'సింహాద్రి' రీరిలీజ్ ఈవెంట్.. చీఫ్ గెస్ట్ గా ఆ హీరో!
on May 16, 2023
రీరిలీజ్ ట్రెండ్ ని మరోస్థాయికి తీసుకెళ్తున్నారు జూనియర్ ఎన్టీఆర్ ఫ్యాన్స్. 2003 లో విడుదలై ఇండస్ట్రీ హిట్ గా నిలిచిన 'సింహాద్రి' సినిమాని 20 ఏళ్ళ తర్వాత రీరిలీజ్ చేస్తున్నారు. ఎన్టీఆర్ పుట్టినరోజు కానుకగా మే 20న ఈ చిత్రం భారీస్థాయిలో విడుదల కానుంది. అడ్వాన్స్ బుకింగ్స్ కి అదిరిపోయే రెస్పాన్స్ వస్తోంది. మీడియం రేంజ్ హీరో కొత్త సినిమా స్థాయిలో టికెట్స్ బుక్ అవుతున్నాయి. కేవలం అడ్వాన్స్ బుకింగ్స్ తోనే రీరిలీజ్ సినిమాల పరంగా పలు చోట్ల సరికొత్త రికార్డులు సృష్టిస్తోంది. ఇక ఈ రీరిలీజ్ తో ఎన్టీఆర్ ఫ్యాన్స్ ఓ కొత్త ట్రెండ్ కి కూడా శ్రీకారం చుట్టారు.
కొత్త సినిమాల విడుదలకు ముందు ప్రీ రిలీజ్ ఈవెంట్స్ నిర్వహించడం కామన్. అయితే రీరిలీజ్ సినిమాకి ప్రీరిలీజ్ ఈవెంట్ నిర్వహించడం అనే సరి కొత్త ట్రెండ్ సింహాద్రి తో మొదలవుతోంది. రేపు(మే 17) సింహాద్రి రీరిలీజ్ ఈవెంట్ నిర్వహించనున్నారు. హైదరాబాద్ లోని జేఆర్సీ కన్వెన్షన్ లో సాయంత్రం 6 గంటల నుంచి జరగనున్న ఈ వేడుకకు చీఫ్ గెస్ట్ గా యంగ్ హీరో విశ్వక్ సేన్ హాజరుకానున్నాడు. ఎన్టీఆర్ కి విశ్వక్ ఎంతటి వీరాభిమానో తెలిసిందే. పలు వేదికలపై తన అభిమానాన్ని చాటుకున్నాడు. అంతేకాదు విశ్వక్ కోసం 'దాస్ కా ధమ్కీ' ప్రీరిలీజ్ ఈవెంట్ కి ఎన్టీఆర్ చీఫ్ గెస్ట్ గా కూడా హాజరయ్యాడు. అయితే ఇప్పుడు ఎన్టీఆర్ మూవీ రీరిలీజ్ అవుతుంటే.. ఆ వేడుకకు విశ్వక్ గెస్ట్ గా హాజరవవుతూ తన అభిమానాన్ని మరోసారి చాటుకుండటం విశేషం. మొత్తానికి 'సింహాద్రి' రీరిలీజ్ తో ఎన్టీఆర్ ఫ్యాన్స్ సంచలనం సృష్టించేలా ఉన్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
