రీమిక్స్ కింగ్.. సాయి ధరమ్ తేజ్..!
on Apr 15, 2016
వచ్చి రెండేళ్లు కాలేదు అప్పుడే యమ స్పీడుగా దూసుకెళ్తున్నాడు మెగా హీరో సాయిధరమ్ తేజ్. ఇప్పటి వరకు మూడు సినిమాలు చేసిన సాయి.. పర్ఫామెన్స్, డ్యాన్స్లతో మెగా ఇమేజ్ని నిలబెడుతున్నాడు. నేటి తరం హీరోల్లో సాంగ్స్ రీమిక్స్ చేయాలంటే సాయి ధరమ్ తర్వాతే. రేయ్, సుబ్రమణ్యం ఫర్ సేల్ సినిమాల్లో మెగాస్టార్ అలనాటి హిట్ సాంగ్స్ని రీమిక్స్ చేసి డ్యాన్స్ల్లో తన స్టామినా చూపించాడు. దీంతో సక్సెస్లు కూడా పరిగెత్తుకుని వస్తున్నాయి. తాజాగా తను నటించిన సుప్రీమ్లోనూ మరోసారి చిరంజీవి యముడికి మొగుడు సినిమాలోని అందం హిందోళం సాంగ్ను రీమిక్స్ చేశాడు. కొత్త స్టెప్పులు ట్రై చేసి మావయ్య పేరు చెడగొట్టకుండా చిరు ఏ స్టెప్పులైతే వేశాడో మళ్లీ సేమ్ టూ సేమ్ దించేశాడు సాయి. మొత్తానికి మన సుప్రీం చిరంజీవినే వాడతాడో లేక పవన్ను కూడా ఫ్యూచర్లో ట్రై చేస్తాడామో వేచి చూడాలి.