Home

»

Latest News

సల్మాన్ ఖాన్ ను చంపేస్తామంటూ బెదిరింపు

Feb 23, 2016 10:50AM

బాలీవుడ్ సూపర్ స్టార్ సల్మాన్ ఖాన్ ను చంపేస్తామంటూ అజ్ఞాత వ్యక్తి ఫోన్ చేసి బెదిరించిన విషయం, ఆలస్యంగా వెలుగులోకి వచ్చింది. ఫిబ్రవరి 16న ముంబై పోలీస్ కంట్రోల్ రూం కి ఒక ఫోన్ కాల్ వచ్చింది. త్వరలోనే సల్మాన్ ను చంపేయబోతున్నామంటూ, ఒక అజ్ఞాత వ్యక్తి హెచ్చరించాడు. మొదట దీన్ని ఆకతాయి పనిగా అనుకున్న పోలీసులు, తర్వాత సీరియస్ అయి దర్యాప్తు మొదలెట్టారు.

కాల్ ట్రేస్ చేస్తే, ముంబైలోని మెరైన్ డ్రైవ్ లో ఉన్న ఒక పబ్లిక్ ఫోన్ నుంచి ఫోన్ వచ్చిందని కనిపెట్టారు. ఫోన్ చేసిన ఆ వ్యక్తి ఎవరన్నది మాత్రం ఖచ్చితంగా తేలలేదు. ఇదే విషయమై పోలీసులు సల్మాన్ ను ప్రశ్నించగా, తనకెలాంటి ఫోన్లూ రాలేదని తెలిపాడు. ఎవరో తాగిన మైకంలో ఫోన్ చేసి ఉండచ్చని పోలీసులు అనుమానిస్తున్నారు. ఎట్టి పరిస్థితుల్లోనూ ఫోన్ చేసిన వ్యక్తిని పట్టుకుని తీరతామంటున్నారు ముంబై పోలీసులు. సల్మాన్ ప్రస్తుతం సుల్తాన్ షూటింగ్ లో బిజీగా ఉన్నాడు. ఈ సినిమాలో సల్మాన్ రెజ్లర్ గా కనిపించనుండటం విశేషం.

 

google-ad-img

Customer Service

For support : teluguone.teluguone@gmail.com | For Queries : support@teluguone.com