Home

»

Latest News

ప్రభాస్ పెళ్లిపై 'నగ్నం' బ్యూటీ షాకింగ్ కామెంట్స్

Apr 6, 2022 4:15PM

టాలీవుడ్ లో మోస్ట్ ఎలిజిబుల్ బ్యాచ్ లర్ అంటే టక్కున గుర్తొచ్చే పేరు రెబల్ స్టార్ ప్రభాస్. అప్పుడెప్పుడో 'బాహుబలి'కి ముందు ప్రభాస్ పెళ్లి అన్నారు. బాహుబలి-1 వచ్చింది, బాహుబలి-2 వచ్చింది. ఆ తర్వాత నాలుగైదు ఏళ్లు గడిచిపోయాయి. అయినా ప్రభాస్ పెళ్లి గురించి క్లారిటీ లేదు. అయితే తాజాగా ప్రభాస్ పెళ్లి గురించి రామ్ గోపాల్ వర్మ హీరోయిన్ ఆసక్తికర వ్యాఖ్యలు చేసింది.

పలు సినిమాలకు కాస్ట్యూమ్‌ డిజైనర్‌గా వర్క్ చేసిన శ్రీరాపాక ఆర్జీవీ తెరకెక్కించిన 'నగ్నం' మూవీలో హీరోయిన్ గా నటించి గుర్తింపు తెచ్చుకుంది. అలాగే ఇటీవల బిగ్ బాస్ ఓటీటీలోనూ సందడి చేసింది. హౌస్ లో అడుగుపెట్టిన రెండు వారాలకే ఎలిమినేట్ అయిన ఈ భామ.. ఆ తర్వాత వరుస ఇంటర్వ్యూలతో సందడి చేస్తోంది. తాజాగా ఓ ఇంటర్వ్యూలో తన పెళ్లిని ప్రభాస్ పెళ్ళితో ముడి పెడుతూ ఆమె చేసిన వ్యాఖ్యలు వైరల్ అవుతున్నాయి.

ప్రభాస్‌ మొదటి మూవీ 'ఈశ్వర్‌' అంటే చాలా ఇష్టమని, అప్పటి నుంచి ప్రభాస్‌ అంటే క్రష్‌ అని శ్రీరాపాక చెప్పింది. మరి ప్రభాస్ ను పెళ్లి చేసుకుంటారా? అని అడగ్గా.. అంతకంటే అదృష్టమా! ప్రభాస్ ను పెళ్లి చేసుకుని ఒక్కరోజు జీవించినా చాలు అంటూ షాకింగ్‌ కామెంట్స్‌ చేసింది. అయితే అది ఎలాగు జరగదు కాబట్టి ప్రభాస్‌ పెళ్లి చేసుకునేంత వరకు వెయిట్‌ చేస్తానని, ఆయన పెళ్లి తర్వాతే తాను పెళ్లి పీటలు ఎక్కుతానని శ్రీరాపాక చెప్పుకొచ్చింది. ఒకవేళ ప్రభాస్‌ పెళ్లి చేసుకోకపోతే.. తాను కూడా ఎప్పటికీ చేసుకోనని సంచలన వ్యాఖ్యలు చేసింది.

google-ad-img

Customer Service

For support : teluguone.teluguone@gmail.com | For Queries : support@teluguone.com