తెలుగు చలనచిత్ర పరిశ్రమలో హాస్యానికి ఒక ప్రత్యేకమైన అధ్యాయం ఉంది. వెండితెరపై కేవలం తమ ముఖ కవళికలతో, విలక్షణమైన డైలాగ్ డెలివరీతో ప్రేక్షకులను కడుపుబ్బా నవ్వించిన మహానటుల్లో దివంగత నటులు ఏవీఎస్, వేణుమాధవ్ అగ్రగణ్యులు. వడ్డే నవీన్ కథానాయకుడిగా నటించిన ‘చెప్పాలని ఉంది’ చిత్రంలోని వీరిద్దరి కాంబినేషన్ కామెడీ సీన్స్ ఇప్పటికీ తెలుగు ప్రేక్షకులను విపరీతంగా అలరిస్తూనే ఉన్నాయి. తెలుగువన్ (TeluguOne) యూట్యూబ్ ఛానల్ లోనే వీరిద్దరి బెస్ట్ కామెడీ క్లిప్ సోషల్ మీడియాలో విపరీతంగా ట్రెండ్ అవుతోంది.
ఈ సినిమాలో ఒక సైకియాట్రిస్ట్ పాత్రలో ఏవీఎస్ తనదైన హాస్యభరితమైన నటనను ప్రదర్శించారు. తన దగ్గరకు వచ్చిన వడ్డే నవీన్, వేణుమాధవ్ లకు.. తన భార్యను పరిచయం చేస్తాడు ఏవీఎస్. 32 ఏళ్ళ భార్యను 16 ఏళ్ల వయసులోకి తీసుకెళ్తాను అంటూ తన దగ్గరున్న ఎక్విప్ మెంట్ తో ఫ్లాష్ బ్యాక్ లోకి తీసుకెళ్తాడు.
భార్య తన 16 ఏళ్ల ప్రాయంలో జరిగిన ట్రయాంగిల్ లవ్ స్టోరీని.. ప్రకాష్, చిన్నా అనే ఇద్దరు ప్రియులతో నడిపిన వ్యవహారాన్ని మొత్తం తనకు తెలియకుండానే చెప్పేస్తుంది. "ఫస్ట్ నైట్ రోజు ఇదే ఫస్ట్ టైం అని చెప్పావ్ కదే" అనే ఏవీఎస్ అనగా.. ఇలాంటి విషయాలు ఎవరైనా మొగుడికి చెప్తారా అంటూ భార్య బాంబు పేలుస్తుంది. అంతేకాదు, ఇప్పటికి కూడా గుడికి వెళ్ళొస్తాను అంటూ అబద్దం చెప్పి, నా ప్రియులను కలుస్తాను అంటూ చెబుతుంది. ఈ రోజు కూడా గుడికి వెళ్తున్నానని చెప్పి, రెండో బాయ్ఫ్రెండ్ దగ్గరకు వెళ్తున్నాను అంటూ అసలు సీక్రెట్ బయటపెడుతుంది. ఆ దెబ్బకు ఏవీఎస్ ఏడుపు స్టార్ట్ చేస్తాడు. ఇంకోసారి గుడికి పంపించేది లేదంటూ తెగేసి చెప్తాడు.
పాత తరం హాస్యానికి ఇప్పటికీ డిజిటల్ ప్లాట్ఫారమ్లలో ఎంతటి క్రేజ్ ఉందో ఈ వీడియోకు వస్తున్న రెస్పాన్స్ చూస్తే అర్థమవుతుంది.
Cheppalani Undi, Comedy Scenes, Venu Madhav, AVS Comedy, Vadde Naveen
