వర్మ వీరప్పన్ సినిమాను రెండోసారి తీశాడు..!
on Apr 12, 2016
వర్మ తన వీరప్పన్ సినిమాను మళ్లీ రిలీజ్ చేయబోతున్నాడు. తెలుగు కన్నడ భాషల్లో రిలీజ్ చేసిన వీరప్పన్ సినిమాను ఈసారి బాలీవుడ్ ప్రేక్షకులకు పరిచయం చేస్తున్నాడు రామ్ గోపాల్ వర్మ. మన దగ్గర కిల్లింగ్ వీరప్పన్ పేరుతో రిలీజైన సినిమాలో వీరప్పన్ ను పట్టుకోవడానికి మూడు రాష్ట్రాల పోలీసులు ఎంత కష్టపడ్డారు, వీరప్పన్ ను ఎలా అంతమొందించారు అనేది తీశాడు. కానీ హిందీలో మాత్రం ఇంకా చాలా యాడ్ చేసి, అతని బయోపిక్ ను తీశాడట వర్మ గారు. సినిమాలో నటించిన టీం అంతా కిల్లింగ్ వీరప్పన్ నటులే కానీ, ఈ సినిమా దక్షిణాదిలో రిలీజ్ చేసిన సినిమాకంటే చాలా భిన్నంగా ఉండబోతోందట. టైటిల్ ను కూడా వీరప్పన్ అని పెట్టి, నో విలన్ లైక్ హిమ్ ఎవర్ ఎగ్జిస్టెడ్ (అతని లాంటి విలన్ ఎప్పుడూ లేడు) అని ట్యాగ్ లైన్ పెట్టారు. మే 27 న బాలీవుడ్ ను వీరప్పన్ పలకరించబోతున్నాడు. అదే రోజున అనురాగ్ కశ్యప్ రామన్ రాఘవ్ రిలీజవుతోంది. మే ద బెస్ట్ విలన్ విన్ (ఇద్దరిలో బెస్ట్ విలన్ గెలవాలి) అని ట్వీట్ చేశాడు వర్మ. సౌత్ లో మంచి రివ్యూలు సాధించిన వీరప్పన్ ను బాలీవుడ్ ప్రేక్షకులు ఎలా రిసీవ్ చేసుకోబోతున్నారో చూడాలి.