

 

[Telugu Family Drama, Telugu Family Serial, Joint Family Disputes, Sisters in Law Fight, Telugu Emotional Scenes, Family Property Disputes, Telugu Serial Viral Scenes, Mother Daughter Emotional Scene, Telugu Family Stories]