Home

»

Latest News

వెంకటేష్, మహేష్ బాబు హీరోలుగా సినిమా

Jun 8, 2011 4:06PM

వెంకటేష్, మహేష్ బాబు హీరోలుగా సినిమా ప్రారంభం అయ్యే అవకాశాలున్నాయని ఫిలిం నగర్ వర్గాలంటున్నాయి. వివరాల్లోకి వెళితే శ్రీవెంకటేశ్వర క్రియేషన్స్ పతాకంపై, విక్టరీ వెంకటేష్, పవర్ స్టార్ పవన్ కళ్యాణ్ హీరోలుగా, "కొత్తబంగారులోకం" ఫేం శ్రీకాంత్ అడ్డాల దర్శకత్వంలో దిల్ రాజు ఒక సినిమా తీయాలనుకున్నారు. ఆ సినిమాకి "సీతమ్మ వాకిట్లో సిరిమల్లెచెట్టు" అన్న పేరుని కూడా నిర్ణయించినట్లు అప్పట్లో బాగా వినపడింది.

 

కానీ ప్రస్తుతం పవర్ స్టార్ పవన్ కళ్యాణ్ తను నటిస్తున్న "దిషాడో" , కమిట్ అయిన "గబ్బర్ సింగ్" సినిమాలతో చాలా బిజీగా ఉండటంతో ఆయన ఈ సినిమాలో నటించట్లేదని తెలిసింది. దాంతో ఈ చిత్ర దర్శకుడు శ్రీకాంత్ అడ్డాల ఈ చిత్ర కథను ప్రిన్స్ మహేష్ బాబుకి చెప్పాడట. ఆ కథ విన్న మహేష్ బాబు కూడా సానుకూలంగానే స్పందించినట్లు సమాచారం. అన్నీ సరిగ్గా జరిగితే వెంకటేష్, మహేష్ బాబు ఇద్దరూ కలసి నటించే సినిమాని ప్రేక్షకులు చూసే అవకాశం అతి తోందర్లోనే ఉంది.

google-ad-img

Customer Service

For support : teluguone.teluguone@gmail.com | For Queries : support@teluguone.com