పవన్ సర్దార్ పై ఉన్న అంచనాలు ట్రైలర్ రిలీజ్ ముందు వరకూ ఒకలా ఉంటే, రిలీజ్ తర్వాత మరోలా మారిపోయాయి. పవన్ ఫ్యాన్స్ అంతా భారీ అంచనాలతో, ఆడియో ఫంక్షన్ కోసం, ట్రైలర్ కోసం ఎదురుచూశారు. కానీ ట్రైలర్ చూసిన తర్వాత మాత్రం, ఫ్యాన్స్ కూడా పవన్ రేంజ్ ట్రైలర్ కాదని పెదవి విరిచేశారు. దాంతో సర్దార్ టీంతో కలిసి పవన్ తన ఫ్యాన్స్ ను మరో గిఫ్ట్ ఇచ్చి శాటిస్ ఫై చేయడానికి రెడీ అయ్యాడు. సినిమాలోని బెస్ట్ సీన్స్, బెస్ట్ డైలాగ్స్ కలుపుకుని సరికొత్త ట్రైలర్ ను రేపు రిలీజ్ చేయాలని ప్లాన్ చేశారు మూవీ టీం. అందుకు పవన్ కూడా ఒప్పుకోవడమే కాక, ఈ ట్రైలర్ అద్భుతంగా ఉండాలని ఆర్డర్ పాస్ చేశారట. ఇప్పటికే ట్రైలర్ కటింగ్ అయిపోయి, తుది మెరుగులు దిద్దుతున్నారని సమాచారం. రేపు రిలీజయ్యే సినిమాల కంటే, పవన్ కొత్త ట్రైలర్ ఎలా ఉంటుందో అన్నదానిపైనే ఇప్పుడు పవన్ ఫ్యాన్స్ చూపులున్నాయి. ఈ ట్రైలర్ తోనైనా, తాము కాలర్ ఎగరేసుకోవచ్చనేది వాళ్ల ఆశ. మరి పవన్ వాటిని ఎంత వరకూ నెరవేరుస్తాడో తెలియాలంటే రేపటి వరకూ ఆగాల్సిందే..