ఈ యూట్యూబ్ వీడియో 'శ్రీ మంజునాథ' చిత్రంలోని అత్యంత ప్రజాదరణ పొందిన భక్తి గీతం "ఓం మహాప్రాణ దీపం". మెగాస్టార్ చిరంజీవి శివుడిగా, యాక్షన్ కింగ్ అర్జున్ భక్తుడిగా నటించిన ఈ ఐకానిక్ సాంగ్ ఒక 'బ్రీత్లెస్' క్లాసిక్. గాయకుడు శంకర్ మహదేవన్ అద్భుతమైన స్వరంతో, సంగీత దర్శకుడు హంసలేఖ క్లాసికల్ ట్యూన్స్తో ఈ పాటను శివభక్తులకు ఒక మధురమైన కానుకగా మార్చారు.
టాలీవుడ్ భక్తిరస చిత్రాల చరిత్రలో కొన్ని పాటలు ఎప్పటికీ నిలిచిపోతాయి. అందులోనూ పరమశివుని వైభవాన్ని చాటిచెప్పే పాట వస్తోందంటే చాలు.. థియేటర్లలోనే కాదు, యూట్యూబ్లోనూ పూనకాలు రావాల్సిందే. అలాంటి ఒక అద్భుతమైన దృశ్యకావ్యం మెగాస్టార్ చిరంజీవి, అర్జున్ కాంబినేషన్లో వచ్చిన 'శ్రీ మంజునాథ' చిత్రంలోని "ఓం మహాప్రాణ దీపం" సాంగ్.ఈ ఐకానిక్ డివోషనల్ సాంగ్ ప్రస్తుతం యూట్యూబ్లో వందల మిలియన్ల వ్యూస్తో ట్రెండ్ అవుతోంది. శివరాత్రి పర్వదినం వచ్చినా, లేదా ఏదైనా భక్తి వాతావరణం కనిపించినా ప్రతి ఇంట్లోనూ, గుడిలోనూ ఈ పాట మార్మోగాల్సిందే. కేవలం భక్తులనే కాకుండా సంగీత ప్రియులను కూడా ఈ సాంగ్ విపరీతంగా ఆకట్టుకుంటోంది. ఇప్పటికే ఈ పాటను 13 కోట్ల మంది చూశారు.
ఈ పాట ఇంత పెద్ద హిట్ అవ్వడానికి ప్రధాన కారణం సింగర్ శంకర్ మహదేవన్ అద్భుతమైన గాత్రం. ఎక్కడా బ్రేక్ తీసుకోకుండా, ఒకే ఊపిరితో సుదీర్ఘమైన సంస్కృత శ్లోకాలను, శివ స్తోత్రాలను ఆయన ఆలపించిన తీరు ఇప్పటికీ శ్రోతలను రోమాంచితం చేస్తుంది. హంసలేఖ అందించిన క్లాసికల్ అండ్ పవర్ఫుల్ మ్యూజిక్ ఈ పాటకు ప్రాణం పోసింది.పాట విజువల్స్ విషయానికి వస్తే, మెగాస్టార్ చిరంజీవి శివుడి గెటప్లో చూపించిన రౌద్రం, ఆ గంభీరత్వం మెగా ఫ్యాన్స్కు ఇప్పటికీ గూస్బంప్స్ తెప్పిస్తాయి. మరోవైపు పరమశివుని పరమభక్తుడైన మంజునాథుడిగా యాక్షన్ కింగ్ అర్జున్ పండించిన భక్తిభావం, నటన సినిమాకే హైలైట్గా నిలిచాయి. దర్శకేంద్రుడు కె. రాఘవేంద్రరావు ఈ పాటను వెండితెరపై ఆవిష్కరించిన తీరు అద్భుతం.
సోషల్ మీడియాలో ఈ వీడియో కింద వస్తున్న కామెంట్లు చూస్తే ఈ పాటకున్న క్రేజ్ ఏంటో అర్థమవుతుంది. "ఈ పాట వింటుంటే ఒళ్ళు పులకరిస్తుంది", "శంకర్ మహదేవన్ గారి గొంతులో సాక్షాత్తు ఆ శివుడే పలికాడు" అంటూ నెటిజన్లు కామెంట్ల వర్షం కురిపిస్తున్నారు. ఎన్ని కొత్త భక్తి పాటలు వచ్చినా 'మహాప్రాణ దీపం' రేంజ్ వేరని అభిమానులు గర్వంగా చెప్పుకుంటున్నారు. ఇలాంటి భక్తిరస పాటల కోసం మా Teluguone youtube channelను Subscribe చేసుకోండి.
