చిన్నారిని నడిపించిన సమంత
on Aug 26, 2016
సమంత...అందం, అభినయంతో పాటు కోట్లలో ఒకరికి మాత్రమే ఉండే మంచి మనసు ఆమె సొంతం. ఒకవైపు సినిమాలు చేస్తూనే సామాజిక సేవా కార్యక్రమాల్లో పాల్గొంటూ తన మానవత్వాన్ని చాటుకుంటోంది. ఆర్థిక స్తోమత లేక వైద్యానికి దూరమవుతున్న పిల్లల కోసం కొన్నేళ్ల క్రితం ప్రత్యూష ఫౌండేషన్స్ స్థాపించిన సమంత ఇప్పటికే ఎంతోమంది పిల్లలకు వైద్య సాయం అందించి వారి జీవితాల్లో వెలుగులు నింపింది. తాజాగా ప్రమాదంలో తన ఎడమ కాలు కోల్పోయిన భవాని అనే చిన్నారికి ఉచితంగా వైద్య సహాయం అందించి కృత్రిమ కాలును ఏర్పాటు చేయించింది. భవాని పరిస్థితి తెలుసుకుని స్వయంగా సమంత ఆసుపత్రికి వచ్చి సాయం అందించారని చిన్నారి తల్లిదండ్రులు తెలిపారు. భవానిని మామూలు మనిషిని చేసిన సమంతకు వారు కృతజ్ఞతలు తెలియజేశారు.