చిత్ర పరిశ్రమలో నటీనటులు కేవలం షూటింగుల్లో పాల్గొనడమే కాకుండా, సినిమాను ప్రేక్షకుల ముందుకు తీసుకెళ్లడంలో పబ్లిసిటీ ఎంత కీలకమో ప్రత్యేకంగా చెప్పక్కర్లేదు. చిన్న సినిమాలకు స్టార్ కాస్టింగ్ ప్రమోషన్స్ మరిన్ని అంచనాలను పెంచుతాయి. అయితే, తాజాగా టాలీవుడ్ వర్గాల్లో ఒక ఆసక్తికరమైన వివాదం చెలరేగింది. సీనియర్ నటి వరలక్ష్మి శరత్ కుమార్ తీరుపై ఓ టాలీవుడ్ దర్శకుడు బహిరంగంగానే తీవ్ర అసంతృప్తి వ్యక్తం చేయడం హాట్ టాపిక్గా మారింది.
హారర్, యాక్షన్ థ్రిల్లర్ కథాంశంతో తెరకెక్కిన లేటెస్ట్ మూవీ ‘పోలీస్ కంప్లైంట్’. ఈ సినిమాలో వరలక్ష్మి శరత్ కుమార్, నవీన్ చంద్ర, రాగిణి ద్వివేది ప్రధాన పాత్రల్లో నటించారు. జూన్ 12న ఈ సినిమా గ్రాండ్ రిలీజ్కు రెడీ అవుతోంది. ఈ క్రమంలో హైదరాబాద్లో నిర్వహించిన చిత్ర ప్రమోషన్స్ ప్రెస్ మీట్లో దర్శకుడు సంజీవ్ మేగోటి, వరలక్ష్మిని ఉద్దేశిస్తూ సంచలన వ్యాఖ్యలు చేశారు. మెయిన్ లీడ్ పోషించిన ఆమె సినిమా పబ్లిసిటీకి అస్సలు సహకరించడం లేదని ఆయన ఆరోపించారు.
హీరోయిన్ వరలక్ష్మి శరత్ కుమార్ షూటింగ్ వరకు ఎలాంటి ఇబ్బంది లేకుండా పూర్తి చేస్తారని, కానీ ప్రమోషన్ల విషయానికి వస్తే మాత్రం అస్సలు స్పందించడం లేదని దర్శకుడు సంజీవ్ మండిపడ్డారు. అదే సమయంలో రెమ్యునరేషన్ విషయంలో మాత్రం ఆమె మేనేజర్ కరెక్ట్ టైమ్కి ఫోన్ చేసి నిర్మాతల నుంచి డబ్బు వసూలు చేస్తారని, కానీ సినిమాను ప్రమోట్ చేయమంటే ముఖం చాటేస్తున్నారని డైరెక్టర్ ఓపెన్గా అసహనం వ్యక్తం చేశారు.
ఈ సందర్భంగా ఆయన ఇండస్ట్రీలోని మరికొంత మంది సీనియర్లను ఉదాహరణగా చూపించారు. ‘పెద్ది’ సినిమా కోసం రామ్ చరణ్ లాంటి గ్లోబల్ స్టార్స్ సైతం పబ్లిసిటీలో దూసుకుపోతున్నారని, 94 ఏళ్ల వయసులో కూడా దిగ్గజ దర్శకుడు సింగీతం శ్రీనివాసరావు తన కొత్త ప్రాజెక్ట్ కోసం ప్రెస్ మీట్లకు వస్తున్నారని గుర్తు చేశారు. అంతటి వారే ప్రమోషన్స్ చేస్తుంటే, వరలక్ష్మి లాంటి స్టార్ నటి తమ లాంటి చిన్న సినిమాలకు సపోర్ట్ ఇవ్వకపోవడం ఎంతవరకు కరెక్ట్ అని సంజీవ్ ప్రశ్నించారు.
గతంలో స్టార్ హీరోయిన్ నయనతారపై కూడా ఇలాంటి విమర్శలు వచ్చాయి. అయితే నయన్ సినిమా ప్రమోషన్లకు రానని ముందే అగ్రిమెంట్లో రాసుకుంటుంది. మరి వరలక్ష్మి శరత్ కుమార్ కూడా అలాగే కండిషన్లు పెట్టిందా.. లేక షూటింగ్ అయిపోయాక మేకర్స్కి హ్యాండ్ ఇచ్చిందా అనేది ఇప్పుడు టాలీవుడ్లో పెద్ద చర్చకు దారితీసింది. ఈ ఇష్యూపై ఫిలిం నగర్ సర్కిల్స్లో విభిన్న రకాల గుసగుసలు వినిపిస్తున్నాయి. ఈ కామెంట్స్పై వరలక్ష్మి శరత్ కుమార్ టీమ్ ఎలా స్పందిస్తుందో చూడాలి.
