విక్టరీ వెంకటేష్, త్రివిక్రమ్ శ్రీనివాస్ కాంబినేషన్లో రూపుదిద్దుకుంటున్న ఫ్యామిలీ ఎంటర్టైనర్ 'ఆదర్శ కుటుంబం'. ఈ సినిమా నుంచి విడుదలైన ఫస్ట్ సింగల్ "నారాయణమ్మ" ఎనర్జిటిక్ మాస్ డ్యాన్స్ నంబర్ గా సోషల్ మీడియాలో వైరల్ అవుతోంది.
ఈ పాట సమగ్ర విశ్లేషణ మీకోసం:
పాట సాహిత్యం:
ప్రముఖ గీత రచయిత రామజోగయ్య శాస్త్రి ఈ పాటకు జానపద యాస, మాస్ హంగులు దట్టించిన వినోదాత్మక సాహిత్యాన్ని అందించారు.
పల్లవి:
ఏమని చెప్పను ఎన్నని చెప్పను తస్సలదీయా
నా తింగరి మొగుడి తిక్కల చేష్టలు ఒకటా వెయ్యా
పుణ్యం కొద్దీ పురుషుడని అంటారు గానీ
నా కర్మ కాలి ఇట్టాంటోడికి పెళ్లామై పోయా
భావం:
భార్య తన తింగరి భర్త ప్రవర్తన వల్ల పడే చిక్కులను, ఆయన వింత చేష్టలను నలుగురి ముందూ ప్రస్తావిస్తూ ఆవేదన చెందుతోంది. పుణ్యం కొద్దీ పురుషుడని అంటారు అంటుంటారు. కానీ, నా కర్మ కాలి ఇలాంటి వాడికి భార్యను అయ్యానని బాధపడుతోంది.
చరణం 1:
రాజనాల బియ్యమొండి బొమ్మిడాల పులుసు పేడితే
రాగిముద్దలడుగుతాడే… నారాయణమ్మ
యాటకూర లేదని సొణుగుతాడే… నారాయణమ్మ
భావం:
'రాజనాల బియ్యం' అనేది అత్యంత శ్రేష్ఠమైన, సువాసనగల నాణ్యమైన బియ్యం. అలాగే గోదావరి ప్రాంతంలో 'బొమ్మిడాల చేపల పులుసు' ఎంతో రుచికరమైనదిగా, ప్రత్యేకమైన వంటకంగా భావిస్తారు. భార్య ఎంతో ఆప్యాయంగా అంతటి ఘుమఘుమలాడే గొప్ప వంటకాన్ని వండి వడ్డిస్తే..ఆ భర్త మాత్రం ఆ గొప్ప వంటకాన్ని మెచ్చుకోకుండా, దానికి పూర్తి భిన్నంగా రాగిముద్ద కావాలని అడుగుతాడు. అంతేకాకుండా మేక మాంసం వండలేదని సొణుగుతుంటాడు.
చరణం 2:
సంకురాత్రి అల్లుడని మా ఇంటోళ్లు స్కూటరిత్తే
బుర్రు బుర్రు గుంటూరువొయ్యి.. నారాయణమ్మ
ఆ రంగమణితొ కులుకుతాడే.. నారాయణమ్మ
భావం:
తెలుగువారి సాంప్రదాయం ప్రకారం సంక్రాంతి పండుగకు ఇంటికి వచ్చిన కొత్త అల్లుడికి అత్తమామలు ఎంతో మురిపెంగా, గౌరవంగా బహుమతులు ఇస్తుంటారు. అలా భార్య వాళ్లింటివారు అల్లుడి హోదాను గౌరవించి ఒక స్కూటర్ బహుమతిగా ఇస్తే.. ఆ స్కూటర్ వేసుకుని భార్యను బయటకు తిప్పాల్సింది పోయి, 'బుర్రు బుర్రు' మంటూ వేగంగా గుంటూరు వైపు దూసుకెళ్లి, రంగమన్ని (మరొకరితో) అనే ఆమెతో ఊరేగుతున్నాడని భార్య ఆవేదన వ్యక్తం చేస్తోంది.
నటీనటుల హావభావాలు & విజువల్స్
వెంకటేష్ స్క్రీన్ ప్రజెన్స్, ఆయన ముఖంలో కనిపించే ఈజ్, ఉత్సాహభరితమైన డ్యాన్స్ మూమెంట్స్ అభిమానులను కట్టిపడేస్తాయి. ఈ పాటలో ప్రత్యేక ఆకర్షణగా డింపుల్ హయాతి తన వైబ్రెంట్ గ్లామర్, గ్రేస్ఫుల్ స్టెప్పులతో అలరించారు. ఆమెతో పాటు హీరోయిన్లు శ్రీనిధి శెట్టి, నివేదా పేతురాజ్ కూడ తోడై పండుగ సంబరంలా ఈ పాటను తెరపై కళ్లకట్టారు.
గానం: ఈ పాటను ప్రభ మరియు రామ్ మిరియాల అలవోకగా, ఎంతో ఎనర్జిటిక్గా ఆలపించారు. రామ్ మిరియాల గాత్రంలోని విలక్షణమైన ఫోక్ నాటుతనం, ప్రభ వోకల్స్ ఈ పాటకు ప్రధాన బలంగా నిలిచాయి.
సంగీతం: థమన్ ఎస్ తమ మార్క్ మాస్ బీట్స్, హుషారైన రిథమ్లతో అద్భుతమైన స్వరకల్పన చేశారు. వినగానే కాళ్ళు కదపాలి అనిపించేలా ఎనర్జిటిక్ మ్యూజిక్ ను అందించారు.
[Narayanamma Song Lyrics Telugu, Aadarsha Kutumbam First Song, Narayanamma Song Aadarsha Kutumbam, Telugu Songs 2026, Victory Venkatesh, Trivikram Srinivas, Dimple Hayati Song, Srinidhi Shetty, Nivetha Pethuraj]
