తెలుగు సినిమా ఇండస్ట్రీలో ఎవర్ గ్రీన్ కామెడీ సీన్స్‌కు ఎప్పుడూ క్రేజ్ తగ్గదు. ముఖ్యంగా కింగ్ బ్రహ్మానందం, హాస్య నటి శ్రీలక్ష్మి కాంబినేషన్‌లో వచ్చే సీన్లు థియేటర్లలో నవ్వుల పూయించేవి. తాజాగా సోషల్ మీడియాలో ట్రెండ్ అవుతున్న ఒక పాత కామెడీ వీడియో చూస్తే ఎవరైనా సరే పొట్ట చెక్కలయ్యేలా నవ్వాల్సిందే.

ఈ సీన్‌లో భర్తకు (బ్రహ్మానందం) తన స్నేహితుడు రమణబాబు సినిమా ఫ్రీ పాసులు ఇచ్చాడని, అర్జంటుగా రెడీ అవ్వమని భార్యను (శ్రీలక్ష్మి) అడుగుతాడు. పెళ్లయి ఆరేళ్లు అయినా ఇప్పటివరకు కేవలం భక్తి సినిమాలకే వెళ్లామని, ఈసారైనా ఒక సోషల్ సినిమాకు వెళ్దామని భార్యను బతిమాలుతాడు. మొదట రానని మారాం చేసిన భార్య, చివరకు ఒక వింత కండిషన్ మీద సినిమాకు రావడానికి ఒప్పుకుంటుంది. 

సినిమాకు రావాలంటే తనకు నగలు, పట్టుచీరలు వద్దని.. ఒక వ్రతం కోసం "ఆవు పేడ" కావాలని భార్య కోరుతుంది. అదీ రోడ్డు మీద పడింది కాకుండా, ఆవు వేస్తుండగా కింద పడకుండా డైరెక్ట్‌గా బుట్టలో పట్టుకురావాలని కండిషన్ పెడుతుంది. తాను చనిపోయాక యమలోకంలో చీకటిగా ఉంటే, ఈ పేడతో చేసే దీపారాధన తనకు దారి చూపిస్తుందని ఆమె నమ్మకం. భార్య అమాయకత్వానికి, ఆ వింత లాజిక్‌కు భర్త తలపట్టుకుంటాడు.

భార్య మాట కాదనలేక, ఆఫీసు మర్యాద కోసం చివరకు భర్త రోడ్డు మీదకు వెళ్లి ఆవు పేడ కోసం బుట్ట పట్టుకుని నుంచోవాల్సి వస్తుంది. సరిగ్గా అదే సమయానికి అక్కడికి వచ్చిన స్నేహితుడు రాంబాబు.. బ్రహ్మానందం పడుతున్న తిప్పలు చూసి తెగ నవ్వుకుంటారు. భార్యల సెంటిమెంట్లు, వారి వింత కోరికల ముందు భర్తలు ఎలా లొంగిపోతారో ఈ సీన్‌లో చాలా ఫన్నీగా చూపించారు.

ఆవు పేడ వేసే టైమ్ కోసం బుట్టతో బ్రహ్మానందం కనిపెట్టుకుని ఉండే సీన్, ఆ సమయంలో నటుల మధ్య వచ్చే డైలాగులు అల్టిమేట్ అనిపిస్తాయి. ఈ పాత తరం కామెడీ సీన్ ఇప్పటికీ ప్రేక్షకులను విపరీతంగా అలరిస్తోంది. "ఇలాంటి ప్యూర్ కామెడీ సీన్లు ఇప్పట్లో రావడం లేదు" అంటూ నెటిజన్లు కామెంట్లు పెడుతున్నారు. యూట్యూబ్‌లో ఈ వీడియో భలే వ్యూస్ సాధిస్తూ దూసుకుపోతోంది. ఇలాంటి ఫ‌న్నీ వీడియోల కోసం మా Teluguone youtube channelను Subscribe చేసుకోండి.