Home

»

Latest News

రజనీకాంత్ బాగున్నారు

May 16, 2011 4:06PM

రజనీకాంత్ బాగున్నారు అని ఆయన కుటుంబ సభ్యులు మీడియాకు తెలియజేశారు. వివరాల్లోకి వెళితే ఆ మధ్య విచిత్రంగా రజనీ కాంత్ హీరోగా, కె.యస్.రవికుమార్ దర్శకత్వంలో నిర్మించబడుతున్న "రాణా" చిత్రం ప్రారంభోత్సవం నాడే రజనీకాంత్ అనారోగ్యనికి లోనయ్యారు. ఆయన్ని మైలాపూర్ లో ఉన్న ఇసబిల్లా హాస్పిటల్లో చేర్చారు. చేరిన మరుసటి రోజే రజనీ కాంత్ హాస్పిటల్ నుండి డిశ్చార్జ్ అయ్యారు. ఆ తర్వాత మళ్ళీ ఆయన అనారోగ్యంపాలు కావటంతో ఆయన్ని అదే హాస్పిటల్లో చేర్చారు. రెండురోజుల తర్వాత ఆయన్ని హాస్పిటల్‍ నుండి డిశ్చార్జి చేశారు.

అనంతరం ఆయనకు ఊపిరి తిత్తులలో ఇన్ ఫెక్షన్ రావటంతో, శ్వాస తీసుకోవటానికి ఇబ్బంది పడుతూండటం వల్ల ఆయన్ని ఈసారి రామచంద్ర హాస్పిటల్లో జాయిన్ చేశారు. రజనీ కాంత్ ఇన్నిసార్లు హాస్పిటల్లో చేరటం వల్ల కొన్ని రూమర్లు కూడా వ్యాపించాయి. కొందరైతే ఏకంగా రజనీ కాంత్ చనిపోయారని కూడా రూమర్ ని వ్యాపింప జేయటంతో, రజనీ కాంత్ కుటుంబ సభ్యులు "రజనీ కాంత్ ఆరోగ్యంగానే ఉన్నారు. ఆయనకేం కాలేదని "వివరణ ఇస్తూ మీడియా ముందుకు రావలసి వచ్చింది. రజనీ కాంత్ భార్య లత, ఆయన కుమార్తెలు ఐశ్వర్య, సౌందర్య, పెద్దల్లుడు ప్రముఖ తమిళ యువ హీరో అయిన ధనుష్ కలసి రజని కాంత్ ఆరోగ్యం గురించి మీడియాకు వివరణ ఇచ్చారు.

google-ad-img

Customer Service

For support : teluguone.teluguone@gmail.com | For Queries : support@teluguone.com