ఐకాన్ స్టార్ అల్లు అర్జున్ టాలీవుడ్లో సరికొత్త సంచలనాలకు తెరలేపుతున్నారు. ప్రస్తుతం టాలీవుడ్ ఫిల్మ్ సర్కిల్స్లో అల్లు అర్జున్ నెక్స్ట్ ప్రాజెక్టుల గురించిన ఒక ఆసక్తికరమైన చర్చ నడుస్తోంది. అల్లు అర్జున్ తన రాబోయే మూడు భారీ చిత్రాల కోసం తెలుగు దర్శకులను కాకుండా, పూర్తిగా పరభాషా దర్శకులను లైన్ లో పెట్టడం పరిశ్రమలో హాట్ టాపిక్గా మారింది. పుష్ప సినిమాతో నేషనల్ వైడ్ గా మార్కెట్ ని సొంతం చేసుకున్న అల్లు అర్జున్, తన మార్కెట్ రేంజ్ కు తగ్గట్టుగా గ్లోబల్ లెవెల్ ప్లాన్ వేస్తున్నారా? లేక ఇది ఒక పెద్ద రిస్క్ కాబోతోందా? అనే కోణంలో ట్రేడ్ విశ్లేషకులు రకరకాల డిబేట్లు చేస్తున్నారు.
అల్లు అర్జున్ కెరియర్లో 'జులాయి' నుంచి మొదలుపెట్టి 'అల వైకుంఠపురములో' వరకు వరుసగా బ్లాక్బస్టర్ హిట్స్ ఇచ్చిన త్రివిక్రమ్ శ్రీనివాస్ లాంటి సక్సెస్ ఫుల్ తెలుగు దర్శకుడిని కాదని, అల్లు అర్జున్ ఎందుకు తమిళ, మలయాళ దర్శకుల వైపు మొగ్గు చూపుతున్నారనే కన్ఫ్యూజన్ చాలా మందిలో ఉంది. అయితే దీనికి గల ప్రధాన కారణం అల్లు అర్జున్ మార్కెట్ రేంజ్ పూర్తిగా మారిపోవడమే. ప్రస్తుతం అల్లు అర్జున్ పాన్ ఇండియా రేంజ్ దాటి గ్లోబల్ మార్కెట్ అన్వేషణలో ఉన్నారు. ఈ క్రమంలో తమిళ స్టార్ డైరెక్టర్ అట్లీతో ఒక భారీ ప్రాజెక్ట్ 'రాకా' చేస్తున్నారు. ఆ వెంటనే మరో కోలీవుడ్ స్టార్ డైరెక్టర్ లోకేష్ కనకరాజుతో ఒక క్రేజీ సినిమా లైన్ లో ఉంది. అంతేకాకుండా, మలయాళ ఇండస్ట్రీకి చెందిన దర్శకుడు బాసిల్ జోసెఫ్ తో కూడా అల్లు అర్జున్ సినిమా చేయనున్నట్లు టాక్.
గత చరిత్రను పరిశీలిస్తే, తమిళ దర్శకులు తెలుగు అగ్ర హీరోలతో చేసిన సినిమాలు చాలా వరకు కమర్షియల్ గా వర్కవుట్ కాలేదనే ఒక బలమైన సెంటిమెంట్ టాలీవుడ్ లో ఉంది. గతంలో భారతీరాజ గారు కృష్ణతో చేసిన 'జమదగ్ని', చిరంజీవితో చేసిన 'ఆరాధన' ఆశించిన విజయం సాధించలేదు. అలాగే కే. బాలచందర్ చిరంజీవితో చేసిన 'రుద్రవీణ' క్లాసిక్ గా నిలిచినా బాక్సాఫీస్ వద్ద ఆడలేదు. మహేష్ బాబుతో ఏఆర్ మురుగదాస్ తీసిన 'స్పైడర్', రామ్ చరణ్ తో శంకర్ తీసిన 'గేమ్ చేంజర్' చిత్రాలు కూడా ఇదే సెంటిమెంట్ ను నిజం చేస్తూ ఆశించిన స్థాయిలో పర్ఫార్మ్ చేయలేకపోయాయి. దీంతో తమిళ దర్శకులు తెలుగు హీరోలకు కలిసిరారు అనే టాక్ మళ్లీ తెరపైకి వచ్చింది.
కానీ ప్రస్తుత తరం సినిమా ఎల్లలు దాటిపోయింది. అల్లు అర్జున్ ఇప్పుడు కేవలం ఒక ప్రాంతీయ తెలుగు హీరో కాదు, ఆయన కంటెంట్ తో నడిచే గ్లోబల్ స్టార్. గతంలో ఎన్టీఆర్, ఏఎన్నార్ టైములో హిట్స్ ఇచ్చిన తమిళ దర్శకులు ఉన్నారు. ఒక సినిమా ఫెయిల్యూర్ కి దర్శకుడి ప్రాంతం కారణం కాదు.. కేవలం సబ్జెక్ట్ డిజైనింగ్ లోని లోపాలు, గందరగోళమే కారణం. అల్లు అర్జున్ కేవలం తన ఇమేజ్ నమ్ముకుని కాకుండా, పక్కా కాంక్రీట్ స్క్రిప్ట్, విజువల్ ఎఫెక్ట్స్ (VFX) క్వాలిటీతో పరభాషా దర్శకులతో ఈ సెంటిమెంట్ ను బ్రేక్ చేయడానికి రెడీ అవుతున్నారు. తన పాన్ ఇండియా మార్కెట్ ను స్థిరపరుచుకోవడానికి ఆయన చేస్తున్న ఈ సరికొత్త ప్రయోగం టాలీవుడ్ భవిష్యత్తును మార్చబోతోంది.
Allu Arjun, Raaka Movie, Atlee, Lokesh Kanagaraj, Basil Joseph
