వార్ 2 రికార్డు కలెక్షన్స్.. ట్రెండ్ మారుతుందా!
on Aug 16, 2025
మాన్ ఆఫ్ మాసెస్ ఎన్టీఆర్(Ntr),స్టార్ హీరో హృతిక్ రోషన్(Hrithik Roshan)కలిసి సిల్వర్ స్క్రీన్ పై మ్యాజిక్ చేసిన మూవీ 'వార్ 2'(War 2). 2019 లో విడుదలైన 'వార్' కి సీక్వెల్ గా తెరకెక్కిన వార్ 2 , వార్ ని మించి విజయాన్ని అందుకుందని చిత్ర బృందం తమ ఆనందాన్ని వ్యక్తం చేస్తుంది. ఎన్టీఆర్, హృతిక్, కియారా అద్వానీ(Kiara Advani)ల హైఎనర్జీ పెర్ఫార్మెన్స్, అయాన్ ముఖర్జీ(Ayan Mukerji)దర్శకత్వ ప్రతిభ, యష్ రాజ్(Yash Raj)నిర్మాణపు విలువల్లోని భారీ తనం 'వార్ 2 ' ని అభిమానులతో పాటు అన్ని వర్గాల ప్రేక్షకులు మెప్పు పొందేలా చేస్తుందని ట్రేడ్ వర్గాలు అంటున్నాయి.
వరల్డ్ వైడ్ గా 'వార్ 2 ' మొదటి రోజు సాధించిన కలెక్షన్స్ ని చూసుకుంటే హిందీలో 30 కోట్ల రూపాయలు, రెండు తెలుగు రాష్ట్రాల్లో 25 కోట్లు, కర్ణాటక, తమిళనాడు, కేరళ, రెస్టాఫ్ ఇండియా కలుపుకొని 5 కోట్లు, ఓవర్సీస్లో 25 కోట్లు, ఇలా వరల్డ్ వైడ్గా ఫస్ట్ డే 85 కోట్ల రూపాయల గ్రాస్ కలెక్షన్స్ వసూలు చేసినట్టుగా వార్తలు వస్తున్నాయి. రెండవరోజు చూసుకుంటే హిందీలో 25 కోట్లు, తెలుగు రాష్ట్రాల్లో 20 కోట్లు, తమిళనాడు, కేరళ, కర్ణాటక, రెస్టాఫ్ ఇండియా 5 కోట్లు ఓవర్సీస్లో 15 కోట్లు చొప్పున, వరల్డ్ వైడ్గా 70 కోట్ల రూపాయల గ్రాస్ కలెక్షన్స్ వచ్చాయని తెలుస్తుంది. దీంతో టోటల్ గా రెండు రోజుల్లో 155 కోట్ల రూపాయల గ్రాస్ కలెక్షన్స్ రాబట్టినట్టుగా సినీ సర్కిల్స్ లో టాక్.
మౌత్ టాక్ పరంగా తొలి రోజు కొంచం మిక్స్డ్ టాక్ నడిచినప్పటకి 'వార్ 2 ' బాగుందనే ప్రేక్షకుల సంఖ్య రోజు రోజుకి పెరుగుతుంది. రోజు రోజుకి కలెక్షన్స్ పెరుగుతుండటమే ఇందుకు నిదర్శనం. ఎన్టీఆర్ మానియాతో తెలుగులో వార్ 2 మరిన్ని రికార్డు కలెక్షన్స్ సాధిస్తుందని అభిమానులు నమ్ముతున్నారు. సుమారు 400 కోట్ల రూపాయల బడ్జెట్ తో వార్ 2 తెరకెక్కింది.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
