ఓటీటీలో అత్యంత ప్రజాదరణ పొందిన భారతీయ చిత్రం 'ఆర్ఆర్ఆర్'
on Jun 24, 2022
రామ్చరణ్, జూనియర్ ఎన్టీఆర్ హీరోలుగా యస్.యస్. రాజమౌళి రూపొందించిన 'ఆర్ఆర్ఆర్' సినిమా ఫ్యాన్స్ నుంచి హాలీవుడ్ సెలబ్రిటీస్ వరకు అందర్నీ మెప్పించింది. పీరియడ్ యాక్షన్ డ్రామాగా తయారైన ఈ సినిమా ప్రస్తుతం నెట్ఫ్లిక్స్లో స్ట్రీమింగ్ అవుతూ, ఓటీటీ ప్లాట్ఫామ్పై అత్యంత పాపులర్ ఇండియన్ ఫిల్మ్గా రికార్డులకెక్కింది. బాక్సాఫీస్ దగ్గర కూడా ఈ మూవీ ప్రపంచవ్యాప్తంగా రూ. 1100 కోట్లను వసూలు చేసింది. ఈ సినిమా తెలుగు, తమిళ, కన్నడ, మలయాళం, హిందీ భాషల్లో ఈ ఏడాది మార్చి 25న విడుదలైంది.
ప్రస్తుతం 'ఆర్ఆర్ఆర్' హిందీ వెర్షన్ నెట్ఫ్లిక్స్లో స్ట్రీమింగ్ అవుతోంది. నెట్ఫ్లిక్స్ ఇండియా అధికారిక ట్విట్టర్ హ్యాండిల్, నెట్ఫ్లిక్స్లో అత్యంత ప్రజాదరణ పొందిన భారతీయ చిత్రంగా 'ఆర్ఆర్ఆర్' నిలిచిందని తెలిపింది. గ్లోబల్గా ఈ మూవీని ఇంత దాకా 45 మిలియన్ గంటల సేపు వీక్షించారు. "RRR is now the most popular Indian film on Netflix around the world. Sending the biggest to fans everywhere! (sic)." అని ఆ సంస్థ ట్వీట్ చేసింది.
తమ వాళ్ల స్వేచ్ఛా స్వాతంత్ర్యాల కోసం పోరు సల్పిన అల్లూరి సీతారామరాజు, కొమరం భీమ్ పాత్రలతో కల్పిత సన్నివేశాలను సృష్టించిన రాజమౌళి తీసిన ఈ సినిమాలో ఆ పాత్రలను రామ్చరణ్, జూనియర్ ఎన్టీఆర్ పోషించగా, అలియా భట్, ఒలీవియా మోరిస్, అజయ్ దేవ్గణ్, రే స్టీవెన్సన్, అలీసన్ డూడీ, సముద్రకని కీలక పాత్రలు చేశారు. కీరవాణి సంగీతం సమకూర్చగా, సెంథిల్ కుమార్ సినిమాటోగ్రాఫర్గా వర్క్ చేశారు.
Latest News
Video-Gossips
TeluguOne Service
Customer Service
Live Help 24/7Customer Care
Send your Queries to
