నన్నెందుకు టార్గెట్ చేస్తున్నారు.. ప్రియదర్శి ఆవేదన.. అసలేం జరిగింది?
on Oct 15, 2025
సోషల్ మీడియా అనేది కొందరికి వరంగా మారితే.. మరికొందరికి శాపంలా తయారైంది. ముఖ్యంగా కొందరు సెలబ్రిటీలకు తలనొప్పిగా మారింది. పొరపాటుగా ఏ చిన్న కామెంట్ చేసినా నెటిజన్లు వదిలిపెట్టడం లేదు. ట్రోలింగ్తో ఆ సెలబ్రిటీని ఏకి పారేస్తున్నారు. అలాంటి ట్రోలింగ్కి గురవుతున్నాడు యంగ్ హీరో ప్రియదర్శి. అయితే ఏమాత్రం సంబంధం లేకపోయినా తనను టార్గెట్ చేస్తున్నారని, నెగెటివ్ కామెంట్స్ పెడుతున్నారని ఆవేదన వ్యక్తం చేస్తున్నాడు. ప్రియదర్శి నటించిన ‘మిత్రమండలి’ చిత్రానికి సంబంధించిన ట్రైలర్ ఇటీవల విడుదలైంది. ఆడియన్స్ నుంచి మంచి రెస్పాన్స్ వచ్చింది. ప్రియదర్శి నుంచి మరో మంచి సినిమా రాబోతోందని అందరూ కామెంట్ చేశారు.
అదే సమయంలో ప్రియదర్శిని టార్గెట్ చేస్తూ చాలా నెగెటివ్ కామెంట్స్ వచ్చాయి. అలాంటి 300 కామెంట్స్ రావడం అందర్నీ ఆశ్చర్యానికి గురి చేసింది. దీని గురించి అడిగినపుడు ప్రియదర్శి ఏమన్నాడంటే.. ‘నామీద నెగెటివ్ కామెంట్స్ రావడం నాక్కూడా ఆశ్చర్యాన్ని కలిగించింది. ఇంతకు ముందెప్పుడూ ఇలా జరగలేదు. ఒకేసారి 300 కామెంట్స్ రావడంతో నిజంగానే నేను షాక్ అయ్యాను. ఆ కామెంట్స్ కూడా ఒకే ఐపి అడ్రస్ నుంచి రావడం మరింత ఆశ్చర్యంగా అనిపించింది. ఇది ఎవరు చేస్తున్నారో నాకు అర్థం కావడం లేదు. ఈ కామెంట్స్ గురించి తెలిసినపుడు ఎలా స్పందించాలి అనేది కూడా నాకు తెలియలేదు. అయితే ఇప్పటికే ఈ కామెంట్స్ గురించి సైబర్ క్రైంలో కంప్లయింట్ చేశాను. నేనేదైనా తప్పు చేస్తే నన్ను విమర్శించండి. అంతేకానీ, ఇలా కావాలని టార్గెట్ చేసి కామెంట్స్ పెట్టించడం మాత్రం చాలా తప్పు. ఇలా వాళ్లు ఎందుకు చేస్తున్నారో త్వరలోనే తెలుస్తుంది’ అన్నారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
