విజయ్ కూతురు సూసైడ్.. వైరల్ అవుతున్న సాయిపల్లవి ట్వీట్

on Sep 20, 2023

ప్రముఖ సంగీత దర్శకుడు, కథానాయకుడు విజయ్ ఆంటోనికి పుత్రికావియోగం కలిగిన సంగతి తెలిసిందే. నిన్న (సెప్టెంబర్ 19) ఉదయం విజయ్ కూతురు మీరా (16) ఆత్మహత్య చేసుకున్న ఘటన ఇండస్ట్రీలో కలకలం రేపింది. కాగా, ఈ రోజు (బుధవారం) మీరా మృతిపై స్టార్ హీరోయిన్ సాయిపల్లవి స్పందించారు.

"మీరా ఆత్మహత్య హృదయవిదారకం. ఆమె కుటుంబం పొందుతున్న బాధ వర్ణనాతీతం. విజయ్ (ఆంటోని) సార్, కుటుంబానికి నా హృదయపూర్వక సంతాపం తెలియజేస్తున్నాను. మీకు అపార బలం కలిగించమని ఆ దేవుణ్ణి ప్రార్థిస్తున్నాను. మీరా ఆత్మకి శాంతి కలుగుగాక" అంటూ సాయిపల్లవి ట్వీట్ చేశారు. ప్రస్తుతం ఈ ట్వీట్ సోషల్ మీడియాలో వైరల్ అవుతోంది.