టాలీవుడ్ స్టార్ బ్యూటీ సమంత (Samantha) ప్రస్తుతం తన తాజా చిత్రం 'మా ఇంటి బంగారం' (Maa Inti Bangaaram) ఘనవిజయంతో ఫుల్ జోష్లో ఉన్నారు. బాక్సాఫీస్ వద్ద ఈ సినిమా సాధిస్తున్న కలెక్షన్లు, ప్రేక్షకుల నుంచి వస్తున్న ఆదరణతో చిత్రయూనిట్ సక్సెస్ మీట్ను ఘనంగా నిర్వహించింది. ఈ వేడుకలో సమంత మాట్లాడిన మాటలు, ఆమె పంచుకున్న ఒక కీలకమైన వార్త ఇప్పుడు సోషల్ మీడియాలో విపరీతంగా వైరల్ అవుతోంది. తన కెరీర్, వ్యక్తిగత జీవితంపై సామ్ చేసిన వ్యాఖ్యలు ఇండస్ట్రీ వర్గాల్లో హాట్ టాపిక్గా మారాయి.
ఈ సక్సెస్ మీట్ వేదికగా సమంత తన అభిమానులకు ఒక బిగ్ సర్ప్రైజ్ ఇచ్చారు. త్వరలోనే తాను ఒక చిన్న బ్రేక్ తీసుకోబోతున్నట్లు అధికారికంగా ప్రకటించారు. "నేను త్వరలోనే మెటర్నిటీ లీవ్ (మాతృత్వ సెలవులు) తీసుకోబోతున్నాను. అయితే ఇంతటి ఘనవిజయంతో, సంతోషంగా ఈ విరామం తీసుకోవడం నాకు ఎంతో ఆనందాన్ని ఇస్తోంది. మళ్లీ ఒక చిన్న గ్యాప్ తర్వాత మీ ముందుకు వస్తాను" అంటూ సమంత క్లారిటీ ఇచ్చారు. దీంతో ఆమె ప్రెగ్నెన్సీ వార్తలు నిజమేనని తేలిపోవడంతో ఫ్యాన్స్ ఆమెకు పెద్ద ఎత్తున శుభాకాంక్షలు తెలియజేస్తున్నారు.
ఇక సినిమా విజయంపై స్పందిస్తూ సమంత కొన్ని ఆసక్తికరమైన విషయాలను పంచుకున్నారు. "మొదట్లో ఈ సినిమా థియేటర్లలో టికెట్లు తెగుతాయో లేదో అని చాలా భయపడ్డాను. ఎందుకంటే ఇది పూర్తిగా కంటెంట్ నమ్ముకుని, ఒక కంట్రోల్డ్ బడ్జెట్లో తీసిన లేడీ ఓరియెంటెడ్ సినిమా. కానీ డైరెక్టర్ రాజ్ నిడిమోరు స్క్రిప్ట్ను కమర్షియల్ ఎలిమెంట్స్తో అద్భుతంగా డిజైన్ చేశారు. మేం అనుకున్న బడ్జెట్ను ప్రీ-రిలీజ్ బిజినెస్ ద్వారానే రికవరీ చేసుకోగలిగాం. ఇప్పుడు థియేటర్లలో వస్తున్న కలెక్షన్లు అన్నీ మాకు దక్కిన భారీ బోనస్" అని సామ్ సంతోషం వ్యక్తం చేశారు.
ఒక నటిగా ఎప్పుడూ ఒకే రకమైన కమర్షియల్ సినిమాల్లో ఇరుక్కుపోకూడదని, కెరీర్లో ఎదుగుదల ఉండాలంటే భారీ రిస్కులు తీసుకోవడం తప్పనిసరి అని సమంత పేర్కొన్నారు. తన కెరీర్లో ఎన్నో ఎత్తుపల్లాలు చూశానని, తనను పూర్తిగా మర్చిపోయి ట్రోల్ చేసిన రోజులు కూడా ఉన్నాయని గుర్తుచేసుకున్నారు. కానీ ప్రతికూల పరిస్థితుల్లో వెనక్కి తగ్గకుండా పోరాడటమే తనకు తెలుసని, అందుకే 'మా ఇంటి బంగారం' లాంటి సవాలుతో కూడిన పాత్రను ఎంచుకుని విజయం సాధించానని చెప్పారు.
ఈ వేడుకలో రిలేషన్షిప్స్ గురించి కూడా సమంత కీలక వ్యాఖ్యలు చేశారు. "ముఖ్యంగా మహిళలకు నేను ఒక విషయం చెప్పాలనుకుంటున్నాను. జీవితంలో సంబంధాలు చాలా క్లిష్టమైనవి, అవి ఎప్పుడూ మన నియంత్రణలో ఉండవు. ఒక బంధం నిలబడాలంటే ఇద్దరి భాగస్వామ్యం అవసరం. మీ జీవితాన్ని సంపూర్ణం చేయడానికి మరొకరి కోసం వెతకకండి. మొదట మీపై మీకు ఆత్మవిశ్వాసం ఉండాలి, మిమ్మల్ని మీరు పూర్తిగా నమ్మాలి" అని సామ్ హితవు పలికారు.
సెక్సెస్ మీట్ ఇంటర్వ్యూలో అభిమానులు ఆమెను 'లేడీ సూపర్ స్టార్' అని పిలుస్తుండటంపై స్పందిస్తూ.. తనకు ఎలాంటి ట్యాగ్లు వద్దని, కేవలం 'సమంత'గా పిలిస్తేనే చాలని చెప్పారు. మహిళల ప్రాతినిధ్యాన్ని తెరపై సరిగ్గా చూపించే సినిమాలను ఎంచుకోవడమే తన బాధ్యతని, ఇకపై కూడా ఇలాంటి విభిన్నమైన జోనర్లను వదిలిపెట్టనని స్పష్టం చేశారు. సమంత మాతృత్వపు అడుగుల్లోకి ప్రవేశిస్తున్న తరుణంలో ఆమెకు చిత్ర పరిశ్రమతో పాటు నెటిజన్లు సైతం శుభాకాంక్షలు వెల్లువలా కురిపిస్తున్నారు.
